Manual do director/a de cursos

Transcrição

1 Área de Posgrao Virtual

2 2

3 Índice de contidos 1. Introdución 4 2. Obxectivos 4 3. Acceder a Bubela 4 4. Menú de administración Listaxe de cursos Listaxe de edicións Consultar os datos dunha edición Eliminar unha edición Publicación dunha edición Preinscrición Matrícula Usuarios Especialidades Módulos Actas Enquisas Plantillas Documentos Documentos da edición Preferencias de actas Peche 17 3

4 Introdución Ao longo dos últimos anos asistimos a un aumento espectacular das tecnoloxías da información e das comunicacións que inflúen de xeito determinante na nosa vida cotiá. Son precisamente a ensinanza e a formación os campos que máis se están a beneficiar destas novas tecnoloxías, posto que son idóneas para achegar a educación a todo o mundo, independentemente da raza, sexo, clase social ou, particularmente, da localización xeográfica. As tecnoloxías da información e da comunicación crearon a posibilidade dunha nova forma de educación aberta e a distancia. Estas formas novidosas de comunicación están presentando a posibilidade de obviar tres aspectos: a presenza física, o factor tempo e o espazo para recibir a educación. Co fin de crear resposta ás novas necesidades e posibilidades, a Universidade de Vigo creou a Área de Posgrao Virtual, encargada de introducir as novas tecnoloxías na universidade. Un dos labores de máis interese foi a creación da aula virtual Bubela. A aula virtual Bubela funciona como unha plataforma de xestión académica en liña para administrar ou dirixir os diferentes cursos que a Universidade de Vigo pon ao dispor da comunidade universitaria e aos que se pode acceder a través de Internet. Neste espazo virtual cóntase con tres plataformas Maquía, Troina e Tarela para a elaboración dos cursos en liña. As posibilidades de cada unha delas aínda tendo todas puntos en común son diferentes. Será o profesorado quen decida cal mellor se adecúa ás súas necesidade e ás do seu alumnado. Obxectivos Este manual pretende ser unha axuda para os directores/as de cursos que empreguen a plataforma Bubela. O director/a é a persoa responsable dun curso (ou varios) e que xestiona todo o relacionado con el. Este manual, polo tanto, vai centrarse nas funcionalidades específicas para este rol: edicións, preinscricións, matriculacións, actas, módulos. As ferramentas que non atope desenvolvidas aquí (por ser comúns a directores/as e estudantes) pode consultalas no manual do alumnado. Acceder a Bubela Para acceder á Aula Virtual Bubela debe entrar primeiro na páxina da Área de Posgrao Virtual ( Aquí atopará o acceso á aula virtual no cadro Seccións, situado na banda esquerda da páxina principal. 4

5 Imaxe 1: cadro seccións APV Unha vez que se atopa na páxina de presentación de Bubela, o modo de entrar na aula varía segundo teña ou non xa conta de usuario/a. É fundamental que se fixe no cadro que atopará na esquerda da ventá: Imaxe 2: cadro acceso Se xa se inscribiu con anterioridade no sistema, só ten que introducir o seu nome de usuario e a súa clave no cadro Acceso. Prema Entrar e abriráselle unha ventá onde lle preguntarán con que rol quere entrar. 5

6 Imaxe 3: cadro cambio de rol Escolla o de director/a. A elección non é indiferente, xa que cada un dos roles alumno/a, profesor/a, director/a e administrador/a implica unhas posibilidades diferentes na aula. De todos os xeitos, se se equivoca non se preocupe, o rol poderá cambialo en calquera momento da sesión. Prema Entrar co rol seleccionado e xa estará dentro de Bubela. Menú de administración Este menú aparece só cando se entra co rol de director/a ou de administrador/a. Pode velo na banda esquerda da ventá, enriba do Menú de usuario. Imaxe 4: cadro menú de administración Listaxe de cursos A través da Listaxe de cursos accede aos cursos da aula virtual dos que vostede é director/a. Verá aquí o código, o nome, o tipo de curso, a área á que pertence e a data de alta de cada un dos cursos. Se preme no código dun dos cursos accederá á configuración dos datos dese curso. Imaxe 5: cadro dos datos do curso 6

