polo que se regula a comercialización en orixe dos produtos pesqueiros na Comunidade Autónoma de Galicia. (versión )

Transcrição

1 Proxecto de Decreto polo que se regula a comercialización en orixe dos produtos pesqueiros na Comunidade Autónoma de Galicia. (versión ) A entrada en vigor da Lei 11/2008, do 3 de decembro, de pesca de Galicia, modificada pola Lei 6/2009, do 11 de decembro, de pesca de Galicia supuxo un importante cambio normativo que considera a pesca, o marisqueo e a acuicultura coma un sector estratéxico non só pola súa importancia económica, senón tamén pola súa dimensión social e, nese sentido, este novo texto normativo fai fincapé, entre outros, na mellora das canles de comercialización e distribución, nas medidas destinadas á mellora das condicións hixiénicas e de saúde pública dos produtos pesqueiros e en materia de seguridade alimentaria como para asegurar a súa trazabilidade. O Decreto 419/1993, do 17 de decembro, polo que se refunde a normativa vixente sobre descarga, primeira venda e comercialización dos recursos mariños en fresco, regulou durante case dúas décadas a comercialización dos produtos pesqueiros. A necesaria adaptación á regulamentación comunitaria, en especial ao Regulamento CEE 2847/1993, do Consello, do 12 de outubro, polo que se establece un réxime de control aplicable á política pesqueira común e as súas posteriores modificacións, obrigou a modificalo por medio do Decreto 101/2006, do 8 de xuño, de regulación no ámbito da comunidade autónoma de Galicia da descarga, primeira venda e comercialización dos produtos da pesca que se levan a cabo nas lonxas ou centros de venda. Por outra banda, o Regulamento (CE) núm. 1224/2009 do Consello, do 20 de novembro de 2009, polo que se establece un réxime comunitario de control para garantir o cumprimento das normas da política pesqueira común e o Regulamento de execución (UE) núm. 404/2011 da Comisión do 8 de abril de 2011, consolidan, racionalizan e simplifican o réxime actual de todas as obrigas emanadas de textos anteriores, eliminando en particular, as regulamentacións que se solapan e reducindo a carga administrativa, establecendo así, un novo réxime de control, de carácter integral. Estes Regulamentos establecen as obrigas de que todos os produtos da pesca desembarcados ou importados na comunidade europea, e para os que non presentaran unha nota de venda, nin unha declaración de recollida, e que se transporten a un lugar distinto do desembarque ou importación, deberán ir acompañados dun documento ata que se efectúe a primeira venda, así como, os produtos que non se poñan á venda ou se destinen a unha venda posterior deberán presentar ás autoridades competentes unha declaración de recollida. 1

2 Para que o réxime de control sexa integral, debe aplicarse a toda a cadea de produción e comercialización; debe incluír un sistema coherente de trazabilidade que complete o disposto polo Regulamento (CE) núm. 178/2002 do Parlamento Europeo e do Consello, do 28 de xaneiro de 2002, polo que se establecen os principios e os requisitos xerais da lexislación alimentaria. Todos os lotes de produtos pesqueiros deberán ser trazables ao longo da cadea de produción, transformación e distribución, dende a captura ou a colleita ata a fase de venda polo miúdo. A trazabilidade dos produtos pesqueiros queda garantida pola cumprimentación e transmisión de documentos por medios informáticos, nun ou noutro prazo, dependendo do volume anual de negocio (de forma telemática) e polo rexistro e identificación de todos os compradores autorizados polo Estado membro. A publicación do Real Decreto 1822/2009, do 27 de novembro, polo que se regula a primeira venda dos produtos pesqueiros, establece un novo marco no que respecta á primeira venda dos produtos da pesca conxelados e ultraconxelados, sen transformar ou transformados a bordo por buques da Unión Europea con ocasión da súa descarga en territorio de España, así como a primeira venda dos produtos da pesca capturados por buques de terceiros países que pescan en augas comunitarias. Así mesmo, o citado Real Decreto 1822/2009 na súa disposición adicional primeira establece que os órganos competentes das comunidades autónomas comunicarán á Dirección General de Recursos Pesqueros y Acuicultura da Secretaría General de Pesca as concesións de autorización a persoas físicas ou xurídicas, os establecementos ou lugares autorizados para realizar a primeira venda dos produtos da pesca. Como consecuencia da aplicación da normativa comunitaria e da normativa estatal derivada desta, a comunidade autónoma debe regular o rexistro dos axentes relacionados coa primeira venda dos recursos mariños comercializados en orixe dentro do seu ámbito territorial, incluídos os primeiros compradores. De conformidade co anterior, unha vez consultado o sector afectado, de acordo co ditame do Consello Consultivo de Galicia, a proposta da conselleira do Medio Rural e do Mar e previa deliberación do Consello da Xunta de Galicia na súa reunión do día, DISPOÑO CAPÍTULO I DISPOSICIÓNS XERAIS 2

3 Artigo 1.- Obxecto e ámbito de aplicación O presente decreto ten por obxecto regular, no ámbito da Comunidade Autónoma de Galicia, a comercialización en orixe dos produtos: a) vivos, frescos ou refrixerados procedentes da pesca mariña fresca e do marisqueo. b) da acuicultura. c) pesqueiros conxelados e ultraconxelados, sen transformar ou transformados a bordo capturados por buques da Unión Europea. d) pesqueiros capturados por buques de terceiros países que pescan en augas comunitarias con ocasión da súa descarga no territorio da Comunidade Autónoma de Galicia. e) da flora mariña. Artigo 2.- Finalidade A finalidade deste Decreto é desenvolver e mellorar a comercialización en orixe dos produtos pesqueiros obxecto deste decreto e definidos no precedente artigo, fomentando o exercicio dun comercio responsable que garanta a sustentabilidade dos recursos así como a súa calidade, impulsando os procesos telemáticos co emprego das tecnoloxías TIC que redunden na mellora da trazabilidade e identificación dos produtos pesqueiros. Artigo 3.- Definicións 1. Centro de concentración: local ou espazo dunha lonxa ou centro de venda autorizado, debidamente delimitado, onde se reciben as capturas de bivalvos, equinodermos, tunicados e gasterópodos mariños, e no que se realizan as labores de control e verificación da zona de produción. 2. Centro de expedición: toda instalación terrestre e/ou flotante habilitada, na que se reciben, acondicionan, lavan, limpan, calibran, envasan e embalan moluscos bivalvos, equinodermos, tunicados e gasterópodos mariños vivos. 3

