SEGURO DE ACUICULTURA MARIÑA PARA O MEXILLÓN CONDICIÓNS ESPECIAIS

Transcrição

1 SEGURO DE ACUICULTURA MARIÑA PARA O MEXILLÓN CONDICIÓNS ESPECIAIS De conformidade co Plan anual de seguros aprobado polo Consello de Ministros, garántense os bens asegurables, con base nestas condicións especiais, complementarias das xerais de seguros de moluscos bivalvos das que este documento é parte integrante. O tomador, en representación dos seus asegurados, no caso de declaracións de seguros colectivos, e o asegurado, no caso de declaracións de seguro individual, subscriben este condicionado e aceptan especificamente as súas condicións limitativas, que aparecen salientadas en negra, e reciben neste acto cadansúa copia. APELIDOS E NOME OU DENOMINACIÓN SOCIAL DO TOMADOR Ref. de seguro colectivo ou ref. de seguro individual CIF OU NIF..,... de.de O tomador do seguro ou o asegurado SINATURA E SELO LIÑA 413/Plan 2017 Páx. 1 de 39

2 ÍNDICE Páxina Capítulo I: DEFINICIÓNS... 3 Capítulo II: OBXECTO DO SEGURO ª GARANTÍAS BÁSICAS ª GARANTÍAS ADICIONAIS ª RISCOS CUBERTOS ª LIMITACIÓNS E EXCLUSIÓNS ª PERÍODO DE GARANTÍAS ª ELECCIÓN DE GARANTÍAS Capítulo III: BENS ASEGURABLES ª ÁMBITO DE APLICACIÓN ª TITULAR DO SEGURO ª EXPLOTACIÓNS ASEGURABLES ª PRODUCIÓN ASEGURABLE ª CLASE DE CULTIVO Capítulo IV: CONDICIÓNS DE ASEGURAMENTO ª PERÍODO DE SUBSCRICIÓN ª VALOR UNITARIO ª PRODUCIÓN PARA DECLARAR ª BONIFICACIÓNS E RECARGAS ª CONDICIÓNS TÉCNICAS MÍNIMAS DE EXPLOTACIÓN E MANEXO ª PAGAMENTO DA PRIMA ª ENTRADA EN VIGOR ª PERÍODO DE CARENCIA ª CAPITAL ASEGURADO ª MODIFICACIÓNS DO CAPITAL ASEGURADO ª OBRIGACIÓNS DO TOMADOR OU DO ASEGURADO Capítulo V: SINISTRO E INDEMNIZACIÓN ª COMUNICACIÓN DE SINISTROS ª OUTRAS COMUNICACIÓNS ª INSPECCIÓN DOS DANOS ª PERÍODO DE MORTALIDADE DATAS DE SINISTRO ª SINISTRO INDEMNIZABLE ª FRANQUÍA ª VALORACIÓN DE DANOS E CÁLCULO DA INDEMNIZACIÓN ª CONSULTA E VERIFICACIÓN DA INFORMACIÓN Capítulo VI: ANEXOS ANEXO I RISCOS CUBERTOS E CONDICIÓNS DE COBERTURA ANEXO II DISTRIBUCIÓN XEOGRÁFICA DAS RÍAS ANEXO III POLÍGONOS POR ZONAS DE RISCO LIÑA 413/Plan 2017 Páx. 2 de 39

3 Capítulo I: DEFINICIÓNS BATEA: viveiro formado por unha estrutura da que penduran cordas, cabos, cestos ou outros elementos para o cultivo do mexillón ou a clóchina, definida segundo a lexislación vixente da Xunta de Galicia, da Generalitat de Cataluña e da Generalitat Valenciana. Para cada batea asegurada indicarase a súa localización exacta (provincia, comarca, concello), coa cuadrícula que ocupa e as súas coordenadas, ademais do código REGA ou rexistro equivalente da comunidade autónoma. CAPACIDADE PRODUTIVA: é a produción que podería obterse en cada batea de acordo coas súas condicións normais de carácter estable, climático e cultural, tanto presentes como previas, conforme a natureza do obxecto asegurado e con suxeición ao disposto no contrato de seguro. EXPLOTACIÓNS: batea ou conxunto de bateas localizadas no ámbito de aplicación do seguro, organizadas empresarialmente polo seu titular para a produción de mexillón con fins de mercado, e que no seu conxunto formen parte integrante dunha mesma unidade técnicoeconómica caracterizada pola utilización dos mesmos medios de produción. As bateas obxecto de aseguramento, cultivadas por un mesmo bateeiro ou explotadas en común por entidades asociativas (sociedades de transformación, cooperativas, etc.), sociedades mercantís (sociedade anónima, limitada, etc.) e comunidades de bens, consideraranse como unha soa explotación. MAREA VERMELLA: proliferación na auga de determinados organismos do fitoplancto (dinoflaxelados), capaces de xerar biotoxinas que, ao seren filtradas polo mexillón, impiden a súa comercialización, segundo a lexislación vixente da Xunta de Galicia. PERÍODO DE MORTALIDADE: espazo de tempo durante o cal se considera, para os efectos do cálculo do dano e da aplicación de límites e franquías, que un sinistro comeza e remata. PREAS: produción real existente antes do sinistro. Exclúese o refugallo (nas cordas de mexillón comercial é todo aquel mexillón menor de 3 cm e nas do resto os menores de 1 cm de lonxitude; o mexillón mídese de extremo a extremo das súas valvas). PRODUCIÓN ASEGURADA EN GALICIA: media das producións declaradas á Xunta de Galicia dos anos que se establecen neste condicionado, máis a produción resto (cría e desdobramento). PRODUCIÓN DECLARADA EN CATALUÑA E VALENCIA: cantidade de mexillón comercial/clóchina (expresada en quilos) que o mitilicultor prevé recoller, de acordo cos resultados das campañas previas. Na declaración de seguro deberase declarar esta cantidade e, de ser o caso, o mexillón cría que estará presente na batea ao longo da vixencia do seguro. LIÑA 413/Plan 2017 Páx. 3 de 39

4 PRODUCIÓN REAL ESPERADA EN CATALUÑA E VALENCIA: aquela que, de non ocorreren os sinistros garantidos, se obtería na batea dentro do período de garantías previsto na declaración de seguro. SUBZONA: área que comprende as distintas cuadrículas ou bateas en que se dividen as rías para os efectos de peches por biotoxinas, segundo a lexislación vixente da Xunta de Galicia (anexo II). LIÑA 413/Plan 2017 Páx. 4 de 39

