CONTRATOS-PROGRAMA Información xeral sobre a convocatoria

Transcrição

1 CONTRATOS-PROGRAMA Información xeral sobre a convocatoria 1. Que se pretende con esta convocatoria? A Resolución pretende acoller, baixo un marco único, a todos aqueles programas que se veñen desenvolvendo nos centros educativos co obxectivo de lograr unha educación de calidade para todo o alumnado, desenvolver o máximo posible as súas capacidades, buscar a excelencia e, en definitiva, contribuír á mellora da calidade do sistema educativo de Galicia. A Consellería de Educación e Ordenación Universitaria aposta pola autonomía pedagóxica, de organización e de xestión dos centros, na procura da mellora continua da educación e o uso eficiente dos recursos. O centro educativo analizará as súas fortalezas e debilidades e proporá medidas específicas de actuación, de xeito que o programa que se elabore dea resposta ás súas necesidades reais. O programa que se presente referirase a unha ou varias das seguintes liñas de actuación: 1. Reforzo, orientación e apoio. 2. Mellora da lectura, escritura e cálculo. 3. Mellora da convivencia. 4. Redución do abandono escolar. 5. Mellora do nivel de coñecementos para acadar a excelencia. 2. Fichas informativas sobre as cinco actuacións que se ofertan. 1. Reforzo, orientación e apoio. Esta actuación xa se viña desenvolvendo dentro do PROA, que ía dirixido ao alumnado do 3º ciclo de primaria e do 1º ciclo da ESO. Esta nova versión do programa de reforzo, orientación e apoio abranguerá ao alumnado de 2º e 3º ciclo de primaria e da ESO, e nela daráselle unha maior relevancia ás accións dirixidas á mellora dos resultados académicos do alumnado con desvantaxe socioeducativa. Permanecerán as dúas versións do anterior programa: acompañamento escolar fóra do horario lectivo e apoio e reforzo en educación secundaria obrigatoria.

2 1.1. Acompañamento escolar fóra do horario lectivo. Con esta actuación preténdese mellorar as perspectivas escolares do alumnado con dificultades, a través do traballo ou apoio organizado para a adquisición das destrezas básicas que lle faciliten a incorporación plena ao ritmo de traballo ordinario e ás esixencias das diferentes materias. Alumnado do 2º e 3º ciclos de educación primaria ou de educación secundaria obrigatoria que presenta dificultades e problemas de aprendizaxe, así como aquel con desvantaxe educativa polo contorno sociocultural no que se desenvolve. Potenciar a aprendizaxe e o rendemento escolar deste alumnado mediante: a adquisición de hábitos de organización e constancia no traballo; o alento ao estudo, propoñendo formas de traballo eficaces; a mellora en habilidades e actitudes asociadas á lectura; a mellora da súa integración social, no grupo e no centro; facilitar a integración no colexio ou instituto; favorecer a transición do colexio ao instituto; fornecer os coñecementos e destrezas nas áreas instrumentais Apoio e reforzo en educación secundaria obrigatoria. Está dirixida a optimizar o funcionamento e os resultados dos centros no seu conxunto, mellorando os resultados educativos tanto na cantidade como na calidade das aprendizaxes, así como na integración escolar do alumnado. Alumnado de educación secundaria obrigatoria. A mellora dos resultados do centro a través dun conxunto de actuacións que contribúan ao incremento na cantidade e calidade das aprendizaxes, na relación do alumnado co centro, na participación das familias e nas posibilidades educativas do contorno do centro. Para alcanzar

3 este obxectivo preténdese un cambio global no modo de organización e funcionamento do centro, xunto co apoio específico a algúns colectivos de alumnado. Para facilitar que o centro poida actuar nestes tres ámbitos indícanse unha serie de liñas de actuación destinadas a cada un deles. De entre elas, deberá seleccionar, polo menos, dúas das de atención directa ao alumnado, unha relacionada coas familias e outra relacionada co contorno. De entre as múltiples liñas de actuación que se poden desenvolver nos tres ámbitos, preséntanse a continuación as seguintes: 1. Atención directa ao alumnado: a. Transición primaria-secundaria. b. Desenvolvemento de capacidades-reforzo educativo. c. Biblioteca escolar. d. Convivencia escolar. 2. Intervención coas familias: a. Colaboración coas familias. b. Mediadores socioeducativos. 3. Intervención no contorno: a. Acompañamento escolar. b. Talleres de actividades extraescolares. c. Absentismo escolar. 2. Mellora da escritura, lectura e cálculo. Esta actuación incorporará todas aquelas medidas que incidan na mellora da escritura, lectura e cálculo, cando estas sexan detectadas como necesidades nun centro educativo, e sempre que non estean incluídas na actuación nº 1 (Reforzo, orientación e apio). Todo o alumnado das etapas de ensino obrigatorio. Identificar as dificultades e problemas do alumnado en relación coas técnicas instrumentais básicas.

