ÍNDICE. Puntos de partida 2

Transcrição

1

2 ÍNDICE Puntos de partida 2 Análise sobre a realidade sociodemográfica, lingüística e Cultural da contorna na que se atopa o centro Análise sobre a situación do idioma galego no centro con respecto ao seu uso nas actividades administrativas e lectivas Lingua nas que se impartirán as materias de educación primaria Medidas adoptadas para que o alumnado que non teña o suficiente dominio das linguas poida seguir con aproveitamento as ensinanzas que se lle imparten. Liñas de actuación e obxectivos xerais deseñadas polo centro para o fomento da lingua galega Obxectivos 9 Extracto das actividades presentadas nos Proxectos anuais de fomento do uso do galego. 12 Medidas adoptadas para o alumnado inmigrante e estranxeiro: 13 ANEXO I Plan de fomento de uso do galego Medidas de apoio e reforzo 22 ANEXO II Addenda lingüística 22 PROXECTO LINGÜÍSTICO Página 1

3 PROXECTO LINGÜÍSTICO DO CENTRO O Proxecto Lingüístico de Centro do Ceip Agro do Muíño parte destes contidos: 1.- Análise sobre a realidade lingüística e cultural da contorna no que se atopa o centro. 2.- Análise sobre a situación do idioma galego no centro con respecto ao seu uso nas actividades administrativas e lectivas. 3.- Lingua na que se impartirán as clases en Educación Infantil e nas que se impartirán as materias de Educación Primaria no noso centro. 4.- Medidas adoptadas para que o alumnado que non teña o suficiente dominio das linguas poida seguir con aproveitamento as ensinanzas que se lle imparten. 5.- Liñas de actuación e obxectivos xerais deseñados polo centro para o fomento da lingua galega. 6.- Adaptación á lexislación vixente PROXECTO LINGÜÍSTICO Página 2

4 1.- Análise sobre a realidade sociodemográfica, lingüística e cultural da contorna na que se atopa o centro Ames é un concello, en certo modo atípico, dentro do contexto galego. Está situado no suroeste da provincia da Coruña, na comarca da Maía e limita cos concellos de Santiago de Compostela, Val do Dubra, A Baña, Brión e Teo. O territorio municipal divídese en 117 núcleos de poboación agrupados en 12 parroquias. A capital do concello é Bertamiráns, un dos núcleos máis poboados. Ames conta agora mesmo con algo máis de habitantes empadroados A poboación concéntrase basicamente nos dous núcleos urbanos, Bertamiráns e O Milladoiro Ames experimentou un aumento poboacional vertixinoso nas últimas dúas décadas. Este aumento é aínda máis considerable nos últimos 10 anos, nos que podemos dicir que cada ano o padrón de habitantes de Ames aumenta en mil e pico persoas. A realidade sociodemográfica do Concello de Ames está marcada por dúas importantes variables: -por unha banda, o seu desenvolvemento está condicionado, non só pola propia dinámica interna, senón tamén pola presenza de Santiago de Compostela como concello limítrofe. -por outra banda, a maioría da poboación está asentada nos dous núcleos urbanos, Bertamiráns e O Milladoiro, claramente diferenciados dos restantes núcleos rurais. Isto condiciona o desenvolvemento da poboación e dos servizos. A carencia de solo de Santiago de Compostela e a dispoñibilidade deste en Ames, a escasos quilómetros e relativamente ben comunicado, explica en boa medida que este concello se convertera nun foco de atracción poboacional. Unha poboación de nivel económico e social medio composta, en gran parte, por parellas novas necesitadas de vivenda nunhas condicións económicas que Compostela non pode ofertar. PROXECTO LINGÜÍSTICO Página 3

5 Este fluxo explica que, a diferenza do que ocorre na maior parte de Galicia, o estrato poboacional que predomina na pirámide demográfica de Ames sexa o da xente nova. A idade media dos e das habitantes do municipio é de 36 8 anos; o 22 4% da poboación ten menos de 20 anos e os maiores de 65 só representan o 9,8 % do total. Estamos, xa que logo, nun concello cunha taxa de poboación nova moi elevada. Ademais, Ames presenta un crecemento constante de poboación, debido basicamente a dous factores: 1. As elevada taxas de natalidade (13,6 fronte ao 7.8 medio de Galicia) 2. Continuada atracción e incorporación de poboación nova, tanto doutros concellos de Galicia e do estado español como do estranxeiro. Estamos diante dunha dinámica demográfica progresiva, ao contrario do que acontece no contexto xeral galego, onde a dinámica demográfica é certamente regresiva. Se a isto lle engadimos a solidez e estabilidade da tendencia observada, a valoración anterior tórnase, se cabe, aínda máis optimista e podemos dicir que o Concello de Ames conta cun importante potencial demográfico. POBOACIÓN ESTRANXEIRA A poboación con nacionalidade estranxeira no Concello de Ames representa case o 6% do total. Desta cifra, o 58%, 921, son mulleres e o 42%, 671, son homes. Temos, logo, unha inmigración maioritariamente feminina. Resaltamos este dato, dado que as mulleres teñen un papel relevante na transmisión da lingua familiar. O aumento de persoas procedentes de fóra do Estado español é tamén vertixinoso nos últimos anos, das 199 persoas con nacionalidade estranxeira do ano 2000 pasamos ás case da actualidade. En canto á procedencia: persoas proceden de países latinoamericanos; - 427, da Unión Europea; - 74, de África; - 49 da Europa non comunitaria; - 34 de Asia. Por nacionalidades as maioritarias son Brasil, Portugal, Colombia, Arxentina e Venezuela. PROXECTO LINGÜÍSTICO Página 4

