Pontedeume - ORDENANZA FISCAL Nº14 DO IMPOSTO SOBRE O INCREMENTO DE VALOR DOS TERREOS DE NATUREZA URBANA.

Transcrição

1 Servicio de Asistencia a Municipios Castelán Galego... O r d e n a n z a s e r e g u l a m e n t o s N o v a b u s c a Pontedeume - ORDENANZA FISCAL Nº14 DO IMPOSTO SOBRE O INCREMENTO DE VALOR DOS TERREOS DE NATUREZA URBANA. Publicación provisional : BOP Nº Publicación definitiva : BOP Nº 288 R e d a c c i ó n a p l i c á b e l d e n d e Redaccións - CAPÍTULO I - Feito impoñíbel - Artigo 1º. - Capítulo II - Exencións - Artigo 2º. - Capítulo III - Suxeitos pasivos - Artigo 3º - Capítulo IV - Base impoñíbel - Artigo 4º - Artigo 5º - Artigo 6º - Artigo 7º - Artigo 8º - Artigo 9º - Capítulo V - Débeda tributaria - Sección primeira - Cota tributaria - Artigo 10º - Sección segunda - Bonificacións na cota - Artigo 11º - Capítulo VI - Exixibilidade do pagamento - Artigo 12º - Artigo 13º - Capítulo VII - Xestión do Imposto - Sección primeira - Obrigas materiais e formais - Artigo 14º - Artigo 15º - Artigo 16º - Artigo 17º - Sección segunda - Inspección e recadación - Artigo 18º - Sección terceira - Infraccións e sancións - Artigo 19º - DISPOSICIÓN DERRADEIRA CAPÍTULO I Feito impoñíbel Artigo 1º. 1.- Constitúe o feito impoñíbel deste imposto, o incremento do valor que experimenten os terreos de natureza urbana e de características especiais para os efectos do IBI, e que se manifeste por mor da transmisión da propiedade dos mesmos por calquera título, ou da constitución ou transmisión de calquera dereito real de goce, limitativo do dominio, sobre os devanditos terreos. Terán a consideración de terreos de natureza urbana e de características especiais os así cualificados polo artigo 6 do Real decreto lexislativo 1/2004 de 5 de marzo polo que se aproba o texto refundido da Lei de catastro inmobiliario ( BOE 8 de marzo de 2004). Non será preciso para a exixencia do imposto que os citados terreos estean contemplados como tales no catastro ou padrón do IBI. 2.- Non está suxeitos a este imposto: a.- o incremento do valor que experimenten os terreos que teñan a consideración de rústicos para os efectos do imposto sobre bens inmobles. b.- as achegas de bens e dereitos realizadas polos membros á sociedade conxugal, as adxudicacións que ao seu favor e en pagamento delas se verifiquen e as transmisións que se fagan aos cónxuxes en pagamento dos seus haberes comúns C.- as transmisións de bens inmobles entre cónxuxes ou a favor dos seus fillos, como consecuencia do cumprimento de sentenzas nos casos de nulidade, separación ou divorcio matrimonial, sexa cal sexa o réxime económico matrimonial. Capítulo II Exencións Artigo 2º. 1.- Están exentos deste imposto os aumentos de valor que se produzan como consecuencia de: A) A constitución e transmisión de calquera dereito de servidume. B) As transmisións de bens que se encontren dentro do perímetro delimitado como conxunto histórico-artístico, ou teñan sido declarados individualmente de interese cultural, segundo o estabelecido na Lei 16/1985 de 25 de xuño do patrimonio histórico español, cando seus propietarios ou titulares de dereitos reais acrediten que realizaron ao seu cargo obras de conservación, mellora ou rehabilitación en ditos inmobles. Para estes efectos, as obras de conservación, mellora ou rehabilitación de inmobles deberán cumprir os seguintes requisitos: - Que as obras se teñan efectuado nos anos en cuxo curso se teña posto de manifesto o incremento de valor, despois da obtención da correspondente licenza municipal, e de conformidade coas normas reguladoras do réxime de protección desta clase de bens. - Que o importe total das obras, de acordo co orzamento ou orzamentos presentados para o efecto do outorgamento da licenza, cubra como mínimo o incremento de valor. Página 1 de 5

