Relatorio ba Comissaun C Parlamento nian kona ba TSP II nia Missaun

Transcrição

1 Relatorio ba Comissaun C Parlamento nian kona ba TSP II nia Missaun Saida mak TSP? TSP nia significado mak Programa ba Tulun Transisaun (Transition Support Program - TSP) programa ida neebe Governo fo kontribuisaun hussi Orcamento Nasional tinan tinan 30%. Governo mak coordena Programa ne e. Tulun mai hussi Banco Mundial no mo os hussi parceiros ba desenvolvimento nain sanulo (10) Australia, Canada, Finlandia, Irlanda, Nova Zelandia, Noruega, Portugal, Suica, Inglaterra no mo os Estados Unidos da Amerika. Programa ba Tulun Transisaun (TSP I) fo USD 32 milhoes ba tulun orcamento tinan 2003 (hahu iha loron 1 fulan Julho, 2002 to o 30 de Junho, 2003) neebe horas ne e taka tia ona. kontribuisaun neebe sei mai hussi TSP II atu tulun Governo nian orcamento ba tinan 2004 mak USD 31 milhoes. Akordos bilaterais atu tulun programa horas ne e daudaun prepara hela. [Hare diagrama iha kotuk neebe hatudu katak ossan neebe mai hussi TSP iha relasaun ho Governo nia orcamento (hatene hanessan CFET). Programa ba Tulun Transisaun nia ossan ba tulun Governo nia plano de asaun, fo knar (servico), no desenvolve seitor privado, hodi nune knar halao ho diak atu hamenus ema kiak, halo diak ba area saude no mo os ba educacao. Plano ba Desenvolvimento Nacional (PDN) ba implementa iha tinan 2004 nia Matrix ba assaun nian (hare iha kotuk) hanessan instrumento ida ba hare progressos neebe Governo halo tuir acordo. Fulan ne nen Governo ho Banco Mundial halo avaliasaun ba progressos neebe la hassoru TSP nia objectivo. Missaun ba avaliacao ba program TSP II nian foin hotu. Progresso diak ida iha medidas de accao Governo hola ba areas neebe tenke halo liu tan ba desenvolvimento. Equipa halo parte TSP mak, Banco Mundial ho parceiros TSP nian, hare katak progresso significativo ida mak halo ba areas hotu iha programa, no mo os antecipa ba programas neebe hein katak sei lao neneik, Governo hola desisaun no identifica kedas knar neebe lao kleur no hola desisaun ba halao lais. Bainhira hare hela atu implementa orcamento fiscal tinan foun 2004 nia programa, Equipa neebe mai fo atencao mo os ba gerencia no gasta ossan. Ne e importante tebes tamba osan neebe atu mai hussi Taci Timor nian sei kleur tan ne e mak Governo sei precisa nafatin tulun hussi parceiros de desenvolvimento neebe la hein no antecipa katak iha curto ho longo prazo, sei precisa tulun ba orcamento to tinan 2007.