6 A este número hai que sumarlle as 799 persoas asentadas Ames e procedentes doutras comunidades do Estado español. En total, temos aproximadamente persoas procedentes de culturas e de espazos lingüísticos diferentes do galego, unha cifra que supón case o 9% da poboación total. Na actualidade, contamos con persoas de 65 nacionalidades procedentes dos catro continentes e cunhas 40 linguas diferentes. Esta realidade multicultural converte a Ames nun espazo privilexiado de intercambio cultural, unha interculturalidade que nos enriquece a todos e a todas. Unha multiculturalidade que nós consideramos que pode e debe ter como nexo de unión a lingua galega. 2.- Análise sobre a situación do idioma galego no centro con respecto ao seu uso nas actividades administrativas e lectivas O NOSO CENTRO O Colexio de Educación Infantil e Primaria Agro do Muíño está situado no lugar de As Cortes, na parroquia de Ortoño, pertencente ao concello de Ames. É un centro de nova creación, comezou a funcionar o curso As instalacións son novas e polo xeral en moi bo estado. Conta con 6 aulas de educación infantil e 13 de educación primaria. Atende a un sector de poboación ubicado na zona sur de Bertamiráns e nos lugares de Framil, Costoia, Bugallido, Tarrío, Firmistáns, Sisalde, Eirapedriña e Lapido. A Lingua Galega é a lingua oficial do centro, e polo tanto, todas as actuacións administrativas e educativas son en galego. A presenza do galego na vida do centro é continua, tratando de crear un clima estimulante de cara a utilización da lingua galega. Nos documentos administrativos A normalización do idioma galego neste campo é plena. Aténdese ao público en galego e emprégase o idioma de forma usual en todos os ámbitos e situacións. As convocatorias, citacións, certificados, documentos redactados para enviar ás familias e/ou a outras entidades do noso contorno social, como poden ser a correspondencia, os boletíns de cualificacións, outros comunicados e demais documentos académicos e oficiais están redactados en galego. PROXECTO LINGÜÍSTICO Página 5

7 Na rotulación de espazos Todo tipo de carteis, rótulos, letreiros... que existen no centro están redactados en idioma galego. En canto ao alumnado O CEIP conta cun total de 440 nenos e nenas. Entre eles, 50 comezan este curso a súa andaina no colexio. O resultado da enquisa realizada no mes de xuño para o alumnado de nova incorporación deu un balance a favor do galego, polo que en educación infantil a lingua vehicular e o material impreso será en galego. En relación co alumnado observase unha diferenza no uso da lingua segundo a súa procedencia: Os que proceden do rural e que as familias xa estaban instaladas na zona, usan maioritariamente o galego. Os fillos das familias que veñen de instalarse en novas urbanizacións, os procedentes de Sudamérica e doutros países europeos usan predominantemente o castelán. En canto ao profesorado A maioría do profesorado destinado no centro na actualidade está en situación de destino definitivo, ofrecendo unha perspectiva de estabilidade e continuidade. Lingüísticamente, o profesorado, aínda que non para todos sexa o galego a lingua habitual na que se expresa, no contexto educativo, ningún dos mestres amosa dificultade algunha á hora de utilizar a lingua galega na docencia ou noutras actividades escolares. A súa actitude cara o uso do galego é positiva en canto que colaboran nas actividades que se levan a cabo. Podemos concluír dicindo que aínda que é unha zona de bilingüismo a presenza de nova poboación foránea desgaleguiza fortemente esta realidade. Cada vez máis, vemos aumentar a poboación castelán falante no noso centro. PROXECTO LINGÜÍSTICO Página 6

8 3.-Lingua nas que se impartirán as materias de educación primaria Tendo en conta o exposto nos apartados anteriores, ao que hai que engadir a lexislación vixente, as decisións tomadas no noso centro, en canto á lingua que se empregará nas distintas materias, son as seguintes: -Segundo o Decreto 79/2010, do 20 de maio, para o plurilingüismo no ensino non universitario de Galicia, o artigo 5º recolle que na etapa de Educación Infantil o profesorado usará na aula a lingua materna predominante entre o alumnado, ben que deberá ter en conta a lingua do contorno e procurará que o alumnado adquira, de forma oral e escrita, o coñecemento da outra lingua oficial de Galicia dentro dos límites da etapa ou ciclo. E continúa dicindo que a lingua materna predominante do alumnado será determinada polo centro educativo de acordo co resultado dunha pregunta que se efectuará aos pais, nais, titores/as ou representantes legais do alumno/a antes do comezo do curso escolar acerca da lingua materna do seu fillo ou filla. Tendo todo isto en conta, no noso centro a lingua materna predominante na Educación Infantil resultou ser o galego, xa que o resultado da enquisa realizada no mes de xuño para o alumnado de nova incorporación foi da metade máis un a favor do galego, polo que en educación infantil a lingua vehicular e o material impreso será en galego. Na Educación Primaria, tal e como recolle o artigo 6º do citado Decreto, as materias de lingua impartiranse no idioma de referencia e impartirase en galego a materia de Coñecemento do medio natural, social e cultural, e en castelán a materia de Matemáticas, garantindo así a adquisición da competencia lingüística propia da etapa e do nivel nas dúas linguas oficiais de Galicia. Para o resto de materias, repartimos unhas en castelán e outras en galego, quedando: No 1º ciclo e 2º ciclo, Educación física e plástica en galego e música en castelán. No 3º ciclo impartiranse en castelán: matemáticas, relixión, música e plástica en 6º, Educación física en galego. PROXECTO LINGÜÍSTICO Página 7

