Workshop International konabá Integridade iha Estadu

Transcrição

1 REPÚBLICA DEMOCRÁTICA DE TIMOR-LESTE GABINETE DO PRIMEIRO-MINISTRO Workshop International konabá Integridade iha Estadu Hotel Timor - 11 Marsu 2005 Konkluzaun no rekomendasaun sira Komisaun Diretiva Workshop nian Introdusaun Governo Timor Leste determinadu katak problema korrupsaun, mak parese atu moris buras iha railaran, tenki rezolve efikazmente. Determinasaun ne Primeiro Ministro haklaken iha nia intervensaun abertura iha workshop ne. Nia hatete katak governasaun diak rekere katak korrupsaun tenki hakuran to nível mínimu. Planu Dezenvolvimentu Nasional Timor Leste hari vizaun ida konabá rai demokrátiku ihanebé rekursu Estadu nian sira tenki maneja efikazmente, malorek, no livre hosi korrupsaun, no ihanebé ema respeita lei no responsaveis governo tenki responsabiliza ba ema nebe mak hili ka nomeia sira. Iha nia funu hasoru korrupsaun Governo hola ona pasu importante barak. Aparte hosi kriasaun Gabinete Inspector Geral, nebé nia servisu mak inspesaun funsionamentu servisu públiku, Lei mak Aprova Estatutu Gabinete Provedor ba Direitus Humanus no Justisa, tau iha konta seksaun 27 Konstituisaun, ratifika tihaona no tama iha efeitu iha 26 Maiu Ofisial ba gabinete dalauluk, mak hanaran Provedor, sei nomeia la kleur tan. Ratifika no vigora mos ona desde 16 Juñu 2004 mak Lei mak Aprova Estatutu Funsionalismu Públiku. Aneksu ba Lei ne mak Kode Etik Funsionalismu Públiku. Ho konvite Primeiro Ministro nian, workshop ne haksesuk konabá métodu sira oinsa tenki dezenvolve integridade iha Estadu. Em partikular nia konsidera Essénsia funu hasoru korrupsaun;

2 Papel Provedor nian, Parlamento no sosiedade sivil iha dezenvolvimentu inegridade; Tarefa sira funsionáriu públiku no padraun konduta/hahalok mak hein hosi Funsionalismu Públiku; Respeitu natón ba direitus ema nian iha progresu ba integridade iha Estadu; Delitu kriminal no disiplinar sira ba nebe ajentes Estadu nian mak lida Estadu iha direitu; Prosesu disiplinar administrativu; Nosaun konabá konflitu de interesses Meritus no limites sistema deklarasaun rendimentu no bens; Assuntus polítika balun mak mosu iha aplikasaun estratéjia nasional ida hasoru korrupsaun. Komisaun Diretiva workshop i nian simu pedidu atu hasai konkluzaun hosi diskusaun sira no atu halo rekomensaun sira ba lori lia sira ne ba oin. Buat sira ne aprezenta iha final workshop nian. Konkluzaun sira Hafunu korrupsaun Lideransa nasuan nian rekoñese katak atu hafunu korrupsaun efikázmente rekere buat essensiál hitu: vontade polítika; valores komunidade nian mak reflete tiha iha delitu kriminal klaru ida; estratéjia nasional ida mak aplika ba sektor hotu-hotu komunidade nian no kompostu ho elementu tolu vigorizasaun nian: prevensaun, edukasaun estratéjia, no apoiu; implementasaun simultánea no koordenada elementu tolu ne; investimentu rekursu adekuadu iha implementasaun estratéjia ne; dezenvolvimentu involvimentu ativu komunidade; no hatene katak funu rekere rezisténsia. Vontade polítika natón bele prova hosi deklarasaun estratéjia governo nian sira, hosi ratifikasaun lei sira konabá Funsionalismu Públiku no Provedor, hosi nomeasaun Provedor ida uluk la kleur tan, no hosi Gabinete Inspector Geral mak hari-ona. Delitu korrupsaun sira orasné nian iha lei kriminal sei troka ho delitu korrupasaun atualizadu iha projetu Kódigu Penal mak hein atu sai lei la kleur tan. Hodi nuné korrupsaun hotu-hotu hetan prosesamentu juridiku, kódigu ne sei presiza hatama mos delitu ida konabá subornu mak bele aplika be ema hotu-hotu, la os deit funsionáriu públiku sira. Konabá funsionáriu públiku sira, sei diak teb-tebs wainhira hatama iha Kódigu laran delitu ida konabá husu ka simu prezente ruma mak la autorizadu ka vantajem ruma no delitu ida konabá riku-soi mak la-haklaken. Mandatu Provedor nian hatama mos funu hasoru korrupsaun. Espesifikamente, nia (feto/mane) tenki lori ba oin elementu tolu estratéjia anti-korrupsaun nasional, hanesan investigasaun, prevensaun no edukasaun ba públiku. Nia tenki iha kapasidade atu lidera implementasaun simultánea no koordenada elementu tolu ne. Maibe, ami nota katak estratéjia anti-korrupsaun nasional, nudar reflete tiha iha lei ne, iha risku atu ema interpreta nudar dirije deit ba korrupsaun iha sektor públiku.