7 Dende aquí pode facer os cambios que considere oportunos nos datos do curso (área, grupo de cursos, tipo de cursos, código, nome ou presentación), non esqueza premer en Gardar cambios cando remate de facer as modificacións. Listaxe de edicións Aínda que coa etiqueta se tentou ser o máis esclarecedor posible, quizais sexa adecuado especificar qué son as edicións. Cada un dos cursos pode ser un modelo creado non só para dar un curso nunha soa ocasión, senón para ser reutilizado cada ano, varias veces ao ano ou, incluso, organizar varios cursos idénticos simultaneamente. Coas edicións permíteselle poder traballar, asistir ou consultar cada unha das actualizacións do modelo base. Se preme na listaxe de edicións aparecen as edicións de todos os cursos dos que vostede é director/a na plataforma Bubela. Para consultar e/ou modificar as características de cada unha das edicións debe premer no código da que lle interese. Imaxe 6: cadro da configuración da edición Consultar os datos dunha edición A ventá Datos é a que se abre por defecto ao premer no código da edición. Debe ter en conta, por unha banda, que os datos Alta de usuario, Data de alta e Código son datos cotexados, isto é, non poden ser modificados. Tamén debe lembrar que aqueles campos que aparezan cun asterisco vermello código, nome e modalidade é obrigado cubrilos. De facer algún tipo de mudanza, prema Gardar cambios. 7

8 Eliminar unha edición Poderá eliminar aquí a edición que escolleu. Se se equivoca, non importa, antes de eliminala definitivamente, apareceralle unha mensaxe de confirmación da acción que terá que aceptar ou cancelar. Publicación dunha edición Na xanela que se abre, escollendo a opción Publicación, poderá describir todos os datos que estarán ao acceso do futuro estudante do curso ou de calquera interesado/a, ademais tamén poderá establecer o tempo en que estes datos e a edición van estar visibles para o público. Con esta información debe darlle unha idea ao usuario/a do que carreta esta edición. Isto é, estes datos son a tarxeta de presentación da súa edición. De todos os datos que lle aparecen publicación activa, data de comezo da publicación, data de fin da publicación, descrición, descrición longa, URL, obxectivos, destinatarios, condicións de acceso, criterios de selección, calendario, tipo de pagamento, programa, titulación, sistema de avaliación, só data de comezo da publicación é obrigatorio, aínda que lle recomendamos que dea a maior cantidade de información posible sobre a edición. Preinscrición Esta é a vía que ten para preinscribir estudantes nunha edición determinada. Ao premer nesta opción, ábreselle o seguinte cadro: Imaxe 7: cadro menú preinscrición Listaxe En primeiro lugar aparece a listaxe de preinscritos/as. Para facer máis accesibles os datos da listaxe, existe a opción de filtrar por. Con esta ferramenta, pode restrinxir a listaxe de preinscritos/as en función do seu estado (aceptados, rexeitados, pendentes de aceptación, etc.). Imaxe 8: cadro da opción Filtrar por Os datos que os acompañan son: o NIF, os apelidos, o nome, o seu estado, os datos da última modificación de estado e a opción de borrar a preinscrición ( ). Premendo no NIF do usuario/a, ábrese o seguinte cadro: 8

9 Imaxe 9: cadro do proceso de preinscrición do usuario/a Aquí pode consultar o estado actual da preinscrición dese usuario/a (aceptado, pendente, rexeitado, baixa...) e dalo de baixa se o desexa. Pola proximidade entre os termos, ten o seu interese esclarecer que se quere dicir con baixa en confronto con baixa do usuario. Mentres no primeiro estado é a administración ou o director/a quen dá ao usuario de baixa, no segundo o usuario/a dáse el mesmo de baixa. Tamén pode acceder aos seus datos (persoais e da área), aínda que non pode facer ningunha modificación. O que si pode cambiar son os módulos nos que está preinscrito ese usuario/a. A opción Cambio de estado manual permítelle cambiar a configuración do estado do proceso (aceptado, pendente de aceptación, rexeitado, baixa,...) e elixir se desexa ou non realizar a notificación por correo electrónico. Nova preinscrición A través desta opción poderá engadir un novo membro á listaxe de preinscritos. Terá que incluír algún parámetro que defina o futuro novo preinscrito/a no cadro de busca que se lle abre ou ben buscalo directamente na listaxe de usuarios/as de Bubela, premendo antes o botón Buscar. Unha vez teña localizado ao interesado/a, prema no seu NIF. Apareceralle de seguido unha ventá na que debe describir a relación do individuo que se vai preinscribir coa universidade. Prema Gardar cambios. O seguinte paso é escoller os módulos nos que lle interese ao estudante matricularse; pode que algúns xa aparezan marcados por defecto; estes son obrigatorios, non hai posibilidade de elixilos ou non. Garde os cambios e xa estará preinscrito/a na edición. Lembre que comezar un proceso de preinscrición non implica necesariamente a matrícula na edición. Este é un proceso que deberá comezar unha vez que a solicitude de preinscrición estea aceptada. Enviar correo A través da ventá de Preinscricións, escollendo a opción Enviar correo, poderá enviarlles un correo aos usuarios/as que estean no estado do proceso de preinscrición que predetermine. Imaxe 10: cadro selección de estado 9