9 4.- Medidas adoptadas para que o alumnado que non teña o suficiente dominio das linguas poida seguir con aproveitamento as ensinanzas que se lle imparten. O artigo 14 do Decreto 79/2010, do 20 de maio, establece que o PLC fará constar, entre outros aspectos, as medidas adoptadas para que o alumnado que non teña o suficiente dominio das linguas poida seguir con aproveitamento as ensinanzas que se lle imparten. O noso sistema educativo baséase na concepción da educación para todos e todas e este principio educativo de igualdade implica a dotación de recursos e medidas para atender a diversidade: agrupamentos específicos, reforzo educativo,... Pero ademais diso, o noso currículo deberá ser flexible para adaptarse ás características do noso alumnado, e por iso o profesorado que imparte clases a grupos nos que hai alumnado con pouca competencia lingüística, deberá elaborar estratexias e materiais para que todos/as os alumnos/as poidan seguir o desenvolvemento das actividades lectivas con normalidade, así como propor grupos de traballo flexibles, ralentizar o ritmo de introdución de novos contidos e propor actividades de aprendizaxe diferentes. Para isto, recurriremos ao material didáctico co que contamos no centro (na Biblioteca, na aula de Pedagoxía Terapéutica ou no Departamento de Orientación), na rede ou, no caso de consideralo necesario, nas librarías. De todos os xeitos, as medidas a tomar dependerán do historial evolutivo e académico e da competencia lingüística do/a alumno/a nas linguas galega e castelá. En todo caso, será o departamento de orientación, respectando a lexislación vixente e en función das características anteriores, quen determine e oriente sobre as medidas a tomar. Destas medidas serán informadas as familias. 5.- Liñas de actuación e obxectivos xerais deseñadas polo centro para o fomento da lingua galega. O obxectivo principal é garantir unha boa competencia lingüística en galego a todo o alumnado, e que repercuta de forma positiva no seu uso, axudando así a superar o desequilibrio social no que se atopan o galego e o castelán. PROXECTO LINGÜÍSTICO Página 8

10 OBXECTIVOS A continuación cítanse os obxectivos máis concretos: CONTORNO SOCIOLINGÜÍSTICO DO CENTRO 1.- Coordinar a programación de actividades co Servizo de Normalización Lingüística do Concello. 2.- Colaborar con outros centros educativos do concello e organismos en prol da Lingua Galega. 3.- Solicitar da Administración Educativa liñas de axuda para a promoción do galego. 4.- Promover a interacción entre a escola e a súa contorna para facer máis rendibles os recursos. ÁMBITO DO PROFESORADO 5.- Concienciar ao profesorado para que trate de descubrir e eliminar no alumnado calquera tipo de prexuízo lingüístico. 6.- Implicar a todo o profesorado do centro no proceso de normalización e dinamización lingüística. 7.- Facilitar ao profesorado o material e a información que este demande. 8.- Colaborar con outros grupos docentes do centro ( Comisión de Coordinación Pedagóxica, Ciclos, Actividades Complementarias...) co fin de que se teña en conta a Cultura e a Lingua Galega para levar a cabo actividades colectivas, así como para recoller todo tipo de propostas e iniciativas tanto a nivel individual como procedentes dos distintos grupos. 9.- Dar prioridade no ensino do galego á expresión, reforzando a súa dimensión comunicativa e dándolle protagonismo á oralidade Tentar integrar a planificación lingüística do centro en todos aqueles proxectos e plans que os diferentes equipos docentes desenvolvan: proxecto lector, plan das Tics, proxectos a desenvolver a nivel centro Colaborar cos Equipos de Dinamización da Lingua Galega doutros centros ou institucións para compartir materiais, experiencias e actividades. PROXECTO LINGÜÍSTICO Página 9

