ÍNDICE 1.- INTRODUCIÓN OBXECTIVOS XERAIS...4. Programación de aula 0-1anos...5. Programación de aula 1-2 anos...13

Transcrição

1 1 CURSO

2 ÍNDICE 1.- INTRODUCIÓN OBXECTIVOS XERAIS PROGRAMACIÓN ANUAL POR AULAS Programación de aula 0-1anos...5 Programación de aula 1-2 anos...13 Programación de aula 2-3 anos CRITERIOS METODOLÓXICOS ANEXOS: - Adaptación - Participación dos pais e nais na aula -.Realización da horta - Semana da Arte 2

3 I.- INTRODUCCIÓN Este curso que comeza, a Escola Infantil Municipal O BOSQUE conta con 8 unidades e cada unha delas terá dúas persoas o cargo dos nen@s. Estas unidades estarán repartidas do seguinte xeito: Aulas de 0-1 anos : 2 unidades Aula A Mestra: Rosa Rial Asistente Infantil: Araceli Rico Aula B Educadora: Pilar Souto Educadora: Milagros Villar Aulas de 1-2 anos: 3 unidades Aula A Educadora: Mar Noguera Educadora: Carmen Campos Aula B Mestra: Ana Porto Educadora: Mª Teresa Patiño Aula C Educadora: Sandra Santiso Educadora: Caremela Outeiro Aulas de 2 3 anos: 3 unidades Aula A Educadora: Susana Seoane Educadora: Eva García Aula B 3

4 Mestra: Rosa Lourido Asistente Infantil: Ana Rosa Santos Aula C Educadora: Mónica Gómez Educadora: Alba Freire Cada idade ten as súas características determinadas e cada nen@ o seu ritmo de aprendizaxe propio, tendo en conta todo isto expoñeremos a continuación a Programación Anual que a Escola levará a práctica durante o curso II.- OBXECTIVOS Identificar e expresar as súas necesidades básicas de saúde e benestar, de xogo e de relación e resolver autonomamente algunhas delas mediante estratexias e actividades básicas de coidado, alimentación e hixiene. Descubrir, coñecer e controlar progresivamente o seu propio corpo, os seus elementos básicos, as súas características, valorando as súas posibilidades e limitacións, para activar de forma cada vez máis autónoma nas actividades habituais. Relacionarse cos adultos e con outros nen@, percibindo e aceptando as diferentes emocións e sentimentos que se lle dirixen, expresando os seus e desenvolvendo actitudes de interese e axuda. Observar e explorar activamente o seu entorno inmediato e os elementos que o configuran e, coa axuda do adulto ir elaborando a súa percepción dese entorno, e atribuíndolle algunha significación. Regular paulatinamente o seu comportamento en propostas de xogo, de rutinas e outras actividades que lle presenta o adulto, gozando coas mesmas e empregándoas para dar cauce ós seus intereses, coñecementos, sentimentos e emocións. Coordinar a súa acción coa acción dos outros, descubrindo pouco a pouco que os demais teñen a súa propia identidade, as súas pertenzas e relacións, e aceptándoas. Comprendelas mensaxes, ordes que nos contextos habituais se lle dirixen, aprendendo progresivamente a regular o seu comportamento en función deles. Comunicarse cos demais empreñando a linguaxe oral e corporal para expresar os seus sentimentos, desexos e experiencias e para influír no técnicas e recursos máis básicos. Coñecer algunhas manifestacións culturais do seu entorno, amosando actitudes de respecto, interese e participación cara elas. 4

5 PROGRAMACION AULAS DE 0 a 1 ANOS INTRODUCCIÓN O longo do curso teremos na aula de bebés a 14 nenos e nenas repartidos en dúas clases, A e B. Na clase A teremos 8 bebés dos cales 2 teñen media xornada de tarde,quedando libres dúas prazas de mañá; e na clase B, temos a 6 bebés quedando libres dúas prazas, entre elas a praza de emerxencia. En ambas clases as idades dos bebés están comprendidas entre os 5 e os 9 meses de idade no mes de setembro. O desenrolo dos nenos e nenas, e particularmente dos bebés, non é lineal nin se produce cun ritmo idéntico. Así, a aplicación de actividades na escola debe ser flexible dependendo das necesidades e a evolución de cada neno e nena. O ritmo de desenrolo dos nenos e nenas é moi variable e podemos atoparnos tres meses de diferencia na adquisición de determinadas habilidades entre os neno e outro sen sospeita de ningún retraso, só porque seu ritmo madurativo é distinto. O primeiro obxectivo que debemos acadar, antes de comezar a realizar calquera outra actividade co bebé, é establecer un vínculo afectivo con el ou ela. Nestas idades, a nosa primordial tarefa é ter cubertas as necesidades básicas d@s nen@s, as cales son: hixiene, descanso e alimentación. En todo momento, as educadoras, dirixímonos ós nen@s con grandes doses de tenrura e cariño, para que se sintan seguros e queridos. As rutinas da clase son os momentos máis importantes posto que axudan a que o nen@, que aínda non ten noción do tempo, se poida anticipar o que vai suceder a continuación, e así se sinta máis seguro. Estas rutinas son: a hora da galleta, o xantar, a hora de saír ó patio, a hora da sesta, o xogo A distribución dos elementos da aula vai en función da idade d@s nen@s. É moi importante crear espazos amplos e libres para que os nen@s se poidan desprazar gateando ou camiñando, cando sexa o caso, sen tropezar con nada que os poida mancar. Así tamén se lles facilita a visibilidade tanto dos seus compañeiros e das educadoras coma dos xoguetes que haxa na aula. O longo do curso é fundamental manter cos pais un vínculo de comunicación activo mediante a Axenda e vía telefónica si é preciso. Así saberemos cada día o estado anímico d@ nen@, si descansou na casa, si lle doe algo, a qué hora lle toca o biberón e así as educadoras poderemos 5

6 atender individualmente a cada nen@ en base ás súas necesidades e características. Así mesmo, tamén se intentarán crear situacións de aprendizaxe que favorezan o desenrolo d@ nen@ e que lle axuden a adquirir seguridade persoal, tanto a nivel psicomotor e lingüístico coma desde o punto de vista psicolóxico. PROGRAMACIÓN Os obxectivos e contidos que guiarán a nosa proposta de traballos son os seguintes: AREA: COÑECEMENTO DE SÍ MESMO E AUTONOMÍA PERSOAL OBXECTIVOS Introducirse no coñecemento da propia identidade. Iniciar a observación, o recoñecemento e os movementos das mans e os pes. Identificar e sinalar as partes do corpo: mans, pes, cabeza, boca e ollos. Utilizar as experiencias sensoriais para iniciarse na toma de conciencia do propio corpo e no coñecemento de sí mesmo. Descubrir e experimentar as propias posibilidades sensoriais: táctiles, gustativas, olfactivas... Expresar emocións e sentimentos de ledicia e tristura e sorpresa. Recoñecer e reaccionar ante as expresións de ledicia e tristura dos outros. Descubrir e experimentar coas propias posibilidades manipulativas. Mobilizar e activar a boca e a lingua para a emisión de sons. Descubrir e utilizar as propias posibilidades motrices, sensitivas e expresivas, adecuándoas ás diversas actividades da súa vida cotiá. Desenrolar as habilidades motrices de: reptación, gateo, poñerse de pe, dar os primeiros pasos con apoio e comezar a camiñar. Desenrolar a coordinación óculo-manual e as habilidades motrices de carácter fino para a exploración e manipulación de obxectos durante o xogo. Desenrolar mecanismos de adaptación a situacións novas. Progresar no desenrolo emocional adaptándose a situacións e actividades novas, demandando axuda, diminuíndo o temor aos descoñecidos, controlando a ansiedade de separación, sentindo placer polos novos logros... Adaptarse de xeito progresivo aos hábitos relacionados coa alimentación, o descanso e hixiene. 6

7 CONTIDOS Bloque 1- O corpo. Segmentos corporais: mans, pes, cabeza, boca e ollos. Utilización das mans e os pes para explorar o propio corpo: a cabeza, o rostro, a boca... Experimentación e percepción de sensacións táctiles, olfactivas, gustativas, visuais e auditivas. Mobilización e exercitación dos órganos activos da fonación. Coordinación óculo-manual e habilidades motrices de carácter fino. Planificación progresiva da propia acción desprazándose para obter obxectos. Iniciación na toma de conciencia do propio corpo e no coñecemento de sí mesmo: a propia imaxe reflectida ou en fotografías. Coordinación e afianzamento progresivo das habilidades motrices para a reptación, o gateo, poñerse de pe e dar os primeiros pasos con axuda. Bloque 2- A identidade, a autonomía e as emocións. Manifestación e expresión progresiva de emocións, sentimentos e estados de ánimo:enfado, ledicia, tristura e sorpresa. Reacción ante as emocións dos outros. Posibilidades motrices: volteo, reptación, gateo, manterse de pe con apoio... Coordinación e afianzamento progresivo das súas posibilidades motrices para manterse en pe e dar os primeiros pasos con axuda. Adaptación a situacións de aprendizaxe novas. Bloque 3- O coidado persoal. Adaptación progresiva aos hábitos relacionados co vestido. Colaboración activa ao vestilo e desvestilo. Aceptación das rutinas establecidas para a alimentación e o descanso. Planificación progresiva nos hábitos relacionados coa hixiene. Útiles e rutinas de aseo. Establecemento progresivo de hábitos relacionados coa alimentación. Participación activa na alimentación aceptando a introdución de novos alimentos. Participación na propia alimentación levando o biberón á boca e aceptando a toma de alimentos con culler. 7

8 AREA: COÑECEMENTO DO CONTORNO. OBXECTIVOS Experimentar as dimensións dos obxectos a través da manipulación. Experimentar e descubrir tamaños a través da percepción sensorial. Utilizar as propias posibilidades sensoriais para observar e explorar as cores. Observar os espazos e materiais da aula. Familiarizar ao neno e nena coa actividade, a vida cotiá da aula, os outros nenos e nenas e a docente que o atende. Identificar aos familiares cos que convive. Relacionarse e establecer vínculos afectivos coas persoas do seu contorno: pais e docentes. Gozar coa realización de actividades ao aire libre. Observar e familiarizarse con elementos e fenómenos do entorno natural inmediato: frío, chuvia, neve, vento... Desenrolar actitudes de curiosidade explorando e experimentando sensorialmente con elementos e obxectos do medio natural propios das épocas outonal e primaveral. Resolver dificultades desenrolando habilidades para orientarse no espazo. CONTIDOS Bloque 1- O medio físico. Tamaños: grande, pequeno. Cor: descubrimento sensorial de cores. Formas: descubrimento sensorial de formas. Orientación espacial: resolución de dificultades desprazándose no espazo. Bloque 2- Achegamento á natureza. Fenómenos y elementos do contorno natural inmediato: frío, chuvia, neve, vento, flores, sol, calor... Observación e exploración de elementos que compoñen o entorno natural: árbore, pedra, area, sol, nubes... Observación e experimentación con elementos naturais do contorno: plantas, flores, auga, area, pedras, froitas... 8