4 3. Centro de descarga: instalación fixa ou desmontable onde se realizan as descargas, se efectúan os controis e se emite a documentación regulamentaria que ampara o traslado dos produtos pesqueiros obxecto deste decreto, ata a súa primeira venda. 4. Centros de venda: instalacións fixas ou desmontables onde se efectúa a primeira venda, estacional ou ocasional dos produtos pesqueiros frescos obxecto deste decreto. 5. Comercialización en destino dos produtos pesqueiros: cada unha das operacións que transcorren dende que se realiza a primeira venda ata o seu consumo final e que comprenden, entre outros, a tenencia, o transporte, a almacenaxe, a exposición e venda, incluída na que se realiza nos establecementos de restauración. 6. Comercialización en orixe dos produtos pesqueiros: o proceso seguido polos produtos pesqueiros, transformados ou non, que comprende a descarga dos produtos no territorio da Comunidade Autónoma de Galicia, o seu transporte e a súa primeira venda 7. Comprador en primeira venda: persoa física ou xurídica que adquire en primeira venda produtos pesqueiros. 8. Establecemento autorizado para a primeira venda: aqueles establecementos nos que se realice a primeira venda dos produtos: a) procedentes da acuicultura, cando esta non se realice na lonxa ou nun centro de venda autorizado. b) pesqueiros conxelados, ultraconxelados, sen transformar ou transformados a bordo. c) pesqueiros capturados por buques de terceiros países que pescan en augas comunitarias con ocasión da súa descarga no territorio da Comunidade Autónoma de Galicia. d) procedentes da flora mariña cando non sexa obrigada a súa primeira venda en lonxa ou centro de venda. 9. Lonxa: instalación na que se deberán realizar as actividades de exposición e primeira venda dos produtos pesqueiros frescos, así como as actividades de control do proceso de comercialización en orixe. 4

5 10. Lote: determinada cantidade de produtos da pesca e da acuicultura dunha especie dada que teñen a mesma presentación e proceden da mesma zona xeográfica pertinente e do mesmo buque ou grupo de buques pesqueiros ou da mesma unidade de produción acuícola. 11. Primeira venda: enténdese por primeira venda aquela transacción comercial que se realiza por primeira vez dentro do territorio da Unión Europea e na que se acredite documentalmente o prezo do produto, conforme á normativa vixente sobre comercialización e identificación. 12. Produtos da pesca: todos os animais mariños ou de auga doce (salvo os moluscos bivalvos, equinodermos, tunicados e gasterópodos mariños vivos; así como todos os mamíferos, réptiles e ras), xa sexan salvaxes ou de cría, incluídas todas as formas, partes e produtos comestibles dos devanditos animais. 13. Produtos pesqueiros: aqueles produtos que teñen a súa orixe na pesca extractiva, no marisqueo ou na acuicultura. 14. Produtos pesqueiros dos que non sexa obrigada a súa primeira venda en lonxa: os produtos pesqueiros conxelados e ultraconxelados, sen transformar ou transformados a bordo capturados por buques da Unión Europea; os produtos pesqueiros capturados por buques de terceiros países que pescan en augas comunitarias con ocasión da súa descarga no territorio da Comunidade Autónoma de Galicia e os produtos procedentes da acuicultura e da flora mariña. 15. Vendeduría: consignatario-vendedor que realiza operacións comerciais de primeira venda entre produtores e compradores no ámbito das lonxas e que está expresamente autorizado para iso polos concesionarios ou xestores destas instalacións. 16. Zona de reinstalación: as zonas marítimas, de lagoas ou de estuarios claramente delimitadas e sinalizadas por boias, postes ou calquera outro material fixo, exclusivamente destinadas á depuración natural de moluscos bivalvos vivos. CAPITULO II A DESCARGA DOS PRODUTOS PESQUEIROS 5

6 Artigo 4.- Lugares de descarga dos produtos pesqueiros 1. No ámbito competencial da Comunidade Autónoma de Galicia a descarga dos produtos pesqueiros deberá facerse nos portos designados pola consellería competente en materia de pesca e infraestruturas portuarias, e naqueles portos, que pola súa competencia estatal, foran designados polo Goberno de España. 2. Naqueles lugares da costa nos que non exista porto ou a instalación portuaria non reúna algún dos requisitos esixidos no apartado 1 do artigo 5, e se realice actividade pesqueira, a consellería competente en materia de pesca e infraestruturas portuarias poderá autorizar centros de descarga. Artigo 5.- Requisitos dos lugares de descarga Os lugares para a descarga dos produtos pesqueiros deberán cumprir os seguintes requisitos: a) Dispor de instalacións aptas e seguras para as manobras de descarga. b) Dispor de instalacións axeitadas para a manipulación e conservación dos produtos pesqueiros. c) Dispor dos medios necesarios para un eficiente exercicio das labores de control da pesca marítima, en particular para a pesada dos lotes e a emisión dos documentos que amparen o traslado dos produtos da pesca obxecto deste decreto, ata a súa primeira venda. Artigo 6.- Das autorizacións para o centro de descarga 1. O departamento competente en materia de comercialización de produtos pesqueiros, no exercicio das súas competencias, poderá autorizar, logo de solicitude da entidade interesada, a instalación dun centro de descarga, sempre e cando cumpra cos seguintes requisitos: a) De ser o caso, contar coa autorización do órgano competente en infraestruturas portuarias para a ocupación de dominio público portuario para o desenvolvemento das actividades de descarga. b) Un sistema que garanta a inocuidade e/ou viabilidade dos produtos descargados. 6

