Campaña de vacinación antigripal / antipneumocócica Instrución

Transcrição

1 Campaña de vacinación antigripal / antipneumocócica 2007 Instrución

2

3 ÍNDICE A. INFORMACIÓN TÉCNICA 1. Poboación diana Persoas de 65 ou máis anos Persoas menores de 65 anos 04 Vacinación antigripal: Grupos de risco 04 Vacinación antipneumocócica: Grupos de risco Duración da campaña Obxectivos Información técnica sobre as vacinas Vacina antigripal 07 Composición Inmunoxenicidade e efectividade Indicacións Administración Efectos secundarios Precaucións e contraindicacións Administración simultánea doutras vacinas, incluídas as vacinas infantís 4.2. Vacina antipneumocócica 11 Composición Inmunoxenicidade e efectividade Indicacións Administración Efectos secundarios Precaucións e contraindicacións Revacinación Administración simultánea doutras vacinas, incluídas as vacinas infantís B. XESTIÓN 1. Subministración de doses Instrucións xerais para todos os puntos de vacinación Instrucións específicas para os puntos de atención primaria da rede pública Instrucións específicas para os restantes puntos de vacinación (puntos do sector privado, hospitais da rede pública, residencias da 3ª idade e outros) Recepción das vacinas Mantemento da rede de frío Material gráfico Prescrición das vacinas Rexistro das doses administradas Devolucións de vacinas sobrantes Incidencias 18 ANEXOS I. Puntos de atención primaria da rede pública. Solicitude de reposición de doses vacinais 20 II. Puntos non pertencentes á atención primaria pública. Solicitude inicial e de reposición de doses vacinais 21 III. Indicador tempo-temperatura 22 IV. Coordinadores das xerencias 23 V. Dirección Xeral de Saúde Pública. Delegacións provinciais da Consellería de Sanidade 24

4 INSTRUCIÓN 18/07 ASUNTO Instrucións sobre a campaña de vacinación antigripal e antipneumocócica 2007 ORIXE DIRECCIÓN XERAL DE SAÚDE PÚBLICA / DIVISIÓN DE ASISTENCIA SANITARIA DESTINATARIOS centros de atención primaria da rede pública médicos xerais, pediatras, persoal de enfermaría, farmacéuticos de atención primaria hospitais públicos centros de especialidades hospitais e centros médicos privados residencias e centros de día da 3ª idade centros penitenciarios unidades asistenciais de drogodependencias centros de menores e colexios-residencias centros de atención a discapacitados outro tipo de centros delegacións provinciais de Sanidade xerencias do Servizo Galego de Saúde INICIO DA CAMPAÑA: 8 de outubro de 2007 FINALIZACIÓN: 30 de novembro de 2007 A Consellería de Sanidade, a través da Dirección Xeral de Saúde Pública e do Servizo Galego de Saúde, vai levar a cabo a Campaña de vacinación antigripal e antipneumocócica 2007 D.L.: C

5 A. INFORMACIÓN TÉCNICA 1. POBOACIÓN DIANA 1.1 PERSOAS DE 65 OU MÁIS ANOS Ofertaráselles a vacinación antigripal de xeito sistemático e a vacinación antipneumocócica no caso de que non estivesen aínda vacinadas fronte ao pneumococo. PERSOAS DE 65 ANOS Estas persoas incorpóranse á campaña por primeira vez este ano 2007 polo que, neste caso, se lles ofertarán as dúas vacinas de xeito sistemático. PERSOAS DE 66 OU MÁIS ANOS DE IDADE Os profesionais sanitarios deberán comprobar o estado vacinal de todas as persoas de 66 ou máis anos antes de proceder á prescrición da vacinación antipneumocócica. No caso de que, a pesar de acadar toda a información dispoñible, non se poida descartar a vacinación antipneumocócica previa, indicarase a vacina se a persoa pertence a algún dos grupos de especial risco. 3]