5 1ª GARANTÍAS BÁSICAS Capítulo II: OBXECTO DO SEGURO O obxecto do seguro é cubrir, co límite do capital asegurado, os danos que ocasionen na produción de mexillón os riscos que se establecen a continuación, sempre que estes sucedan durante o período de garantía, nos termos definidos neste condicionado. Ofrécese unha garantía básica diferenciada para cada un dos réximes existentes, en función dos ámbitos de aplicación do seguro. Garantía básica GALICIA: Inclúe os riscos de marea vermella, marea negra e contaminación química. Contrátase para todas as bateas das que o bateeiro sexa titular; garántese a produción comercial en marea vermella, e produción comercial e resto (cría e desdobramento) nos outros dous riscos. Garantía básica DELTA DO EBRO: Inclúe os riscos de incremento excepcional e sostido de temperatura, marea negra e gastos de eliminación por evento indemnizable. Garantía básica CLÓCHINA DE VALENCIA: Inclúe os riscos de marea negra, temporal, impacto de barcos, contaminación química e depredadores. 2ª GARANTÍAS ADICIONAIS - Unicamente para a garantía básica GALICIA (elixibles por batea): o o o Temporal, impacto de barcos e elementos á deriva. Perdas por eliminación ou devolución á batea (non para a cría e desdobramento). As perdas por eliminación ou devolución á batea compensaranse polos quilos perdidos no primeiro caso e cunha compensación en /quilo no segundo. Compensación de gastos por retirada e eliminación de produción tras a ocorrencia dun risco cuberto. 3ª RISCOS CUBERTOS RÉXIME DE GALICIA I. MAREA VERMELLA: Cobre as perdas ocasionadas na produción como consecuencia do peche da subzona decretado polo Instituto Tecnolóxico para o Control do Medio Mariño de Galicia (INTECMAR), pertencente á Consellería do Mar (Xunta de Galicia), e segundo as condicións establecidas neste contrato. LIÑA 413/Plan 2017 Páx. 5 de 39

6 Perda de produción: Unha vez completado o período mínimo de peche continuo de catro meses ou se superen polo menos 150 días de peches descontinuos, valorarase se se produciron perdas de produción ao finalizar o período de garantías, con base nos documentos oficiais de comunicación de venda de existencias á Administración, referíndoa á media das producións declaradas dos anos que se establecen no condicionado ( ). Ademais, para as bateas situadas nos polígonos da zona de risco I, para os efectos do seguro, se se suman polo menos 60 días de peche nos meses de agosto a novembro, ambos inclusive, tamén se valorará se se produciron perdas de produción ao finalizar o período de garantías, tal e como se especifica no parágrafo anterior. II. MAREA NEGRA: Cobre a perda da produción da batea e compensacións, como consecuencia da contaminación por verteduras fortuítas de petróleo e derivados, procedentes, en todo caso, de accidentes de navío. III. CONTAMINACIÓN QUÍMICA: Cobre a perda da produción da batea e compensacións, como consecuencia da contaminación por verteduras químicas, procedentes, en todo caso, de accidentes de navío. IV. TEMPORAL: Cobre a perda de produción e compensacións cando as condicións climatolóxicas, altura ou frecuencia alcanzada polas ondas e/ou as correntes sexan de suficiente entidade para causar danos por desprendemento na produción das bateas, e se produzan danos constatables e verificables nas bateas do polígono afectado. V. ARREMETIDA DE BARCOS OU ELEMENTOS Á DERIVA: Cobre a perda da produción da batea e compensacións cando se produzan danos nas cordas da batea como consecuencia da arremetida. Para estes riscos de temporal, marea negra, contaminación química e arremetida de embarcacións, cóbrense: 1) Perda de produción: Terase en conta para a avaliación das perdas o volume de toneladas de mexillón comercial declaradas e a produción vendida ata a data de ocorrencia do sinistro, máis a produción de resto, así como a restante nas propias cordas da batea. Compensacións por perda da capacidade produtiva: Compensación polos danos excepcionais sobre a capacidade produtiva da batea afectada por estes riscos, segundo as condicións establecidas neste contrato. LIÑA 413/Plan 2017 Páx. 6 de 39

7 2) Gastos de salvamento: Cubriranse os gastos razoables nos que incorra o asegurado co fin de mitigar ou evitar unha perda inminente causada por algún dos riscos garantidos polo seguro, logo do aviso e aceptación por Agroseguro. Estes gastos teñen como límite máximo garantido o 10 % do valor da produción asegurada. VI. PERDAS POR ELIMINACIÓN OU DEVOLUCIÓN Á BATEA: garántese o mexillón como materia prima que se perde unha vez que se extraeu da batea coa situación administrativa aberta e que, por un peche inmediato, non é apta para a súa comercialización e non pode reutilizarse. Tamén se cobre con esta garantía unha compensación polas perdas e os gastos de devolución á batea de orixe cando sexa factible. Compénsanse os quilos reintroducidos con 0,13 /quilo. Ambos os casos deben ser acreditados mediante o correspondente certificado oficial; a data de sinistro será a do certificado realizado pola autoridade competente da Xunta de Galicia. VII. COMPENSACIÓN DE GASTOS POR RETIRADA E ELIMINACIÓN DE PRODUCIÓN TRAS O SUCESO DUN RISCO CUBERTO: Compénsanse os gastos en que o produtor poida incorrer co único propósito de eliminar existencias aseguradas mortas tras o suceso dun risco cuberto (non mortalidade habitual), sempre que o acredite mediante a correspondente factura dunha empresa de retirada e destrución autorizada, que deberá serlle remitida a Agroseguro no prazo de tres meses a partir do suceso do sinistro. O prezo máximo de indemnización por este concepto será de 0,16 /kg. RÉXIME DO DELTA DO EBRO I. MAREA NEGRA: cobre a perda da produción da batea, como consecuencia da contaminación por vertidos fortuítos de petróleo e derivados, procedentes, en todo caso, de accidentes de navío. Cóbrense, ademais da perda de produción, os gastos razoables de salvamento, coma no réxime de Galicia. II. INCREMENTO EXCEPCIONAL E SOSTIDO DA TEMPERATURA: cobre as perdas ocasionadas na produción como consecuencia da morte dos mexillóns por un incremento da temperatura da auga por enriba de 28 ºC, que se prolongue durante máis de sete días seguidos ou o seu equivalente térmico. LIÑA 413/Plan 2017 Páx. 7 de 39