7 c) Dispor das normas de funcionamento do centro de descarga, que deben conter como mínimo: o horario de descargas, as especies descargadas e o persoal responsable de vixilancia e control das descargas. d) Estar dotado dun sistema de pesado axeitado ao tipo de produtos pesqueiros descargados. e) Dispoñer de equipos informáticos necesarios para emitir os documentos de transporte. 2. Excepcionalmente, cando as dificultades de acceso a infraestruturas de comunicación de datos impidan a comunicación telemática, o departamento competente en materia de comercialización de produtos pesqueiros poderá ditar autorización para a expedición de documentos mediante o emprego de talonarios. Esta excepcionalidade extinguirase no intre en que dispoña das comunicacións axeitadas para a elaboración telemática de documentos. Artigo 7.- Control das descargas 1. O control das descargas corresponderá: a) Aos xestores ou concesionarios das lonxas, ou ós responsables dos centros de descarga e dos centros de venda para os produtos pesqueiros. b) Aos titulares dos establecementos autorizados para a primeira venda de produtos pesqueiros cando non sexa obrigada a súa primeira venda en lonxa. 2. No relativo ao control das descargas que se mencionan no apartado 1.a) deste artigo, os xestores ou concesionarios de lonxas e centros de venda deberán garantir que os produtos desembarcados pasen directamente dos buques ás lonxas ou centros de venda, sexan pesados ou se comprobe que xa foron pesados a bordo e se cumpra coa normativa sobre tallas e pesos mínimos, especies e épocas de veda, ademais de calquera outra obriga derivada da aplicación da lexislación vixente. Cando os produtos procedan dunha descarga efectuada noutro porto, o xestor ou concesionario da lonxa ou centro de venda de destino verificará que os lotes estean acompañados dun documento de transporte e velará polo cumprimento da normativa aplicable. 3. No relativo ao control das descargas que se menciona no apartado 1.b) deste artigo, os titulares dos establecementos autorizados deberán garantir o cumprimento da normativa de aplicación así como a veracidade dos documentos emitidos. 7

8 4. Descargados os produtos pesqueiros, con independencia da realización da venda, o propietario estará obrigado a aboar as taxas, prezos públicos e canons aplicables nos portos da Comunidade Autónoma de Galicia. 5. Os titulares das lonxas ou os concesionarios destas, estarán obrigados a facer as retencións das taxas, prezos públicos e canons aplicables nos portos da Comunidade Autónoma de Galicia pola actividade nelas desenvolvida, de conformidade, se é o caso, co título concesional e nas formas previstas regulamentariamente. 6. Todos os produtos pesqueiros deberán pesarse no momento do desembarque, antes de que os produtos da pesca sexan almacenados, transportados ou vendidos. O peso rexistrado empregarase para cumprimentar as declaracións de desembarque, as declaracións de recollida, o documento de transporte e as notas de venda. Non obstante, poderase autorizar que para determinados produtos da pesca se empregue un plan de mostraxe sempre que dispoña dunha metodoloxía baseada en análise de riscos. CAPÍTULO III EXPEDICIÓN DE DOCUMENTOS RELATIVOS Á DESCARGA E AO TRANSPORTE DOS PRODUTOS PESQUEIROS Artigo 8.- Trazabilidade dos produtos pesqueiros 1. A fin de realizar o control e manter a trazabilidade dos lotes de produtos pesqueiros, estes deberán estar amparados documentalmente na súa descarga, transporte e comercialización tanto en orixe como en destino. Así mesmo, deberán estar debidamente etiquetados. 2. O control da trazabilidade dos lotes de produtos pesqueiros recollidos neste decreto, será realizado por medios telemáticos. Artigo 9.- Expedición de documentos na descarga e transporte dos produtos mariños da pesca. 1. Declaración de recollida: 8

9 a) Cando aos produtos da pesca frescos desembarcados ou descargados non se lles realice primeira venda, se destinen a unha posta en venda ulterior ou aprazada, se realice a venda por prezo contractual ou a tanto alzado por un período de tempo determinado o seu propietario ou o seu representante solicitará aos xestores ou concesionarios da lonxa e centros de venda un documento de declaración de recollida. b) No caso dos produtos da pesca cando non sexa obrigada a súa primeira venda en lonxa, a declaración de recollida será emitida polo titular do establecemento autorizado para a primeira venda. 2. Documento de transporte: a) Os lotes de produtos da pesca frescos aos que non se lles teña formalizada unha nota de venda nin unha declaración de recollida e se transporten a unha lonxa distinta da do porto de desembarque, deberán ir acompañados dun documento de transporte. b) No caso dos produtos da pesca para os que non sexa obrigada a súa primeira venda en lonxa e non se lles teña formalizada unha declaración de recollida nin una nota de venda e se transporten a un lugar distinto do desembarque, descarga ou importación, deberán ir acompañados dos documentos de transporte ata o lugar onde se almacenen, se transformen ou se lles realice a primeira venda. c) Non se esixirá este documento cando o transporte se realice dentro do recinto portuario. d) O transportista da mercadoría será o responsable da emisión do documento de transporte e da súa presentación no prazo das 48 horas posteriores á súa redacción, ante a consellería competente en materia de pesca. e) O transportista é o responsable de entregar unha copia do documento de transporte á persoa responsable do establecemento de destino, e este último deberá rexistrar a entrada do dito documento nos sistemas TIC. f) O transportista quedará exento do cumprimento do requisito de dispoñer do documento de transporte que acompañe os produtos da pesca e de entregar as copias recollidas nos apartados d) e e) anteriores, se antes de que comezara o transporte transmitise polos medios electrónicos un documento de transporte á consellería con competencias en materia de pesca. 3. O contido mínimo da declaración de recollida e do documento de transporte conterá os datos que figuran no anexo I deste decreto. 9