2 Equipa TSP II hare mo os katak financas nia sistema atu controla ossan tuir computador diak tebes no fo informacao lalais ba buat ruma neebe precisa katak superios liu fail rai balu neebe avancado liu. Equipa ne e hare mo os katak Governo hare tia ona kona ba gastos neebe la dun la o lo os no identifica tia ona no hola ona desisaun administrativa atu regula no controla makas liu tan atu labele gasta osan liu. Progressos Barak iha Areas neebe Importante Saude. Ministerio Saude nia programas ba desenvolvimento halo progressos diak bainhira hahu ho politica micro nian, no mo os ho planos neebe iha ba area saude nian iha distritos hetan sucesso iha fulan hat nia laran. Ministerio Saude nia objectivo ba fulan tolo nia laran no hetan molok fulan Setembro 2003 remata, mak 60% labarik ki ik seidauk ho tinan ida simu tia ona vacina DPT3 nian. Maibe to ohin loron 64% tia ona mak simu vacina. Iha fulan tolo nia laran mo os sona ai-morok (vacina) ba labarik ki ik sira atu sarampo la dait no hetan resultado to 50% maibe to ohin loron resultado neebe hetan mak 54%. Funcionarios ho especialidade iha fulan tolo nia laran sona-aimorok (vacinas) sira nia resultado to 41% no consegue hetan to ohin loron resultado diak ida neebe to 45%. Equipa TSP II nian haksolok tebes ho Ministerio Saude ba sira nia knar neebe hetan resultado diak tebes ho vacinas maibe la os ne e deit sira tenki atende mo os ema sira neebe ba hahoris. Equipa hare mo os katak tuir estatistika forte tebes iha Nacional maibe iha distritos sira mak iha diferenca uituam. Programa Educacao. Programas ho actividades TSP II ba educacao neebe iha fulan tolo nia laran implementa tia ona, mak hahu hakerek regulamentos ba plano de accao hahu hodi lori ba Congresso Nacional (hahu iha 29 Outubro-31 neebe sei hetan sucesso) no mo os hari grupos atu prepara currículo, prepara mo os plano ba escola primaria nia curriculo; hodi bele halo lancamento D3 Diploma nia programa, ho participacao professors 1,000 no la tuir plano neebe hanoin atu halo fofoun ba professores 300 deit; desenvolve mo os plano ida atu descentraliza financas neebe ohin loron escola, aman sira ho Federecao Profesores sira nian mak kaer. TSP ho nia parceiros tau matan liu ba iha ponto tolo: primeiro, tenki iha politica ho intervencao hodi bele muda sassan lais, no hamenus numero estudantes neebe repete tinan tinan, Segundo precisa politica pragmatica ida hodi bele habesik liu tan politica neebe hola ba lian atu hanorin iha educacao basica. Terceiro mak atu muda responsabilidade atu fo financiamento no mo os fo tulun atu hadia escola sira hotu Veteranos. Hussi kedas fulan lima kotuk mak hare progresso louvavel ida. Registo neebe halo ba veteranos no ex-combatentes remata tia ona iha fulan Setembro CAAC- CAVF horas ne e halo hela no sei halo revisaun ida molok knar remata iha fulan Marsu Importante tebes ba CAAC-CAVF halo knar hamutuk ho Governo hodi bele prepara plano de accao ba veteranos sira. Desenvolvimento iha Sector Privado. Governo halo progresso diak bainhira prepara seitor privado neebe habilita legislasaun (Companhia ho Lei Investimento nian no mo os

3 Investimento ho lei Seguro nian) ba tecnica no mo os regula kanar sira neebe iha relasaun ho rai ho propriedades. Ho knar tuir programa neebe halo ba fulan tolo comunidade sira neebe hadia luron hetan resultado diak ba knar neebe halao tuir orcamento neebe iha ba tinan 2004, no fo knar barak. Tuir calculo neebe halo ba fulan tolo nia laran (remata iha fulan Stembro 2003) ne e hanessan hari knar (servico) ba ema 986 iha tinan ida. Agricultura. Ministerio Agricultura, Pesca ho Floresta halo progresso iha areas hotu neebe tuir assaun neebe mai iha Matrix. Iha areas neebe critiku ba plano de assaun ba desenvolvimento