INDICE INTRODUCCIÓN.3 ACTIVIDADES POR GRUPOS DE IDADE.5 CLASES O A 1.5. Introducción Actividades Conclusión CLASES 1 A 2 18

Transcrição

1 CURSO

2 INDICE INTRODUCCIÓN.3 ACTIVIDADES POR GRUPOS DE IDADE.5 CLASES O A 1.5 Introducción Actividades Conclusión CLASES 1 A 2 18 Introducción Actividades Conclusión CLASES 2 A 3.31 Introducción Actividades Conclusión 2

3 1.- INTRODUCCIÓN A Escola Infantil Municipal O BOSQUE está situada na estrada que vai de Bertamiráns a Negreira, moi preto do centro urbán ( Av. da Peregrina, nº 28- BEERTAMIRANS).Pódese acceder a ela tanto a pé coma en coche. Neste curso matriculáronse 117 nen@s distribuídos nas seguintes unidades: Dúas unidades de 0 a 1 ( 17 nen@s) Tres unidades de 1 a 2 ( 40 nen@s) Tres unidades de 2 a 3 (60 nen@s) Ademais das aulas cos seus correspondentes aseos, a escola dispón doutras dependencias, dedicada aos nen@s ou a servizos xerais, que numeradas son as seguintes: Sa de berces Patio exterior e interior Comedor e cociña Lavandería e almacén Aseos persoal Sala para titorías Aula de psicomotricidade. A idade mínima de ingreso na escola é de 3 meses e poden permanecer nela ata os 3 anos sempre que o nen@ os cumpra despois do 31 de decembro. O horario da escola é de 7:45 a 20:15, aínda que os nenos/as non poden permanecer por un período superior as 8 horas excepto caos xustificados. Nos meses de Xullo e Agosto o horario da escola é de 7:45 a 18:00 Os horarios de comedor durante este curso foron: -Almorzo: de 7:30 a 9:00 -Xantar: de 12:00 a 13:15 en dúas quendas -Merenda : de 16:30 a 17:15 Cubríronse todas as prazas de comedor en todos os grupos de idade tanto para o almorzo como para a merenda, e fíxose o esforzo de atender todas as solicitudes nas que se pedía praza de comedor e merenda. 3

4 2.-ACTIVIDADES POR GRUPOS DE IDADES CLASES 0-1 ANOS INTRODUCCIÓN: O grupo de idade de 0 a 1 anos na Escola Infantil Municipal O Bosque estivo dividido ó longo deste curso en dúas clases distribuídos por orde alfabética: A clase A : rematou o curso con 8 nen@s,dos que 1 estivo a media xornada e 7 a xornada completa. A clase B : rematou o curso con 9 nen@s,dos que 2 estiveron a media xornada e 7 a xornada completa. Sempre que comezan o curso partimos dunha programación anual onde imos deixar clara a nosa proposta de traballo a seguir ó longo do ano. Despois cada trimestre facemos outra programación trimestral na que se concreta e especifica máis claramente obxectivos e actividades a realizar neses meses. Xa nos atopamos a finais de curso e con esta memoria pretendemos recoller todo o traballo realizado ó longo de todo este ano. Cando empezamos en setembro atopámonos con nen@s que eran aínda bebés e que tiñan as súas capacidades moi limitadas, pero a medida que ía pasando o tempo fomos comprobando do que eran capaces de facer e do rápido que evolucionaban en tódolos aspectos. A continuación recollemos o noso traballo na clase de maneira resumida clasificándoo por trimestres: PRIMEIRO TRIMESTRE: SETEMBRO : PERÍODO DE ADAPTACIÓN. 4 Empezámolo curso con 18 nen@s con idades comprendidas entre os 5 e 8 meses.neste primeiro mes a súa incorporación á escola fíxose de maneira progresiva e os primeiros días permaneceron moi pouco tempo co fin de irse familiarizando co novo ambiente e a medida que ían transcorrendo os días fomos aumentando o tempo de permanencia na escola en función de cómo ía sendo o comportamento do nen@. Utilizamos este período para observar o momento evolutivo no que se atopaba cada nen@ e así poder iniciar o noso traballo de estimulación das súas capacidades. Ó longo deste período o noso principal obxectivo foi satisfacelas necesidades básicas:

5 Tanto as biolóxicas: hixiene, alimentación e descanso Como outras igualmente importantes: seguridade, afecto, comunicación, movemento, xogo Pero tamén realizamos outro tipo de actividades fóra do estritamente asistencial como: Acariñámolos. Ofrecémoslle obxectos para que os agarren. Os máis pequeniños estiveron nas mantas de actividades e nas hamacas tocando obxetos que poñemos ó seu alcance. Os máis grandes arrastrábanse e investigaban todo o que tiñamos ó seu alcance no chan da clase. Facilitámoslle movementos para que se incorporen. Falámoslle moito e docemente mirándolles ós ollos. Observamos e manipulamos móbiles, xoguetes que emiten sons,axóuxeres, peluches.. Escoitamos música relaxante. Collémolos en brazos para tranquilizalos e xogar a balancealos. E xa ó rematar o mes fixemos a manualidade de chegada á escola: unha vez que tod@s conseguímonos ir adaptándonos o ritmo da escola e xa estamos máis tranquilos estampamos a man de cada nen@ nunca cartolina e as profes recortámola e cosémola todo ó redor para que quedase máis bonita, logo puxémoslle unha pinza por detrás e levárona para a casa enganchada na chaqueta a modo de broche. OUTUBRO: Xa pasado o mes de adaptación e estando tod@s máis ou menos familiarizados co novo ambiente e facendo xa tod@s os horarios completos solicitados por cada familia tratamos de ir establecendo as rutinas da escola e desenrolamos as seguintes actividades: Libro de O meu primeiro ano na escola : A primeiros de mes mandamos para a casa a cada nen@ este libro feito por nós na escola para que o puidesen ver na casa e decidir se querían participar nesta actividade que realizaríamos de forma conxunta entre as profes e os pais. Todos se animaron a participar polo que xa empezamos a cubrilo con comentarios e fotos ( datos de recen nacido, a familia, chegada á escola, a su man e o seu pé ) e toda unha serie de acontecementos que se irian dando neste primeiro ano de vida.pareceunos unha idea moi boa xa que ó rematar o curso cada pai tería un bonito recordo do primeiro ano do seu bebé recollendo tanto acontecementos vividos na escola como na casa. Cesto dos tesouros: En cada clase temos unha caixa onde gardamos obxectos da vida cotiá con diferentes cores, texturas e tamaños para que os agarren, manipulen, chupen, golpeen Son obxetos 5

6 que non entrañan ningún tipo de risco para os como pinzas da roupa, coadores, pinceis, botes, cepillos, esponxas e que imos cambiando a medida que se deterioran ou en función do que estamos a traballar. Son obxectos atractivos para eles e cos que pasan o tempo investigando. Masaxes: Esta actividade realizámola a primeiros de trimestre xa que son máis pequerrechiños e cústalle menos estar quietos mentres a realizamos. E unha experiencia moi interesante xa que nos permite establecer unha relación de afecto e un contacto directo con nen@.o momento da masaxe convertese nunha experiencia entrañable e satisfactoria pois axúdalle a relaxarse e a tranquilizarse.solíamos ter en conta á hora de realizar esta actividade o frio que fixera e dedicabámoslle pouco tempo por medo a que se arrefriasen. Samaín: Na clase dos máis pequerrechiños tamén celebramos o Samaín e trouxemos á clase distintos tipos da cabazas: grandes, pequenas, alargadas, redondas, e puidéronas observar, tocar, manipular e o día que celebrámolo Samaín na escola baleiramos entre todos unha. A algúns gustoulle moito a experiencia e tocaban e incluso saboreaban o que nos encontramos dentro da cabaza, pero outros non lle gustou nada e poñian cara de asco e nin sequera o querían tocar. Outras das actividades que lle gustaron moito facer foron: o balanceo no balón grande, arrastrarse na manta, balancearse nela, xogar coas pompas de xabón NOVEMBRO: Xa estamos no outono e coa chegada desta estación adentrámonos nun mundo de sensacións, de olores, de cores distintas as vividas no verán. Aproveitando a súa chegada decidimos decorar a clase cun ambiente outonal e pegamos no chan fotos de follas, landras, castañas, árbores espidas e tamén pegamos por toda a clase paisaxes, animais e froitos típicos desta estación. Aprovéitamos para introducir no cesto dos tesouros froitos típicos como: follas, castañas, noces, piñas, millo, cabazas e así poder experimentar con distintas texturas. Neste mes desenvolvemos as seguintes actividades: 6