10 4. A consellería competente en materia de pesca, no exercicio das súas competencias en materia de comercialización, porá a disposición dos responsables da primeira venda e dos transportistas as aplicacións electrónicas necesarias para que poidan emitir e remitir as declaracións de recollida e os documentos de transporte. Artigo 10.- Expedición de documentos na descarga e transporte dos moluscos bivalvos, equinodermos, tunicados e gasterópodos mariños vivos. 1. Declaración de recollida: Cando para os moluscos bivalvos, equinodermos, tunicados e gasterópodos mariños vivos procedentes do marisqueo presentes nunha lonxa, centro de venda ou centro de concentración se dean as circunstancias recollidas no artigo 9.1.a) o seu propietario ou representante, solicitará aos xestores ou concesionarios das instalacións citadas un documento de declaración de recollida. 2. Documento de orixe: a) Cando estas especies se capturen no medio natural ao abeiro dun plan de explotación ou de xestión e se transporten nun vehículo por vía terrestre, deberán acompañarse dun documento de orixe ata o centro de concentración. b) Se estas especies proceden da acuicultura en zona marítima, o titular do establecemento deberá ter un documento de orixe durante as labores de recolleita e traslado ata o porto de desembarque. c) Cando estas especies procedan da acuicultura en zona marítimo terrestre e se trasladen nun vehículo por vía terrestre ata un centro de concentración para a súa clasificación deberán ampararse nun documento de orixe. d) Cando estas especies procedan dunha zona de reinstalación e se trasladen a unha lonxa ou centro de concentración, deberán acompañarse dun documento de orixe. 3. Documento de rexistro: a) Cando se transporten ou se trasladen lotes de moluscos bivalvos, equinodermos, tunicados e gasterópodos mariños vivos desde un centro de concentración, deberán ir acompañados, sen prexuízo dos requisitos da normativa sobre sanidade animal, dun documento de rexistro. 10

11 b) Tamén se emitirá un documento de rexistro cando se trasladen lotes de moluscos bivalvos, equinodermos, tunicados e gasterópodos mariños vivos desde una zona de produción ata unha zona de reinstalación. c) No caso de que estas especies procedan da acuicultura, o transporte dos lotes desde o porto de desembarque ou o propio establecemento de cultivo ata o seu destino deberá ir acompañado dun documento de rexistro. d) En calquera caso, os lotes de moluscos bivalvos, equinodermos, tunicados e gasterópodos mariños vivos, sempre terán como destino un centro de expedición, unha estación depuradora, unha zona de reinstalación ou unha empresa de transformación. 4. No caso de que os lotes procedan do marisqueo, serán responsables da emisión dos documentos de orixe as entidades responsables do plan de explotación ou de xestión. A emisión dos documentos de rexistro será realizada polos responsables dos centros de concentración, das lonxas ou dos centros de venda segundo corresponda. 5. No caso de que os lotes procedan da acuicultura mariña, poderán emitir os documentos de orixe as asociacións de produtores ou os titulares da autorización de primeira venda. A emisión dos documentos de rexistro realizarana as organizacións ou titulares de autorización de primeira venda que conten coa correspondente resolución da consellería competente. 6. O contido mínimo do documento de orixe e do documento de rexistro para o transporte de moluscos bivalvos, equinodermos, tunicados e gasterópodos mariños vivos, será o fixado no anexo I deste decreto. 7. O titular do establecemento de acuicultura quedará exento do cumprimento do requisito de dispoñer do documento de orixe se, antes de que comezara as tarefas de recolleita e transporte a porto, transmitise polos medios electrónicos un documento de orixe á consellería con competencias en materia de pesca. CAPÍTULO IV A PRIMEIRA VENDA DOS PRODUTOS PESQUEIROS VIVOS, FRESCOS OU REFRIXERADOS DE OBRIGADA VENDA EN LONXA 11

12 Artigo 11.- Os lugares autorizados para a primeira venda dos produtos pesqueiros 1.- No ámbito competencial da Comunidade Autónoma de Galicia a primeira venda dos produtos pesqueiros contemplados no apartado a) do artigo 1 deste decreto, deberá realizarse: a) Nas lonxas no caso dos produtos vivos, frescos ou refrixerados agás os moluscos bivalvos, equinodermos, tunicados e gasterópodos mariños vivos procedentes do marisqueo. b) Nos centros de concentración no caso dos bivalvos, equinodermos, tunicados e gasterópodos mariños vivos, procedentes do marisqueo. 2. No caso de non existir lonxas, a primeira venda poderase realizar nos centros de venda. 3. No relativo á primeira venda da flora mariña cando a súa extracción se realice ao abeiro dun plan de explotación ou de xestión presentado por unha confraría de pescadores e aprobado pola consellería competente en materia de pesca e de acuicultura, a súa primeira venda realizarase na lonxa ou centro de venda. 4. Os xestores ou concesionarios das lonxas, centros de venda e centros de concentración serán responsables de que se cumpra a normativa establecida para a comercialización dos produtos descargados e da primeira venda. 5. Unha vez recaída a adxudicación en primeira venda dos lotes, non se poderán realizar segundas adxudicacións nas lonxas ou nos centros de venda. 6. No caso de efectuarse segundas vendas estas realizaranse en locais anexos debidamente sinalados e delimitados. Artigo 12.- A exposición dos produtos pesqueiros, frescos ou refrixerados 1. Antes e durante a realización da primeira venda, independente da modalidade de venda elixida, os produtos pesqueiros frescos ou refrixerados expoñeranse nas lonxas, centros de venda ou centros de concentración. 12

13 2. Quedan excluídas do recollido no apartado 1 deste artigo as especies peláxicas capturadas na modalidade de cerco, que poderán ser expostas mediante unha mostra. Artigo 13.- Modalidades da primeira venda 1. Permítese a venda directa e demais modalidades de venda dos produtos pesqueiros contemplados no apartado a) do artigo 1 deste decreto, que os produtores pretendan levar a cabo, sempre que a mesma se realice nas lonxas ou nos centros de venda. 2. No caso de venda directa, os participantes na transacción deberá comunicar ao responsable da lonxa a súa intención de proceder á venda directa, así como deberán realizar os labores de pesada e control dos lotes incluídos nesta. 3. Regulamentariamente, estableceranse as normas para a primeira venda das especies peláxicas capturadas na modalidade de cerco. Artigo 14.- Os titulares das lonxas e centros de venda 1. As lonxas e os centros de venda deberán ser autorizados pola consellería competente en materia de pesca; non obstante, deberán estar en posesión daquelas autorizacións que outorguen outros organismos en función das súas competencias. 2. Poderán ser titulares as entidades asociativas do sector extractivo pesqueiro, as autoridades portuarias ou ben as persoas físicas ou xurídicas. Artigo 15.- Procedemento para a obtención da autorización de primeira venda das lonxas e centros de venda 1. A consellería competente en materia de comercialización de produtos pesqueiros, no exercicio das súas competencias, poderá autorizar, logo de solicitude, a primeira venda dos produtos pesqueiros frescos nas lonxas ou centros de venda, sempre e cando cumpran cos seguintes requisitos, que deberán xustificar documentalmente: 13

