NORMATIVA PARA A ORGANIZACIÓN DA DOCENCIA NOS GRAOS PARA O CURSO

Transcrição

1 NORMATIVA PARA A ORGANIZACIÓN DA DOCENCIA NOS GRAOS PARA O CURSO Primeiro e segundo curso 1. Cada crédito ECTS equivale a 25 horas de traballo do alumnado, divididas en 7 horas de docencia presencial e 18 de traballo autónomo. Dado que todas as materias de 1º e 2º teñen seis créditos, o número de horas de clase presenciais que deben recibir os estudantes en cada materia ascende a 42, e o número de horas de traballo autónomo do alumnado a En Educación Infantil e Educación Primaria haberá dous grupos (A e B) e en Logopedia e Educación Social un. A distribución do alumnado entre o Grupo A e B (no Grao de Educación Infantil e Primaria) virá establecida polo decanato e manterase durante toda a promoción. O alumnado que teña materias coa cualificación de Suspenso, e estas se solapen no horario, poderá solicitar o cambio entre o Grupo A e B, dado que, segundo contempla a Normativa de xestión académica da Universidade da Coruña para o curso académico 2017/2018, está obrigado a matricularse das materias suspensas. 3. Opción A: As clases presenciais distribúense, tal e como ven recollido no Plano de Organización Docente Académica, en dous tipos de docencia: expositiva dirixida ao conxunto do grupo, e interactiva dirixida a cada un dos subgrupos de vinte estudantes: tres en Educación Infantil, Educación Primaria e Logopedia e catro en Educación Social. Nas Normas para o Plano de Organización Docente da UDC especifícase que a docencia interactiva debe concretarse en actividades tipo seminarios, debates e prácticas. Opción B: As clases presenciais distribúense en dous tipos de docencia: expositiva dirixida a dous grupos resultado de dividir ao gran grupo pola metade, e interactiva dirixida a cada un dos subgrupos: dous en Educación Infantil, Educación Primaria e Logopedia e tres en Educación Social. Nas Normas para o Plano de Organización Docente da UDC especifícase que a docencia interactiva debe concretarse en actividades tipo seminarios, debates e prácticas. O profesorado escollerá a opción que mellor se axuste a súa docencia. 1 Aprobada na Xunta de Facultade do XX/XX/2017 1

2 4. Tanto na Opción A como na Opción B, a distribución do alumnado entre os grupos expositivos/interactivos, será establecido polo profesor da materia, tentando sempre que os grupos estean compensados en número de compoñentes, e de ser posible adoptando o criterio de orde alfabética. 5. Opción A: O peso da docencia expositiva e interactiva en cada materia pode oscilar entre o 40% e o 60%, é dicir, entre 17 e 25 horas para as materias de seis créditos, en función da súa natureza e do criterio do profesorado. Convén ter presente que por cada hora de docencia expositiva da que se prescinda (dentro do intervalo dun mínimo de 17 e un máximo de 25 horas), haberá que impartir tres interactivas (catro en Educación Social), e que se se opta por menos de 21 horas de clase expositiva, pode haber problemas de calendario para impartir as interactivas. Opción B: O peso da docencia expositiva e interactiva en cada materia pode oscilar entre o 40% e o 60%, é dicir, entre 17 e 25 horas para as materias de seis créditos, en función da súa natureza e do criterio do profesorado. 6. O profesorado responsable dunha materia, terá liberdade para organizar unha ou dúas actividades co tamaño que considere máis axeitado para a súa docencia, sempre que respete o número de horas expositivas e interactivas que ten que recibir o alumnado e as que ten que impartir o profesorado. 7. Nos horarios figuran catro sesións de clase semanais de hora e media de duración para cada materia en Educación Infantil, Educación Primaria e Logopedia, e cinco en Educación Social. Terceiro Curso de Educación Infantil e Educación Primaria 1. Para as materias obrigatorias de seis créditos rexerán os mesmos criterios que en primeiro e segundo. Para as dúas materias anuais de 9 créditos de Educación Primaria as clases presenciais serán de 32 horas por cuadrimestre para o alumnado e de 64 para o profesorado. 2. Nas materias optativas desaparece a diferenciación entre grupo A e B, de xeito que haberá un único grupo por materia, con un grupo de docencia expositiva. O número de subgrupos de docencia interactiva, segundo o Plan Docente Anual, será en función do número de matriculados no curso anterior. Ao teren todas as optativas 4,5 créditos, en función do número de subgrupos, nos horarios terán asignadas 16 horas por cada grupo expositivo e 15,5 horas por cada grupo interactivo asignado no 2