9 Bloque 3- Cultura e vida en sociedade. Adaptación e participación nas rutinas e actividades cotiás. Utilización das situacións de xogo como elemento de socialización. Exploración e experimentación das propiedades dos obxectos durante o xogo. Recoñecemento e exploración de alimentos e obxectos que utiliza durante as rutinas. Identificación dos familiares cos que convive e se relaciona afectivamente. Potenciación das relacións persoais de convivencia reforzando os contactos afectivos entre os compañeiros. Días especiais: Día da Paz, Día do Pai e Día da Nai. AREA: LINGUAXES: COMUNICACIÓN E REPRESENTACIÓN OBXECTIVOS Emitir sons variando o volume e o ton, con diferentes intencións: gorgeos, runruneos e vocalizacións espontáneas. Estimular a comunicación e a expresión a través da produción de sons acompañados de movementos e xestos. Aumentar a linguaxe verbal comprensiva coñecendo o vocabulario básico relacionado coa alimentación. Desenrolar a capacidade de expresión oral con intención comunicativa. Comprender as mensaxes que lle comunica o adulto, a partir do ton de voz, a expresión facial e os xestos,aprendendo progresivamente a regular o seu comportamento en función de eles. Observar e explorar imaxes e soportes de texto. Gozar coa narración de contos. Aumentar progresivamente o tempo de atención concentrada ante a narración e exploración dun conto. Manifestar e comunicar necesidades básicas a través de xestos e movementos corporais. Dominar progresivamente a coordinación corporal para explorar e reproducir as accións dos obxectos do entorno inmediato. Participar en xogos de imitación de xestos e movementos corporais. Descubrir e utilizar as propias posibilidades sensoriais con distintos materiais. Experimentar a exploración e manipulación de materiais para a expresión plástica. Iniciarse na expresión por medio do garabateo. Experimentar as propias posibilidades motrices de carácter fino para explorar materiais reutilizabeis. Iniciarse no recoñecemento e imitación de sons onomatopeicos de animais. 9

10 Participar na interpretación de cancións sobre animais. Desenrolar a capacidade de expresión musical a través da reprodución de sons que escoitan. Discriminar e localizar sons. Reaccionar as modulacións de voz e á música. Responder a cancións e melodías mediante movementos corporais. CONTIDOS Bloque 1- Comunicación xestual e oral. Xogos vocais: gorgeos, runruneos e vocalizacións espontáneas. Vocalización de sílabas. Emisión de cadeas de sons consoante-vocal. Sílabas repetitivas, combinación de dúas sílabas distintas. Pronunciación das primeiras palabras. Grafomotricidade: garabateo con ceras, con témperas... Resposta á chamada do adulto xirando a cabeza e emitindo sons. Comprensión do vocabulario básico relacionado coa alimentación. Comprensión das intencións comunicativas do adulto a partir do tono de voz, a expresión facial e os xestos. Manifestación corporal de necesidades básicas: fame, sono, benestar, hixiene... Esforzo por comunicar as súas necesidades a través de xestos e movementos corporais. Imitación de accións e movementos corporais sinxelos. Bloque 2- Expresión plástica e musical. Experimentación coas sensacións que producen materiais brandos, duros, rugosos, lisos, suaves, ásperos, ríxidos, flexibles, pesados e lixeiros.. Manipulación activa de materiais e obxectos e a súa utilización para a expresión plástica: pintura de dedos, xelatinas espumas... Experimentación con materiais reutilizables do contorno inmediato: plástico, cartón, madeira... Curiosidade por experimentar sensacións táctiles con distintos materiais para a expresión plástica. Sons cotiás, musicais e humanos. Ritmos, cancións e melodías. Realización de movementos corporais imitados e espontáneos como resposta a cancións e melodías. Audicións de música clásica. Observación, recoñecemento e reprodución de onomatopeas sinxelas de animais: cans, gatos, parrulos, vacas, cabalos... 10

11 Bloque 3- Representación escrita e dramática. Observación de imaxes e ilustracións mentras o adulto narra un conto. Exploración de contos de diferentes materiais, de láminas, revistas... ACTIVIDADES 0-1 As actividades desenvólvense o longo do curso en tres trimestres: PRIMEIRO TRIMESTRE: A adaptación é o momento máis delicado do curso. As educadoras intentaremos crear un ambiente tranquilo cheo de propostas que os relaxe e lles de seguridade. Ver Anexo. Actividades propostas: - Empezamos a completar o noso libro O meu primeiro ano. Esta actividade realizarémola conxuntamente coas familias dos bebés o longo de todo o curso, e mediante fotografías e comentarios iremos cubrindo todo o libro contando como foron as primeiras experiencias dos bebés tanto na casa como na escola. - Cambio de cueiro: actividade chea de afectividade. - Establecer rutinas diarias: a hora do descanso, da galleta, da comida. - Observación directa de distintos materiais que se moven e producen música: móbiles, tente só - Escoitar música relaxante. - Actividades en mantas e ximnasios. - Observarse no espello. - Actividades psicomotoras para adquirir maior tonicidade nos músculos do pescozo, das costas e das pernas. - Celebrar o Magosto e facer a manualidade. - Escoitar cancións: panxoliñas - Confeccionar regalo de Nadal. - Participar no festival de Nadal. - Cesto dos tesouros: contén obxectos da vida cotiá con distintas texturas, formas, volumes, cores, consistencias, pesos, sons... que iremos cambiando en función dos intereses do momento. - Masaxes: utilizarémolos como técnica para o desenvolvemento sensorial e interrelación afectiva. A súa duración será breve e crearemos un ambiente cómodo e agradable para que o bebé estea relaxado e disfrute da experiencia. SEGUNDO TRIMESTRE: Neste trimestre xa está esquecido o período de adaptación e xa son tres meses máis maiores, o cal nestas idades implica un maior abanico de capacidades, habilidades, actitudes e actividades que se poden levar a cabo. 11

12 Os teñen agora unhas idades comprendidas entre os 8 e os 12 meses, e comezaremos a celebrar xa os primeiros cumpleanos. Actividades propostas: - Expresarnos co noso corpo. - Continuamos cubrindo o libro O meu Primeiro Ano - Escoitamos música clásica, popular galega, cancións infantís - Xogar con distintos materiais: correpasillos, de arrastre, - Facer desprazamentos: gatear, arrastre, camiñar - Experimentar con globos. - Empezar a saír o patio exterior. - Observarse no espello. - Mirar contos. - Escoitar os contos que nos contan as educadoras. - Ampliamos o noso vocabulario. - Disfrazarse no Entroido. - Festas de cumpreanos. - Facer o regalo para papá. - Recibir a primavera con distintas actividades: observar cambios da paisaxe, ulimos flores - Celebramos o Día da Paz (30 de Xaneiro). - Celebraremos o Mes da Música durante o mes de Marzo. Cada semana do mes estará adicada a un estilo de música, e intentaremos que familiares dos nenos e nenas que dominen algún deles nos veñan dar un pequeniño concerto á escola. - Seguiremos experimentando co Cesto dos tesouros. - Realizaremos unha experiencia por mes: fariña, xelatina... TERCEIRO TRIMESTRE: Xa estamos no último trimestre do curso! Agora xa son nen@s maiores, posto que todos rematan o trimestre co ano cumprido. As idades dos nen@s van desde os 12 meses ata os 16, así podémonos propoñer moitas máis actividades. Actividades propostas: - Disfrutar con actividades o aire libre. - Realizar o regalo da nai. - Xogos con bonecas, coches, talleres, cociñas - Vemos vídeos de debuxos animados. - Observamos e manipulamos instrumentos musicais. - Garabateamos con distintas pinturas. - Ampliamos o noso vocabulario. - Coñecemos distintos animais. 12

13 - Ollamos contos. - Realizamos manualidade de Fin de Curso. - Celebramos as Festas de Cumpreanos. - Celebramos a Semana do Libro.( Abril): Cada neno e nena traerán da súa casa un libro de contos, e durante unha semana contarémolos na clase e o Día do Libro celebraremos no patio da escola un mercadillo no que compartiremos con todos os nenos e nenas da escola os nosos contos. - Semanas da Arte: O longo de dúas semanas dedicaremos a ser artistas, coñecendo, dentro das nosas posibilidades, a obra dalgún artista importante. - Sesións de Portas Abertas: solicitaremos a participación dos pais e nais nunha sesión dentro da aula, para que poidan observar, axudar e compartir cos seus fill@s un día dentro da Escola. - Continuaremos cubrindo o libro O meu primeiro ano. - Continuaremos experimentando co Cesto dos Tesouros. - Realizaremos coa colaboración das familia A Caixa das Texturas. Na primeira quincena de maio mandaremos para cada casa dos cativos unha lámina na que lle irá especificada a textura que lle teñen que pegar. O longo do mes de xuño, cada neno e nena levarán para a casa a caixa rematada para que a poidan ver e manipular. - Realizamos unha experiencia por mes: auga, xabón... - Celebraremos o Cacho. PROGRAMACION AULAS DE 1 A 2 ANOS INTRODUCIÓN: Antes de poñernos a programar, deberiamos facernos unha pregunta fundamental : a que nen@s vai dirixida esta programación?, pois a idade dos nen@s é fundamental á hora de plantexarnos facer unha serie de actividades con eles, xa que as súas características psicoevolutivas marcarán a nosa liña de traballo ao longo de todo o curso e axudarannos a axustar a metodoloxía de forma axeitada, potenciando ó máximo ás capacidades do nen@ en cada momento. Un aspecto tamén moi importante a destacar e que non debemos esquecer é a individualidade de cada nen@, pois cada un ten un ritmo de maduración distinto e aínda que certos cambios tenden a producirse a determinada idade, poden producirse variacións dentro do que se considera normalidade. Ó longo deste curso traballaremos con nen@s de 1 a 2 anos, e nesta idade danse dous logros moi importantes: 13

