Rede Feto Timor-Leste

Transcrição

1 Rede Feto Timor-Leste

2 UNIDADE NA DIVERSIDADE Rede Feto Timor-Leste estabelese iha loron 11 Marsu 2000, ativista direitus umanus no reprezentativu Timor-oan sira hosi organizasaun feto sira-nian deside unanimamente atu estabelese rede ida ba organizasaun feto sira-nian hanaran Rede Feto bá Timor-Leste, ne ebé agora daudauk koñesidu hanesan Rede Feto Timor-Leste. Ho objetivu atu hadi ak kondisaun opresivu no la justu ba feto Timór -oan sira, rede nia kriasaun refleta kompromisu ba direitus umanus, hanesan aprezenta iha Konverjénsia Nasionál ba Rezisténsia Timorense (CNRT) iha Peniche, Portugál iha 1998 (liu tiha koñesidu hanesan Deklarasaun Magna Karta). Misaun Vizaun Rede Feto nu udar rede hosi organizasaun feto sira-nian atu promove igualdade jéneru no hakbiit feto sira iha Timor- Leste liuhosi advokasia, kriasaun rede no kapasitasaun Rede Feto mós hametin hela implementasaun ba Plataforma Asaun (PA) hosi Kongresu Nasionál Feto sira-nian Feto Timor-Leste livre hosi forma diskriminasaun no violénsia hotu-hotu, no partisipa efetivamente iha dezenvolvimentu sustentável ba Timor-Leste

3 Mensajen hosi Prezidente Konsellu Diretoria Rede Sra. Judite Dias Ximenes Rede Feto Timor - Leste, Organizasaun Sosiedade sivíl no Organizasaun Sombriña ba organizasaun sira ne ebé, mak servisu ba feto no dezenvolvimentu iha rai doben Timór Lorosa e. Harii rasik hosi organizasaun feminina sira iha rai-laran, iha loron 11 marsu 2000, ho objetivu determinante tolu: 1. Atu haforsa no asegura enkuadramentu legál Estadu nian ne ebé mak sensível ba jéneru; 2. Haforsa Organizasaun Membrus hotu liu hosi kapasitasaun no 3. Servisu hamutuk ho Entidade hothotu atu hasa e sensibilizasaun ba igualdade jéneru iha rai-laran. Rede Feto Timor - Leste, rekoñesidu tanba ninia kredibilidade hanesan organizasaun hosi Sosiedade Sivil, ne ebé sempre prontu atu kontribui, hodi asegura independénsia no moris di ak povu no rai ida ne e. Hamutuk ho nia parseira sira, buka atu influensia instituisaun kompetente sira atu bele halo mudansa polítika ne ebé mak iha sensibilidade no iha perspetiva ba jéneru. Tuku Parlamentu Nasional nia oda-matan hodi halo mudansa ba Lei Eleisaun Suku, atu kandidatu sira tenke iha reprezentasaun hanesan hosi seksu ne ebé la hanesan. Rede Feto influensia Parlamentu kona-ba Lei ba Rai hodi feto mós hetan titularidade ba rai. Rede Feto hamutuk ho UN Women influensia Parlamentu Nasionál kona-ba Orsamentu Sensível ba Jéneru ba Orsamentu Jerál Estadu Orgullu boot ba Rede Feto tanba pela primeira vés Dokumentu Rede Feto nian sai mós Relatóriu Komisaun Finansas nian hodi hetan apresiasaun Deputadu sira nian durante Diskusaun OJE 2017 no hetan konsiderasaun másimu. Hamutuk ho nia parseiru sira halo Petisaun Kontra Tais Printing/Fotokópia no husu ba Estadu atu asegura no halo medidas administrativas ba Konvensaun tolu ne ebé Ratifika ona iha Setembru 2015 mak hanesan: (a-konvensaun ba Protesaun Patrimóniu Mindiál, Kulturál no Naturál (1972), b-konvensaun ba Salvaguarda Patrimóniu Kulturál Imateriál (2003) no c-konvensaun ba Protesaun no Promosaun Diversidade Espresaun Kulturál), no mós legalidade sira seluk hanesan hanesan Konstituisaun RDTL ne ebé konsagra asuntu ne e (Art. 60), iha Rezolusaun 25/2011 relativa protesaun patrimóniu Kulturál, materiál ka imateriál, ita iha Kódigu Sivíl ne ebé preve regra jerál (Art. 47 no Art. 676) no ita iha mós Polítika Nasionál Kultura nian (2009).

4 Iha asuntus direitu polítiku no ekonómika, Rede Feto mobiliza Movimentu Feto Kontra Tasi Timór hodi defende soberania nasaun hodi okupasaun estranjeira. Buka nafatin kapasita Organizasaun Membru atu hala o di ak liu nia knaar iha área feto no dezenvolvimentu no mós fasilita Organizasaun Membru atu bele forte liutan iha sira nia servisu ba povu nia di ak. Hanesan Sosiedade Sivíl, Rede Feto sempre sai estadu nia matan, tilun, ibun, liman no ain ba povu no povu nian ba estadu liuhosi ninia asaun konkreta iha sosiedade nia leet. Maibé dala barak sempre iha obstákulu no dezafiu oioin satan no enfrenta. Problema finanseiru, rekursu umanu, infra-estrutura, transporte, komunikasaun no selu-seluk tan sai barreira, nune e mós iha mós rumores no polémika irresponsável hasoru Rede Feto nia legalidade no ezisténsia hodi taka dalan ba Rede Feto nia asesu ba polítika no esfera públika maibé afirma katak Rede Feto nunka dezanima no deziste maibé kontinua eziste no serbí ho posibilidade ne ebé iha, tanba atu liberta feto maluk sira hosi deskriminasaun oioin ne ebé mak aas ba bebeik, violénsia hasoru feto, konkista feto ba podér polítiku no administrasaun públika maibé feto kontinua subordinada no marzinalizada, bolsa da mãe, úniku orsamentu ne ebé aloka ba feto ki ak maibé insufisiente, redimentu ekonómiku ne ebé ki ik no la suporta povu nia moris di ak no seluk tan, sira ne e mak sai problema preokupasaun Rede Feto ninian. Judite Dias Ximens Presidente Konsellu Diretoria