8 Estas temperaturas serán acreditadas polo IRTA (Recerca i Tecnología Agroalimentàries), pertencente á Direcció General de Pesca i Acció Marítima (en adiante DGPAM), do Departament d Agricultura, Alimentació i Acció Rural, da Generalitat de Catalunya. III. Garántense ademais os gastos en que o produtor poida incorrer co único propósito de eliminar existencias aseguradas mortas por un evento indemnizable (non mortalidade habitual), acreditado mediante a correspondente factura dunha empresa de retirada e destrución autorizada, que lle deberá ser remitida a Agroseguro no prazo de tres meses a partir do suceso do sinistro. Limitarase a un 40 % do peso en vivo da produción sinistrada. O prezo máximo de indemnización por este concepto será de 0,16 /kg. RÉXIME DE CLÓCHINA DE VALENCIA Para a clóchina de Valencia garántese: I. MAREA NEGRA: nas mesmas condicións do Delta do Ebro. II. TEMPORAL: cobre a perda de produción cando, como consecuencia das condicións climatolóxicas, altura ou frecuencia alcanzada polas ondas e/ou as correntes, se perda totalmente a produción da batea. III. ARREMETIDA DE BARCOS: cobre a perda da produción da batea cando se produza o afundimento da batea como consecuencia da arremetida. IV. CONTAMINACIÓN QUÍMICA: cobre a perda da produción da batea como consecuencia da contaminación por verteduras químicas, procedentes, en todo caso, de accidentes de navío. Para este risco, cóbrense nas mesmas condicións ca na marea negra os gastos de salvamento. V. DEPREDADORES: cóbrese a perda da produción da batea como consecuencia da depredación por peixes, sempre que se adoptasen as medidas de protección esixidas (rede de protección perimetral arredor da batea). 4ª LIMITACIÓNS E EXCLUSIÓNS Ademais das previstas na condición xeral cuarta, exclúense das garantías do seguro as perdas producidas por enfermidades e pragas, mortalidade natural, roubo, malquerenza de alleos, responsabilidade civil e, en xeral, os riscos non cubertos expresamente polo obxecto do seguro. LIÑA 413/Plan 2017 Páx. 8 de 39

9 Tampouco se cobre a perda de mexillón/clóchina por morte inexplicable, a ocasionada por danos en calidade ou cando a corda é retirada da batea. No risco de incremento excepcional e sostido da temperatura exclúense as cordas embuchadas a partir do 21 de xuño. 5ª PERÍODO DE GARANTÍAS RÉXIME DE GALICIA As garantías da póliza inícianse coa toma de efecto, unha vez finalizado o período de carencia. Finalizan ás cero horas do día en que faga un ano desde a data de entrada en vigor. Do mesmo xeito, no caso de mareas vermellas, haberá que ter en conta que, se unha vez acontecido un peche por marea vermella este se prolongase máis aló da data da fin das garantías antes indicada, para que se manteñan as garantías da póliza sobre a produción exposta ao risco, deberase ter subscrita unha nova declaración de seguro para o seguinte plan de seguros nos dez días anteriores ou posteriores ao vencemento do seguro. RÉXIME DO DELTA DO EBRO Mexillón comercial no Delta do Ebro O período de garantías para o mexillón de colleita esténdese desde o 1 de maio ata o 15 de xullo na baía de Alfacs, e desde o 1 de xuño ao 15 de setembro na baía de Fangar. No caso de producirse un peche da baía de Alfacs (plan de seguimento da DGPAM), comunicado polo IRTA: Se a duración do peche é de polo menos de 15 días consecutivos, acumulados dentro do período de garantías entre o 15 de xuño e o 15 de xullo, prorrogaranse as garantías por 15 días, é dicir, finalizarán o 31 de xullo. En caso de que se dean as condicións anteriores e o peche se prolongue máis alá do 31 de xullo, as garantías prorrogaranse ata 2 días despois da apertura da baía. Mexillón de cría no Delta do Ebro As garantías durarán en ambas as baías desde o 1 de maio ao 30 de setembro. RÉXIME DE CLÓCHINA DE VALENCIA Mexillón comercial nos portos de Valencia e Sagunto O período de garantías para a clóchina de colleita esténdese desde o 1 de maio ata o 31 de agosto. LIÑA 413/Plan 2017 Páx. 9 de 39

10 Mexillón de cría nos portos de Valencia e Sagunto As garantías durarán en ambos os portos desde o 1 de maio ao 30 de abril seguinte. 6ª PERÍODO DE GARANTÍAS O asegurado poderá elixir entre tres garantías básicas, en función do réxime correspondente á localización das súas explotacións, segundo o anexo I: - Garantía básica GALICIA - Garantía básica DELTA DO EBRO - Garantía básica CLÓCHINA DE VALENCIA Ademais, para o réxime de Galicia serán elixibles por batea tres garantías adicionais. LIÑA 413/Plan 2017 Páx. 10 de 39

11 Capítulo III: BENS ASEGURABLES 7ª ÁMBITO DE APLICACIÓN O ámbito deste seguro estenderase ás bateas coa autorización ou concesión administrativa correspondente para: - Mexillón da Comunidade Autónoma de Galicia. - Mexillón da Comunidade Autónoma de Cataluña: bateas situadas nas baías do Delta do Ebro Fangar e Alfacs. - Clóchina da Comunidade Autónoma de Valencia: bateas situadas nos portos de Valencia e Sagunto. Para os efectos do seguro, terase en conta que: As bateas da baía de Fangar correspóndense con: provincia Tarragona comarca Baix Ebre concello Deltebre As bateas da baía de Alfacs correspóndense con: provincia Tarragona comarca Baix Ebre concello Sant Carles de la Rápita. As bateas do porto de Valencia correspóndense con: provincia Valencia comarca Huerta de Valencia concello Valencia. As bateas do porto de Sagunto correspóndense con: provincia Valencia comarca Sagunto concello Sagunto. 8ª TITULAR DO SEGURO O titular do seguro será o titular da explotación ou da subexplotación que figure como tal no seu código REGA ou rexistro equivalente da comunidade autónoma (nome e identificación fiscal). Igualmente, poderá ser titular da póliza toda aquela persoa física ou xurídica que, tendo interese no ben asegurable, figure nalgún apartado do devandito código REGA. O titular do seguro deberá notificar á autoridade competente do REGA, ou rexistro equivalente da súa comunidade autónoma, todos os cambios ou modificacións que sexan necesarios para unha correcta identificación da explotación, do titular e dos bens asegurables. 9ª EXPLOTACIÓNS ASEGURABLES Son asegurables as explotacións dedicadas á produción de mexillóns/clóchina da especie Mytilus sp. Deberán estar inscritas no Rexistro xeral de explotacións gandeiras (REGA) ou no rexistro equivalente da comunidade autónoma. A identificación das explotacións aseguradas realizarase mediante os códigos nacionais asignados polo REGA ou rexistro equivalente da comunidade autónoma, os cales deberán figurar nas pólizas. LIÑA 413/Plan 2017 Páx. 11 de 39