6 1.2. PERSOAS MENORES DE 65 ANOS Ofertaráselles a vacinación ás persoas que pertenzan aos respectivos grupos de risco de cada unha das vacinas nos cales está indicada. VACINACIÓN ANTIGRIPAL GRUPOS DE RISCO Grupos con maior risco de padeceren complicacións derivadas da gripe ou que ao padecer a enfermidade poida provocar unha descompensación da súa condición médica Adultos e nenos de 6 ou máis meses de idade, con enfermidades crónicas pulmonares ou cardiovasculares, incluíndo asma Residentes en institucións pechadas, de calquera idade a partir de 6 meses, que padezan procesos crónicos Adultos e nenos de 6 ou máis meses de idade con enfermidades metabólicas crónicas, incluíndo: diabetes mellitus; insuficiencia renal; hemoglobinopatías e anemias; inmunodeficiencias Adultos e nenos de 6 ou máis meses que poidan ter compromiso respiratorio con risco de aspiración Nenos e adolescentes (6 meses a 18 anos) con tratamentos prolongados de ácido acetil salicílico (aspirina ), xa que teñen un maior risco de desenvolver a síndrome de Reye tras unha gripe Mulleres que se encontran embarazadas durante a temporada de gripe Grupos potencialmente capaces de lles transmitiren a gripe a outras persoas de alto risco Persoal médico e de enfermaría e calquera outro persoal hospitalario ou ambulatorio, incluíndo os traballadores de urxencias Empregados de institucións pechadas e outras institucións para enfermos crónicos, que teñan contacto cos pacientes ou residentes Asistentes domiciliarios de persoas incluídas nos grupos de risco (enfermeiros/as, traballadores voluntarios, etc.) Membros da familia e conviventes de persoas incluídas nos grupos de risco Outros grupos nos cales se recomenda a vacinación Persoas que desenvolven traballos esenciais para a comunidade Policías, bombeiros, persoal de protección civil, etc. Persoas que pola súa ocupación poden estar en contacto con aves, especialmente: As persoas que están directamente involucradas nas tarefas de destrución de animais mortos, limpeza e desinfección As persoas que viven e/ou traballan en granxas de aves Viaxeiros internacionais Persoas que presentan un maior risco de complicacións de gripe, que se dirixan a zonas tropicais en calquera época do ano ou viaxen ao hemisferio sur entre os meses de abril a setembro Persoas que se dirixan a zonas onde existen abrochos de gripe aviaria e que poidan estar en contacto estreito con granxas de aves de curral ou con probabilidade de exposicións intensas a aves [4

7 VACINACIÓN ANTIPNEUMOCÓCICA GRUPOS DE RISCO PERSOAS INMUNOCOMPETENTES Persoas entre 2 e 64 anos con patoloxías crónicas Patoloxía cardiovascular crónica (inclúe a insuficiencia cardíaca conxestiva e a miocardiopatía) Enfermidade pulmonar crónica (incluíndo EPOC e enfisema). A asma non se considera indicación para a vacinación antipneumocócica Diabetes mellitus Alcoholismo e enfermidades hepáticas crónicas (inclúe cirrose) Enfermidades que levan consigo perda de líquido cefalorraquídeo Persoas entre 2 e 64 anos con asplenia anatómica ou funcional Esplenectomizados, persoas con anemia de células falciformes. No caso de esplenectomía programada, a vacina administrarase polo menos 15 días antes da intervención. PERSOAS INMUNOCOMPROMETIDAS Recoméndase a vacinación nas seguintes persoas sempre que teñan 2 ou máis anos de idade: Persoas VIH (+) asintomáticas ou sintomáticas, o máis precozmente posible tras o diagnóstico da infección Persoas con leucemia, enf. de Hodgkin, linfoma, mieloma múltiple ou outras neoplasias xeneralizadas Persoas con insuficiencia renal crónica ou síndrome nefrótica Receptores de transplantes de órganos ou medula ósea Persoas que están recibindo terapia inmunosupresora, incluíndo os corticoesteroides sistémicos de longa duración No caso de que se considere iniciar terapia inmunosupresora, esta deberá diferirse polo menos 15 días tras a vacinación. A vacinación durante o tratamento con quimioterapia ou radioterapia deberá ser evitada. 5]

