LA IHA JOVEN IDA MAKA HELA IHA KOTUK IHA TIMOR-LESTE ANALIZE SITUASAUN # 4 JOVEN LGBTI

Transcrição

1 LA IHA JOVEN IDA MAKA HELA IHA KOTUK IHA TIMOR-LESTE ANALIZE SITUASAUN # 4 JOVEN LGBTI

2 UNITED NATIONS DEVELOPMENT GROUP ASIA AND THE PACIFIC for more information or to request another copy please contact Belun NGO at APRIL 2018

3

4

5 Introdusaun Fo in sa e sira nu udar xave hodi atinje dezenvolvimentu sustentável. Importante tebes katak foin-sa e hotu-hotu hetan asesu ida ho igualdade ba edukasaun ho kualidade, justisa, saúde, oportunidade sira ba empregu no partisipasaun iha sosiedade, no mós atu hetan protesaun husi violénsia. Liu husi aprovasaun ba Objetivu Dezenvolvimentu Sustentável iha tinan 2015 no aprovasaun ba Polítika Nasionál Juventude foun iha tinan 2016 husi VI Governu, Timor-Leste kompromete tiha ona atu la husik hela joven ida iha kotuk. Atu fó apoiu ba esforsu nasionál ida-ne e, Organizasaun Nasoins Unidas (ONU) iha Timor-Leste no ONG Belun halo esforsu kolaborativu, hodi lansa série análize foun ida ho títulu La iha joven ida maka hela iha kotuk iha Timor-Leste. Objetivu husi série ida-ne e mak atu hasa e komprensaun kona-ba situasaun no vulnerabilidade sira husi grupu juventude balu ne ebé espesífiku no liliu dezafiu sira-ne ebé sira enfrenta atu hetan benefísiu hosi Objetivu Dezenvolvimentu Sustentável tinan 2030 nian. Análize ida-idak aprezenta análize situasaun ninian ne ebé bazeia ba analize independente ba dadus kuantitativu husi Sensus Timor-Leste Tinan 2015 no ba dadus kualitativu husi diskusaun grupu foku sira, no mós evidénsia husi estudu no relatóriu sira ne ebé hala o tiha ona iha Timor-Leste. Rezultadu sira aprezenta situasaun foinsa e nian iha área moris saudavel, edukasaun, empregu no empregabilidade, partisipasaun sívika no violensia ho krime, tuir pilár sira Polítika Nasionál Juventude nian. Análize sira-ne e mós fó rekomendasaun sira ba Governu, sosiedade sivíl, setór privadu no parseiru dezenvolvimentu sira oinsá atu garante oportunidade sira ho igualdade ba grupu sira-ne e iha kontestu dezenvolvimentu Timor-Leste nian. Antesedente Joven sira Lézbika, Gay, Bi-seksuál, Transjéneru no Inter-seksu (Lesbian, Gay, Bisexual, Transgender, and Intersex (LGBTI)) vulneravel ba diskriminasaun bazeia ba sira-nia orientasaun seksuál ka identidade jéneru no espresaun (SOGIE). Atitude sosiál sira ne ebé negativu ba omoseksualidade no naun-konformidade jéneru bele hamosu intimidasaun no diskriminasaun. Joven sira LGBTI bele sente inseguru no iha risku boot liu ba violénsia. Ida-ne e mós bele hamosu problema saúde mentál ba joven sira LGBTI, sira la ba ka sai hosi eskola, no oho an. Timor-Leste foti tiha ona pasu sira atu rekoñese direitu sira LGBTI, maibé sei iha lakuna sira. Konstituisaun la alista orientasaun seksuál hanesan baze ida ne ebé proibidu ba diskriminasaun, mézmuke ida-ne e propoin tiha durante prosesu ezbosu iha tinan Maibé, artigu 23 husi Konstituisaun rekere katak interpretasaun ba direitu hotu-hotu iha Konstituisaun tenke halo tuir Deklarasaun Universál Direitus Umanus (DUDU). Deklarasaun ida-ne e bandu diskriminasaun ba razaun saida deit. Kódigu Penál la kriminaliza relasaun seksuál entre adultu sira ho seksu hanesan kuandu iha konsentimentu. Kódigu Penal permite ba juis sira hodi fó sentensa ida aas liu kuandu ema komete krime ida ho motivu diskriminasaun tanba razaun jéneru ka orientasaun seksuál. Maske Kódigu Laboral UNTAET espesífikamente bandu diskriminasaun bazeia ba orientasaun seksuál, ida-ne e la inklui iha Kódigu Laboral tinan 2012 nian ne ebé agora daudaun vigora hela. 1