11 ÁMBITO DO ALUMNADO 12.- Crear no alumnado actitudes positivas cara a propia lingua, desterrando calquera tipo de prexuízo lingüístico do seu entorno familiar ou social Promover o uso do galego entre alumnos e alumnas,dos alumnos cos profesores/as nos recreos, nas actividades extraescolares Fomentar e facilitar a lectura de libros en galego a través da biblioteca de aula e da biblioteca do centro Incentivar á composición escrita en lingua galega a través dos contos, cómics, redaccións...que logo se seleccionarán para publicar na revista do colexio Estimular a busca de información por distintas canles (biblioteca, avós, pais, internet...) de aspectos relacionados coa Cultura, Historia e Etnografía do pobo galego, para promover o coñecemento da realidade galega Fomentar a participación do alumnado e do profesorado de cara á elaboración da revista escolar anual Garantir unha oferta de materiais didácticos en soportes diversos que fagan atractivo o proceso de aprendizaxe Estudar as tradicións populares galegas, como parte da nosa cultura. ÁMBITO LINGÜÍSTICO DO CENTRO 20.- Fomentar e impulsar o uso oral e escrito do galego en todas as actividades do centro Traballar na normalización do galego na vida diaria do centro por parte de toda a comunidade educativa Asesorar á comunidade educativa para mellorar a súa competencia lingüística en galego Colaborar co Equipo da Biblioteca, de Actividades Extraescolares e Complementarias na preparación e no desenvolvemento do proxecto do centro, das festas tradicionais, na realización de exposicións, xogos, para dar a coñecer aspectos propios da nosa cultura e tradicións como son: O Samaín, Entroido, e outras actividades do centro. PROXECTO LINGÜÍSTICO Página 10

12 24.- Fomentar a presenza do galego nas novas tecnoloxías. 25.-Usar as novas tecnoloxías como instrumento para a comunicación e a difusión das actividades en prol da Lingua Galega Xogar coa lingua para que mentres se xoga se aprenda LIÑAS DE ACTUACIÓN Existen unha serie de posibilidades de carácter xeral encamiñadas á consecución dunha maior competencia en comunicación lingüística. Entre elas, cabe citar: Actividades extraescolares. Considerámolas un medio ideal para introducir ao alumnado na vida do centro, para mellorar a convivencia, para aportar unha dose de pracer na aprendizaxe... Polo tanto, é necesario tratar de implicar ao alumnado con pouca competencia en comunicación lingüística en galego nas actividades organizadas dende os Equipos de Dinamización da Lingua Galega, de Biblioteca, de Actividades Complementarias e Extraescolares ou outras entidades colaboradoras. Entre elas: - Participar nos concursos, exposicións e/ou festivais que se vain celebrando ao longo do curso (elaborar redaccións, falar en público...) - Asistir a viaxes culturais, concertos, obras de teatro, exposicións, proxeccións de películas,... - Elaborar material que se incluirá na revista escolar do centro. - Participar nas actividades que se propoñen dende a campaña de fomento de uso do galego, que cada ano elabora o EDLG. Materiais didácticos. Proporcionar información ao profesorado sobre materiais diversos que permitan incrementar a docencia en lingua galega, en todos os formatos posibles. Música galega. Dende as clases de música, traballaranse temas tradicionais galegos de xeitos diferentes (cancións, danzas, xogos,...) Campaña de fomento da lectura. Participar nas actividades propostas polo Equipo de Biblioteca, dentro da Campaña para o fomento da lectura que vimos desenvolvendo dende o curso (o traballo xira arredor dun tema que se decide ao comezo do curso escolar). A través da mesma, o alumnado manexará material bibliográfico individual ou en grupo, fará unha posta en común do aprendido, elaborará traballos propios,... PROXECTO LINGÜÍSTICO Página 11

13 Formación de usuarios da Biblioteca. Incidirase no coñecemento da Biblioteca (distribución de espazos, coñecemento da CDU, localización de libros, manexo de diferentes fontes de información,...) Materiais audiovisuais. Empregaranse para aquelas actividades nas que sexa posible a súa inclusión (audición de poemas, de obras musicais, películas...) As TIC. Utilizaranse as novas tecnoloxías para as actividades que nolo permitan, consultarase e incluiranse contidos na páxina web e no blogue da Biblioteca creados o curso pasado, Extracto das actividades presentadas nos Proxectos anuais de fomento do uso do galego. O que segue e unha parte do proxecto de fomento do uso do galego que presentamos na Secretaría de Política Lingüística e que vamos a desenvolver neste curso. Podemos dividir as actividades en 2 grupos: Actividades plurianuais Son aqueles proxectos ou actividades desenvolvidas en cursos anteriores aos que se lles quere dar continuidade: - Revista escolar - Proxecto lector - Celebración do Magosto - Celebración das Letras Galegas - Elaboración dun Conto Viaxeiro intercentros do concello de Ames: Ceip de Barouta, Ceip A Maía, Cep de Ventín e o noso centro. - Concurso de Adiviñas - Concurso de postais do Nadal - Concurso da palabra quincenal - Obradoiro Máis alá de lingua divertida - Actividades tradicionais galegas (Sementeira de trigo) - Celebración do Entroido PROXECTO LINGÜÍSTICO Página 12

