Prestacións por desemprego. Subsidio de desemprego. Protección por desemprego XANEIRO GOBIERNO DE ESPAÑA MINISTERIO DE EMPLEO Y SEGURIDAD SOCIAL

Transcrição

1 Prestacións por desemprego Subsidio de desemprego Protección por desemprego XANEIRO GOBIERNO DE ESPAÑA MINISTERIO DE EMPLEO Y SEGURIDAD SOCIAL SERVICIO PÚBLICO DE EMPLEO ESTATAL

2 Catálogo de publicacións da Administración Xeral do Estado Edición realizada polo Servizo Público de Emprego Estatal Condesa de Venadito, Madrid Esta publicación oficial do SEPE edítase en castelán e nas linguas cooficiais do Estado NIPO WEB: Esta información ten carácter simplemente divulgativo.

3 ÍNDICE O subsidio por desemprego * Requisitos xerais...5 * Presentación, documentación e tramitación da solicitude...5 * Contía...7 * Pagamento...7 * Carencia de rendas...8 * Responsabilidades familiares...9 * Subsidios aos que pode ter dereito...10 Traballadores que esgotaron a prestación contributiva por desemprego e teñen responsabilidades familiares * Requisitos específicos...11 * Documentación específica...11 * Duración...12 * Tramitación...12 Traballadores maiores de 45 anos que esgotaron a prestación contributiva por desemprego e non teñen responsabilidades familiares * Requisitos específicos...13 * Duración...13 * Tramitación...13 Traballadores emigrantes retornados * Requisitos específicos...14 * Documentación específica...14 * Duración...14 * Tramitación...15 Traballadores que ao producirse a situación legal de desemprego, non cubriron o período mínimo de cotización para acceder a unha prestación contributiva * Requisitos específicos...16 * Documentación específica...16 * Duración...17 * Tramitación...17

4 Liberados de prisión * Requisitos específicos...18 * Documentación específica...19 * Duración...19 * Tramitación...19 Traballadores que sexan declarados plenamente capaces ou incapacitados parciais, como consecuencia de expedientes de revisión de melloría dunha situación de grande invalidez, incapacidade permanente absoluta ou total para a profesión habitual * Requisitos específicos...20 * Documentación específica...20 * Duración...20 * Tramitación...20 Subsidio por desemprego para maiores de 55 anos * Requisitos específicos...21 * Documentación específica...22 * Duración...23 * Tramitación...23 OBRIGAS DOS TRABALLADORES Compatibilidade e incompatibilidade do subsidio * Compatibilidade...26 * Incompatibilidade...26 Infraccións e sancións * Infraccións leves...28 * Infraccións graves...29 * Infraccións moi graves...29

5 O subsidio por desemprego É unha prestación asistencial e ten como obxecto complementar a protección da prestación de carácter contributivo nas situacións de desemprego. Consta dunha prestación económica e, se é o caso, o aboamento á Seguridade Social da cotización para a xubilación. A acción protectora comprende, ademais, accións específicas de formación, perfeccionamento, orientación, reconversión e inserción profesionais a favor dos traballadores desempregados e aquelas outras que teñan por obxecto o fomento do emprego estable. A duración e contía están en función da modalidade de subsidio. Requisitos xerais Estar en situación de desemprego. Non ter dereito á prestación contributiva por desemprego. Estar inscrito como demandante de emprego, manter a devandita inscrición durante todo o período de percepción e subscribir o compromiso de actividade. Carecer de rendas de calquera natureza que en cómputo mensual sexan superiores ao 75% do Salario Mínimo Interprofesional (SMI), excluída a parte proporcional de dúas pagas extraordinarias. Durante toda a percepción do subsidio debe manter todos os requisitos. hhtps://sede.sepe.gob.es Presentación, documentación e tramitación da solicitude A elección do traballador poderá presentala a través da páxina hhtps://sede.sepe.gob.es ou na oficina de prestacións (tras a obtención de cita previa na sede electrónica do Servizo Público de Emprego Estatal), en calquera oficina de rexistro público ou dirixíndoa por correo administrativo. Se a solicitude se presenta fóra do prazo establecido, o dereito nacerá dende o día seguinte á solicitude, reducíndose a súa duración en tantos días como transcorresen dende a data do nacemento do dereito de telo solicitado en prazo e forma, e da data real da solicitude. 5 Subsidios de desemprego <volver ao Índice>