5 Mensajen hosi Diretora Ezekutiva Rede Refleta ba servisu Rede Feto nian durante tinan 15 nia laran iha area hasa e statute feto iha Timor-Leste, luta hodi halakon diskriminasaun oin oin hasoru feto ne ebé to ohin loron sei sai hanesan preokupasaun fundamental iha Mundu inklui Timor-Leste, hosi servisu sira mak relata iha ne e hatudu katak maske iha rezultadu lubun ida maibé kontinua hasoru dezafiu oin oin iha terenu. Relatóriu Ida ne e hanesan relatóriu primeiru ne ebé halo ba livru atu parseiru importante Rede Feto bele iha koñesimentu di ak liu tan programa no servisu sira mak durante ne e Rede Feto hala o hodi kontribui ba dezenvolvimentu Timor-Leste. Papél importante ida hosi Rede Feto Timor-Leste mak atu kontinua tau matan ba implementasaun Rekomendasaun Komité CEDAW mai Estadu Timor-Leste, Rede Feto organiza Grupu trabalho CEDAW Wats hodi formula matadalan monitorizasaun implementasaun rekomendasaun CEDAW durante tinan haat nia laran hosi Estadu Timor-Leste hodi nune e bele ajuda iha tempo ikus hakerek relatóriu sombra. Hanesan parseiru importante hodi Estadu no doadores iha Timor-Leste, Rede Feto Timor-Leste mos hetan oportunidade hodi reprezenta organizasaun Feto iha Country Coordination Mechanism, Aliansa Feto Sudeste Aziatiku, Sosiadade Sivil CPLP, CNE, Konsellu Konsultativu Lokal iha Municipiu Dili, Grupu trabalho 1325, Painel Premiu Nutrisaun, Painel Fundus Dame, Painel FSS, Konsellu Diretoria Auditoria Sosial. Atu haforsa papel feto iha vida polítika, Rede Feto hamutuk ho nia membru no parseiru importante sira konsege halo advokasia hodi halo mudansa ba Lei Eleisaun Suco ne ebe mak fo vantajem tebes ba feto nia partisipa liu liu iha kandidatura chefe suco no chefi aldeia nebe mak iha lei Eleisaun Suco hakerek klaru katak kandidatura ba chefe Suco no Chefe Aldeia tenke iha kandidatu feto.

6 Parte ida hosi atu asegura katak Feto hetan tratamentu ne e mak iguál iha Nasaun Timor-Leste mak Rede Feto organiza no mobiliza organizasaun feto sira ho nia parseiru hodi halo submisaun ba orsamentu jerál estadu Grupu trabalho ne e lidera direita hosi Prezidente konsellu diretoria Rede Feto Timor-Leste ne ebé mak hetan fiar mos hodi halo ninia intervensaun iha Panorama Orsamentu Estadu ne ebe organiza hodi Parlamentu Nasional. Komudade Timor-Leste kuaze ladun iha konhesementu kona ba Asesu seksuál tamba ne e mak Rede Feto parseiru ho UN Women ho organizasaun sira seluk organiza Marxa Kontra Asédiu Seksuál iha dili ne ebe mak iha kompanha ne e atu fohanoin ba komundade liu liu mane maluk sira atu hatene tipe tipe asesu seksual ba feto, labarik feto no maluk defisiente sira iha fatin no transporte publiku. Atu haforsa liu tan servisu Rede Feto Timor-Leste mak iha 2016, Rede Feto organiza hodi halo Palnu Estrajia foun periode ne ebe mak bele sai hanesan matadan ba Rede Feto atu hodi responde ba ninian vizaun no misaun ne ebe mak halo konsultasaun no involve membrus Rede Feto no parseiru importante sira hanesan SEM, Unidade Apoio Sosiedade Sivil Gab. Primeiru Ministru RDTL, UN Women, JSMP, Alfela, Acbit, Patria, MOFFE no organizasaun sira seluk ne ebe hau labele temi ida idak. Parte ida atu bele implementa diak liu tan planu etratejia ne e mak iha tinan 2016 mos halao auditoria ba implementasaun no exekusaun orsamentu Rede Feto periode ne ebe mak iha mos rekomendasaun balun husu atu hadia diak liu tan manual finansas no politika sira seluk hodi garante diak liu tan servisu Rede Feto hanesan organizasaun sumbrinha ba organizasaun 24.

7 Iha tinan 2016 kontinua hetan konfiansa hosi Governu Timor-Lest no parseiru sira hodi nune e fo fiar liu mai Rede Feto atu iha tinan 2017 hadia diak liu ninia prestasaun servisu hodi responde ba ninia vizaun no misaun hodi lori Feto Timor -Leste sai hosi forma deskrimisaun oin oin no fo biba ba feto Timor-Leste atu ezerse nia funsaun no kontribuisaun diak liu tan dezenvolvimentu Timor-Leste. Lahaluha hau nia apresiasaun bo ot ba Konsellu Diretoria periode , ofisial sira iha Rede Feto, Doadores hanesan SEM, Unidade Apoio Sosiedade Sivil Gab. Primeiru Ministru, SEPFOPE, UN Women, AVI, Triangel, Blue Mountain Sister, Netball Australia, Plan Internasional, Membrus Rede Feto, Parseiru Servisu no ba Rede Feto nia belun sira ne ebe fo apoio Direita no indireita durante ne e. Obrigado barak ba imi hotu nia hamutuk ho ami, suporta no amizade ne ebe hatudu ona mai Rede Feto Timor-Leste. Dinorah Granadeiro Diretor Executive Rede Feto Timor-Leste

8 A. REDE SERVISU/NETWORKING Haforsa rede servisu ho parseiru Groupu traballu CEDAW ne ebé lidera hosi Rede Feto, elabora no aprezenta Relatóriu Alternativu/Sombra ba Komité CEDAW iha Jenebra. Relatoriu sombra ida ne e aprezenta situasuan feto iha area hotu no ho ninia rekomendasaun atu governu Timor-Leste prioritize. Sasaun aprezentasaun iha Jenebra ba Committee CEDAW hosi parte sosiedade sivíl reprenta hodi Sra. Judite Dias Ximenes (Presidente Konsellu Diretoria Rede Feto TL), Sra. Ivete de Oliveira (Eis Presidente Konsellu Diretoria Rede Feto TL), Sra. Laura Soares Abrantes (Jerente Programa APSCTL), sra. Paula Corte Real de Araujo (Diretora Caucus), Sra. Cecilia da Fonseca (Diretora HMF), Sra. Yasinta Lujina (Diretora MOFFE), Dinorah Grandeiro (Diretora Rede Feto), Sra. Filomena Fuca (Ofisial Kapasitasaun Rede Feto, iha mos partisipasaun hosi Sosiedade sivíl hosi Timor-Leste nebe mak la tama iha delegasaun Rede Feto nian hansan ALFELA, JSMP, Fundasaun Alola no Alumni Parlamentu Juventude.