8 2. DURACIÓN DA CAMPAÑA Inicio: 8 de outubro de 2007 Fin: 30 de novembro de 2007 Outubro L M M X V S D Novembro L M M X V S D OBXECTIVOS Os obxectivos que se pretenden acadar nesta campaña de vacinación detállanse a continuación: OBXECTIVO XERAL Diminuír a morbi-mortalidade das enfermidades causadas polo Streptococo pneumoniae e o número e gravidade das complicacións derivadas de padecer a gripe na poboación da Comunidade Autónoma de Galicia. OBXECTIVOS ESPECÍFICOS Conseguir unha cobertura de vacinación antigripal na poboación de 65 ou máis anos de polo menos o 65%. Conseguir unha cobertura de vacinación antipneumocócica de polo menos o 30% nas persoas que se incorporan por primeira vez á campaña (persoas de 65 anos). Reducir a un 5% os concellos onde se acadan unhas coberturas de vacinación antigripal menores do 40%. Conseguir unha cobertura de vacinación antigripal nas residencias da terceira idade de polo menos o 85%. Aumentar a vacinación antigripal das persoas de 65 ou máis anos ingresadas nos centros sanitarios nun 10%, en relación coa campaña anterior. Aumentar a vacinación antigripal das persoas incluídas noutros grupos de risco nun 3% en relación coa campaña anterior, aproveitando a actividade asistencial diaria para realizar a captación e vacinación desta poboación. Aumentar a vacinación antigripal dos traballadores de centros sanitarios e sociais nun 10%, respecto á campaña anterior. [6

9 OBXECTIVOS DE XESTIÓN Asegurar o control sobre as doses vacinais, tanto na súa recepción como na almacenaxe nas neveiras dos centros de vacinación. Nese sentido, débese controlar tanto a rede de frío como a optimización das doses vacinais conseguindo que: a porcentaxe de vacinas inutilizadas por ruptura da rede de frío non supere o 1% do total de vacinas distribuídas a porcentaxe de doses recollidas ao remate da campaña non supere o 4% do total de vacinas remitidas aos puntos de vacinación Conseguir que a porcentaxe de puntos de vacinación que remiten rexistros sexa de polo menos o 98%. Realizar a investigación do 100% das reaccións adversas seguintes á vacinación (RASV) cando estea indicado segundo o protocolo establecido. 4. INFORMACIÓN TÉCNICA SOBRE AS VACINAS 4.1. VACINA ANTIGRIPAL COMPOSICIÓN Vacina trivalente de virus INACTIVADOS (mortos) e FRACCIONADOS, contendo os seguintes antíxenos: Cepa análoga A / Solomon Islands / 3 / 2006 (H1N1) Cepa análoga A / Wisconsin / 67 / 2005 (H3N2) Cepa análoga B / Malaysia / 2506 / 2004 INMUNOXENICIDADE E EFECTIVIDADE Tras a vacinación a maioría dos nenos e adultos novos desenvolven elevados títulos de anticorpos que protexen contra a infección de cepas similares ás incluídas nas vacinas. A vacina prevén a enfermidade en aproximadamente un 70-90% das persoas menores de 65 anos sas. Nun estudo caso-control a efectividade da vacina estimouse nun 52% entre persoas sas e nun 38% se tiña algunha condición de risco. Entre as persoas de maior idade e non institucionalizadas a vacina ten unha eficacia do 30%-70% para previr a hospitalización por gripe ou pneumonía. Os anciáns e as persoas con enfermidades crónicas poden desenvolver títulos máis baixos de anticorpos ca os mozos sans e, por iso, poden permanecer susceptibles á infección do tracto respiratorio superior. Un importante beneficio desta vacina é ser eficaz na prevención das complicacións secundarias e na redución do risco de hospitalización e morte, en adultos de 65 ou máis anos con ou sen condicións médicas de risco. 7]