3 POD (31,5, 47 ou 62,5 horas) de clase presencial para o profesorado e 31,5 para o alumnado (7 por crédito). Así pois, o peso da docencia expositiva e interactiva en cada materia poderá oscilar entre 19 e 13 horas. 3. No segundo cuadrimestre ocuparanse cinco semanas co Practicum I, reducíndose aproximadamente a dez as semanas de clase, polo que cómpre incrementar o número de horas das materias obrigatorias e optativas na proporción que corresponda. Terceiro de Logopedia 1. Para as materias obrigatorias de seis créditos rexerán os mesmos criterios que en primeiro e segundo do Opción A, agás no relativo ao número de grupos interactivos, que serán dous e non tres. 2. Nas materias optativas o número de subgrupos de docencia interactiva, segundo o Plan Docente Ao teren todas as optativas 4,5 créditos, en función do número de subgrupos, nos horarios terán asignadas 16 horas por cada grupo expositivo e 16 horas por cada grupo interactivo asignado no POD (31,5 ou 47 horas) de clase presencial para o profesorado e 31,5 para o alumnado (7 por crédito). Así pois, o peso da docencia expositiva e interactiva en cada materia poderá oscilar entre 19 e 13 horas. 3

4 3. O Practicum I desenvolverase ao longo do segundo cuadrimestre en horario de tarde nas aulas clínicas da facultade. Terceiro de Educación Social 1. Para as materias obrigatorias de seis créditos rexerán os mesmos criterios que en primeiro e segundo seguindo a modalidade A ou B, agás no relativo ao número de grupos interactivos, que serán tres e non catro (Modalidade A) ou dous expositivos e dous interactivos (Modalidade B). 2. Nas materias optativas o número de subgrupos de docencia interactiva, segundo o Plan Docente Ao teren todas as optativas 6 créditos, en función do número de subgrupos, nos horarios terán asignadas 21 horas por cada grupo expositivo e 21 horas por cada grupo interactivo asignado no POD (42 ou 63 horas) de clase presencial para o profesorado e 42 para o alumnado (7 por crédito). Así pois, o peso da docencia expositiva e interactiva en cada materia poderá oscilar entre 25 e 17 horas. 3. No segundo cuadrimestre ocuparanse cinco semanas co Practicum I, reducíndose aproximadamente a dez as semanas de clase, polo que cómpre incrementar o número de horas das materias obrigatorias e optativas na proporción que corresponda. Cuarto Curso de Educación Infantil e Educación Primaria 1. No primeiro cuadrimestre concentrarase o Practicum II. 4

5 2. Nas materias optativas o número de subgrupos de docencia interactiva, segundo o Plan Docente Ao teren todas as optativas 4,5 créditos, en función do número de subgrupos, nos horarios terán asignadas 16 horas por cada grupo expositivo e 15,5 horas por cada grupo interactivo asignado no POD (31,5, 47 ou 62,5 horas) de clase presencial para o profesorado e 31,5 para o alumnado (7 por crédito). Así pois, o peso da docencia expositiva e interactiva en cada materia poderá oscilar entre 19 e 13 horas. 3. O Traballo de Fin de Grao (TFG), con 6 créditos, impartirase durante o segundo cuadrimestre, xunto coas materias optativas. Cuarto de Logopedia 1. Para as materias obrigatorias de 6 créditos rexerán os mesmos criterios que en terceiro. 2. Nas materias optativas o número de subgrupos de docencia interactiva, segundo o Plan Docente Ao teren todas as optativas 4,5 créditos, en función do número de subgrupos, nos horarios terán asignadas 16 horas por cada grupo expositivo e 16 horas por cada grupo interactivo asignado no POD (31,5 ou 47 horas) de clase presencial para o profesorado e 31,5 para o alumnado (7 por crédito). Así pois, o peso da docencia expositiva e interactiva en cada materia poderá oscilar entre 19 e 13 horas. 5