14 a) Dispor de equipos informáticos suficientes e axeitados que permitan a emisión e transmisión telemática, nos prazos requiridos, dos documentos relacionados coa comercialización dos produtos pesqueiros, así como de todos os datos que se precisen das transaccións que efectúen, para o seu control polos organismos competentes. b) Contar cun listado actualizado de compradores, vendedores e, de ser o caso, de vendedurías. c) Dispor de sistemas de pesada axeitados ás características dos produtos obxecto das transaccións. d) Dispor de sistemas de refrixeración que permitan manter os produtos a unha temperatura de modo que non afecte negativamente á inocuidade dos mesmos ou a súa viabilidade. e) De ser o caso, contar cun número de rexistro sanitario. f) Dispor dun regulamento de réxime interior ou normas internas de funcionamento no que, figurarán, como mínimo as modalidades e horarios de vendas, efectividade da venda, os dereitos e deberes dos compradores e vendedores, o rexistro de vendas, o sistema de garantía dos pagos e a composición da comisión de vendas e as súas funcións, se existe. g) Ter en vigor a concesión administrativa de ocupación de instalacións de dominio público portuario para explotación e xestión da lonxa ou centro de venda. 2. As autorizacións de primeira venda outorgaranse por un período indefinido en tanto se cumpran as condicións de outorgamento e se manteña a actividade. 3. O incumprimento de calquera das condicións impostas na autorización de primeira venda ás lonxas ou centros de venda, ou da normativa en vigor aplicable a estes no exercicio das súas funcións na comercialización en orixe, será causa de revogación da mesma. Artigo 16.- Produtores Poderán realizar a primeira venda dos seus produtos nas lonxas e centros de venda os armadores ou os produtores que teñan en regra os seus permisos ou licencias para exercer a actividade pesqueira. 14

15 Artigo 17.- Vendedurías 1. A actividade comercial intermediaria dos produtos pesqueiros frescos na primeira venda nas lonxas poderá ser realizada polas vendedurías. 2. As entidades concesionarias das lonxas e as autoridades portuarias elaborarán un censo pechado de vendedurías que realizan a actividade comercial intermediaria dos produtos pesqueiros frescos nas súas instalacións. Así mesmo, remitirán o mencionado censo á consellería competente, non permitíndose o incremento do mesmo desde a entrada en vigor deste decreto. 3. As vendedurías estarán obrigadas a cumprir e facer cumprir a normativa derivada da aplicación da lexislación vixente na materia e, en concreto: a) Garantir que os produtos pesqueiros frescos sexan pesados e se cumpra coa normativa sobre tallas e pesos mínimos, especies e épocas de veda. b) Cando os produtos estean acompañados dun documento de transporte velarán polo cumprimento da normativa aplicable; incluído a referencia deste documento nas notas de venda. c) Elaborar as notas de venda dos lotes, e proceder a comunicalas dentro dos prazos establecidos neste decreto. d) Aqueloutras obrigas derivadas da súa actividade e que sexan especificadas na autorización das entidades concesionarios das lonxas e as autoridades portuarias En todo caso, as labores comerciais, de control e de estatística, deberán quedar garantidas. Artigo 18.- Compradores en primeira venda 1. Unicamente se poderán dedicar á adquisición de produtos pesqueiros frescos nas lonxas e centros de venda: a) Os maioristas de peixe ou marisco fresco, sexan persoas físicas ou xurídicas. b) Os restauradores c) Os comerciantes retallistas de produtos frescos da pesca 15

16 d) Os industriais que se dediquen a calquera tipo de transformación de peixes ou mariscos frescos e) Os produtores, respecto das partidas das súas propias capturas. f) As entidades de carácter colectivo do sector pesqueiro, sempre que obteñan as licencias e permisos necesarios para exercer a actividade de compra e venda. 2. Queda prohibida a participación na primeira venda de produtos pesqueiros frescos a particulares. Excepcionalmente, por razóns de dificultade estacional de comercialización, a consellería competente en materia pesqueira poderá autorizar temporalmente, previa solicitude realizada polo titular da lonxa, a venda a particulares. A cantidade total diaria por particular non poderá superar os 5 quilogramos, e esta transacción será comunicada como nota de venda seguindo os protocolos establecidos neste decreto. 3. Cada lonxa ou centro de venda levará un censo de compradores que realizan actividade de compra. Manterán actualizado o dito censo, comunicando á consellería con competencias en materia de pesca as actualizacións que se produzan. 4. Na primeira quincena do primeiro mes do ano, comunicarán á consellería con competencias en materia de pesca o censo de compradores do ano anterior onde indicarán o importe das compras realizadas durante o transcurso do mesmo. Artigo 19.- Garantía de pagamentos 1. As lonxas ou centros de venda deberán establecer un sistema de garantía de pagamentos. Este sistema de garantía deberá quedar recollido nas normas de funcionamento interno. 2. O sistema de garantía de pagamentos será acordado entre o titular da lonxa, os produtores e os compradores. 3. Os titulares das lonxas ou centros de venda poderán suspender a actividade dos compradores por incumprimento da obriga de garantir os pagamentos. 16