10 Un ensaio clínico randomizado realizado entre persoas de 60 ou máis anos non institucionalizadas demostrou unha efectividade vacinal do 58% contra a infección respiratoria por influenza, pero indicou que esta pode ser inferior en persoas de 70 ou máis anos. Entre as persoas maiores institucionalizadas a vacina ten unha efectividade do 50%-60% para previr a hospitalización ou a pneumonía e un 80% para previr a morte, aínda que a efectividade para previr a enfermidade oscila entre un 30%-40%. INDICACIÓNS A vacina antigripal está especialmente recomendada en calquera persoa de 6 ou máis meses de idade que pertenza a: Grupos con maior risco de padecer complicacións derivadas da gripe Grupos potencialmente capaces de transmitir a gripe a persoas de alto risco Outros grupos Estes grupos están detallados no punto 1: poboación diana desta instrución. ADMINISTRACIÓN VÍA DE ADMINISTRACIÓN Preferentemente intramuscular, aínda que pode utilizarse a vía subcutánea. En adultos e nenos maiores dun ano o lugar de elección é o músculo deltoide. En lactantes e nenos pequenos é preferible a cara anterolateral da coxa. DOSE A pauta de vacinación e a dose de vacina varían segundo a idade e o antecedente de vacinación previa. A continuación expóñense as pautas e doses recomendadas: GRUPO DE IDADE DOSIFICACIÓN Nº DE DOSES 6-35 meses (ambos inclusive) 0,25 ml 1 ou 2* 3-8 anos (ambos inclusive) 0,50 ml 1 ou 2* 9 anos 0,50 ml 1 * Os nenos menores de 9 anos deben recibir 2 doses de vacina antigripal cun intervalo dun mes entre elas no caso de que reciban a vacina antigripal por primeira vez na súa vida. [8

11 TIPO DE VACINA A vacina antigripal que se subministra é: Maioritariamente de virus fraccionados, dispoñible en todos os puntos de vacinación De antíxenos de superficie inactivados con virosoma, para grupos de especial risco ingresados en institucións pechadas e hospitais INSTRUCIÓNS DE USO E MANIPULACIÓN Débese deixar que a vacina alcance a temperatura ambiente antes de utilizala e axitala antes do seu uso. EFECTOS SECUNDARIOS Dado que a vacina antigripal contén soamente virus non infecciosos (mortos) non pode ocasionar a gripe. Calquera enfermidade respiratoria que aconteza inmediatamente despois da vacinación representa unha infección coincidente inadvertida no momento daquela e non relacionada coa vacinación. O efecto secundario máis frecuente é a reacción local (dor, eritema, induración), que dura menos de 48 horas, no lugar da inxección. Este efecto preséntase nun 10-64% dos vacinados. Estas reaccións locais xeralmente son leves e raramente interfiren coas actividades rutineiras. Con menor frecuencia poden ocorrer dous tipos de reaccións sistémicas: Febre, malestar, mialxias e outros síntomas sistémicos, que se inician ás 6-12 horas tras a vacinación, e persisten 1-2 días. Afectan máis a miúdo a aquelas persoas que non estivesen expostas anteriormente aos antíxenos do virus da gripe contidos na vacina (por exemplo: persoas novas). Con moi pouca frecuencia poden aparecer reaccións inmediatas (presumiblemente alérxicas), que se manifestan como anxioedema, asma ou anafilaxe. Probablemente, estas reaccións prodúcense por hipersensibilidade a algún compoñente da vacina (habitualmente por proteínas residuais do ovo). PRECAUCIÓNS E CONTRAINDICACIÓNS A vacina non debe administrarse a persoas con antecedentes de reacción anafiláctica a doses previas. As persoas que experimentasen hipersensibilidade ao ovo ou calquera outro compoñente vacinal poden ter un risco aumentado de alerxia á vacina antigripal e deben ser valoradas por un alergólogo antes de que se lles administre a vacina. No caso de que non se poida administrar a vacina, o uso profiláctico de axentes antivirais (amantadina, rimantadina, oseltamivir) é unha opción para a prevención da gripe. 9]

