PLAN DE SEGURIDADE DA ETSE Integración dun PLAN DE ORDE E LIMPEZA (POL) para os laboratorios CONSIDERANDO : 1- A falta de orde e limpeza como un factor de risco máis. 2- Que a interacción entre as tarefas de limpeza e a actividade do laboratorio é un factor máis na posibilidade de ocorrencia dun accidente. 3- Que debido á singular natureza das tarefas que se realizan nos espazos experimentais, a realización do labor de limpeza pode incidir na seguridade do persoal do laboratorio pero tamén na seguridade do persoal que realiza o labor de limpeza. 4- A necesidade de delimitación clara das tarefas de orde e limpeza que corresponden ao persoal do laboratorio e ao servizo de limpeza. 5- A relación contractual da empresa responsable do servizo de limpeza coa USC e o establecido en materia de coordinación de actividades empresariais e prevención de riscos. 6- O labor de coordinación que a Conserxaría realiza co servizo de limpeza. É necesario organizar nun Plan os labores de orde e limpeza en espazos dedicados a tarefas experimentais na ETSE. Este Plan detállase a continuación e consta dos seguintes apartados: A. Normas básicas B. Obrigas e deberes a. Do persoal dos espazos de traballo b. Do servizo de limpeza C. Formulario para a información sobre necesidades de limpeza e planificación das mesmas D. Contacto para notificación de incidencias para o servizo de limpeza E. Enquisas de seguimento do Plan de Orde e Limpeza
A. Normas básicas a. En cada espazo dedicado a traballo experimental deberá habilitarse un punto limpo, debidamente sinalizado, para os colectores de residuos xerados na actividade, incluídos vidro roto e envases de produtos químicos e kits de recollida de derrames. Estes colectores estarán debidamente sinalizados. Queda terminantemente prohibido que o servizo de limpeza realice tarefas neste punto e manipule estes colectores. Os colectores serán retirados polo servizo de residuos da USC previo aviso do responsable de seguridade, docente ou técnico. b. Queda prohibido tirar á papeleira de recollida de RSU obxectos punzantes. c. Queda prohibido tirar á papeleira de recollida de RSU vidro roto. d. Queda prohibido tirar á papeleira de recollida de RSU envases de produtos químicos ou restos de recollida de derrames. e. Non pode haber no chan, de forma desordenada, caixas, bidóns ou outro material máis ou menos voluminoso que entorpeza as tarefas de limpeza. B. Obrigas e deberes a. Obrigas do PDI e técnicos de laboratorio dos espazos de traballo. i. Retirar o material das superficies que se vaian a limpar. ii. Retirar o material das piletas. iii. Recoller derrames. iv. Desaloxar o laboratorio o máis posible para facilitar a limpeza. v. Realizar a xestión dos residuos da actividade experimental de forma correcta e coordinada co servizo de recollida de residuos. vi. No tempo dedicado aos labores de limpeza, se fose requirido, estar a disposición do servizo que a realiza para as dúbidas que puidesen xurdir. vii. Informar o servizo de limpeza de calquera incidencia ou situación que puidese influír no labor de limpeza programada e na seguridade do laboratorio.
b. Obrigas do servizo de limpeza. i. Respectar o Plan de Seguridade nos laboratorios da ETSE e o que ademais estableza o Servizo de Prevención da súa empresa. Acordar cos Responsables de Seguridade dos laboratorios, PDI ou técnicos, segundo proceda, as tarefas (datas e horarios) que requiran un desaloxo das mesas de laboratorio. Acordar con cada usuario a limpeza dos equipos informáticos pola súa vulnerabilidade. En ningún caso limparán equipamento tecnolóxico do laboratorio. C. Deberes do servizo de limpeza. Notificar a etse.conserxeria@usc.es i. Evidencias da presenza de alimentos ou bebidas nas papeleiras ou piletas do laboratorio. ii. Material de vidro, obxectos punzantes e envases de produtos químicos en papeleiras. iii. Derrames sen limpar. iv. Material de vidro sen retirar en poiatas e piletas. v. Caixas, bidóns ou outro material no chan que complique ou impida a limpeza. vi. Falta da colaboración necesaria por parte do persoal de laboratorio. D. Formulario para información sobre necesidades de limpeza e planificación das mesmas. etse.secredireccion@usc.es Listado xeral de tarefas 1. Baleirado de papeleiras de RSU 2. Limpeza de mesas de escritorio e cadeiras (po á vista 3. Varrido de chans 4. Limpeza xeral de mesas de escritorio e cadeiras 5. Limpeza de chans con fregona 6. Limpeza de po en computadores (previa consulta co usuario 7. Limpeza de estantes 8. Limpeza de poiatas de laboratorio e piletas 9. Limpeza do interior de armarios (previa retirada de contido) 10. Limpeza do interior de campás extractoras 11. Limpeza do interior de mobles de laboratorio (previa retirada de contido) 12. Limpeza de portas e os seus respectivos tiradores 13. Limpeza de cristais en armarios e tabiques 14. Limpeza de teitos e paredes 15. Limpeza de xanelas
Laboratorio (Nº) Limpeza diaria Responsable de Seguridade, docente ou técnico (nome e sinatura) Día da semana e horario no que solicita limpeza (de acordo co servizo de limpeza) Limpeza quincenal Limpeza bimestral Limpeza anual E. Incidencias que queira facer constar o servizo de limpeza: etse.conserxeria@usc.es F. Enquisas de seguimento do Plan de Orde e Limpeza - Xestiona a Dirección da ETSE (voluntarias) Enquisa para o Responsable de Seguridade do laboratorio, docente ou técnico Envía a Dirección da ETSE, nos meses de xullo e xaneiro, etse.secredireccion@usc.es Laboratorio O servizo de limpeza respecta os días e horas acordados Nas mesas de escritorio, cadeiras e computadores existen evidencias de po No chan existen evidencias dun varrido inadecuado No chan existen evidencias dun fregado inadecuado As papeleiras de RSU baléiranse coa frecuencia solicitada Nas poiatas e piletas existen evidencias de sucidade Nas portas e tiradores de armarios existen evidencias de sucidade No mobiliario de laboratorio existen evidencias de sucidade Comentarios aclaratorios se o estima necesario ou oportuno) SI NON
Enquisa para o servizo de limpeza (A Conserxaría exerce de interlocutora co Servizo de limpeza e comunica a Dirección) Enviar nos meses de xullo e xaneiro a etse.conserxeria@usc.es Laboratorio Nas papeleiras de RSU hai evidencias de restos de comida e/ou bebida Nas papeleiras de RSU detéctanse obxectos punzantes Nas papeleiras de RSU detéctase vidro roto Detéctanse derrames en chan e/ou poiatas Nas papeleiras de RSU detéctanse envases de produtos de laboratorio Nas papeleiras de RSU detéctanse papeis e/ou trapos impregnadas e/ou con cheiros característicos O persoal de laboratorio recolle debidamente, nos días e horas sinalados, o laboratorio para facilitar a súa limpeza Detéctanse no chan materiais que dificultan a limpeza do laboratorio SI NON Comentarios aclaratorios (se o estima necesario ou oportuno)