17 CAPÍTULO V A PRIMEIRA VENDA DOS PRODUTOS PESQUEIROS CANDO NON SEXA OBRIGADA A SÚA PRIMEIRA VENDA EN LONXA Artigo 20.- Dos establecementos autorizados para a primeira venda 1. No ámbito competencial da Comunidade Autónoma de Galicia a primeira venda dos produtos pesqueiros contemplados nos apartados b), c), e d) do artigo 1 deste decreto, deberá realizarse obrigatoriamente nos establecementos autorizados. 2. A primeira venda da flora mariña, cando esta proceda da acuicultura ou se recolla ao abeiro dun plan de explotación ou de xestión de empresa, aprobado pola consellería competente na materia, realizarase nun establecemento autorizado. Artigo 21.- Requisitos dos establecementos autorizados para a primeira venda Co obxecto de cumprir as labores comerciais e de control, os establecementos autorizados para a primeira venda deberán reunir os seguintes requisitos: a) Dispor de equipos informáticos suficientes e axeitados que permitan a emisión e transmisión telemática, nos prazos requiridos, dos documentos relacionados coa comercialización dos produtos pesqueiros, así como de todos os datos que se precisen das transaccións que efectúen, para o seu control polos organismos competentes. b) Contar cun rexistro sanitario, de ser o caso. c) Contar cos permisos, licencias, autorizacións e concesións que outorguen outros organismos en función das súas competencias. d) Figurar inscritos en cadanseu rexistro ou censo correspondente á súa actividade. Artigo 22.- Procedemento para a autorización dos establecementos de primeira venda 1. A consellería competente en materia de comercialización de produtos pesqueiros, no exercicio das súas competencias, poderá autorizar aos establecementos de primeira venda dos produtos pesqueiros cando non sexa obrigada a súa primeira venda en lonxa, tras a solicitude e a xustificación documental que se determine. 17

18 2. No caso dos establecementos de acuicultura, a autorización de primeira venda será automática e vinculada á concesión administrativa do establecemento. Artigo 23.- Da extinción da autorización dos establecementos de primeira venda O departamento con competencias en materia de comercialización de produtos pesqueiros, no exercicio das súas competencias, poderá extinguir de oficio a autorización de primeira venda dos establecementos, sempre e cando teña lugar algunha das seguintes causas: a) Cese definitivo da actividade de primeira venda como establecemento autorizado ou ben como consecuencia do cese definitivo da actividade produtiva e/ou extractiva do establecemento autorizado. b) Incumprimento de calquera dos requisitos establecidos na autorización. Artigo 24.- Dos compradores autorizados en primeira venda Os compradores en primeira venda que adquiran os produtos pesqueiros recollidos neste capítulo, deberán estar rexistrados. CAPÍTULO VI O CONTROL DAS VENDAS E A INFORMACIÓN AO CONSUMIDOR Artigo 25.- Obrigas de control da primeira venda 1. Os titulares das lonxas, centros de venda e establecementos autorizados para a primeira venda de produtos pesqueiros, están obrigados a velar por que os lotes cumpran coas normas de comercialización durante o proceso de primeira venda. 2. Queda prohibida a exposición e venda de lotes de produtos pesqueiros que non cumpran coa normativa sobre tallas ou pesos mínimos, especies e épocas de veda, ademais de calquera outra obriga derivada da aplicación da lexislación vixente. 18

19 3. Sen prexuízo do disposto no Regulamento (CE) núm. 178/2002 do parlamento europeo e do consello, do 28 de xaneiro de 2002, todos os lotes de produtos pesqueiros deberán ser trazables en todas as fases da cadea de produción, transformación e distribución, desde a captura ou a colleita ata a fase da venda polo miúdo. 4. Unha vez rematada a primeira venda, a persoa que transporte, comercialice ou transforme os produtos pesqueiros, tanto sexa en industria como en restauración, deberá probar en todo momento a transacción efectuada, mediante copia da nota de venda, albará ou factura da compra no que deberá constar, polo menos: o lugar da compra, a data da compra, a identificación das especies, as cantidades en quilogramos e o prezo. Artigo 26.- Comunicación de datos e notas de venda 1. Na primeira venda dos produtos pesqueiros obxecto deste decreto, calquera que sexa o lugar no que se realice a primeira venda e sexa cal fora a modalidade da transacción, unha vez feita efectiva, deberá cumprimentarse o documento nota de venda, de xeito electrónico e nos termos establecidos na normativa básica do Estado Español. A consellería competente en materia de pesca determinará o modelo de nota de venda, así como a súa estrutura informática. 2. O contido mínimo da nota de venda conterá os datos que figuran no anexo III deste decreto. 3. As notas de venda serán transmitidas mediante os protocolos de intercambio informático ao órgano competente da Comunidade Autónoma de Galicia no prazo máximo das 48 horas posteriores á primeira venda. 4. Serán responsables de cumprimentar, emitir e presentar as notas de venda ante as autoridades competentes: a) O concesionario da lonxa ou xestor do centro de venda. Nas lonxas non explotadas en réxime de concesión administrativa, o subministro dos datos das notas de venda corresponderá ás vendedurías autorizadas polas distintas administracións. b) No caso dos bivalvos, equinodermos, tunicados e gasterópodos mariños vivos, procedentes do marisqueo, os titulares dos centros de concentración. 19

20 c) Para os produtos pesqueiros conxelados, ultraconxelados sen transformar ou transformados a bordo, o titular do establecemento autorizado para a primeira venda. d) No caso dos produtos pesqueiros capturados por buques de terceiros países que pescan en augas comunitarias con ocasión da súa descarga no territorio da Comunidade Autónoma de Galicia, os importadores, en base aos datos procedentes do DUA. e) No caso da flora mariña, cando non sexa obrigada a súa primeira venda en lonxa ou centro de venda autorizado, o titular do establecemento autorizado para a primeira venda. 5. Para os produtos da acuicultura, o titular do establecemento remitirá os datos mensuais de produción, onde se contemplen: o volume de ventas, expresado en quilogramos, o importe en euros destas, o lugar de cría, a identificación do establecemento de primeira venda e o código FAO das especies motivo de transacción. Artigo 27.- Etiquetado. 1. Os produtos obxecto deste decreto deberán ser etiquetados conforme á normativa vixente. 2. A etiqueta deberá acompañar ao produto nas diversas fases de comercialización dende a primeira venda ata o consumidor final, incluíndo o transporte. 3. Sen prexuízo do establecido nos apartados anteriores, serán responsables de etiquetar os produtos pesqueiros, segundo corresponda: a) O concesionario da lonxa ou xestor do centro de venda autorizado. b) Para os bivalvos, equinodermos, tunicados e gasterópodos mariños vivos, procedentes do marisqueo, os titulares dos centros de expedición c) Para os produtos pesqueiros conxelados, ultraconxelados ou transformados a bordo, o titular do establecemento autorizado para a primeira venda cando o destinatario sexa o consumidor final. d) No caso dos produtos pesqueiros capturados por buques de terceiros países que pescan en augas comunitarias con ocasión da súa descarga no territorio da Comunidade Autónoma de Galicia, os importadores, en base aos datos procedentes do DUA. 20