12 No caso de enfermidade febril severa concorrente a vacinación deberá diferirse ata que remitan os seus síntomas. Non obstante, enfermidades menores con ou sen febre non contraindican o uso da vacina da gripe, particularmente en nenos con infección leve do tracto respiratorio superior ou rinite alérxica. Non existen evidencias sobre a asociación causal entre a vacina antigripal e a Síndrome de Guillain-Barré (SGB). Todas as investigacións realizadas indican que non existe un incremento substancial da incidencia desta síndrome coa vacinación antigripal. Aínda que se descoñece se a vacinación antigripal pode aumentar o risco de recorrencia da SGB, parece prudente non administrar a vacina ás persoas que non pertenzan a un grupo de risco e que presentasen a síndrome con anterioridade. A aplicación da vacina NON ESTÁ CONTRAINDICADA en persoas inmunodeficientes calquera que sexa o motivo, dado que é unha vacina inactivada e, polo tanto, non existe risco de proliferación viral incontrolada. Polo contrario, estas persoas forman parte dun grupo de indicación específica. Unicamente se pode esperar unha menor resposta inmune. A vacinación tampouco está contraindicada no período de lactación materna. Administración simultánea doutras vacinas, incluídas as vacinas infantís A vacina antigripal pódese administrar simultaneamente coa vacina antipneumocócica, sempre e cando se realice en lugares anatómicos diferentes, mellorando desta forma a súa efectividade. Así mesmo, tamén pode ser administrada simultaneamente con calquera outra vacina. [10

13 4.2. VACINA ANTIPNEUMOCÓCICA COMPOSICIÓN A vacina antipneumocócica contén 23 antíxenos de polisacáridos capsulares purificados do S. pneumoniae (serotipos 1, 2, 3, 4, 5, 6B, 7F, 8, 9N, 9V, 10A, 11A, 12F, 14, 15B, 17F, 18C, 19A, 19F, 20, 22F, 23F e 33F). INMUNOXENICIDADE E EFECTIVIDADE A administración da vacina induce unha resposta tipo-específica, con aumento do título de anticorpos dentro das 2-3 semanas seguintes en máis do 80% das persoas adultas sas. As persoas de maior idade e as persoas con enfermidades crónicas poden desenvolver títulos máis baixos de anticorpos ca os adultos sans. Non obstante, as persoas de máis de dous anos con asplenia anatómica ou funcional responden cun nivel de anticorpos similar ás persoas sas da mesma idade. No grupo das persoas inmunocomprometidas a resposta á vacina pode estar diminuída. A efectividade da vacina fronte á enfermidade invasiva en estudos caso-control presenta un rango de 56-81%. En persoas inmunocompetentes de 65 ou máis anos é do 75% e no grupo de pacientes con enfermidades crónicas oscila entre 65-84%. INDICACIÓNS Os grupos en que está indicada están detallados no punto 1: poboación diana desta instrución. Cabe destacar que as persoas xa vacinadas fronte ao pneumococo non precisan volver a vacinarse, agás nas situacións recollidas na epígrafe de revacinación desta instrución. ADMINISTRACIÓN VÍA DE ADMINISTRACIÓN Preferentemente intramuscular, aínda que pode utilizarse a vía subcutánea. O lugar de elección é o músculo deltoide. DOSE Administrarase unha única dose de 0,5 ml, contendo cada dose 25 µg de cada antíxeno de polisacárido capsular, a todas as persoas, independentemente da súa idade ou pertenza a grupo de risco. INSTRUCIÓNS DE USO E MANIPULACIÓN Débese deixar que a vacina alcance a temperatura ambiente antes de utilizala e axitarase antes do seu uso. 11]

