clases sen fume información para os centros docentes curso 2016-2017 30 outubro Remate do prazo de inscrición Remisión ficha de inscrición (web o fax) 2novembro Comezo do compromiso de non fumar 11novembro Remisión ficha de compromiso da aula 31 xaneiro Envío do slogan 28abril Envío da actividade creativa XUNTA DE GALICIA
clases sen fume É un concurso de prevención do tabaquismo dirixido aos escolares de 1º e 2º da ESO. Este concurso enmárcase na Rede Europea de Mozos e Mozas sen Tabaco. A súa efectividade para previr o inicio do tabaquismo está avaliada por numerosos estudos. clases sen fume baséase no compromiso colectivo de toda a clase e un docente, de manterse sen fumar durante 6 meses consecutivos ao longo do curso escolar. Utiliza o PREMIO-RECOMPENSA como estímulo, R E F O R Z A N D O O carácter voluntario da decisión de non fumar. O compromiso de grupo. A confianza en si mesmos e nos outros. A responsabilidade individual e colectiva.
Cómo se pode participar? Todos os escolares da clase e o seu educador/a toman a decisión e comprométense, individual e conxuntamente, a non fumar desde novembro de 2016 ata abril de 2017. O director/a do centro ou responsable da aula, solicitará a participación preferentemente a través da páxina web http://www.sergas.es/clasessenfume), ou por Fax (881 541 865) antes do 30 de outubro. Cada escolar asinará o seu compromiso de non fumar e informará os seus pais. O responsable da aula reforzará positivamente de maneira regular a decisión de non fumar, e promoverá a realización de actividades encamiñadas á prevención do tabaquismo. Premios As clases sen fume que chegan ao final da competición poden gañar grandes premios. Estadías nun albergue con programa multi-aventura, Premio Clases sen Fume seleccionado por sorteo entre todas as clases que rematen o concurso cumprindo os compromisos esixidos. Premio ao MELLOR SLOGAN Premio á mellor ACTIVIDADE CREATIVA Haberá outros premios.. 2º premio da ACTIVIDADE CREATIVA, regalo dixital de audio, para cada un dos integrantes da clase gañadora. 3º premio da ACTIVIDADE CREATIVA, entradas para o parque acuático Aquapark para os alumnos das clases gañadoras. *Todos estes premios son financiados por empresas externas colaboradoras co programa. Tamén haberá un premio sorpresa para todos os participantes que cheguen ao final, e un diploma acreditativo á participación, ambos financiados pola Consellería de Sanidade.
FOGARES SEN FUME. Inscrición en decembro. Compromiso de xaneiro a abril Para aquelas familias modélicas que xa non fumaban no momento da inscrición ao concurso que se comprometan a seguir así e a non permitir fumar no seu fogar polo menos de xaneiro a abril. Para aquelas familias nas que fume algún dos seus membros e se comprometan a non fumar, nin permitir fumar no seu fogar de xaneiro a abril. O premio consistirá un vale de compra cun valor de 300 Todos os PREMIOS entregaranse tras as comprobacións oportunas e NON SERÁN, EN NINGÚN CASO, ACUMULATIVOS Actividades Obrigatorias 1 Slogan (1º Trimestre) Consistirá nun lema, acompañado dunha representación gráfica, traballado entre todos, orixinal e preferentemente positivo sobre a prevención do tabaquismo, co obxetivo de convencer á mocidade a non comezar a fumar. Presentarase un só slogan por clase. Un xurado elixirá o mellor entre todos os presentados. Utilizarase o impreso específico que se baixará da páxina web do concurso e se remitirá antes do 31 de xaneiro de 2017.