21 e) No caso da flora mariña, cando non sexa obrigada a súa primeira venda en lonxa ou centro de venda autorizado, o titular do establecemento autorizado para a primeira venda. f) Os produtos da acuicultura que se destinen directamente ao consumidor deberán ser etiquetados polo titular do establecemento autorizado, da estación depuradora ou do centro de expedición. Disposicións adicionais Primeira.- Da semente de invertebrados mariños con destino á repoboación, á sementeira ou ao cultivo. O control da venda, a expedición de documentos e a transmisión de datos da semente de invertebrados mariños procedente do medio natural realizada por titulares de permiso de explotación para o marisqueo, cuxo destino sexa a repoboación, sementeira ou cultivo deberá facerse nas lonxas ou centros de venda. Segunda.- Das obrigas de declaración de datos dos criadeiros. Os criadeiros dedicados á produción para a venda de semente de invertebrados mariños, de alevíns (crías) de peixes ou doutras especies mariñas, deberán declarar os datos de produción. Terceira.- Da emisión de documentos As entidades autorizadas para a emisión de calquera dos documentos recollidos neste decreto, agás as notas de venda e as etiquetas, poderán cobrar pola súa expedición, un importe non superior a o 1% (un por cento) do valor da mercadoría. Cuarta.- Da emisión de documentos nos moluscos con destino a unha zona de reinstalación autorizada. No caso dos lotes de moluscos procedentes do marisqueo con destino a unha zona de reinstalación autorizada, estes deberán estar acompañadas dun documento de rexistro. Unha vez 21

22 realizado o proceso de depuración, se o seu destino é unha lonxa, deberán ir acompañados dun documento de orixe. Quinta.- Das infraccións As infraccións ao disposto no presente decreto poderán dar lugar á incoación do correspondente expediente sancionador, de acordo coa Lei 11/2008, de 3 de decembro, de pesca de Galicia. Disposición derrogatoria Queda derrogado o Decreto 419/1993, de 17 de decembro, polo que se refunde a normativa vixente sobre descarga, primeira venda e comercialización dos recursos mariños en fresco, así como todas aquelas disposicións de igual ou inferior rango que contraveñan ou se opoñan ao establecido neste decreto. Disposicións finais Primeira.- Facúltase ao titular da consellería competente en materia de pesca e acuicultura para ditar as disposicións necesarias para o desenvolvemento deste decreto. Segunda.- O presente decreto entrará en vigor aos 20 (vinte) días da súa publicación no Diario Oficial de Galicia. 22

23 ANEXO I Contido mínimo da declaración de recollida e do documento de transporte dos produtos da pesca. DECLARACIÓN DE RECOLLIDA: No caso de que o provedor sexa un buque pesqueiro: a. Identificación do lugar e data de descarga: - Data da descarga. - Porto e lonxa ou centro de descarga. - Entidade concesionaria da lonxa ou centro de descarga: CIF, enderezo e teléfono. b. Identificación do buque: - Nome, marcas de identificación externa e pavillón do buque para os produtos procedentes de buques comunitarios e número interno do buque que figura no rexistro comunitario de buques de pesca, no seu caso. - Nome, marcas de identificación externa, e indicativo internacional de radio e pavillón do buque para os produtos desembarcados procedentes de buques pesqueiros que pesquen en augas de terceiros países. - Nome ou razón social do armador do buque, ou nome do capitán do buque. c. Identificación das especies: - Zona xeográfica de captura. - Código FAO, denominación científica e comercial de cada especie. - Cantidade de cada especie expresada en quilogramos, desagregada por tipo de presentación, ou de ser o caso, en número de exemplares. d. Identificación do lugar ou lugares onde a mercadoría está almacenada: - Nome ou razón social e enderezo das instalacións onde se almacenen os produtos e. Causa da declaración de recollida: 23

24 - Prezo contractual. - Venda aprazada a unha venda posterior. - Non tivo lugar a primeira venda. - Prezo a tanto alzado para un período de tempo determinado. f. Referencia ao documento de transporte, cando sexa previo ao almacenamento e emisión da declaración de recollida. No caso de que o provedor sexa unha persoa titular dun permiso de marisqueo: (no contido da declaración de recollida substituirase a información correspondente ao buque pola seguinte) a. Identificación da persoa titular do permiso de marisqueo: - Nome, NIF, e número do permiso de explotación. DOCUMENTO DE TRANSPORTE No caso de que o provedor sexa un buque pesqueiro: a. Identificación do lugar e data de descarga: - Data da descarga. - Porto e lonxa ou centro de descarga. - Entidade concesionaria da lonxa ou centro de descarga: CIF, enderezo e teléfono. b. Identificación do buque: - Nome, marcas de identificación externa e pavillón do buque para os produtos procedentes de buques comunitarios e número interno do buque que figura no rexistro comunitario de buques de pesca, no seu caso. - Nome, marcas de identificación externa, e indicativo internacional de radio e pavillón do buque para os produtos desembarcados procedentes de buques pesqueiros que pesquen en augas de terceiros países. - Nome ou razón social do armador do buque, ou nome do capitán do buque. c. Identificación do transportista: 24

25 - Nome e NIF ou razón social e CIF. - Modelo e matrícula do vehículo de transporte. d. Identificación do destino do envío ou envíos: - Nome ou razón social e enderezo da lonxa ou lugar de destino. e. Identificación das especies: - Zona xeográfica de captura. - Código FAO, denominación científica e comercial de cada especie. - Cantidade de cada especie expresada en quilogramos, desagregada por tipo de presentación, ou de ser o caso, en número de exemplares. No caso de que o provedor sexa unha persoa titular dun permiso de marisqueo: (no contido do documento de transporte substituirase a información correspondente ao buque pola seguinte) a. Identificación da persoa titular do permiso de marisqueo: - Nome, NIF, e número do permiso de explotación. 25