6 Naqueles subsidios susceptibles de prórrogas semestrais, estas deberán solicitarse no prazo que transcorre dende o día seguinte á data de esgotamento do período semestral e os 15 días seguintes á data do vencemento do período de pagamento da última mensualidade devindicada. O solicitante deberá indicar na solicitude que concorren as mesmas circunstancias ou ben que estas variaron, e só neste segundo suposto deberá facer unha nova declaración de rendas e, se é o caso, de responsabilidades familiares. A solicitude fóra de prazo suporá que o dereito continuará ao día seguinte desta, coa perda dos días transcorridos dende o esgotamento do período semestral. A documentación que se debe achegar é a seguinte: Impreso que inclúe a solicitude do subsidio, compromiso de actividade, declaración de rendas e responsabilidades familiares e domiciliación bancaria. Para a súa identificación Españois: Documento Nacional de Identidade (DNI) ou pasaporte. Estranxeiros residentes en España: * Comunitarios: Certificado de rexistro de cidadán da Unión Europea no que conste o NIE xunto co documento identificativo no seu país de orixe e, no seu defecto, o pasaporte. * Non comunitarios: Tarxeta de identidade de estranxeiros (TIE) na que conste o NIE, xunto co pasaporte. Para o trámite da súa solicitude Calquera documento bancario no que figure o número de conta da que vostede sexa TITULAR e onde desexe percibir a prestación. No caso de que non poida obter o subsidio por non ter responsabilidades familiares ou por ter rendas superiores ás establecidas, poderá acceder a este se, antes de que transcorra un ano dende o esgotamento da prestación contributiva, o solicita e acredita que carece de rendas superiores ao 75 % do SMI, excluída a parte proporcional de dúas pagas extraordinarias e ten responsabilidades familiares. <volver ao índice> Subsidios de desemprego 6

7 Contía O 80% do indicador público de renda de efectos múltiples (IPREM), vixente en cada momento. No caso de perda de traballo a tempo parcial, a devandita contía percibirase en proporción ás horas previamente traballadas no último contrato. Durante a percepción do subsidio por desemprego para traballadores maiores de 55 anos, a entidade xestora (SEPE ou Instituto Social da Mariña) ingresará as cotizacións á Seguridade Social correspondentes á xubilación. Cando se trate de traballadores fixos descontinuos, se son menores de 55 anos e acreditaron un período de cotización de 180 ou máis días, o Servizo Público de Emprego Estatal ingresará tamén as cotizacións á Seguridade Social correspondentes á continxencia de xubilación durante un período de 60 días, a partir da data de nacemento do dereito. Se son maiores de 55 anos, o Servizo Público de Emprego Estatal ingresará tamén as cotizacións á Seguridade Social correspondentes á continxencia de xubilación durante toda a percepción do subsidio a que tivese dereito, unha vez feita a idade indicada. Para os efectos de determinar a cotización dos supostos sinalados nos parágrafos anteriores, tomarase como base de cotización o tope mínimo de cotización vixente en cada momento. Pagamento O Servizo Público de Emprego Estatal ou o Instituto Social da Mariña para os traballadores do mar, unha vez proceda ao recoñecemento da prestación, remitirá ao domicilio do solicitante a resolución adoptada, na que se indicará, entre outros datos, o período recoñecido, a base reguladora, a entidade pagadora, data de pagamento, etc. O aboamento do subsidio realizarase por meses vencidos mediante o ingreso en conta na entidade financeira colaboradora indicada polo solicitante, da que sexa titular, agás nos casos excepcionais nos que sexa autorizado polo Servizo Público de Emprego Estatal o pagamento en efectivo. O dereito á percepción de cada mensualidade caducará ao ano do seu respectivo vencemento. 7 Subsidios de desemprego <volver ao Índice>

8 Carencia de rendas Para determinar o requisito de carencia de rendas, para os efectos da percepción do subsidio, aplicaranse as regras seguintes: As rendas computaranse polo seu rendemento íntegro ou bruto. O rendemento que procede de actividades empresariais, profesionais, agrícolas, gandeiras ou artísticas, computarase pola diferenza entre os ingresos e os gastos necesarios para a súa obtención. As ganancias patrimoniais computaranse pola diferenza entre as ganancias e as perdas patrimoniais. As rendas imputaranse ao seu titular, calquera que sexa o réxime económico matrimonial aplicable, pero as rendas derivadas da explotación dun ben de un dos cónxuxes, se o réxime económico matrimonial é o de gananciais, imputaranse por metade a cada cónxuxe. Se as rendas se perciben con periodicidade mensual, computaranse as que corresponden ao mes completo anterior ao do feito causante do subsidio, sempre que se manteñan no mes correspondente ao feito causante, ou ao da súa solicitude, ou durante a percepción deste. Se as rendas se obteñen nun pagamento único, computaranse as obtidas no mes natural anterior á data do feito causante do subsidio, ou ao da súa solicitude, computadas de data a data, ou durante a súa percepción, rateando o seu importe entre doce meses. Isto aplicarase ás indemnizacións por extinción do contrato aboadas nun pagamento único polo importe que supere a indemnización legal, aos rendementos derivados do alleamento de valores mobiliarios ou de bens inmobles, agás que se trate da vivenda habitual, ao rescate de plans de pensións e ao resto de ganancias patrimoniais ou rendementos irregulares. Se se dispón de bens de patrimonio, fondos de investimento mobiliario ou inmobiliario, fondos ou plans de xubilación, ou calquera outra modalidade de investimento de capital, agás a vivenda habitual e os plans de pensións, que teña diferida a súa suxeición ao imposto da renda das persoas físicas, sempre que non se computase o seu rendemento mensual efectivo, computarase o rendemento mensual presunto que resulte de aplicar o xuro legal do diñeiro vixente sobre o valor do ben, fondo ou plan rateado entre doce meses. Non se consideran rendas, entre outras: O importe das cotas destinadas ao financiamento do Convenio Especial coa Administración da Seguridade Social, agás que a cota sexa aboada a cargo exclusivo do traballador por decisión propia, que manterá a condición de renda. <volver ao índice> Subsidios de desemprego 8