2 Actividade creativa (2º Trimestre) Consistirá nunha actividade orixinal dirixida á prevención do tabaquismo. Poderá presentarse nas modalidades: materiais multimedia, anuncio publicitario, canción con baile, obra de teatro ou xogos. O formato de remisión será en CD, DVD ou pendrive. Haberá un premio á mellor actividade. Valorarase o tempo dedicado e a implicación de toda a aula na súa realización e representación. Presentarase só unha actividade por clase. Tedes ata o 28 de abril de 2017 para desenvolvela. 3 Unidades didácticas Ao longo do concurso traballaranse na aula os materiais didácticos relacionados coa prevención do consumo de tabaco, recollidos na guía: Experiencia de educar para a saúde na escola. Programa de prevención do consumo de drogas. Plan de Galicia sobre Drogas. A guía e os cadernos para os escolares estarán dispoñibles na web http://www.sergas.es/clasessenfume. actividades optativas Cada aula poderá propoñer, con carácter voluntario, a realización doutras actividades como: Organización de charlas dirixidas aos mestres, escolares, asociacións de nais e pais,celebración do Día Mundial sen tabaco (31 de maio), outras propostas que se vos ocorran
Bases para concursar en Clases Sen Fume Poden participar os centros docentes que imparten 1º e 2º da ESO. A participación é por clases completas; é dicir, de todos os escolares e un docente, que fará un seguimento periódico do desenvolvemento das actividades e compromisos da clase. Os escolares asinarán o compromiso individual e da clase de manterse sen fumar durante, polo menos, 6 meses, desde novembro ata abril. O centro cubrirá na Web ou remitira por fax, a/as ficha/s de solicitude/s de participación da/s aula/s antes do 24 de outubro de 2016. Cada clase traballará as unidades didácticas de prevención do tabaquismo e elaborará un slogan e unha actividade creativa que deberán ser remitidas nas datas establecidas. Só se admitirá un slogan e unha actividade creativa por aula. Os orixinais destes traballos quedarán en poder do Programa Galego de Promoción de Vida Sen Tabaco (PGPVST) e poderán ser utilizados na elaboración de materiais educativos ou divulgativos. Se durante o concurso, algún escolar fuma, a clase valorará a situación para decidir se continuar ou non. Se o comportamento de fumar é reiterado o docente decidirá, tras consultar os responsables do PGPVST, se considera necesario o abandono do concurso. A organización do concurso poderá contactar cos centros participantes ao longo do concurso e un ano despois, para avaliar o concurso e verificar a relación co tabaco dos escolares, mediante as accións que se consideran oportunas, salvo declaración expresa en contra dos seus pais ou titores.
As clases que cumpran todos os requisitos esixidos no desenvolvemento do concurso participarán no sorteo do premio Clases sen Fume. A remisión en prazo de cada actividade obrigatoria, dará unha opción máis para o sorteo, o que aumentará as posibilidades de gañar o premio. Un xurado decidirá os premios ao mellor slogan e á mellor actividade creativa, segundo os criterios de innovación, calidade e adecuación ao programa, posibilidade de realización e capacidade de transmisión da mensaxe. As familias dos escolares que participen en Fogares sen Fume participarán no sorteo do premio, que se adxudicara tras as comprobacións oportunas. Os premios poderán quedar desertos de non acadaren a calidade axeitada. Non serán, en ningún caso, acumulativos. A non aceptación das datas propostas pola organización para o seu gozo suporá a renuncia automática a este. Todos os materiais do concurso estarán dispoñibles na páxina web: http://www.sergas.es/clasessenfume. As mellores actividades creativas poderán ser publicadas na páxina web do concurso. Datas para recordar clases sen fume 2 11 Ao longo de novembro novembro decembro 2016 2016 2016 comezo do remisión das envío dos cuestionarios iniciais compromiso de non fumar ficha de compromiso da clase (a través da web ou do Fax) 31 28 30 xaneiro abril abril 2017 2017 2017 remisión do remisión remate dos slogan da actividade compromisos do creativa concurso e remisión das fichas avaliación titores e cuestionarios finais dos escolares (a través da Web ou mandar por fax)
DEPARTAMENTOS TERRITORIAIS DA CONSELLERÍA DE SANIDADE A CORUÑA LUGO OURENSE PONTEVEDRA Gregorio Hernández, 2 Montevideo, 9 Avda. de Zamora, 13 Avda. Fdez. Ladreda s/n 15011 A Coruña 27001 Lugo 32005 Ourense 36080 Pontevedra Tfno. 981 155 836 Tfno. 982 292 221 Tfno. 988 066 347/49 Tfno. 986 885 881 Fax: 981 155 801 Fax: 982 292 115 Fax: 988 066 302 Fax: 986 885 802 DIRECCIÓN XERAL DE SAÚDE PÚBLICA Edificio administrativo da Consellería de Sanidade San Lázaro, s/n 15703 Santiago de Compostela Tfno. 881 542 920-Fax.881 541 865 Máis información en: http://www.sergas.es/clasessenfume XUNTA DE GALICIA