O programa ROTEIROS PARA A XUVENTUDE consiste nun programa ambiental de saídas de fin de semana que inclúe itinerarios da cultura mariñeira, rutas de sendeirismo de dificultade media, actividades náuticas e de multiaventura e de interpretación do noso patrimonio natural, arqueolóxico e etnográfico. O seu fin é fomentar o coidado do ambiente e gozar da paisaxe e do contacto coa natureza en distintos entornos privilexiados de Galicia. O noso país ten unha paisaxe única con 1.200 km de costa dunha grande beleza e diversidade na que podemos atopar longas praias de fina area, escondidas calas, espectaculares cantís e belas illas e illotes, ou as nosas características rías que representan un dos seus sinais de identidade. Esta paisaxe, unida ao singular patrimonio cultural e náutico vencellado ao mar e á pesca, permite a súa visita e gozo ao longo destes fins de semana. Convidámoste a navegar por este programa e desexamos que teñas unha boa marea. Este programa consta de catro actividades e localizacións específicas que permiten disfrutar da beleza e do contacto coa naturaza en catro ámbitos territoriais diferenciados. Por iso podemos concluír formulando os seguintes obxectivos a conquerir co programa: Dinamizar as instalacións xuvenís da Xunta de Galicia en períodos de non utilización das mesmas. Ofrecer actividades de calidade axustando os custos de explotación. Achegar o coñecemento do medio mariño aos participantes. Achegar o coñecemento das actividades náuticas aos participantes. Fomentar a ocupación positiva do tempo libre, a participación activa e o asociacionismo da mocidade galega. 3
CONDICIÓNS COMÚNS ÁS CATRO ACTIVIDADES Destinatarios Persoas con idades comprendidas entre os 18 e os 30 anos. Inscricións Os interesados e interesadas neste programa poderán facer a reserva de praza a través de chamada telefónica, a partires do día. de febreiro, aos números 981 545937 / 545702 e 545822, en horario de 9,00 a 14,00 h. de luns a venres. Unha vez reservada a praza, deberase efectuar o pagamento da cuota de participación no prazo máximo de 48 horas. No momento de facer a chamada darase a información oportuna sobre o xeito de facer o correspondente ingreso. Cuota de inscrición A cuota de inscrición será de 75 euros. Os/as posuidores/as do Carné Xove ou do Carné Máis, pagarán 57 euros. Documentación necesaria a presentar Xustificante do pagamento e fotocopia do Carné Xove ou Máis, de ser o caso, que deberá ser remitido por fax á Dirección Xeral de Xuventude e Voluntariado. O número de fax é 981 545843. Non se considerará confirmado ningún participante ao que lle falte algún dos documentos mencionados con anterioridade. Aclaracións de interese De non realizarse o pagamento da cuota no prazo máximo de 48 horas, a Dirección Xeral de Xuventude e Voluntariado disporá da praza reservada. Procederase á devolución da cuota cando, por causas non imputables ao interesado, o servizo non se preste ou cando a Administración anule a actividade de que se trate (Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia e, Decreto lexislativo 172/1992, do 26 de xuño, polo que se ditan as normas para a xestión da liquidación e recadación das taxas e prezos públicos da Comunidade Autónoma de Galicia). Máis información www.xuventude.net / xuventude@xunta.es 4