no planos neebe halo, precisa reforco tan ba fulan ualo nia laran. Legislasaun atu desenvolve pesca halao ba oin (progressos) liu tia desenvolvimento MAFF s nian ba processo ba recursos iha gerencia. Maibe sugestao balu halo tia ona kona ba fini neebe bainhira halo selesaun tenki loke tan ba area comercio ho industria. Nian. Gerencia iha Sector Privado Equipa TSP nian simu informasaun katak Estatuto ba Servicos Publicos nian lori ba Conselho de Ministros iha fulan Novembro Ho ne e sei organiza diak liu tan hodi bele foti processo disciplinar no mo os desenvolve tan sistema gerencia nian. Hametin Seitor Justica nian Plano neebe halo atu estabelese organizasaun ida ba hametin sistema judicial tuir decreto lei no mo os desisaun judicial lao diak no sei remata iha tempo. Maibe desafio bo ot ida mak infrenta sector ida ne e mak at desenvolve, implementa ho consolida informasaun iha sisteme administrativo, hamutuk ho sistema ida atu bele teci lia lo os, desenvolve capacidade, informasaun no mo os relatorio, apoio administrativo, funcionarios, no mo os ba aquisisaun ho gerensia (management). Areas Neebe Precisa Tau Matan Gerencia ho Plano ba SectorPublico. Iha area orcamento nian l ao diak tebes, aquisicao no planos ba tinan tomak mak desafio bo ot ida tamba gasta liu uituam ba area gerencia nian no mo os ba recursos humanos (capacity building), no mo os ba hahalok neebe seidauk lo os iha revisaun ba Orsamento no ba Gerencia Lei Financas nian. Governo fo resposta lais atu hamenus problema despesa nians no fo sai estrategia atu hametin no kontrola fila fail despesas. Planos neebe halo beibeik ba Recursos Humanos tenki hare mo os iha fulan tolo nia laran bainhira hetan no foti TA ba tulun no desenvolve estrategia ida ba Desenvolvimento Recursos Humanos nian. Iha fulan nen nia laran sei hare plano ida ba Orcamento ho Financas neebe sei hatama ba Conselho de Ministros. Lapso ba Instituicoes Equipa TSP nian hare no preocupa tebes kona ba Lei Organica atu hari Escritorio ba Provedor Justica nian neebe Conselho Ministros aprova tia ona iha loron 19 fulan julho 2003 seidauk hatama ba Parlamento. Hussu ona ba Governo atu urgente hatama legislasaun ne e ba Parlamento hanessan tamba prioridade bo o ida. Inspector Geral halao dadaun knar no halo inspeccao lubuk ida relatorio balu hatama ona Procurador Geral. Equipa TSP nian simu informacao katak Inspector Geral normalmente fo sai informacao kona ba relatorios, relatorios ki ik, no fo coragem ba Governo atu hahu

4 ho pratica ida ne e. Equipa TSP nian fo recomendacao atu foti processo disciplinar ba funcionarios sira neebe hetan abusa Governo nia recursos ba sira nia uso pessoal. Processo kona ba Plano de accao ho legislasaun seidauk define no mo os hanessan programa neebe halo tintinan ba define lolos legislasaun seidauk halo hodi bele usa hanessan instrumento ida ba gerencia. Maibe asistencia técnica precisa hodi bele fo tulun ba actividades hirak ne e. Preocupasaun iha Sistema Fudiciario. Bainhira koalia iha Ministerio Financas ho Plano equipa identifica buat balu iha sistema fudiciario neebe tenki tau matan lais. Ne e iha relasaun ho: a) ilegalmente kaer receita, liu liu Univercidade Nacional Dili nian; b) ossan ba despesa ki ik gasta barak; c) autorisasaun neebe la iha autoridade ida hodi bele aprova requisisaun atu bele hamenus despesa; no d) no usa recursos neebe iha ba emergencia deit ba requesisaun ruma. Equipa TSP nian halo recomendasaun katak responsabilidade kona ba requesisaun tenki liu hussi Departamentos balu, hodi bele hare se tuir procedimento atu halo requisisaun ka lae. Tenki hola Medidas ba Controla Despesas. Governo identifica no hare tia ona katak halo despesas barak duni iha fulan hirak nia laran mai (hanessan