9 As prestacións por desemprego do solicitante. O importe correspondente á indemnización legal que en cada caso proceda pola extinción do contrato de traballo, con independencia de que o pagamento se efectúe dunha soa vez ou de forma periódica. As percepcións por traballos de colaboración social e os salarios no caso de que se aplique un programa de fomento de emprego ao beneficiario do subsidio, que o declare compatible cos subsidios. O cobramento anticipado da devolución fiscal á muller traballadora con fillos menores de tres anos. Os rendementos do capital inmobiliario correspondente á vivenda habitualmente ocupada polo desempregado, así como os derivados do alleamento da vivenda habitual, ou as subvencións públicas obtidas para a súa rehabilitación, mellora ou adquisición. Os plans de pensións non rescatados. Responsabilidades familiares Entenderase por responsabilidades familiares ter a cargo o cónxuxe, e/ou fillos por natureza e adopción cando sexan menores de vinte e seis anos ou maiores cun grao de discapacidade igual ou superior ao 33%, así como os menores acollidos, cando a renda do conxunto da unidade familiar así constituída, incluído o solicitante, dividida polo número de membros que a compoñen, non supere o 75 % do SMI, excluída a parte proporcional de dúas pagas extraordinarias. Non se considerará a cargo o cónxuxe, fillos, ou menores acollidos, con rendas de calquera natureza superiores ao 75 % do SMI, excluída a parte proporcional de dúas pagas extraordinarias. Aínda que a parella de feito non se considera como carga familiar para os efectos do subsidio por desemprego, se a súa unidade de convivencia está constituída pola súa parella de feito e polos seus fillos comúns menores de 26 anos ou maiores discapacitados, ou menores acollidos por ambos, e dado que o Código Civil establece no seu artigo 143 a obriga dos pais de prestar alimentos aos seus fillos, acreditará responsabilidades familiares se a renda do conxunto da súa unidade familiar así constituída, incluíndo a da súa parella de feito, dividida entre o número de membros que a compón, non supera o 75 % do salario mínimo interprofesional. 9 Subsidios de desemprego <volver ao Índice>

10 No caso de vítimas de violencia de xénero e para os efectos de establecer a existencia de cargas familiares da traballadora solicitante ou beneficiaria do subsidio de desemprego, non se considerará a cargo da vítima o cónxuxe agresor, con independencia do seu nivel de rendas, nin se lle computará como membro da unidade familiar, nin se terán en conta as súas rendas. Para os efectos de determinar o requisito de carencia de rendas e, se é o caso, de responsabilidades familiares, os requisitos deberán concorrer no momento do feito causante e, ademais, no da solicitude do subsidio, así como no momento da solicitude das súas prórrogas ou continuacións e durante a percepción de todas as modalidades do subsidio. Subsidios aos que pode ter dereito a. Traballadores que esgotaron a prestación contributiva por desemprego e teñen responsabilidades familiares. b. Traballadores que esgotaron a prestación contributiva por desemprego, maiores de 45 anos na data do devandito esgotamento e non teñen responsabilidades familiares. c. Traballadores emigrantes retornados. d. Traballadores que ao producirse a situación legal de desemprego non cubriron o período mínimo de cotización para acceder a unha prestación contributiva. e. Liberados de prisión. f. Traballadores declarados plenamente capaces ou que perderon a condición de pensionistas de incapacidade por melloría dunha situación de grande invalidez, incapacidade permanente absoluta ou total para a profesión habitual. g. Subsidio por desemprego para traballadores maiores de 55 anos. <volver ao índice> Subsidios de desemprego 10

11 Traballadores que esgotaron a prestación contributiva por desemprego e teñen responsabilidades familiares Requisitos específicos Ter esgotado a prestación por desemprego. Figurar inscrito como demandante de emprego durante o prazo dun mes dende o esgotamento da pres tación contributiva (data en que finaliza a prestación concedida, que sempre será anterior á data do último cobramento da prestación) e manter a devandita inscrición durante todo o período de percepción do subsidio, sen rexeitar oferta de emprego axeitada nin terse negado a participar, agás causa xustificada, en accións de promoción, formación ou reconversión profesionais. Ter responsabilidades familiares. Documentación específica Libro de familia ou documento equivalente en caso de estranxeiros, legalizado e traducido. No caso de fillos discapacitados maiores de 26 anos, certificado do grao de discapacidade expedido polo IMSERSO ou o órgano da comunidade autónoma correspondente, ou resolución do INSS, do Ministerio de Facenda e Administracións Públicas ou de Defensa que recoñeza a condición de pensionista por incapacidade permanente total, absoluta ou grande invalidez, ou de xubilación ou retiro por incapacidade permanente para o servizo ou inutilidade. Resolución xudicial ou escrito de formalización de acollemento no que conste o consentimento da entidade pública que en cada territorio teña encomendada a protección de menores e a data de efectos do acollemento. Sentenza e/ou convenio regulador, en caso de separación ou divorcio. 11 Subsidios de desemprego <volver ao Índice>