10 Despois só terá que incluír o corpo da mensaxe no cadro de texto. É importante que lle dea un asunto á mensaxe. Deste xeito o receptor/a poderá decidir sobre o seu interese e non terá que desconfiar da orixe do texto. Configuración A configuración da preinscrición da edición pode ser consultada ou modificada premendo Configuración. Alí pódese saber se o proceso de preinscrición aínda está aberto (preinscrición activa), a data de comezo da preinscrición (dato obrigatorio), a data de fin das preinscricións, se o usuario/a pode preinscribirse el mesmo por Internet (preinscrición en liña), se a preinscrición é inmediata sen pasar por un estado de pendente de preinscrición (preinscrición automática), se se lle piden datos adicionais ao usuario/a e se se permite a matriculación por módulos (matriculación en módulo). Debe lembrar que, de non activar a caixa Preinscrición automática, o usuario/a non estará preinscrito despois de concluír a súa solicitude, senón no estado pendente de preinscrición. Estados O sistema establece, por defecto, seis estados nos que se pode atopar o usuario/a respecto do proceso de preinscrición: aceptado, baixa, baixa de usuario, pendente de aceptación, rexeitado e solicitude cancelada. Mais estes non son definitivos. Vostede poderá, a través de, modificar o nome do estado escollido e os seus datos básicos. Fíxese en que o único campo obrigatorio é o nome do estado. Causas de denegación Como pode ver, o solicitante de preinscrición nunha determinada edición pode ser rexeitado. As causas de denegación das solicitudes serán establecidas polo propio administrador/a ou director/a. Deberá darlle un código campo obrigatorio ao seu criterio de rexeitamento; tamén é recomendable que o especifique no cadro Descrición. Poderá eliminar calquera das causas cando queira, igual que pode incluír unha nova cando o considere, a través da opción Nova causa de denegación. Datos A última opción desta ventá, Datos, presenta os trazos definitorios do sistema: o nome, o tipo de dato, se está visible para o alumnado, se é obrigatorio e a orde en que aparece respecto dos restantes datos, no caso de existiren. Todos se poden mudar ou eliminar. Tamén pode crear un novo dato: lembre que o nome e o tipo de dato son campos obrigados. Documentos. Listaxes de admitidos/as-excluídos/as No caso de que vostede desexe xerar un documento coa listaxe de admitidos/as e excluídos/as no proceso de preinscrición do seu curso, prema en Xerar listado de admitidos/excluídos (previamente ten que ter seleccionada unha plantilla, para saber como se fai, lea o punto titulado Plantillas Documentos ). Por último, se preme sobre o nome da plantilla, xerarase o documento correspondente á listaxe de admitidos/excluídos. Se quere eliminala prema na icona que aparece na parte dereita da pantalla. 10

