grupo de compostelanas e compostelanos decididos a fazer activismo cultural na nossa cidade e comarca.

Transcrição

1

2

3 A Gentalha do Pichel somos um grupo de compostelanas e compostelanos decididos a fazer activismo cultural na nossa cidade e comarca. A nossa bandeira é a língua e cultura galegas e as nossas armas o empenho, a diversom e a vontade de aprender e difundir os nossos costumes, a nossa música, a nossa história...

4 Queremos recuperar as tradiçons da nossa comarca: O apoio das festas populares, a música tradicional, o conhecimento e respeito polo meio natural ou a recuperaçom da nossa memória histórica som os nossos objectivos. Por umha cultura alternativa Nom acreditamos na cultura oficial enlatada, queremos umha actividade cultural participativa, feita polas compostelanas e compostelanos.

5 nh Criaçom cultural: Porque a nossa cultura deve ser um valor de futuro, que conheça o seu passado, mas que possua capacidade renovadora. Apostamos na criaçom artística, cultural e científica em chave de defesa dos nossos direitos como povo. Compostela em galego!: Trabalhamos pola plena galeguizaçom da nossa comarca, porque em Compostela queremos viver na nossa língua, em galego!

6 Umha cultura própria O galego é o nosso melhor bilhete de identidade, nom podemos perdê-lo! meio cultura língua A nossa língua: O galego Em todo o mundo, e em situaçons parecidas ao longo da História, se tem demonstrado que o bilingüismo supujo a desapariçom da língua própria pola pressom de umha imposta de fora. Esta é a situaçom que vivemos hoje na Galiza, a imposiçom do espanhol nom só reduz o uso da nossa língua mas contamina e hibrida estabelecendo umha relaçom de diglossia. O espanhol segue a ser a língua de cultura, de educaçom, administrativa; enquanto o galego fica reduzido a usos muito restritos, esmorecendo na juventude. Reivindicamos a nossa pertença a um ámbito cultural diferente ao hispano, a lusofonia. Queremos romper a imposiçom secular que a Galiza sofre, apostando na restauraçom da nossa ortografia patrimonial, nascida de umha rica tradiçom literária com continuaçom no país irmao e por um vocabulário desespanholizado. O galego é conhecido no mundo com o nome de português. Isto é quase 200 milhons de falantes, o sexto idioma mais falado no mundo, o terceiro mais extenso depois do inglês e o espanhol, falado em 5 continentes (de Brasil a Timor, de Galiza a Angola, de Cabo Verde a Moçambique...). Acedendo a umha produçom literária, audiovisual, musical,... amplíssima e variada que fala com as nossas palavras! Como galegas e galegos reivindicamos a riqueza da diversidade desde o respeito mútuo entre os povos. Queremos desenvolver-nos com normalidade na nossa cultura como direito inegável a qualquer comunidade humana do mundo. Porque temos umha música tradicional, uns costumes, umha gastronomia, umhas festas populares,... Se a nossa cultura morrer, morrerá umha parte de nós. No entanto nom queremos ficar paradas e parados, temos que recuperar a tradiçom mas também produzir, a criaçom cultural é imprescindível para que a nossa cultura siga a existir. Conhecer a nossa tradiçom é importantíssimo, mas da Galiza também temos muito que achegar à cultura contemporánea. Deste cantinho do Atlántico vamos projectar o nosso ao mundo todo. Lembremos o importante que foi a nossa capital para a cultura durante séculos. Para isto é imprescindível o fluxo contínuo e intercámbio com quem fala a nossa língua, o mundo lusófono, o nosso ámbito cultural, em especial com o vizinho e irmao Portugal. Conhecer e respeitar o meio natural O respeito polo nosso meio natural é fundamental para desenvolver-nos plenamente na nossa cultura. Galiza, foi sempre um país muito ligado à sua terra, tendo como amostra o facto histórico de a maioria dos apelidos estarem vinculados a esta (nomes de árvores e plantas, lugares, etc). Neste sentido é necessário um conhecimento profundo do nosso contorno mais imediato, ajudando a recuperar paragens degradadas, realizando caminhadas polos montes e campos da nossa comarca e país, esforçando-nos mesmo por saber mais do mundo que habitamos. Porque para garantir o futuro do nosso povo e de todos os povos do mundo a preservaçom do nosso meio natural é algo imprescindível. Poucas naçons como a nossa tenhem umha história tam ligada à sua natureza, temos vontade de nom renunciar a isto como mais um elemento da nossa cultura. memória Recuperando a memória histórica A nossa História é a nossa melhor arma de futuro, porque como alguém dixo um dia é necessário conhecer o passado, para compreender o presente e mudar o futuro, Na situaçom do nosso povo, com um passado manipulado e falseado, isto toma grande trascendência. Temos a responsabilidade de recuperar a nossa memória, em especial a mais dolorosa, a da repressom franquista. Polo grande peso que causa na nossa sociedade actual, para contribuir a conhecermos os erros do passado, luitarmos por compensá-los e evitarmos que se repitam. Recuperar a memória histórica para termos dignidade de sermos galegas e galegos, de falar na nossa língua e de pertencer a um povo com umha história injusta que temos vontade de mudar.

7 Apoia, participa, contacta! Se estiveres interessada ou interessado no nosso projecto, nom o duvides, contacta já. Queremos juntar todas as compostelanas e compostelanos que como nós apostem na nossa cultura como um valor de futuro. Para obteres informaçom sobre como colaborar ou participar, só tés que escrever um correio electrónico para o seguinte endereço: gentalhadopichel@aeiou.pt ou ligar para o