Manual de cumprimentación da solicitude Para comezar a realizar a comprimentación da solicitude poderá acceder a páxina habilitada a tal efecto na dirección: https://cooperativas.xunta.es Pasos xerais para cumprimentar a solicitude A continuación indícanse os pasos que se deberán seguir para presentar a solicitude. Cada un destes pasos será explicado en profundidade ao longo deste manual. 1. Inicio do proceso: botón de Nova solicitude 2. Cumprimentación dos formularios que se presenten a. Opcional gardado como borrador para continuar noutro momento b. Recepción dun contrasinal por email para voltar a abrir a solicitude 3. Xeración da solicitude nos formatos oficiais en PDF para a súa impresión 4. Cursado da solicitude a través da páxina web 5. Presentación da solicitude impresa no Rexistro da Xunta Recordamos que a cumprimentación e cursado da solicitude a través da páxina web non exime da súa presentación en papel. 1. Creación dunha nova solicitude
Dependendo do tipo de solicitude que desexe cursar deberá premer no botón que proceda, e se lle presentarán os formularios que deberá cubrir. Se estivera fora do prazo de presentación aparecería unha mensaxe vermella indicando tal situación en troques do botón de Nova solicitude 2. Cumprimentación dos formularios En canto prema o botón de nova solicitude presentaránselle os formularios que deberá cumprimentar. Na cabeceira indicarase o tipo de solicitude na que estea traballando: Os datos que deberá introducir están agrupados por pestanas. A pestana activa terá un fondo máis claro, mentres que as outras terán un fondo azul. Poderá cambiar de pestana premendo no seu título. Dependendo do tipo de solicitude no que estea traballando presentaranse unas pestanas ou outras. No pé da páxina encontrará unha serie de botóns de acción:
Gardar como borrador: En calquer momento poderá gardar a solicitude como borrador, para seguir cumprimentándoa en outro momento. Descargar solicitude para imprimir: En calquer momento pode xerar a solicitude en PDF para a súa impresión. Ata que a solicitude non estea cursada aparecerá un texto cruzado indicando que é un borrador non apto para a súa presentación Cursar solicitude: use este botón cando xa teña a solicitude totalmente cuberta e queira cursala. O sistema pediralle confirmación. En canto confirme a solicitude quedará cursada e xa non poderá modificala. 2.1. Gardado como borrador En calquer momento pode gardar a solicitude como borrador para continuar noutro momento. Para isto deberá premer o botón Gardar como borrador, na parte inferior da páxina. A primeira vez que garde o sistema xerará un contrasinal, que será mostrado en pantalla. Tamén se lle enviará un correo electrónico á dirección que indicara na pestana de Datos identificativos. Nese momento a solicitude quedará gardada como borrador, e vostede poderá acceder a ese borrador noutro momento. Para acceder ao borrador deberá indicar o seu CIF/NIF e o contrasinal que se lle asinou e que recibiu por email. 2.2. Validación dos datos introducidos nos formularios Cada vez que queira gardar a solicitude como borrador, cursala ou cambiar de pestana o sistema comprobará a corrección dos datos introducidos. En caso de que cometera algún erro mostrarase unha mensaxe de erro en vermello.
Se deixa en branco algún dato obrigatorio mostrarase a mensaxe Campo obrigatorio en cor vermella. 2.3. Introdución dos concepto subvencionables (actividades) A pestana á dereita dos Datos Identificativos será a que terá que utilizar para introducir os conceptos polos que solicita a subvención. Normalmente esta pestana chamarase Actividades, pero dependendo do tipo de solicitude pode ter outro nome. Para engadir un concepto subvencionable deberá premer o botón Engadir e se lle presentará un formulario tabulado. Cada fila do formulario corresponderá a un concepto subvencionable.
