REGULAMENTO DE ORGANIZACIÓN E FUNCIONAMENTO DO CONSELLO GALEGO DE COOPERACIÓN PARA O DESENVOLVEMENTO (CONGACODE)

Transcrição

1 REGULAMENTO DE ORGANIZACIÓN E FUNCIONAMENTO DO CONSELLO GALEGO DE COOPERACIÓN PARA O DESENVOLVEMENTO (CONGACODE)

2 DISPOSICIÓNS XERAIS Artigo 1. Obxecto Constitúe o obxecto deste regulamento de funcionamento o cumprimento do artigo 22 punto 3.e) da Lei 3/2003, do 19 de xuño, de cooperación para o desenvolvemento (en diante, Lei 3/2003). Este artigo establece como función do Consello Galego de Cooperación para o Desenvolvemento (en diante, Consello) a aprobación do regulamento de funcionamento do mesmo. Artigo 2. Sede do Consello O Consello ten a súa sede en Santiago de Compostela, no lugar que fixe a Presidencia, podendo, en todo caso, convocar as súas sesións plenarias en calquera parte do territorio da Comunidade Autónoma de Galicia. Artigo 3. Composición do Consello 1. O Consello está formado polos membros e conforme á distribución que dispón a Lei 3/2003 e mais detalladamente o Decreto 326/2004, do 29 de decembro, polo que se regulan os órganos de coordinación e asesoramento en materia de cooperación para o desenvolvemento e polo que se crea o Rexistro Galego de Axentes de Cooperación para o Desenvolvemento (en diante, Decreto 326/2004). 2

3 2. A designación e nomeamento dos membros do Consello realizarase de conformidade co disposto no artigo 11 do Decreto 326/ A designación e nomeamento dun suplente por cada membro do Consello realizarase de conformidade co disposto no artigo 11 do Decreto 326/2004 no que fai referencia aos axentes de cooperación con representación no Consello. En canto aos membros que o sexan por razón de cargo serán substituídos pola persoa á que legalmente lle corresponda a súa substitución. No caso dos axentes con varios representantes, os/as suplentes que correspondan terán unha ordenación, de modo que ante calquera ausencia será convocado/a o primeiro/a suplente, despois o/a segundo/a e así sucesivamente. 4.* En cumprimento do establecido no artigo 22.4 da Lei 3/2003, fíxase en tres o número de expertos independentes a incorporar ao Consello. A partir da súa incorporación terán os mesmos dereitos e deberes que os demais membros do Consello, tal como se recollen neste regulamento. A duración do mandato dos expertos farase coincidir co período de vixencia dos Plans Directores; polo tanto, será de 4 anos, coa posibilidade de renovación por un mandato máis consecutivo. *Modificado por Acordo do Pleno Na composición do Consello favorecerase a equidade de xénero. Artigo 4. Incompatibilidades Os membros en representación dos axentes de cooperación da sociedade galega non poderán ser persoas que desempeñen altos cargos na 3

4 administración autonómica ou en entidades dependentes dela, ou que sexan designadas ou dependan da Xunta de Galicia. Artigo 5. Cese Os membros do Consello cesarán por algunha das seguintes causas: a) Falecemento b) Renuncia expresa c) Petición do axente que realizou a designación d) Declaración de incapacidade ou inhabilitación para o desemprego de cargo público por sentencia xudicial firme e) Calquera outra que se estableza pola lexislación vixente Artigo 6. Dereitos dos membros do Consello Os membros do Consello teñen os seguintes dereitos: a) Recibir a convocatoria, que conterá a orde do día das sesións ordinarias e extraordinarias. b) Asistir con voz ás sesións do Pleno e das comisións das que formen parte e exercer o seu dereito a voto, podendo facer constar na acta a súa abstención ou voto particular. c) Recadar da Presidencia do Consello os datos e documentos necesarios para o exercicio das súas funcións. d) Ter acceso na Secretaría do Consello á documentación que integre os expedientes dos asuntos a tratar en cada sesión, desde o momento da súa convocatoria. e) Presentar mocións e suxestións para a adopción de acordos polo Pleno ou para o estudio dunha determinada materia. 4

