Somos auga GUÍA DIDÁCTICA. 1º Ciclo de Educación Infantil Rapaces de 1 a 3 anos. Proxecto educativo sobre a importancia da auga

Transcrição

1 Proxecto educativo sobre a importancia da auga GUÍA DIDÁCTICA 1º Ciclo de Educación Infantil Rapaces de 1 a 3 anos

2 GUÍA DIDÁCTICA para 1º ciclo de Educación Infantil (rapaces de 1 a 3 anos) Elaborada por: Esther Rodríguez Enjamio (Directora da Gardería Municipal de Abegondo ) Tr o m p i c a ll o A Picota, Abegondo (A Coruña) info@trompicallo.com

3 Índice Xustificación Obxectivos Proposta de actividades 1- Referidas á ambientación e á animación. 2- Referidas á identidade e autonomía persoal. 3- Referidas ao medio físico e social. Avaliación

4 Xustificación Os nenos e nenas teñen contacto coa auga a miúdo, xa sexa na casa, na escola, ao aire libre... lávanse as mans, dúchanse, bébena, divírtense..., é unha realidade cotiá pola que senten un marcado interese e isto é o que utilizaremos para convertela en motivo de traballo, a través da propia ACCIÓN, MANIPULACIÓN E EXPERIMENTACIÓN, formas coas que o neno e a nena serán os principais protagonistas do proceso de aprendizaxe e suxeitos activos na construción de coñecementos e no seu desenvolvemento, en interacción cos iguais, adultos, situacións e obxectos. Pero, tristemente, este elemento é un ben da natureza cada día máis prezado e dámonos conta de que temos que coidala, porque é vital para a vida na terra. É o medio de moitos animais, imprescindible para as plantas e, desde logo, sempre presente na vida das persoas: na hixiene diaria, na limpeza en xeral, para cociñar, para o transporte, e tamén, como non, para gozar dela, da súa beleza (lagos, fervenzas, cataratas...) e de todas as súas posibilidades de lecer e deporte (nadar, navegar, pescar...). A través desta programación os nenos e nenas descubrirán a auga, tratándoa desde unha perspectiva globalizadora, na que se presta ás nenas e aos nenos diferentes aspectos da realidade, e así lles axudaremos a respectala como se merece e a gozar plenamente dela. Obxectivos - Mostrar unha actitude positiva cara ao bo uso e aproveitamento da auga. - Coñecer a importancia da auga para todos os seres vivos. - Pór en práctica hábitos saudables: hixiene, aforro da auga - Experimentar coa auga para coñecer as súas calidades.

5 Proposta de actividades 1- Referidas á ambientación e á animación: - Todo comezará ambientando a aula, pegando nas paredes pósteres de paisaxes con auga (praias, fervenzas, ríos, fondo do mar). - Nunha cartolina e baixo o título "Onde hai auga?" iremos pegando fotografías de lagos, billas, fontes, ríos... (o ideal sería que as fotografías fosen traídas polo grupo das súas casas). - Crear un caixón para gardar materiais que sirvan para experimentar coa auga e que irán traendo os nenos e as nenas das súas casas: pedras, cortizas, botellas, embudes, esponxas... - Poderiamos realizar algunha saída cuxa motivación sexa a auga por exemplo ir a un acuario, para observala como medio de vida dalgúns animais, ou ir a un parque onde ver auga nas fontes, os estanques, etc. (1) Unha vez realizada podemos lembrala coa ficha 1 do Anexo. - Aprenderemos a canción da auga que imos ter que cantar cando asistamos a representación de teatro: Auga, auga Auga para lavarnos Auga, auga Auga para beber Auga, auga Auga para regar Auga, auga Auga para vivir (2) Podemos atopar a melodia en Ademais de cantala na aula, poderiamos reflexar cada estrofa en papel para as nenas e os nenos a leven á casa e a coñezan as familias. Podemos empregar as fichas 2,3,4 e 5 do Anexo

6 2- Referidas á identidade e autonomía persoal. - Reforzar o proceso de lavarse as mans: - Pasos a seguir (mollar, enjabonar, pechar a billa, secar). - Por que é tan importante? (3) Realizar a ficha 6 do Anexo. - Xogar libremente con barro dispondo recipientes con auga para mesturar e ver que lle pasa ao barro. - Xogar a facer masa, mesturando fariña e auga. - Realizar xogos de experimentación sensorial: - Engadir sal a un vaso de auga e azucre a outro, probar e falar do sabor doce e salgado. - Manipular cubiños de xeo apreciando as calidades de dureza, esvaradizo e temperatura fría, e observar o que ocorre despois dun tempo de manipulación fóra do conxelador. Ao finalizar a sesión recolleremos a auga nun recipiente que volveremos meter no conxelador para observar, ao día seguinte, o que pasou. - Introducir anacos de papel pinocho de distintas cores en vasos de plástico transparente cheos de auga e ver como esta se tingue. - Xogar con auga e os materiais do caixón da clase.