7 Manualidade do outono: As profes debuxamos unha folla en cartolina e recortámola, despois cada un foina pintando coa súa man coas cores que predominan no outono: amarela, laranxa, verde, marrón.foi unha experiencia moi divertida para eles experimentar coa textura da pintura, aínda que algún non lle gustou demasiado e non querian mollar a man na pintura. Magosto: Nas clases dos bebés celebramos o magosto meténdonos na piscina de bolas que enchemos con follas, espigas de millo, cabazas, castañas e tirando dunha piñata que colocamos enriba de nós e que encheramos de follas e que ó romper deixou caer unha chea de follas enriba das nosas cabezas. Tamén para contribuír á festa que organizamos a nivel da escola e na que cada clase aportaba unha receita feita con produtos típicos desta estación, os nosos bebés fixeron, coa nosa axuda, zume de laranxa e de limón recen espremido. Aprovéitamos para probalo e distinguir sabores: doce da latranxa e amargo do limón. DECEMBRO: Coa chegada do mes de decembro cambiamos de estación, polo tanto recollemos a decoración do outono que tiñamos nas nosas clases e cambiámola por unha ambientación do inverno e tamén do Nadal, xa que este mes celebramos esta festa tan desexada polos nen@s. Debuxamos nos ventanais das nosas clases bonecos de neve, pingüinos e tamén os esperados Reis Magos e Papá Noel e no chan escenas típicas do inverno e do Nadal. Ó longo deste mes escoitamos panxoliñas, disfrazámonos de Papá Noel, decoramos unha pequena árbore de Nadal,observamos e manipulamos adornos como bolas, cintas, estrelas e tamén recibimos a visita dos Paxes Reais ós que lle pedimos que os Reis nos trouxeran moitos agasallos. No cesto dos tesouros tamén introducimos novos obxetos como cintas de distintas cores, bolas de distintos tamaños e cores moi chamativas, papeis brillantes, estrelas con brillos, coas que xogamos moitos días. Manualidade de Nadal: Xa que estamos no Nadal nós tamén preparamos un pequeno agasallo para os nosos papás: as profes 7

8 espíronnos e solo nos puxeron unha bufanda moi grande cubríndonos un pouco sobre un fondo estrelado cunha lúa moi grande e sacáronnos fotos, de todas as que nos sacaron elixiron a máis bonita e fixemos un almanaque do 2011 que cada nen@ levou para a casa de agasallo de Nadal. SEGUNDO TRIMESTRE: XANEIRO: Xa nos adentramos no segundo trimestre o que quere dicir que xa levamos catro meses xuntos, tempo no que notamos como os nosos bebés foron medrando e algúns deles xa están enormes e maduraron moito.os máis grandiños xa dan os seus primeiros pasos case soiños, outros gatean,arrástranse e loitan por moverse e alcanzar os xoguetes que están polo chan.todos comen moi ben e dormen soiños nos seus berces salvo algún que outro que se acostumou á hamaca e os seus bambeos. Ó longo deste mes fixemos as seguintes actividades: Aniversarios: A partir de Xaneiro algúns dos nen@s das nosas clases xa empezan a cumprir o seu primeiro ano.na escola todos os xoves de cada semana celebramos os aniversarios e facémolo con todos os compañeir@s e as profes, ó protagonista da festa colocámoslle unha coroa e tamén traemos á clase un biscoito que nos fixo Gelucha, a nosa cociñeira, ó que lle poñemos unha veliña. Entre todos sopramos e cantamos o Cumpreanos Feliz.O protagonista ò rematar o día leva para casa un recordo coa foto e pegadiña de todos os compañeiros e das súas profes. Patio grande: Neste trimestre xa podemos saír das nosas clases e experimentar novas sensacións en outro espazo moito máis grande como é o patio onde xogan os maiores. Cando se van os maiores e as profes abrimos a porta das clases todos saen sen ter que levalos ás costas, cada un como pode: gateando, arrastrándose.alí investigan un novo espazo e novos xoguetes como os coches grandes ós que se poden subir, as motos, entran na casiña e abren e pechan as fiestras, métense polo túnel,escápanse ó comedor dos maiores e ven que están facendo,miran á entrada a ver se os papás os veñen buscar 8

9 Tomamos auga e galleta: Agora xa medramos moito e somos capaces de seguir unhas pequenas rutinas da escola e cando as profes din : hora da galleta! Xa todos coñecen o sitio onde sentarse e esperar sentadiños a que as repartamos,ainda que é un pouco complicado esperar quietos ata que todos rematen de comer a galleta e de beber auga, pero pouco a pouco ímolo conseguindo. Botellas con auga de colores e cheas de legumes: Xa no trimestre pasado enchemos botellas con auga de colores e tamén con garavanzos, arroz,pasta, lentellas,fabas pero é neste trimestre cando máis xogan con elas, pois xa son máis grandiños e pódenas coller mellor e axitalas e ver como a auga se move ou como soan. Tamén fixemos con botellas cheas de distintas cousas xoguetes de arrastre cos que tamén disfrutaron moito. Ademais das botellas tamén enchemos globos e escoitamos o son que emitían ó movelos e puideron xogar con eles, aínda que algún levouse un bo susto ó estouparlle nas mans. Día da Paz: A finais do mes celebramos o Día da Paz e fixemos distintas actividades: pintamos a P de Paz coas nosas mans e con témperas de colores para decorar a entrada da escola coa palabra PAZ, tamén estampamos a nosas mans nunha pomba grande que logo tamén colgamos na entrada e tamén xogamos con globos brancos e ramiñas de oliva e con moitas pompas de xabón.e como manualidade para levar para a casa embadurnamos de branco unha pombiña. FEBREIRO: Preparamos o entroido: Neste mes empezamos a preparar o disfraz para o Entroido, aínda que neste curso coincide a primeiros de marzo, polo que temos todo este mes para ir facéndoo.empezamos a mediados de mes a traballar nel, este curso decidimos ir toda a escola de instrumentos musicais e as nosas clases tocounos ir de pandeiretas e de tambores.para ir preparándoo foron pintando os instrumentos coas mans e temperas de distintas cores e tamén notas musicais que levaron nunha coroa na cabeza. Na clase tamén nos maquillamos e nos disfrazamos de moitas cousas: de Micky, de 9

10 ratiña presumida, de paiaso, de tigre, de policia a algúns custoulle estar quietos mentres as porofes os maquillaban pero outros portáronse estupendamente e quedaron guapísimos. Experiencias: Ó longo deste trimestre tamén fixemos distintas experiencias con diferentes alimentos como: Fariña de millo e de trigo: xogamos con ela, tocámoslle, probámola, ciscámola polo chan foi moi divertido. Espaguetes cocidos: pasárono moi ben tocándoos e comprobando como se lle escorrían entre os dedos e algún que outro decidiuse a probar como sabían e gustáronlle moito. Area: intentamos tocarlle, collela nas mans e soltala, pero case todos poñían caras moi raras, pois resultáballe moi áspera ó tacto e éralle desagradable a sensación. Auga quente e auga fría: probamos a somerxer as mans en auga quente e fría para sentir e distinguir os cambios de temperatura. Froitas: trouxemos á clase distintos tipos de froitas para que as manipulasen e o que se animara as probara a ver a que sabían. Sal e azucre: trouxemos á clase dous platiños con sal e azucre e probamos o sabor que tiña cada un, o que máis gustou foi, como era de esperar, o azucre. Con todas estas experiencias disfrutaron moito, aínda que sempre hai algún que se resiste a tocar ou probar texturas descoñecidas para eles. MARZO: Coa chegada de marzo cambiamos a decoración das nosas clases e enchemos os nosos cristais de colorido con flores, bolboretas, abellas, sol, pois comeza a primavera. Celebramos a festa do Entroido: Xa rematados os disfraces de instrumentos o venres dia 4 pola mañá levámolos para a casa, este ano cada nen@ iba cunha bolsa de color distinto polo que había moito colorido. Fomos guapísimos. Pola tarde foi a merendola que facemos tódolos anos e na que todos viñemos disfrazados, dende as profes que ían de indias, ata os papás, mamás, avós, houbo moitos disfraces orixinais e disfrutamos degustando produtos típicos destas festas. Marzo é o mes dedicado á música: Ó longo deste mes toda a escola dedicámonos a traballar o tema da música con distintas actividades segundo o grupo de idade. Dedicamos cada semana deste mes a un estilo de música: 10

11 A música clásica A música infantil. A música tradicional galega. A música pop. Cada semana segundo o estilo de música que estivésemos a traballar tiñamos actuacións en directo protagonizadas por papás e mamás, padriños, tíos, dos nosos nen@s que nos tocaron instrumentos como o saxo, a guitarra,o teclado,a gaita, a pandeireta,etc. Gustáronlles todos moito, aínda que algúns se asustaran un pouquerrechiño e se lle escapara algunha que outra bágoa. Durante todo este mes nas nosas clases levamos a cabo as seguintes actividades: Escoitamos pezas musicais do estilo escollido para cada semana. Identificamos e manipulamos os distintos instrumentos musicais que temos na clase. Trouxemos á clase instrumentos musicais que tocaron as profes e escoitamos os distintos sons que emitían. Pintamos un instrumento que debuxaron as profes en papel continuo relacionado co estilo musical que se estaba a traballar. Semana da música clásica: un piano. Semana da música infantil: unha trompeta. Semana da música tradicional galega: unha gaita. Semana da música pop: unha guitarra eléctrica. Aproveitamos os instrumentos que temos na clase para facer unha pequena orquestra e traballamos o silencio/son. Fabricamos distintos instrumentos con diversos materiais. Empreñamos material de refugallo ( potas, caixas, paus) para crear distintos sons. Escoitamos o son que emite cada instrumento e aqueles que emite o noso propio corpo. Participamos na elaboración dun mural xunto coas demais clases. Día do pai: Este ano é o primeiro que cada nen@ fai un agasallo para felicitar ó seu papá neste gran día. Decidimos estampar o pe nun triángulo e as profes remataron o traballiño para que logo papá o puidese colgar no coche cun letreiriño que dicia: papá ven a modiño. 11

