Decálogo de boas prácticas para facer agasallos sostibles en Nadal

Decálogo de boas prácticas para facer agasallos sostibles en Nadal

Celebracións, felicitacións e agasallos, moitos agasallos. O Nadal constitúe a época do ano na que, aferrándonos á tradición, afanámonos en obsequiar aos nosos achegados con presentes materiais que, en moitas ocasións, traen consigo un considerable dispendio de recursos e que, máis pronto que tarde, acaban converténdose en residuos que deben ser xestionados convenientemente a fin de evitar, ou alomenos minimizar, o seu negativo impacto ambiental. Cun pouco de creatividade e imaxinación podemos romper esta tendencia. A clave reside na mesura, a prudencia, o equilibrio e a racionalidade. Porque o recoñecemento e admiración cara ás persoas da nosa contorna non se mide unicamente polo importe económico do artigo que adquirimos ex profeso para elas, senón polo agarimo que o envolve. Que sexa compatible coa protección do medio ambiente e co noso peto constitúen importantes criterios a ter en conta, e se, ademais, do mesmo se derivan beneficios sociais, estaremos ante o agasallo perfecto.

Reflexiona Antes de executar unha compra concreta, é conveniente pensar detidamente nas características da persoa á que vai dirixida o noso agasallo e ter en conta as súas necesidades, gustos e afeccións. De nada serve regalar por regalar; un xesto que denota escasa consideración cara ao outro, que unicamente supón malgaste e tan só provocará apatía. 1 2 4 Diferenza entre consumo e consumismo Mentres que o consumo asóciase á satisfacción de determinadas necesidades, o consumismo vai ligado unicamente á publicidade e a presións sociais que, máis pronto que tarde, acaban por facer mella no noso orzamento, xerando unha gran frustración. Pon fin ao usar e tirar Ou, o que é o mesmo, pon fin ao modo de vida lineal imperante e contribúe a avanzar cara á economía circular, onde o repetido aproveitamento dos produtos constitúe o seu máximo expoñente, adquirindo aquí todo o seu sentido a redución, a reutilización e a reciclaxe. Agasallos de calidade, con longo percorrido e útiles no tempo. A alargascencia (alargar a vida das cousas) imponse. Compra en tendas locais e sostibles As pequenas tendas do teu barrio ou pobo poden ser unha magnífica opción. Tamén o son os mercados tradicionais e os establecementos de segunda man con fins sociais. Se regalas comida, prioriza os artigos de tempada e os procedentes da agricultura ecolóxica. Ollo co envoltorio e o envase Opta por produtos a granel, co menor envase e envoltorio posible. Foxe dos sobre-empaquetados. Os cartóns, papeis, plásticos, bolsas e accesorios múltiples que adornan ata o infinito os nosos agasallos, acaban de inmediato no cubo do lixo. Evítaos na medida do posible e, se es o destinatario dos mesmos, aproveita os materiais para outros usos ou, no seu caso, gárdaos para envolver obxectos en próximas ocasións. 3 5

Os agasallos non teñen por que ser únicamente obxectos Unha viaxe, unha saída de aventura, unha entrada para ver aos equipos deportivos favoritos, para o cine, para o teatro, para un museo... Non tes por que regalar, unicamente, obxectos. Tamén podes regalar experiencias, diversión, entretemento e, sobre todo, recordos entre familia, amigos, parellas. 6 7 Presume das túas habilidades Todos gardamos importantes habilidades. Poténciaas e fai gala das mesmas. O debuxo, a pintura, a composición, a escritura e as manualidades, entre outras, poden converterse nos máis importantes agasallos, xa que atesouran un gran esforzo e a capacidade de facelos singulares, orixinais e únicos. Xoguetes: os xustos e cargados de valores O xogo constitúe un dereito e elemento educativo imprescindible para o correcto desenvolvemento dos nenos. Pero non se trata de abrumalos con multitude de xoguetes caros e sofisticados. Debe pensarse nos gustos e preferencias dos pequenos e, sobre todo, no valor pedagóxico do agasallo, que debe aportar tamén coñecementos. Os xoguetes artesanais constitúen unha boa alternativa. E os xoguetes que os teus fillos xa non usen, dóaos a nenos sen recursos. Faralos felices. 8 9 Cada residuo no seu sitio Inevitablemente, os agasallos xeran residuos que é necesario tratar coas maiores garantías. Recorda depositar cada material no seu contedor. Un novo paradigma para o resto do ano Os bos hábitos ambientais e sociais non deben circunscribirse unicamente ao Nadal. Mantenos ao longo de todo o ano. Regala solidariedade, civismo, ecoloxía Contribúe a crear conciencia ambiental. En definitiva, contribúe a facer o mellor agasallo para todos: un mundo mellor. 10

www.sogama.gal SOGAMA Tlf.: 981 698 500 Fax: 981 686 064 Morzós, 10 bajo 15187 San Román Encrobas Cerceda (A Coruña)