6 Timor-Leste hatudu tiha ona apoiu ba direitu LGBTI nian iha Organizasaun Nasoins Unidas (ONU). Entre buat sira seluk, Timor-Leste suporta Deklarasaun Konjunta Konsellu Direitus Umanus ONU tinan 2011 kona-ba Hapara Atus Violénsia Relasionadu ba Violasaun Direitus Umanus Bazeadu ba Orientasaun Seksuál no Identidade Jéneru. Governu mós aseita ona ba rekomendasaun rua kona-ba direitu LGBTI nian ne ebé mosu iha Revizaun Periódiku Universál husi Konsellu Direitus Umanus ONU iha tinan Iha nivel nasionál, iha fulan-juñu, tinan 2017, Primeiru Ministru Dr. Rui Maria de Araújo, públikamente denunsia diskriminasaun hasoru individuál sira LGBTI ho foku ida ba joven sira no enkoraja tiha ema hotu-hotu, inklui eskola no família sira, atu simu no proteje sira-nia oan sira ne ebé iha orientasaun seksuál ka identidade jéneru diferente. Grupu sira LGBTI ativu tiha ona hodi promove direitu sira LGBTI nian iha Timor-Leste no simu tiha ona apoiu husi instituisaun nasionál sira, ONU, no sosiedade sivíl. Iha dadus limitadu kona-ba joven sira LGBTI iha Timor-Leste. Estudu balu hala o tiha ona kona-ba situasaun grupu ne e nian no ninia membru sira nian. Rezultadu sira ne ebé aprezenta iha análize situasaun ne e mai hosi análize dadus kualitativu nian de it tanba laiha dadus kuantitativu nian kona-ba grupu ida-ne e. Dadus ne e mai husi Diskusaun Grupu Foku rua ne ebé hala o tiha iha Dili, no mós estudu ida ne ebé hala o tiha iha tinan 2017 husi Rede Feto no ASEAN SOGIE Caucus entre ema LBT na in-57 no peskiza ne ebé hala o iha tinan 2014 husi ISEAN-Hivos entre MSM (mane halo relasaun seksuál ho mane) no ema transjéneru sira na in-200. Rezultadu no análize sira Espozisaun ba diskriminasaun no violénsia aas liu Joven sira LGBTI barak iha Timor-Leste moris ho sira-nia família sira, maibé, ida-ne e la ós sempre nu udar fatin seguru ba sira: maioria partisipante sira GDF relata tiha katak sira hetan violénsia fíziku ka psikolójiku iha uma. Sira fó tiha ezemplu sira mak hanesan membru família sira tolok sira, duni sai sira husi uma, no sira hetan kastigu ho servisu-uma estra ka baku tanba sira-nia orientasaun seksuál. Ezemplu sira balu partikularmente aat: aman ida ameasa tiha atu oho ninia oan, se ninia oan ne e la muda ninia modu-de-vida, no ida seluk konta istória kolega ida ne ebé hetan violasaun seksuál korretivu husi ninia tiun ho tentativu ida atu muda ninia orientasaun seksuál. Partisipante GDF hatete katak maun boot sira mak dala barak liu nu udar autór violénsia nian. Partisipante GDF barak dehan katak, iha uma liur, ema seluk dala barak lakohi ba besik sira. Partisipante ida dehan membru komunidade sira hatete ba feto no labarik atu hela dook husi nia, dehan se ita halimar ho paneleiru ne e, ita mós sei sai paneleiru, ho paneleiru liafuan derogatóriu ida ba mane omoseksuál no feto transjéneru. Partisipante sira GDF balu dehan sira ta uk atu la o sai iha públiku. Balu konta istória sira kona-ba ema tuda fatuk ba sira ka tolok sira. 2