12 Duración Seis meses prorrogables, previa solicitude do interesado, por outros dous períodos de igual duración ata un máximo de 18 meses, coas seguintes excepcións: Os menores de 45 anos que esgotasen unha prestación contributiva de, polo menos, seis meses terán ademais dereito a outra prórroga de seis meses, ata percibir 24 meses. Os maiores de 45 anos que esgotasen unha prestación contributiva de polo menos catro meses, terán ademais dereito a outra prórroga de seis meses, ata percibir 24 meses. Os maiores de 45 anos que esgotasen unha prestación contributiva de, polo menos, seis meses terán dereito a dúas prórrogas de seis meses cada unha, ata percibir 30 meses. A idade debe terse na data de esgotamento da prestación contributiva por desemprego. No caso de traballadores fixos descontinuos, a duración será equivalente ao número de meses cotizados no ano anterior á solicitude. Tramitación A solicitude será formalizada polo solicitante no prazo de 15 días hábiles seguintes ao cumprimento do mes de espera, tras o esgotamento da prestación contributiva. <volver ao índice> Subsidios de desemprego 12

13 traballadores maiores de 45 anos que esgotaron a prestación contributiva por desemprego e non teñen responsabilidades familiares Requisitos específicos Ter esgotado a prestación contributiva. Figurar inscrito como demandante de emprego durante o prazo dun mes dende o esgotamento da pres tación contributiva (data en que finaliza a prestación concedida, que sempre será anterior á data do último cobramento da prestación) e manter a devandita inscrición durante todo o período de percepción do subsidio, sen rexeitar oferta de emprego axeitada nin terse negado a participar, agás causa xustificada, en accións de promoción, formación ou reconversión profesionais. Ter feitos 45 anos na data de esgotamento da prestación contributiva. Duración Seis meses improrrogables. No suposto de traballadores fixos descontinuos, a duración será equivalente ao número de meses cotizados por desemprego no ano anterior á solicitude. Tramitación A solicitude será formalizada polo solicitante no prazo dos 15 días hábiles seguintes ao cumprimento do mes de espera, tras o esgotamento da prestación contributiva. 13 Subsidios de desemprego <volver ao Índice>

14 traballadores emigrantes retornados Requisitos específicos Ser español. Figurar inscrito como demandante de emprego durante o prazo dun mes e manter a devandita inscrición durante todo o período de percepción do subsidio, sen rexeitar oferta de emprego axeitada nin negarse a participar, agás causa xustificada, en accións de promoción, formación ou reconversión profesionais. Ter traballado no estranxeiro en países non pertencentes ao Espazo Económico Europeo ou Suíza, un mínimo de 12 meses nos últimos seis anos dende a última saída de España. Non ter dereito á prestación contributiva por desemprego por cotizacións que tivese acumuladas nos 6 anos anteriores á súa saída de España. Documentación específica Certificación emitida polas Delegacións ou Subdelegacións de Goberno, na que conste a data do retorno e o tempo traballado no país de emigración. Duración Seis meses, prorrogables previa solicitude do interesado, por outros dous períodos de igual duración, ata un máximo de 18 meses, se se manteñen os requisitos. <volver ao índice> Subsidios de desemprego 14

15 Tramitación O traballador dispón de 30 días, dende o retorno, para inscribirse como demandante de emprego. Debe permanecer inscrito un mes e formalizar a solicitude nos 15 días hábiles a partir do día seguinte ao cumprimento do mes de espera. 15 Subsidios de desemprego <volver ao Índice>

16 traballadores que ao producirse a situación legal de desemprego, non cubriron o período mínimo de cotización para acceder a unha prestación contributiva Requisitos específicos Estar en situación legal de desemprego. Inscribirse como demandante de emprego no prazo de 15 días hábiles seguintes dende a situación legal de desemprego e manter a devandita inscrición durante todo o período de percepción do subsidio. Ter cotizados nun réxime da Seguridade Social que inclúa a continxencia de desemprego, polo menos tres meses se ten responsabilidades familiares, ou seis meses se non as ten, e non ter cuberto o período mínimo de cotización para ter dereito a prestación contributiva (360 días). No caso de ter responsabilidades familiares. Documentación específica Certificado de Empresa da última empresa na que traballase, se esta non o remitiu ao Servizo Público de Emprego Estatal a través do sistema Certific@2. En caso de ter cargas familiares ademais: Libro de familia ou documento equivalente en caso de estranxeiros, legalizado e traducido. No caso de fillos discapacitados maiores de 26 anos, certificado do grao de discapacidade expedido polo IMSERSO ou o órgano da comunidade autónoma correspondente, ou resolución do INSS, do Ministerio de Facenda e Administracións Públicas ou de Defensa que recoñeza a condición de pensionista por incapacidade permanente total, absoluta ou grande invalidez, ou de xubilación ou retiro por incapacidade permanente para o servizo ou inutilidade. <volver ao índice> Subsidios de desemprego 16