12 Xogamos ás agachadas: Neste trimestre que os nosos xa son máis grandiños e algúns xa andan disfrutaron moito xogando ás agachadas nun moble no que as profes colocaron unha cortina de cores chamativos e que lles serve para agocharse detrás dela. Camiño das sensacións: Esta experiencia consistía en coller distintas caixas nas que metíamos distintos elementos e nas que os nen@s unha vez descalzos ían pisando en cada unha e experimentaban distintas sensacións dependendo da textura,temperatura do elemento que houbese en cada unha.fixemos distintos camiños distintos segundo os produtos que metíamos en cada caixa: Nun dos camiños metemos: fariña de millo, plumas, lentellas, virutas de porexpan,fariña de trigo Noutro dos camiños metemos: xelatina, auga fria, chocolate, auga quente, cubitos de xeo Noutro dos camiños metemos: algodón, estropallos, coxíns, lentellas, nanas, millo Esta experiencia serviulle para entrar en contacto a través dos pes con distintos elementos e comprobar distintas características deles: a temperatura, a textura, as sensacións tan distintas que ofrecen a través do tacto TERCEIRO TRIMESTRE: ABRIL: Día do libro: Uns días antes de que se celebrase o Día do Libro pedímoslle as familias que nos trouxeran á clase cada nen@ un conto para poder compartilo con todos e ó longo desa semana ir véndoos todos xuntos.o venres 15 xuntámonos toda a escola no patio e cada clase montou un posto con todos os libros que trouxeran os nen@s desa clase e así puidemos compartir todos os libros.as nosas clases estivemos sentadiños nunha alfombra alleando todos os contos, foi moi divertido aínda que pronto nos cansamos e quixemos irnos para a clase. Celebramos a chegada da Primavera: Xa ó longo do mes pasado coa entrada desta estación cambiamos a decoración das nosas clases e enchémolas de colorido, pero tamén quixemos celebrala traendo ás clases moitas flores de distintos tipos, colores, olores sentadiños no chan tirámolas no chan para que poidesen tocalas, ulilas, experimentar con elas arrincámoslle os pétalos e fixemos unha chuvia chea de colores e olores Foi unha experiencia chea de color e olor.ó rematar aquelas que non se estragaron deixámolas na clase dentro dunha botella con auga adornando e enchendo a clase de olor a primavera. 12

13 Xogamos co paxariño que temos nunha das clases: Na clase temos unha gaiola cun paxariño ( de mentira ), que canta cada vez que hai moito ruído ou lle movemos a gaiola. Ata o de agora non lle chamou moito a atención, pero a medida que van sendo máis grandiños cada día gústalles máis.témolo colgado do teito e de vez en cando baixámolo para que xoguen con el e lle poidan tocar.cada vez que llo damos emociónanse todos e todos o queren ter nas súas mans e tocalo, disfrutan moito con el. Imos a facer psicomotricidade: Agora que xa case todos están andando imos ata un patio pequerrechiño que está onda as clases dos nen@s de 1 a 2 onde hai un tobogán de espuma, unha piscina de bolas, un tunel, un rulo, unha plataforma para poder gatear e pasámolo xenial facendo exercicio: subimos e baixamos, tirámolas bolas fóra da piscina, metémonos a gatas por dentro do túnel, tirámonos de cabezas polo tobogán, pasámolo pipa. MAIO: Día da Nai: O primeiro domingo de maio celebramos o Día da Nai, pero xa ó longo da última quincena de abril estivemos a traballar no agasallo para a mamá. Este ano fixémoslle unha obra de arte. Uns días antes solicitamos, de novo, a axuda das familias para que nos trouxeran un lenzo tamaño folio á clase e unha vez os tivemos todos puxémonos a pintar, puxemos a cada nen@ ataviado cun mandilón de plástico para que non se manchase e ofrecémoslle tres colores dentro dunha gama, dous deles eran témpera e outro témpera mesturado con area, puxéronse mans a obra e cada un expresouse libremente á hora de pintalo como quixo, pintaron primeiro cos dous colores so con tempera e deixamos para o último a témpera mesturada con area para darlle a pintura un pouco de releve e para finalizar esparciron un pouco de purpurina para darlle un pouco brillo. Quedoulles un agasallo moi bonito e orixinal para ser o seu primeiro traballo de arte. 13

14 Xornadas de portas abertas: Durante todo este mes de maio abrimos as portas das nosas clases para que todos os papás que quixeran puideran pasar unha horiña con nós (das 10:00 ás 11: 00). Nese período de tempo démoslle liberdade para que eles puxesen en marcha a súa imaxinación e nos sorprenderan con actividades coas que os nen@s disfrutaran e este ano a verdade e que temos que agradecer a súa colaboración pois viñeron case tódolos papás dos nosos nen@s con actividades tan divertidas como: xogamos con barro, con abanicos, con caixas grandes e pequenas,con pompas de xabón, con chocolate,con coelliños,con caixas con rodas coas que fixemos un tren,con pelotas de pel celofán. Todos o pasamos moi ben e resultou ser unha actividade moi interesante e ó rematar todos od papás levaron un pequeno recordo desta actividade. Semana da Arte: Como xa vimos facendo fai uns anos na última semana de maio celebramos a semana da arte, este ano dedicada a GAUDÍ que foi un artista sorprendente: dragóns, tartarugas, serpes e anacos de azulexos de miles de colores caracterizaron asua curiosa obra. Nas nosas clases, tendo en conta a idade dos nosos nen@s programamos unha serie de actividades: Xogamos e manipulamos as láminas coas obras de Gaudí. Aplicamos a técnica do rasgado de papel para imitar os mosaicos da súa obra. Rasgamos distintos tipos de papel. xornal, charol, pinocho, de revistas e practicamos a pegalo en papel continuo. Imitamos a técnica do puntillismo que utilizou en algúns dos seus cadros. Nos facémolo punteando con rotuladores e ceras de colores. 14

15 Elaboramos un mural para expoñer na entrada. Facemos un broche con forma de lagarto, emulando os que hai no parque Güel de Barcelona feitos por Gaudí. Caixa das texturas: Unha vez máis pedimos a colaboración das familias para realizar esta actividade, mandámoslle para a casa unha cartolina para que nos pegaran nela distintos obxectos da textura que iba indicada : duro, rugoso, liso, brillante,brando A verdade e que nos sorprendeu gratamente a imaxinación de algúns pais polo ben que realizaron a actividade pois quedoulles precioso. Unha vez que tivemos todas as texturas na clase fixemos unha caixa con todas elas e serviunos para que todos os nen@s as puidesen manipular e tocar experimentando distintas sensacións asociadas ó tacto. Despois ó longo de todo o mes de xuño cada nen@ levou para a súa casa a caixa das texturas para que os seus papás puideran comprobar que bonita nos quedou. XUÑO: Foto cos amiguiños: Para rematar o curso sacamos unha foto todos xuntos, nen@s e profes, para ter un recordo do noso primeiro ano na escola. Patio de fóra: Coa chegada do bo tempo saímos ó patio de fóra a xogar ó aire libre e ó soliño: xogamos no areeiro cos caldeiros e as palas,no tobogán pequeno, no túnel, sentámonos na herba á sombriña a escoitar un conto, vemos como pasan os coches pola rúa.pasámolo moi ben xogando ó aire libre!!. 15

16 Orla: Para rematar o curso e deixar na escola un recordo dos nen@s e das profes que estivemos neste curso na aula de 0 a 1 fixemos unha orla na que participamos todos pintando cos nosos dediños uns globos de colores cos que adornamos os bordes da orla. Libro do primeiro ano: Neste mes xa rematamos o libro estampando o pe e a man, facendo os nosos primeiros garabatos e colocando a foto de tod@s amiguiños e profes que estivemos xuntos este curso. Así que unha vez rematado xa cada nen@ o puido levar para a casa. Cacho: Uns días antes do San Xoan pedímoslles ós papás que trouxeran certas plantas e herbas aromáticas para deixalas metidas nun barreño con auga fora ó orballo na noite de San Xoán e ó día seguinte lavala cara e ter moita sorte durante todo o ano. Tamén trouxeron auga de distintas fontes segundo manda a tradición. Despois de lavala cara e mailas mans tod@s, cada un levou un frasquiño desa auga para a casa. Saquiños de herbas aromáticas: Para estimular o sentido do olfato trouxemos á clase distintas herbas aromáticas como laureiro, laranxo, lavanda, fiuncho e manipulámolas, ulímolas e logo metémolas en saquiños para poder gardalos e ulilos sempre que quixéramos. Tamén experimentamos con outros olores con sobres de infusión como a manzanila, o té, a menta-poleo algodón impregnado en colonia foi unha experiencia distinta e novedosa coa que o pasaron moi ben. Mesa da auga: Aínda que no mes de xuño non fixo moi bo tempo para poder xogar na mesa da auga, a finais de mes saímos e pasámolo pipa coa mesa da auga. Sacámola roupa e poidemos chapugar coas mans na auga, botámoslle xabón e fixemos espuma. Foi moi divertido. 16

