A MÚSICA NA ESCOLA INFANTIL

Transcrição

1 A MÚSICA NA ESCOLA INFANTIL

2 INTRODUCIÓN Finalidade A música é unha forma de linguaxe na que a función expresiva é unha das súas manifestacións fundamentais. Edgar Wilems di que a música favorece o impulso da vida interior e apela ás principais facultades humanas: vontade, sensibilidade, amor, intelixencia, imaxinación creadora. As nenas e nenos gozan coa música, permítelles experimentar emocións, sentimentos, é unha linguaxe que lles permite comunicarse co seu interior e entre elas e eles. A canción é un dos medios máis representativos para introducir á nena e ao neno no mundo da música, xa que a través dela póñense en xogo elementos necesarios como o ritmo, a entonación, a melodía e o silencio. A finalidade do proxecto é axudar no desenvolvemento integral da nena e do neno. A educación musical está intimamente relacionada coa educación sensorial, motriz e corporal, espacio-temporal, atención, memoria, afectividade, expresión corporal, educación do gusto e da estética,..; por todo isto é tan importante a globalización nesta etapa educativa. A música axúdalles a lograr autonomía nas súas actividades habituais (ao moverse dun lado ao outro, a manipular obxectos sonoros, ampliar o seu mundo de relacións, favorece un clima de axuda, colaboración, aceptación e respecto pola diversidade.

3 2. OBXECTIVOS Gozar coa música, escoitándoa e producíndoa. Introducir ritmos musicais como anticipación a propostas de actividades. Musicalizar a comunicación verbal cos nenos e nenas. 3. NECESIDADES DETECTADAS En relación aos recursos materiais: Radios. Pen Drive. Selección de música variada. Instrumentos (solicitarase a colaboración do instituto San Paio). En relación aos recursos humanos: Profesionais da escola. Familias. Outros axentes do contorno; estudantes de maxisterio ou do ciclo, persoal de prácticas, alumn@s do instituto, persoas maiores do centro cívico, profesionais do conservatorio, ORGANIZACIÓN ESPAZOS En todas as aulas, en usos múltiples, no patio.

4 AGRUPAMENTOS As sesións de música en directo serán planificadas en grupos pequenos, de xeito que as nenas e nenos poidan interactuar e tocar ao final da sesión os instrumentos. TEMPOS Diarios. Segundo organicen as titoras en cada aula. Semanais. En actividades programadas. Puntuais. Tendo en conta a proposta das persoas que participan da actividade. RECURSOS HUMANOS As persoas responsables da dinamización e xestión do proxecto de música para este curso escolar son: Lidia María Gallas Otero María González Misa Entre outras, as súas funcións serán as seguintes: Dinamizar o proxecto. Promover a colaboración de axentes externos. Facer seguimento e avaliación do proxecto. MATERIAIS Para a selección dos recursos musicais teranse en conta os seguintes criterios:.- variedade.- calidade

5 ACTIVIDADES Tendo en conta os obxectivos deseñados para este curso escolar , a proposta de actividades estará aberta ás achegas do resto da comunidade educativa, e son as seguintes: De cara ás crianzas 1. Escoitar música variada. 2. Escoitar música en directo (sesións instrumentais). 3. Acompañar os cambios de actividade con ritmos corporais (binario, para ir ao comedor; ternario, para ir a usos múltiples; e cuaternario, para ir ao patio). 4. Sesións de instrumentos en directo nas aulas das nenas e nenos (colaboración do conservatorio, centro cívico c@s cantareir@s,...) 5. Tocar, manipular e experimentar cos instrumentos reais (vento e percusión). De cara ás familias 1. Obradoiro de instrumentos musicais no Nadal (cascabeis, caixas percutoras e guitarras). 2. Sesións de instrumentos en directo nas aulas das nenas e nenos (colaboración do conservatorio, centro cívico c@s cantareir@s,...) 3. Mércores musicalizados. Actividades musicais destinadas ás nenas e nenos por parte dos profesionais (ritmos, melodías, xogos,...). De cara aos profesionais 1. Mércores musicalizados. Actividades musicais destinadas ás nenas e nenos por parte dos profesionais (ritmos, melodías, xogos,...). 2. Obradoiros de elaboración de instrumentos musicais. 3. Colaboración con diferentes axentes do contorno para enriquecer o proxecto (instituto, centro cívico, conservatorio, familias...)

6 É moi importante lograr unha organización dos espazos que permita todo isto, que haxa unha boa relación de vida entre as nenas e nenos e os espazos, que dean lugar a interaccións ricas e diversas cos demais. Que sexa un entorno afectivamente seguro e á medida das máis pequenas e pequenos. 5. AVALIACIÓN As actividades responden ás necesidades de nenas e nenos e adultos? A selección musical é a axeitada para as crianzas? Permítese que as crianzas sexan as responsables de elixir a música que lles apetece? Teñen acceso as crianzas aos instrumentos? Poden manipulalos? Gozan nenas e nenos, nais e pais e profesionais das propostas musicais? Estes criterios serán avaliados cada dous meses polos profesionais da escola para ter en conta as necesidades e propostas de mellora. Terase en conta (cuestionario de avaliación ao final do curso) a valoración das familias do proxecto de música. 6. BIBLIOGRAFÍA Silencios en la clase de música. Aula de Infantil Núm 42. Marzo-Abril Sonido, silencio, ruido: conocerlos, medirlos, controlarlos. Aula de Infantil Núm. 4. Julio-Agosto 2008.