despesa kareta nian, viagem ho osan neebe departamentos balu gasta barak). Despesas hirak ne e halo katak despesa orcamento nian barak liu no sei la to ba fatin seluk neebe importante atu halao knar (servico) hanessan tulun ba kiak sira iha distritos. Governo hola ona medidas hodi hamenus despesas hirak ne e: a) Primeiro Ministro fo sai circular ida, iha loron 14 fulan Outubro, neebe fo hatene lolos ba Ministros kona ba sira nian responsabilidades, ba Vice- Ministros, Secretarios de Estado kona ba despesas neebe bo ot liu no mo os kona ba requesisaun ho disciplina. Haruka halo ona investigasaun balu. b) Governo hari ona comissaun ida hamutuk ho Nacoes Unidas atu hare sa implicasaun mak sei hetan bainhira UNMISET entrega sira propriedades ba Governo. Comissaun ne e sei fo relatorio ba conselho de Ministros molok fulan Novembro remata. c) Governo fo sai ona katak labele usa kareta Governo nian narnaram deit. Hanessan estrategia ida ba orcamento Governo hola medidas atu hamenus lao ho kareta. Ministerio Financas ho Plano halo hela revisaun kona ba folin a as neebe hetan ba hadia kareta no kareta balu neebe fila hadia la diak ida. SUMARIO Ministerio Financas ho Plano fo hatene katak Orcamento ba tinan 2005 sei orienta no halo despesa deit ba areas sira neebe precisa liu. Medidas neebe hola ba halo orientasaun iha despesas ho gerencia Ministerio financas apresenta tia ona iha n relatorio neebe atu tuir iha fulan Janeiro Equipa TSP nian foti quesotes balu ho Ministerio Financas ho Plano. Iha Plano nee e mai: identifica programas neebe sei lori beneficio barak (educasaun basica, saude, hadia luron exemplo ida); hola decisao firme hodi departamentos labele gasta liu; fo tulun no apoio tecnico ba Governo hodi bele define no publica procedimentos neebe hola ba departamentos hotu Governo nian (ie registo kareta, ossan hirak mak precisa ba gasta bainhira sossa ho hamenu ssan hussi liur.); no mo os

5 funcionarios. Hamenus funcionarios publicos, no hola medidas atu hamenus orcamento ba departamentos hodi bele controla despesas. Governo horas ne e hola ona medidas atu processo no hola medidas atu hakotuk despesa hodi bele nune iha ossan ba investe iha Distritos ba tulun populacao. Equipa TSP nian mo os hussu ba parceiros iha desenvolvimento atu hamamar a an uituam kona sassan neebe ema oferece ba Governo. Exemplo ida bele fo ba hamamar uituam mak Governo bele fa an sassan neebe rai balu oferece hodi Governo bele hetan ossan. Hahalok hanessan ne e bele hamenus todan ida ba Governo. Comentario (QUOTES): Bainhira koalia hussi Governo nia kna ar Vice Ministra Plano ho Financa, Aicha Bassarewan, hatete: Ne e exercicio bo ot ida neebe hotu participa makas hussi Ministerios no mo os parceiros ba desenvolvimento iha dialogo neebe loke ho transparente. Governo ho parceiros ba desenvolvimento hamutuk hola desisaun atu hatan ba ba preocupasaun balu ho laran loke ho pragmatismo, hodi bele lori processo ba oin hodi nune bele hetan resultado neebe bele sukat hodi bele halo diak ba povo Timor-Leste nian. Ho sumario ki ik ida Chefe Banco Mundial nian iha Timor-Leste, Elisabeth Huybens, hatete: Iha rai ida neebe foun, labele hein katak programas hotu bele sai diak ho perfeito areas balu mak sei precisa tau matan nafatin. Maibe Governo hatudu katak loke no hola desisaun ona ba areas sira neebe precisa liu ne e hanessan testamento ida ba sira nia integridade hodi bele hato resultados ho diak ba povo Timor-Leste nian. ********************************************* Ba hetan tan informacao se lai atu hatene ho se mak bele koalia iha Banco Mundial bele mai ba Jose Filipe Ph; Se hakarak hatene liu tan se e iha Governo mak bele koalia ho Media dere ba Emilia Pires iha Ministerio, Financas ho Planeamento iha Ph;