7 Situasaun hirak-ne e espresa mós tiha iha relatóriu Rede Feto/ASEAN SOGIE Caucus resente. Relatóriu ne e anota tiha katak 87% husi respondente LBT hetan ona asédiu no violénsia iha momentu balu iha sira-nia moris, 72% husi respondente sira esperiénsia liu dala-ida, no liu fali ida iha 10 esperiénsia kuaze lorloron. Peskiza ISEAN-Hivos nian hatudu katak katoluk (1/3) husi respondente sira hetan esperiénsia tratamentu aat verbál no kahaat (1/4) hetan tratamentu fíziku ne ebé aat. Diskriminasaun, eskluzaun, ameasa no violénsia atuál iha impaktu boot ba saúde mentál. Feto LBT barak konta istória sira kona-ba buka atu hakotu sira-nia moris, balu ho atentadu barak, tanba violénsia no tratamentu la di ak husi sira-nia membru família sira. Atrazadu iha edukasaun Ema LGBTI sira mós hetan diskriminasaun iha eskola sira. Partisipante sira iha tantu GDF sira relata tiha katak ema LGBTI sira hasoru diskriminasaun iha eskola husi sira-nia profesór no pár sira. Sira barak mós dehan katak sira-nia família sira la tau importánsia ba edukasaun ba sira-nia oan sira-nian ne ebé iha orientasaun seksuál ida la hanesan. Iha kurríkulu ofisiál, tópiku direitu sira ema LGBTI nian mensiona ona, embora ho kmaan. Maibé, haree katak profesór sira barak seidauk simu omoseksualidade. Partisipante sira barak GDF nian ne ebé esperiénsia ona goza ka abuzu husi pár sira ka profesór sira no moe tebetebes no la konfortavel atu filafali ba eskola. Tanba eskola sira iha farda (uniforme) obrigatóriu ba labarik-feto sira (saia) no labarik-mane sira (kalsa-naruk), estudante LGBTI sira balu mak tenke hatais roupa tuir sira-nia jéneru biolójiku ka konforme ho estereótipu sira feto nian no mane ninia fíziku. Ida-ne e la konfortavel ba sira. Só partisipante GDF na in-2 de it husi na in-15 ne ebé kompleta tiha ona eskola sekundáriu no sira na in-rua dehan sira la atende tiha universidade tanba sira-nia família rekuza tiha atu apoia sira. Relatóriu Rede Feto/ASEAN SOGIE Caucus espresa tiha dezafiu sira ne ebé ema LBT sira enfrenta iha área edukasaun. Só kahaat (1/4) husi respondente sira LBT relata katak sira atende tiha eskola sekundáriu, maibé nasionalmente, labarik-feto sira 75% atende tiha eskola sekundáriu tuir dadus Sensus tinan Partisipante sira LBT barak iha peskiza ne e la kompleta sira-nia ensinu sekundáriu. Kestaun ekonómiku sira no diskriminasaun husi inan-aman ka pesoál universidade sira mak entre razaun balu sira ba sira atu la kontinua edukasaun. Asesu la hanesan ba servisu sira saúde nian Iha GDF sira, baibain mane omoseksuál no feto transjéneru relata tiha interasaun la di ak ho prestadór servisu sira saúde nian. Ne e espesialmente loos ba feto transjéneru. Partisipante sira GDF sira mensiona doutór sira iha difikuldade atu simu identidade sira jéneru la hanesan no sempre husu pergunta ba informasaun ne ebé sira fó tiha. Pozitivamente, partisipante sira mensiona katak klínika balu iha Dili presta kuidadu di ak tanba CODIVA, ONG ida ne ebé servisu kona-ba direitu sira ema LGBTI nian, hala o tiha advokasia no treina tiha pesoál saúde sira iha fatin hirak-ne e. Iha tinan 2014, peskiza ISEAN-Hivos hetan katak servisu saúde rekuza tiha atu atende mane 18% ne ebé halo interasaun seksuál ho mane (MSM) no ema transjéneru sira 43% (TG) iha Timor-Leste. 3