14 Aprenden a andar. Aprenden a usala linguaxe para comunicarse. Aínda que a estas idades desenrolan tal cantidade de habilidades ao mesmo tempo, é normal observar que se inclinen máis por unhas que por outras, vendo avances nunhas e pequenas demoras noutras. Pero aínda que os logros mencionados con anterioridade sexan os máis característicos, tamén se producen outros igual de importantes e os que temos que ter en conta á hora de planificar calquera tipo de actividade: Aspectos motores: 1.-Van incorporando habilidades que lles permitirán a execución de movementos cada vez máis complexos. 2.-Conseguirán unha maior coordinación das partes do seu corpo. 3.-A autonomía experimenta un gran progreso, e sempre que llo permitamos queren comer solos, colaborar ao vestirse 4.-Utilizan as mans con gran independencia: sostén varios xoguetes, pasan páxinas, garabatean Apectos cognitivos: 1.- A exploración a través do movemento é un dos seus maiores praceres. 2.- No primeiro semestre presentan unha conduta totalmente intencionada e no segundo xa comezan a desenrolar a función simbólica. 3.- Aumentará o seu tempo de atención e interesaranse por investigar de forma minuciosa. Aspectos da linguaxe: 1.-Apareceran as primeiras palabras recoñecibles, que se referirán a persoas ou obxectos. 2.- A comprensión progresa rapidamente e demostran que entenden moitas palabras. 3.-A imitación convertese no instrumento básico da súa aprendizaxe lingüística, aínda que repetiran as palabras á súa maneira. Aspectos afectivos-sociales: 1.- O gran desenrolo das súas capacidades psicomotrices permitiranlle tomar parte máis activa no mundo social que os rodea. 2.-No seu afán pola búsqueda da identidade propia comeza a etapa da negación coa finalidade de diferenciarse dos demais, aparecendo as pataletas e as condutas rebeldes. 3.- Xogan sós moito tempo, aínda que comezan a interrelacionarse cos demais. Resístense a compartir. 14

15 4.- Non lle gustan os cambios, e as rutinas diarias e o orden dánlle seguridade e confianza. Así pois, non deixaremos de vista estas liñas xerais de desenvolvemento no nen@ de 1 a 2 anos, xa que nos serán de gran axuda á hora de planificar a nosa programación. PROGRAMACIÓN No mes de setembro comezaremos o noso traballo nas clases de 1 a 2 con 39 nen@s repartidos en tres clases de 13 cada unha: Grupo A: neste grupo estarán os nen@s máis pequenos, os que naceron no segundo semestre do ano, polo que algúns deles, no mes de setembro no que empezámolo curso aínda non cumpriron o seu primeiro ano, polo tanto é moi posible que esta programación non estea adaptada o momento evolutivo no que se atopan. Tendo isto presente guiarémonos pola realizada o curso pasado en 0 a 1 no terceiro trimestre adaptándoa as súas características individuais. Grupos B e C: nestes dous grupos xa están os nen@s que celebran o seu segundo aniversario no primeiro semestre do ano. Encontrarémonos cos que xa estiveron o curso pasado, ós que xa coñecemos e polo tanto sabemos en que momento evolutivo se atopan e con nen@s novos nos que este é o seu primeiro contacto coa escola e polo tanto debemos de aproveitar o período de adaptación para intentar facer unha pequena avaliación e así poder adaptar a nosa proposta de traballo ás circunstancias individuais. Cada educadora na súa clase organizará o traballo en función das características individuais dos seus nen@s, xa que en estas idades alcanzan habilidades moi rapidamente. Polo tanto a programación anual é unha maneira de organizarnos, aínda que a levaremos á práctica de maneira moi flexible e podendo facer os cambios que consideremos oportunos dentro de cada clase. Centraremos a nosa programación en acadar un obxectivo fundamental e prioritario a calquera outro: SATISFACER AS NECESIDADES BÁSICAS DE ALIMENTACIÓN, HIXIENE, DESCANSO, ACTIVIDADE E AFECTIVIDADE. Intentaremos conseguilo aproveitando todos aqueles momentos que forman parte da vida cotiá converténdoos en situacións educativas proveitosas, intentando adicarlle atención a nivel individual a cada nen@ e a través deles traballar de maneira global todo un mundo de sensacións. Dende primeiro de curso a nosa proposta de traballo estará baseada nuns obxectivos e nuns contidos que guiarán o noso traballo diario: 15

16 OBXECTIVOS: IDENTIDADE E AUTONOMIA PERSOAL: Descubrir e empregar as propias posibilidades motrices, sensitivas e expresivas, axeitadas ás diversas actuacións que emprende na súa vida cotiá. Adquirir a coordinación e o control dinámico xeral do propio corpo para a execución de tarefas da vida cotiá e de actividades de xogo, así como a expresión de sentimentos e emocións. Ter unha imaxe real e positiva de sí mesm@, identificando as súas características e cualidades persoais. Identificar os propios sentimentos, emocións e necesidades, e comunicarllos ós demais, así como identificar e respectar os dos outros. Ter unha actitude de respecto cara as características e cualidades das outras persoas e comezar a valoralas, sen actitudes de discriminación en relación co sexo ou con calquera outro rasgo diferenciador. COÑECEMENTO DO CONTORNO: Participar nos diversos grupos cos que se relaciona no transcurso das distintas actividades, tomando en consideración ós demais. Coñecer as normas e modos de comportamento social dos grupos dos que forma parte para establecer vínculos fluídos e equilibrados de relación interpersoal e identificar a diversidade de relacións que mantén cos demais. Amosar interese e curiosidade cara a comprensión do medio físico e social, formulando preguntas, interpretacións, e opinións propias sobre algúns acontecementos que nel se producen, desenvolvendo a súa espontaneidade e orixinalidade. Coñecer e participar en festas, tradicións e costumes do seu entorno, disfrutando e valorándoas como manifestacións culturais. LINGUAXES: COMUNICACIÓN E REPRESENTACIÓN. Comprender as intencións e mensaxes orais que lle comunican outros nen@s e adultos, valorando a linguaxe oral como medio de relación cos demais. Empregar as diversas formas de representación e expresión para evocar situacións, accións, desexos e sentimentos, sexan de tipo real ou imaxinario. Ler, interpretar e reproducir imaxes coma unha forma de comunicación e disfrute, descubrindo e identificando os elementos básicos da súa linguaxe. Empregar técnicas e recursos básicos de representación e expresión, para aumentar as súas posibilidades comunicativas.. 16

17 Empregar a un nivel axustado as posibilidades da forma de representación matemática para describir algúns obxetos e situacións do entorno, as súas características e propiedades e algunhas accións que poden realizarse sobre eles, prestando atención ó proceso e ós resultados. CONTIDOS: COÑECEMENTO DE SÍ MESMO E AUTONOMIA PERSOAL: Bloque 1: O corpo. Descubrimento e control global e segmentario do corpo. Identificación das partes máis segmentarias:mans, pes,cabeza Estimulación dos sentidos como fonte de sensacións: ulindo, probando, escoitando Adquisición progresiva do control de movementos e do equilibrio estático e dinámico. Movementos e posturas do corpo: gatear, arrastrarse, agacharse, subir, baixar, camiñar Exploración das posibilidades motrices. Progresivo control do ton, equilibrio e das emocións. Bloque 2 : A identidade, a autoestima e as emocións. Identificación do propio nome co grupo familiar ó que pertence. identificación dos propios xestos. Manifestación das emocións propias e identificación das dos demais: choro, risa, dor Toma de conciencia progresiva do propio sexo. Control progresivo de sentimentos e emocións. Expresión de necesidades, emocións, intereses, preferencias Actitude de espera e paciencia na procura de atención Control de impulsos ante as frustracións. Bloque 3 : O coidado persoal. Iniciativa na realización das tarefas relacionas coas rutinas diarias. Adquisición progresiva de hábitos relacionados coa comida, hixiene, vestido, descanso, colaborando e gozando. Manifestación progresiva das necesidades básicas. Regulación progresiva dos ritmos do sono, vixilia, actividade e descanso, acción e relaxación. Recoñecemento das propias pertenzas e colaboración progresiva no vestido e aseo. Gusto polo aspecto persoal limpo e coidado. Petición de axuda en situacións que así o requiran. 17

18 COÑECEMENTO DO CONTORNO: Bloque 1 : o medio físico. Exploración dos obxectos e materiais a través dos sentidos, identificando algunhas das súas propiedades coa axuda do adulto. Observación e experimentación de diferentes accións sobre os obxectos ou materiais. Respecto e coidado polos espazos. Manipulación e xogo con materiais comúns:area, azucre, sal. Adaptación progresiva á vida da escola cos seus iguais e co adulto. Actitude favorable á hora de compartir obxectos, xoguetes, materiais colexio e as súas dependencias: clase, baño, comedor Contribución a espazos limpos e ordenados. Bloque 2 : achegamento á natureza. Identificación de algúns animais,plantas e elementos naturais. Observación da natureza nos cambios de estación. Gozar coas actividades ó aire libre. Observación das plantas e animais do contorno. Interese e respecto polo coidado do contorno. Identificación dos fenómenos naturais: chove, fai frio, quenta o sol Observación do ciclo vital das plantas. Bloque 3 : cultura e vida en sociedade. Recoñecemento de sí mesmo e da súa familia. Aceptación das normas que rexen os grupos escolar e familiar. Coñecemento e participación en costumes, tradicións e festas propias da cultura galega. interese polos acontecementos que suceden ó seu arredor. Adquisición progresiva de habilidades sociais: saudar, despedirse, dalas grazas Gozar da celebración de acontecementos relevantes: magosto,nadal, entroido. LINGUAXES: COMUNICACIÓN E REPRESENTACIÓN. Bloque 1 : comunicación xestual e oral. Recoñecer e utilizalas posibilidades do corpo para comunicarse. Utilización progresiva do xesto e a lingua oral para comunicarse, expresar necesidades e desexos. Exploración das posibilidades sonoras da voz, do propio corpo, dos obxectos cotiás e dos instrumentos musicais. Discriminación de sons. 18

19 Adquisición progresiva da pronunciación. Iniciación na utilización adecuada dalgunha norma como saudar, despedirse Comprensión de poemas, cancións, poesías Utilización de xestos e movementos corporais imitando ó adulto. Bloque 2 : expresión plástica e musical Utilización dos materiais e técnicas de expresión plástica dentro das súas posibilidades. Observación, manipulación de obxectos e materiais de colores primarios: vermello,amarelo e azul. Identificación progresiva. Actividades de coidado do material. Gozo coas producións plásticas. Identificación de ruído e silencio. Participación en danzas sinxelas. Interese por escoitar diferentes tipos de música. Desexo por explorar posibilidades sonoras do propio corpo,dos obxetos e instrumentos musicais. Bloque 3 : Representación escrita e dramática Interese e gozo pola manipulación de libros, fotos, murais Control do corpo: actividade, movemento,relaxación Interese polas producións propias: garabateo, estampado, rachado, enrugado. Posibilidades expresivas do corpo para expresar e comunicar sentimentos, emocións, necesidades Utilización da danza como medio de expresión. ACTIVIDADES: Durante todo este curso as actividades que levemos a cabo na aula estarán sendo observadas pola nosa mascota Lola, unha ovellina moi cariñosa que nos acompañará ó longo de todo o curso en todas as rutinas diarias e que se fará moi amiga de todos os nen@s e que no 2º e 3º trimestre do curso os acompañará ás súas casas para pasar unha fin de semana con eles. Durante o curso iremos realizando entre as profes e os papás O libro de Lola no que recolleremos algunhas das actividades realizadas e as visitas ás casas dos nen@s. Este curso imos estruturar a nosa proposta de traballo baseándonos en centros de interese e en experiencias polo que o esquema de traballo anual quedará da seguinte forma: 19