17 Resolución xudicial ou escrito de formalización de acollemento no que conste o consentimento da entidade pública que en cada territorio teña encomendada a protección de menores e a data de efectos do acollemento. Sentenza e/ou convenio regulador, en caso de separación ou divorcio. Duración Estará en función do número de meses cotizados e de que teña ou non responsabilidades familiares. No caso de que o traballador teña responsabilidades familiares: * Tres meses se cotizou tres meses. * Catro meses se cotizou catro meses. * Cinco meses se cotizou cinco meses. * 21 meses se cotizou seis ou máis meses. No caso de que o traballador non teña responsabilidades familiares: * Seis meses se cotizou seis ou máis meses. A duración do subsidio no suposto de traballadores fixos descontinuos será equivalente ao número de meses cotizados no ano anterior á solicitude. Cando se recoñeza o dereito nestes supostos, as cotizacións que sirvan para o nacemento do subsidio non poderán ser tidas en conta para o recoñecemento dun novo dereito a prestacións de nivel contributivo ou asistencial. Tramitación A solicitude será formalizada polo solicitante no prazo dos 15 días hábiles seguintes á situación legal de desemprego. 17 Subsidios de desemprego <volver ao Índice>

18 liberados de prisión Requisitos específicos Ter sido liberado de prisión e non ter dereito á prestación contributiva por desemprego. Que a privación de liberdade fose dunha duración superior a seis meses. Tamén se entenderán comprendidos nesta situación os menores liberados dun centro de internamento no que tivesen sido ingresados como consecuencia da comisión de feitos considerados como delito, sempre que, ademais de permanecer privados de liberdade polo tempo antes indicado, no momento da liberación sexan maiores de 16 anos. Así mesmo, entenderanse comprendidas na devandita situación as persoas que concluísen un tratamento de deshabituación da drogodependencia, sempre que este durase un período superior a seis meses e vexan remitida a súa pena privativa de liberdade en aplicación do previsto no artigo 87 do Código Penal. Se foi condenado por delitos de abusos e agresións sexuais a menores de 13 anos ou delitos relativos á prostitución e corrupción de menores, cando a vítima sexa menor de 13 anos, a Administración penal deberá acreditar que satisfixo a responsabilidade civil derivada do delito, e que formulou unha petición expresa de perdón á vítima ou vítimas do seu delito. En todo caso a Administración penal deberá certificar se o liberado de prisión foi liberado polos delito considerado en el apartado anterior ou por outro delito distinto. Figurar inscrito como demandante de emprego durante o prazo dun mes e manter a devandita inscrición durante todo o período de percepción do subsidio, sen rexeitar oferta de emprego axeitado nin negarse a participar, agás causa xustificada, en accións de promoción, formación ou reconversión profesionais. <volver ao índice> Subsidios de desemprego 18

19 Documentación específica Certificación do director do centro penal, na que conste a excarceración tras prisión preventiva, cumprimento de condena ou liberdade condicional, así como a data de ingreso en prisión e de excarceración. Certificación da Administración penal, onde conste se o liberado de prisión foi condenado polos delitos seguintes: a. Delitos de abusos e agresións sexuais a menores de trece anos. b. Delitos relativos á prostitución e a corrupción de menores, cando a vítima sexa menor de 13 anos. Se foi condenado polos delitos das letras a) ou b), certificación da Administración penal de que satisfixo a responsabilidade civil derivada do delito, e que formulou unha petición expresa de perdón á vítima ou vítimas do seu delito. Duración Seis meses, prorrogables, previa solicitude do interesado, por outros dous períodos de igual duración, ata un máximo de 18 meses. Tramitación O traballador dispón de 30 días, dende a excarceración, para inscribirse como demandante de emprego. Debe permanecer inscrito un mes e formalizar a solicitude nos 15 días hábiles a partir do día seguinte ao cumprimento do mes de espera. 19 Subsidios de desemprego <volver ao Índice>

20 Traballadores que sexan declarados plenamente capaces ou incapacitados parciais, como consecuencia de expedientes de revisión de melloría dunha situación de grande invalidez, incapacidade permanente absoluta ou total para a profesión habitual Requisitos específicos Figurar inscrito como demandante de emprego durante o prazo dun mes e manter a devandita inscrición durante todo o período de percepción do subsidio sen rexeitar oferta de emprego axeitado nin negarse a participar, agás causa xustificada, en accións de promoción, formación ou reconversión profesionais. Ter sido declarado plenamente capaz ou inválido no grao de incapacidade permanente parcial para a profesión habitual, como consecuencia dun expediente de revisión por melloría dunha situación de invalidez nos graos de incapacidade permanente total para a profesión habitual, incapacidade permanente absoluta para todo traballo ou grande invalidez. Documentación específica Fotocopia da resolución do expediente de revisión por melloría. Duración Seis meses prorrogables, previa solicitude do interesado, por outros dous períodos de igual duración, ata un máximo de 18 meses. Tramitación O traballador dispón de 30 días dende a data da declaración de capacidade ou incapacidade permanente parcial para inscribirse como demandante de emprego. Debe permanecer inscrito un mes e formalizar a solicitude nos 15 días hábiles seguintes ao cumprimento do mes de espera. <volver ao índice> Subsidios de desemprego 20