9 Aliende ida ne e Rede Feto Timor -Leste iha papél importante atu monitoriza implementasaun Konvensaun CEDAW no Rekomendasaun Komité CEDAW ba Estadu Timor-Leste. Atu asegura ida ne e Rede Feto Timor- Leste koordena ona Grupu traballu CEDAW ne ebé mak involve Organizasaun Membru no nia parseiru sira. Iha tinan 2016 realiza enkontru ho membru grupu traballu hamutuk dala haat ne ebe partisipa husi ema nain 30 kompostu husi feto 26 no mane 4 iha kada enkontru. Husi enkontru ida ne e hamosu ona matadalan ba monitorizasaun no fahe ona papel ba organizasaun relevante sira hodi halo monitorizasaun ba implementasaun Rekomendasaun Komité CEDAW ba Estadu Timor-Leste.

10 Iha fulan Juñu 2016, Rede Feto Timor-Leste fasilita sorumutu ida entre organizasaun membru sira ho reprezentante husi Embaxada Portugal (AIECEP) Sra. Isabel Maiada silva no Reprezentante Fundasaun Oriente Sra. Graca Viegas iha Timor iha Sekretariadu Rede Feto. Liu husi Sorumutu ida ne e hasae oan koñesementu parseiru sira kona-ba programa ekonomia no haforsa relasaun servisu ba merkadoria nian iha merkadu Portugál no Europa. Partisipa iha enkontru ne e membru ho parseiru Rede Feto hamutuk ema 30, feto hamutuk ema 28 no mane hamutuk ema 2. Aliende ne e sorumutu ida ne e sei sai hanesan pasu inisiu atu haforsa paseria entre Rede Feto, AICEP no Fundasaun Oriente iha area seluk hanesan estudu lala ok esportasaun produtu local hosi Timór.

11 Haforsa ona rede servisu iha nivel rejional liu husi partisipa iha Forum ba Ema ASEAN dala 11 no organiza sesaun tematiku ho topiku Engaging ASEAN on Women, Peace & Security hamutuk ho Initiatives for International Dialog Philippines (IID). Sesaun ida ne e fornese ona espasu ba partisipante sira hodi fahe esperiénsia ba malu entre Nasaun Asean hodi hare hamutuk ba implementasaun rezolusaun 1325 no oinsá feto sira bele rezolve problema no situasaun sira mak hetan iha konflitu no post konflitu nia laran. Sorumutu ne e partisipa husi ema 75 hosi membru sosiadade sivil iha ASEAN nomos Timor-Leste. Oradores ba sesaun tematiku inklui Presidente Konsellu Rede Feto, Mana Lou hosi ISMAIK, Mr. Than Linn Aung-WINPEACE no Dr. May Shi Sho- Karen Development Network - MYANMAR, Chalida Tajaroensuk People Empowerment Forum THANILAND, Sotheavy Srey Alliance for Conflict Transformation CAMBODIA & Dayang Kama Bahidjan Justice for Bansamoro Women PHILIPINES, Sesaun ne e modera hosi Sra. Ivette de Oliveira. Husi sorumutu ida ne e Rede Feto hasai komunikadu imprensa atu governu prioritiza implementasaun rezolusaun 1325 iha nasaun ASEAN tomak. Asia People Forum (APF), CCD Dili Convention Centre 2016

12 Social Audit Rede Feto hanesan membru ba RENAS nian hodi organiza Seminar Nasional konaba rezultadu monitorizasaun ba implementasaun programa Infrastruktura, Saude, Edukasaun no agrikultura nebe mak organiza hosi RENAS no gabinete Primeiru Ministru hetan partisipasaun hosi Membru Rede Feto no Fundasaun Alola hetan aportunidade hodi halo aprezentasaun reprezenta Rede Feto. Representasaun Rede Feto Sosiadade Sivil CPLP: Atu haforsa relasaun servisu sosiadade sivil iha nivel CPLP nian, Diretora Ezekutiva Sekretariadu Rede Feto hetan konfiansa husi FONGTIL ne ebe hanesan sekretariadu permanente organizasaun sosiadade sivil CPLP hodi partisipa iha enkontru Sosiedade Sivil CPLP iha loron Abril 2016 iha Cabo Verde. Rezultadu seluk husi sorumutu ne e mak hanesanforum Sociadade Civil-CPLP iha ona Rejimentu Internu no Organizasaun Sosiedade Civil Timor-Leste hamutuk 12 sai ona membru ba FSC-CPLP inklui Forum ONG Timor-Leste (FONGTIL), Rede Feto Timor-Leste, Fundasaun Haburas, Fundasaun Raebea, Asosiasaun Advogado Timor-Leste (AATL), JNJ Advogados, Timor-Leste Coalition Education, Organizasaun Juventude ba Progressio (AJP), Movimento Feto Foin Sae Timor- Leste (MOFFE), Organizasaun Fitun Fo Dalan (OFFD), CAUCUS Feto iha Politika, Forum Peduli Wanita Oe-Cusse (FPWO).

13 Aliansa Feto Sudeste Aziatiku: Atu haforsa involvementu Rede Feto iha organizasaun rede iha nivel rejional Sra. Marila Alves, membru konesslu Rede Feto hetan delegasaun hosi Konsellu Diretoria hodi reprezenta Rede Feto Partisipa iha enkontru RCEP no planu estratéjia Aliansa Feto Sudeste Aziatiku iha Malaysia Julhu 2016 (Women CAUCUS in ASEAN). Iha enkontru ida ne e alen de diskute kona ba Planu Estrategia foun Women Caucus nian, fahe mos informasaun kona ba Regional Comprehensive Economic Partnership (RCEP)/ akordu merkadu livre entre coorporativu bo ot sira nebe mak lidera hosi CINA, Rezultadu espetativas husi enkontru ne e maka maizumenus bele iha grupu xave iha rejiaun ne ebe bele hatutan mensajem ba serbisu iha nasaun/rejional, ka preparadu hodi responde no servisu ho negosiator sira. Iha loron ikus hamosu mos Plano Estratéjia foun ho fokus problema imigrante, Violensia hasoru Feto, Direitu ekonómiku, Partisipasaun Politiku no Deskriminasaun iha Lei, Politika no pratika. Country Coordination Mechanism/CCM: Hanesan pr ezidente ba CCM Timor -Leste periode , Sra. Dinorah Granadeiro (DE) iha oportunidade partisipa enkontru regional no global. Iha tinan 2016 enkontru CCM regional realiza iha Bhutan (Marsu 2016) no Maldives (Novembru 2016), objetivu hosi enkontru regional ne e hodi hare hamutuk agenda no dokumentus sira nebe mak presija atu fo komentáriu wainhira iha enkontru global Fundus Global nian. Timor -Leste iha tinan ida ne e hetan fiar atu fo komentáriu no halo aprezentasaun kona ba mudansa iha artigu balun iha Governance nian. Kontinua partisipa iha enkontru Global FUNDUS GLOBAL iha Abidjan Afrika (Abril 2016) no Geneva (Dezembru 2016).