14 Novos proxectos Neste apartado incluímos aqueles proxectos que non foron traballados e se desenvolverán ao longo do curso: - Proxecto documental de todo o centro que parte do Equipo da Biblioteca Escolar (Cada curso escolar) - Dende o EDLG organizaremos actividades en relación co proxecto, xunto co equipo da biblioteca, das Tics e actividades extraescolares e complementarias. - Celebración do Samaín e outras celebración conmemorativas. - Recuperar a figura do apalpador e outras tradicións. - Exposición de trompos polo San Martiño - Dinamización do blog do EDLG - Colaboración nos proxecto de centro (Voz Natura) - Dinamización da lingua galega (Normalización e normativación) 7.- Medidas adoptadas para o alumnado inmigrante e estranxeiro: O alumnado inmigrante e estranxeiro integrarase nas aulas correspondentes, á espera de ser avaliado o seu grao de coñecemento dalgunha das linguas oficiais. Determinación polo orientador do centro, da necesidade de recibir unha atención específica, ou no seu caso unha adaptación da programación para o logro paulatino das competencias lingüísticas nas linguas oficiais. PROXECTO LINGÜÍSTICO Página 13

15 Apoio individualizado na aula do titor ou titora, utilizando no inicio da súa escolarización preferentemente unha das linguas cooficiais onde se sinta con máis soltura o alumno/a e progresivamente introducilo no uso das demais linguas do currículo. Flexibilización dos contidos curriculares Atención individualizada por parte de diferente profesorado do centro que realiza funcións (sempre que o horario o permita) de reforzo educativo Fomentar a súa integración e interacción co grupo-clase. No caso de descoñecemento total das dúas linguas oficiais da nosa Comunidade Autónoma, se adoptarán as seguintes medidas: O contido abordado neste punto refírese ó alumnado que descoñeza as dúas linguas oficias de Galicia. Utilizarase como lingua vehicular o galego ou o castelán en función da que resulte máis próxima ou que represente unha menor dificultade para o uso no ámbito familiar. A decisión adoptarase consultando coa familia e de acordo coa mesma. Corresponde ás administracións educativas adoptar medidas singulares naqueles centros que resulte necesaria unha intervención educativa compensatoria. Lei orgánica 2/2006 de 3 de maio (LOE)(BOE ), artigos 79 e 81 PROXECTO LINGÜÍSTICO Página 14

16 OBXECTIVOS A CONSEGUIR Medidas de tipo organizativo e tratamento curricular - Durante o primeiro curso, se é o caso, convirá dedicarlle especial atención ás aprendizaxes relacionadas coa adquisición da lingua, co fin de que a adquira no menor tempo posible. Obxectivos xerais: Deberemos destaca-lo desenvolvemento de competencias xerais xunto coas comunicativas que, por outra parte, son comúns a todo o alumnado: - Adquiri-las habilidades básicas de comunicación nas diferentes destrezas (falar,escoitar, ler e escribir). - Producir mensaxes orais e escritas coherentes - Usa-la lingua como instrumento de aprendizaxe e de acceso ó coñecemento das diferentes áreas curriculares. - Desenvolve-la capacidade de autoavaliación e autonomía na aprendizaxe. - Valorar de forma positiva a diversidade cultural e lingüística e desenvolver actitudes favorables cara o intercambio cos outros. Obxectivos específicos: Son obxectivos a traballar con todo o alumnado, pero, en termos xerais, é probable que os escolares nativos precisen menos tempo e unha ensinanza menos explícita para a súa consecución. Formulamos estes obxectivos como metas a alcanzar no prazo máis curto posible. Indicarannos a dirección a seguir na intervención dende o primeiro momento. Terán un carácter prioritario, como base para facilita-la incorporación ó nivel de competencia máis próximo ó que lle corresponda por idade. Aínda así, somos conscientes de que os tempos para a súa consecución variarán segundo os casos individuais. PROXECTO LINGÜÍSTICO Página 15

17 a) Comprensión Oral: - Comprender información relacionada con ámbitos e cuestións do entorno máis inmediato. - Comprender instrucións sinxelas relativas a como ir dun lugar a outro. - Comprende-la idea global dunha exposición sobre cuestións relacionadas co seu entorno, ou narracións breves. - Identifica-la idea global e outras ideas importantes nunha conversación entre falantes nativos. - Seguir indicacións detalladas. - Comprende-la información achegada, por exemplo, en instrucións de uso. b) Expresión Oral: - Describir persoas, lugares, obxectos, situacións, actividades... nos seus aspectos externos e esenciais. - Narrar historias persoais e inventadas, seguindo unha secuencia lineal - Expresa-la idea global dun texto oral ou escrito breves. - Explicar vantaxes e desvantaxes dun tema próximo á súa experiencia. - Expoñer cuestións previamente ensaiadas, de forma breve e intelixible. - Responder a preguntas sobre datos concretos despois de escoitar unha exposición. - Participar minimamente nunha conversa/intercambio grupal con iguais. c) Lectura: - Interpretar adecuadamente letreiros e sinais. - Domina-lo código. - Identificar datos concretos en textos breves sobre feitos concretos que traten contidos curriculares con vocabulario frecuente. - Recoñecer feitos ou sentimentos nun texto breve. - Comprender instrucións sinxelas sobre xogos ou uso de aparellos de uso cotiá. - Localizar información específica en textos curtos sobre asuntos cotiás. - Capta-la idea global dun texto breve sobre temas da súa experiencia e outros coñecidos previamente tratados. PROXECTO LINGÜÍSTICO Página 16