21 subsidio por desemprego para maiores de 55 anos Requisitos específicos Ter feitos os 55 anos na data do esgotamento da prestación por desemprego ou do subsidio por desemprego, ou ter feita esa idade no momento de reunir os requisitos para acceder aos supostos do subsidio que se detallan a continuación, ou facelos durante a súa percepción: * Ter esgotada unha prestación contributiva por desemprego. * Ser traballador español emigrante retornado de países non pertencentes á Unión Europea, Espazo Económico Europeo, nin Australia ou Suíza, non ter dereito á prestación contributiva por desemprego por cotizacións que tivese acumuladas nos seis anos anteriores á súa saída de España e ter traballado como mínimo 12 meses nos últimos 6 anos anteriores á súa saída de España, en países non pertencentes ao Espazo Económico Europeo, Australia ou Suíza. * Que fose liberado de prisión sen dereito a prestación contributiva por desemprego e que estivese en privación de liberdade máis de seis meses. * Ser declarado plenamente capaz ou discapacitado parcial como consecuencia de expediente de revisión por melloría dunha situación de grande invalidez, incapacidade permanente absoluta ou total para a profesión habitual. * Estar en situación legal de desemprego, non ter dereito a prestación contributiva por desemprego por non cubrir o período mínimo de cotización (12 meses), sempre que se cotizasen polo menos 3 meses. Estar incluído nalgún dos supostos anteriores Aínda que o solicitante careza de rendas propias superiores ao 75 % do SMI, unicamente se entenderá cumprido o requisito de carencia de rendas cando a suma das de todos os integrantes da unidade familiar (cónxuxe e/ou fillos menores de 26 anos ou maiores discapacitados ou menores acollidos), se é o caso, incluído o solicitante, dividida polo número de membros que a compoñen non supere o 75 % do SMI, excluída a parte proporcional de dúas pagas extraordinarias. 21 Subsidios de desemprego <volver ao Índice>

22 Figurar inscrito como demandante de emprego durante o prazo dun mes dende o esgotamento da pres tación contributiva (data en que finaliza a prestación concedida, que sempre será anterior á data do último cobramento da prestación) e manter a devandita inscrición durante todo o período de percepción do subsidio, sen rexeitar oferta de emprego axeitada nin terse negado a participar, agás causa xustificada, en accións de promoción, formación ou reconversión profesionais. Ter cotizado por desemprego un mínimo de seis anos ao longo da súa vida laboral. Cumprir todos os requisitos, agás a idade, para acceder á pensión contributiva de xubilación no sistema español de Seguridade Social. O traballador que reúna os requisitos anteriores poderá obter este subsidio cando: * Estivese a percibir ou tivese dereito a percibir un subsidio. * Tivese esgotado un subsidio. * Tivese esgotado unha prestación por desemprego e non percibise o subsidio correspondente ou o tivese extinguido, por carecer, inicialmente ou con carácter sobrevido, do requisito de rendas e/ou do de responsabilidades familiares. Este subsidio non será de aplicación aos traballadores fixos descontinuos, mentres manteñan a devandita situación. Documentación específica Libro de familia ou documento equivalente en caso de estranxeiros, legalizado e traducido. No caso de fillos discapacitados maiores de 26 anos, certificado do grao de discapacidade expedido polo IMSERSO ou o órgano da comunidade autónoma correspondente, ou resolución do INSS, do Ministerio de Facenda e Administracións Públicas ou de Defensa que recoñeza a condición de pensionista por incapacidade permanente total, absoluta ou grande invalidez, ou de xubilación ou retiro por incapacidade permanente para o servizo ou inutilidade. Resolución xudicial ou escrito de formalización de acollemento no que conste o consentimento da entidade pública que en cada territorio teña encomendada a protección de menores e a data de efectos do acollemento. Sentenza e/ou convenio regulador, en caso de separación ou divorcio. <volver ao índice> Subsidios de desemprego 22