14 Komisaun Nasional ba Elisaun: Atu haforsa partisipasaun feto no igualidade jeneru iha parte hotu Rede Feto Timor-Leste hetan fiar hosi Estadu atu reprezenta Sosiedade Sivil hanesan komisaria iha CNE ba periodu Reprezentasaun ida ne e asumi husi husi Sra. Gizela de Carvalho (Diretora FKSH). Komisaun Fundus Petroliferu: Sr a. Zelia Fer nandes (OPMT) hetan delegasaun hosi Rede Feto r epr ezenta Sosiedade Sivil tur iha Komisaun Fundus Petroliferu, hodi fo hanoin ba Parlamentu Nasional wainhira aloka orsamentu estadu foti hosi Fundus petroliferu no asegura katak orsamentu nebe mak aloka ne e sensivel ba jéneru ho periode Konsellu Konsultativu Lokal iha Municipiu Dili: Sra. Paula Corte Real de Araujo (Diretora Caucus) no Sra. Laura abrantes (Jerente Programa APSCTL) hetan mos fiar hodi tur hanesan Membru Conselho Consultativo Lokal iha Municipiu Dili hahú iha Abril 2015 to agora. Funsaun reprezentasaun iha conselho ne e atu fo konsellu ba konsellu instaladores Munisipiu nian hodi trasa planu no implementasaun sensivel ba jéneru.

15 Grupu trabalho 1325: Sra. Isabel M.M Sequeira (Diretora APSCTL) reprezenta Rede Feto tur hanesan membru grupu trabalho 1325 iha Ministeriu Interior hosi 2014 to o agora. Funsaun hosi grupu trabalho ne e atu hakerek plano asaun Nasional 1325 nebe mak halo lansamentu ona iha Dezembru 2016, diskute no hare hamutuk politika implementasaun rezolusaun1325 iha Timor-Leste. B. ADVOKASIA Advokasia kona-ba Feto iha Vida Polítika Rede Feto halo submisaun kona-ba igualdade jéneru no reprezentasaun feto ho mane hanesan iha Lei Eleisaun SUKU 2016, hamutuk ho nia Membru Caucus, APSCTL, Fokupers, Fundasaun Alola no organizasun parseira sira hanesan Pátria, Mofe, ALFELA, JSMP, Acbit, BA Distrito, Plan Internasional, Care Internasional halo advokasia maka as ba partisipasaun feto iha vida polítika liu. Prezidente Konsellu Diretoria Rede Feto, sra. Judite Dias Ximenes, diretora Caucus, sra. Paula Corte Real ho ekipa Grupu Traballu ba aprezenta preokupasaun sira iha Komisaun A no iha Bankada Parlamentár sira iha Parlamentu Nasionál. Grupu Traballu ne e mós esforsu aan maka as liu hosi Kampaña 100% Ha u Prontu ba sosiedade tomak iha Timor-Leste. Rezultadu hosi kampaña ne e, rezulta mudansa boot iha rai laran, feto hamutuk 319 kandidata aan ba Xefe Suku. Hosi Suku 442 feto na in 21 konsege sai hanesan Xefe Suku, hosi Aldeia 2225 feto na in 84 hanesan Xefe Aldeia.

16 Lista Chefe Suco Eleito Periode NO NARAN SUKU POSTO ADMIN- ISTRATIVU MUNISIPIU 1 Adelaide Carvalho Lausi Aileu Villa Aileu 2 Filomena de Jesus Fahi Soi Liquidoe Aileu 3 Juliana de Jesus Manu Cassa liquidoe Aileu 4 Lucia Tulatakeu Aileu Villa Aileu 5 Manuela da Silva Caldas Manutasi Ainaro Villa Ainaro 6 Gabriela jeronimo Vatubou Maubara Liquisa 7 Barbara Gama Soares Sau Manatuto Villa manatuto 8 Jesuinha do Rosario Leo Ha at Soibada Manatuto 9 Olinda Pereira Funar Laclubar Manatuto 10 Maria Fatima Maudemo Tilomar Covalima 11 Alcina de Jesus Nunus Babulo Same Manufahi 12 Izabel Pereira Manumera Turiscain Manufahi 13 Terezinha Bucoli Baucau Villa Baucau 14 Fransisca Soba Laga Baucau 15 Virginia Macalaco Quelicai Baucau 16 Lucia Abafala Quelicai Baucau 17 Gabriela Bualale Quelicai Baucau 18 Alcina de Carvalho Kampung Alor Dom Alexio Dili 19 Cristalina Oliveira Bemori Nain Feto Dili 20 Fransisca Boavida Grincefor Nain Feto Dili 21 Odete Maria dos Anjos Bibileo Viqueque Viqueque

17 Advokasia kona-ba Feto no Titularidade ba Rai Esbosu Lei ba Rai ne ebé la fo biban ba feto atu sai na in ba rai Draft Lei ba rai sai preokupasaun boot ba Rede Feto. Tanba ne e mak iha fulan Junho 2016, Rede Feto koordena Grupu Traballu hosi membru sira no organizasaun parseira sira, hanesan, ALFELA, PATRIA, MOFFE, JSMP, AMKV hodi halo submisaun ba Komisaun A Parlamentu Nasional. Ejizensia hosi Grupu Trabalhu ne mak Mudansa ba termus balun iha Preamblu, Artigu 4, Artigu 5, Artigu 25, Artigu 33 Alinea 7 no Artigu 52. Iha Oportunidade hanesan Komisaun A Parlamentu Nasionál mós konvida Rede Feto hanesan Organizasaun Sosiedade Sivíl atu fó ninia apresiasaun ba Esbosu Lei ne e. Prezidente Konsellu Diretoria, Judite Dias Ximenes ho diretora Gizela Carvalho hosi FKSH akompaña hosi Filomena Fuca hosi Sekretariadu ba Aprezenta preokupasaun hirak ne e iha Komisaun A.

