1. A inscrición na Liga Local de Tenis de Soutomaior, implica a aceptación expresa das normas e disposicións recollidas no presente regulamento, así coma aquelas que o Comité de Competición poida aprobar, unha vez que as mesmas sexan publicadas. 2. Todos/as os/as participantes están obrigados ao cumprimento das normas de uso e conservación das instalacións deportivas, sendo responsables dos danos causados nas mesmas, derivados do incumprimento das citadas normas. Igualmente serán responsables dos danos causados na persoa, bens ou propiedades de outros participantes da liga local, incluídos os membros do Comité de Competición, derivados de agresións ou de calquera tipo de conduta antideportiva ou violenta. en ambos supostos os responsables asumirán o pago da reparación ou reposición dos bens danados, incluídos os gastos de asistencia médica, no seu caso. 3. Poderanse inscribir na Liga Local de Tenis as persoas maiores de idade e os menores con autorización paterna/materna. 4. A cota de inscrición na Liga Local de Tenis será de 5 para os socios e de 20 para os non socios. Os/as interesados/as en participar deberán entregar a solicitude debidamente cumprimentada no pavillón da montesiña ou enviala a través do email do Club, xunto co xustificante de ingreso da cota de inscrición na conta sinalada no impreso. 5. A Liga Local de Tenis está formada por grupos de 5 xogadores/as divididos en distintas categorías que ascenderán, descenderán ou se manterán no grupo e na categoría segundo o sistema de ascensos e descensos previsto para esta competición. En circunstancias excepcionais, os grupos poderán estar formados por 4 ou 6 xogadores/as. A Liga Local de Tenis xogarase en 5 fases de 2 meses de duración cada unha: Setembro - outubro. Novembro - decembro. Xaneiro - febreiro. Marzo - abril. Maio - xuño. 1
6. Para evitar retrasos nos horarios de xogo, concederanse 10 minutos de cortesía para dar comezo aos partidos. a partir de dito momento se algún dos/as dous/dúas xogadores/as non se personase nas pistas, considerarase incomparecencia e sancionaráselle coa perda do partido en favor do seu rival e 1 punto de penalización na clasificación. 7. O/A xogador/a que non se presente a dous partidos oficiais sen causa xustificada no transcurso dunha fase, descenderá ao último grupo. 8. Os/as xogadores/as deberán aportar as pelotas de xogo para os partidos. 9. Retirada: no caso de que un/unha xogador/a desexe retirarse da competición deberá comunicalo por escrito ao Comité de Competición. No caso de non comunicalo, o/a xogador/a non poderá inscribirse na competición na seguinte tempada. 10. En cada fase, os/as xogadores/as xogarán entre eles/elas en formato de liguilla. 11. Os partidos xogaranse ao mellor de 3 sets. en caso de acordo entre os/as xogadores poderase disputar o terceiro set baixo a modalidade de supertiebrak (ao mellor de 10 ptos.) 12. O resultado deberá ser comunicado polo gañador do partido unicamente a través do formulario de envío de resultados que se atopa na páxina web do Club. A non comunicación por parte do gañador do resultado do partido, suporá a non contabilización dos puntos. Se o/a xogador/a que saíu derrotado fai a reclamación dentro do prazo establecido nas normas, este levará os puntos que lle correspondan co resultado dese partido. No caso de empate final entre os/as xogadores/as favorecerase sempre ao/á xogador/a reclamante. O resultado que quedará reflectido será o real do partido coa correspondente modificación dos puntos. 13. Todas as RECLAMACIÓNS de puntos por partidos xogados ou non xogados, comunicados ou non comunicados, faranse ÚNICA e EXCLUSIVAMENTE a través do CORREO ELECTRÓNICO DO CLUB e aportando todas as probas que se consideren necesarias. 14. O prazo máximo para a comunicación do resultado dun partido queda establecido no último día de cada mes no que o partido deba ser xogado. Todos os resultados comunicados fora deste prazo careceran de efecto. 2
15. Os partidos deberanse xogar na pista municipal da Montesiña do Concello de Soutomaior, aínda que, se houbese acordo entre os dous xogadores, poderase xogar noutra pista. 16. Unha vez configurados os grupos, os/as xogadores/as deberán poñerse en contacto para xogar os partidos. 17. Cando un/unha xogador/a se poña en contacto con outro para xogar un partido, e este, polos motivos que sexan, non puidera xogar, quedará obrigado de chamar ao primeiro para concertar unha nova data e deberá avisar con tempo suficiente antes de que remate o período establecido para disputar o partido. Entenderase como "tempo suficiente antes de que remate o período establecido para disputar o partido" unha semana antes de que remate dito período. O/a xogadora que primeiro se poña en contacto co seu rival deberá comunicar este feito ao Comité de Competición. No caso de que o/a xogadora encargado de chamar ao seu rival non mostrase interese por xogar o partido ou o fixese fora do período establecido para disputar o partido, considerarase partido non xogado. 18. Non se poderá contactar co xogador rival para fixar unha data para xogar o partido, a menos de 1 semana para que remate o prazo sinalado no calendario para xogar dito partido. 19. Non se poderá xogar ningún partido fora do prazo establecido para cada fase (2 meses). 20. Tal e como se marca no cadro de cada fase, será obrigatorio xogar como mínimo 2 partidos no primeiro mes, pudendo xogarse os 4 partidos durante o primeiro mes. 21. Non se poderán aprazar partidos por causa de lesión. 22. O/a xogador/a que non poida xustificar a súa ausencia dun partido será penalizado con -1 ptos. e a perda automática do partido. 23. O/a xogador/a que remate unha fase con puntuación total negativa descenderá automaticamente ao último grupo. 24. Por cada partido disputado, cada xogador/a sumará 1 pto., e ademais, tamén se sumará 1 pto. por cada set gañado, é dicir, 1 pto. por xogar e 1 pto. por cada set gañado. 3