20 PRIMEIRO TRIMESTRE: SETEMBRO: Período de adptación. Ver anexo Coñecemos a Lola. OUTUBRO / NOVEMBRO: Lola chega á escola no outono: Plantamos unha árbore para logo poder transplantala no mes de maio. Experiencia en outubro coa fariña de millo, trigo e carozos. Experiencia en novembro cos froitos do outono. A chegada do outono e os cambios que se reflictan no noso contorno. Magosto Celebramos a vendima. DECEMBRO: Lola fai a carta dos Reis en Nadal: Festexamos a chegada do Nadal. Experiencias con nata e chocolate. Festival. SEGUNDO TRIMESTRE: XANEIRO: Lola abrígase: Chegada do inverno. Lola empeza a ir as casas dos nen@s. Día da Paz. Experiencia con xelatina e xelatina con froitas. Plantamos framboesas e coidamos o horto dos amorodos. Introducimos a cor vermella. FEBREIRO: Lola festexa o entroido cos seus amigos os animais: Disfrazámonos e facemos o noso propio disfraz. Celebrámolo entroido cunha festa de disfraces. Mascotas na escola. Experiencia facendo pan e rosquillas. 20

21 MARZO: Descubrimos a música con Lola: Celebramos o mes da música. Experiencia con alimentos doces e salgados. Día do pai. TERCEIRO TRIMESTRE: ABRIL: Lola coñece ás nosas familias: Xornadas de portas abertas. Pascua. Día do libro. Experiencia con pasta cocida e crua. Introducimos a cor amarela. MAIO: Ulimos as flores con Lola: Celebramos a chegada da primavera. Imos de excursión ó Pazo da Peregrina. Día da nai. Celebramos a Arte ( últimos 15 días de maio ). Experiencia coa pintura. XUÑO: Imos á praia con Lola e coñecemos o noso corpo: Celebramos a chegada das vacacións. Coñecemos o noso corpo. Celebramos o día de San Xoán facendo o cacho. Experiencia con zume de froitas e xeados. O libro de Lola viaxa ás casas. Despois de facer este esquema das actividades que realizaremos ó longo de todo o curso enumeraremos algunhas a modo de exemplo dividíndoas por trimestres: 21

22 PRIMEIRO TRIMESTRE: SETEMBRO: O mes de setembro dedicarémolo por completo ó PERÍODO DE ADAPTACIÓN ( ver anexo ). Ó longo deste mes os nen@s que veñen por primeira vez á escola irán incorporándose pouco a pouco as rutinas diarias e aproveitaremos para ir observando o seu comportamento e así facer unha avaliación inicial. Presentarémoslle á nosa mascota Lola e faremos unha manualidade de Benvida. OUTUBRO/ NOVEMBRO: O centro de interese que propoñemos para estes dous meses é LOLA CHEGA Á ESCOLA NO OUTONO. Este centro de interese será unha continuación do período de Adaptación no que pretendemos coñecer as dependencias da escola, os seus distintos espazos, persoal, materiais e tamén observar como a chegada do outono cambia as nosas paisaxes. Algunhas das actividades que realizaremos son as seguintes: Intentaremos ir establecendo unha serie de rutinas diarias que nos axudarán a tomar conciencia do tempo e do espazo. identificamos a nosa percha onde estarán colgadas as nosas cousas. Cantamos e escoitamos música. Escoitamos sons e imitámolos. Escoitamos e cantamos a canción da nosa mascota. Xogamos cos instrumentos musicais. As profes cóntannos contos e aprendemos a velos nós soliños. Vemos libros, murais, fotos Xogamos coas pezas de construción. Pintamos coas nosas mans. Xogamos cos coches. Xogamos cos cacharros na cociña. Xogamos con pompas de xabón. Imos aprendendo a ir facendo un tren para ir ó patio, ó comedor Ambientamos a clase para a chegada do outono. Conversamos sobre o outono e vemos murais, fotografías típicos desta estación. Traemos á clase froitos típicos destas datas: millo, castañas, cabazas, noces, uvas Faremos a vendima: recolleremos as uvas, votarémolas na piscina, pisarémolas e despois probaremos o seu zume. Traemos á clase moitas follas para xogar con elas e comprobando a que cheiran, como é a súa textura, o ruído que fan ó pisalas, tiralas polo aire Participamos na festa do Magosto. Elaboramos algunha receita de cociña para degustala ese día entre todos. 22

23 Experimentamos con fariña de millo, trigo e carozos e tamén probamos froitos do outono. Plantamos unha árbore para ver como vai medrando ó longo do curso e despois no mes de maio transplantámola. Faremos algunha manualidade relacionada co outono. DECEMBRO: Preparamos e ambientamos a clase para ir recibindo as festas do Nadal e o centro de interese que imos a tratar neste mes titulámolo LOLA FAI A CARTA DOS REIS EN NADAL. Algunha das actividades que levaremos a cabo durante este mes serán: Celebramos a chegada das festas do Nadal ambientando a clase. Falamos sobre a chegada de Papá Noel e dos Reis Magos. Vestímonos co gorro de Papá Noel e poñemos unha árbore de Nadal. Saímos á entrada da escola todos xuntos para ver o bonita que está co Papá Noel xigante, a árbore, o Belén Probamos doces típicos destas datas: turrón duro e brando, mazapáns, polvoróns, uvas, figos Escoltamos panxoliñas e acompañámolas coas pandeiretas. Facemos unha manualidade para celebralo Nadal. Asistimos ó Festival de Nadal. Preparamos a carta para darlle ós Paxes Reais. Manipulamos xoguetes que temos na clase e construímos algún caseiro que sexa sinxelo. Insistimos no hábito de recoller os xoguetes despois de rematar de xogar e no valor de compartir e coidalos. Manipulamos catálogos de xoguetes. Imos a ver como van as nosas árbores e se non chove regámolas e imos observando como medran. Experimentamos con nata e chocolate. SEGUNDO TRIMESTRE: XANEIRO: Recibimos a chegada da estación do inverno e titulamos o centro de interese deste mes LOLA ABRÍGASE.Ó longo deste mes levaremos a cabo actividades como: Falamos sobre o tema e mostramos ós nen@s fotos, murais, libros onde se aprecie o contorno con características propias desta estación. Vestímonos con roupas que nos abriguen: gorros, bufandas, luvas e conversamos sobre o ben que estamos cando temos frío e nos tapamos con elas. Saímos a fora con paraugas cando choiva. Conversamos sobre os cambios que conleva a chegada desta estación. 23

24 Ímos ó video e vemos algunha película que transcorra na estación do inverno e observamos toda a paisaxe. Traemos á clase caracois e poñémolos a comer en follas de col. Presentamos a modo de xogo a cor vermella. Enchemos botellas de auga con témpera vermella. Investigamos ca mancha de cor vermella nun papel moi grande. Empezamos a levar a Lola á casa e decímoslle a papá e a mamá que saquen algunha foto para logo facer O libro de Lola. Celebramos o Día da Paz e facemos unha manualidade para levar ese día. Experimentamos con xelatina e xelatina con froitas. Facemos ximnasia levantando os brazos arriba, agachándonos no chan,abrindo as pernas, pechándoas,damos saltiños pequenos Plantamos framboesas e coidamos o noso horto de amorodos. FEBREIRO: Coa chegada do mes de febreiro celebramos a festa do entroido e neste mes tamén imos a tratar o tema dos animais polo que o centro de interese deste mes será LOLA FESTEXA O ENTROIDO COS SEUS AMIGOS OS ANIMAIS e as actividades que realizaremos serán: Preparamos a clase cun ambiente de festa para recibilo entroido: serpentinas, caretas, globos Disfrazámonos coas roupas que temos na clase. Deixamos que as profes nos maquillen e nos vistan con disfraces. Mirámonos no espello o guapos que estamos. Pintamos e decoramos antefaces e caretas. Facemos o noso propio disfraz. Imos a merenda do entroido cos nosos papás todos disfrazados. Probamos doces típicos destas datas:orellas,filloas Buscamos obxectos de cor vermella pola clase. Pintamos de vermello, pegamos gomets desta cor,papeliños pintamos unha caixa de cor vermella e buscamos cousas desta cor e metémolas dentro. Falamos dos animais máis coñecidos e das súas características. Pedímoslles ás familias para que nos traian algunha mascota á clase e todos poidamos vela. Movémonos pola clase como animais e imitamos a sua onomatopeia. Recoñecemos distintos animais en fotos, láminas.libros Facemos murais de algún animal utilizando as distintas técnicas. Cantamos cancións de animais. Imos ó video e vemos películas onde saian animais. Distinguimos entre animais salvaxes e domésticos. Pedímoslles ós papás que nos traian fotos de animais e facemos un pequeno libro con elas. Comparamos o noso corpo cos dos animais. Experimentamos facendo pan e rosquillas. 24

25 MARZO: O mes de marzo imos adicalo á música polo que o centro de interés deste mes será DESCUBRIMOS A MÚSICA CON LOLA e en relación con este tema realizaremos as seguintes actividades: Traballaremos con distintos tipos de música. Escoitaremos temas musicais e cancións dos estilos escollidos. Traeremos á clase instrumentos musicais de verdade para poder tocalos e ver como soan. Xogamos cos instrumentos que temos na clase. Facemos música con tubos cortados a distintos tamaños. Xogamos a diferenciar entre ruído e son. Facemos instrumentos musicais con material de refugallo. Vemos láminas de distintos instrumentos e distinguimos o seu nome. Facemos algún mural sobre un instrumento en concreto. Pedímoslle a colaboración as familias para que veñan á escola e toquen algún instrumento en directo. Xogamos a facer ruído e cando a profe de orden quedamos en silencio. Facemos algún agasallo para felicitar a papá no Día do Pai. Experimentamos con alimentos doces e salgados. TERCEIRO TRIMESTRE: ABRIL: Este mes imos realizar as xornadas de portas abertas e invitalas familias a que entren nas nosas clases e poidan pasar unha hora con nós realizando algún tipo de actividade. O centro de interese deste mes polo tanto vai ser LOLA COÑECE ÁS NOSAS FAMILIAS. Algunhas das actividades que imos realizar serán: Conversamos sobre as familias, como se chaman papá e mamá, os avós, os padriños, canto nos queren e nos coidan Pedimos as familias que nos traian unha foto e colocámola decorando a clase á altura dos nen@s para que poidan recoñecer nela os diferentes membros. Comparamos á nosa familia coa da nosa mascota Lola que tamén ten avós e tíos Introducimos a modo de xogo a cor amarela. Facemos outra botella con auga tinguida con témpera desta cor e comparámola coa de cor vermella. Estampamos con esponxas coa cor amarela. Xogamos a tocar diferentes texturas e facemos un mural con elas. Xogamos con botes de lata e intentamos tapalos e destapalos, metemos cousas dentro deles, facemos torres. Xogamos con distintos obxectos que empregamos na vida cotiá: embudos,cepillos, botes,estropallos,utensilios de madeira Pintamos a papá e a mamá. 25

