Programación cultural Oleiros febreiro/maio e r i o 2016 Concello de Oleiros www.oleiros.org
OBRADOIROS CULTURAIS MUNICIPAIS O Departamento de Cultura continúa coa súa oferta de obradoiros culturais durante este ano 2016. O teatro das Torres de Santa Cruz acollerá os Obradoiros de Teatro Infantil, Xuvenil e a actividade do Grupo Estable de Teatro de Adultos, iniciados no ano 2015, e comeza este semestre cun novo Obradoiro de Iniciación ao Teatro para Adultos, que se desenvolverá os luns polas tardes de febreiro a xuño. A actividade formativa dirixida a adultos complementarase con distintos obradoiros monográficos ao longo de todo o ano. No alfar do centro cultural As Torres de Santa Cruz continuarase co Obradoiro de Olería de Adultos, e introdúcese coma novidade para este ano un novo Obradoiro de Olería Infantil, que se desenvolverá os sábados pola mañá a partir do mes de xaneiro. A oferta de obradoiros para nenos e nenas increméntase ademais co desenvolvemento da Escola de Artes Plásticas, que comezará a funcionar os venres polas tardes a partir do mes de febreiro, na casiña da Biblioteca Rialeda, en Perillo.
OLEIROS CULTURA No mes de febreiro o Departamento de Cultura retoma a programación teatral e musical correspondente ao segundo semestre de ano coa intención de seguir mantendo unha programación estable e de calidade. Os espectáculos teatrais e os concertos programados terán lugar no Auditorio Gabriel García Márquez, de Mera, no Teatro de As Torres, de Santa Cruz, e no auditorio do centro cultural A Fábrica, de Perillo. III CICLO DE MÚSICA VOCES CÁLIDAS PARA NOITES DE INVERNO O Departamento de Cultura organiza a terceira edición do ciclo de música para as noites dos sábados do mes de xaneiro e febreiro que estará integrado por catro concertos que abranguen estilos musicais moi diversos: soul, jazz, swing, fado, bolero e pop. O obxectivo principal é a difusión da música como disciplina artística e a promoción de novos artistas e doutros que xa contan cunha traxectoria musical recoñecida.
OLEIROS MÚSICA VOCES CÁLIDAS PARA NOITES DE INVERNO Sábado 30 xaneiro. 20:30 horas Centro cultural A Fábrica, de Perillo Concerto The Lollipops Unha viaxe ao swing dos anos 50 da man dun trío vocal formado por Paty Lesta, Marian Ledesma e Paula Romero acompañadas ao piano por Cristian Leggiero. The Lollipops invita o público a lembrar grandes éxitos do swing, jazz, góspel ou dixieland. As entradas poñeranse á venda a partir das 19.30 horas a un prezo de 2,50 euros, ata completar a capacidade da sala.
OLEIROS MÚSICA VOCES CÁLIDAS PARA NOITES DE INVERNO Sábado 13 febreiro 20:30 horas Centro cultural A Fábrica, de Perillo Concerto Fado Violado Fado Violado, é un proxecto que mestura maxistralmente dous estilos aparentemente ben distantes, o fado e o flamenco e que nace en 2008 das mans de Ana Pinhal e Francisco Almeida, ambos naturais da cidade de Porto. Ana Pinhal comeza dedicándose á canción pop, á bossa nova e ao MPB de forma amadora, integrando a partir de 2002 os coros de BoiteZuleika. No seu primeiro disco, A Jangada de Pedra, Fado Violado, parten da tradición e viaxan pola Península Ibérica recreando o fado e engadíndolle a densidade do flamenco, pero sen afastarse nunca da branca, máxica, viaxeira, pero melancólica Lisboa. As entradas poñeranse á venda a partir das 19.30 horas a un prezo de 2,50 euros, ata completar a capacidade da sala.
OLEIROS MÚSICA VOCES CÁLIDAS PARA NOITES DE INVERNO Sábado 20 febreiro 20:30 horas Teatro As Torres de Santa Cruz Concerto Uxia & Narf Dous grandes da música galega, UXÍA e NARF, únense para presentar o seu primeiro disco conxunto: Baladas da Galiza imaxinaria. Un proxecto que nace do talento e da sensibilidade de dous artistas que en cada balada abren portas e ventás aos corazóns inquedos e aventureiros. As entradas poñeranse á venda a partir das 19.30 horas a un prezo de 2,50 euros, ata completar a capacidade da sala.