5 f) Percibir axudas de custo e gastos de desprazamento con motivo da súa asistencia aos órganos dos que formen parte conforme á normativa vixente na materia. A efectos do estipulado no Decreto 144/2001, de 7 de xuño sobre indemnizacións por razón do servizo ao persoal con destino na Administración autonómica de Galicia, os vocais do consello non pertencentes a Administración Pública clasifícanse a estes efectos no grupo I. Os representantes dos axentes de cooperación poderán renunciar ao dereito a percibir estas indemnizacións a favor das organizacións ás que representan. g) Aqueles outros derivados da súa condición representativa previstos no ordenamento xurídico. Artigo 7. Deberes dos membros do Consello 1. Os membros do Consello teñen os seguintes deberes: a) Asistir ás sesións do Pleno e ás comisións das que formen parte. b) Participar nos traballos e cumprir as instrucións que dite o Pleno ou, por delegación, a Presidencia. c) Desempeñar o seu cargo atendendo aos fins do Consello. d) Realizar cantos cometidos lles sexan encomendados por razón do seu cargo. e) Gardar segredo dos asuntos que se traten cando sexan declarados reservados por acordo do Consello. f) Poñer en coñecemento do Consello calquera información que poida afectar as actuacións ou competencias daquel. g) Non usar a súa condición de vogais do Consello nas súas actividades económicas ou profesionais. 5

6 h) Observar as normas sobre incompatibilidades de acordo coa lexislación vixente. 2. Para os efectos previstos polo presente regulamento, considérase incumprimento grave dos membros do Consello a non asistencia non xustificada, así apreciada polo Pleno, dun membro a dúas reunións consecutivas ou a catro alternas. NORMAS DE FUNCIONAMENTO DO ÓRGANOS DO CONSELLO Artigo 8. Órganos do Consello 1. Son órganos do Consello: a) o Pleno. b) a Presidencia c) a Vicepresidencia d) a Secretaría e) a Comisión Permanente f) as comisións de traballo 2. O/a secretario/a serao do Pleno e das comisións. Artigo 9. O Pleno 6

7 1. O Pleno está integrado pola totalidade dos membros do Consello, designados de conformidade co disposto no Decreto 326/2004 e o presente regulamento. Artigo 10. Funcións do Pleno 1. Corresponden ao Pleno as seguintes funcións: a) As establecidas no artigo 10 do Decreto 326/2004. b) A creación das comisións de traballo que considere oportunas para a consecución dos seus obxectivos. c) O nomeamento dos membros do Pleno que deban formar parte da Comisión Permanente e das comisións de traballo. d) Aprobar, rexeitar ou modificar os proxectos informes e acordos que lles sometan as comisións de traballo. e) A adopción de cantas instrucións estime necesarias para o desenvolvemento e aplicación do presente regulamento. f) Cantas outras funcións legalmente se lle asignen. 2. O pleno poderá delegar funcións nos demais órganos do Consello para a consecución dos seus fins. En todo caso, non serán delegables as funcións cuxo exercicio requira a adopción de acordos por maioría cualificada, a emisión do informe sobre a proposta dos plans directores e dos plans anuais de cooperación para o desenvolvemento nin a aprobación ou a modificación do regulamento de funcionamento do consello. Artigo 11. Réxime das sesións 7