26 Imitamos diferentes estados de ánimo: choramos, rimos,estamos tristes Facemos a manualidade da Pascua. Celebramos o Día do Libro. Empezamos a traballar no agasallo para mamá para o Día da Nai que será a primeiros de maio. Experimentamos con pasta cocida e crua. MAIO: Chegado o mes de maio xa está a primavera en todo o seu esplendor e o noso contorno está cheo de colorido polo que o centro de interese titularémolo ULIMOS AS FLORES CON LOLA para traballar a primavera. Algunhas das actividades que realizaremos serán: Ambientamos a clase con unha decoración acorde á estación. Conversamos sobre a primavera e os cambios na paisaxe que a sua chegada conleva. Traemos á clase distintos tipos de flores para que poidan manipulalas, ulilas,ver de que color son,sacarlle os pétalos Vemos fotos, murais, libros onde as paisaxes reflictan a chegada da primavera. Xogamos a buscar pola clase cousas de cor amarela e comparámolas coas de cor vermella. Pintamos unha caixa de amarelo e metemos cousas desta cor dentro. Pintamos con ceras de cor amarelo nun folio. Investigamos coa mancha de cor amarelo nun papel moi grande. Conversamos tamén dos animaliños que vemos nesta estación como poden ser as bolboretas, os paxariños,as abellas Pintamos con moitos colores nun papel grande para simbolizar o estoupido de color que supón a chegada desta estación. Escoitamos cancións alegres e movidas e bailamos ó seu ritmo. Imos ó vídeo e vemos algunha película que está ambientada nesta estación. Facemos unha saída ó Pazo da Peregrina para observar o bonito e colorido que está a paisaxe nesta época do ano e levamos a trasplantar algunhas das árbores que plantamos no primeiro trimestre. Empezamos a saír ó patio de fóra sempre que o tempo nolo permita e xogamos ó aire libre coa area, as carretillas, no tobogán Falamos sobre o Día da Nai, do moito que nos quere e nos coida e tamén do agasallo que lle imos levar. Experimentamos coa pintura. Os últimos 15 días do mes celebramos a Arte e adicámolo a un pintor determinado aínda por escoller e traballaremos sobre a súa obra con distintas actividades. 26

27 XUÑO: Xa chegado o mes de xuño temos as vacacións do verán moi preto e o centro de interese escollido para traballar vai a ser o corpo e o verán e titularémolo IMOS A PRAIA CON LOLA E COÑECEMOS O NOSO CORPO. Realizaremos actividades relacionadas co tema escollido como : Conversamos sobre o noso corpo e as distintas partes de que está composto. Mostramos murais onde está a nena e o neno e conversamos sobre as partes do corpo. Poñemos un papel grande no chan e debuxamos a silueta dun neno e dunha nena e debuxámoslle a roupa axeitada á época do ano na que estamos. Cantamos e escoitamos cancións relacionadas coas partes do corpo. Dedicamos varios dias a ir falando sobre as distintas partes do noso corpo: cabeza, tronco e extremidades e nomeamos as partes que ten cada un. Dramatizamos cancións relacionadas coas partes do corpo. Intentamos que eles se axuden á hora de vestirse e desvestirse. Falamos sobre a época do ano na que nos atopamos e o que imos facer nas vacacións. Pedímoslles ós papás que nos traian distintas herbas aromáticas e flores para facer o cacho a noite de San Xoán. Relacionamos o tempo que fai coa roupa que nos poñemos, coa comida que comemos, coas actividades que facemos ó aire libre Saímos ó patio de fóra e xogamos na mesa de auga tocámola, salpicámonos, poñemos a flotar obxectos, xogamos con coadores, botámoslle xabón para que faga escuma remate da actividade anterior secámonos, vestímonos e calzámonos e intentamos que eles nos axuden. Saímos sempre que poidamos ó patio de fóra aproveitando o bo tempo, sempre coa gorra posta. Despois de vir do patio de fóra acostumamos a lavalas mans e intentaremos en que o fagan eles sós e tamén se sequen. Levamos á casa O libro de Lola para que as familias poidan ver o bonito que nos quedou. Experimentamos a facer zumes con distintas froitas e logo levámolos ó conxelador para que se convertan en xeados. Facemos unha saída ó parque da Praza de Chavian e xogamos ó aire libre nese parque tan grande e con tantos columpios. Imos en autobús por primeira vez o que significa para os nen@s unha auténtica aventura. Xunto con todas estas actividades que enumeramos a modo de exemplo tamén realizaremos outras ó longo de todo o curso como serán: Teremos un día á semana de vídeo no que trataremos de ver debuxos ou películas relacionadas co tema que estamos a traballar nas clases. 27

28 Celebraremos os aniversarios os xoves soprando as velas nun biscoito que nos fará a cociñeira e sacaremos fotos que logo levaremos para a casa de recordo. Faremos xogo heurístico na clase investigando coas posibilidades que nos ofrecen os distintos obxectos da vida cotiá. Participaremos en actividades que se realizarán en toda escola como: o Magosto,Festival de Nadal, Entroido,Mes da Música, a Arte PROGRAMACION AULAS DE 2 a 3 ANOS INTRODUCCIÓN Chegamos á escola no mes de setembro e atopámonos con 60 neno@s de 2-3 anos distribuídos en 3 clases. Algúns xa é o terceiro curso que están con nós pero outros entran por primeira vez na escola. O mes de setembro dedicámolo a coñecernos e familiarizarnos co entorno. Observaremos aos nosos cativos para saber de onde partimos e así poder iniciar o curso e poder levar á práctica a nosa proposta de traballo. Para fundamentar a nosa programación temos en conta as características evolutivas dos nen@s destas idades. Avanzaron moito no desenvolvemento das súas capacidades: as súas habilidades, as formas de expresión, o modo de relacionarse, a súa autonomía, os coñecementos. Aos 2 anos, a nivel físico, xa son capaces de desprazarse con moita facilidade. Controlan cada vez máis a velocidade, a forza, a dirección. Teñen en xeral bastantes destrezas adquiridas a hora da manipulación dos obxectos, axudan a vestirse e espirse, intentan comer sós O seu pensamento evoluciona por medio da acción e a manipulación. Xa diferencian moitas características dos obxectos. Son capaces de evocar algo que sucedeu e reproducir mediante xestos o que fan as outras persoas. A súa percepción do tempo, establecemento de rutinas. é escasa, por iso é tan importante o Comunícanse co seu corpo, con xestos e progresivamente con palabras e debemos aceptar a súa linguaxe mostrándolle confianza, proximidade e dispoñibilidade. As súas capacidades afectivas son limitadas e por iso reclaman a atención do adulto, buscan protagonismo e aprobación. Comparten o afecto con bonecos e obxectos. Queren facer cousas por si mesmos e entran nunha etapa de oposición. Xa están preparados para adquirir os principais hábitos de autonomía persoal. A socialización iniciase nesta idade, compartindo cos demais obxectos e xogos. Poden darse conflitos, pegarse ou morder pero a reconciliación forma parte da vida en grupo. A estas idades é importante mostrar o valor dos acordos e as normas para que a dinámica sexa fonte de pracer. Despois de mencionar brevemente as principais conquistas destes dous anos pasamos a formular os obxectivos, contidos e actividades para este curso. 28

29 O noso principal obxectivo e que Os nen@s se sintan queridos e respectados na escola. Partimos da base de que para que un neno se sinta a gusto ten que ter as necesidades básicas cubertas: alimentación, evacuación e hixiene; movemento, repouso e sono; comunicación; ser recoñecido como persoa e sentirse querido. Despois de conseguir este obxectivo trataremos de estimulalos para desenvolver todas as capacidades, en función das súas posibilidades e explorar o entorno natural e social. OBXECTIVOS COÑECEMENTO DE SI MESMO E AUTONOMÍA PERSOAL Coñecer o seu corpo, os seus elementos e as súas funcións. Expresar sentimentos, emocións, necesidades e preferencias. Identificar progresivamente as súas posibilidades e limitacións, valoralas adecuadamente e actuar de acordo con elas. Evitar actitudes discriminatorias, respectando as diferenzas. Realizar de maneira cada vez máis autónoma as actividades habituais e tarefas sinxelas da vida cotián. Solicitar e aceptar axuda nas situacións que o requiran. Coñecer e aceptar as normas de comportamento establecidas durante as comidas, os desprazamentos, a hixiene, o descanso. Participar progresivamente nos xogos e respectar as regras. Adquirir a coordinación visomanual necesaria para manexar e explorar os obxectos cun grao de precisión cada vez maior na realización das actividades da vida cotián. Controlar progresivamente con máis precisión xestos e movementos. COÑECEMENTO DO CONTORNO Observar e explorar de forma activa os obxectos do entorno, percibindo atributos e cualidades. Respectar os obxectos propios e alleos. Participar nos diversos grupos cos cales se relaciona no transcurso das diversas actividades, tendo en consideración os demais. Orientarse e actuar autonomamente nos espazos cotiáns. Identificar secuencias temporais relacionándoas coas rutinas. Observar os cambios que sofre o entorno e identificar factores que inflúen sobre eles. Relacionarse, progresivamente, cos demais, de forma cada vez máis equilibrada e satisfactoria, interiorizando as normas de comportamento e axustándose a elas. Apreciar as celebracións persoais e da comunidade, valorándoas como actividades que constrúen a nosa sociedade. Valorar a importancia do medio natural e animal para a vida humana, manifestando actitudes de respecto e coidado na medida das súas posibilidades. Observar e interpretar o tempo atmosférico. 29