Normas de desenvolvemento das actividades Lémbrase a todos e todas os participantes da necesidade de respectar o descanso do resto das persoas, tanto das inscritas na actividade como das alleas á mesma. Os monitores solicitarán ao comezo da actividade a cada un dos participantes a presentación do DNI ou documento acreditativo semellante. Calquera persoa que non figure como participante nos datos da organización será excluído da actividade. Calquera cambio na titularidade da praza debe ser consultado e autorizado pola Dirección Xeral de Xuventude e Voluntariado, como mínimo, 10 días antes do comezo da actividade. Para as actividades náuticas é imprescindible saber nadar. As actividades poderán sofrir modificacións en función das condicións metereolóxicas. As actividades do devandito programa son obligatorias e a non execución das mesmas é motivo de expulsión, a non ser que exista causa xustificada. É aconsellable chamar ao teléfono de contacto da empresa organizadora das actividades co fin de obter información máis polo miúdo da ruta, das características do aloxamento, do material necesario A hora da incorporación á actividade é o venres entre as 19,00 e 20:00 h, en función do programa de que se trate. O remate das mesmas será, normalmente, o domingo, despois da comida. A cobertura das actividades non inclúen os desprazamentos (nin de ida nin de volta) entre o punto de partida e o lugar onde se desenvolve a actividade. É moi importante utilizar un calzado axeitado, resistente, flexible e impermeable, xunto cuns calcetíns gordos que permitan que a bota e o pé estean axustados para evitar rozaduras. Compre ter a man sempre algo de roupa de abrigo e para a choiva. Nos días de moito sol é recomendable levar protección solar. Non esquenzades a tarxeta sanitaria e os útiles de aseo. 5
ROTEIROS POLA COSTA DA MORTE Instalacións Centro de actividades NALÚ, en Caldebarcos (Carnota). Número de prazas 22 persoas por grupo cada fin de semana. Datas de celebración Ruta 1. Roteiros polos concellos de Serra de Outes, Muros e Carnota Mes de abril: do 9 ao 11, do 16 ao 18, do 23 ao 25 e do 30 de abril ao 2 de maio. Ruta 2. Roteiros polos concellos de Cee, Corcubión e Fisterra Mes de maio: do 7 ao 9, do 14 ao 16, do 21 ao 23 e do 28 ao 30. Ruta 3. Roteiros polos concellos de Muxía e Camariñas Mes de xuño: do 4 ao 6, do 11 ao 13, do 18 ao 20 e do 25 ao 27. Ruta 4. Roteiros polos concellos de Laxe, Cabana e Ponteceso Mes de marzo: do 5 ao 7, do 12 ao 14, do 19 ao 21 e do 26 ao 28. Rutas e actividades Actividade Ruta 1 (Serra de Outes, Muros e Carnota) Venres: Recepción dos participantes. Sábado: Actividade cultural e de turismo mariñeiro. Roteiro polo porto de Carnota, visita á lonxa con explicación das subastas desenvolvidas e as artes de pesca típicas do lugar. Ruta dos faros, visitando o faro da Punta Insua, o de Lariño e o de Ponte Louro. Domingo: Actividade náutica, surf, bodyboard, kayaksurf e padellboard. 7
Actividade Ruta 2 (Cee, Corcubión e Fisterra) Venres: Recepción dos participantes. Sábado: Actividade cultural e turismo mariñeiro: excursión ao Castelo de San Carlos e visita guiada ao Porto de Fisterra. Visita ao Museo marítimo de Corcubión seno de Corcubión. Ruta dos faros, visitando o Faro de Cabo de Cee e o Faro de Cabo de Fisterra. Domingo: Actividade náutica: surf, bodyguard, kayaksurf e padellboard. Actividade Ruta 3 (Muxía e Camariñas) Venres: Recepción dos participantes. Sábado: Actividade cultural e de turismo mariñeiro. Visita ao Porto e lonxa de Muxía. Visita guiada ao museo do Alemán de Camelle. Ruta polos faros e sinais marítimas da Costa da Morte. Visita ao Museo de Encaixe de Camariñas. Domingo: Actividade náutica: surf, bodyguard, kayaksurf e padellboard. Actividade Ruta 4 (Laxe, Cabana e Ponteceso) Venres: Recepción dos participantes. Sábado: Actividade cultural e de turismo mariñeiro. Visita ao porto e lonxa de Laxe, con explicación sobre os útiles e artes de pesca da zona. Ruta dos Faros, visitando o Faro de Punta Laxe e o Faro de Punta Roncudo. Visita polo conxunto histórico de Laxe. Domingo: Actividade náutica: surf, bodyguard, kayaksurf e padellboard. Cobertura das actividades Aloxamento en réxime de pensión completa en cuarto de uso múltiple. Transporte no ámbito da actividade. Actividades con monitores-guía e material para o seu desenvolvemento. 8