11 Matrícula Esta opción ten moitos puntos en común coa preinscrición. A razón é evidente: estas dúas accións son fases sucesivas dun mesmo proceso. Ao escoller Matrícula apareceralle o seguinte cadro: Imaxe 11: cadro menú matrícula Listaxe En primeiro lugar aparece a listaxe de solicitudes de matrícula. Ao igual que nas preinscricións, temos a ferramenta das filtraxes por estado (pode restrinxir a listaxe de matriculados/as en función do seu estado). Os datos que acompañan aos solicitantes de matrícula son: o NIF, os apelidos, o nome, o seu estado, os datos da última modificación e a opción de borrar a solicitude de matrícula. Nova matrícula Con nova matrícula poderá engadir un novo membro na listaxe de solicitude de matrícula. É preciso que antes estea aceptado/a na preinscrición do curso; se xa o está, só terá que seleccionar ao interesado/a na listaxe de preinscritos que lle desenvolven. Tamén poderá matricular directamente a todos os preinscritos/as no curso coa opción Matricular todos os preinscritos/as. Enviar correo A través da ventá de Matriculación, escollendo a opción enviar correo, poderá enviarlles un correo aos usuarios/as que estean no estado de matriculación que vostede predetermine. Despois só terá que incluír o corpo da mensaxe no cadro de texto. É importante que lle dea un asunto á mensaxe. Deste xeito o receptor/a poderá decidir sobre o seu interese e non terá que desconfiar da orixe do texto. Configuración A configuración da matrícula en cada edición pode ser consultada ou modificada escollendo este cadro. Aquí pódese saber se está aberto o proceso de matriculación (matrícula activa), a data de comezo da matrícula (dato obrigatorio), a data de fin da matriculación, se o usuario/a pode matricularse el mesmo por Internet (matrícula en liña), se a matriculación é inmediata sen pasar por un estado de pendente de matriculación (matrícula automática), se se lle piden datos adicionais ao usuario/a e se se permite a matriculación por módulos (matriculación en módulo). Debe lembrar que, de non activar a caixa Matrícula automática, cando o usuario/a remate a solicitude de matrícula non estará matriculado, senón no estado pendente de matriculación. Estados 11

12 O sistema establece, por defecto, seis estados nos que se pode atopar ao usuario/a respecto do proceso de matriculación: aceptado, baixa, baixa de usuario, pendente de aceptación, rexeitado e solicitude cancelada. Pero estes non son definitivos. Vostede poderá, a través de, modificar o nome do estado escollido e os seus datos básicos. Fíxese en que o único campo obrigatorio é o nome do estado. Lembramos que a diferenza entre baixa e baixa do usuario radica en que no primeiro caso é a administración ou o director/a quen dá o usuario de baixa, no segundo o usuario/a dáse el mesmo de baixa. Causas de denegación As causas de denegación serán establecidas polo propio administrador/a ou director/a son os únicos tipos de usuario que teñen opción de entrada no menú de administración. Deberá darlle un código campo obrigatorio ao seu criterio de exclusión que tamén é recomendable que a especifique no cadro Descrición. Poderá eliminar calquera das causas cando queira. Igual que pode incluír unha nova cando o considere, a través da opción Nova causa de denegación. Datos Neste comando preséntanse os trazos definitorios do sistema: o nome, o tipo de dato, o seu carácter obrigatorio, a súa visibilidade para o alumnado e a orde en que aparece a respecto dos restantes datos, de existiren. Todos se poden mudar ou eliminar. Tamén pode crear un novo dato: lembre que o nome e o tipo de dato son campos obrigados. Documentos. Listaxes de admitidos/as-excluídos/as e de asistentes No caso de que vostede desexe xerar un documento coa listaxe de admitidos/as e excluídos/as no proceso de matrícula do seu curso, prema en Xerar listado de admitidos/excluídos (previamente ten que ter seleccionada unha plantilla, para saber como se fai, lea o punto titulado Plantillas Documentos ). Tamén ten dispoñible a ferramenta de filtrar por (pode restrinxir a listaxe en función do tipo de documento). Imaxe 12: cadro para xerar listaxes de admitidos/exluídos e de asistentes Por último, se preme sobre o nome da plantilla, xerarase o documento correspondente á listaxe de admitidos/excluídos. Se quere eliminala prema na icona que aparece na parte dereita da pantalla. Outra opción é crear un documento coa lista de asistentes ao curso. Tamén desde o enlace matrícula, prema en Documentos e logo en Xerar listado de asistentes. Escolla a plantilla premendo no seu nome (se precisa visualizala previamente pode facelo premendo na icona de visualización ). Pode que se soliciten algúns datos (como a data e o responsable do documento) que debe encher. Cando remate o sistema 12

