CONCURSO SUSO VAAMONDE POLA LIBERDADE

Transcrição

1

2 CONCURSO SUSO VAAMONDE POLA LIBERDADE As Escolas de Ensino Galego Semente temos o prazer de candidatarnos ao concurso Suso Vaamonde pola Liberdade. As Sementes somos associações sem fins de lucro, de base popular, formadas por pessoas sócias e militantes que apoiamos um espaço galego, de qualidade e integramente em língua galega. Estamos espalhadas por diferentes pontos do País e acolhemos nas nossas escolas crianças de 2 a 6 anos. A primeira Semente criada na Galiza foi no 2011 en Santiago de Compostela, polo centro social auto-gerido A Gentalha do Pichel. Após dous anos, começou a andar a Semente Vigo e nesta altura Semente Trasancos e a segunda Semente de Compostela levam um ano abertas. Este curso também abriu portas Semente Lugo e é possível agromar umha Semente Ourense. Compostela Trasancos Lugo Vigo

3 Todas fazemos parte dumha rede de Escolas de Ensino Galego, que tomam o nome das escolas criadas a começos do século XX polas Irmandades da Fala, e impulsionadas por Leandro Carré e Ángelo Casal. Trata-se de espaços de imersom em língua galega, que respondem à necessidade dumha comunidade de falantes que nom tem outro modo de socializar as suas crianças na sua língua. Somos centros de ensino Nacional Galego de base popular, que nascemos do movimento associativo e nos que os poucos benefícios económicos que poidamos obter, redundam nos próprio projeto. Todas as atividades som desenvolvidas na língua do nosso povo, favorecendo a aquisiçom, conservaçom, cuidado e consolidaçom da mesma. Entendemos o idioma galego como parte indissolúvel da nossa cultura, da nossa história e do nosso futuro, defendendo o seu caráter internacional. O nossos principios educativos som: Coeducaçom Laicidade Assemblearismo Interaçom com a natureza Respeito pola autoregulaçom da criança Integraçom no contexto do seu bairro e da cidade Trabalhamos muito por fazer da comunidade galego-falante (crianças, familias, educadoras, vizinhas...) cada dia mais grande, forte e livre, polo que também temos atividades nas tardes e grupos de encontro que garantam a nossa língua, como os seguintes:

4 É muito difícil para as Sementes concretizarmos um ponto sobre o qual precisamos ser subvencionadas, já que som muitas as necessidades dum projeto desta magnitude: obras nos locais, adaptaçom de sanitas e pias, pintado, mobiliário, estruturas psicomotoras, materiais específicos para a educaçom infantil, livros e contos de qualidade, brinquedos, ferramentas para trabalhar a horta... e sobretudo, o mais custoso, pagar um salário digno às trabalhadoras, pola dignificaçom da sua profissom e pola luita por um convénio digno. Porém, neste mês acabamos de ter umha despesa extraordinária polo importe de 352 para participarmos do 2 ao 4 de dezembro todas as escolas juntas no Culturgal. Para nós é muito importante dar a conhecer o projeto Semente em todo o País a través deste grande evento. Nele esperamos conseguir novos apoios e pessoas sócias, vender material para nos financiar e apresentar as escolas mediante umha palestra aberta a todos os públicos. Ficamos obrigados por podermos participar num concurso em lembrança do Suso Vaamonde. Ele luitava pola língua, pola cultura galega e pola liberdade e isso mesmo é para o que trabalhamos tantas pessoas de forma desinteressada nas Sementes; para as crianças serem pessoas livres, que se respeitem e valorizem para assim respeitarem e valorizarem as demais pessoas e culturas. Nas Sementes de Compostela, Vigo, Trasancos e Lugo, cada dia mais crianças podem desfrutar da sua língua e compartilhar a cultura galega num ambiente de respeito, pensado para elas. Nestas fotos podedes ver alguns dos trabalhos que estiverom a fazer por volta das músicas e palavras do Suso

5 Gostamos de: Ser ceives Dos axóuxeres Das folerpas Das bolboretas Dos castelos De ser cativas Do carro Da chuva Do solpor Dos cogumelos Da avoa DA TERRA...

6 Gostamos muito das músicas do Suso Cara col, col, col, caracol caracoleiro Nas Sementes também formamos um grupo de VOCES CEIVES!