30 LINGUAXES: COMUNICACIÓN E REPRESENTACIÓN. Expresar sentimentos e ideas mediante a linguaxe oral, axustándose progresivamente os distintos contextos. Comprender, progresivamente, as intencións e mensaxes orais que lle comunican outros nenos e adultos. Ler, interpretar e producir imaxes como unha forma de comunicación descubrindo e identificando os elementos básicos da súa linguaxe. Realizar actividades de expresión artística, mediante diferentes técnicas e materiais. Sentir a música como medio de expresión e manifestación cultural. Empregar a linguaxe plástica identificándoa como un medio de expresión de sentimentos e representación da realidade. Acercarse ao coñecemento das obras artísticas, gozando da súa observación e interpretación. Participar activamente e gozar da interpretación das cancións, xogos musicais e bailes. Descubrir e experimentar con xestos e movementos como recursos corporais para a expresión e a comunicación. CONTIDOS COÑECEMENTO DE SI MESMO E AUTONOMÍA PERSOAL Bloque 1. O corpo Exploración do propio corpo, identificación das súas partes e as diferentes características. Características diferenciais do propio corpo respecto ao dos demais. Imaxe global e segmentaria. Necesidades do propio corpo: alimentación, hixiene, descanso, afectividade. Descubrimento dos sentidos como fonte de sensacións e percepcións. Vivencias do propio corpo en relación ao espazo e o tempo. Bloque 2. A identidade, a autoestima e as emocións Valoración positiva e respecto polas diferencias, evitando actitudes discriminatorias. Observación e aceptación das propias necesidades, posibilidades e limitacións. Identificación de si mesmo polo nome e do grupo familiar o que pertence. Actitude activa nas pequenas dificultades superables. Recoñecemento dos sentimentos e emocións propios e dos demais. Actitude de paciencia e espera ante a resposta axeitada. Control de respostas agresivas ante momentos de frustración. Manifestación de sentimentos propios e cara os demais. Identificación e manifestación dos propios gustos. 30

31 Bloque 3. O coidado persoal Gusto polo aspecto persoal coidado. Iniciativa para comer de maneira autónoma. Gusto por probar novos alimentos e diferentes texturas. Colaboración na hixiene e no coidado de si mesmo. Recoñecemento dos riscos e perigos habituais do entorno e utilización de medios para evitalos. Regulación dos ritmos de sono e vixilia, actividade e descanso. Recoñecemento do control de esfínteres. COÑECEMENTO DO CONTORNO Bloque 1. O medio físico Manipulación dos obxectos e materiais do entorno e identificación dalgunhas das súas propiedades. Situación de si mesmo e dos obxectos no espazo. Experimentación coas cantidades, medidas e características dos obxectos. Observación, manipulación e identificación de formas planas. Clasificación e agrupación de obxectos seguindo diferentes criterios. Iniciación no manexo do ordenador. Uso e función dos obxectos máis habituais. Atributos sensoriais dos obxectos: cor, forma, tamaño, son, sabor.. Bloque 2. Achegamento á natureza Observación e gusto pola natureza nas diferentes estacións do ano, identificando algunha das súas características. Observación dos animais e plantas do entorno máis próximo. Curiosidade e respecto por os animais e plantas do entorno. Establecemento de relacións sinxelas entre animais e o medio no que viven. Coñecemento de diferentes produtos que nos proporcionan os animais e as plantas. Recoñecemento dalgúns fenómenos atmosféricos: chuvia, tronos, neve, vento, sol Gozo das actividades ao aire libre e por a natureza. Observación do ciclo vital das plantas do noso horto. Bloque 3. Cultura e vida en sociedade. A propia familia: membros que a compoñen. A escola: profes, compañeiros, o resto de persoal da escola, as dependencias. 31

32 Incorporación progresiva de pautas de comportamento e normas básicas de convivencia: saudar, despedirse, dar as grazas, pedir por favor... Coñecemento e participación en acontecementos, costumes e tradicións da nosa cultura. Curiosidade por as distintas profesións, servizos, medios de transporte. Normas básicas de educación vial: semáforo, paso de peóns LINGUAXES: COMUNICACIÓN E REPRESENTACIÓN Bloque 1. Comunicación xestual e oral Utilización da linguaxe oral para comunicar e expresar necesidades e desexos. Recoñecemento e utilización das posibilidades do corpo para comunicarse. Participación nas conversas, no canto, danzas dentro das súas posibilidades. Aumento progresivo de vocabulario e pronunciación clara e entoación axeitada. Evocación e relato de feitos e acontecementos da vida cotiá. Memorización e reprodución oral de pequenas poesías, retahilas, cancións Respecto no uso da palabra. Bloque 2. Expresión plástica e musical. Gusto por o manexo de materiais e útiles da expresión plástica. Curiosidade por participar nas técnicas da expresión plástica: pintura, moldeado, rachado, pegado, Exploración das posibilidades sonoras do propio corpo, dos obxectos e dos instrumentos musicais. Discriminación progresiva de ruído, silencio, contrastes básicos: forte, suave. Interese por participar nas danzas, cantos e manexo de instrumentos musicais. Curiosidade e valoración das obras de arte que mostramos na escola. Identificación das cores primarias e interese por investigar con elas. Uso axeitado e progresivo dos diferentes útiles e materiais. Recoñecemento de sons que se producen no noso entorno. Bloque 3. Representación escrita e dramática Interese polo descubrimento de imaxes, dos debuxos e das fotografías reproducidas en libros, láminas, murais, cadros. Interese e iniciativa para participar en interpretacións dramáticas. Desexos de explorar e coñecer as posibilidades expresivas do corpo. 32

33 Experimentación do xesto gráfico sobre diferentes superficies e en diferentes posicións: vertical e horizontal, (de arriba abaixo, de un lado ao outro). Utilización do debuxo pasando do garabato o inicio da representación de formas simbólicas. Atribución de significado a certos grafismos ou garabatos. Interese por manipular libros, revistas e escoitar a súa lectura. Comprensión dos relatos, dramatizacións escoitados ou vistos. Despois de formular unha serie de obxectivos e contidos xerais para traballar o longo do curso, pasamos a fase práctica, onde describimos algunhas das actividades que faremos cos nosos nen@s para conseguir alcanzar os obxectivos propostos. Nas programacións trimestrais formularemos obxectivos e contidos máis específicos. As actividades serán máis concretas en función do obxectivo e contido a traballar. ESQUEMA DE ACTIVIDADES 2-3 ANOS SETEMBRO PERIODO DE ADAPTACIÓN PRIMEIRO TRIMESTRE OUTUBRO PEPA FAI MAXIA NA ESCOLA PEPA, a nosa MASCOTA. LIBRO DE PEPA. Empezamos a cubrilo entre a escola e as familias. COR VERMELLA, LIBRO DA COR VERMELLA, RECUNCHO DA COR VERMELLA. EXPERIENCIAS: recolleita do millo, vendima, cabazas. HORTO: Plantación de bulbos. NOVEMBRO O OUTONO CHEGOU E TODO CAMBIA DE COR - EXCURSIÓN. Pazo da Peregrina. - HORTO. Plantamos castañas. - RECEITAS DE OUTONO. - MAGOSTO - EXPERIENCIAS : Café. Granadas. - FORMA REDONDA DECEMBRO PEPA ESPERA A PAPÁ NOEL FESTIVAL DE NADAL RECEITA DE NADAL 33

34 EXPERIENCIAS: Cubiños de xeo de cores. Laranxas, mandarinas, limóns, pomelos. SEGUNDO TRIMESTRE XANEIRO XOGAMOS E XOGAMOS ATA QUE NOS CANSAMOS EXPERIENCIAS: Sal, azucre, auga, zume e leite. Fabricamos algún xoguete. DIA DA PAZ INFORMÁTICA COR AMARELA. LIBRO DA COR AMARELA, RECUNCHO DA COR AMARELA FEBREIRO DISFRAZARME CON PEPA E FANTÁSTICO - ENTROIDO - EXPERIENCIAS : Receita de Antroido. Pasta de modelar. - FORMA CADRADA - HORTO: Plantamos diferentes hortalizas. MARZO PASÁMOLO BEN CANTANDO E BAILANDO MES DA MÚSICA MASCOTAS DÍA DO PAI EXCURSIÓN: granxa. EXPERIENCIA: Tacos de xabón. TERCEIRO TRIMESTRE ABRIL SORPRESA PAPÁ E MAMÁ VEÑEN A ESCOLA XORNADAS DE PORTAS ABERTAS COR AZUL. LIBRO DA COR AZUL. RECUNCHO DA COR AZUL. DIA DO LIBRO EXPERIENCIAS: auga, aceite, mel. Debullamos chícharos. MAIO DE CORES VÍSTENSE OS CAMPOS DIA DA NAI QUINCENA DA ARTE FORMA TRIANGULO EXPERIENCIAS: Estampamos con hortalizas. Lanternas. 34

35 XUÑO SI VAS POR A RÚA IRÁS AMODIÑO EXCURSIÓN: Transplante de castiñeiros ao monte. FESTIVAL FIN DE CURSO CACHO EXPERIENCIAS: Auga. Macedonia. Propoñemos actividades nas que poidamos manipular, experimentar, investigar, aprender as veces de maneira libre e outras veces de maneira máis dirixida. As profes poñemos materiais e obxectos para que os nen@s poidan manipulalos e actuar sobre eles. Cando os tocan, os lamben, os apertan, déixanos caer, miran como son por dentro, perciben si é grande ou pequeno, si está frío ou quente, si cheira ben ou mal, si é duro, brando, graxento, suave, áspero, pesa moito ou pouco Serán actividades moi flexibles, adaptándose a cada neno segundo as súas necesidades, enfocadas ao xogo, distracción, coñecemento do espazo e do tempo, adquisición de hábitos, establecemento de normas básicas Mediante estas actividades e de maneira globalizada, desenvolven todas as capacidades, observan o entorno e actúan sobre el. Algunhas das actividades repetiranse o longo do curso. Outras serán rutinas que nos axudarán a tomar conciencia do tempo, do espazo e a organizarnos para poder ter satisfeitas as necesidades básicas e ao mesmo tempo levar a cabo a nosa proposta de traballo. Cada educadora na súa clase adaptará as actividades o nivel madurativo do seu grupo respectando o ritmo individual de cada neno. Traballaremos con centros de interese enmarcados dentro de acontecementos tradicionais do entorno, as estacións do ano, festas e costumes propias por exemplo: O magosto, a vendima, a milleira, o Nadal, a Primavera. Ao longo de todo o curso temos unha tarefa moi importante nesta idade: o control de esfínteres. Algúns nenos xa iniciaron este proceso pero a maioría aínda non. Compartiremos coas familias este cambio tan importante. EXEMPLO DE XORNADA Ata as 9 da mañá estamos no comedor onde se toman os almorzos. As 9 imos as nosas clases onde recibimos aos nenos que van chegando, poñémoslle o mandilón, colgamos na súa percha as pertenzas. As 9:30 facemos a asemblea, saudamos a nosa mascota PEPA, falamos do tempo atmosférico, de cómo pasamos a noite, do que imos facer hoxe na nosa aula e calquera outro tema que xurda na conversa. 35