17 Manualidade de remate do curso: Para rematar o curso decidimos facer unha manualidade de despedida para que cada nen@ a levase para a casa.as profes debuxaron un poliño e os nen@s pintárono con témpera e na barriga escribímoslle unha frase: pio, pio Ata setembro me despido!!. E para levalo pegámoslle un palote para poder levalo agarrado na man. Ademais de todas as actividades mencionadas realizamos outras que estiveron recollidas nas programacións trimestrais e que nos axudaron ó desenvolvemento das distintas capacidades. CONCLUSIÓNS: Nas clases de 0 a 1 é nas que se evidencia con máis claridade os cambios que se van producindo ó longo do curso nos seus nen@s, xa que cando empezan en setembro veñen sendo uns bebés moi fráxiles que apenas saben facer nada sós e que dependen de nós en todo momento e agora que xa chegan as vacacións de verán xa temos a nen@s que están entre os 12 e 18 meses que se moven por toda a escola,comprenden o que lles din as profes, saben saudar, despedirse, dar bicos, imitan moitos xestos, comen sen problemas toda a comida, incluso algúns xa merendan de bocadillo, case todos dormen nos seus berces soiños, na hora da galleta xa se sentan eles sós no recuncho destinado, xa dín algunha palabra Intentamos traballar marcándonos uns obxectivos que intentamos acadar levando a cabo moitas actividades acompañadas con grandes doses de tenrura, afecto e paciencia, moitos detes obxectivos logramos acadalos e outros aínda están en proceso. Despois de rematar o curso e botando a vista atrás podemos dicir que estamos contentas cos logros acadados e así poder continuar o noso traballo cos mesmos nen@s para o ano que ven en 1 a 2,o que nos facilitará a todos o día a día, pois xa nos coñecemos e o reencontro en setembro será menos duro para todos. Xa non nos queda máis que agradecer aos papás que colaboraron en todo o que lle pedimos e que depositaron a sua confianza en nós para atender aos seus fillos. PASADEO BEN NAS VACACIÓNS E ATA SETEMBRO!!! 17

18 CLASES 1-2 ANOS Iniciamos este curso con 37 de idades comprendidas entre os 8 e os 20 meses. Están distribuídos en tres clases: CLASE A. 12 nen@s con idades entre os 8 ½ e 14 meses. CLASE B. 12 nen@s con idades entre os 13 ½ e 20 meses. CLASE C. 13 nen@s con idades entre os 15 ½ e 19 ½ meses. Cando preparamos a nosa proposta de traballo tivemos presente o momento evolutivo destes nen@s e polo tanto, a diferencia que existía entre eles, para poder levar a cabo o noso proxecto. En cada clase adaptamos as programacións ao grupo e tamén a cada nen@ en función das súas posibilidades. Incluso, cos cativos menos maduros, realizamos actividades da programación do ano pasado de 0-1 anos. De seguido pasamos a describir as actividades máis significativas que realizamos ao longo do curso. SETEMBRO PERIODO DE ADAPTACIÓN Este mes dedicámolo a coñecernos e familiarizarnos co entorno. Moitos dos nosos nen@s xa estiveron con nós o ano pasado e polo tanto a incorporación ás novas clases é doada pero outros chegan por primeira vez á escola e ademais sofren a primeira separación do núcleo familiar. Ao longo deste mes realizamos actividades que transmiten seguridade, confianza, tranquilidade, dentro da s circunstancias que rodean a este conflito de separación que vive o nen@. Conversamos, contamos contiños, xogamos con animaliños, coches, comidiñas e cacharriños, bloques de construción, instrumentos saímos o patio de fóra e tamén o de dentro a xogar coas bicis e coches, na piscina de bolas, cos arcos de espuma, no escorredoiro, cantamos, escoitamos música, miramos fotos, manipulamos diferentes tipos de papeis de moitas cores e texturas, tratamos de satisfacer as necesidades básicas e de maneira moi flexible e libre interactuamos uns cos outros. Tivemos algún que outro choro e pequenos conflitos pero fómolos superando sen dificultades. 18

19 Cara o remate do mes fixemos o noso prime iro traballiño na clase de 1-2 anos, a MANUALIDADE DO PERIODO DE ADAPTACIÓN. Presentamos a nosa mascota: a ovella LOLA e fixemos un colgante coa súa foto e pintada coas nosas manciñas. PRIMEIRO TRIMESTRE OUTUBRO Este mes traballamos o centro de interese IMOS A ESCOLA CON LOLA. Empezamos a establecer as rutinas tratando de celebrar a Asemblea para organizarnos, saudarnos, contar as nosas cousiñas e contarllas a LOLA. Facemos psicomotricidade facendo movementos co noso corpo, arrastrámonos, cantamos, imitamos animais, xestos que fan as profes, coas pelotas, cos arcos de espuma, subindo e baixando escaleiras Facemos garabatos nun papel moi grande con ceras. Facemos puzles, xogamos cos cubos de encaixar Temos unha caixa con moitas cousiñas de diferentes texturas e gústanos moito manipulalas. Camiñamos descalzos sobre superficies diferentes: esterilla, plásticos de burbullas, tacos de psicomotricidade, toalla, manta, cartóns lisos e ondulados Leemos contiños, miramos fotos, murais e encántanos manipular as revistas. Xogamos cos papeis, facemos vento, tapámonos, rachamos, escoitamos o ruído que fan, facemos pelotas con eles, tirámolas uns aos outros Facemos pompas de xabón. Atamos globos no tendal e xogamos a estirarnos e tocarlle. Facemos un mural coas mans dos nen@s estampadas con témpera. Pintamos unha nube cada un e coa nosa foto facemos o mural de asistencia. Todos os días a volta do patio miramos quen veu hoxe a escola e quen non. Pedímoslle as familias un bulbo de tulipán e plantámolo nas xardineiras do patio. A volta pintamos con rodillo nun papel moi grande a terra e os bulbos enterrados para empezar a facer o mural do HORTO. Experimentamos con SAL E AZUCRE, tocamos, fixemos camiñiños cos dedos, probamos e pasámolo pipa. 19

20 Empezamos a celebrar os ANIVERSARIOS na clase A con biscoito, candeas e cantamos PARABÉNS PARA TI. Facemos un gorro pintando coas manciñas con témpera de varias cores e logo poñémoslle a foto con todos os amiguiños. Facemos un día a semana XOGO HEURÍSTICO con moitos materiais de refugallo, obxectos da vida cotián e experimentamos con todo iso: latas, botes de todo tipo, botellas de plástico de diferentes tamaños, cortizas, tubos de plástico, mangueiras, pedras, cachos de madeira, cadeas, arandelas de cortinas, pinzas da roupa, rolos de cartón, bobinas de moitos tamaños, caixas de diferentes tipos, tamaños e texturas. O remate temos que gardalo na bolsa correspondente. Así aprendemos a clasificar e ser ordenados. Esta actividade realizámola unha vez a semana o longo de todo curso variando o material cada semana. Manipulamos cabazas, baleirámolas, tocamos a polpa, as sementes, decorámolas e logo todos xuntos no patio celebramos o SAMAÍN. Dentro das cabazas poñemos candeas prendidas. O patio está escuro. As profes vístense de bruxas e cóntannos o conto A festa dos calacús dos Bolechas. Logo poñemos música e bailamos. NOVEMBRO O tema deste mes e FOLLIÑAS NO CHAN CASTAÑAS NA MAN. Traemos a clase moitos froitos do outono: castañas, ourizos, piñas, noces, abelás, uvas, granadas, landras manipulamos, ulimos, probamos Saímos o patio a buscar follas secas e verdes. Metemos moitas follas na piscina de bolas e xogamos con elas. Rascan, fan ruído, olen raro. Traemos a clase cogomelos e mirámolos. Logo pintamos un de vermello nun folio. Manipulamos espigas de millo, sacámoslle o follato e as barbas, ulimos, debullamos, metemos os graos dentro dun bote, sacudimos e escoitamos o son. Logo xogamos 20

21 cos carozos facendo construcións. Conversamos sobre o que se fai co millo. Traemos a clase fariña e experimentamos. Peneirámola coa peneira. Metémola en botes, enchemos e baleiramos. Poñémoslle auga e facemos masa. Manipulamos uvas, tocámolas, ulímolas, mirámolas por dentro, probámolas, metemos algunhas no pasapurés e facemos zume. Probámolo e tocamos bagaño despois de esmagalas. Facemos un mural do outono estampando con follas e coas mans. Facemos unha MANUALIDADE para levar a casa: e un bote para os lapis decorado con cores de outono. Como base ten unha folla e no reverso poñémoslle a poesía: O outono xa chegou Todo cambia de cor Hai unha alfombra no chan vermella, amarela e marrón. Coidamos o noso horto, mirando si as plantas nacen e regando. Facemos receitas para a festa do MAGOSTO: Clase A: Montadiños de nata regados con xarope. Clase B: Zume de laranxa, mandarina, piña. Clase C: Crema de castañas. Pelamos castañas. Celebramos todos xuntos a festa no patio grande. Debuxamos unha castaña nun folio, pintámola e pegámoslle cartón ondulado. Colocamos no tendal papeis de xornal coma si fosen cortinas e xogamos con eles. Manipulamos piñas grandes e pequenas e pintámolas. Contamos contos no teatriño con monicreques. DECEMBRO Estamos no inverno e falaremos e traballaremos sobre isto. O título escollido e EN NADAL CHOVE E FAI FRIO Preparamos a nosa clase para esta ocasión. Decorámola e poñémola luminosa con colorido propio do Nadal. Traemos doces propios destas datas e probámolos: mazapáns, polvoróns, turrón. Cantamos panxoliñas, escoitámolas na radio, tocamos instrumentos: pandeiretas, cascabeis, Preparamos a carta para os paxes. Disfrazámonos de Papá Noel. 21