23 Duración Será ata alcanzar a idade de xubilación en calquera das súas modalidades. Tramitación A solicitude será formalizada polo solicitante no prazo de 15 días hábiles seguintes ao cumprimento do mes de espera no caso de esgotamento de prestación contributiva tendo feitos os 55 anos nese momento. No prazo de 15 días hábiles seguintes ao último día traballado. No suposto de que a empresa lle aboase vacacións por non telas gozado con anterioridade ao cesamento, o prazo de 15 días conta a partir da finalización do período de vacacións retribuídas e non gozadas. A solicitude será formalizada polo solicitante no prazo de 15 días hábiles seguintes ao esgotamento do subsidio por desemprego se ten feitos os 55 anos nese momento. Se está a percibir outro subsidio e fai a idade de 55 anos durante a súa percepción, pode solicitar o subsidio de maiores de 55 anos a partir de chegar á devandita idade. A documentación que se deberá achegar, estará en función da situación de acceso a este subsidio. O SEPE requirirá ao INSS un certificado que acredite que o interesado reúne o período de carencia suficiente para acceder a unha pensión contributiva de xubilación. Para acreditar o devandito período de carencia, teranse en conta ademais das cotizacións efectuadas en España, as realizadas noutros países da UE/EEE ou Suíza. Mentres se estea a percibir este subsidio, cada vez que transcorra un ano ou múltiplo dun ano dende a data do nacemento do dereito ou da súa última continuación, deberá presentarse ante a oficina do Servizo Público de Emprego, no prazo de 15 días hábiles, unha declaración das rendas percibidas durante o devandito período. Se no momento de esgotar a prestación contributiva ou da situación legal de desemprego non pode obter o subsidio por non cumprir o requisito de carencia de rendas ou de responsabilidades familiares, poderá acceder ao subsidio de maiores de 55 anos se antes de que transcorra un ano dende a data do feito causante, reúne estes requisitos e ten os 55 anos nese momento. 23 Subsidios de desemprego <volver ao Índice>

24 Os traballadores perceptores do subsidio para maiores de 55 anos poderán subscribir un Convenio Especial a través das Direccións Provinciais da Tesouraría Xeral da Seguridade Social para complementar a cotización por xubilación que efectúa o Servizo Público de Emprego Estatal. O subsidio por desemprego para traballadores maiores de 55 anos será preferente ao recoñecemento de calquera outro subsidio. <volver ao índice> Subsidios de desemprego 24

25 OBRIGAS DOS TRABALLADORES Son obrigas dos traballadores: Proporcionar a documentación e información necesaria para o recoñecemento, suspensión, extinción ou continuación do dereito aos subsidios e comunicar aos Servizos Públicos de Emprego Autonómicos (SPE) e ao Servizo Público de Emprego Estatal (SEPE), o domicilio e, se é o caso, o cambio de domicilio facilitado para os efectos de notificacións, no momento en que este se produza. Cando non quede garantida a recepción das comunicacións no domicilio, debe proporcionar aos SPE e ao SEPE os datos necesarios para realizar a comunicación por medios electrónicos. Subscribir un compromiso de actividade e cumprir as esixencias deste. Buscar activamente emprego e participar en accións de mellora da ocupabilidade determinadas polos Servizos de Emprego competentes, se é o caso, dentro dun itinerario de inserción. Solicitar a baixa no subsidio de desemprego cando se produzan situacións de suspensión ou extinción do dereito ou se deixen de reunir os requisitos esixidos para a súa percepción. Renovar a demanda de emprego na forma e datas que se indiquen na tarxeta de demanda de emprego. Comparecer ou presentarse ante o Servizo Público de Emprego Estatal, a axencia de colocación sen fins lucrativos ou a Entidade Asociada dos Servizos Integrados para o Emprego, por requirimento destes, no lugar e data que se indiquen. Devolver, no prazo de 5 días, ao Servizo Público de Emprego Estatal ou, se é o caso, á axencia de colocación sen fins lucrativos, o correspondente xustificante de ter comparecido no lugar e data indicados para cubrir as ofertas de emprego facilitadas por aqueles. Aceptar a colocación axeitada ofrecida polo Servizo Público de Emprego Estatal ou pola axencia de colocación sen fins lucrativos, e participar en traballos de colaboración social, programas de emprego ou en accións de promoción, formación ou reconversión profesionais, agás causa xustificada. Reintegrar o subsidio indebidamente percibido. 25 Subsidios de desemprego <volver ao Índice>

26 compatibilidade e incompatibilidade do subsidio Compatibilidade A percepción do subsidio de desemprego será compatible con: O traballo retribuído por conta allea a tempo parcial, mesmo cun contrato por tempo indefinido de apoio aos emprendedores a tempo parcial, sen prexuízo do desconto correspondente na contía do subsidio e do seu cómputo como renda dos rendementos derivados do devandito traballo. A indemnización que proceda por extinción do contrato de traballo. A pensión de xubilación parcial e as pensións ou as prestacións de carácter económico da Seguridade Social que tivesen sido compatibles co traballo que orixinou a prestación ou o subsidio por desemprego. Coas bolsas e axudas que se obteñan por asistencia a accións de formación ocupacional ou para realizar prácticas en entidades públicas ou privadas que formen parte do plan de estudos e se produzan no marco de colaboración entre as devanditas entidades e o centro docente de que se trate. Coa realización de traballos de colaboración social. Coas prestacións da Seguridade Social por fillo a cargo. Co exercicio por elección ou designación de cargos públicos ou sindicais retribuídos que supoñan dedicación parcial, sen prexuízo do cómputo como renda das devanditas retribucións e das correspondentes deducións na contía do subsidio. Incompatibilidade A percepción do subsidio de desemprego é incompatible: Coa obtención de rendas de calquera natureza superiores, en cómputo mensual, ao 75% do SMI, excluída a parte proporcional de dúas pagas extraordinarias. <volver ao índice> Subsidios de desemprego 26