Programa das actividades Venres Recepción dos participantes a partires das 19,00 h. da tarde Cea Presentación do programa Xogos de presentación Sábado 8,30 h. Erguerse 9,00 h. Almorzo 10,00 h. Actividade 14,00 h. Comida 15,30 h. Actividade 21,30 h. Cea 23,00 h. Veladas Domingo Actividades só de mañá, co horario xa reflectido. Os participantes abandonan o centro despois do xantar. 9
ROTEIRO N`AUGA PROGRAMA DE ACHEGAMENTO AO MEDIO ACUÁTICO-MARIÑO Este programa de actividades consta de accións lúdico-formativas e deportivo-culturais en relación co medio acuático e mariño. Instalacións Albergue Xuvenil AS SINAS, de Vilanova de Arousa. Número de prazas 24 prazas por fin de semana (10 fins de semana). Existencia de actividades alternativas en caso de climatoloxía adversa. Datas de celebración Mes de abril: do 9 ao 11, do 16 ao 18 e do 23 ao 25. Mes de maio: do 30 de abril ao 2 de maio, do 7 ao 9, do 14 ao 16, do 21 ao 23 e do 28 ao 30. Mes de xuño: do 4 ao 6 e do 11 ao 13. Contidos das actividades Excursión náutica a kayak de mar (con visita ás bateas e á illa do Areoso). Técnicas básicas de paleo, fundamentos de seguridade Ruta en embarcación tradicional a vela. Técnicas básicas de navegación, interpretación do vento, caballería. 11
Visita ao Porto Pesqueiro e aula de bioloxía mariña. Coñecemento de artes de pesca tradicionais. Bodyboard. Iniciación a este deporte de deslizamento acuático a través da forza das ondas. Realizarase na praia da Lanzada. Para as actividades náuticas é imprescindible saber nadar. Equipamento necesario Compre levar, ademais de roupa de abrigo, enseres de aseo persoal e unha toalla, o seguinte: Gafas de sol, unha viseira e roupa de baño. Traxe de neopreno ou licras (no caso de telo). Chancletas con peche ou fanequeiras. Saco de durmir e esteira. Chuvasqueiro lixeiro. Linterna e cantimplora. Crema solar de protección alta. Imprescindible a tarxeta sanitaria. Cobertura das actividades Pernocta e aloxamento entre o venres á tarde e o domingo ao mediodía. Manutención completa (cea do venres, almorzo, xantar, merenda e cea do sábado e, almorzo e comida do domingo). Desprazamentos das distintas actividades. Actividades, equipo de monitores, materiais e seguros. 12
Programa das actividades Venres 19,00 h. Recepción de participantes 21,00 h. Cea 22,30 h. Velada nocturna 00,00 h. Fin de xornada Sábado 9,00 h. Despertar 9,30 h. Almorzo 10,30 h. Actividade 13,30 h. Alto na actividade e aseo 14,30 h. Xantar 16,30 h. Actividade 20,00 h. Alto na actividade e aseo 21,00 h. Cea 22,30 h. Velada nocturna 00,00 h. Fin da xornada Domingo 9,00 h. Despertar 9,30 h. Almorzo 10,30 h. Actividade 13,30 h. Alto na actividade e aseo 14,30 h. Xantar 16,30 h. Despedida 13
PROGRAMA MULTIAVENTURA Este programa de actividades permite o contacto coa natureza ao mesmo tempo que combina o lecer, o deporte e mailo coñecemento do noso entorno cultural e ambiental. Instalacións Albergue Xuvenil de Pontemaril-Forcarei (Pontevedra). Número de prazas 30 participantes por fin de semana. Datas de celebración Mes de marzo: do 5 ao 7, do 12 ao 14, do 19 ao 21. Mes de abril: do 16 ao 18, do 23 ao 25. Mes de maio: do 30 de abril ao 2 de maio, do 7 ao 9 e do 14 ao 16, do 21 ao 23 e do 28 ao 30. Contidos das actividades Ruta en ATV pola comarca de Terra de Montes. Ruta en bicicleta de montaña. Iniciación á escalada (rocódromo). Simulacro de caza con arco. Geocaching. Paintball (xogo de estratexias e liderazgos). Veladas de observatorio astrolóxico. 15