18 Tinan tinan Rede Feto lidera diskusaun hodi fo observasaun kona-ba Orsamentu Jerál Estadu. Iha fulan Novembru 2016 Rede Feto koordena Grupu Traballu GRB no Un Women. Preokupasaun no rekomendasaun ne ebé mak foti iha submisun ne e mak 1.) MSS atu aumenta orsamentu ba Bolsa da Mae, 2.) Ministériu Saude tenke inklui orsamentu ba asisténsia ba vítima GBV (trainamentu, Fatin Hakmatek), no aumenta orsamentu ba saúde maternál no reprodutiva. 3.) SEJD tenke promove feto sira nia partisipasaun iha desportu. Atu feto sira iha oportunidade no asesu ba atividades desportivas no bele hetan benefísiu hosi totál orsamentu 93% hosi PAN 1325 tanba feto mós iha papél importante atu promove pás no seguransa. 4.) MD no MI tenke demonstra komitmentu ba orsamentu adekuadu, atu implementa estratéjia atu aumenta partisipasaun feto iha PNTL no FFDTL. 5.) Aumentu orsamentu ba agrikultura, hodi halo kapasitasaun teknik agrikola ba agrikultor sira inklui ba grupu agrikultórfeto. 6.) ME tenke asegura labarik ho idade eskolár tenke ba eskola (inklui labarik feto isin rua, labarik feto iha oan sedu), no presiza iha sentru akonseilamentu iha eskola sira. 7.) Uza PNDS nia esperiénsia kona-ba inkluzaun feto iha foti desizaun hanesan boa prátika ba programa sira ho baze iha komunidade hothotu governu nian.

19 Parlamentu Nasionál liu hosi Komisaun F depozita konfiansa ba Rede Feto atu fó ninia apresiasaun kona-ba Orsamentu Jerál Estadu 2017 mos hetan oportunidade atu hato o direita preokupasaun sira ne e iha Komisaun A, bankada Fretelin, bankada CNRT, Bankada PD no Bankada Frente Mudansa; nune mos iha Panorama Orsamentu Estadu nebe organiza hosi Parlamentu Nasional iha Hotel Nova Turismu hosi Presidente Konsellu Diretoria Sra. Judite Dias Ximenes.

20 Advokasia kona-ba Violénsia Bazeia ba Jéneru Rede Feto, iha Kinta Feira, 25 Agostu 2016, hala o Marxa Kontra Asédiu Seksuál, organiza hodi hataan ba insidente asédiu seksuál ne ebé akontese dala barak iha sidade Dili. Nia objetivu mak, atu promove Dili ne ebé Seguru, no hasa e koñesimentu kona-bá problema boot asédiu ne ebé mak dala barak sofre husi feto no grupu vulnerável sira. 80% hosi partisipante mak feto ho totál partisipantes hamutuk 350. Eventu ida ne e loke hosi sra. Sunita Caminha (UN Women) no sra. Judite Dias Ximenes (Rede Feto). Rede Feto, sra. Judit sai hanesan mós animadora durante hala o marxa no diretora sira Organizasaun Membru ho nia ekipa sira kuaze marka prezensa hotu.

21 Fahe stiker kona-ba aséduo seksuál ba transporte públiku no iha terminál Becora, hanesan parte ida hodi hasa e konxiénsia sufér no pasajeirus atu labele halo aséduo seksuál iha fatin no transporte públiku, iha tempu ne ebá konsege fahe sticker 50 ba pasajeiru no taka stiker ba transporte públiku hamutuk 20. Rede Feto mós ativa organiza eventu Loron Ativizmu Kontra Violénsia Doméstika hamutuk ho nia parseiru sira. Eventu ne e hanesan parte ida husi eventu balun ne ebé mak sei organiza hosi programa Kampaña Loron 16 hodi kontra no hapara Violénsia Kontra Feto no Violénsia Bazeia ba Jéneru, ne ebé mak selebra husi loron 25 Novembru to o 10 Dezembru Kampaña ne e atu bele lori mundansa globál. Eventu ne e organiza husi UN Women, Rede Feto, CO- DIVA, Hatutan, Asosiasaun Mane Kontra Violénsia, NGO Patria, FOKUPERS, ALOLA, PRADET, Fundasaun Ázia, no hetan suporta husi Embaixada Australia, Embaixada Estadus Unidus no mos Uniaun Europeia, Ajénsia ONU nian hanesan UNFPA, Komisaun Direitus Umanus ONU, Klinika Bairro Pite, no mós grupu sira seluk tan.

22 Violensia doméstika no violénsia bazeia ba Jeneru sei nafatin kontinua as iha Timor-Leste liu liu Dili no Rede Feto dala barak hetan mós keisa hosi vítima sira no liu hosi halo parseria ho Fokupers no ALFELA iha tinan Rede Feto refere kazu hamutuk hamutuk 14 ba ALFELA no FOKUPERS no kuaze kazu abandona mak barak mai hato o keisa iha Rede Feto. Advokasia kona-ba Konvensaun CEDAW no Observasaun Konkluziva hosi Komité Sosializasaun Observasaun Konkluziva/Congcluding Observation CEDAW, hanesan meiu advokasia kona-ba kontra kualkér asaun diskriminativu hasoru feto iha sosiedade. Iha tinan 2016 ne e Rede Feto halo no hala o sosializasaun iha Ensinu Superiór neen (6) iha Kapitál Dili mak hanesan: nesan UNTL, UNITAL, IOB, DIT, UNDIL no Institutu Canossa ho totál Partisipante hamutuk ema na in 330, feto hamutuk 189 no mane hamutuk 141. Partisipante sira ne ebé mak partisipa mai hosi maioria estudante, dosente sira no mós funsionáriu balun.