8 1. As sesións do Pleno do Consello poderán ser ordinarias, extraordinarias e urxentes. 2. O Pleno reunirase en sesión ordinaria, cando menos, unha vez ao ano. 3. O Pleno reunirase en sesión extraordinaria a iniciativa da Presidencia ou a solicitude dun terzo dos seus membros, mediante escrito no que se especifiquen os asuntos que xustifiquen a convocatoria. 4. Excepcionalmente a Presidencia, por razóns de urxencia, poderá convocar sesións do Pleno con este carácter. 5. As sesións do Pleno do Consello non terán o carácter de público, sen prexuízo de que a Presidencia, a iniciativa propia ou dunha comisión de traballo, ou da maioría simple do Pleno poida invitar ás reunións do mesmo, con voz pero sen voto, a aquelas persoas que, dadas as cuestións a tratar, reúnan os coñecementos técnicos e profesionais que fagan aconsellable a súa asistencia. 6. Para a válida constitución do Pleno, para os efectos da celebración das sesións, requirirase a presenza do/da presidente/a e o/a secretario/a ou persoa que os substitúa, e polo menos da metade dos representantes da Administración e da metade dos representantes dos outros axentes. Artigo 12. Convocatoria das reunións 1. A convocatoria das sesións do Pleno corresponde á Presidencia do Consello e deberá efectuarse a cada un dos seus membros cando menos con 15 días de 8

9 antelación para as sesións ordinarias e para as extraordinarias e de 72 horas para as urxentes, e sempre con tempo suficiente para poder participar na emisións dos informes previstos no artigo 10 do Decreto 326/ O escrito de convocatoria, no que deberá constar a orde do día provisional da sesión, acompañarase da documentación específica sobre os temas obxecto de aquela, sempre que sexa posible. Cando se trate dun resumen dunha documentación máis ampla, esta estará dispoñible para a consulta desde a data da convocatoria. 3. Os axentes poderán facer propostas de inclusión na orde do día das sesións ordinarias, que serán remitidas á Secretaría cunha antelación mínima de 8 días á data establecida para a reunión. A orde do día definitiva será fixada polo/a presidente/a en atención ás propostas que debidamente documentadas realicen calquera dos axentes e enviada aos membros con antelación suficiente. No caso de non houber propostas, o borrador de orde do dia provisional elevarase a definitivo. 4. A orde do día tamén terá en conta as propostas que poidan recibirse da Comisión Permanente e/ou das comisións de traballo no mesmo prazo. 5. Cando as sesións sexan convocadas a iniciativa dos membros do Consello, os solicitantes haberán de manifestar os asuntos que haxan de incluírse na orde do día. Artigo 13. Desenvolvemento das sesións 9

10 1. Na hora convocada, e dispoñendo do quórum regulamentariamente establecido, o/a presidente/a abrirá a sesión, dando a palabra ao/á secretario/a que procederá a dar lectura a orde do día. 2. Seguidamente o/a presidente/a someterá a aprobación ou rexeitamento da acta da sesión anterior. A acta, da que se terá remitido unha copia a cada membro coa orde do día, será aprobada ou emendada por maioría simple nos termos do debate. 3. Unha vez aprobada ou emendada a acta procederase a tratar cada un dos puntos da orde do día. O/a presidente directamente ou o/a secretario/a, a petición do/a presidente/a, darán unha breve información sobre o tema obxecto de debate. O debate, que será moderado polo/a presidente/a, dará paso á votación segundo o previsto no artigo seguinte para a adopción dos acordos. 4. Non poderá ser obxecto de acordo ningún asunto que non figure incluído na orde do día, salvo que estean presentes polo menos dous terzos dos membros do órgano colexiado e sexa declarada a urxencia do asunto polo voto favorable da maioría. 5. De cada sesión, a/o secretario/a confeccionará unha acta, que conterá a relación de membros asistentes e ausentes, as informacións máis importantes referidas aos puntos da orde do día, un resume dos debates e os acordos adoptados. O borrador da acta será posto a disposición dos membros do Consello no prazo de 20 días posteriores á celebración da sesión, e estes disporán de 20 días para facer emendas ou alegacións. 10