3 Lei ne halo provizaun didiak ba Gabinete Provedor nian atu hetan fundus natón hosi apropriasaun Parlamentar. Provedor ho nia pessoal sira tenki dezenvolve konfiansa, apoiu, no involvimentu públiku nian. Ami nota ho aprovasaun katak Provedor responsável ba hatudu/nomeia nia pessoal no sira nia autoridade disiplinar rasik. Nia sei responsável ba hahalok nia pessoal nian. Karik sira halo buat ruma ladiak, ne sei estraga konfiansa públiku nian. Dalan ida atu asegura katak sira kaer hahalok diak mak involve sidadaun sira iha servisu Provedor nian hodi permite nia kria komisaun assessoria atu servisu hamutuk ho nia pessoal sira. Ikus liu, realizasaun katak funu hasoru korrupsaun bele naruk reflete tiha iha faktu katak la iha limite tempu mak tahu tiha ba mandatu Provedor nian. Papel Parlamento no sociedade sivil iha hari integridade Apoiu deputado sira nian ba Provedor no nia esforsu sira sei essensiál. Provedor sei responsabiliza ba sira liu-hosi nia relatóriu anual ba deskarga nia mandatu antikorrupsaun no ba despezas fundu públiku sira mak sira vota ona. Deputado sira tenki tahan an hosi interferénsia ba servisu Provedor nian tanba, ao kontráriu, públiku bele fiar lalais katak Gabinete ne hakruk ba influénsia polítika. Nuné konfiansa públiku nian sei lakon. Deputado sira kaer papel individual vital ida iha dezenvolvimentu integridade iha Estadu hodi fo ezemplu ba restu komunidade. Sira hetan obrigasaun atu tau padraun ás no adere ba padraun sira ne. Sira iha tarefa atu fo sanksi ba sira nia membru sira mak la halo tuir padraun sira ne. Funu hasoru korrupaun sei la hetan susesu wainhira laiha apoiu hosi públiku. Tanba ne, organizasaun sira ho baze iha komunidade kaer papel ida importante teb-tebes iha mobilizasaun sektor hotu-hotu sosiedade sivil nian. Organizasaun hirakné tenki prontu atu servisu ho Provedor iha persuade ema atu fo informasaun ba nia mak presiza atu duni tuir korruptor sira no iha haklekar mensajem anti-korrupsaun/integridade ba nível hotuhotu komunidade nian. Involvimentu sidadaun sira nian iha serviso Provedor nian folin bot teb-tebes hodi fo konselhu diak no iha asegura katak pessoal Provedor nian halao sira nia serviso didiak. Ho dalan ne konfiansa no apoiu públiku nian bele buras. Ezemplu mak ulunbot sira fo Karik ezemplu mak nudar mestre diak-liu, ezemplu nebé ulunbot nasaun nian sira fo sei forte liu tan. Orientasaun mak kódigu lideransa iha rai balun oferese haré tiha nudar buat ida mak tulun makas instituisaun Estadu sira seluk. Padraun sira iha sosiedade sivil Padraun hahalok/konduta mak hakerek iha Lei konabá Funsionalismu Públiku nudar hakat/pasu importante ba dalauluk atu halo intensaun diak sira sai realidade. Orasné funsionáriu públiku sira iha nível hotu-hotu presiza kompreende padraun sira ne no atu hatene katak Funsionalismu Públiku hakarak ema lao tuir padraun sira ne. Sira tenki hatene mos katak submisaun/kepatuhan sei hetan aprovasaun hosi Funsionalismu Públiku no hosi públiku, no katak sanksi sei fo ba sira nebe la halo tuir. Gestor no supervisor sira