23 Matéria ne ebé aprezentasaun iha sesaun sira ne e maka: 1) Introdusaun kona-ba CEDAW, 2) Parte Positivu ne ebé hetan apresiasaun hosi Komité CEDAW ba Estadu Timor-Leste, 3) Observasaun Konkluziva (hanesan Rekomendasaun atu Estadu Implementa) no iha biban ida ne e móss tenta atu fahe informasaun kona-ba Violénsia bazeia ba Jéneru (GBV) atu estudante sira iha koñesimentu kona-ba sintoma sosiál ne e. Hosi atividade ida ne e, nota katak, sivitas akadémikas sira, estudante no profesºor sira barak laiha konhesementu kona-ba CEDAW no GBV no sira husu atu bele kontinua halo aktividade hanesan iha sira nia universidade. Ensinu Superiór Partisipante Total Feto Mane Universidade Orientál Timor Lorosa e (UNITAL) Universidade Nasional Timor Leste (UNTL) Intítutu Of Bussinnes (IOB) Universita de Dili (UNDIL) Institútu de Canosiana Dili Instítutu Teknolojia Dili (DIT) Totál Partisipantes

24 Halo Deklarasaunn/Statement Selebra dia mundiál feto nian ne ebé selebra iha 8 Marsu, iha tinan 2016 Rede Feto halo inisiativa hodi halo Konferénsia Imprensa relasiona ho violénsia hasoru feto ne ebé mak aas ba bebeik iha Timor-Leste, liu liu iha sidade dili. Konferénsia Imprensa ho títulu Rede Feto fó apoio ba sobrevivente Violénsia Bazeia ba Jéneru ho objetivu husu ba Governu atu kria medida espesífika kona-ba atendementu saúde ba Vítima Violénsia Bazeia ba Jéneru no mós Violénsia Seksuál Pasadu, Ministériu saúde atu estabelese fatin hakmatek no seguru ba vítima iha ospitál hodi fasilita vítima sira bele seguru. Halo Deklarasaun Rede Feto liuhosi Konferénsia Imprensa, relasiona ho kazu omesidiu ne ebé mak akontese iha Hera no Covalima. Oho no Soe vítima feto iha tasi laran nebe akontese hela deit iha Timor, maka Rede Feto hamutuk ho nia parseiru sira mak luta ba Diretus Humanus kondena maka as motivasaun no hahalok violentu nebe mak akontese iha pasadu, prezente no futuru. Iha statement ne husu ba entidades hotu atu hakribi hahalok violénsia no HAPARA VIOLENSIA HASORU FETO NO LABARIK Iha press conference ne mós apela ba instituisaun sira mak servisu ba setór justisa atu bele halo nia funsaun loloos no bele aselera lalais prosesu no fo pena ne ebé todan hodi nune e labele fo biban ba autór atu halo tan krimi seluk, husu mós ba komunidade liu liu juventude atu bele promove paz iha sosiedade nia laran.

25 Organiza misa matebian iha ospitál Guido Valadares no funerál iha Rate Cacaulidun ba vítima hamutuk ho Ministériu Solidariedade Sosiál no Parseiru sira. Halo Petisaun Kontra Tais Fotokópia no Tais Printing Iha data 10 de Desembru 2016, akontese serimónia Lansamentu Produtu Tais Emprimi iha CCD (Centro Covenção Dili) husi Kompañia Raya Tex ne ebé Sr. Raul Lemos ho Sra. Krisdayanti, Tais nu udar patrimóniu kulturál sosiedade Timorense, nune e, ami nu udar sidadaun Timorense ne ebé mós nu udar erdeiru ba patrimóniu kulturál ida-ne e sente preokupadu ho eventu ne e, no mós ho fenomena dezenvolvimentu indústria foto-kópia tais Timór. Ami hatene mós katak, eziste ona aktividade komersiu tais fotokópia husi komersiantes xinezes no mós emprezáriu timorense balu. Bazeia ba preokupasaun hirak ne e mak, iha data 20 de Dezembru 2016, Rede Feto organiza membrus, parseirus no Grupu Feto sira hodi hato o sira nia preokupasaun hanesan ami uza ami nian direitu ba petisaun ne ebé konsagra iha konstituisaun RDTL (Art. 48), hodi ezije ba Governu atu konjela projetu Tais Ready to Wear 2017 husi Kompañia Raya Tex ka hapara lisensa hotu ba komérsiu Tais foto-kópia ne ebé eziste ona iha Timor-Leste.

26 No atu antisipa problema ne e mosu fali iha futuru, maka ami propoin ba Estadu atu garante no foti medidas ba: Governu tenke implementa lejislasaun sira ne ebé iha ona no kria lejislasaun espesífika konaba produsaun tradisionál no direitu ba Propriedade intelektuál. Asegura asaun administrativa atu proteje patrimóniu kulturál husi exploitasaun ekonómika hotu husi entidade a-patriota sira. Dezeña programa atu promove no dezenvolve indústria sira ne ebé akumula ka fasilita merkadoria Tais Orijinál Timor-Leste.

27 Reprezenta Organizasaun Feto tu ur hanesan Painel ba Premiu Nutrisaun Rede Feto hamutuk ho FONGTIL, Ministeriu Agrikultura, Ministeriu Saude, Ministeriu Edukasaun, SEM no KONSANTIL hetan fiar hosi Gabinete Presidente RDTL hodi sai hanesan panel ba Premiu Nutrisaun hosi tinan hodi halo seleksaun ba Grupu no chefe suco sira mak iha inisiativa hodi kontribui ba reduz númeru mal nutrisaun iha sira nia Aldeia no Suco. Grupu balun nebe mak hetan premiu Nutrisaun mai hosi grupu hosi Grupu APSCTL iha Manufahi, Grupu SHIO hosi Fundasaun Alola hosi Munisipiu Baucau no Oecusse. Objektivu hosi premiu ida ne e mak atu fo apresiasaun no motivasaun ba Grupu no chefe suco sira mak iha inisiativa hodi kontribui ba reduz númeru malnutrisaun iha sira nia Aldeia no Suco no bele sai hensan exemplo ba grupu no lider komunitáriu sira seluk.

28 Organiza selebrasaun Loron Internasional Labarik Feto Parseria ho Plan Internasional Servisu hamutuk ho Plan Internasional selebra Loron internasionál labarik feto liu hosi Diskusaun Grupu iha Municipiu Aileu fasilita hosi Fundasaun Alola, Municipiu Ainaro fasilita hosi FHF no Municipiu Lautem fasilita direita hosi Plan Internasional. Objektivu hosi diskusaun gurpu kiik ne e atu identifika sira nia problema hodi tau hamutuk rekomendasaun ba Governo, Sosiedade Sivil no entidade hotu hodi tau atensaun makaa s liu tan ba juventude sira. Rezultadu diskusaun grupu aprezenta iha selebrasaun iha Dili nebe mak ho aktividade Take over position iha loron ida antes, aktividade take over position nebe halao iha Vice Ministra Edukasaun, Sekrearia estado Juventude no Desportu, Sekretariadu Rede Feto, Plan Internasional, Oxfam Internasional no UN reprezentative. Aktividade Take over Position ne e atu fo esperensia ba jovem feto sira hodi hatene oinsá mak kaer kargu sira ne e ho responsabilidade atu nune sira bele aprende. Selebrasaun iha dili, halao iha dia 11 de Outubru 2016 no fatin iha salaun SEJD nebe mak partisipa hosi membrus Rede feto, Parseirus no UN anjensi sira iha Timor, partisipantes hamutuk 200 pesoas.