7 3- Referidas ao medio físico e social. - Presentaremos e explicaremos un conto (podería ser o conto de "A gota Clara" - Ficha 9 do anexo) con a que transmitir a idea de que a auga non se pode crear artificialmente senón que se atopa na natureza seguindo un ciclo que explicaremos con este conto de forma sinxela e xeneralizada (a auga do mar quéntase co sol e iso provoca que as pingas suban cara ao ceo formando nubes que, segundo se van cargando, póñense grises. Cando dúas destas nubes chocan a auga que hai nelas cae en forma de choiva, formando charcos, fervenzas, ríos que seguirán o seu curso até chegar de novo ao mar). Realizaremos neste momento a ficha das pingas de choiva, trazando un camiño vertical desde a nube até o chan. (4) Ficha 7 do Anexo. - Contaremos contos de animais que vivan na auga e realizaremos a actividade de estampar co dedo dentro das siluetas dos animais que viven na auga. (5) Ficha 8 do Anexo. -Veremos como inflúe a presenza/existencia ou non de auga na paisaxe e por conseguinte nas formas de vida existentes utilizando fotografías que traeremos á aula e realizando un pequeno experimento con dúas sementes, cada unha no seu recipiente. Observaremos o que ocorre se durante uns días regando só un deles. Aproveitaremos este momento para lembrar que iremos ao teatro e alí poderemos gozar dunha historia que "fala" disto. - Por último asistiremos a obra de teatro O día que chegou unha nube e choveu e, despois de gozar dela, podemos falar na aula do que ocorría nesa historia e de como nós podemos axudar a que a auga non desapareza: pechar a billa en canto acabamos de lavar as mans, non tela aberta mentres nos cepillamos os dentes, aproveitar a auga coa que estivemos a xogar en clase para regar as nosas plantas...

8 Avaliación - Esta comezará cando os nenos e nenas expresan as súas inquiedanzas e coñecementos a respecto da auga ao comezo do centro de interese (AVALIACIÓN INICIAL). - Proseguirá durante o desenvolvemento da mesma, a través da observación sistemática das experiencias realizadas, dos comportamentos, das habilidades adquiridas, das actitudes (AVALIACIÓN CONTINUA). - Continuaremos coa AVALIACIÓN FINAL e, ao finalizar este centro de interese, realizaremos unha posta en común na que se reflexionará sobre os contidos e actividades realizadas, lembrando as cancións, os contos e as experiencias que se desenvolveron. Avaliaremos os coñecementos que ao longo da unidade se foron construíndo, e ademais da asemblea, utilizaremos como instrumentos de avaliación as fichas propostas e diferentes gravacións que fixésemos, así como a obra de teatro á que asistimos.

9 Ficha - 1

10 Auga, auga... auga para lavarse. Ficha - 2

11 Auga, auga... auga para beber. Ficha - 3

12 Auga, auga... auga para regar. Ficha - 4

13 Auga, auga... auga para vivir. Ficha - 5

14 Ficha - 6

15 Ficha - 7

16 Rodea aos animais que viven na auga Ficha - 8

17 Éste conto está estructurado en sete partes, e convinte para a comprensión dos nenos facer debuxos de cada unha delas, a continuación de cada párrafo e entre paréntesis e cursiva aparece unha suxerencia do que se pode facer. O CONTO DA GOTA CLARA (Portada co título e un debuxo da gota Clara) Un día o mar estaba moi contento e xogaba formando unha enormes ondas que subían e baixaban salpicando moitas gotas, entre elas a gota Clara. (As ondas do mar salpicando gotas, Clara entre elas, o sol, peixes e cabaliños de mar). Como aquel día facía moita calor de cando en vez algunhas gotas subían moi alto, moi alto ata onde estaba o sol. (As gotas subindo dende o mar cara o sol). Cando estas gotas se encontraban alá enriba xuntábanse moito, moito, formando unha nube branca e esponsoxa. ( O sol e unha nube). Pouco a pouco esta nube xuntábase con outras nubes ata que todas xuntas se convertían nun enorme nubarrón que tapaba o sol. ( O sol case cuberto por unha gran nube gris). De pronto, empezou a soprar o vento (fuuum, fuuum...) e fixo que o nubarrón se movera moi depresa caendo algunhas das gotas que había nel: primeiro unha gota, logo outra, outra, e tamén a gota Clara que se asustou moito e non quiso mirar. Cada vez caían máis depresa, ata chover moi forte. ( O vento soprando e as gotas caendo da nube). Case sen darse conta a gota Clara e as súas amigas cegaron a un enorme río onde a auga baixaba moi rápido. A onde irei a parar? dicía a gota Clara. (Clara asustada e outras gotas caendo no río). Aquel río seguíu baixando, baixando... e foi parar ó enorme mar, que alegría levou a gota Clara!. Outra vez ía xogar cos peixes, os cabaliños de mar, coas ondas e as súas amigas gotas. (Clara moi leda chegando de novo ao mar do principio). Ficha - 9