18 d) Expresión Escrita: - Escribir textos sinxelos con coherencia sobre temáticas de interese propio ou curriculares do seu nivel de competencia. - Describir obxectos, animais, nos seus trazos externos. - Escribi-la idea global dun texto sobre unha temática relacionada coa súa experiencia ou previamente traballada. - Expoñe-la opinión sobre feitos cotiás. Os contidos referentes ao tratamento lingüístico para o alumnado estranxeiro aparecen recollidos no PLAN DE ATENCIÓN AO ALUMNADO PROCEDENTE DO ESTRANXEIRO ( CONSELLO ESCOLAR CERTIFICACIÓN En reunión ordinaria do Consello Escolar do Centro, celebrada o día 26 de marzo de 2012, quedou aprobado o Proxecto Lingüístico do Centro que figura nas páxinas anteriores a esta certificación. En Ortoño, Ames a 26 de outubro de O Equipo Directivo. A Xefa de Estudios O Director A Secretaria Asdo. Cristina Piñeiro Lorenzo Asdo.: Ramón Pérez Rey Asdo.: María Vázquez García PROXECTO LINGÜÍSTICO Página 17

19 ANEXO I PLAN DE FOMENTO DE USO DO GALEGO PARA O CURSO ACTIVIDADES Novo proxecto documental integrado: Bocadiños de palabras parte do Equipo da Biblioteca Escolar, xunto co proxecto de Voz Natura: Sementamos futuro no Agro O EDLG puso tamén lema ao proxecto: Sementamos galego no Agro Dende o EDLG organizaremos actividades en relación co proxecto multidisciplinar xunto co equipo da biblioteca, das Tics e actividades extraescolares e complementarias. Inicialmente temos previsto as seguintes actividades para cada un dos obxectivos propostos. É posible que haxa modificacións ao longo do curso, si fora así quedará reflectido na memoria de este proxecto. 1º Trimestre - Elaboración de carteis relacionados co proxecto para decorar a entrada do centro. - Concurso de Adiviñas Cada coordinador de ciclo porá na cortiza de entrada do colexio unha adiviña durante 2 semanas, e o alumnado que queira participar deberá introducir a posible solución nunha caixa habilitada para este concurso. Ed. Infantil (Do 1 ao 15 outubro) Ed. Primaria 1ºe 2º nivel ( Do 15 ao 31 de outubro ) Ed. Primaria 3º e 4º nivel ( Do 1 ao 15 de novembro ) Ed. Primaria 5º e 6º nivel ( Do 15 ao 30 de novembro ) - Exercicios de orientación en Bertamiráns Alumnado de 5º e 6º de Ed. Primaria. Datas: 3 e 1 de outubro. - Función de Teatro en Santiago. Obra As laranxas máis laranxas de todas as laranxas de Carlos Casares. Datas: 10 de decembro- 5 anos PROXECTO LINGÜÍSTICO Página 18

20 11 de decembro-segundos 12 de decembro-primeiros 16 de decembro-terceiros e cuartos 17 e decembro-quintos e sextos - Celebración do Samaín e Magosto Os alumnos traerán cabazas e espigas de millo decoradas da casa con algo que teña relación co novo proxecto e expoñeranse por todo o colexio. Terá lugar o xoves 30 de outubro xunto co magosto. Colaboraremos coa comisión de actividades complementarias nesta celebración.todo o colexio participará degustando castañas. - Concurso Lema para a Campaña Banco de alimentos Trátase de que cada rapaz participe creando un lema que se exporá nos lugares de recollida de alimentos e que máis tarde se repartirán entre as familias máis desfavorecidas do Concello de Ames. Proxecto: Bocadiños solidarios. Participa todo o alumnado de Ed. Primaria. Concurso de Postais de Nadal. A actividade consiste na elaboración de postais e mensaxes de Nadal. Seleccionaranse en cada centro unha postal por ciclo e os coordinadores dos EDLG elixiremos unha postal gañadora en cada centro, que será a que se utilizará para felicitar as pascuas ás familias dos centros e os organismos do concello. Nesta actividade participan: Ceip Agro do Muíño, Ceip A Maía, Ceip de Barouta, e EEI do Milladoiro. Tamén colabora a ANPA aportando os premios e axudando na elección das postais gañadoras. - Concurso de Cartas aos Reis Magos. Actividade organizada polo SNL do concello e dirixida aos alumnos de Ed. Infantil, 1º,2º,3º e 4º de Ed. Primaria. - Actividade de contacontos do alumnado do 3º ciclo para o alumnado de Ed. Infantil. 2º Trimestre - Concurso A Palabra Quincenal Cada quincena, na cortiza da entrada do colexio, aparecerá exposta unha palabra relacionada co tema do proxecto e os alumnos que queiran PROXECTO LINGÜÍSTICO Página 19