27 Se é o caso, coa perda das responsabilidades familiares, cando estas son requisitos para ser beneficiarios do subsidio. Co traballo retribuído por conta allea a tempo completo, en réxime laboral ou administrativo, ou con situacións asimiladas, que supoñan a inclusión en calquera réxime do sistema da Seguridade Social aínda que non estea previsto cotizar pola continxencia de desemprego, agás cando estea establecida a compatibilidade nalgún programa de fomento de emprego. Co traballo por conta propia, con independencia do número de horas que se dediquen á actividade e dos resultados económicos obtidos, aínda que a súa realización non implique a inclusión obrigatoria nalgún dos réximes de Seguridade Social. Con actividades de investigación ou cooperación retribuídas que supoñan dedicación exclusiva. Co exercicio por elección ou designación de cargos públicos ou sindicais ou altos cargos da Administración, retribuídos, que supoñan dedicación exclusiva. Coas pensións ou prestacións de carácter económico da Seguridade Social, tanto de nivel contributivo como non contributivo, agás as citadas no apartado de compatibilidade. Coa actividade da reserva retribuída, á que se refire o Real decreto 1691/2003, do 12 de decembro, polo que se aproba o Regulamento de acceso e réxime dos reservistas voluntarios. Con calquera outra situación que implique o dereito a percepcións económicas de carácter público como substitutivas das retribucións deixadas de percibir polo cesamento na actividade, manténdose un vínculo administrativo ou laboral. 27 Subsidios de desemprego <volver ao Índice>

28 Infraccións e sancións As infraccións son accións ou omisións contrarias ás disposicións que regulan a protección por desemprego, sancionándose, sen prexuízo das responsabilidades penais en que puidesen incorrer, en función da súa clasificación. Infraccións leves Non comparecer ante a entidade xestora, a axencia de colocación sen fins lucrativos ou a entidade asociada dos Servizos Integrados para o Emprego, por requirimento destes, sen causa xustificada. Non renovar a demanda de emprego na forma e datas determinadas pola entidade xestora no documento de renovación da demanda, agás causa xustificada. Non devolver á oficina do Servizo Público de Emprego ou, se é o caso, á axencia de colocación sen fins lucrativos, no prazo de cinco días, o correspondente xustificante de ter comparecido no lugar e data indicados, para cubrir as ofertas de emprego facilitadas por aquelas, agás causa xustificada. Non cumprir as esixencias contraídas no compromiso de actividade, agás causa xustificada. Non facilitar ao Servizo Público de Emprego Estatal e aos Servizos Públicos de Emprego Autonómicos, a información necesaria para garantir a recepción de notificacións e comunicacións. Sancións correspondentes: Perda do subsidio durante un mes. No caso de reincidencia, a segunda infracción será sancionada coa perda do subsidio durante tres meses, a terceira infracción coa perda do subsidio durante seis meses e a cuarta infracción coa extinción do dereito ao subsidio. 28 Subsidios de desemprego <volver ao Índice>

29 Infraccións graves Rexeitar unha oferta de emprego axeitada ou negarse a participar en traballos de colaboración social, programas de emprego, ou en accións de promoción, formación e reconversión profesionais, agás causa xustificada. Non comunicar, agás causa xustificada, a baixa no subsidio cando se produza unha situación de suspensión ou extinción do dereito ou se deixen de reunir os requisitos para a súa percepción, cando pola devandita causa se perciba indebidamente o subsidio. Sancións correspondentes: As infraccións mencionadas no primeiro guión do punto anterior, sancionaranse coa perda do subsidio durante tres meses. En caso de reincidencia, sancionarase coa perda do subsidio durante seis meses e a terceira infracción coa extinción do dereito ao subsidio. A infracción considerada no segundo guión do punto anterior, sancionarase directamente coa extinción do dereito ao subsidio. En todos os supostos de extinción do subsidio requirirase, se é o caso, o reintegro das cantidades indebidamente percibidas. Infraccións moi graves Compatibilizar a percepción do subsidio co traballo por conta propia ou allea, agás nos traballos a tempo parcial, en que o traballador optase por seguir percibindo o subsidio, sempre que se siga carecendo de rendas de calquera natureza, incluído o novo salario, superiores ao 75 % do SMI, excluída a parte proporcional de dúas pagas extraordinarias, ou agás que o traballador estea nalgún programa de fomento ao emprego que permita a compatibilidade do subsidio co traballo por conta allea. Obter fraudulentamente prestacións indebidas ou superiores ás que correspondan. A conivencia co empresario para a obtención indebida das prestacións por desemprego. 29 Subsidios de desemprego <volver ao Índice>

30 Sancións correspondentes: Extinción do subsidio. Reintegro das cantidades indebidamente percibidas. Igualmente, poderáselle excluír do dereito a percibir calquera prestación económica por desemprego e, se é o caso, axuda por fomento de emprego durante un ano. 30 Subsidios de desemprego <volver ao Índice>

31 Para máis información: Servizo Público de Emprego Estatal (Tamén dispoñíbeis números provinciais) Trabajamos para ti