26 ANEXO II Contido mínimo do documento de orixe e do documento de rexistro para o transporte de moluscos bivalvos, equinodermos, tunicados e gasterópodos mariños vivos. DOCUMENTO DE ORIXE PARA O TRANSPORTE DE MOLUSCOS BIVALVOS, EQUINODERMOS, TUNICADOS E GASTERÓPODOS MARIÑOS VIVOS. No caso de que o provedor sexa unha organización sectorial: Identificación da entidade responsable da emisión do documento de orixe: - Nome da entidade, enderezo e número de teléfono. No caso de que o provedor sexa unha persoa física o xurídica: Identificación da entidade responsable da emisión do documento de orixe: - Nome ou razón social e CIF da persoa xurídica; ou nome e NIF da persoa física. - Enderezo e número de teléfono. CONTIDO MÍNIMO COMÚN DO DOCUMENTO DE ORIXE a. Identificación da data, lugar ou establecemento de recolección. - Data de recolección. - Lugar xeográfico ou establecemento de recolección. b. Identificación da zona xeográfica de produción: - Localización da zona de produción, mediante o número de código que se establece na norma pola que se clasifican as zonas de produción e cualificación sanitaria desta - Zona ou subzona de control de biotoxinas e o seu estado c. Identificación das especies: - Código FAO, denominación científica e comercial de cada especie. 26

27 - Cantidade 1 de cada especie expresada en quilogramos. d. Identificación do destino do lote ou lotes: - Nome ou razón social e enderezo da lonxa ou porto de destino. 1 (* O valor do campo cantidade encherase unha vez feitos o control e pesada das mercadorías, no lugar xeográfico de recolección ou no porto de destino) 27

28 DOCUMENTO DE REXISTRO PARA O TRANSPORTE DE MOLUSCOS BIVALVOS, EQUINODERMOS, TUNICADOS E GASTEROPODOS MARIÑOS VIVOS No caso de que as especies procedan do marisqueo: a. Identidade e enderezo dun titular de permiso de explotación para o marisqueo ou da organización responsable do plan de explotación ou de xestión marisqueira. - Titular de permiso: Nome e NIF ou razón social e CIF, e enderezo. - Organización responsable dun plan de explotación ou de xestión: Nome, CIF e enderezo. No caso de que as especies procedan da acuicultura mariña: a. Identificación do produtor: - Nome e NIF ou razón social e CIF do titular do establecemento de cultivo. CONTIDO MÍNIMO COMÚN DO DOCUMENTO DE REXISTRO PARA O TRANSPORTE DE MOLUSCOS BIVALVOS, EQUINODERMOS, TUNICADOS E GASTERÓPODOS MARIÑOS VIVOS RESPECTO DE LOTES ENVIADOS DESDE UNHA ZONA DE PRODUCIÓN - Data de recolección. - Lugar xeográfico ou establecemento de recolección. - Localización da zona de produción, mediante o número de código que se establece na norma pola que se clasifican as zonas de produción e cualificación sanitaria desta. - Cualificación sanitaria. - Zona ou subzona de control de biotoxinas e o seu estado - Código FAO, denominación científica e comercial de cada especie. - Cantidade de cada especie expresada en quilogramos. Identificación do destino do lote ou lotes: - Nome e NIF ou razón social e CIF do primeiro comprador. 28

29 - Nome, enderezo, número de rexistro sanitario e tipo de establecemento (centro de depuración, centro de expedición, industria de transformación ou zona de reinstalación) de destino dos lotes CONTIDO MÍNIMO COMÚN DO DOCUMENTO DE REXISTRO PARA O TRANSPORTE DE MOLUSCOS BIVALVOS, VIVOS RESPECTO DE LOTES ENVIADOS DESDE UNHA ZONA DE REINSTALACIÓN A maiores do contido mínimo de información indicado no apartado I anterior, deberá completarse coa seguinte: Localización da zona de reinstalación Duración da reinstalación: - Data de entrada na zona de reinstalación. - Data de saída da zona de reinstalación. Destino do lote despois da reinstalación. III. CONTIDO MÍNIMO COMÚN DO DOCUMENTO DE REXISTRO PARA O TRANSPORTE DE MOLUSCOS BIVALVOS, VIVOS RESPECTO DE LOTES ENVIADOS DESDE UN CENTRO DE DEPURACIÓN A maiores do contido mínimo de información indicada no apartado I ou no apartado II anteriores, segundo corresponda, deberá completarse coa seguinte: Duración da depuración: - Data de entrada no centro de depuración. - Data de saída do centro de depuración. - Número de horas de depuración. Destino do lote despois da depuración. Contido mínimo da Nota de venda ANEXO III 29

30 a. A denominación comercial e científica de cada especie e a súa zona de captura, de acordo co Regulamento (CE) nº 2065/2001 da Comisión, de 22 de outubro de 2001, polo que se establecen as disposicións de aplicación do Regulamento (CE) nº 104/2000 do Consello, no relativo á información do consumidor no sector dos produtos da pesca e da acuicultura. b. Para os produtos da pesca frescos tamaño ou peso dos exemplares, presentación e frescura, de acordo co disposto no Regulamento (CE) n.º 2406/96 do Consello, de 26 de novembro de 1996, polo que se establecen normas comúns de comercialización para determinados produtos da pesca e para as especies reguladas neste. c. A cantidade vendida e o prezo por quilo, de cada especie. d. O destino dos produtos. e. Identificación, nome e apelidos ou razón social do comprador e do vendedor. f. Lugar e data da venda. g. Referencia o contrato de compravenda, nas vendas contractuais. h. Nome, as marcas de identificación externa e pavillón do buque para os produtos desembarcados de buques comunitarios, así como o número interno do buque que figura no Rexistro comunitario de buques de pesca, no seu caso. i. Nome, as marcas de identificación externa, o indicativo internacional de radio e pavillón do para os produtos desembarcados de buques de terceiros países. j. Nome do armador ou do capitán do buque pesqueiro. k. Porto e data de desembarque ou lugar e data da descarga ou lugar e data da importación. l. Referencia ao documento de transporte, declaración de recollida ou ao documento T2M, DUA (Documento Único de Aduanas) ou EUR 1 (certificado de circulación de mercadorías) no que conste a orixe das cantidades transportadas, cando os produtos se poñan á venda nun lugar distinto ao de desembarque ou descarga. 30