36 Seguidamente realizamos as actividades programadas para ese día en función do centro de interese que esteamos traballando. As 10:45 tomamos galleta, auga e imos o baño si e preciso. As 11 saímos o patio de fóra ou de dentro, en función do tempo atmosférico. As 11:30 volvemos a clase e sentámonos na alfombra para relaxarnos. Cada día dedicaremos un momento a contar un conto, mirar unhas fotos, escoitar música. Seguidamente facemos os cambios de cueiros e sentamos no retrete aqueles que empezan a controlar esfínteres. Aproveitamos para facer xogo libre mentres realizamos esta actividade de hixiene. As 12:15 recollemos a clase e imos lavar as mans para ir a comer. As 12:30 imos ao comedor. A volta da comida lavamos os dentes, sacamos os mandilóns e preparámonos para a sesta. Os que dormen van a deitarse e os demais quedan na clase facendo actividades diversas mentres non e a hora de marchar a casa. A medida que van espertando, lavan a cara, realizamos os cambios de cueiros ou sentamos no retrete e logo seguimos facendo xogos coas profes e amiguiños ata a hora da merenda. As 16:30 imos a merendar. O remate volvemos a clase a prepararnos para ir as nosas casas ou a xogar de novo, aqueles que marchan máis tarde. Ao longo do curso realizaremos O LIBRO DAS CORES Consiste en facer cada trimestre un libro onde traballaremos unha cor primaria utilizando as diferentes técnicas plásticas. Traballaremos as diferentes técnicas plásticas: modelado, rachado, pegado, amasado, punteado, utilizando os diferentes útiles: mans, ceras, pinceis, rodillos, moldes, pegadiñas, bastonciños Un día a semana iremos ver unha PELÍCULA relacionada co tema que esteamos traballando. Outro día faremos XOGO HEURÍSTICO. Esta actividade fixémola o curso pasado en 1-2 anos e resultou interesante. Incorporaremos novos materiais para que os nen@s sintan curiosidade e investiguen con eles. Faremos sesións de PSICOMOTRICIDADE, as veces na aula e outras veces no patio de psicomotricidade. Iremos un día a semana a sá de INFORMÁTICA a familiarizarnos cos ordenadores. Asistiremos en grupos de catro cada día. Teremos unha compañeira chamada PEPA. PEPA é a nosa mascota. Unha fada que xogará con nós todos os días, contarémoslle moitas historias, faremos actividades xuntos, sacarémoslle fotos e acompañaranos as nosas casas a presentarlla a nosa familia. Temos preparado O LIBRO DE PEPA onde quedará constancia dalgunhas actividades que realizamos na escola e tamén das visitas as nosas casas. Pediremos as familias que nos axuden a realizar esta actividade. Dedicamos certos momentos da xornada ao xogo libre cos xoguetes que temos na escola. 36

37 Realizaremos xogo simbólico imitando accións da vida cotián e utilizando os materiais e obxectos dos que dispoñemos. Manipulamos diferentes xogos educativos para adquirir novas destrezas: puzles, ensartables, encaixables, parafusos, dominós, Cada xoves celebraremos os ANIVERSARIOS do nen@s que cumpren os días anteriores. Poñemos candeas no biscoito e cantámoslle CUMPLEANOS FELIZ axudándolle a soprar si non pode. Entre todos prepararémoslle unha tarxeta estampando cos nosos dediños e unha coroa como recordo deste gran día. SETEMBRO Este mes dedicámolo ao PERÍODO DE ADAPTACIÓN. Ver Anexo. PRIMEIRO TRIMESTRE OUTUBRO Aínda que dedicamos o mes de setembro ó período de adaptación, xa que é cando iniciamos o curso, seguiremos en outubro tendo presente que algúns nenos aínda non están integrados totalmente na escola e posiblemente máis de un, terá momentos nos que a estancia durante toda a xornada pode resultarlle menos doada. Escollemos para este mes un centro de interese que titularemos PEPA FAI MAXIA NA ESCOLA ACTIVIDADES Preparamos a nosa clase en relación o tema que imos tratar. Reunímonos en asemblea e saudámonos dicindo os nosos nomes, dicimos onde está a percha de cada un coas súas pertenzas, conversamos sobre a nosa escola, os espazos que hai nela: clases, patio, baños, cociña, comedor, e as accións que realizamos en cada lugar. Imos facer unha visita as demais clases e diferentes estancias, para coñecer os demais compañeiros e profes que están con eles... Contamos o conto O meu primeiro día na escola. Falamos tamén coa nosa mascota PEPA. Facemos xogos de aparecer e desaparecer os obxectos por medio da maxia que fai PEPA. Contamos o conto da CENICIENTA. Confeccionamos un calendario do tempo atmosférico para cada día colocar nel o distintivo que corresponda en función do tempo que fai: chuvia, sol ou nubes. Realizamos un mural de asistencia para poder cada día deixar constancia dos nenos que están na clase ou por calquera motivo non acudiron a escola. 37

38 NOVEMBRO Xogaremos de maneira libre cos diferentes xoguetes que temos na escola tratando de compartir e respectando un orde. Ao remate da actividade axudaremos a recoller metendo cada cousa na caixa que corresponda. Conversaremos sobre o noso corpo, as partes máis importantes e o que podemos facer con elas. Presentamos a cor vermella. Empezamos a traballar o Libro da cor vermella. Pedimos as familias que os nen@s traian da casa algún xoguete desta cor. Prepararemos o recuncho da cor vermella con todos os xoguetes que viñeron da casa. Teremos cada día o Momento do conto. Facemos a experiencia da recolleita do millo. Facemos a experiencia da vendima. Traemos cabazas e baleirámolas. Manipulamos a súa polpa. Logo decorámolas. Pedimos as familias bulbos e plantámolos nas xardineiras do patio. Facemos a manualidade para levar a casa. Traballamos o concepto grande e pequeno. Xa estamos en pleno outono e queremos que os nen@s perciban os cambios que sofre o noso entorno nesta época. Escollemos como título do centro de interese que imos traballar O OUTONO CHEGOU E TODO CAMBIA DE COR. Ambientamos a clase para traballar este tema. Mostramos murais, contos, fotos onde se perciban paisaxes con características propias do outono. Facemos unha excursión para recoller follas secas e verdes e observar directamente a natureza nesta época do ano. Pazo da Peregrina. Traemos a clase froitos típicos : castañas, ourizos, noces, granadas manipulámolos, ulímolos, probámolos Pedimos as familias un bote de colacao mediano, baleiro para plantar nel unha castaña. Facemos a plantación de castaños. Xogamos na clase con follas secas, tocámolas, ulímolas, botámolas ao aire Pedimos as familias algunha receita feita con froitos do outono. Realizamos aquí na escola algunha para a festa do Magosto. Celebramos o MAGOSTO. Facemos un mural con cores de outono. Facemos unha experiencia con café e outra con granadas. Facemos a caixa das texturas. Distinguimos entre suave e áspero. 38

39 DECEMBRO Traballamos o concepto arriba e abaixo. Recitamos poesías, cancións do outono. Seguimos traballando o noso corpo facendo psicomotricidade fina e grosa. Seguimos traballando a cor vermella. Presentamos a forma redonda. Facemos a caixa das cousas redondas. Facemos a manualidade do outono. Facemos traballiños para o libro da cor vermella. Dicimos algunhas palabras en inglés para espertar a curiosidade: As cores que estamos traballando, bos días, hola. ata logo, grazas Estamos chegando ao inverno e con el o frío e o Nadal. O tema a traballar este mes e PEPA ESPERA A PAPÁ NOEL. Preparamos a clase para o Nadal. Conversamos sobre o tema. Probamos doces típicos do Nadal. Facemos algún doce de Nadal. Tocamos cousas duras e brandas. Escoitamos e cantamos panxoliñas. Manipulamos cousas brillantes Facemos o Mural para o Nadal. Manipulamos catálogos de xoguetes. Preparamos a carta para os Paxes pegando xoguetes que as profes recortaron dos catálogos. Facemos un mural con diferentes texturas en vermello. Facemos cubiños de xeo de cores. Manipulamos diferentes froitos da época: laranxas, limóns, mandarinas, pomelos. Tocamos cousas frías e quentes. Facemos unha felicitación para levar a casa. Vestímonos con roupas que abriguen e nos tapen da chuvia: luvas, gorros, bufandas, impermeables, Saímos a ver a chuvia e abrimos e cerramos os paraugas. Seguimos traballando no libro das cores. Manipulamos instrumentos musicais: pandeiretas, campás, Preparamos o Festival de Nadal. Seguimos traballando coa forma redonda. Levamos a casa os traballiños do trimestre. Celebramos o FESTIVAL DE NADAL 39

40 SEGUNDO TRIMESTRE XANEIRO Despois da visita de Papá Noel ven a dos Reis Magos. Son acontecementos moi importantes para os nen@s. Traballaremos este tema chamándolle XOGAMOS E XOGAMOS ATA QUE NOS CANSAMOS. Conversamos sobre os xoguetes que deixaron Papá Noel e máis os Reis Magos. Construímos algún sinxelo. Xogamos cos que temos na clase tratando de compartir. Permitimos que cada neno poida traer ao longo da semana seguinte a Reis a ensinarlle aos amiguiños algún xoguete que lle deixou Papá Noel ou os Reis e logo levarano ao remate da xornada para a casa. Fomentamos o uso correcto dos xoguetes e o hábito de recoller o rematar. Buscamos xoguetes iguais e diferentes. Traballamos o concepto dentro e fora. Metemos xoguetes nunha bolsa e tratamos de adiviñar cal é tocando coas mans sen mirar. Celebramos o DIA DA PAZ. Facemos a manualidade para este día tan importante. Observamos como evoluciona o noso horto. Presentamos a cor amarela. Empezamos o libro da cor amarela. Pedimos a cada neno que traia da casa un xoguete amarelo para o recuncho da cor amarela. Empezamos a ir a informática. Probamos alimentos doces e amargos. Investigamos con sal gorda e fina, azucre mesturando con auga, zume, leite. Pepa pode facer maxia e fai desaparecer o azucre e o sal. Probamos e distinguimos sabores. FEBREIRO Este é o mes propio do Entroido. Chamarémoslle a esta unidade DISFRAZARSE CON PEPA É FANTÁSTICO. A nosa amiga axudaranos coa súa vara máxica a descubrir e gozar da fantasía destas datas. Decoramos a clase con grilandas, globos, antefaces, caretas Na asemblea conversamos a diario sobre o que imos facer ao longo do día. Miramos fotos, contos e murais onde se observen imaxes desta celebración. Utilizamos as roupiñas dos baúis para vestirnos e pasalo ben. Pintamos a cara e mirámonos no espello. Comparamos cousas amarelas e vermellas. 40