22 Facemos un mural de Nadal. Preparamos unha MANUALIDADE para levar a casa. É unha árbore para colgar. Traballamos a cor vermella: pintamos o gorro de Papá Noel, facemos a botella da auga vermella, buscamos pola clase cousiñas desta cor, facemos o mural do vermello pintando coas nosas manciñas, manipulamos plastilina desta cor Participamos no FESTIVAL DE NADAL. As nosas profes representan o conto de Cocorico. Investigamos con cousas quentes e frías: xeo, bolas de arrefriar, arrefía botellas, secador do pelo, manta eléctrica, auga fría, morna e moi quente Saímos o patio a mirar como chove, con paraugas e sen el. A volta pintamos un paraugas de vermello. Xogamos con lanternas a facer sombras, luz e escuridade. Imos a mirar un vídeo do Nadal. Ven unha chica de prácticas e cóntanos un conto: A cebra Camila. Xogamos con caixas de cartón. SEGUNDO TRIMESTRE XANEIRO Despois de Papá Noel chegan Os Reis Magos. Nos imos falar disto co tema PASÁMOLO PIPA XOGANDO Conversamos moito sobre os xoguetes, os Reis Magos, como debemos coidar as cousiñas Empezamos a celebrar os aniversarios na clase B e C. Nas nosas clases fabricamos xoguetes: avellas e xoaniñas con rolos de papel hixiénico, vermes e un crocodilo con cartóns de ovos, carriños con caixas de zapatos, vermes moi longos con botes de iogur. Seguimos investigando coa cor vermella. Poñemos pegadiñas e traballamos coa plastilina vermella, rachamos papeliños. Pintamos unha bufanda e unhas luvas de vermello. LOLA empeza a ir de visita a casa dos nen@s. Cada venres leva un neno. Pedímoslle que lle saquen fotos con ela e as traian a escola para facer entre todos O libro de Lola. Facemos un mural pegando fotos de xoguetes. Antes miramos as revistas e as profes recortan moitos. 22

23 Facemos a MANUALIDADE PARA O DÍA DA PAZ. Estampamos as mans de branco nun folio de cores. As profes recortan e póñenlle unha goma para meter as mans. Facemos un mural para o Día da Paz. É unha ovella LOLA. Pintámola de branco e logo poñémoslle lazos da paz facendo a lá. Na cabeza leva algodón. Facemos entre toda a escola as letras da PAZ poñendo o grupo de 1-2 texturas na A. Celebramos o DIA DA PAZ cantando Mis manos son palomas de la paz, Amiguiños todos e xogando a roda e bailando. FEBREIRO Xa estamos no Entroido e nos DISFRAZÁMONOS CON LOLA. Aínda que o Entroido e a primeiros de marzo, o longo de febreiro preparamos este tema. Empezamos a traballar a cor amarela. Entre as tres clases facemos unha casa cunha caixa grande de cartón e decorámola. Pintámola de cores con pinceis, pegámoslle papeliños, poñémoslle celofán nas fiestras e logo xogamos a entrar e saír dela, a mirar polas fiestras Vestímonos con trapiños, bolsos, gorros e xogamos cos disfraces. As profes póñennos disfraces e píntannos a cara. Preparamos o noso DISFRACE para o festival de Entroido. Este ano imos de instrumentos. A clase A vai de gaita. A clase B de saxofón e a clase C de guitarra. Facemos a plantación de amorodos nunha maceta porque chove e non podemos saír a fóra a plantalos. Cando veu o bo tempo saímos a transplantalos a horta. Facemos a auga de cor amarela e comparamos coa vermella. Xogamos cos instrumentos. Facemos pegamento con fariña e leite e pegamos papel pinocho amarelo nunha cartolina. Queda un mural precioso. 23

24 Probamos filloas, orellas Entre a clase dos bebés e 1-2 anos facemos unha tenda de indios. A clase A utiliza a técnica do Battik, a clase B estampa os pés e a clase C estampa as mans. Facemos unha careta de Lola. Seguimos traballando no mural do horto. Estampamos tulipáns de cores. MARZO Este mes de marzo imos traballar o tema dos animais e celebramos tamén o mes da música. Decidimos titular este centro de interese LOLA CANTA E OS SEUS AMIGOS TOCAN Estes primeiros días de marzo celebramos o ENTROIDO e facemos actividades relacionadas co tema: Seguimos disfrazando aos nen@s. Facemos unha receita de cociña. Son rosquillas. Mesturamos fariña, margarina e azucre, amasamos, facemos redondiños e levámolas ao forno. Logo comémolas e están moi saborosas. Poñemos o n oso disfrace e sacamos unha foto. A mediodía levámolo para a casa. Xuntámonos no patio de 1-2 e facemos unha pequena festa. Con antefaces, matasuegras, gusaniños escoitamos música, cantamos e bailamos. Celebramos a Festa de Entroido coas familias no patio grande. Empezamos a traballar a MÚSICA CLÁSICA. Escoitamos a VIVALDI, STRAUS, RABEL Facemos sons coas diferentes partes do corpo. Xogamos con botellas de auga a facer ruídos, fregar unha contra outra, rascar con un pau... Facemos instrumentos musicais : maracas metendo arroz, garavanzos e millo dentro de vasos e pegados con cinta illante e tamén dentro de botes de lata de pemento. Facemos tamén dúas guitarras, un xilófono, tres tambores, un pau de chuvia. Escoitamos o seu son. 24

25 Mostramos fotos de animais que viven na granxa, no zoo, na auga, polo aire e conversamos sobre eles, como se moven, de que teñen cuberto o corpo, que nos proporcionan, de que se alimentan,... Temos a visita de algunhas mascotas: un coello, un gato, canario, tartaruga. Facemos diferentes animais para decorar a clase, pintamos, pegamos papeliños... Facemos psicomotricidade imitando animais, desprazámonos coma eles, a súa onomatopea,... Traballamos a MÚSICA INFANTIL. Escoitamos cancións relacionadas cos animais e tamén infantís en xeral, cantamos. Ao longo do mes temos diferentes actuacións das familias que resultan interesantísimas. Concertos de saxofón, guitarra, teclado, canto, gaita, pandeireta, tambor. Facemos a MANUALIDADE PARA O DÍA DO PAI. E un sombreiro de ala que decoramos pintando en cartón ondulado e pegando papeliños. Facemos un mural de animais: vaca pintada e con manchas pegando papeliños negros, coello con algodón, galo e pito pegando plumas. Facemos xunto co grupo de 0-1 e 2 3 o mural da música pintando nun lenzo. Pintamos con pincel, con rodillos, coas mans, pegamos papeliños, pegadiñas.. nun folio, unha guitarra, unha frauta, un xilófono, un tambor, un violín... Levamos a clase unha guitarra e un teclado e tocamos todos. Facemos sons con obxectos de diferentes materiais: plástico, metal, madeira: culleres, latas, tacos... percibindo a diferencia no son que producen. Contamos contos de animais. Imos ver un vídeo Os músicos de Bremen Traballamos a MÚSICA GALEGA. 25

26 Escoitamos música galega e cantamos. Xogamos o Veo, Veo coa maleta dos animais tratando de adiviñar cal é dándolle pistas sinxelas. Traballamos a MÚSICA POP Escoitamos e bailamos música moderna e pasámolo pipa. Rematamos o mes da música cun concerto. Todos os nen@s da escola escoitamos no patio grande moi caladiños. Estivo interesantísimo. TERCEIRO TRIMESTRE ABRIL Este mes dedicámolo o tema da familia por iso o titulamos MAMÁ E PAPÁ XOGAN NA ESCOLA. Este mes temos as XORNADAS DE PORTAS ABERTAS. Invitamos aos papás e mamás que o desexen a pasar unha parte da xornada con nós e compartir algunha actividade dirixida por eles. Na clase A e B tivemos pouca asistencia pero na clase C colaboraron moitos. E unha actividade moi interesante. Pedímoslle tamén as familias que nos traian un foto para pegar na nosa clase e tratar de coñecernos todos, aprender o nome dos papás, mamás e irmás e manter conversas sobre este tema. Facemos a manualidade para o DÍA DA NAI que cadra o primeiro de maio. E un pano decorado ca técnica de Battik. Metémolo nun sobre decorado con tulipáns estampados e lévano de regaliño. Recollemos os primeiros amorodos das plantiñas do ano pasado. 26

27 Sementamos nas xardineiras plantas aromáticas: perexil, lavanda e nébeda. Experimentamos mesturando leite con colacao e logo tomámolo acompañado de pan con aceite. Un almorzo perfecto. Xogamos cos bonecos e cacharriños a darlles comidiñas, a vestilos e tapalos con trapiños para poñerse a durmir. Pedímoslle, unha vez máis, ás familias que nos presten un libro para compartir na escola ao longo da semana e logo celebramos no patio grande O DÍA DO LIBRO facendo unha exposición. Facemos psicomotricidade con cadeiras e bancos, facendo un circuíto e pasando entre eles sen tiralos, subindo, baixando, pasando debaixo... MAIO Estamos en plena primavera e este mes eliximos o tema BRILLA O SOL E LOCEN AS FLORES para traballar. Pedimos de novo que nos traian flores das casas para manipulalas, ulilas, meter algunhas en auga, sacarlle os pétalos... A algunhas flores sacámoslle os pétalos, deixámolos secar e logo de pasar uns días pegámolos nun mural. Sérvenos para decorar a clase e perfumala. Seguimos comendo amorodos do noso horto. Facemos un mural da primavera, pintando, pegando confeti, poñéndolle paxariños, estampando as mans, o arco da vella, o sol... Xogamos aos bolos. Facemos psicomotricidade cos aros a meternos dentro, saír, metelos polos brazos, tamén as pernas, colgámolos no tendal e tiramos pelotas para que pasen dun lado ao outro... Seguimos facendo xogo heurístico con diferentes materiais. 27