13 remitirao de novo a Documentos e desde aí xa poderá imprimir esta plantilla se o desexa (prema sobre o seu nome). Documentos (Diplomas) A última opción da ventá Matrícula é Diplomas. Aquí dispón de diferentes modelos para os seus diplomas; poderá recuperalos cando o considere. Tamén poderá engadir novos modelos de diplomas a través de Alta de diplomas (ver punto deste manual). Usuarios Ao premer en Usuarios, a aplicación diríxeo á pestana dos Usuarios normais que contén información relacionada con todos os tipos de usuarios/as da edición. Nesta pestana, lístanse todos os alumnos/as que nalgún momento formaron parte do proceso de preinscrición. Se preme nos apelidos, a aplicación levarao a outra xanela onde están os documentos dese usuario/a para a edición en curso. Alén dos Usuarios normais, vostede tamén poderá ver as listaxes dos Profesores e Directores da edición así como dar de alta cada un deles. Para axudalo nas procuras dos usuarios/as, pode empregar a ferramenta de Buscas onde se lle facilitan criterios de procura dos mesmos. Especialidades Nesta xanela poderá vera listaxe das especialidades asociadas a esta edición. A súa existencia estará condicionada pola diversificación dos contidos da edición. Tamén terá a opción de engadir unha nova se cumprise na pestana Nova especialidade. Módulos Os módulos dunha edición son as partes nas que se divide o curso. Cando prema nesta opción, aparecerán todos os módulos da edición. Os datos que os acompañan son: código, nome, tipo de módulo, a súa obrigatoriedade, os créditos con que conta, o número de alumnos/as e o seu custo. A configuración de cada módulo pode ser mudada ao premer no seu nome. Ábrese entón unha ventá con todos os seus datos que pode modificar ou suprimir como lle pareza. Só son obrigatorios o nome, o código e o tipo de módulo. Pode, nesta mesma ventá de configuración do módulo, borralo coa opción Eliminar. Se se equivoca, non se preocupe, sempre aparecerá unha mensaxe de confirmación da acción que pode aceptar ou cancelar. Tamén poderá crear un novo módulo co botón Novo módulo. Cubra os datos que lle solicitan código, nome, tipo (caudrimestral ou anual) e elixa se vai ser un módulo obrigatorio ou non. Prema Aceptar e xa ten o novo módulo creado. A cada módulo están asociadas actas. Coa opción Actas pode ver todas aquelas que están vencellados ao módulo que abriu. Poderá modificar os datos das actas: nome, formato da cualificación, o seu carácter (se é publicable e se está bloqueada ou non) e o seu estado. Tamén poderá eliminalas. De querelo, pode crear unha nova acta co botón Nova acta. Os dous campos nome e formato da cualificación da acta son obrigatorios. 13

14 Actas Amosa as actas do sistema. As posibilidades e o modo de xestionalas son idénticas ao descrito nas actas dos módulos [véxase apartado anterior]. Enquisas Escollendo esta caixa, amósanse as listaxes das enquisas rexistradas na edición do seu curso (no caso de que existan). Os datos que se poden ver nesta primeira ventá son: o nome, a asociación, o creador, o rol destino, as respostas e a data de creación da enquisa. No fondo da páxina, aparecen as iconas xunto da correspondente lenda indicadoras do estado actual da enquisa. Imaxe 13: cadro menú de estado de enquisa Nova enquisa Se o que desexa é crear unha nova enquisa, debe premer Nova enquisa. Para dala de alta debe cubrir os campos que lle aparecen: nome e descrición. Se prefire escribir a descrición nun editor de texto prema na icona (daralle a opción de cambiar o tipo de letra, o tamaño, etc.). Ao rematar pode visualizar o que escribiu premendo sobre a icona. Prema en Gardar, agora ten que encher outros datos importantes para a edición dunha nova enquisa, como: se desexa que estea activa (esta opción debe activala cando remate de elaborar a totalidade da súa enquisa), a data de comezo/finalización da enquisa, a data de comezo/fin de publicación dos resultados e o tipo de destinatario que pode enchela (calquera usuario, administradores/as, estudantado, directores/as do curso ou profesorado). Prema en Gardar cambios cando remate. O seguinte paso é crear as preguntas para esa enquisa. Prema entón na pestana Listaxe de preguntas e, a continuación, en Nova pregunta. 14