4 Mellorar a competencia en comunicación lingüística e, en concreto, da lectura como medio para a aprendizaxe, promovendo o uso das bibliotecas e dos espazos comúns de aprendizaxe. Mellorar o nivel de adquisición da competencia lingüística e matemática de todo o alumnado nas etapas de ensino obrigatorio. Elevar os niveis de éxito escolar no ensino obrigatorio. Implicar aos pais, nais ou titores/as legais do alumnado na súa educación e nos procesos de ensino e aprendizaxe. 3. Mellora da convivencia. Un bo clima de convivencia nos centros educativos, baseado no respecto mutuo, é imprescindible para cumprir os fins da educación e permitir o aproveitamento óptimo dos recursos educativos. Esta actuación incluirá todas aquelas accións que repercutan e interveñan na mellora da convivencia, facendo fincapé en aspectos relevantes como: plans de acollida, acción titorial, mellora das habilidades sociais, mediación escolar, resolución pacífica de conflitos, mellora da intelixencia emocional e dinámicas de grupo, entre outros. Os centros educativos, e particularmente os que impartan a etapa de educación secundaria obrigatoria, con alumnado que presente alteracións do comportamento e/ou graves problemas de conduta. Identificar as dificultades e problemas do alumnado en relación coa convivencia. Lograr un axeitado clima de aula e de centro. Favorecer a atención educativa dos colectivos máis vulnerables, como o alumnado inmigrante ou o alumnado en risco de exclusión social. Mellorar a competencia social e cidadá do alumnado. Impulsar a participación colaborativa das familias e doutras institucións e entidades na mellora da convivencia escolar. 4. Redución do abandono escolar.

5 Con esta actuación trátase de mellorar a taxa de abandono escolar. Para isto desenvolveranse medidas específicas nas zonas con menor índice de graduación na ESO e maiores taxas de abandono escolar temperá. Alumnado de educación secundaria. Atender ao alumnado con menor motivación e capacidade para aprender, de xeito que se lle ofrezan respostas adaptadas ás súas posibilidades e intereses, para seguir avanzando na súa aprendizaxe e diminuíndo o risco de abandono ou desinterese. Identificar as dificultades do alumnado relacionadas co seu estilo de aprendizaxe e desenvolver actividades sobre técnicas de traballo intelectual. Mellorar a adquisición das competencias básicas no alumnado en risco de abandono escolar. Reducir os niveles de fracaso escolar no ensino obrigatorio. Favorecer a atención educativa dos colectivos máis vulnerables, como alumnado inmigrante ou alumnado en risco de exclusión social. Impulsar a colaboración efectiva entre a familia e a escola. Fomentar a participación de todo o alumnado nas actividades do centro, potenciando a motivación e o interese por continuar os estudos. Impulsar a coordinación entre organizacións e institucións do contorno para diminuír o abandono escolar prematuro. 5. Mellora do nivel de coñecementos para acadar a excelencia. Con esta actuación tratarase de dar resposta ao alumnado con maior capacidade e motivación para aprender. Supón unha medida de atención á diversidade na que se desenvolverán iniciativas de afondamento nos coñecementos, dirixidas ao alumnado de distintos centros do contorno. Estas iniciativas traduciranse na planificación de diferentes obradoiros, fóra do horario lectivo, nos que ao longo do curso se traballará de forma cooperativa nun proxecto, para obter un produto