11 Artigo 14. Réxime de adopción de acordos. 1.Os acordos do Pleno do Consello adoptaranse por maioría simple, agás para: - O nomeamento de expertos independentes, que requirirá da maioría absoluta, tal como o prevé o artigo 22.4 da Lei 3/ Calquera outra prevista normativamente. 2. En todo caso os membros discrepantes terán dereito a formular un voto particular, por escrito, nas 48 horas seguintes á adopción do acordo, que deberá quedar recollido na acta da reunión na que se adoptou o acordo. 3. Os acordos adoptaranse, salvo que expresamente se acorde outro procedemento, por asentimento unánime ou por votación mediante as seguintes fórmulas: a) Voto a man alzada. b) Chamamento público, no que cada membro manifeste oralmente a súa aprobación ou desaprobación. c) Voto secreto, por escrito. Esta fórmula será obrigatoria para elixir ao vicepresidente/a e aos expertos/as. 4. Das votacións: a) Rematado o debate do asunto procederase á súa votación. b) Antes de comezar a votación o/a presidente/a manifestará, clara e concisamente, os termos da mesma e o xeito de emitir o voto. c) Unha vez iniciada a votación, esta non poderá interromperse de ningún xeito. Durante o desenvolvemento da votación, o/a presidente/a non concederá o uso da palabra, e ningún membro do Consello poderá entrar na sala ou abandonala. 11

12 d) Inmediatamente despois de concluír a votación nominal, o/a secretario/a computará os sufraxios emitidos e anunciará en voz alta o seu resultado. Artigo 15. Carácter público dos acordos 1. Os acordos do Pleno do Consello serán públicos, e calquera persoa poderá en todo momento consultalos e informarse dos mesmos. 2. Quedarán excluídos deste carácter público as actas que recollan os debates que teñan lugar nas reunións do Pleno do Consello e nas distintas comisións. 3. En todo caso, para garantir a súa difusión e publicidade, os acordos serán publicados na páxina web oficial da Cooperación Galega. Artigo 16. A Presidencia 1.O/a presidente/a do Consello Galego de Cooperación para o desenvolvemento será o titular do centro directivo competente en materia de cooperación para o desenvolvemento, de acordo co establecido no artigo 11 do Decreto 326/ O/a presidente/a, como titular do centro directivo competente en materia de cooperación para o desenvolvemento, deberá dotar ao Consello cun orzamento suficiente para facilitar as súas funcións, así como facilitarlle o acceso aos recursos humanos e materiais necesarios para o cumprimento dos seus fins. 12

13 Artigo 17. Funcións da Presidencia Son funcións da Presidencia: a) Ostentar a representación do Consello b) Convocar as sesións do Pleno, presidilas e moderar o desenvolvemento dos seus debates. c) Fixar a orde do día das sesións do Pleno. d) Comunicar ao Pleno ao inicio das sesións as substitucións que se produciran. e) Solicitar dos órganos e institucións da Comunidade Autónoma e demais administracións públicas a información e documentación necesaria para a realización dos estudos que se leven a cabo, así como para a emisión de informes e propostas. f) Calquera outra que lle sexa encomendada ou delegada polo Pleno do Consello ou lle sexan atribuídas polo presente regulamento, así como as que non estean especificamente atribuídas a outros órganos. Artigo 18. A Vicepresidencia 1.O/a vicepresidente/a do Consello será nomeado polo propio Consello de entre os membros representantes dos axentes de cooperación, excluída a Administración da Comunidade Autónoma, a proposta conxunta de todos os axentes membros do Pleno, excluída a Xunta de Galicia, de acordo co establecido no artigo 11 do Decreto 326/ O/a vicepresidente/a asiste ao/á presidente/a nas súas funcións. 13

14 Artigo 19. A Secretaría O/a secretario/a do Consello Galego de Cooperación para o Desenvolvemento será un/unha subdirector/a xeral da área de cooperación para o desenvolvemento, que poderá ser asistido polo persoal que designe para o efecto, de acordo co establecido no artigo 11 do Decreto 326/2004. Artigo 20. Funcións da Secretaría Son funcións propias da Secretaría: a) Levantar acta das sesións do Pleno e das comisións. b) Expedir certificacións do contido das actas. c) Dirixir as actividades administrativas do Consello. d) Ordenar e custodiar a documentación do Consello. e) Tramitar a execución dos acordos adoptados. f) Despachar co/coa presidente/a os asuntos ordinarios e aqueles outros que lle sexan encargados por este. g) Comunicar as convocatorias das sesións aos membros do Consello. h) Coordinar as tarefas administrativas das comisións. i) Calquera outra que lle sexa encomendada por delegación expresa do Pleno do Consello. Artigo 21. A Comisión Permanente. 1. A Comisión Permanente constitúese como o órgano de apoio ao Pleno do Consello. Estará formada polo presidente/a do Consello, o/a secretario/a do Consello, dous representantes das ONGD, un/unha representante do Fondo Galego de Cooperación e Solidariedade e un/unha experto/a independente. 14