12 Ademais, haberán contar cun sistema de vixilancia zoosanitaria, libro de rexistro e de rastrexabilidade e demais obrigas que establece o Real decreto 1614/ ª PRODUCIÓN ASEGURABLE RÉXIME DE GALICIA TIPOS DE ANIMAL: para os efectos do seguro establécense dous tipos, nos que cada asegurado deberá incluír a súa produción. - Mexillón COMERCIAL ou DE COLLEITA: o que alcanzou un tamaño suficiente para a súa venda. - Mexillón CRÍA: aquel que aínda non alcanzou o tamaño comercial. Non será asegurable a produción fixada ás cordas colectoras ou a produción fixada na rabiza das cordas, nin a produción existente nos polígonos de reserva exclusiva para volver cultivar en parques, declarados pola Consellería do Mar da Xunta de Galicia. RÉXIMES DO DELTA DO EBRO E DE VALENCIA TIPOS DE ANIMAL: para os efectos do seguro establécense dous tipos, nos que cada asegurado deberá incluír a súa produción. - Mexillón/Clóchina COMERCIAL ou DE COLLEITA: aquel que se prevé recoller durante o período de garantías e é maior de 4 cm na recolección. - Mexillón/Clóchina CRÍA: aquel que aínda non alcanzou o tamaño comercial, é maior de 1 cm e menor de 4 cm. Será o comercial da seguinte campaña. O valor de produción do mexillón de cría non poderá superar o 30 % do valor de produción do total das bateas das que sexa titular o asegurado. 11ª CLASE DE CULTIVO Para os efectos do establecido no artigo catro do Regulamento para a aplicación da Lei 87/1978 sobre seguros agrarios combinados, considéranse clases distintas cada un dos réximes de diferente ámbito, é dicir, clase distinta para o mexillón de Galicia, mexillón do Delta do Ebro e clóchina de Valencia. Consecuentemente, o mitilicultor que decida asegurar queda obrigado a asegurar todas as producións do mesmo ámbito que posúa. Se asegurase clases diferentes, deberá facelo en distintas declaracións de seguro. LIÑA 413/Plan 2017 Páx. 12 de 39

13 Capítulo IV: CONDICIÓNS DE ASEGURAMENTO 12ª PERÍODO DE SUBSCRICIÓN O tomador do seguro ou o asegurado deberá subscribir a declaración do seguro dentro do prazo que estableza o Ministerio de Agricultura e Pesca, Alimentación e Medio Ambiente, como período de subscrición. Carecerá de validez e non producirá efecto ningún a declaración cuxa prima non fose pagada polo tomador do seguro dentro dese prazo. Para aquelas declaracións de seguro que se subscriban o último día do período de subscrición do seguro, considerarase pagamento válido o realizado no seguinte día hábil ao do remate do prazo de subscrición. 13ª VALOR UNITARIO Os prezos unitarios por batea aplicables para os distintos tipos de mexillón, unicamente para os efectos do cálculo dos valores de produción e o importe de indemnizacións, serán elixidos libremente polo bateeiro e deberán estar entre os establecidos para estes efectos polo Ministerio de Agricultura e Pesca, Alimentación e Medio Ambiente. O prezo elixido polo produtor para cada un dos seus tipos de mexillóns/clóchina será o mesmo para todas as bateas das que sexa titular. O valor de produción calcularase aplicando ao total das existencias en peso declaradas de ambos os tipos de produto os prezos elixidos polo bateeiro de entre os establecidos polo Ministerio de Agricultura e Pesca, Alimentación e Medio Ambiente. 14ª PRODUCIÓN PARA DECLARAR RÉXIME DE GALICIA O asegurado deberá incluír a súa produción de: - Mexillón COMERCIAL ou DE COLLEITA: especificarase por batea a produción de tamaño comercial (en kg) no período de garantías. A produción para declarar será a media aritmética da obtida e declarada á Xunta de Galicia nos anos O bateeiro que non teña produción nun dos anos referidos aplicará para ese a media dos anos nos que si ten produción. Se só ten un con produción, aplicará para os outros dous a media do polígono, segundo o anexo III. - Mexillón CRÍA: especificarase por batea a produción de cría/desdobramento (en kg) no período de garantías. LIÑA 413/Plan 2017 Páx. 13 de 39

14 RÉXIMES DO DELTA DO EBRO E DE VALENCIA O asegurado deberá incluír a súa produción de: - Mexillón/Clóchina COMERCIAL ou DE COLLEITA: toneladas que prevé recoller durante o período de garantías. - Mexillón/Clóchina CRÍA: especificarase por batea a produción de cría/desdobramento (en toneladas) no período de garantías. O valor de produción do mexillón de cría non poderá superar o 30 % do valor de produción do total das bateas das que sexa titular o asegurado. 15ª BONIFICACIÓNS E RECARGAS A prima que o mitilicultor ou a súa explotación debe pagar será axustada segundo as bonificacións ou recargas que se especifican na táboa seguinte: Coeficiente de indemnización a prima de risco recargada (%) Ata ao ao ao ao ao ao 156 > de 157 Bonif. 20 Bonif. 10 NEUTRO NEUTRO Recar. 20 Recar. 30 Recar. 50 Recar Enténdese por: o Coeficiente de indemnización a prima de risco recargada (datos da súa serie deste seguro): Base de cálculo: o período comprendido entre dous meses antes do vencemento da última póliza contratada ata dous meses antes do vencemento da póliza anterior á última contratada. Para os asegurados novos, a base de cálculo será o período comprendido desde a data de entrada en vigor do seguro ata dous meses antes do vencemento da póliza. Indemnización: a suma de todas as indemnizacións aboadas no período indicado na base de cálculo. Prima de risco recargada: a prima de risco recargada neta de reaseguro do Consorcio do último seguro contratado. A prima correspondente ao último ano de contratación, se se corresponde co único plan asegurado anterior ao que se vai contratar, dividirase entre 12 meses e multiplicarase por 10 para enfrontala ao mesmo período de indemnizacións. O resultado de dividir a suma de indemnizacións antes calculadas pola prima de risco recargada, multiplicado por 100, determinará o coeficiente da táboa. O arredondamento desta división farase ao enteiro inmediatamente inferior ou superior, segundo que a parte decimal do resultado do cálculo sexa inferior a 0,01 ou igual ou superior a esta cantidade, respectivamente. LIÑA 413/Plan 2017 Páx. 14 de 39