OLEIROS MÚSICA VOCES CÁLIDAS PARA NOITES DE INVERNO Sábado 27 febreiro 20.30 horas Centro cultural A Fábrica de Perillo Concerto LA COMPARSITA CON AIXA ROMAY La Comparsita nace como proxecto musical para celebrar unha vella idea: a música para o baile e o baile para a música. Un quinteto de músicos e a espectacular voz de Aixa Romay tratan de recuperar a calidade musical e a elegancia dos antigos salóns de baile cun repertorio cheo de boleros e outras cancións clásicas que, pese a ser compostas hai moitos anos, lembramos como se fosen de hoxe en día. As entradas poñeranse á venda a partir das 19.30 horas a un prezo de 2,50 euros, ata completar a capacidade da sala.
OLEIROS TEATRO Sábado 6 febreiro 20:30 horas Auditorio Gabriel García Márquez, de Mera A compañía FarandOleiras Cabaré, presenta o seu espectáculo Pánico!, escrito e dirixido por Clara Gayo. Sinopse: FarandOleiras Cabaré volve unha vez máis aos escenarios, para ofrecer a súa peculiar visión da actualidade cun espectáculo cheo de humor, teatro e números musicais. Pánico! Achéganos ao mundo do terror e intriga para demostrar que a realidade sempre supera á ficción e que non hai como botar unhas risas para superar calquera medo. Elenco: Antonio Doldán, Beatriz Vázquez, Bernardino Cope, David Garrido, Elsa Parada, Esther Patiño, Estela Naranjo, Isa Currais, Lara Valcuende, Manuel Candamio, María Rey, Marisol Cancio, Natalia Domínguez, Noa Vedia, Noelia Papín, Paula Galego, Raquel Sánchez, Saleta Vázquez e Yolanda Zapata. Xénero: cabaré As entradas poñeranse á venda a partir das 19.30 horas a un prezo de 2 euros, ata completar a capacidade da sala.
OLEIROS TEATRO Domingo 21 de febreiro 19:30 horas Auditorio Gabriel García Márquez, de Mera Día da Lingua Materna Talía Teatro representará Bicos con lingua, dirixida por Avelino González. Sinopse: Bicos con lingua é un espectáculo en clave de comedia no que a través de diversas situacións cotiás invita a unha fonda reflexión sobre os usos e abusos da lingua galega. Elenco: Toño Casais e Artur Trillo Autores: Avelino González, Cándido Pazó, Xavier Lama, Suso de Toro, Ana Iglesias, Núñez Singala, Marta Echeverría Xénero: comedia Duración: 55 minutos Prezo: 2,50 euros. As entradas poñeranse á venda a partir das 18:30 horas, ata completar a capacidade da sala. Maiores de 12 anos.
OLEIROS TEATRO Sábado 5 de marzo. 20:30 horas Auditorio Gabriel García Márquez de Mera Conmemoración do Día Internacional da Muller (8 de marzo) Ibuprofeno Teatro, presenta o seu espectáculo O Furancho, escrito e dirixido por Santiago Cortegoso. Sinopse: No Furancho pode consumirse o excedente de viño, que é sinónimo de humor, e gozar dun espazo de comuñón e complicidade no que o público acode a empaparse coa máis pura e sincera expresión da comedia hilarante. Para quen non sexan tan amantes de beber alcol poderán gozar no Furancho Spa resort vitinícola Rosalía de Castro de tratamentos de beleza e saúde baseados na viñoterapia. O corpo humano é unha parra que se expande. Cada célula é unha uva que nos flúe por dentro. Nós cruzamos as sementes das cepas máis exquisitas para atopar a combinación perfecta que che achegue relax e benestar. Todo sen química, nin sulfitos. Ecolóxico 100%. Elenco: Isabel Risco e Marián Bañobre Xénero: Comedia Duración: 80 minutos Prezo: 2,50 euros. As entradas poñeranse á venda a partir das 19:30 horas, ata completar a capacidade da sala. Maiores de 12 anos.