6 3. No segundo cuadrimestre concentrarase o Practicum II. 4. O Traballo de Fin de Grao (TFG), con 10 créditos, impartirase durante o segundo cuadrimestre, xunto co Practicum II. Cuarto de Educación Social 1. No primeiro cuadrimestre concentrarase o Practicum II. 2. Nas materias optativas o número de subgrupos de docencia interactiva, segundo o Plan Docente Ao teren todas as optativas 6 créditos, en función do número de subgrupos, nos horarios terán asignadas 21 horas por cada grupo expositivo e 21 horas por cada grupo interactivo asignado no POD (42 ou 63 horas) de clase presencial para o profesorado e 42 para o alumnado (7 por crédito). Así pois, o peso da docencia expositiva e interactiva en cada materia poderá oscilar entre 25 e 17 horas. 3. O Traballo de Fin de Grao (TFG), con 6 créditos, impartirase durante o segundo cuadrimestre, xunto coas materias optativas. 6

7 Horarios 1. En Educación Infantil, Educación Primaria e Logopedia, as clases serán maioritariamente pola mañá, a non ser no 2º cuadrimestre de terceiro e cuarto de Educación Infantil, no 1º cuadrimestre de terceiro e no 2º de cuarto de Educación Primaria, e no 1º cuadrimestre de cuarto de Logopedia, en que serán en horario de mañá e tarde, por mor das optativas. En Educación Social, e agás no 1º cuadrimestre de terceiro, as clases terán que ser sempre en horario de mañá e tarde, debido a que a matrícula incrementa o número de subgrupos interactivos. 2. Para conseguir unha docencia presencial de sete horas por crédito, en terceiro e cuarto os módulos horarios poderán ser de 1, 1,5 ou 2 horas, en función do número de créditos de cada materia, o número de grupos de docencia interactiva e o número de semanas de clase de cada un dos cuadrimestres. 3. Cando a totalidade das materias optativas dun curso non poidan impartirse exclusivamente pola mañá, terán cando menos unha sesión de clase pola mañá e outra pola tarde, para procurar así que os horarios non distorsionen, de seu, a matrícula media por materia. 4. Non se poderá fixar o horario definitivo das materias optativas ata que se coñezan os datos da matrícula, pois deberá ser axustado no caso de que finalmente esta sexa inferior a 30 ou superior a 60. Encargos de docencia As materias dos graos encargaranse ás áreas de coñecemento ás que se adscribiron en primeira instancia pola Xunta de Facultade. Practicum I: Educación Infantil encargarase ás áreas de coñecemento de Didáctica e Organización Escolar, Psicoloxía Evolutiva e da Educación, Teoría e Historia da Educación e Métodos de Investigación e Diagnóstico en Educación. Educación Primaria encargarase ás áreas de coñecemento de Didáctica e Organización Escolar, Psicoloxía Evolutiva e da Educación, Teoría e Historia da Educación,Métodos de Investigación e Diagnóstico en Educación e Didáctica da Lingua e a Literatura. Educación Social encargarase ás áreas de coñecemento de Teoría e Historia da Educación, Didáctica e Organización Escolar, Métodos de Investigación e Diagnóstico en Educación, Psicoloxía Evolutiva e da Educación e Psicoloxía Social. Logopedia encargarase ás áreas de coñecemento Métodos de investigación e diagnóstico en educación, Didáctica e organización escolar, Metodoloxía das ciencias do comportamento, 7