2 - Que a solicitude de exención se presente dentro do prazo de declaración ou autoliquidación e se acompañe proba documental acreditativa do cumprimento das condicións sinaladas, comprensiva de: * Licenza municipal de obras * Certificado final de obras * Carta de pagamento da taxa urbanística polo outorgamento da licenza. * Acreditación do pago do imposto sobre construccións, instalacións e obras. 2.- Tamén están exentos deste imposto os incrementos de valor cando a obriga de satisfacelo recaia sobre as persoas ou entidades indicadas no artigo do texto refundido da Lei reguladora de facendas locais aprobada por Real decreto lexislativo 2/2004 de 5 de marzo. Capítulo III Suxeitos pasivos Artigo 3º Terán a condición de suxeitos deste imposto: a) O adquirente do terreo ou a persoa que constitúa ou transmita o dereito real de que se trate nas transmisións de terreos ou na constitución ou transmisión de dereitos reais de goce, limitativos de dominio, a título lucrativo. b) O transmitinte do terreo ou a persoa que constitúa ou transmita o dereito real de que se trate, nas transmisións de terreos ou na constitución ou transmisión de dereitos reais de goce limitativos do dominio, a título oneroso. Capítulo IV Base impoñíbel Artigo 4º 1. A base impoñíbel deste imposto está constituída polo incremento real do valor dos terreos de natureza urbana, que se pon de manifesto no momento da obriga do pagamento do imposto, experimentado no transcurso dun período máximo de 20 anos. 2. Para determinar o importe do incremento real -a que se refire a alínea anterior- aplicarase, sobre o valor do terreo no momento da exixibilidade do imposto, a porcentaxe que corresponda en función do número de anos pola correspondente porcentaxe anual que será: a) Para os incrementos de valor xerados nun período de tempo comprendido entre un e cinco anos, 3 b) Para os incrementos de valor xerados nun período de tempo de ata dez anos, 2,8 c) Para os incrementos de valor xerados nun período de ata quince anos, 2,6 d) Para os incrementos de valor xerados nun período de ata vinte anos, 2,5 Artigo 5º Para os efectos de determinar o período de tempo en que se xere o incremento de valor tomarase, tan só, os anos completos transcorridos entre a data da anterior adquisición do terreo de que se trate ou da constitución ou transmisión -igualmente anterior dun dereito real de goce limitativo do dominio sobre o mesmo- e a producción do feito impoñíbel deste imposto, sen que consideren as fraccións do ano. En ningún caso o período de xeración poderá ser inferior a un ano. Artigo 6º Nas transmisións de terreos de natureza urbana e no período de obriga do pagamento, considerase como valor dos mesmos o que teñan fixado nese momento para os efectos do imposto sobre bens inmobles. Artigo 7º Na constitución e transmisión de dereitos reais de goce limitativos de dominio sobre terreos de natureza urbana, a porcentaxe correspondente aplicarase sobre a parte do valor definido no artigo anterior que represente, respecto do mesmo, o importe dos referidos dereitos, calculando segundo as seguintes regras: A) No caso de constituírse un dereito de usufructo temporal, o seu valor equivalerá a un 2 por 100 do importe catastral do terreo por cada ano de duración do mesmo, sen que poida exceder do 70 por 100 do dito importe catastral. Página 2 de 5

3 B) Se o usufructo fose vitalicio, no caso de que o usufructuario tivese menos de vinte anos, o seu valor será equivalente ao 70 por 100 do valor catastral do terreo, minorándose esta cantidade nun 1 por 100 por cada ano que exceda da dita idade, ata o límite mínimo do 10 por 100 do expresado valor catastral. C) Se o usufructo se estabelece a favor dunha persoa xurídica por un prazo indefinido ou superior a trinta anos, considerarase como unha transmisión da propiedade plena do terreo suxeita a condición resolutoria e o seu valor equivalerá ao 100 por 100 do importe catastral do terreo usufructuado. D) Cando se transmita un dereito de usufructo xa existente, as porcentaxes expresadas nas letras A), B) e C) anteriores aplicaranse sobre o valor catastral do terreo cando se produza esta transmisión. E) Cando se transmita o dereito na súa propiedade, o seu valor será igual á diferenza entre o valor catastral do terreo e o seu valor usufructo, calculando este último segundo as regras anteriores. F) O importe dos dereitos de uso e habitación será o que resulte de aplicar as regras