OLEIROS TEATRO Sábado 12 de marzo 20:30 horas Auditorio Gabriel García Márquez, de Mera Sarabela Teatro, presenta o seu espectáculo Ensaio sobre a cegueira, de José Saramago, baixo a dirección de Ánxeles Cuña Bóveda. Sinopse: Un home fica cego subitamente, este caso empeza a expandirse de maneira fulminante pola cidade. Agora, os cegos, terán que enfrontarse á vontade de sobrevivir a calquera prezo. Ensaio sobre a cegueira é a ficción dun autor que nos alerta sobre a responsabilidade de ter ollos cando outros xa o perderon. Somos unha cousa que non ten nome. Temos ollos que vendo non ven. Elenco: Vicente Montoto, Fina Calleja, Fernando Dacosta, Jorge Casas, Sabela Gago, Nate Borrajo, Josito Porto, Elena Seijo e Xavier Estévez Xénero: drama Duración: 90 minutos Prezo: 5 euros. As entradas poñeranse á venda a partir das 19:30 horas, ata completar a capacidade da sala. Maiores de 12 anos.
OLEIROS TEATRO Sábado 19 de marzo 20:30 horas Auditorio Gabriel García Márquez, de Mera A Panadaría, presenta o seu espectáculo Panamericana, de Areta Bolado, baixo a dirección de A Panadaría. Sinopse: Panamericana é unha comedia con sabor a guiso tropical, un musical no que as tres actrices interpretan vinte e catro personaxes. Miranda Celia del Río é unha artista de éxito no seu país, Panamérica, pero a presión da fama fai que foxa na procura dunha vida mellor e remata na Provincia, unha vila na que se terá que enfrontar ao seu labiríntico e absurdo aparello burocrático, sanitario e financeiro. Fala dun sistema perverso e dos soños rotos desde unha óptica optimista e divertida. Unha festa teatral de cor, pluma e música. Elenco: Areta Bolado, Noelia Castro e Ailén Kendelman Xénero: teatro musical Duración: 75 minutos Prezo: 2,50 euros. As entradas poñeranse á venda a partir das 19:30 horas, ata completar a capacidade da sala. Maiores de 12 anos.
OLEIROS TEATRO Sábado 2 de abril 20:30 horas Auditorio Gabriel García Márquez de Mera Talía Teatro presenta o seu espectáculo Foucellas, de Cándido Pazó, baixo a dirección de Cándido Pazó. Sinopse: Foucellas está no monte cos dous últimos homes da súa partida. Está enfermo, febril. No plano da alucinación producida polo seu estado, o protagonista dialoga co seu futuro e co seu pasado. Nos momentos de lucidez e serenidade, discute cos seus homes sobre o sentido práctico e moral da súa loita, as súas razóns, a convivencia e posibilidades de reconducila ou aceptar a derrota... para levar a cabo unha nova acción. Elenco: Toño Casais, Artur Trillo, María Ordóñez e Dani Trillo Xénero: drama Duración: 80 minutos Prezo: 3,50 euros. As entradas poñeranse á venda a partir das 19:30 horas, ata completar a capacidade da sala. Maiores de 12 anos.
OLEIROS TEATRO Sábado 9 de abril 20:30 horas Auditorio Gabriel García Márquez, de Mera Producións Teatráis Excéntricas, presenta o seu espectáculo Os amores de Jacques o fatalista, de Denis Diderot, baixo a dirección de Quico Cadaval. Sinopse: Jacques e o seu amo van falando do amor mentres camiñan, permitíndose dicir cousas que non dirían se houbese mulleres presentes. Esta conversa detense cando aparece a Pousadeira, que conta contos e non se corta á hora de dar a súa opinión sobre a vida e o amor independentemente de que estean diante o seu home, Jacques e o seu amo. A finalidade destes contos é buscar a diferenza entre namoramento e sedución, sentimento e instinto, paixón e violencia, engano e enxeño... Elenco: Víctor Mosqueira, Marcos Orsi, María Costas e Piti Sanz Xénero: Comedia Duración: 95 minutos Prezo: 3,50 euros. As entradas poñeranse á venda a partir das 19:30 horas, ata completar a capacidade da sala. Maiores de 12 anos.
OLEIROS TEATRO Sábado 16 de abril 20:30 horas Auditorio Gabriel García Márquez de Mera Teatro do Morcego, presenta o seu espectáculo Presidente, escrito e dirixido por José Prieto. Sinopse: En plena campaña electoral, coas enquisas vaticinando a derrota electoral do seu partido, o presidente do goberno e os seus asesores toman a decisión de que o presidente visitará persoalmente nas súas casas os seus posibles votantes para convencelos de que a súa opción é a mellor. Elenco: Celso Parada, Mercedes Castro, César Goldi, Iolanda Muiños e Federico Pérez Xénero: comedia Duración: 80 minutos Prezo: 3,50 euros. As entradas poñeranse á venda a partir das 19:30 horas, ata completar a capacidade da sala. Maiores de 12 anos.
