Certificados de profesionalidade. Competencias clave nivel II. Competencia lingüística: lingua galega

Transcrição

1 CLG-N2-13 Certificados de profesionalidade. Competencias clave nivel II Proba escrita Competencia lingüística: lingua galega Duración: sesenta minutos 1º apelido 2º apelido Nome Lugar do exame Data Obxectivo Avaliar as capacidades vinculadas á competencia en lingua galega. Duración 60 minutos. Estrutura da proba A proba está integrada por quince cuestións. Dez están relacionadas con dous textos e con elas preténdese avaliar a capacidade para comprendelos e sintetizar o seu contido. As cinco cuestións restantes tratan o seguinte: palabras compostas, distinguir entre información e opinión, signos de puntuación, orde alfabética e emprego de conectores. Materiais que pode utilizar o alumno Bolígrafo con tinta negra ou azul. Criterios de cualificación da proba Cada cuestión correctamente contestada ten unha puntuación de 0.50 puntos, agás a cuestión de resposta aberta que vale 3 puntos. Para superar a proba hai que acadar 6 puntos. 1

2 Texto 1 A Alternativa reclama o cobro da auga por consumo real En época de secas, como a que vimos de pasar, a empresa concesionaria do abastecemento de auga do noso concello, entre outros, desenvolve campañas de consumo responsable para tentar racionalizar o mesmo e evitar o gasto excesivo que nos conduciría irremediablemente a restricións. Desde o punto de vista da Alternativa Canguesa de Esquerdas, eses chamamentos ao control do gasto de auga por parte dos usuarios/as non se corresponde despois co comportamento da propia concesionaria, que cobra en todos os recibos por un mínimo consumo, mesmo nos casos en que non se abra a billa. Pensamos que non é este o mellor xeito de convencer á poboación de que hai que aforrar o máximo de auga se logo ese posible aforro non se ve recompensado no recibo, no caso de non chegar ao mínimo de consumo. É dicir, se un fogar non consume o mínimo estipulado pola empresa, pode tirar a auga polo vertedoiro impunemente ata chegar a esa cantidade porque vai acabar pagando o mesmo. É iso lóxico? Nós pensamos que non, cando, ademais, está claro que cobrar por unha cantidade non consumida de auga, á parte dunha inxustiza (e máis nos tempos actuais de crise) é unha chamada ao malgasto. Por iso, dende a Alternativa Canguesa de Esquerdas presentamos esta moción para o seu debate e aprobación polo Pleno da Corporación a través da seguinte petición: O Concello de Cangas, por medio do seu Goberno Local, realizará todas as xestións necesarias para obrigar á empresa Aqualia a presentar e cobrar os seus recibos de auga, segundo facturación por consumo real da mesma, eliminando calquera tipo de consumo mínimo estipulado. ( 1. Que é a facturación por consumo mínimo estipulado? A. Que a facturación no recibo é polo mínimo que se consume. B. Que a facturación no recibo estipula que se debe consumir unha cantidade fixa. C. Que a facturación no recibo é, en primeiro lugar, polo mínimo que fixa a empresa subministradora, consúmase ou non. 2. Que é a facturación por consumo real? A. Que se paga só o que se consume. B. Que se paga o que realmente a empresa subministradora fixa. C. Que se paga a mesma cantidade en cada factura. 2

3 3. Cando un grupo dun concello ou do Parlamento presenta unha moción: A. Presenta unha lei para aprobala ou rexeitala. B. Presenta unha proposición para debater sobre ela e sometela despois á votación. C. Presenta as sinaturas dos membros do seu grupo para elixir o seu portavoz. 4. Cal é o significado de restricións de auga? A. Prohibición para abrir a billa. B. Suba no prezo da auga. C. Limitacións no consumo de auga. 5. Malgasto é unha palabra composta por outras dúas, mal e gasto. Das seguintes opcións, sinale o grupo que só ten palabras compostas. A. Impunemente, parasol, auganeve, contraofensiva, parachoques. B. Riotorto, auganeve, fervellasverzas, sacarrollas, vichelocrego. C. Parasol, entrevista, sobremesa, centolas, furabolos. Texto 2 O etiquetado enerxético A etiqueta enerxética é a que figura nos electrodomésticos e que informa sobre o consumo de enerxía e outros recursos esenciais, así como tamén sobre datos complementarios relativos a cada tipo de aparato, de maneira que o consumidor, cando adquira un electrodoméstico, poida escoller o máis adecuado ás súas necesidades e posibilidades. Actualmente, este tipo de información pódese atopar nas lavadoras, frigoríficos, conxeladores e frigoríficos conxeladores de uso doméstico, sempre que estes aparatos se alimenten pola rede eléctrica. Progresivamente débese impoñer noutros electrodomésticos, como lavalouzas, quentadores, fontes de luz e aparatos de ar acondicionado. Esta etiqueta está dividida en catro zonas que recollen, respectivamente: Os datos relativos ao fabricante e ao modelo de electrodoméstico. A clase de eficiencia enerxética do aparato, indicada con frechas de diversas cores e diversas letras. A letra A significa a máxima eficacia, mentres que a G, a mínima posible. Se o aparato obtivo a etiqueta ecolóxica europea, o símbolo que o indica pode estar nesta zona. Os datos específicos para cada tipo de electrodoméstico. O ruído que o aparato emite mentres funciona, medido en decibelios e sempre que sexa necesario indicalo. 3