15 Todos os membros da Comisión Permanente deberano ser tamén do Consello. No caso de estimarse necesario, o Pleno poderá decidir a incorporación de novos membros representantes dos axentes de cooperación á Comisión. 2. Os membros da Comisión Permanente serán elixidos polo Pleno a proposta conxunta dos representantes dos axentes de cooperación, excluída a Xunta de Galicia. 3.A Comisión Permanente terá como funcións: a) Realizar os traballos preparatorios das sesións do Pleno do Consello. b) Facer propostas e suxestións para incluír na orde do dia do Pleno, así como informar de calquera asunto de interese na materia de cooperación ao desenvolvemento. c) Realizar o seguimento da marcha dos traballos incluídos no Plan Anual da Cooperación Galega. d) Recibir información da Presidencia sobre asuntos urxentes. e) Informar ao Pleno das actuacións realizadas e as iniciativas adoptadas, e sometelas a súa aprobación, no seu caso. f) Calquera outra competencia que poda ser delegada polo Pleno 4. A Comisión Permanente reunirase as veces que a Presidencia considere oportuno, cun mínimo de dúas veces ao ano, e poderá ser convocada cun mínimo de 48 horas de antelación. 15

16 Artigo 22. As comisións de traballo. 1. As comisións de traballo son grupos de estudo para a elaboración de informes, ditames ou propostas para o seu sometemento ao Pleno nas materias propias do Consello, e poderán ter carácter permanente. 2. O Pleno do Consello poderá constituír as comisións de traballo que estime oportunas. 3. As comisións de traballo estarán integradas polos membros do Pleno, que representen aos departamentos ou organizacións directamente relacionados co tema a estudar. 4. Cada grupo terá un/unha presidente/a e, así mesmo, un suplente que actuará á súa indicación no caso de ausencia do titular. 5. Poderán formar parte das comisións de traballo, con voz pero sen voto, os técnicos, asesores e especialistas que a comisión invite ou o Pleno do Consello acorde designar. 6. Os/as presidentes/as de cada unha das comisións de traballo serán designados polo Pleno de entre os membros da comisión e á súa proposta. 7. Á Secretaría, no seo das comisións, correspóndenlle as seguintes funcións: a) Convocar, por orde da Presidencia, as reunións da comisións, cunha antelación de, polo menos, sete días, salvo que a Presidencia puidera considerala de carácter urxente, que se convocaría cunha antelación mínima de 48 horas. 16

17 b) Preparar e remitir a documentación pertinente aos membros que formen parte da comisión. c) Levantar as actas das reunións da comisión. d) Calquera outra que lle asigne o/a presidente/a da comisión Artigo 23. Réxime de adopción de acordos das comisións. 1.Os acordos adoptaranse por maioría simple dos membros presentes da comisión correspondente. O voto de cada un dos membros será indelegable. 2. En todo caso os membros discrepantes terán dereito a formular un voto particular, por escrito, nas 48 horas seguintes á adopción do acordo, que deberá quedar recollido na acta da reunión na que se adoptou o acordo. 3. Concluídos os informes, o/a presidente/a da comisión de traballo os trasladará ao/á presidente/a do Consello para a súa aprobación no Pleno. PROCEDEMENTO DE ELABORACIÓN DE INFORMES Artigo 24. Competencia para a elaboración de informes. Corresponde ao Consello emitir informes, ditames e efectuar propostas, sobre as materias que concirnen á competencia do mesmo, a iniciativa propia ou a requirimento dos órganos e institucións da comunidade autónoma lexitimados para iso. 17