28 Experimentamos coa area, meténdoa en cacharriños, polos embudes, coadores, a peneira, facendo camiños cos dediños. Mesturamos area con pintura e pintamos coas nosas mans. Traballamos a cor azul buscando cousiñas desta cor e comparando coa vermella e amarela. Preparamos o LIBRO DE LOLA pegando fotos de diferentes actividades feitas na escola e tamén as que as familias sacaron na casa cando LOLA foi de visita. Estampamos con tampóns de cor azul. Pintamos con ceras desta cor. Traballamos con plastilina. Contamos contiños no teatriño con monicreques. Pintamos unha bolboreta e pegámoslle pegadiñas e tamén unha xoaniña. Celebramos a SEMANA DA ARTE. Este ano está dedicada a GAUDÍ. Mostramos a súa foto, das súas obras e conversamos sobre o que a el lle gustaba facer: casas preciosas sobre todo en Barcelona. Fixemos construcións imitando a Gaudí. Fixemos con porexpán un lagarto e logo pegámoslle papeliños de diferentes cores imitando o que el fixo no PARQUE GÜELL. Fixemos a MANUALIDADE para levar como recordo imitando un azulexo como os que tiña Gaudí nas súas obras utilizando a técnica do colaxe. Por a volta escribímoslle unha frase. Trozos de azulejos me servian para vestir a modo de puzle, mis obras. Facemos unha excursión a PLAZA DE CHAVIAN. Imos en autobús. Isto faille moita ilusión. O día anterior xogamos na clase a ir en 28

29 autobús sentadiños sen levantarnos. Todos querían ser o condutor e levar o volante. XUÑO Xa chegamos o verán e somos moi maiores, por iso, antes de rematar o curso e irnos de vacacións falamos dun tema importante COMO E VISTOME SÓ. Conversamos moito sobre o noso corpo, que podemos facer coas partes do corpo, que comemos, que roupiñas poñemos, somos nenas ou nenos, quén nos axuda a vestirnos, que facemos na casa cando espertamos, como axudamos as profes, a papá e mamá, como recollemos o vaso, prato e cubertos despois de comer Tamén do verán, das vacacións, da praia, piscina, o avión, tren, barco Miramos e comentamos fotos, murais, libros onde temos nenos, nenas, roupiñas, alimentos, Saímos moito o patio de fóra sempre que está bo tempo. Poñemos a mesa con mantel, pratos, cubertos, pano, vasos e preparamos froitas desta época: pexegos, claudias, peras, mazas, plátanos, cereixas, kiwi tocamos, mirámolas por fora e logo abrímolas e miramos como son por dentro, pelámolas, ulímolas e comemos case todos. Descalzámonos, colocamos os zapatos e calcetíns ordenados. Xogamos a pasear por enriba de plásticos de burbullas, polo chán, sobre toallas e logo metemos os pés nun barreño con auga morna e moita escuma. As profes laváronnos os peíños, fixéronnos cóxegas e logo paseamos de novo por a toalla, secámonos soíños e despois de recoñecer os nosos zapatos, intentamos calzarnos. As profes tiveron que axudarnos porque algúns zapatos e complicado poñelos. As profes deitan un neno e unha nena nun cartón e debuxan a súa silueta. Despois debúxanlle os ollos, orellas, pelo, nariz Outro día poñémoslle roupiña de verdade. Traemos a clase nata. Miramos como e líquida e probamos. Logo as profes bótanlle azucre e co batedor baten ata que está espesa e non cae do vaso. Dannos a probar amorodos e melocotón coa nata e comémola coa culler. Acompañamos cunha galleta e tamén bebemos un pouco do xarope do melocotón. Está tan bo. Traemos xeados e probamos. Están algo fríos pero non importa. Temos que apurar a comelos porque derrétense. 29

30 Levamos a casa a LOLA E O SEU LIBRO para ensinarllo a papá e mamá. Nel temos moitas fotos das actividades que fixemos na clase con Lola e tamén cando nos acompañou as nosas casas. Encántanos que as profes nolo ensinen na clase. Facemos masa de pan con fariña, auga, sal e fermento. Nós tocamos os ingredientes e logo a profe mestura. Despois danos un boliño a cada un e nós amasamos, estiramos cos rolos, pinchamos co garfo, sacamos cachiños pequenos e facemos paus. Poñémolos na empanadeira e van a cocer o forno. Logo comémolos coa comida. Facemos unha MANUALIDADE DE FIN DE CURSO para levar a casa.. E unha nena ou un neno, segundo sexamos. Pintámoslle o corpiño, na cara poñemos a nosa foto. Poñemos pegadiñas, pintamos a roupiña e logo vestímolos. Pintamos de vermello unha mazá nun folio. Pedimos as familias que traian herbas para facer o CACHO. Ulímolas, tocámolas e metémolas no barreño. Deixámola repousar e a véspera do San Xoán lavámola cara e as mans como di a tradición. Deberíamos facelo o día de San Xoán pola mañá pero como non vimos a escola, levamos a cabo a actividade o día anterior. Xogamos coa mesa de auga. Poñemos auga con escuma e alí metemos obxectos: vasos, caciños, coadores, embudes, esponxas, cacharriños que podemos lavar, tubos de plástico que pasa a auga dun lugar ao outro CONCLUSIÓNS Cando empezamos o curso os nosos nen@s eran moi pequeniños e inmaduros sobre todo os da clase A. Agora ao remate observamos que medraron moitísimo, aprenderon moitas cousiñas e desenvolveron moitas destrezas. Pelexaban moito entre eles. As mordidas eran constantes e ocasionaron bastantes problemas. Pasados estes meses, prodúcense algunha vez pero con menos frecuencia. Sen embargo agora están nun momento egocéntrico total onde sempre queren ir de primeiros, ser os protagonistas e seguen sen entender que ás veces temos que esperar. Isto en ocasións provoca conflitos e pelexas. Adquiriron bastante vocabulario, en xeral. Seguro que nas súas casas aínda falan máis que aquí. Comen case todos de picado e salvo casos illados comen moi ben. Son algo cómodos e gústalles que lles axudemos. Pero encántalles recoller o vaso e o babeiro cando rematan. 30

31 Algún da clase A usa chupete en ocasións e os demais só para durmir. Temos cinco nenos que xa non usan cueiro e temos que dicir que responderon moi ben. Colaboran moitísimo nas actividades propostas e sobre todo nas experiencias pásano moi ben. Atrévense a tocar, ulir e mesmo probar. Algúns nen@s cústalles atender nas asembleas e loguiño se queren levantar pero outros son capaces de manter conversas moi interesantes. Resultou moi proveitosa a actividade o MES DA MÚSICA. Os instrumentos que fixemos gustaron moito e as visitas das familias foron todo un éxito. As XORNADAS DE PORTAS ABERTAS espertan entusiasmo nos nenos e animamos aos pais e nais a que veñan o próximo curso a visitarnos. A nosa mascota LOLA non podíamos separarnos dela. Que ilusión para todos collela e acariñala. O libro foi un éxito e aos nenos entretenlle moitísimo velo na clase. A GAUDÍ recordarémolo sempre porque fixo casas moi fermosas e un lagarto espectacular, pero chamounos moito a atención, que por non mirar ao cruzar a rúa, fose atropelado por un tranvía. Referente ao horto, tivemos éxito cos tulipáns. As xardineiras estiveron preciosas. Comemos bastantes amorodos das plantas do ano pasado pero as deste ano non deron froito aínda que medraron moito e estaban moi verdes. As plantas aromáticas non naceron. Só un pouco perexil. Esperemos que outro ano teñamos máis sorte. Chega o momento de autoavaliarse e temos que dicir que conseguimos moitos dos obxectivos propostos pero outros están en proceso. O próximo curso seguiremos traballando para acadar máis destrezas e ver como o nosos nen@s seguen medrando. Grazas as familias por colaborar en tantas ocasións e depositar en nós a confianza para participar na educación dos seus fill@s. FELICES VACACIÓNS!! CLASES 2-3 ANOS PRIMEIRO TRIMESTRE SETEMBRO. PERÍODO DE ADAPTACIÓN O longo deste mes o noso obxectivo principal foi conseguir que todos os nenos/as se adaptasen ás rutinas do aula e da escola. 31