OLEIROS TEATRO Sábado 23 de abril 20:30 horas Auditorio Gabriel García Márquez, de Mera Conmemoración do Día Internacional da Danza (29 de abril) REnoAR, presenta o seu espectáculo AIREnoAR, de María Move, Álvaro Reboredo e Rut Balbís, baixo a dirección de Rut Balbís. Sinopse: AIREnoAR xurde da procura de novas linguaxes artísticas a partir da difusión das diferentes artes. Céntrase na multidisciplinariedade dos artistas utilizando a danza como principal fío común. Permite ao espectador entrar na escena e recrear a historia dos dous personaxes na súa mente. É unha historia de encontro e desencontro, de procura do equilibrio entre as cordas (acrobacia aérea). O que nos une, o que nos separada doutro, ritmo e xesto das linguaxes non verbais. A poesía nas dinámicas da fisicalidade. Elenco: Álvaro Reboredo e María Move Xénero: danza contemporánea, circo Duración: 50 minutos Prezo: 2,50 euros. As entradas poñeranse á venda a partir das 19:30 horas, ata completar a capacidade da sala. Maiores de 12 anos.
OLEIROS MÚSICA INFANTIL Domingo 24 de abril 12:30 horas Auditorio Gabriel García Márquez de Mera Concerto Paco Nogueiras Brinca vai! De aquí e acolá É un espectáculo baseado no libro-cd-dvd Brinca vai! no que se combinan cancións, animacións e interpretacións cos ritmos e rexistros máis divertidos, tratando temáticas como a poesía, a ecoloxía, as festas do ano (o magosto, o entroido, o Nadal), o respecto á nosa lingua... O concerto será gratuíto con invitacións que se entregarán ese mesmo día a partir das 11.30 horas, ata completar a capacidade da sala.
OLEIROS TEATRO Sábado 30 de abril 18:30 horas Auditorio Gabriel García Márquez de Mera Homenaxe a Manuel María Trinke Trinke presenta a obra Os soños na gaiola, dirixida por David Pernas. Sinopse: Nun piso dunha cidade, sentado nun sofá, dorme un velliño que ata hai pouco vivía na súa aldea. Para que non estivese só, a súa filla tróuxoo a vivir con ela. Un día, por sorpresa, recibe a visita da súa neta (xa moza). Os dous van lembrar a pasada vida na aldea. Elenco: David Pernas e Vanessa Rivas Xénero: teatro infantil Duración: 50 minutos Prezo: 2,50 euros. As entradas poñeranse á venda a partir das 17:30 horas, ata completar a capacidade da sala.
EXPOSICIÓNS NA FÁBRICA O centro cultural A Fábrica e a Casa Charry seguirán acollendo exposicións individuais e colectivas durante todo o ano 2016. As exposicións de obras pictóricas, escultóricas, fotográficas ou doutros estilos artísticos, permanecerán expostas durante aproximadamente dúas semanas para seguir adiante no empeño de difundir a cultura en todos os eidos e asemade incidir no desenvolvemento da educación artística dos nosos veciños e veciñas. XI VIAXE CULTURAL - PAÍS VASCO Coma xa se vén facendo nos últimos anos o Departamento de Cultura do Concello de Oleiros organizará unha viaxe de contido e interese cultural para a ponte de Semana Santa. Este ano celebraremos a XI edición e o destino será Bilbao e a costa de Guipuzkoa. Do 24 ao 27 de marzo de 2016. Destinado a público en xeral. Maiores de 18 anos. Prazas limitadas. Preferencia empadroados/as. Todas aquelas persoas interesadas poderán informarse e inscribirse a partir do 15 de febreiro no tel. 981 610 000 (Departamento de Cultura) ou nos enderezos electrónicos: cultura@oleiros.org e r.caparros@oleiros.org FESTAS DO ENTROIDO Como en anos anteriores o Departamento de Cultura axuda a dinamizar as festas do Entroido que se levarán a cabo nas distintas parroquias e que organizan as entidades socioculturais. Mediante a realización de xogos, desfiles, bailes, cantigas, etc. Os máis pequenos e os maiores, gozarán nun ambiente lúdico e festivo.
ConstelaciÓn david bowie