25. En caso de empate entre dous/dúas xogadores/as nun grupo, decidirá o partido disputado entre eles/elas para desfacer dito empate. No caso de que o partido entre eles/elas non se disputara, atenderase por este orden: Diferenza sets gañados e perdidos na fase. Diferenza xogos gañados e perdidos na fase. De persistir o empate procederase a efectuar un sorteo entre eles/elas co fin de determinar a súa posición. 26. Triplo ou cuádruplo empate: a) No caso de triplo empate, terase en conta en primeiro lugar a diferenza de sets nos partidos disputados entre os tres implicados. No caso de continuar o triplo empate, observaremos a diferenza de xogos (sempre nos partidos disputados entre os tres implicados). Se aínda así, persistise o triplo empate, tomaranse todos os partidos do grupo. Unha vez desfeito o triplo empate, obteremos a posición de cada xogador/a dentro do grupo. No hipotético caso de que unha vez desfeito o triplo empate, dous dos implicados volvesen a empatar, atenderase o partido disputado entre eles/elas e, de non xogarse dito partido, procederase a efectuar un sorteo para determinar a súa posición no grupo. b) No caso de cuádruplo empate, terase en conta en primeiro lugar o número de vitorias de cada xogador/a nos partidos disputados entre eles/elas. Se aínda así persiste o empate, observarase o cómputo de sets nos partidos disputados entre os catro implicados. No caso de continuar o cuádruplo empate, observaremos a diferenza de xogos (sempre nos partidos disputados entre os catro implicados). Se aínda así, persistise o cuádruplo empate, tomaranse todos os partidos do grupo. Se unha vez feito un desempate, quedasen 3 xogadores/as empatados, seguiranse as indicacións establecidas no apartado a). 27. Aqueles partidos que, polas circunstancias que sexan, non cheguen a disputarse ou foran obxecto de reclamación por parte dalgún/dalgunha dos/das xogadores/as implicados/as, e resoltos de xeito positivo para algún/algunha deles/as, anotaranse co resultado simbólico de 6-0 / 6-0 e os puntos correspondentes para o/a xogador/a reclamante. 4
28. Cada dous meses actualizarase a clasificación cos resultados dos diferentes grupos. O cadro de cada fase enviaráselle a cada xogador/a á dirección de correo electrónico que lle facilitou ao Comité de Competición. Do mesmo xeito esta clasificación exporase tamén na páxina web do Club. 29. Para calquera reclamación ou aviso ao Comité de Competición de calquera incidencia (lesión de xogador/a, non presentación a un partido, negación a por data para un partido, erro na clasificación, etc.) os/as xogadores/as terán que facela por escrito. As reclamacións por resultados de partidos (comunicados e non comunicados) poderán facerse ao longo de toda a fase, e dicir, durante os 2 meses que dura cada fase, e unha vez remata a fase, durante os dous días seguintes. Sempre por escrito. 30. O Comité de Competición será a encargada de resolver os conflitos, dúbidas e incidencias no transcurso da liga, podendo tomar decisións e chegar a expulsar da competición se fose necesario. 31. Todo aquel que desexe participar na liga local poderá apuntarse en calquera momento pero terá que agardar a que algún dos participantes abandone a liga ou a que se forme un novo grupo, en calquera caso, empezando sempre dende o último grupo. 32. As reservas para os partidos da liga local de tenis poderán facerse na recepción do Pavillón da Montesiña. O desconto que se aplica á hora de facer a reserva para xogar os partidos da liga, soamente é válido para os partidos que se xoguen de luns a venres (quedan excluídos os días festivos). As reservas para xogar partidos de liga durante a fin de semana e festivos, non terán desconto. 33. Será motivo de posible expulsión da competición alterar ou intentar alterar o resultado dun partido, solicitar ou facilitar que un/unha xogador/a non se empregue ao máximo nun partido coa intención de influír negativamente na aplicación do máximo esforzo do rival. 34. A participación nesta liga leva consigo a aceptación destas normas, así coma a publicación dos datos persoais dos participantes (e-mail, telefono) en lugares públicos. 35. O/a xogadora que finxa unha lesión co fin de non disputar un partido, que falte á verdade na comunicación de resultados, lugar do encontro ou amose unha actitude ou conducta antideportiva na pista ou fora dela, quedará automaticamente descualificado da competición e deixará de formar parte da liga local. 36. Aqueles que non cumpran ou non acaten as normas establecidas para a competición deixarán de formar parte da liga local. 5
37. O Comité de Competición reservase o dereito de modificar calquera norma do presente regulamento co obxectivo de alcanzar unha mellora na competición. As posibles modificacións terán validez e serán vinculantes dende o momento da súa publicación. As posibles modificacións serán comunicadas aos participantes a través do correo electrónico. Para calquera aclaración, poñerse en contacto co Club. Tlfno Club.: 618 373 411 6