BOLETÍN DA PASTORAL DE ESCOLAS CATÓLICAS DE SANTIAGO DE COMPOSTELA - ANO 3 - NÚM. 15 Preséntoche a María SUMARIO Escolas Católicas, un ano máis, organizou o Concurso de Debuxo PRESÉNTOCHE A MARÍA entre os centros de Santiago e bisbarra, para honrar a Virxe no mes de maio. Participaron esta vez os alumnos e alumnas de 1º e 2º de Educación Primaria. Responderon a metade dos colexios, e cada centro seleccionou os dez mellores para a exposición. Felicitamos especialmente aos colexios: Cluny, Compañía de María, Divino Maestro, Juventud e San Jorge. Os traballos presentados desbordan tenrura e excelente creatividade, como podedes apreciar polos debuxos que acompañamos, que foron seleccionados polo xurado para a impresión do marcapáxinas do vindeiro curso, que será enviado a todos os colexios. Corresponden estes debuxos a dúas alumnas: Lucía Ferreiro Mallón de 1º de EP, do colexio San Jorge e Lucía López Munín de 2º de EP, do colexio Juventud. A Exposición dos traballos estivo no Salón de Reunións, na parte baixa da nosa Sede, e foi visitada polo alumnado de varios colexios, ao longo do mes de maio. Con esta iniciativa, Escolas Católicas desexa fomentar a devoción mariana nos alumnos e alumnas dos nosos centros, especialmente no mes de maio, tradicionalmente dedicado á Virxe María. Colexio Compañía de María Furaha Ya Kuyshi. Colexio Divino Maestro Nai Inmaculada Colexio Divino Maestro Os grupos do cole Colexio Nosa Señora dos Remedios Eucaristía de fin de curso Colexio San Jorge Charla Proyde Convivencia de maio Colexio La Salle Encontro da RCES
ORACIÓN PARA REZAR NO VERÁN Loada nosa Señora, loado noso Señor. Polos froitos traballados con paciencia e con suor, loada nasa Señora, loado noso Señor. Polas espigas douradas maduradas polo sol, loada nosa Señora, loado nasa Señor. Polos paxaros que cantan e acompañan o labor, loada nasa Señora, loado noso Señor. Polos ceos estrelados en noites de admiración, Polas flores tan diversas que atende a diario o sol, loada nosas Señora, loado noso Señor. Pola pingota de orballo que nos devolve o frescor, Pola auga fresca das fontes que nos tempera a calor, Polas praias da mariña regalo do teu amor, Pola xente que goza de merecida vacación, Cos mellores desexos de que rematedes moi ben este curso 2014/2015 e que logo poidades gozar, alumnado e profesorado, dun merecido descanso nas vacación do verán. Xosé Fco. Reboiras Secretario Autonómico de Escolas Católicas (Manolo Regal Ledo) 2
Furaha Ya Kuyshi Colexio compañía de maría Comeza o mes de maio e na Compañía de María temos un obxectivo moi claro. Celebrar as festas da nosa patrona Santa Xoana de Lestonnac. Xoana foi una muller moi especial pero como legado nos deixou algo que nunca podemos perder de vista. A súa adicación constante a axudar aos que máis o precisan. En vida, fundou colexios para todas esas nenas que non tiñan a posibilidade de estudar por falta de medios e foi unha defensora dos labregos que tiña ao seu cargo como patroa. Hoxe segue habendo xente que nos pide dun xeito directo ou indirecto a nosa axuda. Pois non podemos facer menos que celebrar as nosas festas do cole de tal modo que os protagonistas sexan os máis necesitados. E diredes vós, e como fan isto dun modo en que todos poidamos disfrutar ao mesmo tempo? Vóuvolo resumir con tres palabras: FURAHA YA KUYSHI Non vos preocupedes, non é que me saltara o corrector de linguas do Word. Esta pequena frase ten moito significado: A ALEGRÍA DE VIVIR. Pero está escrita en suahily, unha das moitas linguas que se falan en África. Polo tanto, estes días de festas, decidimos ter como lema a alegría de vivir que nos transmiten as persoas que viven a non tantos kilómetros de nós no continente africano. A pesares das dificultades que teñen que superar cada día, ahí están disfrutando de cada segundo e loitando por mellorar a súa situación. O resto da festa foi moi sinxelo, mostramos a nosa alegría de vivir a través de xogos, obradoiros, exposicións, etc. centradas nas culturas africanas. Todo o recadado vai ir para un proxecto concreto que se está a desenvolver en Kyondo, un lugar onde o seu hospital necesita mellorar as súas instalacións e formar aos seus futuros médicos e enfermeiros/as. Finalmente, non me queda máis que invitaros a celebrar a FURAHA YA KUYSHI cada día. Feliz verán a todos e todas! 3