32 Pasaron o seu tempo xogando con diferentes xoguetes, escoitando e ollando contos, aprendendo cancións, aprendendo os espazos da aula (rincóns do conto, zona de xogo libre, zona de traballo, asamblea...). Tamén comezamos a facer algún traballiño: garabateo libre, pegar gomets...xogaron coa plastilina e aprenderon (salvo algunhas excepcións) a estar sentadiños nas súas cadeiras facendo as actividades anteriormente descritas. O longo deste mes tamén consolidamos as rutinas de almorzo, galleta, recreo, cambio de cueiros, xantar, sesta... OUTUBRO Este mes, un dos obxectivos era coñecer as dependencias da escola e a iso dedicamos un par de xornadas. Fomos explorar a escola e coñecemos onde se fai a nosa comida e onde xantamos, é dicir, a cociña e o comedor. Tamén coñecemos todas as clases da escola: bebés, 1 a 2, 2 a 3 e psicomotricidade. Disfrutamos observando aos diferentes nenos e nenas, maiormente aos bebés aos que lles demos moitos mimiños. Este mes tamén nos iniciamos coa COR VERMELLA, e os cativos aportaron xoguetes desa cor das súas casas cos que xogaron ao longo de todo o mes. Comezamos o LIBRO DAS CORES facendo as láminas da cor vermella. Na ASAMBLEA iniciámonos a colocar as nosas FOTOS no debuxo do cole, observando as fotos que permanecen no debuxo da casa, posto que pertencen a nenos e nenas que non viñeron ao cole. Tamén comezamos a OBSERVAR O TEMPO que fai fora, e poñemos no noso mural o símbolo que lle corresponde: chuvia, sol, sol e nubes...cantamos a canción correspondente á climatoloxía do día e recitamos os días da semana. Comezamos a traballar co método didáctico COLORÍN, realizando as actividades que nos propoñen nel. Coñecemos á nosa MASCOTA COLORÍN. Saúdanos todos os días mentres escoitamos a súa canción e comezamos a levala ás nosas casas. Todos os nenos e nenas a levan cheos de ilusión e comezamos a cubrir o LIBRO DE COLORÍN tanto na casa como na escola, destacando as actividades máis importantes que realizamos con ela na casa e na escola. Estreamos o noso HORTO plantando BULBOS DE XACINTOS aportados polas familias. 32

33 Decoramos a aula con debuxos do outono. Observamos produtos típicos do OUTONO: cabazas, castañas, landras, follas secas, noces, espigas de millo...estes produtos tamén foron aportados polas familias dos nenos e nenas. Aproveitamos todos este material para traballar conceptos grande- pequeno, arriba-abaixo. Decoramos CABAZAS para celebrar o XAMAÍN. As tres clases de 2 a 3 xuntámonos no patio da escola e contamos o conto "CALACÚS" dos Bolechas. Decoramos o patio con todas as cabazas que temos decoradas e as profes disfrazámonos de BRUXAS e bailamos a canción da "BRUJITA TAPITA". Celebramos os cumpreanos dos nenos e nenas que aínda cumpren dous aniños. NOVEMBRO Falamos das características do outono e organizamos unha EXCURSIÓN AO PAZO DA PEREGRINA para recoller follas secas e caracois. Debido á chuvia tivemos que suspender a excursión, pero as profes levámoslles nós follas secas para xogar con elas e escoitar o ruído que fan cando se rompen, observar as súas cores e formas variadas...etc. Facemos como MANUALIDADE a COLORÍN. Pintámola de vermello con témperas e pinceis e levámola agarrándoa por unha palliña. Como estamos no outono, Colorin leva nas mans un debuxo dunha castaña. Preparamos a FESTA DO MAGOSTO. Cada clase de 2 a 3 realiza un postre: Clase A: Galletas decoradas. Clase B: Brochetas de froitas con chocolate e nata. Clase C: Biscoito da Bruxa. Na festa as profes de 2 a 3 representamos o conto " A QUÉ SABE A LÚA". Continuamos realizando as actividades marcadas no método de COLORÍN. Imos a VIDEO unha vez á semana. Introducimos a FORMA REDONDA e a COR AMARELA. Os nenos e nenas levan para casa os xoguetes que trouxeron de cor vermella e traen outros de cor amarela. Continuamos cubrindo o LIBRO DE COLORÍN. Imos facendo láminas para o LIBRO DAS CORES, agora as da cor amarela. Celebramos os cumpleanos correspondentes. 33

34 DECEMBRO Comezamos a ensaiar a nosa panxoliña para o FESTIVAL DE NADAL. Ensaiamos todos os días pola mañá, e tamén partipan os nenos e nenas que teñen xornada de tarde, que veñen só o ratiño do ensaio. Decoramos as aulas con motivos de nadal. O 16 de decembro celebramos o FESTIVAL DE NADAL na Casa da Cultura. Os nenos e nenas e as profes de 2 a 3 fomos vestidos de peregrinos que facían o Camiño de Santiago. Levábamos pantalóns vaqueros, polar, mochila e a concha de peregrinos. A representación do conto non saíu moi ben debido a fallos técnicos que impediron reproducir na pantalla do escenario os diferentes camiños que facían os peregrinos. Pero a PANXOLIÑA representada polos cativos quedou moi bonita porque todos o fixeron fenomenal, salvo algún que asustado tivo que ir para onde estaban os seus pais. Como MANUALIDADE fixemos unhas CAMPÁS de NADAL que veñen no método. Pintámolas con esponxas e témpera amarela mesturada con purpurina. Os nenos e nenas de xornada de tarde tamén fixeron esta manualidade. Continuamos coas actividades marcadas polo método. Levan para as casas os cadernos con todos os traballiños do trimestre e a avaliación correspondente. Celebramos os cumpleanos deste mes. SEGUNDO TRIMESTRE XANEIRO Decoramos as aulas con motivos invernais. Falamos das características do inverno. Celebramos os cumpleanos. Comezamos a ir á sala de ordenadores. Menudo éxito!! Os nenos e nenas disfrutan buscando as súas fotos co rato e pinchando enriba delas para que se fagan mais grandes. Para o pequeniños que son, mostran moita destreza no manexo do rato. Non perden oportunidade para tocar todas as teclas e non queren compartir os ordenadores cos compañeiros!!. 34

35 Traballamos as partes do corpo. Falamos da importancia de compartir os xoguetes e de coidalos e recollelos no seu lugar. Facemos o mural dos xoguetes. Discriminamos entre as cores amarela e vermella. Seguimos facendo algunhas láminas do Libro das Cores. Celebramos O DÍA DA PAZ. Falamos do que significa esa palabra e colaboramos co resto da escola decorando unha letra da palabra Paz. Aos nenos e nenas de 2 a 3 tocounos decorar a letra Z. Entre as tres clases pegámoslle moitas boliñas de papel de seda de cores moi variadas. Quedounos moi bonito e expuxemos na entrada da escola as tres letras acompañadas por fotografías que mostraban todo proceso de realización. Bailamos ao son da canción de Juanes "PAZ, PAZ, PAZ". Como MANUALIDADE fixemos POMBAS DA PAZ pintándoas con témpera azul e branca. As alas ían encaixadas na pomba perpendicularmente, e a pomba levaba un anaquiño de rafia para poder colgala de onde quixeran. FEBREIRO Facemos camiños cos dedos sobre a fariña. Continuamos levando a Colorín as nosas casas e cubrindo o seu libro. Temos sesións de psicomotricidade. Como MANUALIDADE facemos unha BONECA que convertemos en títere meténdoa dentro dun filtro de café decorado con gomets de cores. A boneca vai punteada coas ceras grosas. Celebramos os cumpreanos correspondentes. Cara a finais de mes, comezamos a falar do ENTROIDO. Todas as unidades da escola participaremos na elaboración do decorado das portas principais da escola. Como as profes ímonos disfrazar de INDIAS no FESTIVAL DE ENTROIDO, imos facer entre as clases de bebés e 1 a 2 unha TENDA DE CAMPAÑA INDIA e entre as clases de bebés e 2 a 3 un TÓTEM. 35

36 A Clase dos bebés pintou unha caixa de diferentes cores. A Clase de 2-3A pintou un cilindro de cartón duro con cores laranxas e amarelas que se converteu nun tigre. Tamén pintou unha lámina de poliespán de laranxa que fixo de base para o tigre. A Clase 2-3B pintou nu cilindro de cartón con témpera amarela, e cando secou, os cativos estamparon as súas mans molladas en pinturas de diferentes cores. Tamén transformaron unha caixa de cartón nun moucho cheo de plumas de cores. A Clase C pintou un cilindro de cartón con témperas e transformouno nun oso moi gracioso. A base de poliespán pintárona con témpera e despois decorárona con figuras xeométricas de diferentes texturas e cores. Os disfraces que realizamos nas aulas de 2-3 foron os seguintes. A Clase A fixo disfraces de MARACAS. A Clase B disfrazouse de PIANO. A Clase C disfrazouse de XILÓFONO. En todos os distraces participaron moi activamente os cativos, pintando con témperas, pegando anaquiños de papeis... Todos os nenos e nenas estaban moi guapos cos seus disfraces. MARZO Disfrazamos na clase cos disfraces da escola e pintamos as nosas cariñas. O 4 de marzo celebramos o FESTIVAL DE ENTROIDO na escola. As profes disfrazámonos de indias e as familias dos nenos e nenas participaron activamente no festival, vindo moitos deles disfrazados. Merendamos todos xuntos e o pasamos fenomenal. Ese mesmo día pola mañá disfrazámonos en cada clase do instrumento que nos correspondía (maracas, pianos e xilófonos). O longo deste mes celebramos na escola O MES DA MÚSICA. Cada semana foi dedicada a un tipo de música: clásica, infantil, galega e pop. Nas clases de 2 a 3 non houbo moita participación das familias pero, por sorte, puidemos disfrutar tamén dalgunhas das actuacións dos grupos de bebés e de 1 a 2. Na semana da música clásica tivemos un pequeno concerto de saxofón a cargo de Xiana, a filla de Ana Rosa, unha compañeira da escola. Na semana da música infantil disfrutamos do concerto dos pais de Sara Fontenla (1-2) que axudados por un piano e megafonía deleitáronos con un concerto de moitas cancións coñecidas polos cativos. Tivemos outro recital, o dun primo de Paula Touceda (2-3), que tocou a guitarra cantando divertidas cancións infantís. Na semana da música galega participaron o pai de Carla Gonzalez (2-3) tocando a gaita, a irmán de Margarita (2-3) tocando a pandeireta e cantando cancións galegas e uns familiares de Ana, unha compañeira da escola que tocaron a gaita e a caixa. 36