21 participar deberán cumprimentar o significado e exemplo de uso da palabra exposta. Palabras: Anciño, sacho, esfollar, forcada e marmelo. - Celebración do dia da Paz. Este ano dedicámosllo no noso centro a Malala( Novel da paz 2014) (Ver blog Biblioteca: ) O 30 de xaneiro faremos varias actividades sobre a Paz en colaboración co equipo da biblioteca e co de extraescolares.. Un pequeno festival onde verán un vídeo sobre a Paz, actividades e coreografías preparadas para ese dia.. Mural sobre o tema e actividades relativas a vida e ao traballo de Malala. - Visita ao Parlamento en Santiago Alumnado de 5º de Ed.Primaria. Data sen determinar. - Actividades relacionadas co proxecto: Ed. Infantil: - Abecedario de alimentos( 4 anos) - Actividades coas froitas( 3 anos) - Receitas con alimentos - Semente de chícharos, lentellas,garbanzos na aula. Ed: Primaria:- Posta en marcha dun invernadoiro dentro do programa Horto escolar ( proxecto voz natura). Participarán todos os cursos. Cultivaranse por épocas os seguintes produtos: No invernadoiro: Allos,cenorias,acelgas,leitugas,repolos,tomates,cebolas,espinacas, porros,brócoli, Pementos de Padrón e pementos morróns. No exterior: Chícharos, calabacín, xudías, cabazas, melóns, perixel, berenxenas, alcachofas, amorodos e fabas. - Visita ao Parlamento por parte do alumnado de 5º Ed. Primaria. - Taller coa Fundación C.J.Cela no centro con alumnado de 5 anos e posteriormente no 3º trimestre visita a Padrón. - Actividade de teatro na Casa da Cultura de Bertamiráns a cargo do Concello. A nena e o grilo no país das apertas Venres 6 de febreiro ás 12:30. Alumnado: 3 e 4 anos. - Charlas a cargo de pais/ nais de alumno/as: Charla alimentación. Alumnado de ed. Primaria. Data: 15 de xaneiro. Charla sobre alerxias alimentarias. Alumnado de 6º. A cargo da nai dunha alumna. Data: 22 de xaneiro - Visita á praza de abastos de Santiago: Alumnado de 5º de Ed. Primaria. Data: 10 de febreiro Alumnado de 6º de Ed. Primaria: Data: 24 de febreiro. Alumnado de 1º de Ed. Primaria. Data 17 de marzo Irá todo o alumnado do centro pero as datas están sen determinar. PROXECTO LINGÜÍSTICO Página 20

22 - Encontro con autores Manolo Rivas. Data: 26 de febreiro. Alumnado 4º Ed. Primaria. Alicia Borras. Data: 17 de marzo. Alumnado 5º e 6º Ed. Primaria. - Taller de discapacidade 3 de marzo, alumnado de 3º e 5º de Ed. Primaria. 5 de marzo, alumnado de 1º nivel de Ed. Primaria. - Celebración do Entroido Faremos un Meco cun mandado para cada dia. Colaboraremos coa comisión de actividades complementaria nesta celebración. Data: 13 de febreiro. Xornada de portas abertas. - Día de Rosalía de Castro.- 24 de febreiro. Obradoiros con poemas da autora. O concello fará un acto de homenaxe a Rosalía e cada centro fará unha aportación a ese acto. - Eu son Rosalía. Cada aula fará esta actividade na que dirán : Eu son Rosalía cando porque para. Farase unha recompilación e exporase no corredor do colexio. - Celebraremos as seguintes conmemoracións: Semana da prensa ( marzo) Día da poesía e día da árbore( 21 de marzo) Día da auga ( 22 de marzo) Día do libro ( 23 de abril) 3º Trimestre - Recompilación de información sobre todo o traballado, relacionado cos alimentos. Exposición de todo o material recollido. - Actividade de teatro na casa de cultura de Bertamiráns a cargo do Concello. Ra, Ra, Ra. Venres 17 de abril ás 12:30. Alumnado de 5 anos e 1º de Ed. Primaria. - Visitas á Aula da Natureza da Ameixenda Obradoiros organizados polo SNL do Concello. - Visitas á Biblioteca municipal de Bertamiráns - Certame Artístico Literario Intercentros, Concello de Ames No mes de maio, co gallo da celebración das Letras Galegas o SNL do Concello de Ames convoca este certame literario para promocionar entre o alumnado o uso do PROXECTO LINGÜÍSTICO Página 21

23 galego asociándoo a valores positivos tales como o respecto, a tolerancia,... Dirixido ao alumnado de 2º e 3º ciclo de Ed. Primaria. - Celebración das Letras Galegas Farase unha semana cultural,cada día unha actividade.. Contar un conto O alumnado de 5º e 6º en colaboración co equipo da biblioteca contaranlle un conto os alumnos de e.infantil.. Traballar a unidade didáctica que se envía ós centros pola Secretaría Xeral de Política Lingüística sobre Xosé Filgueira Valverde (autor homenaxeado no ano 2015)..Actuación de contacontos, monicreques ou actuacións musicais en función do presuposto concedido mediante esta solicitude..representación teatral ( sen determinar) - Elaboración e edición da revista escolar En versión dixital ou impresa segundo o presuposto. Intercambio de revistas cos outros centros do concello. A revista ten a pretensión de expor as vivencias e actividades (saídas, festivais, celebracións...) dos verdadeiros protagonistas do centro: os/as alumnos/as. - Festival de Fin de Curso Terá relación co tema do proxecto, será de portas abertas á comunidade educativa. - Colaboración no Proxecto lector do centro. -Colaboración nas publicacións dos edublogs do centro: Dinamización TIC e Equipo da biblioteca. - Colaboración na páxina web do centro. - Dinamización do edublog do EDLG Ortoño a 5 de febreiro de 2015 A coordinadora de Dinamización da Lingua Galega Vª e Pce O Director Asdo: Mª Dolores Carracedo Durán Asdo: Ramón Pérez Rey PROXECTO LINGÜÍSTICO Página 22