14 EFECTOS SECUNDARIOS O efecto secundario máis frecuente é a reacción local no lugar da inxección (dor, eritema, induración), que se presenta en aproximadamente un 30-50% dos casos e dura menos de 48 horas. As reaccións locais máis severas e as reaccións sistémicas son infrecuentes, e as reaccións febrís severas extremadamente raras. Non se atoparon alteracións neurolóxicas tales como síndrome de Guillain-Barré tras a administración da vacina antipneumocócica. PRECAUCIÓNS E CONTRAINDICACIÓNS Non debe administrarse a vacina por vía intradérmica, xa que pode causar reaccións locais severas. Así mesmo, tampouco se debe utilizar a vía intravascular. Non existen datos sobre a seguridade da vacina durante o primeiro trimestre do embarazo, aínda que non se notificaron consecuencias adversas nos neonatos de nais que foron vacinadas inadvertidamente durante o embarazo. As contraindicacións desta vacina son as xerais para todas as vacinas, é dicir, enfermidade aguda moderada ou severa, alerxia a algún compoñente da vacina ou reacción severa a unha dose previa. Así mesmo, está contraindicada a súa administración en nenos de idade inferior aos 24 meses. A aplicación da vacina NON ESTÁ CONTRAINDICADA en persoas inmunocomprometidas. Nestas persoas a efectividade pode ser menor, pero os potenciais beneficios xustifican a súa aplicación. Aínda que a vacinación de persoas VIH (+) pode ir seguida dun incremento transitorio da replicación viral (similar ao que ocorre con outras vacinas inactivadas), o significado deste feito é descoñecido e non xustifica a non utilización.. REVACINACIÓN AS PERSONAS XA VACINADAS FRONTE AO PEUMOCOCO NON PRECISAN VOLVER A VACI- NARSE xa que estudos epidemiolóxicos suxiren que a vacina confire protección durante polo menos 9 anos, polo que non se recomenda a revacinación rutineira en inmunocompetentes. Neste momento, as únicas situacións nas cales se recomenda a administración dunha segunda dose son as seguintes: Persoas de 65 ou máis anos: deberán recibir unha segunda dose se pasaron polo menos 5 anos e esta primeira dose se lles administrou antes dos 65 anos. Persoas entre 2-64 anos de idade con asplenia anatómica ou funcional e inmunodeprimidos: neste caso está indicada unha segunda dose aos 5 anos da primeira se a recibiu con máis de 10 anos e aos 3 anos se a recibiu a unha idade inferior aos 10 anos. Administración simultánea doutras vacinas, incluídas as vacinas infantís A vacina antipneumocócica pódese administrar simultaneamente coa vacina antigripal, e con calquera outra vacina, sempre e cando se administren en lugares anatómicos diferentes. [12

15 B. XESTIÓN 1. SUBMINISTRACIÓN DE DOSES 1.1 INSTRUCIÓNS XERAIS PARA TODOS OS PUNTOS DE VACINACIÓN NÚMERO MÍNIMO DE DOSES A cantidade de doses de cada tipo de vacinas que se soliciten deberá axustarse a: Vacina antigripal: 50 doses ou múltiplos desta cifra Vacina antipneumocócica: 10 doses ou múltiplos desta cifra Non obstante, poderán solicitarse outras cantidades nos seguintes casos: as institucións pechadas e outros puntos de vacinación que vaian realizar unha única petición de doses ao longo da campaña poderán solicitar o número de doses que precisen no período final da campaña pódense realizar peticións inferiores a 50 Non hai límite no número de peticións de reposición que se coide oportuno realizar. DATA LÍMITE Será o 20 de novembro. 1.2 INSTRUCIÓNS ESPECÍFICAS PARA OS PUNTOS DE ATENCIÓN PRIMARIA DA REDE PÚBLICA DISTRIBUCIÓN INICIAL DE VACINAS Estes puntos recibirán, antes do comezo da campaña, unha entrega inicial de vacinas antigripais e antipneumocócicas sen ter que solicitalas. SOLICITUDES DE REPOSICIÓN DE DOSES VACINAIS As solicitudes de reposición serán realizadas polo responsable do punto de vacinación por vía telefónica ou fax á empresa distribuidora seguindo as instrucións que se especifican no anexo I. 13]