Equipamento necesario Para a realización da actividade Ruta en ATV, é necesario e imprescindible estar en posesión do carné de conducir tipo A ou B e acreditalo documentalmente ao inicio da actividade. Tamén son necesarios para esta actividade guantes. Na actividade de Iniciación á escalada (rocódromo), é aconsellable (non imprescindibles) o uso de gatos (zapatillas específicas de escalada). Saco de durmir e enseres de aseo persoal (incluída toalla). Roupa: prendas de abrigo e choiva, botas de montaña e calzado deportivo cómodo. Tamén é aconsellable unha mochila pequena. Cobertura das actividades Inclúe estancia completa dende a cea do venres ata a comida do domingo (inclúe almorzo, comida e cea do sábado, e almorzo e comida do domingo). Monitores de tempo libre (especialistas para as actividades multiaventura). Duración das actividades Incorporación o venres, dende as 18,30 ata as 20,00 h., e remate da actividade o domingo ás 16,00 h. 16
Programa das actividades Venres 20,00 h. Chegada ás instalacións 20,30 h. Distribución de grupos e habitacións 21,00 h. Cea 22,30 h. Velada de presentación de actividades Sábado 9,00 h. Almorzo, distribución de grupos e entrega de materiais 10,00 h. Comezo das actividades: ruta en ATV, ruta en bicicleta de montaña, simulacro de caza, geocaching, escalada en rocódromo (rotación por grupos) 14,00 h. Remate das actividades de mañá 14,30 h. Xantar 16,00 h. Reanudación das actividades 19,30 h. Remate das actividades 21,30 h. Cea 23,00 h. Saída nocturna cara as instalacións de astroloxía do Concello de Forcarei e comezo da velada astrolóxica. Domingo 9,00 h. Almorzo, distribución de grupos e entrega de materiais 10,00 h. Comezo da actividade de paintball (xogo de estratexia e liderazgo) 13,30 h. Remate da actividade 14,30 h. Xantar 16,00 h. Remate do programa, recollida de pretensas e abandono das instalacións. 17
PROGRAMA NATUREZA E AVENTURA Programa de actividades que combina o contacto coa naturaza, actividades deportivas e incentiva as habilidades de empatía co entorno natural e de desenvolvemento de recursos de subsistencia. Instalacións KIRIKO NATURA, en Fornelos de Montes (Pontevedra). Número de prazas 25 participantes por fin de semana. Datas de celebración Mes de marzo: do 5 ao 7, do 12 a ao 18 e do 23 ao 25. Mes de abril: do 9 ao 11, do 16 ao 18 e do 23 ao 25. Mes de maio: do 30 de abril ao 2 de maio, do 7 ao 9, do 14 ao 16 e do 21 ao 23. Cobertura das actividades Estancia en réxime de albergue (habitacións e baños equipados e calefacción) con pensión completa dende a entrada do venres, ás 20,00 h. ata a saída do domingo despois de comer. Duración das actividades Incorporación o venres ás 20,00 h. ata o domingo, ás 16,00 h, que remata a actividade. 19
Programa das actividades Venres 20,00 h. Recepción dos participantes e acreditacións. Presentación do equipo, reparto dos programas e distribución de habitacións 21,00 h. Cea 22,00 h. Velada de cine Sábado: 09,30 h. Almorzo 10,15 h. Saída cara a Hípica Amazonas (Anceu). Programa Ruta a Cabalo 13,00 h. Regreso 14,00 h. Xantar nas instalacións do Centro 15,00 h. Tempo libre 16,00 h. Tarde de aventura: tiro con arco e piragüismo 20,00 h. Duchas 21,00 h. Cea 22,00 h. Velada. Festa Kirika Domingo: 09,30 h. Almorzo 10,15 h. Programa de Orientaventura: iniciación á orientación con recursos básicos da natureza (sol e árbores), interpretación de mapas e curvas xeolóxicas. Triangulación (roteiro de senderismo) 13,30 h. Regreso 14,00 h. Xantar nas instalacións do centro 16,00 h. Fin do programa, despedida dos participantes 20