24 CADRO RESUMO DE ACTIVIDADES. TEMPORALIZACIÓN TÍTULO DA ACTIVIDADE RESPONSABLE/S DEPARTAMENTO O QUE PERTENCE DESTINATARIOS ORZAMENTO MATERIAL NECESARIO PARA A REALIZACIÓN DAS ACTIVIDADES 1º Trimestre Elaboración de carteis. EDLG Profesorado. 0 Papelería Reprografía 1º Trimestre Concurso de Adiviñas EDLG Todos 100 Papelería Reprografía 1º Trimestre Exercicios de orientación EDLG e Act. Complem. 5º e 6º 0 1º Trimestre Teatro en Stgo As laranxas. EDLG Dende 5 anos a 6º E.P A cargo dos alumnos Transporte Entradas 1º Trimestre Celebración do Samaín e Magosto EDLG/Bibliot./ Act.Complement. Comunidade educativa 100 Varios 1º trimestre Concurso lema campaña de alimentos EDLG/ Concello e toda a comunidade Todo o alumnado 0 Papelería 1º Trimestre Concurso Postais do Nadal EDLG centros do concello. Comunidade educativa Concello 100 Premios AMPA Papelería Reprografía 1º Trimestre Concurso: Cartas aos Reis Magos SNL do concello e EDLG centros do concello Ed. Infantil e 1º e 2º nivel E.P. A cargo do concello Papelería Reprografía 1º trimestre Contacontos por parte do alumnado EDLG / E Biblioteca Ed. Infantil e 6º Ed. P 0 Varios 2º trimestre Concurso:Palabra quincenal EDLG Todos 100 Papelería Reprografía 2º trimestre Celebración do día da Paz EDLG/E. Bibl./ E.Act. Compl. Todos 100 Papelería Reprografía 2º Trimestre Visita ao Parlamento en Santiago EDLG 5º E.P. A cargo dos alumnos Transporte 2º trimestre Relacionadas co proxecto EDLG/ Voz Natura/ Biblioteca Todos A cargo do centro Varios 2º trimestre Taller e visita á Fund. C.J Cela EDLG 5 anos A cargo dos alum. Transporte 2º trimestre Teatro A nena e o grilo no país das apertas EDLG/SNL 3 e 4 anos A cargo do concello PROXECTO LINGÜÍSTICO Página 23

25 TEMPORALIZACIÓN 2º trimestre 2º trimestre 2º trimestre 2º trimestre 2º trimestre TÍTULO DA ACTIVIDADE Charla a cargo de pais/ nais Visita á praza de abastos Santiago Encontro con autores Taller de discapacidade RESPONSABLE/S DEPARTAMENTO O QUE PERTENCE EDLG EDLG/BIBLIOT EDLG EDLG DESTINATARIOS ORZAMENTO Alumnado de Ed. Primaria 0 Todo o alumnado 4º, 5º e 6º Ed. Primaria 1º,3º e 5ºEd. Primaria A cargo dos alum. A cargo do centro A cargo do concell Eu son Rosalía EDLG/ Biblioteca Todos 20 MATERIAL NECESARIO PARA A REALIZACIÓN DAS ACTIVIDADES Varios Transporte Varios Varios Varios 2º trimestre Día de Rosalía de Castro EDLG/ SNL/ Biblioteca Todos 0 Varios 2º trimestre Celebración do Entroido 2º trimestre Celebración de Conmemoracións 3º trimestre Aula da Natureza da Ameixenda 3º trimestre Biblioteca Municipal de Bertamiráns 3º trimestre Certame Artístico Literario, Concello 3º trimestre Letras Galegas: Semana cultural 3º trimestre Elaboración da revista escolar Ao longo de todo o curso Colaboración na Web e nos blogs 3º trimestre Festival fin de curso Ao longo de todo o curso Ao longo do cur Plurianual Dinamización do blog do EDLG Colaboración co proxecto lector do EDLG/E. Bibl./ E.Act. Compl EDLG/E. Bibl./ E.Act. Compl EDLG / E. Biblioteca EDLG / E. Biblioteca Todos 100 Todos 100 Todos Cursos sen determinar 0 0 EDLG e SNL 4º, 5º e 6º 0 EDLG/SNL Biblioteca EDLG EDLG Bibl. E. act. complementarias EDLG / E. act. Complem. EDLG Equipo da Biblioteca e EDLG Comunidade educativa Comunidade educativa Comunidade educativa Comunidade educativa Comunidade educativa Comunidade educativa A cargo do centro Papelería Reprografía Papelería Reprografía Transporte Transporte Varios Papelería Reprografía Papelería Reprografía Varios Papelería Reprografía O Director Asdo: Ramón Pérez Rey PROXECTO LINGÜÍSTICO Página 24