15 Á marxe do anterior, para o réxime de Galicia: Para os efectos da aplicación de tarifas no réxime de Galicia, terase en conta a distribución xeográfica que reflicte o anexo II, baseada nas disposicións vixentes da Xunta de Galicia, así como a distribución xeográfica das bateas incluídas na declaración. Para os bateeiros con máis dunha batea asegurada, terase en conta na aplicación de tarifas o número de polígonos no que se atopan situadas as súas bateas, xa que se establecen minorizacións de prima en función do número de polígonos correspondentes ás bateas aseguradas. 16ª CONDICIÓNS TÉCNICAS MÍNIMAS DE EXPLOTACIÓN E MANEXO As condicións técnicas mínimas de cultivo ou manexo que deberán cumprirse son as seguintes: a) Emprego de densidades de sementeira en cría e desdobramento acordes co destino e tamaño do mexillón. b) Limpeza periódica de algas na zona superior das cordas. c) Utilización dos equipos necesarios para o desenvolvemento do cultivo ou traballo do mexillón. d) Mantemento da batea en condicións axeitadas, mediante revisións e emprego dos tratamentos necesarios, ademais da utilización de cordas e tarugos en boas condicións de uso. e) No caso das bateas de clóchina da Comunidade valenciana, será preciso que dispoñan dunha rede perimetral (tipo saco ou que chegue ao fondo) para prevención do ataque por depredadores. Ademais do anteriormente indicado, e con carácter xeral, calquera outra práctica de cultivo que se utilice deberá realizarse de acordo coas boas prácticas agrarias. Todo iso en concordancia coa produción fixada na declaración do seguro. En todo caso, o asegurado queda obrigado ao cumprimento das normas ditadas polas autoridades competentes. No caso de deficiencia no cumprimento das condicións mínimas de cultivo ou manexo, Agroseguro poderá reducir a indemnización en proporción á importancia dos danos dela derivados e ao grao de culpa do asegurado. LIÑA 413/Plan 2017 Páx. 15 de 39

16 17ª PAGAMENTO DA PRIMA O pagamento da prima única poderá efectuarse dalgunha das dúas formas seguintes: A) Ao contado O pagamento realizarao o tomador do seguro, no período de subscrición establecido polo Ministerio de Agricultura e Pesca, Alimentación e Medio Ambiente, mediante un ingreso directo ou transferencia bancaria a favor da conta de Agroseguro, aberta na entidade de crédito que Agroseguro estableza no momento da contratación. A data de pagamento da prima será a que figure no xustificante bancario como data do ingreso directo ou data da transferencia. A copia deste xustificante deberase remitir a Agroseguro cando sexa requirido. Para estes efectos, en ningún caso se entenderá realizado o pagamento cando este se lle efectúe directamente ao mediador de seguros. Para estes efectos, enténdese por data da transferencia a de recepción na entidade de crédito da orde de transferencia, sempre que entre esta e a data na que a orde efectivamente se cursase ou executase non medie máis dun día hábil. Polo tanto, cando entre a data de recepción da orde e a do curso efectivo desta pola entidade de crédito medie máis dun día hábil, considerarase data de pagamento da prima o día hábil anterior á data na que a entidade efectivamente cursase ou executase a transferencia. Así mesmo, Agroseguro aceptará como data de orde de pagamento a do xustificante da transferencia cursada onde figure a data de execución da orde. Para aquelas declaracións de seguro que se subscriban o último día do período de subscrición do seguro, considerarase como pagamento válido o realizado no seguinte día hábil ao do remate do prazo de subscrición. Carecerá de validez e non producirá efecto ningún a declaración de seguro cuxa prima non fose pagada dentro do prazo establecido. B) Fraccionada Poderase acceder a esta forma de pagamento cando no momento de subscribir a declaración de seguro se cumpran simultaneamente os seguintes requisitos: - O seguro debe ter un custo a cargo do tomador superior ao límite establecido pola Sociedade Anónima Estatal de Caución Agraria (SAECA) no momento da contratación. - O asegurado debe ter o correspondente aval afianzado de SAECA, por unha contía que debe cubrir polo menos o importe da prima fraccionada. LIÑA 413/Plan 2017 Páx. 16 de 39

17 O pagamento da prima única realizarase en fraccións, segundo se especifica a continuación: Primeira fracción: corresponderase, polo menos, coa contía ou porcentaxe establecida por SAECA no momento da contratación, sobre o importe do custo do seguro a cargo do tomador, máis o total da contía que corresponda polo fraccionamento e o aval, que serán aboados no mesmo momento da subscrición do seguro, e será de aplicación todo o especificado para o pagamento ao contado. No caso de que o aval afianzado non acadase o total das seguintes fraccións, o exceso por enriba do importe avalado deberá ser aboado na primeira fracción; de non ser así, entenderase que a primeira fracción non foi aboada e, polo tanto, non terá efecto o pagamento. Seguintes fraccións: corresponderanse co resto do importe do custo do seguro a cargo do tomador non aboado na primeira fracción, que será pagado mediante recibo que se presentará para cobramento nos prazos previstos na declaración de seguro. O cobramento realizarase mediante domiciliación bancaria na conta corrente do asegurado sinalada na declaración do seguro. Nesta conta corrente realizaranse ademais os pagamentos por indemnizacións dos sinistros. Cando se produzan modificacións na declaración de seguro que supoñan unha regularización das primas, aboarase ou cargarase a dita regularización na conta corrente do asegurado sinalada na declaración de seguro, e non lle afectará á contía das seguintes fraccións. As seguintes fraccións entenderanse satisfeitas na data de emisión do recibo correspondente, salvo que, tentado o cobramento, se producise a devolución do recibo por calquera causa non imputable a Agroseguro. No caso de non satisfacerse algunha das seguintes fraccións, Agroseguro notificaralle por escrito ao asegurado a falta de pagamento, e concederalle a oportunidade de aboar este importe. No caso de non producirse este pagamento, pasado un mes do vencemento, Agroseguro iniciará os trámites con SAECA co fin de executar o correspondente aval. 18ª ENTRADA EN VIGOR O seguro entrará en vigor ás cero horas do día seguinte a aquel en que o tomador do seguro pague a prima, sempre que previa ou simultaneamente se subscribise a declaración de seguro. A toma de efecto das garantías producirase unha vez transcorrido o período de carencia e para o mexillón de Cataluña e de Valencia non antes do 1 de maio. 19ª PERÍODO DE CARENCIA RÉXIME DE GALICIA Unicamente para o risco de temporal se establece un período de carencia de sete días, contados desde a entrada en vigor do seguro. A marea negra e a contaminación química estarán garantidas sempre que o inicio da vertedura se producise tras a entrada en vigor do seguro. LIÑA 413/Plan 2017 Páx. 17 de 39