29 Iha fulan-outubru tinan 2016, Rede Feto organiza forum ida nebe kuaze feto klosan 150 partisipa hodi fahe sira nia esperiénsia ba malu. Iha eventu ida ne e mos ita konvida Painél Feto sira hosi desportu nebe konhesidu tebes hanesan cyclist Olímpiku Timor, Anche (Francelina M. Cabral) no Komité Olímpiku Nasionál reprezenta hosi sra. Filomena dos Reis, fahe sira-nia esperiénsia durante envolve iha área desportu hanesan atleta sira, lider no administradór. Sira mós diskuti kona-ba importánsia ba modelu papél feto iha área desportu. Panelista sira ne ' ebé hatudu oinsá mak desportu bele hanorin feto no labarik-feto abilidade importante kona-ba lider efetivu; komunikasaun, foti desizaun, konfiansa no motivasaun. Forum esplora kona-ba knaar no oportunidade ba feto nia lideransa iha desportu iha Timor-Leste, no subliña tan importante ba feto no labarik feto iha espasu ida ba dezignada seguru, fó apoiu hanesan netball, atu hola parte iha desportu. Iha oportunidade ida ne e mos Rede Feto servisu hamutuk ho Marie Stopes Internasional hodi fahe mos informasaun kona-ba saude reporduktiva no fahe materials nebe higene hodi bele uja wainhira labarik feto sira hetan menstruasaun hodi reduz gastu ba sosa pensu plastik no evita moras seksuál. Rede Feto sei kontinua servisu ho Federasaun Netball Timor-Leste hodi fó apoiu ba partisipasaun jubventude feto iha Netball Timor-Leste no kontinua ho fornese treinamentu ba juventude feto iha finde semana (Domingo dader tuku am)

30 Eventual Hanesan parseiru SEM nian, Rede Feto sempre iha kolaborasaun hodi hasoru selebrasaun sira hanesan Presidente Board Rede Feto sai oradór iha Selebrasaun Loron internasional Feto iha Munisipiu Manatuto, partisipa iha selebrasaun loron Internasional Feto Rural iha Covalima hamutuk Membru Board hosi Caucus, partisipa mos iha selebrasaun loron Nasional Feto Timor-Leste iha Tapo Bobonaro. C. HASAE KAPASIDADE/CAPACITY BUILDING Atu ezersa misaun Rede Feto Timor-Leste ba area hasae kapasidade tinan ida ne e ami konsidera kapasitasaun internal sekretariadu nomos ba membru Rede Feto sira.

31 Kapasitasaun Internal no ba organizasaun laos membru: Durante tinan ida ne e sekretariadu Rede Feto dezenha ona Modul Treinamentu kona ba Igualidade Jeneru nebe sai hanesan matadalan ba formasaun. Modul ida ne e mos sei kontribui ba formasaun interna Rede Feto nomos ba organizasaun seluk ne ebe persija. Hanesan kontinuasaun, tinan ida ne e halo ona formasaun konaba igualidade jeneru dala tolu iha iha Sentru trenamentu vokasional iha Suai-Salele, DIT Baucau, SENAI-Becora, DOM BOSCO-Dili no TIBAR.

32 Tabela benefisiáriu treinamentu iha Centro Formasaun SEPFOPE Naran Centro Formasaun Feto Mane Total Partisipantes CNFP Becora-Dili Don Bosco-Dili DIT-Baucau CTC Salele-Covalima Centro Tibar-Liquica

33 Aliende ne e Offisial hasae kapasidade Sra. Filomena Fuca no offisial advokasia Sr. Helven Bento partisipa iha treinamentu kona ba Keterlibatan Laki-laki peduli perempuan korban dalam upaya mengurangi kekerasan terhadap perempuan di TL, nebe facilita husi Pak BOIM (Indonesia) ne ebé organiza husi ACBIT, treinamentu ne e realiza iha JL Vila hosi dia 12 to o 14 de Julho Atu promove Rede Feto ninia profile pesoal sekretariadu hetan formasaun konaba Oinsa kria Website, hanesan FB, Twiter iha Asosiasaun jornalismo Timor-Leste; Iha mos formasaun spesifika hosi konsultan nebe hetan fiar hosi Sekretariadu hosi kontinua fo Kapasitasaun ba pesoál Media hodi kria Website foun Rede Feto nebe mak kompletu ho informasaun kona ba membrus nia profile no aktividades hotu mak realiza.

34 Kapasitasaun ba membru RF Partisipa ona no Delega Membru partisipa iha formasaun: Iha fulan Agostu 2016, Rede feto hetan karta hosi Diretor IDN Ministeriu Interior atu delega pesoál ida hodi partisipa iha Curso de Resisiencia Nacional nebe realiza durante fulan ida iha IDN, Bazeia ba karta refere mak Konsellu Diretoria deside delega Sra. Graciana da Silva, Diretora FMF hodi partisipa kursu refere. Formasaun atu haforsa organizasaun : hamutuk ho APSCTL atende ona formasaun konaba Finansas, Administrasaun, Komputador, Inglesh no nebe mak partisipa hosi pesaol husi APSCTL no Sekretariadu Rede Feto. Formasaun refere hasae kapasidade pesoal sira husi APSCTL no sekretariadu Rede Feto hodi implementa no ezekuta programa hosi TRAINGEL ho diak. TOT kona ba Feminist based Advocasy and Comunity organising: Offisial Hasae kapasidade atende ona formasaun konaba Feminist based Advocasy and Comunity organising durante semana 1 hosi dia de Marsu 2016 ne ebe organiza husi FOKUPERS. Rezultadu hosi treinamentu ne e mak Offisial hasae kapasidade iha ona kapasidade hodi Fasilita membrus Rede Feto (HAFOTI) nia Enkontru Jeral Annual no mos fahe formasaun kona ba Direitu Feto nian (Womens Rights).