4 tenki kompreende katak sira sei responsabiliza ba hahalok-at sira nian subordinadu nian nebé tuir lolós sira tenki hatene no prevene. Funsionáriu públiku tomak kompreende importánsia sira nia ezemplu pessoal ba ema seluk. Husik funsionáriu públiku sira aumenta sira nia rendimentu tuir dalan legal Problema saláriu kikoan iha Funsionalismu Públiku hanesan deit iha rai barak. Saláriu kikoan dalabarak uza hanesan deskulpa ida ba, karik la os tanba, korrupsaun iha Funsionalismu Públiku. Maibe, funsionáriu públiku ida iha rai hirakné dalabarak hetan bandu atu hetan osan suplementar ba nia saláriu funsionáriu públiku hosi servisu tempuparsial. Respeitu ba direitu ema nian sira Medida hotu-hotu mak hola atu hasae integridade iha Estadu tenki, tuir Konstituisaun, tau atensaun ba direitu fundamental sidadaun tomak nian inklui mos funsionariu públiku sira. Maibe funsionariu públiku tenki hatene katak sira nia pozisaun nudar ofisial públiku justifika limite nesesariu balun ba sira nia direitu tanba interese komunidade nian, obrigasaun atu deklara konflitu de interse ruma ka atu halo deklarasaun bens nudar ezemplu atu tau limite ba sira nia direitu ba privasia. Delitu kriminal no disiplinar Tanba ofisial públiku sira hetan poder no responsabilidade espesial, komunidade sira iha direitu atu hein padraun/standar ás-liu hosi sira do que hosi sidadaun bai-bain. Oferta no favor sira ba ofisial públiku sira sai nudar naha ida ba sosiedade tomak. Lei no padraun Funsionalismu Públiku los atu bandu simu oferta no favor sira ne, maibe delitu/krime sira ne labele konsidera hanesan deit ho subornu. Liu-tan, regra sira labele hosik ofisial públiku sira atu sai juiz ba valor oferta ida nian. Ofisial públiku sira mak iha propriedade ka iha estilu moris ia mak bot-liu fali sira nia rendimentu ofisial bele hamosu hirus no desprezu iha komunidade. Ofisial sira hanesan ne deve-berhutang ba públiku explikasaun satisfatoria ida. Ofisial ruma mak iha riku-soi barak tebes hanesan ne no sira mak la fo explikasaun satisfatória ida tenki kondenadu halo krime tuir Konvensaun ONU nian Hasoru Korrupsaun. Prosesu Disiplinar Administrativu Prosesu disiplinar espesifikadu iha lei Funsionalismu Públiku louvável tebes. Nia salvaguarda direitu fundamental funsionáriu públiku nian no proteje nia hosi hahalok arbitrária. Maibe iha risku ida, katak prosedimentu mak protetivu-liu ba ema sira mak halo violasaun lei mak merese reprimanda/teguran hakerek/eskritu deit no bele rezulta iha overloading prosesu disiplinar. Konflitu de interese Nosaun konabá konflitu interese presiza haklaken atu ofisial públiku sira bele hatene, hahú ho ofisial ida mak senior liu.