37 Para rematar, tivemos un super concerto de rock na semana da música pop. Os roqueiros foron os pais de Uxía (1-2) e o padriño de Víctor (1-2) que se uniron e tocando a batería, o piano e a guitarra eléctrica e acústica. Déronnos un concerto incrible no que tanto profes como nenos e nenas disfrutamos enormemente. As actividades que levamos a cabo na aula foron as seguintes: pintamos debuxos de diferentes instrumentos musicais; cada semana fixemos un mural escoitando unha peza musical do estilo que estábamos traballando; entre toda a escola fixemos un cadro con motivos musicais; e, para rematar, a manualidade foi a confección (botáronlle arroz) e decoración (pegáronlle gomets) dunhas maracas que levaron para a casa. Continuamos realizando as actividades e traballiños de MÉTODO COLORÍN. Como remata o segundo trimestre, levan para a casa tanto os traballiños como os debuxos que teñen na clase. Colorín continúa visitado as casas dos cativos e entre todos (familias e escola) imos cubrindo o Libro de Colorín. A estas alturas do curso, as RUTINAS da asamblea (saúdo de Colorín, mirar o tempo, recitar os días da semana, poñer as fotos d asistencia no cole...), da galleta, recreo, xantar, sesta e merenda están completamente interiorizadas e forman parte do traballo diario que facemos na escola. Continuamos celebrando os cumpleanos. Realizamos o AGASALLO para os PAPÁS: un colgante en forma de coche coa foto do neno en cuestión, para que o colguen dos coches dos papás. Como estamos traballando o tema dos animais, aproveitamos e pedímoslles as familias que nos trouxeran á clase as súas MASCOTAS. En 2 a 3 non hai moitas mascotas nas casas, pero viñéronnos visitar o coello de Ben, os cans de Noa e Gael e o can de Anxo. Os nenos disfrutaron coa experiencia e mostráronlle moito cariño aos animais. Cada clase de 2 a 3 tivo como mascota a un peixe, ao que lle dábamos de comer en días alternos e disfrutábamos mirando como nadaban. Decoramos a aula con motivos primaverais e falamos das características da primavera. 37

38 TERCEIRO TRIMESTRE ABRIL Comezamos o mes de abril realizando a excursión que tíñamos programada para finais do trimestre anterior, pero, que por problemas de axenda tivemos que aprazar dúas semanas. Fomos de EXCURSIÓN a unha GRANXA situada no lugar de Liñares, Cabanas, no Concello de A Baña. Os nenos e nenas disfrutaron enormemente vendo muxir ás vacas, dándolles de comer, acariciando aos xatos...e repoñendo forzas para o camiño de volta tomando leite fresca e gusanitos. Todos o pasamos moi ben e os donos da granxa tratáronnos fenomenal!!! Celebramos A SEMANA DO LIBRO do 11 ó 15 de abril. Cada neno e nena trouxo un libro de contos da súa casa e durante esa semana fomos mirándoos na clase. O venres 15 celebramos na escola A FESTA DO LIBRO na que compartimos entre todos,no patio da escola, os libros que trouxeron das casas. Foi unha experiencia enriquecedora para todos!!! Plantamos de novo no noso horto: Clase A: leitugas. Clase B: xudías. Clase C: chícharos. Os tres tipos de verduras medraron moi ben e os nenos puideron ver todo o proceso de crecemento e disfrutaron con esta experiencia. O longo deste mes celebramos con gran éxito as XORNADAS DE PORTAS ABERTAS. A participación e a implicación das familias foi moi boa e os nenos e nenas quedaron encantados e pasárono moi ben. 38

39 O tema das xornadas foron as profesións dos pais e tivemos desde pasteleiros e enfermeiros ata instalador de alarmas e dependentes de perfumería, entre outros. Na clase vemos as FOTOS DAS FAMILIAS de cada neno e nena, dicindo quen son e como se chaman. Esta actividade gústalle moito aos cativos. Realizamos o AGASALLO para todas as MAMÁS: un colgante de barro con forma de corazón ou de estrela que os nenos e nenas moldearon e pintaron e que quedaron preciosos. Os nenos e nenas traen para quedar na escola un xoguete de cor azul. Temos sesións de psicomotricidade, vídeo e informática unha vez por semana. Facemos os traballiños do método de Colorín. MAIO Continuamos realizando as láminas do LIBRO DAS CORES. Ensaimos a diario a canción que imos bailar no festival de fin de curso. É a canción "Sereíña do mar" de Mamá Cabra. Celebramos a SEMANA DA ARTE este ano dedicada a GAUDÍ. Entre os nenos de 2 a 3 facemos un tríptico da obra de Gaudí "Inspiración". A técnica utilizada é a pegada dos dedos mollados en pinturas de cores. Os cadros quedaron realmente moi ben. Demostramos que nós tamén somos uns artistas!!! Tamén falamos sobre a vida de Gaudí, vimos algún conto sobre a súa vida e a súa obra e recoñecemos a Sagrada Familia e o Lagarto do Parque Well. Como MANUALIDADE fixemos a nosa propia ESCULTURA con plastilina de cores e taquiños de madeira, areas de cores...quedáronnos moi ben. Cada neno e nena fixo tamén un PUZLE dunha das torres da Sagrada Familia. Vimos un vídeo sobre a vida e obra de Gaudí en debuxos animados. E por último, fixemos un pequeno collage dunha bolboreta. Sacamos as fotos para a nosa ORLA. A gran maioría dos nenos e nenas saíron sorrindo e moi guapos. 39

40 XUÑO O día 10 de xuño fixemos a nosa derradeira EXCURSIÓN. Fomos en autobús á PRAIA FLUVIAL DE TAPIA. As profes levamos bastantes xogos preparados e os cativos disfrutaron dunha fermosa mañá de sol o carón do río. Xogamos, entre outras outras cousas á roda-roda, aos bolos, a poñernos dentro e fora dos aros, á pita cega...pasámolo en grande. O día 16 celebramos o FESTIVAL DE FIN DE CURSO. Os nenos e nenas portáronse de marabilla. Bailaron a canción da "Sereíña" mellor ca nunca e estiveron sentados no escenario todo o festival portándose como nenos maiores. A roupa que tiñan que levar era: clase A, camiseta de cor vermello, clase B, camiseta de cor azul e na clase C, camiseta verde. Todos tiñan que levar pantalón curto, preferiblemente vaquero. Como remate da festa, as profes fixeron entrega a cada neno e nena do seu diploma, no que consta que teñen superado o Primeiro Ciclo de Educación Infantil. A festa resultou moi emotiva e todos saímos moi contentos. Rematamos a elaboración do LIBRO DAS CORES. Como o tamaño final é un pouco grande, resulta incómodo para levalo cada neno a súa casa, e decidimos expoñelos na entrada da escola. Cada aula de 2 a 3 expón o seu. Consta de seis láminas de cada cor primario, nelas hai distintas técnicas plásticas ( pintar con pinceis, con ceras, con xices, cos dedos; pegado de gomets, de diferentes tipos de papeis; estampados de diferentes formas...), distintas texturas...etc. O resultado foi positivo, posto que os nenos "traballaron" moito e esteticamente quedaron moi bonitos. Realizamos O CACHO. Os nenos e nenas colaboraron moito aportando as flores e a auga que pedíamos. Realizamos esta actividade o día 22 en lugar do 23 posto que este ano, San Xoán coincide pegado á fin de semana, e eran moitos días para ter a auga coas flores. Os nenos e nenas de 2 a 3 xuntáronse no patio da escola para facer o cacho de forma conxunta, e o día seguinte, lavaron as cariñas cada un na súa clase. Gustoulles moito esta actividade. Realizamos xogos relacionados coa EDUCACIÓN VIAL. Resaltamos a importancia de cruzar a estrada collidos da man dun adulto e sempre que o semáforo dos peons estea en verde ou nos mande o policía. Os cativos disfrutaron simulando que eran adultos cruzando as rúas, outros ían nas motos e tiñan que deixar paso polos pasos de peóns...foi moi divertido. Practicamos o trazo vertical no aire, no chan, no encerado, no papel... Repasamos as catro cores primarias mediante diferentes actividades e xogos. 40

41 Rematamos a elaboración do LIBRO DE COLORÍN. Os nenos comezan a levalo para casa, xunto a Colorín, para ver o resultado final. Levan para as casas todos os traballiños do trimestre, xunto coa avaliación. XA CHEGAMOS AO VERÁN, E O CURSO E A VOSA ESTANCIA NA ESCOLA REMATOU. AS PROFES DE 2 A 3 DESEXÁMOSVOS TODA A SORTE DO MUNDO NA NOVA VIDA ESCOLAR QUE IDES COMENZAR E ESPERAMOS QUE POLO MENOS, ALGUN RECORDO DA ESCOLA QUEDE NO VOSO CORAZÓN. ESPERAMOS QUE NOS VEÑADES FACER ALGUNHA VISITA DE CANDO EN VEZ MOITOS BICOS E UNHA FORTE APERTA!!! Antes de rematar esta memoria,dende a E.I.M O Bosque, queremos dar as grazas a todas as familias que colaboraron con nós sempre que as necesitamos para levar a cabo calquera actividade. 41

42 42