18 Artigo 25. Procedemento ordinario 1. Os asuntos sometidos a informe serán remitidos pola Secretaría do Consello aos membros do mesmo para que formulen no prazo que se sinale, que poderá oscilar entre 5 e 8 días, as suxestións e opinións que se consideren oportunas. Das devanditas suxestións e opinións darase traslado á comisión de traballo competente para a elaboración da proposta de informe, nun prazo de 20 días. 2. A comisión á que lle corresponda realizar a dita proposta poderá designar, de entre os seus membros, un relator para a elaboración do correspondente borrador, para o que poderá ser asistido por técnicos e especialistas na materia. 3. A proposta de informe será sometida á consideración da comisión de traballo, quen a examinará en todos os seus puntos e procederá, no seu caso, a aprobala, podendo introducir as modificacións que se estimen oportunas. No informe que se aprobe sintetizaranse as suxestións recibidas, as razóns da súa aceptación ou desestimación, e os antecedentes existentes, no seu caso, en relación ao asunto obxecto da consulta. 4. Esta proposta de informe enviarase aos membros do Pleno, pola Secretaría, cunha antelación mínima de 15 días á celebración da sesión, para que procedan, se o estiman oportuno, a formular as emendas de modificación que consideren convenientes. 18

19 5. Na reunión plenaria, e previa lectura da proposta de informe, así como das emendas de modificación presentadas, e tras a defensa que se faga delas, procederase a levar a cabo a votación. 6. Ao informe incorporaranse, no seu caso, os votos particulares que formulen, por escrito, os membros discrepantes do Pleno nun prazo máximo de 48 horas a partir da súa aprobación. Poderán exercer este dereito os membros do Pleno que votaran en contra e reservasen o seu voto. 7. No seu caso, poderá acordarse o reenvío do asunto á comisión de traballo encargada do seu relatorio, para que, no prazo que se lle indique, proceda á súa reelaboración de conformidade coas directrices que se formulen, e posterior elevación ao Pleno. 8. Cando a elaboración do informe sexa consecuencia do requirimento formulado por aqueles órganos e institucións da comunidade autónoma con lexitimación para isto, o prazo máximo para a súa emisión non poderá exceder dun mes desde a notificación do dito requirimento. Artigo 26. Procedemento de urxencia 1. Cando no acordo de remisión do asunto se faga constar a urxencia do informe ou ditame, que haberá de ser motivada, o prazo máximo para o seu despacho será de 10 días. 2. Neste suposto, se pasará o expediente directamente ao Pleno ou, no seu caso e con carácter previo, á comisión de traballo respectiva, para que se proceda á elaboración do informe correspondente. 19

20 3. Para os efectos do presente procedemento de urxencia será de aplicación todo o referido neste regulamento sobre convocatoria para o réxime de sesións do Pleno do Consello urxentes reguladas nos artigos 11 e 12. Artigo 27. Publicidade dos informes Os informes emitidos polo Consello serán obxecto da difusión e publicidade que se sinale no acordo polo que se procede a súa aprobación. Disposición adicional Para o non previsto neste regulamento, será de aplicación o previsto na Lei 3/2003, do 19 de xuño, de cooperación para o desenvolvemento, no Decreto 326/2004, do 29 de decembro, polo que se regulan os órganos de coordinación e asesoramento en materia de cooperación para o desenvolvemento e polo que se crea o Rexistro Galego de Axentes de Cooperación para o Desenvolvemento, e no Capítulo II da Lei 30/1992, do 26 de novembro, de réxime xurídico das administración públicas e do procedemento administrativo común. Disposición Transitoria. * A norma establecida no artigo 3.4 do regulamento, relativa á duración do mandato dos vogais expertos, entrará en vigor ao inicio da vixencia do III Plan Director , podendo ser elixidos para o mandato os mesmos vogais expertos que ostentaban o cargo antes da entrada en vigor desta norma. *Engadida por Acordo do Pleno

21 Disposición derradeira O presente regulamento de funcionamento entra en vigor ao día seguinte da súa aprobación polo Pleno e anula calquera outro preexistente. 21