5 Funsionáriu públiku sira hotu-hotu tenki hatene sira nia obrigasaun individual atu haklaken konflitu ida ba sira nia ulunbot no atu halo-tuir ulunbot nia desizaun konabá oinsa konflitu ne atu rezolve. Obrigasaun rua ne tenki reflete iha Lei Funsionalismu Públiku. Deklarasaun Rendimentu no Bens Propózitu sistema deklarasaun rendimentu no bens mak atu identifika konflitu interese. Ne dalan ida karu no inefisiente atu koko kaer korruptor. Karik nia la konsege kaer korruptor, maka nia valor atu halo impedimentu mínimu. Maibé presiza dalan ida mak efetivu no aseitadu internasionalmente atu identifika konflitu de interese no halo sira bele hetan rezolusaun. Maibé, ema sira mak halo desizaun tenki tau iha neon katak, winhira rekere ofisial públiku ida atu halo deklarasaun rendimentu no bens ba Estadu nudar violasaun/pelanggaran ida ba nia direitu baziku ba privasia mak hakerek iha Konstituisaun. Violasaun hanesan ne bele justifika dei wainhira buat ne presiza duni, razoavel/masuk akal no proporsional. Tanba ne mak akonselhavel atu tau restrisaun ba kategoria ofisial públiku mak tenki halo deklarasaun hanesan ne, no tenki halo deklarasaun ne tenki konfidensial, a menos que/kecuali interese públiku nian rekere katak deklarasaun ne tenki loke ba públiku. Laiha Lei Funsionalismu públiku no mos lei ka kodigu konduta seluk orasne espesifika sistema deklarasaun rendimentu no bens. Assuntu politika anti-korrupsaun ruma Politika Investigasaun Tuir lei Provedor hetan kbit atu investiga kazu korrupsaun hotu-hotu... Importante ba susesu estratéjia hasoru korrupsaun ba nia investiga keixa ida-ida mak bele investiga. Nudar konsekuensia, ninian liman/orgaun investigasaun operasaun anti-korrupsaun sei depende ba demanda/permintaan atu investiga no nia sei presiza iha investigador natón atu halao serviso ne. Prinsípiu operasional ida mak atu investiga keixa sira mak ható nia; no labele hahú investigasaun sira hosi nia rekursu rasik sira. To tempu nebe nia hetan ona konfiansa hosi komunidade, importante katak hatán sa deit ba mak komunidade hakarak atu hetan investigasaun. Simu keixa sira Ema lakohi informa korrupsaun ba autoridade sira. Tenki halo buat hotu atu fo aten-brani ba sira atu halo nuné, tanba wainhira laiha informasaun diak investigador sira labele halo buat ida. Wainhira sira hakat ba oin ho informasaun, ema sira tenki hetan protesaun, no iha kazu ne, ami nota ho aprovasaun katak Provedor no nia pessoal sira halao serviso ho konfidensialidade. Servisu ho konfidensialidade ne tenki hanaruk mos ba ema seluk to investigasaun lao-to dominiu públiku.

6 Keixa anonimu/narak-laek sira nudar informasaun hun mak iha folin bot teb-tebes. Maibe Lei Provedor parese bandu Provedor atu halo atuasaun ba keixa sira hanesan ne no ate rekere keixozu/ema mak kesar atu mai rasik ható nia keixa iha Gabinete Provedor nian. Loke an/abertura no konfidensialiade Komisaun Diretiva sujere katak: 1. Projetu Kodigu Penal tenki hatama delitu ida ba subornu mak bele aplika ba ema hotu-hotu, la os funsionariu públiku deit. 2. Konabá ofisial públiku sira, Projetu Kódigu Penal tenki hatama delitu ida ba hus u ka simu oferta la-autorizadu ida ka vantejem seluk maiske ne la os subornu. Nia tenki hatama mos delitu ida ba riku-soi mak labele haklaken/explika tuir Konvensaun ONU Hasoru Korrupsaun. 