15 Imaxe 14: cadro para a edición dunha enquisa e formulario dunha nova pregunta Nesta ventá ten que encher os datos básicos sobre a nova pregunta (nome, enunciado e tipo de pregunta), cando remate prema en Aceptar e na seguinte xanela seleccione as opcións de resposta para esa pregunta. Prema en Opcións de resposta e logo en Asociar un modelo ou Nova opción, dependendo se vostede quere empregar un modelo xa existende en Bubela ou crear un propio. No primeiro caso, prema en Asociar un modelo, apareceralle a listaxe de respostas, seleccione a que lle interesa premendo no seu nome e responda afirmativamente á seguinte pregunta se desexa dala de alta. Neste momento xa ten elaborada a primeira pregunta da súa enquisa, continúe co mesmo proceso ata que remate de elaborar a enquisa. Modelos de opcións Nesta opción pode acceder aos modelos de respostas para as enquisas que haxa na edición. Se preme no nome da resposta poderá editala de novo (prema en Datos do modelo ) e cambiar o nome do modelo e a descrición. Para eliminar algún dos modelos de respostas de tipo usuario, prema na icona que aparece na parte dereita ( ). Plantillas Documentos A través da listaxe de edicións, pode xerar diferente documentación administrativa como listaxes de admitidos/excluídos, diplomas e certificados de asistencia, actas e etiquetas. Vostede pode elaborar un modelo para calquera tipo de documentación que desexe xerar, nós encargámonos de dala de alta. Pero tamén conta coa posibilidade de xerar documentación a partir das plantillas xa creadas pola APV. Pode consultar cada un dos modelos premendo primeiro en Plantillas documentos e, a continuación, na opción [Alta plantilla]. 15

16 Imaxe 15: cadro para dar de alta unha plantilla Se desexa visualizar previamente algunha das plantillas pode facelo premendo na icona de visualización que aparece na parte dereita da pantalla. Para seleccionar a plantilla (ou plantillas) que desexa empregar, prema directamente sobre o seu nome e xa estará seleccionada. Diplomas e certificados de asistencia Para xerar diplomas e certificados de asistencia, debe premer na opción matrícula, a continuación en Documentos (Diplomas) e logo en Alta de diplomas. Imaxe 16: cadro para dar de alta un diploma Aquí debería aparecer a plantilla que vostede elixiu previamente para xerar os seus diplomas ou certificados de asistencia. É posible que cando prema sobre o nome da plantilla se soliciten uns datos obrigatorios para xerar o documento (se é así é porque estes datos non aparecen rexistrados en Bubela), como a data de expedición, inicio, finalización do curso, horas de docencia... Cando cubra estes datos, o sistema remitirao a Documentos (Diplomas) desde onde pode descargar cada un dos diplomas do alumnado do seu curso (prema sobre o nome do documento e este abrirase). Para xerar certificados de asistencia o proceso é o mesmo, coa excepción que o modelo de plantilla seleccionado é diferente. Actas Para a xeración de actas ten que premer, primeiro, en Actas, logo en Plantillas Documentos e, despois, prema no nome da plantilla que escolleu previamente. A continuación, se lle solicitan uns datos para a xeración das actas (os que están marcados con asterisco vermello son obrigatorios). Cando remate, se desexa imprimir o documento que creou, prema na opción Documentos da edición e no nome do documento das actas. Etiquetas Tamén pode crear etiquetas para envíos postais, prema en Documentos da edición e logo en Alta etiquetas, aquí pode seleccionar o modelo de etiqueta que desexa (se precisa visualizala previamente pode facelo premendo na icona de visualización ). Prema sobre o nome da plantilla que lle interesa e en Documentos da edición xa aparece o documento xerado para as etiquetas, prema sobre el cando desexe imprimilo. Documentos da edición Nesta pestana terá a posibilidade de ver unha listaxe con todos os documentos pertencentes á edición clasificados por tipo. Ademáis, disporá da posibilidade de filtrar por tipo de documento para axudalo nas buscas. Alén disto, poderá dar de alta informes e etiquetas nas pestanas Alta informes e Alta etiquetas, respectivamente. 16

17 Preferencias de actas Despois de premer nesta caixa aparece unha ventá onde, na parte superior, atopa o seguinte cadro: Imaxe 17: cadro menú formato de cualificacións das actas Nesa mesma páxina está a listaxe de todos os formatos de cualificación creados. Os datos que amosa esta primeira listaxe son: nome, descrición e tipo. A descrición é útil se quere incluír algún trazo que singularice un formato de cualificación doutro calquera. Pode incluír outro formato coa opción Novo formato. Deberá incluír o nome do formato e a descrición campos obrigatorios. Cando remate, prema Aceptar. Peche Esperamos que lle fora de utilidade este manual. Se desexa obter información sobre o menú de usuario consulte o manual do alumnado. Para calquera información, dúbida ou suxestión non dubide en empregar o cadro de suxestións ou de pórse en contacto connosco a través do teléfono ou do enderezo que pode atopar na nosa páxina ( 17