16 1.3 INSTRUCIÓNS ESPECÍFICAS PARA OS RESTANTES PUNTOS DE VACINACIÓN (PUNTOS DO SECTOR PRIVADO, HOSPITAIS DA REDE PÚBLICA, RESIDENCIAS DA 3ª IDADE E OUTROS) PETICIÓN INICIAL DE VACINAS Estes puntos deberán realizar o cálculo inicial das doses que precisen e solicitalas seguindo as instrucións que figuran no anexo II desta instrución. Para dispoñer de vacina a partir do primeiro día do comezo da campaña, os puntos deberán realizar a solicitude con 10 días de antelación sobre a data prevista para o seu inicio. No caso dos hospitais da rede pública as solicitudes serán realizadas polo Servizo de Farmacia Hospitalaria. SOLICITUDES DE REPOSICIÓN DE DOSES VACINAIS As solicitudes de reposición faranse do mesmo xeito que a solicitude inicial de doses vacinais. 2. RECEPCIÓN DAS VACINAS Cada envío de vacina que se reciba deberá estar debidamente acondicionado con materiais illantes. No seu interior incluirase un monitor de tempo/temperatura, que proporciona un rexistro visual do tempo e temperatura de exposición do produto ao que acompaña. En todos os envíos figurará, xunto co monitor, unha folla explicativa do seu funcionamento e interpretación (ver anexo III). Cada vez que no punto se reciban vacinas a actuación que se debe seguir é: a) Verificar que: O paquete contén un indicador de tempo-temperatura e que este foi activado A ventá nº 3 do devandito indicador non presenta coloración azul As vacinas non están inutilizadas por rotura O número e tipo de vacina recibidas correspóndense co solicitado b) Asinar o albará de entrega do transportista, anotando, cunha letra perfectamente lexible o seu nome e apelidos e, se é posible, poñer o selo do centro como constancia da recepción das doses solicitadas. A parte superior deste documento quedará en poder do punto de vacinación. c) Comunicación de posibles incidencias No caso de que o paquete non contivese o indicador tempo-temperatura, que este non estivese activado ou ben que o número e tipo de vacinas recibidas non se correspondan coas solicitadas, deberá recepcionarse o pedido e comunicar esta incidencia urxentemente á Dirección Xeral de Saúde Pública (ver anexo V). [14