8 Asesu difisil ba oportunidade ekonómiku sira Joven sira barak liu iha GDF sira, ne ebé domina hosi mane omoseksuál no feto transjéneru, deklara katak tanba sira la iha edukasaun di ak, difisil atu hetan servisu. No mós, sira sente katak sira la bele aplika ba servisu sira, ka fiar katak ema sei la simu sira bainhira sira hato o tiha aplikasaun, tanba sira-nia maneira hatais. Iha Azia-Sudeste, sira fiar, iha estereótipu katak ema transjéneru bele servisu de it iha salon ka restaurante, limita tipu servisu ne ebé grupu ida-ne e bele asesu. Maibé iha Timor-Leste, iha membru komunidade LGBTI balu ne ebé sai nu udar figura públiku popular ho asesu diak ba oportunidade ekonómiku ka sira sai nu udar empreza-nain ne ebé forte. Dadus kona-ba feto lesbian mak uitoan liu, maibé, relatóriu Rede Feto ASEAN SOGIE Caucus foka kona-ba situasaun ekonómiku ema lézbika sira, ema biseksuál sira no mane transjéneru sira. Liu metade husi respondente LBT sira depende ba sira-nia família sira ba apoiu finanseiru, 23% sai ona empregadu, no 19% depende tiha ba kolega sira hodi sobrevive. Partisipasaun limitadu iha sosiedade Partisipante sira barak liu GDF nian konta kona-ba oinsá sosiedade ignora sira no katak sira mak izoladu. Barak relata tiha sira-nia membru família sira moe tebetebes ho sira nune e membru família rejeita atu la o ho sira iha públiku. Partisipante sira GDF mós dehan katak membru família obriga sira atu ba kuartu seluk, bainhira bainaka sira mai vizita sira-nia uma. Balu relata katak membru família hanoin sira sei estraga sira. Entaun membru família prevene sira atu halo interasaun ho labarik ka sira-nia maun-alin sira iha uma-laran. Hanesan konsekuénsia ida husi la simu, ema LGBTI barak gasta tempu uitoan iha sira-nia uma-laran ho família. Sira buka kolega ne ebé mós LGBTI no gasta tempu iha kolega sira-nia uma ne ebé seguru liu. Maibé iha individuál LGBTI sira uitoan ne ebé koñesidu no dala barak espresa sira-nia an ba públiku, inklui iha mídia no eventu sira ho perfíl aas, ida-ne e la ós realidade ba ema LGBTI sira barak seluk. Partisipante hotu-hotu iha GDF sira mensiona tiha katak sira la livre atu espresa sira-nia an iha públiku tanba públiku no sira-nia komunidade iha jerál seidauk simu sira. Rekomendasaun sira Joven sira LGBTI barak enfrenta dezafiu sira loroloron nian hodi ezerse sira-nia direitu sira no halo parte iha dezenvolvimentu nasaun nian. Sira dala barak sofre abuzu fíziku no psikolójiku husi sira-nia família sira, inklui violénsia ne ebé ho objetivu ba tratamentu ba sira-nia identidade jéneru no orientasaun seksuál. Atitude diskriminatóriu no hahalok sira, no mós violénsia husi pár no funsionáriu sira kontribui ba númeru halo ema LGBTI barak sai hosi eskola. Ho nune e, minimiza ho grave grupu ne e ninia poténsia no oportunidade ekonómika sira, no iha konsekuénsia sira grave ba ema nia saúde mentál. Diskriminasaun mós prevene tiha joven sira LGBTI hodi asesu ba servisu saúde nesesáriu. 4