6 final. O centro que presente un programa sobre esta actuación deberá incluír nos obradoiros a alumnado dos centros educativos do contorno. Alumnado do 2º e 3º ciclos de educación primaria e de educación secundaria que presentan unha destacada capacidade e motivación para aprender. Atender ao alumnado con maior motivación e capacidade para aprender, de xeito que se lle ofrezan respostas adaptadas ás súas posibilidades e intereses, para seguir avanzando na súa aprendizaxe e na adquisición de competencias. Mellorar os niveis de rendemento e resultados deste alumnado para desenvolver ao máximo o seu potencial de aprendizaxe e elevar con elo os niveis de excelencia do sistema educativo. Potenciar a adquisición de competencias a través do traballo por proxectos. Impulsar o interese do alumnado polo traballo cooperativo e de equipo. 3. Resposta ás preguntas máis frecuentes. 1. Que prazo hai para presentar as solicitudes de participación? O prazo remata o día 11 de xullo, incluído. 2. Que centros públicos poden participar? Centros de educación infantil e primaria. Centros de educación primaria. Centros públicos integrados. Institutos de educación secundaria. 3. Cantas actuacións se poden incluír nun mesmo programa? Pódense incluír no programa unha ou varias actuacións, en función das necesidades e circunstancias de cada centro e dos destinatarios.

7 4. Que proceso hai que seguir? 5. Que documentación ten que presentar o centro? Modelo de solicitude (Anexo I). Programa que se pretende desenvolver. Certificación de aprobación do programa polo consello escolar (Anexo II). Certificación de aprobación do programa polo claustro (Anexo III) 6. Quen elabora o programa? O programa será elaborado polo equipo directivo, coa metodoloxía que este estableza e coa implicación do departamento de orientación do centro. 7. Onde se presenta a solicitude e a documentación? A solicitude e demais documentación presentarase no rexistro único da Administración da Comunidade Autónoma de Galicia, edificio administrativo de San Caetano s/n, Santiago de Compostela, ou noutro rexistro propio ou concertado conforme o Decreto 164/2005, do 16 de

8 xuño, así como por calquera dos medios previstos no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común. 8. Cando se resolve a convocatoria? Unha vez rematado o proceso de preselección dos programas, publicarase a resolución provisoria no portal educativo ( e abrirase un prazo de 10 días naturais para efectuar reclamacións ou renuncias. A resolución definitiva dos centros seleccionados publicarase no portal educativo e no Diario Oficial de Galicia. 9. Que duración pode ter o contrato-programa? O contrato-programa poderá ser de carácter anual ou plurianual. 10. Ten algún tipo de recoñecemento para o profesorado a participación nos contratosprograma? Certificarase, como actividade de innovación educativa, a participación do profesorado no desenvolvemento dun contrato-programa. A Consellería poderá difundir as boas prácticas derivadas da aplicación dos programas, en función dos resultados do seu seguimento e avaliación. 11. Contarán os centros educativos con máis recursos para o desenvolvemento do programa? Para o desenvolvemento das actuacións establecidas no contrato-programa, a Consellería de Educación e Ordenación Universitaria dotará aos centros dos recursos considerados necesarios. Esta dotación estará condicionada polas posibilidades orzamentarias e pola xustificación dos recursos solicitados. 12. Que aspectos deben figurar no programa que se vai presentar? O programa deberá conter, polo menos, os seguintes aspectos: a) Razóns que xustificarían a actuación, cos indicadores e datos que procedan.

9 b) Medidas que se pretenden desenvolver e a súa temporalización. As medidas poderán comportar singularidades en canto a: - Horario de apertura e peche do centro. - Organización do currículo. - Organización e características dos recursos humanos. - Necesidades de formación do profesorado. - Asignación e/ou distribución de recursos materiais. - Modelo de xestión organizativa e pedagóxica que requiran as medidas de actuación. c) Logros que se perseguen e indicadores de medida temporalizados. Para a súa concreción teranse en conta indicadores como: - A taxa de éxito escolar nos distintos niveis ou etapas, tomando como referencia os resultados das avaliacións ordinarias e extraordinarias, da avaliación de diagnóstico e das PAU, entre outros. - A taxa de idoneidade do alumnado para cada un dos niveis de ensino obrigatorio. - A análise das necesidades educativas e socioeconómicas do contorno. - Os datos de inserción laboral, se procede. - Os resultados dos sistemas de xestión da calidade, se é o caso. d) Estratexias de coordinación entre centros na transición do alumnado de primaria a secundaria. e) Implicación das familias do alumnado, doutras institucións e de empresas, se é o caso. f) Colaboración da administración local e doutras administracións, se é o caso. g) Necesidade de novos recursos que implica a actuación, temporalizados. h) Proceso de seguimento e avaliación interna que se vai realizar de cada unha das actuacións. 4. Para máis información. Servizo de Ordenación, Innovación e Orientación Educativa: Teléfonos: Correo electrónico: xsoie@edu.xunta.es