Datos para cada fila (concepto subvencionable): Tipo: o primeiro que debe facer e indicar o tipo, elixindoo do desplegable Subtipo: en canto teña escollido o tipo deberá premer o botón Cargar, e se lle presentará outro despregable para o subtipo. Dependendo do tipo elixido no punto anterior pode non ter valores. En caso de que no teña valores presentarase o texto Non procede. Detalle: é un terceiro nivel de tipificación. Dependendo do subtipo elixido no punto anterior pode non ter valores. En caso de que no teña valores presentarase o texto Non procede. Descrición: dependendo do tipo de solicitude pode chamarse Investimento, ou Nome do novo socio ou outros valores, pero o habitual e que se chame Descrición. Nesta casiña deberá indicar a descrición da actividade ou concepto subvencionable polo que está solicitando a subvención. Unidades: número de unidades do concepto subvencionable. Outros datos: dependendo do tipo de solicitude pode ser que teña que indicar outros datos, como número de horas, número de promotores da actividade, etc. Orzamento: debe indicar o orzamento que considera elixible para a subvencion, é dicir, subvencionable. Non separe os miles con puntos nin comas. Pode indicar dos decimales, separando con,. Porcentaxe da axuda: este dato será calculado polo sistema automáticamente. Axuda: en canto teña introducido todos os anteriores datos poderá premer no botón Calcular, para que o sistema calcule a axuda que lle corresponde, tendo en conta a tipoloxía da actividade e o orzamento subvencionable. Botón eliminar: se desexa eliminar unha fila xa introducida poderá premer no botón eliminar. Cada vez que elixa unha opción dun despregable e lle dea a Cargar na seguinte columna o dato introducido quedará bloqueado. Para cambialo poderá premer na icona. Isto eliminará o dato introducido para que poida indicar un novo valor.
2.3.1. Control dos límites da axuda Dependendo do tipo de concepto subvencionable (actividade) a axuda poderá estar limitada a unha cantidade. O sistema impedirá que ditos límites sexan superados. En tal caso mostrará una mensaxe de error de cor vermella para que corrixa o orzamento subvencionable, e indicará a cantidade máxima que se considera subvencionable. Pode haber casos nos que se superen límites combinados, é dicir, como suma das axudas segundo o tipo de actividade, ou que só se permita unha actividade dalgún tipo específico. Nese caso mostrarase un erro na parte superior do formulario, coa información necesaria para que o solvente. 2.4. Introdución dos criterios de valoración Nesta pestana poderá marcar aqueles criterios que vostede considere que son de aplicación e deben ser tidos en conta na súa solicitude. Tamén poderá indicar as unidades se procede.
2.5. Introdución da documentación complementaria Nesta pestana poderá indicar cales van ser os documentos que adxuntará coa súa solicitude cando a presente en Rexistro. Tamén pode adxuntar documentos á solicitude telemática empregando a sección de Documentación Adxunta, ó final desta pestana. Neste caso debe indicar o tipo de documento no desplegable de Tipo de documento, indicar o documento e premer o botón Enviar. 2.6. Declaración Esta pestana é a correspondente á sección de Declara que do formulario oficial de presentación da solicitude.
2.7. Declaración doutras axudas Nesta pestana deberá indicar a relación doutras axudas que proceda. 2.8. Datos bancarios Nesta pestana deberá indicar os datos da entidade e conta bancaria na que desexa recibir a transferencia da axuda.
3. Xeración da solicitude nos formatos oficiais en PDF para a súa impresión A presentación telemática non exime da presentación en papel, así que a web permítelle xerar a solicitude cumprimentada en PDF lista para imprimir. Para isto so ten que premer no botón a o pé do formulario. Mentres a solicitude non esta cursada, é dicir, mentres vostede estea traballando no borrador, o PDF que se descargue estará cruzado co texto borrador non apto para a súa presentación. En canto curse a solicitude o PDF que se descargue non levará ese texto e estará listo para a súa presentación no Rexistro da Xunta de Galicia. 4. Cursado telemático da solicitude Cando todos os datos da solicitude estean cubertos, nas pestanas que proceda, poderá cursar a solicitude premendo no botón O botón de Cursar solicitude quedará automáticamente deshabilitado en canto remate o prazo de presentación. Se ha solicitude presenta algún erro, ou lle falta algunha información obrigatoria a web mostraralle unha mensaxe para que o corrixa.
En canto a solicitude estea validada e lista para cursar o sistema pediralle confirmación. Unha vez que a solicitude estea cursada quedará bloqueada e xa non poderá cambiar nada nela. Nese momento poderá descargar a solicitude en PDF para imprimir e presentala no Rexistro da Xunta de Galicia antes da que remate o prazo de presentación.