3. Fundu sira mak Parlamento apropria tenki transfere en bloc ba konta Provedor nian no nia tenki responsibiliza ba sira nia manuzeamentu. ii 4. Provedor tenki involve sidadaun sira hasi fatin hotu-hotu iha railaran iha servisu anti-korrupsauniha nia gabinete hodi forma komisaun assessora atu servisu hamutuk ho nia pessoal sira. 5. Provedor sei presiza apoiu hosi deputadu sira maibe sira tenki evita kahur/interfere ho dalan oinsa nia halo servisu, liu-liu nia investigasaun sira. 6. Deputadu sira tenki adopta kodigu konduta ida ba sira an rasik no kria sistema ida atu reforsa nia. 7. Governo tenki konsidera adopta Kodigu Lideransa ida ba instituisaun ida-ida Estadu nia, hanesan Prezidénsia, Parlamento, Judisiáriu no Ezekutivu. 8. Hosi uluk kedas Provedor tenki fo aten-brani ba organizasaun sira ho baz iha komunidade no ulun komunidade sira nian atu servisu ho nia no nia pessoal sira. 9. Lei Funsionalismu Públiku tenki kaer prinsipiu responsabilidade supervizoria. 10. Programa metodikal ida atu hanorin funsionáriu públiku sirsa konabá padraun konduta/hahalok mak esperadu mak hakerek iha Lei Funsionalismu Públiku tenki hahú lalais kedas. Edukasaun ne tenki hatama importansia ezemplu ema- idaida/pessoal no Funsionalismu Públiku tenki rekoñese ezemplu pessoal ne. 11. Kompreende importansia respeita direitus ema nian ba membrus públiku no kolega sira tenki forma parte treinamentu ba funsionáriu públiku sira tomak. 12. Tenki haklaken ba funsionariu sivil sira mak afetadu katak sira nia direitu ba privasia tesi tiha tanba interese públiku wainhira sira tenki halo deklarasaun rendimentu no bens. 13. Bandu hasoru simu oferta labele tara an/depende ba funsionáriu públiku nia valuasaun rasik ba oferta ne. 14. Funsionáriu públiku ida tenki permitidu atu halo servisu tempu-parsial seluk ida, narak katak nia hetan uluk lisensa hosi chefe Funsionalismu Públiku. 15. Governo tenki konsidera karik transgresaun/pelanggaran mak funsionáriu públiku halo mak merese deit reprimanda/teguran eskrita presiza prosedimentu disiplinar tomak nudar espesifikadu iha Lei Funsionalismu Públiku. 16. Programa edukasaun ba funsionáriu públiku sira mak refere tiha iha leten tenki instila entendimentu ida ba nosaun konflitu interese sira, ba obrigasaun pessoal funsionáriu públiku mak afetadu atu deklara konflitu interese ruma mak iha ba nia

7 supervizor, no ba obrigasaun atu halo-tuir instrusaun supervizor nian konabá rezolusaun konflitu ne. 17. Governo,Parlamento Nasional, no Judisiáriu tenki konsidera hatama sistema deklarasaun apropriadu ba Ministro sira, Deputadu sira, Judisiáriu no funsionáriu públiku balun. 18. Indusaun/pelantikan Provedor, wainhira hatudu ona, tenki hatama nia konsideasaun ba politika investigasaun mak diak-liu ba sirkunstánsias rai nian. 19. Wainhira nesesariu, Lei Provedor tenki hadia atu permite nia simu no atua ba keixa sira mak ható liu-hosi anonimatu/naran-laek. 20. Servisu konfidensialidade mak impoen ba Provedor no nia pessoal tenki hanaruk ba ema hotu to tempu nebe investigasaun alkansa ominiu públiku. Governo tenki konsidera karik artigu 49 Lei Provedor alkansa didiak propozitu ne. 21. Identidade informante ida mak la hanaran nudar testemuña tenki hetan protesaun hosi revelasaun iha prosesu tribunal nian. 22. Hosi uluk kedas Provedor tenki deside konabá nia Gabinete nia politika konabá transparensia no konfidensialidade, liu-liu iha relasaun ho media. Nia prinsipiu orientasaun sira tenki nakloke no malorek exseptu wainhira konfidensialidade nesesariu iha interese públiku nian. Bertrand de Speville Chefe Komisaun Diretiva konabá Konkluzaun no Rekomendasaun sira Dili 11 Marsu 2005 i Sr. Bertrand de Speville (chefe), Sr. Francisco Branco, Sr. Mariano Lopes da Cruz, Sr. Luis Oliveira, Sra Helen Sutch no Prof. Jim Ife. ii Membru ida Grupu Servisu ne sente katak rekomendasaun ne lalika hatama.