18 RÉXIME DO DELTA DO EBRO E CLÓCHINA DE VALENCIA O período de carencia será de sete días completos, contados desde a entrada en vigor da declaración de seguro. Para todos os réximes, as explotacións que sexan aseguradas de novo ata nos 10 días seguintes ao remate do contrato anterior non terán período de carencia nos riscos amparados na póliza precedente. 20ª CAPITAL ASEGURADO O capital asegurado será o 100 % do valor da produción establecido na declaración de seguro. RÉXIME DE GALICIA Capital garantido: Cando nos riscos diferentes de marea vermella e perdas por eliminación ou devolución de produción á batea se perda o 100 % da produción, establécese un capital adicional por batea, ademais do que garante a produción; o segundo garante a perda de capacidade produtiva. Fíxase da seguinte maneira: - Riscos de marea negra e contaminación química: o capital asegurado adicional será o 70 % do valor da produción consignado na declaración de seguro. - Riscos de temporal e arremetida de embarcacións ou elementos á deriva: o capital asegurado adicional será o 50 % do valor da produción consignado na declaración de seguro. RÉXIME DO DELTA DO EBRO O capital máximo garantido para a produción de mexillón comercial en Cataluña será, segundo a baía onde se atope a batea, o reflectido no seguinte cadro: CAPITAL MÁXIMO GARANTIDO POR QUINCENAS (% sobre o capital declarado) xullo xullo maio 1ª maio 2ª xuño 1ª xuño 2ª agosto 1ª agosto 2ª setembro 1ª BAÍA 1ª 2ª ALFACS FANGAR No caso de producirse un peche das baías (plan de seguimento da DGPAM), comunicado polo IRTA, durante polo menos 15 días continuos a partir do 15 de xuño, as porcentaxes de produción máxima garantida por quincenas desprazaranse á quincena seguinte. LIÑA 413/Plan 2017 Páx. 18 de 39

19 RÉXIME DE CLÓCHINA DE VALENCIA O capital máximo garantido para a produción de mexillón comercial en Valencia e Sagunto será: CAPITAL MÁXIMO GARANTIDO POR QUINCENAS (% sobre o capital declarado) maio 1ª maio 2ª xuño 1ª xuño 2ª xullo 1ª xullo 2ª agosto 1ª agosto 2ª 100 % 100 % 100 % 95 % 90 % 80 % 60 % 40 % No caso de producirse un peche dos portos por biotoxinas, comunicado pola Generalitat Valenciana, durante polo menos 15 días continuos a partir do 1 de maio, as porcentaxes de produción máxima garantida por quincenas desprazaranse á quincena seguinte. Para a produción de mexillón cría en todos os casos, o capital garantido será o 100 % durante todo o período de garantías. 21ª MODIFICACIÓNS DO CAPITAL ASEGURADO Para o réxime de mexillón de Galicia, durante o período de garantías, o asegurado poderá solicitar modificacións da produción asegurada por altas ou baixas de bateas na declaración de seguro. Agroseguro emitirá o recibo da prima correspondente ao período comprendido entre a entrada en vigor da modificación e o vencemento da póliza. 22ª OBRIGAS DO TOMADOR OU DO ASEGURADO Ademais das expresadas na condición sétima das xerais da póliza, o tomador do seguro, o asegurado ou beneficiario están obrigados a: a) Asegurar as existencias de mexillón de todas as bateas da súa propiedade incluídas no ámbito de aplicación (para a garantía básica; as adicionais no mexillón de GALICIA son elixibles opcionalmente por batea). O incumprimento desta obriga, salvo casos debidamente xustificados, dará lugar á perda do dereito á indemnización. b) Declarar a súa produción anual por batea, que incluirá a produción de mexillón comercial ou recollible, máis a produción cría, de ser o caso. c) Indicar, no caso de GALICIA, a localización exacta da batea (provincia, comarca, termo municipal, subtermo, co que quedaría identificado o distrito marítimo e polígono pola subzona equivalente, así como a identificación da batea coa cuadrícula que ocupa e o seu nome), segundo o establecido pola Xunta de Galicia no momento de realizar a contratación. No resto do ámbito de aplicación, indicar a localización exacta da batea (provincia, comarca, concello), coa cuadrícula que ocupa e as súas coordenadas, segundo o establecido na lexislación vixente da Generalitat de Cataluña e a Generalitat Valenciana no momento de realizar a contratación. d) Comunicar urxentemente calquera circunstancia que puidese agravar o risco e tamén os cambios no título de concesión ou os cambios de titularidade. LIÑA 413/Plan 2017 Páx. 19 de 39

20 e) Permitirlle en todo momento a Agroseguro, ou aos peritos designados por esta agrupación, a visita aos bens asegurados, e facilitarlle o acceso ás bateas aseguradas dunha área determinada; son, en calquera caso, por conta do tomador ou asegurado os gastos nos que se incorra para estes desprazamentos. Poñeranse á disposición dos peritos os barcos que sexan necesarios. En todo momento deberase facilitar, se lle é solicitada na visita, a documentación oficial relativa á batea, como o título de concesión administrativa, os documentos de rexistro para moluscos bivalvos vivos, as declaracións de venda, así como calquera documentación relativa á produción, regulada pola Xunta de Galicia, a Generalitat de Cataluña e a Generalitat Valenciana. f) Presentar denuncia, nun prazo máximo de 48 horas hábiles despois do sinistro causado por impacto de embarcacións, marea negra ou contaminación química, ante a autoridade competente do lugar onde ocorrese. A copia da acta da denuncia deberalle ser remitida a Agroseguro no prazo de cinco días a partir da comunicación do sinistro. Indicarase a data e a hora do sinistro, a identificación do barco e o propietario, a substancia química, de ser o caso, as causas coñecidas ou presuntas, os medios adoptados para minorar as consecuencias, as circunstancias nas que este se produciu e a contía, cando menos aproximada, dos danos que derivasen do sinistro. No caso de incumprimento deste deber, aterase ao disposto na condición xeral de acuicultura décimo sétima. O incumprimento de calquera destas obrigas, cando lle impida a Agroseguro a adecuada valoración do risco, suporá a perda do dereito á indemnización. LIÑA 413/Plan 2017 Páx. 20 de 39