9 Ho objetivu hodi hasoru dezafiu sira-ne ebé boot, ne ebé joven sira LGBTI enfrenta iha Timor-Leste, análize situasaun ne e halo tiha rekomendasaun sira tuirmai ne e: 1.Dezenvolve baze evidénsia nian Organizasaun internasionál no nasionál sira, universidade sira no Governu investe iha peskiza adisionál kona-ba situasaun joven sira LGBTI hodi hetan evidénsia di ak liu hodi rezolve dezafiu sira ne ebé sira enfrenta iha sira-nia moris loroloron no ba advokasia bazeia ba evidénsia. Área prinsipál sira inklui estigma no diskriminasaun, saúde mentál, no sistema apoiu sira ezistente no rekeridu iha nasaun laran tomak. Presiza inklui ema LGBTI iha dezeñu no implementasaun ba kualkér peskiza hanesan. 2. Hamenus violénsia no diskriminasaun PDHJ, ONU no ONG sira aumenta programa sira atu hamutuk hasa e konxiénsia entre família sira no públiku kona-ba direitu sira ema LGBTI nian hodi hamenus estigma no diskriminasaun ne ebé ema hirak-ne e enfrenta. Liuliu família sira hetan suporta atu komprende no simu sira-nia ema joven. Funsionáriu públiku sira hotu, liuliu hirak-ne ebé envolvidu iha sistema saúde, edukasaun no justisa simu formasaun kona-ba direitu sira no sensitividade ba asuntu LGBTI. Liután, PNTL no Gabinete Prokuradór garante investigasaun lalais ba violénsia (fízika no psikolójika) hasoru joven sira LGBTI no lori autór violénsia hirak-ne e ba responsabiliza iha justisa. PNTL tenke nomea pontu fokál sira hodi fó atensaun ba krime sira ne ebé komete hasoru membru sira komunidade LGBTI nian. Gabinete Defensoria Públika no Asisténsia Legál ONG sira fó asisténsia legál ba vítima sira hanesan violénsia nian hodi asegura katak justisa sei hala o tiha. 3. Hadi a asesu ba edukasaun Ministériu Edukasaun no Kultura foti asaun pozitivu atu asegura kultura respeitu ba diversidade iha eskola no setór edukasaun. Ida-ne e inklui planu lisaun sira kona-ba diversidade no respeitu ba direitu hanesan ema sira LGBTI nu udar parte husi kurríkulu no formasaun sensibilizasaun ba profesór no estudante sira kona-ba direitu sira LGBTI. Ministériu Edukasaun no Kultura dezenvolve polítika zero-toleránsia ba diskriminasaun hasoru joven sira LGBTI ne ebé esplika sira-nia direitu sira hodi hatudu sira-nia identidade iha ambiente eskola, inklui direitu atu eskolla entre farda sira eskola nian, no estabelese sistema relata no responsabilizasaun hodi rezolve insidente sira diskriminasaun no violénsia sira iha eskola. Ministériu Edukasaun no Kultura halo esforsu sira atu lori fali joven sira tama ba sistema eskola nian. No mós, Governu asegura katak iha oportunidade sira ne ebé adekuadu ba joven sira adultu LGBTI atu kompleta sira-nia eskola sekundária. 4. Hadi a saúde no moris di ak (bein-estár) Ministériu Saúde, ho apoiu husi Sekretariadu Estadu ba Igualdade Jéneru no Inkluzaun Sosiál no ho grupu sira LGBTI, hala o sensibilizasaun kona-ba direitu sira LGBTI nian ba pesoál saúde hotu-hotu. Ministériu asegura pesoál hotu-hotu presta servisu ne ebé rekeridu no sira sei la julga ema LGBTI sira. Governu fó apoia finanseira ba organizasaun sira sosiedade sivíl nian ne ebé suporta joven sira LGBTI atu hetan asesu ba fatin ne ebé seguru, simu akonsellamentu ka asisténsia hasoru abuzu husi família ka ema sira seluk. Konsidera atu kria no finansia hotline ida apoiu saúde mentál ba joven sira iha risku. 5

10 5. Garante oportunidade iguál hodi asesu ba empregu Tanba joven sira LGBTI barak mak la konsege kompleta sira-nia eskola, Ministériu relevante sira promove inisiativu ekonómiku sira espesialmente ba joven sira LGBTI hodi dezenvolve kapasidade no hahú atividade sira produsaun rendimentu nian. Parlamentu Nasionál altera Kódigu Laboral hodi bandu diskriminasaun ho baze ba orientasaun seksuál, identidade jéneru, no estatutu inter-seksu iha área hotu-hotu empregu nian. Setór privadu investe iha sensibilizasaun ba direitu sira LGBTI nian. 6. Hasa e partisipasaun síviku Governu, Instituisaun Estadu no doadór sira seluk hametin no fó apoiu ba grupu LGBTI sira, atu asegura katak komunidade LGBTI sira-nia lian kona-ba kestaun sira ne ebé sai preokupasaun ba sira fó sai ba públiku regularmente. Referénsia sira 1. Artigu 52(2)(e) husi Kódigu Penál Repúblika Demokrátika Timor-Leste. 2. UN Human Rights Council, Joint Statement on Ending Acts of Violence Related Human Rights Violations Based on Sexual Orientation and Gender Identity, 22 March 2011, available at: 3. Timor-Leste selebra Loron Orgullu LGBT Governu Timor-Leste, loron 29, fulan-juñu, tinan &3. lang=en3. &3. n=1 (asesu tiha loron 9, fulan-novembru, tinan 2017). 4. Ekipa Nasionál Nasoins Unidas iha Timor-Leste. Relatóriu ba Revizaun Periódiku Universál (UPR) Timor-Leste: Sesaun da-26 husi Grupu Traballu UPR fulan-out-nov, tinan Rede Feto no ASEAN SOGIE Caucus. A Research Report on the Lives of Lesbian and Bisexual Women and Transgender Men in Timor-Leste ISEAN-Hivos. Analysis of ISEAN-Hivos Program (IHP) Baseline Research on MSM and TG Experiences of Stigma and Discrimination in Indonesia, Malaysia, Philippines and Timor-Leste. April Russell ST no Fish JN. Mental Health in Lesbian, Gay, Bisexual, and Transgender (LGBT) Youth. Annual Review of Clinical Psychology : Ministeriu Edukasaun no Kultural, Planu lisaun sira, Klase UNFPA nia estudu seidauk-publikadu. 6