4 Hai que pensar que a meirande parte da enerxía que se produce no mundo aínda depende de fontes enerxéticas esgotables (carbón, petróleo, gas, etc.). Por iso debemos ter conciencia da necesidade de aforrar enerxía cando utilizamos os nosos electrodomésticos, e unha boa maneira de facelo é seguindo as recomendacións indicadas polos fabricantes nos folletos de instrucións de uso. Recomendamos a adquisición de electrodomésticos con índices de eficiencia enerxética elevados, aínda que o seu prezo poida ser superior. Compensará o aforro enerxético ao longo da vida útil do aparato. ( adaptado) 6. Que significa índices de eficiencia enerxética elevados? A. Que o aparato electrodoméstico consume unha elevada cantidade de enerxía para funcionar con eficiencia. B. Que o aparato electrodoméstico consume a menor cantidade posible de enerxía para funcionar con eficiencia. C. Que o aparato electrodoméstico consume pouca enerxía, a non ser que funcione con eficiencia. 7. A vida útil dun aparato electrodoméstico é: A. O tempo que dura o aparato electrodoméstico funcionando con eficiencia. B. O tempo que utilizamos o aparato electrodoméstico ao longo da nosa vida. C. A utilidade que ten o aparato electrodoméstico na nosa vida: para lavar a roupa, a louza, refrixerar os alimentos Cal destes significados de alimentar se corresponde co da frase: Sempre que estes aparatos se alimenten pola rede eléctrica? Dar alimento, manter. Prover [unha cousa ou unha persoa] do necesario para que non pare a súa actividade. Fortalecer, facer que vaia a máis ou que sexa máis intenso. Servir de alimento. A B C D 9. Se queremos aforrar en enerxía, que aparato electrodoméstico debemos mercar? A. O que teña a letra G, porque ao indicar a mínima eficacia consume o mínimo. B. O que teña calquera letra entre A e G. C. O que teña a letra A, porque, ao indicar a máxima eficacia, consume menos enerxía. 4

5 10. Sinale a opción correcta. Na etiqueta dun aparato electrodoméstico deben figurar: A. Os datos do fabricante, do modelo de aparato, a eficiencia enerxética, os datos específicos e o nivel de ruído que emite. B. Os datos do fabricante, do modelo de aparato, a eficiencia enerxética, os datos específicos e o nivel de ruído que emite, cando cumpra indicalo. C. Os datos do fabricante, do modelo de aparato e a eficiencia enerxética. 11. Ao carón destas frases escriba F se se trata da descrición dun feito e O, se é unha opinión ou preferencia persoal. A etiqueta enerxética é a que figura nos electrodomésticos e que informa sobre o consumo de enerxía e outros recursos esenciais. A meirande parte da enerxía que se produce no mundo aínda depende de fontes enerxéticas esgotables. Prefiro adquirir aparatos electrodomésticos con alto índice de eficiencia enerxética, aínda que resulten máis caros. Non me parece ben que para aforrar en enerxía teñamos que gastar máis nos electrodomésticos. 12. Nunha destas frases utilizáronse correctamente os signos de puntuación (dous puntos, comas e puntos). A. Actualmente nos aparatos electrodomésticos podemos atopar esta información, o nome do fabricante, as características do aparato, a eficiencia enerxética, e o nivel de ruído. Deberiamos lelas, con atención antes de mercar. B. Actualmente, nos aparatos electrodomésticos podemos atopar esta información: o nome do fabricante, as características do aparato, a eficiencia enerxética, e, o nivel de ruído: deberiamos lelas con atención, antes de mercar. C. Actualmente, nos aparatos electrodomésticos podemos atopar esta información: o nome do fabricante, as características do aparato, a eficiencia enerxética e o nivel de ruído. Deberiamos lelas con atención antes de mercar. 13. Cal é a correcta orde alfabética destas palabras? A. Eficiencia, eficacia, ecolóxica, enerxética, electrodoméstico, eléctrica, etiqueta. B. Ecolóxica, eléctrica, electrodoméstico, eficacia, eficiencia, enerxética, etiqueta. C. Ecolóxica, eficacia, eficiencia, eléctrica, electrodoméstico, enerxética, etiqueta. 14. Escolla a frase na que a palabra tamén está ben utilizada. A. Escollemos un lavalouzas que consume pouca auga. Tamén non nos importa o prezo. B. Tamén escollemos un lavalouzas que consume pouca auga. Non nos importa o prezo. C. Escollemos un lavalouzas que consume pouca auga. Non nos importa tamén o prezo. 5

6 15. Cando ten que mercar un electrodoméstico, que é o que máis inflúe na súa decisión: o prezo ou o consumo enerxético? Argumente as razóns para a súa decisión. Escriba seis liñas polo menos. 6

7 Folla de respostas Respostas Nº A B C Nº de respostas correctas RESPOSTA ABERTA Nº de respostas incorrectas Puntuación da proba 7

8 Solución das preguntas Respostas Nº A B C 1 X 2 X 3 X 4 X 5 X 6 X 7 X 8 X 9 X 10 X 11 F F O - O 12 X 13 X 14 X 15 Nº de respostas correctas Nº de respostas incorrectas Puntuación da proba 8

9 15 O texto que escriba o alumno debe comezar dicindo cal é o criterio que segue á hora de mercar un electrodoméstico, baixo prezo ou menor consumo. A continuación debe proporcionar as razóns ou argumentos que xustifican esa opción. Por último, pode reafirmarse na tese inicial. 9