correspondentes á valoración dos usufructos temporais ou vitalicios -segundo os casos- ao 75 por 100 de valor catastral dos terreos sobre os que se constitúan tales dereitos. G) Na constitución ou transmisión de calquera outro dereito real de goce limitativo do dominio, distinto dos enumerados nas letras A), B), C) e D) deste artigo e o seguinte, considerarase como importe dos mesmos, para os efectos deste imposto: a) O capital, prezo ou importe pactados ao constituílo, se fose igual ou maior que o resultado da capitalización ao xuro básico do Banco de España da súa renda ou pensión anual. b) Este último se aquel fose menor. Artigo 8º Na constitución ou transmisión do dereito a elevar unha ou máis plantas sobre un edificio ou terreo ou do dereito a realizar a construcción baixo solo sen implicar a existencia dun dereito real de superficie, a porcentaxe correspondente aplicarase sobre a parte do valor catastral que represente, respecto do mesmo, o módulo de proporcionalidade fixado na escritura de transmisión ou, no seu defecto, o que resulte de estabelecer a proporción entre a superficie ou volume dos andares que se constrúan sobre o solo ou en subsolo e a superficie total ou volume edificado, unha vez construídos aqueles. Artigo 9º Nos supostos de expropiación forzosa, a porcentaxe correspondente aplicarase sobre a parte do prezo xusto que corresponda ao valor do terreo. Capítulo V Débeda tributaria Sección primeira Cota tributaria Artigo 10º A cota deste imposto será a resultante de aplicar á base impoñible o tipo 26% Sección segunda Bonificacións na cota Artigo 11º Gozarán dunha bonificación de ata o 99 por 100 as cotas que se deban percibir nas transmisións que se realicen con ocasión das operacións de fusión ou escisión de empresas a que se refire a Lei 76/1980 de 26 de decembro, sempre que así o acorde o concello. Se os bens, cuxa transmisión deu lugar á referida bonificación, fosen alleados dentro dos cinco anos seguintes á data da fusión ou escisión, o importe desta bonificación deberá de ser pagado ao concello respectivo. Isto sen prexuízo do pagamento do imposto que corresponda polo devandito alleamento. Tal obriga recaerá sobre a persoa ou entidade que adquiriu os bens a consecuencia da operación de fusión ou escisión. Página 3 de 5

4 Capítulo VI Exixibilidade do pagamento Artigo 12º 1. O imposto deberá ser pagado na data de transmisión (ou constitución): a) Cando se transmita a propiedade do terreo, ben sexa oneroso ou gratuíto, entre vivos ou por causa de morte. b) Cando se constitúa ou transmita calquera dereito real de goce limitativo do dominio. 2. Para os efectos do disposto na alínea anterior, considerase como data de transmisión. a) Nos actos ou contratos entre vivos, a do outorgamento público; cando se trate de documentos privados, a da súa incorporación ou inscrición nun rexistro público ou da súa entrega a un funcionario público por razón do seu oficio. b) Nas transmisións por causa de morte, a do falecemento do causante. Artigo 13º 1. O suxeito pasivo terá dereito á devolución do imposto satisfeito cando se declare ou recoñeza xudicial ou administrativamente por resolución firme que tivo lugar a nulidade, rescisión ou resolución do acto ou contrato determinante da transmisión do terreo ou da constitución ou transmisión do dereito real de goce sobre o mesmo, sempre que o dito acto ou contrato non lle producise efectos lucrativos e que se reclame a devolución do prazo de cinco anos desde que a resolución quedou firme. Enténdese que existe efecto lucrativo cando non se xustifique que os interesados deban de efectuar as recíprocas devolucións a que se refire o artigo 1295 do Código civil. Anque o acto ou resolución se declarase por incumprimento das obrigas do suxeito pasivo do imposto, non haberá lugar a devolución ningunha. 2. Se o contrato queda sen efecto por mutuo acordo das partes contratantes, non procederá a devolución do imposto satisfeito e considerarase como un acto novo suxeito a tributación. Estimarase a avinza, acto de conciliación e a simple conformidade coa demanda como tal mutuo acordo. 