21 Capítulo V: SINISTRO E INDEMNIZACIÓN 23ª COMUNICACIÓN DE SINISTROS Todo sinistro deberá serlle comunicado polo tomador do seguro, o asegurado ou o beneficiario a Agroseguro, Departamento de Sinistros, no seu domicilio social, c/ Gobelas, MADRID, fax núm , no prazo de 72 horas, que se contará a partir da data en que foi coñecido, polo que se deberán efectuar tantas comunicacións por declaración como sinistros ocorran. Indicaranse, polo menos, os seguintes datos no impreso establecido para o efecto: - Nome e apelidos ou razón social do asegurado, o seu enderezo ou o do tomador do seguro, de ser o caso, e o teléfono de localización. - Referencia do seguro e identificación/localización xeográfica da batea. - Data e causa do sinistro. Non terán a consideración de declaración de sinistro nin, polo tanto, producirán ningún efecto aquelas que non recollan o nome, apelidos ou denominación social e domicilio do asegurado, referencia do seguro e causa do sinistro canda os demais datos referentes á batea sinistrada. Con carácter xeral, cando o asegurado detecte a aparición de mortalidade por episodios de altas temperaturas, o tomador ou directamente o asegurado deberá comunicarllo a Agroseguro, ao Departamento de Sinistros. Desde o momento da comunicación de incidencias, e de acordo con estas condicións especiais, o asegurado comprométese a conservar nas cordas a produción afectada remanente, sen manipular as cordas das bateas ata a chegada do técnico designado por Agroseguro. 24ª OUTRAS COMUNICACIÓNS Denuncia ante a autoridade portuaria por marea negra ou contaminación química En caso de sinistros causados por marea negra ou contaminación química, o tomador do seguro ou o asegurado estarán obrigados a presentar denuncia ante a autoridade portuaria competente do lugar onde acontecese. A copia autenticada da acta da declaración deberalle ser remitida a Agroseguro no prazo de cinco días a partir da comunicación do sinistro. Indicarase a data e a hora do sinistro, as causas coñecidas ou presuntas, identificación do barco e do propietario, os medios adoptados para minorar as consecuencias, as circunstancias nas que se produciu e a contía, cando menos aproximada, dos danos que derivasen do sinistro. No caso de incumprimento deste deber, haberá que aterse ao disposto na condición xeral décimo sexta. LIÑA 413/Plan 2017 Páx. 21 de 39

22 25ª INSPECCIÓN DOS DANOS Unha vez comunicado o sinistro, o perito de Agroseguro poderá presentarse no lugar dos danos para realizar a inspección para a peritaxe nun prazo non superior a sete días hábiles desde a recepción en Agroseguro da comunicación de sinistro, excepto nos sinistros por marea vermella, nos que non será de aplicación o mencionado período. No caso de aparición de mortalidade por episodios de altas temperaturas, a agrupación enviará un técnico no prazo máximo de nove días desde a recepción da comunicación de danos, que constatará, mediante as oportunas mostraxes, a existencia ou non do sinistro e cuantificará os danos. Para estes efectos considéranse días hábiles para a peritaxe aqueles nos que as condicións climáticas e marítimas permiten a estadía dos peritos nas bateas. Non obstante, cando as circunstancias excepcionais o requiran, e logo da autorización de ENESA e da Dirección Xeral de Seguros, Agroseguro poderá ampliar os prazos anteriores no tempo e na forma en que se determine na autorización. As comprobacións necesarias para a valoración realizaranse na propia batea obxecto da valoración, á que se accederá empregando os medios postos á disposición e por conta de cada asegurado. 26ª PERÍODO DE MORTALIDADE - DATAS DE SINISTRO Para os efectos do seguro, para o risco de morte por incremento excepcional e sostido da temperatura no Delta do Ebro, segundo se define na condición especial primeira, considérase que un período de mortalidade ten unha duración de 15 días, que se contarán desde a data do sinistro. As perdas acontecidas en períodos diferentes non serán acumulables e a cada período aplicaránselle os mínimos indemnizables e franquías correspondentes. - Data do sinistro ou data do inicio do período de mortalidade: considérase, para os efectos do seguro, sinistro e data de suceso e inicio do período de mortalidade, a data que, segundo o informe do IRTA, indica que se cumpriron as condicións de temperatura e tempo estipuladas neste condicionado. Cando as perdas se prolonguen máis alá do final de garantías, continuarase cubrindo a mortalidade ata finalizar os 15 días do período iniciado dentro do período de garantías. Cando, unha vez iniciado un período de mortalidade, se dean as condicións para un novo sinistro por elevada temperatura, engadiranse ao período inicial, unha vez finalizado, outros 15 días correspondentes ao segundo período, acumularanse as perdas por ambos os sinistros e aplicarase un único sinistro mínimo indemnizable e franquía. No resto de casos cada período de mortalidade considérase independente, polo que non serán acumulables as perdas por diferentes períodos. LIÑA 413/Plan 2017 Páx. 22 de 39

23 27ª SINISTRO INDEMNIZABLE RÉXIME DE GALICIA Para que un sinistro garantido sexa considerado indemnizable, o valor das perdas deberá ser superior ás seguintes porcentaxes: - Para o risco de marea vermella establécese un SMI do 30 % da produción declarada na póliza. - Para os sinistros debidos a marea negra, contaminación química, temporal ou arremetida de barcos ou elementos á deriva, establécese un SMI do 30 % da PREAS na batea (produción real existente antes do sinistro). - Para os gastos de salvamento: establécese un mínimo de A garantía de perdas por eliminación ou devolución á batea e a compensación de gastos por retirada e eliminación de produción tras o suceso dun risco cuberto non teñen SMI. Cando dúas ou máis causas concorran nun sinistro sen que poida ser definida con exactitude a contía dos danos producidos por cada unha, e estas causas estivesen cubertas na póliza con distinto mínimo indemnizable, será de aplicación o maior deles, e asignaráselle a consecuencia do sinistro a ese risco. RÉXIME DO DELTA DO EBRO (CATALUÑA) E CLÓCHINA DE VALENCIA Establécense as seguintes porcentaxes como mínimos indemnizables para aplicar sobre o valor da produción declarada ou sobre a real esperada, en caso de que esta fose menor: - Sinistros debidos a marea negra: o Mexillón/Clóchina comercial: 30 %. o Cría: 30 %. - Sinistros debidos a incremento excepcional e sostido de temperatura e resto de riscos: Baía de ALFACS: o Mexillón comercial: 20 %. o Cría: 30 %. Baía de FANGAR e portos de Valencia e Sagunto: o Mexillón/Clóchina comercial: 20 %. o Cría: 20 %. Os gastos de eliminación de existencias aseguradas mortas por un evento indemnizable non teñen SMI. LIÑA 413/Plan 2017 Páx. 23 de 39