Nai Inmaculada colexio divino maestro Como tódolos anos, o mes de maio é o mes adicado á nosa Nai Inmaculada. Decoramos o patio, puxemos os carteis necesarios, sensibilizamos, escoitamos,. E o máis importante, nos xuntamos para orar en comunidade. Desde a etapa Infantil ata a etapa de secundaria e e en dous tempos diferentes, acollemos a María, nai de Xesús, como compañeira de camiño, como exemplo de sinxeleza, de amor de constancia e sobre todo dun amor inmenso. Polo tanto, nas nosas oracións de Pascua e nas de María, decidimos prepararnos de forma leda e cada curso participou con poemas, cantos, con boas noticias, con escenas da vida de María noticias nun mundo destructivo, e pola contra, boas noticias nun mundo acolledor e dador de vida. Cantos, poemas e ledicias que nos axudan a estar maís preto do Señor cada día. Seguiremos traballando no mellor pastoralmente, para poder así, ser sal que pode dar sabor á vida e ser luz que poida alumear e chegar entón ao Deus dos nosos alumnos Pretendemos con isto, achegar ao noso alumnado a dar conta dunha presencia cercana de compañía e exemplo de vida. Queremos provocar entre o noso alumnado e entre a comunidade educativa a facilidade de comunicación e vivencia de encontro para atopar na fe cristiana o mellor camiño de valores e vida. Tamén sembrando tempos litúrxicos a cada momento, a celebración de pascua dou vida á nosa escola. Preparada con entusiasmo e cariño, e distribuida a tarefa a cada titor, a implicación foi fabulosa. As malas 4
5
Charla Proyde colexio san jorge No mes de maio, os alumnos de quinto e sexto de Primaria do colexio tiveron unha charla por parte de dous mestres do Colexio La Salle, Amalia Soneira e Suso Casal, encargados de dar a coñecer os proxectos desenvolvidos pola ONG PROYDE e neste caso concreto do COMER- CIO XUSTO. Os alumnos do Colexio San Jorge xa levan colaborando dous cursos na venta de comercio xusto. 6
Convivencia de maio colexio san jorge Os alumnos de terceiro de Primaria foron o sábado día 9 de maio a unha convivencia cos pais e mestres. Celebraron unha eucaristía na Igrexa de RIBEIRA, no Concello de A Estrada. Despois da misa, na que participaron tanto nenos como pais, transladaronse a unha área recreativa a beira do río Ulla, onde se fixo un xantar de confraternidade, xogos, un tempo de reflexión cos pais e rematouse cunha oración. 7
Eucaristía de fin de curso colexio nosa señora dos remedios Como xa é tradicional, celebramos a eucaristía de acción de grazas polo curso que remata no patio do colexio. Oficiada por D. Santiago, nela, facemos unha reflexión compartida dos momentos que pasamos xuntos durante o curso escolar. Cada un dos ciclos participa activamente na súa preparación e desenvolvemento, sendo os alumnos e alumnas de 4º ESO os que leen a acción de grazas da celebración como colofón do remate da ensino obrigatorio. 8
Encontro da RCES colexio la salle O pasado venres 28 de maio un grupo de 17 alumnos e alumnas de 4º de ESO e 1º de Bacharelato participou no Encontro da Rede de Centros Escolares Solidarios (RCES) que tivo lugar na Cidade da Cultura. Xuntáronse alí varios centros de toda Galicia que promoven entre o seu alumnado o voluntariado de diferentes formas e atendendo diversas realidades. Presentáronse distintas micromovies filmadas nos centros sobre as accións de voluntariado que se realizan en cada un, así como tamén algúns spots publicitarios para animar ao alumnado a que se implique nesas accións. O noso colexio presentou varios spots baixo o título de Vive o voluntariado. Tamén se presentou o blogue da RCES, e propuxéronse unhas accións concretas para realizar todos os centros con ocasión do Día Internacional do Voluntariado (5 de decembro), das que xa informaremos. Pola tarde os centros presentaron as ofertas de voluntariado que se poden realizar en cada sitio, e organizáronse unhas actividades e xogos de carácter cooperativo que resultaron moi participativos e entretidos, favorecendo a relación e o coñecemento entre o alumnado dos distintos lugares. Despois de participar todos nun troco de obxectos que tamén serviu para o encontro e o intercambio entre os participantes, participaron na gravación dun video-clip para prtesentar a canción da RCES, Móvete, que compuxo e interpreta Paco Nogueiras. Resultou un día moi interesante polo que supuxo de coñecemento do que se está facendo nos distintos centros, un momento de intercambio moi fructífero e unha xornada de convivencia moi agradable. Esperamos poder ter ocasión de repetir a experiencia e seguir implicados nesta rede que tan bos resultados está conseguindo. 9