8 Personalidade, avaliación e tratamento psicolóxicos, Psicobioloxía, Psicoloxía básica, Psicoloxía evolutiva e da educación, Medicina, Otorrinolaringoloxía, Anatomía e embrioloxía humana e Fisioloxía. Practicum II e TFG: Educación Infantil encargarase ás áreas de coñecemento de Didáctica da expresión corporal, Didáctica da expresión musical, Didáctica da expresión plástica, Didáctica da lingua e a literatura, Didáctica da matemática, Didáctica das ciencias experimentais, Didáctica das ciencias sociais, Didáctica e organización escolar, Métodos de investigación e diagnóstico en educación, Personalidade, avaliación e tratamento psicolóxicos, Psicoloxía evolutiva e da educación e Teoría e historia da educación. Educación Primaria encargarase ás áreas de coñecemento de Didáctica da expresión corporal, Didáctica da expresión musical, Didáctica da expresión plástica, Didáctica da lingua e a literatura, Didáctica da matemática, Didáctica das ciencias experimentais, Didáctica das ciencias sociais, Didáctica e organización escolar, Métodos de investigación e diagnóstico en educación, Psicoloxía evolutiva e da educación e Teoría e historia da educación. Educación Social encargarase ás áreas de coñecemento de Teoría e Historia da Educación, Didáctica e Organización Escolar, Métodos de Investigación e Diagnóstico en Educación, Psicoloxía Evolutiva e da Educación e Psicoloxía Social. Logopedia encargarase ás áreas de coñecemento Métodos de investigación e diagnóstico en educación, Didáctica e organización escolar, Metodoloxía das ciencias do comportamento, Personalidade, avaliación e tratamento psicolóxicos, Psicobioloxía, Psicoloxía básica, Psicoloxía evolutiva e da educación, Medicina e Otorrinolaringoloxía. Para o TFG engádense as anteriores as áreas de: Anatomía e embrioloxía humana e Fisioloxía. Docencia en Inglés As materias que forman parte do programa de docencia en inglés contarán cun grupo expositivo e outro interactivo. No caso das materias de Formación Básica e Obrigatorias en que se oferte un grupo en galego/castelán e un grupo en inglés a opción B recollida nesta normativa será a mais indicada. Tal e como se recolle na Normativa reguladora da docencia en inglés nas titulacións da UDC, o grupo en inglés só se impartirá de ter dez estudantes matriculados. No caso de non chegar a este número, a materia pasará a impartirse na lingua habitual. De ter estudantes Erasmus matriculados na materia, que non queiran mudar ao grupo galego/castelán, terán a opción de recibir a docencia a través da modalidade de titorías. 8

9 Normas xerais 1. Opción A: O profesorado precisará a comezos de cada cuadrimestre o horario da docencia expositiva para todo o grupo e da interactiva para cada un dos subgrupos. Estes horarios comunicaranse ao alumnado e ao decanato ao longo da primeira semana de clase. Opción B: O profesorado precisará a comezos de cada cuadrimestre a composición dos grupos, o horario da docencia expositiva para todo o grupo e da interactiva para cada un dos subgrupos. Estes horarios comunicaranse ao alumnado e ao decanato ao longo da primeira semana de clase. 2. Non se pode alterar o número de horas de clase presencial que debe recibir o alumnado nin aumentar ou diminuír o número de grupos de docencia interactiva. 3. O profesorado publicará a comezos de cada cuadrimestre o seu horario de titoría no taboleiro do seu despacho, na intranet da Facultade e na aplicación As miñas titorías da UDC do servizo de Espazos UDC, tendo que coincidir nos tres sistemas. 4. O sistema de avaliación do alumnado será o establecido na guía docente de cada unha das materias. No caso do alumnado que teña concedida a matrícula a tempo parcial seguirase a Norma que regula o réxime de dedicación ao estudo dos estudantes de grao na Universidade da Coruña. 5. O prazo para que se elaboren ou modifiquen as guías docentes por parte do profesorado será o establecido pola Vicerreitoría de Oferta Académica e Innovación Docente. A Vicerreitoría lembra que as competencias non se poden modificar, aínda que si mellorar a súa redacción; os contidos deberían manterse tal como aparecen nas Memorias de verificación de cada título, aínda que poden modularse (intensificarse, reducirse); a planificación, a metodoloxía e a avaliación están menos sometidas a restricións. As guías docentes deberán ser aprobadas nos prazos e seguindo os procedementos indicados pola UDC. 6. O profesorado Coordinador/a de cada curso realizará as funcións asignadas pola Xunta de Facultade 7. O Profesor/a Responsable de Titulación realizará as funcións asignadas pola vicerreitoría correspondente. 9