3. Nos actos ou contratos en que medie algunha condición, a súa cualificación farase conforme coas prescricións contidas no Código civil. Se fose suspensiva, non se liquidará ata que esta se cumpra. Se a condición fose resolutoria, exixiríase o imposto, en espera de facer a oportuna devolución segundo a regra da alínea 1 deste artigo, cando a condición se cumpra. Capítulo VII Xestión do Imposto Sección primeira Obrigas materiais e formais Artigo 14º 1.- Os suxeitos pasivos estarán obrigados a presentar perante este concello a declaración, segundo o modelo determinado polo mesmo, contendo os elementos da relación tributaria imprescindíbeis para practicar a liquidación procedente. 2.- Esta declaración deberá de ser presentada nos seguintes prazos, contando a partir da data en que se produza a obriga do imposto: a) Cando se trate de actos "inter vivos", o prazo será de trinta días hábiles. b) Cando se trate de actos por causa de morte, o prazo será de seis meses prorrogábeis ata un ano, despois da solicitude do suxeito pasivo. 3.- Os documentos nos que consten actos ou contratos que dan orixe á imposición achegaranse xunto coa declaración. 4.- O Concello poderá estabelecer o sistema de autoliquidación polo suxeito pasivo, segundo os modelos aprobados polo concello para o efecto, e que levará consigo o ingreso da cota resultante da mesma dentro dos prazos previstos no apartado 2. deste artigo. Respecto das sinaladas autoliquidacións, o concello só poderá comprobar que se teñen efectuado mediante a aplicación correcta das normas reguladoras do imposto, sen que poidan atribuírse valores, bases ou cotas diferentes das resultantes de tales normas. Página 4 de 5

5 5.- A autoliquidación non poderá exixirse, en todo caso, no suposto previsto no parágrafo terceiro da letra a do apartado 2 do artigo 107 do Decreto lexislativo 2/2004 de 5 de marzo polo que se aproba o texto refundido da Lei reguladora das facendas locais. Artigo 15º As liquidacións do imposto notificaranse integramente aos suxeitos pasivos con indicación do prazo de ingreso e expresión dos recursos procedentes. Artigo 16º Con independencia do disposto na alínea primeira do artigo 17, están igualmente obrigados a comunicar ao concello a realización do feito impoñíbel, nos mesmos prazos que os suxeitos pasivos: a) O doador ou persoa que constitúa ou transmita o dereito real de que se trate, nos supostos contemplados na letra a) do artigo 6º da presente ordenanza, sempre que se teñan producido por negocio xurídico entre vivos. b) O adquirente ou a persoa a favor da cal se constitúa ou transmita o dereito real de que se trate, nos supostos contemplados na letra b) do mesmo artigo. Artigo 17º Así mesmo, os notarios estarán obrigados a remitir ao concello, dentro da primeira quincena de cada trimestre, relación ou índice comprensivo de todos os documentos por eles autorizados no trimestre anterior, nos que se conteñan feitos, actos ou negocios xurídicos que lles fosen presentados para coñecemento ou lexitimación de sinaturas. O prevido nesta alínea enténdese sen prexuízo do deber xeral de colaboración estabelecido na Lei xeral tributaria. Sección segunda Inspección e recadación Artigo 18º A inspección e recadación do imposto realizaranse de acordo co prevido na Lei xeral tributaria e nas demais leis do Estado reguladoras da materia así como nas disposicións ditadas para o seu desenvolvemento. Sección terceira Infraccións e sancións Artigo 19º En todo o relativo ás cualificacións das infraccións tributarias así como á determinación das sancións que correspondan polas mesmas en cada caso, aplicarase o réxime regulado na Lei xeral tributaria e nas disposicións que a complementan e desenvolven. DISPOSICIÓN DERRADEIRA A presente ordenanza foi aprobada polo Pleno da corporación na sesión celebrada o día vinte e sete de outubro de dous mil cinco. Entrará en vigor, logo da súa publicación no Boletín Oficial da provincia, o un de xaneiro de 2006, permanecendo en vigor ata a súa modificación ou derrogación expresas. N o t a l e g a l S e r v i z o d e A s i s t e n c i a E c o n ó m i c a a M u n i c i p i o s Página 5 de 5