35 Formasaun CO-Cedaw Frame work: Depois formasaun etapa primeiru sekretaraidu Rede Feto Timor-Leste fasilita formasaun segundu faze kobre konaba dezenvolve indikador ba area rekomendasaun final comite CEDAW. Formasaun ne e konsege hasae ona konesementu partisipante konaba area prioridade 6 hanesan: Violensia Bazeia ba Jéneru, Edukasaun, Sáude, Feto ho Ekonomia, Empregu no Feto Ruralno partisipa husi Grupo Trabalho CEDAW nian hamutuk ema nain 17 Feto: 15 no Mane: nain 2. FAsilitador ba treinamentu ne e mak Sra. Suzana Camacho, konsultan hosi UN Women. Treinamentu ne e halao durante loron rua (12-13 de Desembru 2016) iha Salaun Enkontru UN nian. Resultadu ne ebé rezulta husi treinamentu ne e maka Iha ona finalizasaun ba enkuadramentu Monitorizasaun ba implementasaun CO-CEDAW iha Timor Leste, hanesan mata dalan ka indikador ida hosi sukat implementasaun rekomendasaun hirak ne e

36 Formasaun Vokasional: Iha fulan Agostu 2016 Rede Feto delega Sra. Judite Dias Ximenes (Presidente Board Rede Feto) partisipa formasaun Seul, Korea do Sul iha terseira no Kuarta Semana fulan Jullu 2016 D. HAFORSA INSTITUSIONAL Planu Estratejia Rede Feto Timor-Leste: atu haforsa servisu Rede Feto nian tinan 5 oin mai Rede Feto organiza ona enkontru no kolokiu konsultasaun ba avaliasaun planu estrategia no produs ona relatoriu avaliasaun ho konsultasaun membru, parseiru no konsellu diretoria tomak. Aliende nee iha ona planu estratejia Rede Feto ba periodu finaliza no hetan ona aprovasaun husi konsellu Rede Feto nian. Prosesu planu estratejia tomak hetan apoia masimu husi UN Women. Apoia Haforsa instituisaun husi AVI: Estabelese relasaun servisu ho AVI hodi fonese pesoal Voluntariu ba apoia haforsa instituisaun parte external nian ba sekretariadu no ninia membru. Voluntairu refere mak Senhora Mary Waterford husi Australia ne ebe sei oferese ninia an ba fulan 18 nia laran.

37 Revizaun Regulamentu Internal Halo ona revizaun ba regulamentu internal inklui manual finansa no manual rekursu Umanu no dezenvolve ona manual atu sai membru/membership tuir natureza organizasaun Rede Feto. Aliende atividade iha leten Rede Feto kontinua tau esforu hodi implementa manual Rekursu Umanu nian hodi halo ona avaliasaun servisu ba pesoal iha sekretariadu hotu hodi bele ezersa ninia servisu efetivu liu tan.

38 Fasilita Informasuan ba membru sira: Durante tinan ida nia laran fasilita no asisti ona ona membru sira atu bele asesu ba fundus inklui FEEO hosi Embaxada New Zealand Durasaun programa fulan ne en (6), HMF hosi BMEST Durasaun fulan tolu (3), FKSH hosi GIZ no FSS, FHF hosi GIZ, Caucus hosi FSS. Enkontru Konsellu: Tuir Estatutu haktuir katak Konsellu Diretoria iha obrigasaun atu halao enkontru regular minimu kada fulan tolu no iha tinan ida nia laran sei halao enkontru dala ha at ho diretora Ezekutiva maibe Konsellu Diretoria konsege realiza enkontru dala 6 hodi fo akompanhamentu ba Ezekutiva hodi halao nia funsaun. Renova data baziku organizasaun membru nian: halo ona asesmentu no renova ona informasaun membru Rede Feto Timor-Leste ne ebe ativu hamutuk organizasaun 13 no laativu hamutuk organizasaun 11.

39 Lista Membru Ativu Naran Organizasaun Asia Pacific Support Collective Timor Leste (APSCTL Caucus Feto iha Politik Feto Kbi it Servisu hamutuk (FKSH) Fundasaun Alola FOKUPERS Grupu Feto Foinsae Timor Lorosae (GFFTL) OPMT Fundasaun Moris Foun (FMF) Fundasaun Enclave Esperansa Oecusse (FEEO) Fundasaun PRADET Hamahon Feto Timor (HAFOTI) Fundasaun Feto Hadomi Familia (FFHF) Fundasaun Hari I Moris Foun (FHMF) Diretor/a Isabel M. M Sequeira Paula Corte Real de Araujo Gizela de Carvalho Alzira dos Reis Marilia Alves Claudio Viana Godinho Merita Alves Graciana da Silva Merita de Jesus Marques Manuel dos Santos Dorte Kese Martinha da Silva Cecilia da Fonseca

40 Lista Membru La Ativu/ Taka ona Naran Organizasaun FPSH UNFETIP ET-Wave OMT IS-MAIK F-HAM Sagrada Familia Prontu Atu Servi (PAS) AMST JURISTAS Diretor/a Albertinha O. Calado Elda Guterres Joana Vila Nova Luiza Megawati Me. Lurdes de Carvalho Merita Alves Maria Filipi Maria Dias Natalia Dos Santos Zelia Trindade

41 Finansas 2016

42

43

44 Membership fee 0, 15%

45 Lista Konsellu Diretoria Rede Feto periode Judite Dias Ximenes : Presidente Konsellu Diretoria 2. Alzira dos Reis Sequeira : Vice Konsellu Diretoria 3. Marilia Alves : Tezoreira Konsellu Diretoria 4. Merita de Jesus Marques : Sekretarai Konsellu Diretoria 5. Aida Exposto : Membru Konsellu Diretoria 6. Martinha da Silva : Membru Konsellu Diretoria 7. Julieta da silva : Membru Konsellu Diretoria

46 Staff Rede Feto Dinorah Granadeiro : Diretora Ezekutiva 2. Mary Waterford : Asesora ba Advokasia no Capacitasaun 3. Filomena Fuca : Ofisial Hasae Kapasidade 4. Helven Bento : Ofisial Advokasia 5. Rosa Soares : Ofisial Financas 6. Rosita Vital Araujo : Ofisial Administrasaun 7. Domingos Soares : Logistiku

47 Fundus Sosiedade Sivíl Gab. Primeiru Ministru RDTL Doadores Rede Feto Timor Leste 2016

48

49