Segundo a Organización das Nacións Unidas para a Alimentación e a Agricultura (FAO), desperdíciase un terzo da comida que se produce, o que supón 1.300 millóns de toneladas ao ano; unha cifra arrepiante, especialmente nestes momentos de crise económica da que non escapan nin os países máis desenvolvidos. E máis arrepiante resulta aínda se temos en
conta que millóns de persoas en todo o mundo pasan fame. Resulta evidente que aproveitar os alimentos é unha obriga para os nosos petos, pero tamén o é desde unha dimensión moral e ambiental, xa que o dispendio de comida ocasiona graves danos sobre os recursos naturais dos que facemos uso para nutrirnos e, polo tanto, sobrevivir. A Comisión Europea daba a voz de alarma: malgastamos 89 millóns de toneladas de alimentos ao ano (en torno a 179 quilos per cápita) e, de seguir esta tendencia, a previsión é que no horizonte do 2020 esta cifra se incremente nun 40%, chegando aos 126 millóns de toneladas
Actuar como consumidores responsables. Pero, como? Con estes sinxelos consellos, cos que poderemos reducir as cantidades de alimentos que arroxamos ao cubo do lixo, aforrar custos e, por suposto, protexer o noso contorno.
1 2 Planifica a compra Ten en conta o número de persoas que residen no fogar, idades, costumes, menú da semana, dietas específicas, etc. É dicir, todos aqueles condicionantes que poidan influír sobre as cantidades e características dos artigos a adquirir. Revisa a túa despensa Mantena en orde e ten na mesma produtos básicos que poidan actuar de comodín en calquera momento. Este xesto sérveche, ademais, para comprobar o estado de conservación dos alimentos, datas de caducidade, de consumo preferente, etc.
3 Listaxe da compra Elabora unha lista detallada dos produtos necesarios e procura non saírte dela, pois, do contrario, esqueceraste do necesario e adquirirás o superfluo. Sabías que ir ao supermercado co estómago baleiro impúlsanos a comprar máis do que precisamos? 4 Sen présas Fai a compra de forma ordenada, secuenciada e con calma, deixando para o final os produtos frescos e conxelados co obxecto de preservar a cadea de frío. E, unha vez realizada, lévaa para casa canto antes.
5 Ollo coas ofertas e promocións De verdade axústanse ás túas necesidades e ritmo de consumo? Podes acabar comprando moito máis do que precisas 6 Compara prezos e calidades E ten en conta o prezo por quilo máis que o prezo por unidade. Ademais, os produtos a granel adoitan ser máis económicos e respectuosos co medio ambiente, xa que non utilizan envases.
7 8 Le o contido das etiquetas E comproba as características dos produtos e a súa idoneidade. Nas mesmas debe figurar información como a denominación, ingredientes, cantidades, etc. Non é o mesmo consumo preferente que data de caducidade No caso de data de consumo preferente, unha vez transcorrida esta, aínda que os produtos poden perder propiedades (aroma, textura e outras características), o certo é que non supoñen ningún risco para a saúde. Agora ben, tendo en conta que a data de caducidade aparece en artigos que se deterioran con maior rapidez, se se consumen despois da mesma, si poderían afectar á saúde.
10 O frigorífico sempre a punto 9 A despensa e a neveira, na súa xusta medida Non as satures, pois, pola contra, corres o risco de que determinados produtos escapen á túa vista e acaben ocultos. Consúmeos por orde de antigüidade e dá prioridade a aqueles con menor tempo de caducidade. Vixía o seu bo funcionamento. A súa temperatura debe estar entre 1 grao e 5 graos centígrados, e a do conxelador por baixo dos -18. É preciso mantelo limpo e sen xeo.
11 Cada alimento ao seu sitio Na porta da neveira debes colocar as bebidas, ovos, marmeladas e salsas. Na parte superior, os alimentos que requiran menos frío. E na central, os iogures e derivados lácteos. Na parte inferior, os produtos que requiran máis frío, como é o caso das carnes e peixes. E nos caixóns, as froitas e verduras. 12 Serve pequenas racións É mellor que os comensais repitan. E se sobra, poderás elaborar deliciosos menús. E como exemplo propoñémosche o libro de receitas elaborado por Sogama a partir de sobras de comidas e que leva por título Para repañar o prato!. Poderás descargalo desde a súa páxina web www.sogama.es.
13Sácalles rendemento. Por vidas para os alimentos 13Máis exemplo, coas sobras de verduras podes elaborar ensaladas, cremas e purés; coas froitas, macedonias, zumes e batidos; co arroz, a pasta e o peixe, ensaladas; coas carnes, croquetas, canelóns ou lasaña; co pan, torradas, tostadas, picatostes, ; coas bebidas (viño ou cervexa) podemos cociñar carnes e peixes, así como preparar algunhas salsas; e cos iogures, pois macedonias e biscoitos. 14 Non dubides en conxelar Se é moita a cantidade sobrante, o mellor é conxelala en varias racións, utilizando para isto recipientes pechados e adecuados. Recorda etiquetalos. Iso si, espera a que os alimentos arrefríen completamente, xa que un cambio brusco de temperatura pode alterar as súas propiedades. E para desconxelar correctamente, faino mellor na neveira.
E cando saias comer fóra, ten en conta que os restaurantes españois tiran ao lixo máis de 63.000 toneladas de comida ao ano. Nalgúns, como ben sabes, as racións son excesivas. Polo tanto, pide con moderación. Sabías que en EEUU e en moitos países europeos é habitual que a clientela solicite ao restaurante que prepare a comida que nos sobrou para levala á casa?
.. e lembra tirar os alimentos significa insolidaridade, dispendio económico e dano medioambiental