41 Distinguimos longo e curto. Probamos alimentos típicos destas datas: filloas, rosquillas, orellas. Facemos o disfrace para o Día de Entroido. Facemos algunha receita típica para estas datas. Facemos unha experiencia facendo pasta de modelar. Seguimos traballando no libro da cor amarela. Presentamos a forma plana cadrado. Facemos a caixa das cousas cadradas. Metemos máis texturas na caixa das texturas. Plantamos diferentes hortalizas que decidiremos no seu momento. Facemos circuítos de psicomotricidade dentro da clase. Facemos un mural con diferentes texturas en amarelo. MARZO Eliximos este mes para traballar un tema moi motivador para os nen@s; o tema dos animais. Ao mesmo tempo, aínda que nas nosas aulas temos música a diario, ao longo do mes traballaremos de maneira especial os estilos máis comúns. Titulamos este tema PASÁMOLO BEN, CANTANDO E BAILANDO Para traballar o MES DA MÚSICA faremos unha programación anexa no seu momento. Como todos os meses prepararemos a nosa clase para a ocasión. Manipulamos, comentamos, observamos contos, fotos, láminas, murais, revistas onde teñamos animais. Conversamos sobre as características dos animais, onde viven, que comen, como se moven, como teñen o seu corpo, que nos proporcionan, a súa onomatopea. Dicimos o nome de algúns animais en inglés. Buscamos a colaboración das familias para que traian algún animal a escola. Facemos adiviñas dando pistas de animais xogando o Vexo, Vexo. Facemos unha excursión a unha granxa. Traemos a clase uns peixes metidos na auga e coidámolos. Facemos psicomotricidade imitando os movementos dos animais. Realizamos un mural de animais con diferentes técnicas. Comparamos as cores amarela e vermella. Distinguimos ruído e silencio. Facemos láminas para o Libro da cor amarela utilizando diferentes soportes e técnicas. Traballamos o concepto preto de e lonxe de Distinguimos entre poucos e moitos. Facemos un traballiño para o DÍA DO PAI Levarán a casa os traballiños do trimestre. Facemos unha experiencia con tacos de xabón. 41

42 TERCEIRO TRIMESTRE ABRIL Esperamos a estas alturas do curso que os nosos cativos estean a gusto e moi integrados no grupo. Aínda que xa coñecen a escola, como outro medio de socialización diferente ao da súa casa, queremos acercar a vida familiar a escola e por iso traballaremos o tema da familia. Realizaremos as XORNADAS DE PORTAS ABERTAS e aproveitaremos para invitar ás familias a que pasen con nós parte da xornada e compartan algunha experiencia relacionada coa súa profesión. Chamarémoslle a esta unidade SORPRESA... PAPÁ E MAMÁ VEÑEN A ESCOLA! Pedimos as familias que nos envíen fotos da familia para coñecernos e os nen@s identificar e sentir cerca aos seus. Mostramos contos, murais, fotos,... onde aparecen papás, mamás, nenos, estancias da casa, avós e avoas Presentamos a cor azul. Empezamos a traballar no libro da cor azul utilizando diferentes materiais, útiles e técnicas plásticas. Faremos o recuncho da cor azul cos xoguetes azuis que traerán os nen@s da casa. Visitas das familias. Celebraremos o DÍA DO LIBRO. (23 abril) Pedimos de novo que cada nen@ traia da casa un conto para ler entre todos na escola ao longo da semana. O día 23 faremos a Feira do Libro onde todos compartiremos os libros que viñeron da casa. Contamos coa posibilidade de facer unha excursión a biblioteca. Experiencia con auga, aceite e mel. Experimentamos debullando chícharos. Conversaremos sobre as estancias da casa e o que facemos en cada unha delas. Falaremos dos alimentos que tomamos, do almorzo, do xantar, da cea. Faremos un traballiño para agasallar a mamá no DÍA DA NAI. Conversamos sobre o moito que queremos aos nosos pais, irmás, avós Seguimos observando e coidando o noso horto. MAIO No noso entorno xa percibimos que estamos en primavera. Desde a escola queremos que os nen@s perciban as súas características e por iso dedicaremos este mes a falar das flores, dos paxariños que veñen de fóra, das cores que nos rodean, do arco da vella, dos días de sol pero tamén de días de chuvia ( si isto acontece ). Chamarémoslle a esta unidade de traballo DE 42

43 CORES VISTENSE OS CAMPOS. Este mes celebraremos a QUINCENA DA ARTE. faremos programación anexa. XUÑO Ambientamos a clase para a primavera. Conversas, murais, fotos, libros Pedímoslle as familias que os nen@s traian flores a escola e manipulámolas, ulímolas, sacámoslle os pétalos, distinguimos as súas partes e dicimos o seu nome Seguimos traballando coa cor azul. Relacionamos algúns animais coa primavera: bolboretas, paxariños, abellas. Conversamos sobre as roupas que poñemos agora e as que levabamos antes desta época. Tratamos de distinguir accións que facemos polo día e outras que facemos pola noite. Xogamos con lanternas na clase a facer sombras e distinguir luz e escuridade. Distinguimos o triangulo e buscamos cousas pola clase con esta forma. Facemos a caixa das cousas con forma de triangulo. QUINCENA DA ARTE. Distinguimos por medio do xogo entre aberto e pechado. Facemos unha experiencia estampando con hortalizas. Seguimos traballando o son e o silencio e comparamos animais que emiten sons e outros que non: caracol, formigas, paxariño, abellas. Xa estamos en xuño e temos que falar do Festival de Fin de curso, das vacacións, de ir ao cole de maiores, do verán, dos medios de transporte e aproveitaremos tamén para iniciar aos nosos cativos na Educación vial. Chamámoslle a esta unidade, SI VAS POR A RÚA, IRÁS AMODIÑO Conversas sobre o verán, as vacacións, o cole de maiores Comentamos libros, catálogos murais onde aparecen paisaxes de verán, medios de transporte No día do MEDIO AMBIENTE (5 DE XUÑO) imos de excursión ao monte a transplantar os nosos carballos. Pediremos diferentes herbas as familias para facer O CACHO. Facemos un circuíto para distinguir algunha norma de educación vial: como cruzar no paso de peóns, como estará o semáforo para cruzar a rúa, darémoslle a man ao adulto, Distinguimos algúns medios de transporte: avión, tren, barco, camión de bombeiros, ambulancia, moto Preparamos o FESTIVAL DE FIN DE CURSO. Recollemos os froitos do noso horto. Presentamos a cor verde. Experimentamos con froitas e facemos unha macedonia 43

44 Remataremos o libro da cor azul. Levamos a casa cada día un nen@ o LIBRO DE PEPA para que vexan as familias. Preparamos os nosos traballiños para levar a casa. Xogaremos coa auga. Sacaremos as fotos para a ORLA Celebramos o FESTIVAL DE FIN DE CURSO V.- CRITERIOS METODOLÓXICOS Para a consecución das aprendizaxes en valores será de vital importancia a participación das familias a favor da continuidade e coherencia dos plantexamentos propostos pola escola. Intentaremos educar na convivencia, fomentando a solidariedade, a cooperación, a liberdade, a responsabilidade, o respecto e o rexeitamento a todo tipo de discriminación e intolerancia. A sociedade ten asignados papeis en función do sexo. Os nenos/as tenden a imitar accións do medio que lles rodea. Por isto, a escola, para evitar estereotipos, fará fincapé en: usar unha linguaxe non sexista, non discriminar xoguetes, todos xogan con todo e a todo; respondemos afectivamente igual ós nenos que ás nenas; insistimos en que todos teñen que colaborar nas tarefas domésticas e por suposto na clase; os currunchos deben ser utilizados indistintamente por nenos que por nenas... Procuraremos acercar aos nenos/as ó medio natural aprendendo a valorar a importancia que este ten para a vida das persoas e desenrolando actitudes de respecto e coidado del. A saúde é un estado de benestar xeral que hai que procurar. Por iso é necesario fomentar nos nenos/as hábitos de saúde, principalmente de consumo de alimentos sans, de descanso, de hixiene e de prevención de accidentes. En todo momento teremos moi en conta a colaboración coas familias establecendo canles para o intercambio de información, así como a súa consecuente participación na vida da escola Deseñaremos o ambiente e organizaremos os espazos tendo en conta que dean resposta aos diferentes tipos de necesidades : necesidades de tipo físico, afectivo, de convivencia, de actividade, de movemento de expresión, etc. Intentaremos organizar os espazos, tanto interiores como exteriores, de forma segura e flexible para permitir que os nenos e nenas fagan unha variedade de usos dos diferentes espazos ao longo da xornada. Na escola existirán todo tipo de materiais para a estimulación das nenas e nenos, dispoñendo de maneira que se incentive a súa manipulación e facéndoas /os participes na responsabilidade do seu coidado e organización. A organización do tempo farémola de forma moi flexible para poder adecuarse aos ritmos de actividade e descanso dos nenos e nenas. Aínda que teremos moi presente a nosa cultura e potenciarémola en todo momento, imos ter presente que na nosa escola asisten nenos e 44

45 nenas de outras culturas, polo que intentaremos convivir sen menoscabo delas. Os nenos/as destas idades teñen unha visión global do mundo que se manifesta na súa forma de xogar e actuar. A nosa intervención educativa deberá evitar o parcelamento das actividades e deberemos aproveitar especialmente as situacións da vida cotiá para favorecer o traballo globalizado. Dado que cada neno/a ten un bagaxe de aprendizaxe diferente, un ritmo propio de desenvolvemento,, deberemos ofrecerlles a cada un o que precisen para que por medio desta individualización consigan unha auténtica igualdade de oportunidades Facilitarémoslle a manipulación, exploración, etc, requisitos necesarios para conseguir unha aprendizaxe significativa Propiciaremos actividades de xogo, tendo en conta que é a actividade que dá unha mellore resposta ao desenvolvemento dos nenos e nenas destas idades. Fomentaremos vínculos afectivos, tan importantes nestas idades, entre nos e os nenos/as,que lles servirán para sentir equilibrio e seguridade emocional na escola. A avaliación terá un carácter permanente e sistemático, de maneira que nos proporcione información veraz e continua sobre os procesos de toda índole que teñen lugar no noso centro e que nos posibilite axustar ou mellorar os programas establecidos. No noso proceso de avaliación deberemos recoller non só información de como vai evolucionado o desenvolvemento dos nenos e nenas nos ámbitos de aprendizaxe, senón tamén a propia planificación educativa, a organización de tempos e traballo dos equipos educativos e de servizos, e a interrelación coas familias e coa comunidade. 45

46 46