24 Cando dúas causas concorran nun sinistro sen que poida ser definida con exactitude a contía dos danos producidos por cada unha, e estas causas estivesen cubertas na póliza con distinto mínimo indemnizable, será de aplicación o maior deles, e asignaráselle a consecuencia do sinistro a ese risco. Cando un asegurado sexa titular de máis dunha batea, a aplicación do sinistro mínimo indemnizable aplicarase individualmente en cada unha delas. 28ª FRANQUÍA RÉXIME DE GALICIA No caso de sinistro indemnizable, é dicir, cando as perdas superen os mínimos indemnizables na condición anterior, indemnizarase o exceso sobre as seguintes porcentaxes de perdas: - Para o risco de marea vermella: indemnizarase o exceso sobre un 30 % do valor da produción declarada na póliza, e este valor quedará como franquía a cargo do asegurado. - Para a marea negra, contaminación química, temporal e impacto de embarcacións establécese unha franquía dun 30 % da PREAS, é dicir do valor da produción real existente no momento do sinistro na batea. - Ademais establécese como franquía un 30 % dos gastos de salvamento. - Os gastos de compensación por retirada e eliminación de produción tras o suceso dun risco cuberto non terán franquía. RÉXIME DO DELTA DO EBRO (CATALUÑA) E CLÓCHINA DE VALENCIA A franquía aplicarase por batea e tipo de produto. Así pois, no caso de sinistro indemnizable, é dicir, cando as perdas superen os valores mínimos establecidos na condición anterior, indemnizarase o exceso sobre as mesmas porcentaxes, e quedan estes valores como franquías absolutas por conta do asegurado. Os gastos da eliminación de existencias aseguradas mortas por un evento indemnizable non terán franquía. 29ª VALORACIÓN DE DANOS E CÁLCULO DA INDEMNIZACIÓN A) RÉXIME DE GALICIA I) En xeral, para todos os riscos distintos a marea vermella, o procedemento que se utilizará na valoración dos danos será o seguinte: - Determinación do valor da produción real esperada antes do sinistro (PREAS) de cada batea ou produción viable existente no momento previo ao sinistro. - Cálculo da produción real existente tras o sinistro. LIÑA 413/Plan 2017 Páx. 24 de 39

25 - Establecerase o carácter indemnizable ou non do sinistro cuberto segundo o establecido na condición vixésimo sétima. - Dedución por aproveitamento residual: cando tras o sinistro exista unha produción aproveitable, de común acordo co asegurado, o perito establecerá o valor de recuperación, que será deducido do valor total da produción perdida. - Gastos de salvamento: nos casos nos que ademais proceda indemnización por este concepto, esta cantidade sumarase ao valor das perdas brutas. - Ao valor total da produción perdida resultante aplicaráselle a franquía correspondente segundo a condición especial vixésimo oitava. - Compensacións por perda da capacidade produtiva: cando proceda, compensarase coa porcentaxe especificada na condición especial vixésima, correspondente ao segundo capital garantido, sen franquía. O PROCEDEMENTO PARA SEGUIR NA VALORACIÓN DOS DANOS COMPRENDE DISTINTAS FASES: 1. Inicio da mostraxe Unha vez declarado o sinistro, os peritos establecerán mediante a mostraxe descrita a continuación as diferentes producións no conxunto de bateas afectadas dunha subzona. 2. Identificación do risco e do titular do seguro Antes de comezar propiamente coa valoración, o perito deberá comprobar: - Localización da batea mediante coordenadas e a súa correspondencia cos datos de póliza. - Titular da batea. - Código REGA ou rexistro equivalente da comunidade autónoma. 3. Determinación da produción real esperada antes do sinistro ou PREAS A determinación da PREAS realízase en todas as bateas que declararon sinistro, mediante un procedemento que comezará coa clasificación das cordas de produción, en función do tamaño do mexillón e contaxe das cordas de cada clase, de cada batea. As cordas da batea clasifícanse con base nos seguintes tamaños medios segundo os centímetros de lonxitude do molusco: Tipo de mexillón por tamaño Cría Colleita 1 Colleita 2 Colleita 3 Tamaño en cm Ata 4 Maior de 4 a 6 Maior de 6 a 8 Maior de 8 LIÑA 413/Plan 2017 Páx. 25 de 39

26 A seguir establecerase o peso medio por corda correspondente a cada tamaño, obtido polo perito in situ: - ao pesar varias cordas sen dano cando os medios técnicos o permiten ou - en ausencia do anterior, mediante a aplicación do peso de segmentos sen dano das cordas sinistradas, medido en varios tramos, extrapolado á lonxitude produtiva total da corda. Unha vez que se coñece o número de cordas de cada tamaño e o seu peso medio neto antes do sinistro obtense a PREAS de cada batea que declarou o sinistro, mediante o procedemento que se describe máis adiante. 4. Determinación do dano As bateas dos asegurados que comuniquen sinistro serán valoradas de forma individual, salvo en caso de acordo entre as partes para realizar a determinación do dano mediante mostraxe da subzona, segundo o método recollido a seguir neste contrato. No caso de acordo para determinar o dano mediante mostraxe, seleccionaranse as bateas e realizarase unha mostraxe de cada subzona, atendendo a criterios de uniformidade e representatividade da mostra. Salvo acordo, o número de bateas para realizar a mostraxe será do 5 % do número de bateas sinistradas de cada subzona, cun mínimo de tres bateas. 5. Unidade de valoración Considérase unidade de valoración a corda, sobre a que se determinará a produción antes e despois do sinistro atendendo á clasificación por tamaño do mexillón e en función da que se establece o dano na batea. 6. Metodoloxía para a determinación do dano Unha vez establecido o peso medio por corda antes do sinistro, segundo o tamaño do mexillón que soporta, valóranse as cordas seleccionadas para a mostraxe do dano. En caso de acordo en establecer o dano por mostraxe das bateas da subzona, este apartado desenvólvese só sobre as bateas da mostra. Salvo acordo entre as partes, as cordas para realizar a mostraxe serán o 5 %, cun mínimo de tres cordas por batea e tamaño. Peso de cada corda sinistrada: se os técnicos o permiten, pesarase a corda completa. Polo contrario retiraranse da corda e pesarán como mínimo os mexillóns de 1 metro de corda, empezando a 1 metro baixo a superficie, extrapolando a cantidade obtida á lonxitude total da corda, e poderanse, por acordo das partes, recoller todos os mexillóns da corda. LIÑA 413/Plan 2017 Páx. 26 de 39