17 Se a ventá nº 3 do indicador presenta coloración azul ou ben as vacinas están inutilizadas por rotura, considerarase que a recepción non é de conformidade e se devolverá a vacina ao repartidor, quen lle entregará un albará de recollida do transportista no cal deberán figurar os datos identificativos do centro. Este documento tamén se asinará anotando nel, cunha letra perfectamente lexible, o motivo da devolución (indicador virado ou vacinas rotas), o nome e apelidos da persoa que asina e, se é posible, poñerá o selo do centro, quedando en poder do punto de vacinación unha copia deste documento. Esta devolución de vacinas debe comunicarse igualmente e con urxencia á Dirección Xeral de Saúde Pública (ver anexo V), co fin de axilizar o máximo posible a reposición da vacina rexeitada. d) Comprobar a «Nota de entrega de vacinas» que vai con cada pedido e que ten carácter informativo. Nela figura o código do seu centro Serve como xustificante das doses subministradas ao punto de vacinación 3. MANTEMENTO DA REDE DE FRÍO DEBEN DE REALIZARSE DÚAS LECTURAS DIARIAS A TEMPERATURA DEBE ESTAR ENTRE +2ºC E +8ºC Unha vez recibido o pedido deberá observarse un especial coidado en conservar as vacinas nas condicións adecuadas. As vacinas deben manterse sempre a unha temperatura de entre +2ºC e +8ºC, evitando a súa conxelación. A neveira deberá estar dotada dun termómetro de temperatura máxima e mínima, debéndose realizar, polo menos, dúas lecturas diarias deste, á primeira e á última hora da xornada laboral. Se vostede non dispón de termómetro na súa neveira ou necesita máis información sobre o control do mantemento da rede de frío, póñase en contacto coa delegación provincial de Sanidade correspondente (ver anexo V desta instrución). No caso de que ocorra unha ruptura da rede de frío nun punto de vacinación, todos os centros, incluídos os de atención primaria públicos, deberán comunicar este extremo directamente á Dirección Xeral de Saúde Pública (ver anexo V) 15]

18 4. MATERIAL GRÁFICO Antes do comezo da campaña remitiráselles aos puntos de vacinación o material gráfico necesario para o seu desenvolvemento. No caso de que os puntos de vacinación precisen a reposición do material que se detalla a continuación, deberán solicitalo, preferentemente por correo electrónico ou por fax á Dirección Xeral de Saúde Pública (Servizo de Control de Enfermidades Transmisibles) (ver anexo V). Nesta solicitude deberán especificarse os datos completos do centro (incluído o seu código), o horario de funcionamento, o nome e apelidos da persoa que fai o pedido, se é o caso, o servizo onde deberá entregarse e o tipo e cantidade de material que se precisa. As peticións deberán realizarse cunha antelación de 3 días laborables sobre a data desexada da recepción. A relación de materiais gráficos editados para a campaña é a seguinte: instrucións talonarios de rexistro numérico diario da vacina administrada (vacinación antigripal e antipneumocócica) talonarios de prescrición da vacinación antigripal e antipneumocócica carteis divulgativos para poboación folletos divulgativos para a poboación carteis divulgativos para profesionais sanitarios e coidadores sobres da Dirección Xeral de Saúde Pública para franqueo en destino carnés de vacinación do adulto [16

19 5. PRESCRICIÓN DAS VACINAS O persoal facultativo que indique a vacinación cubrirá unha folla de «Prescrición da vacinación antigripal e antipneumocócica» dirixida ao ATS/DUE encargado/a da súa administración e rexistro. Nesta folla de prescrición indicaranse os datos de identificación do médico prescritor, a data da prescrición e os datos do paciente ao que se lle está a indicar a vacinación. Ademais especificarase a idade do paciente no recadro destinado a tal fin, co obxectivo de facilitar o labor de rexistro ao persoal de enfermaría que administre a vacina. Non se deben remitir os volantes cubertos á Dirección Xeral de Saúde Pública. 6. REXISTRO DAS DOSES ADMINISTRADAS CUBRIMENTO DO REXISTRO NUMÉRICO DIARIO DA VACINA ADMINISTRADA O persoal sanitario debe rexistrar todas as doses no Rexistro numérico diario da vacina administrada (Vacinación antigripal e antipneumocócica), seguindo as instrucións que figuran no interior deste rexistro. As persoas nas cales está indicada a vacinación por pertenza a outros grupos en que esta se recomenda (policías, traballadores de granxas avícolas...), deben ser anotados na epígrafe de grupos de risco. CONSIDERACIÓNS ESPECIAIS CON RESPECTO AO REXISTRO HOSPITAIS O Servizo de Medicina Preventiva dos hospitais realiza a vacinación e debe asumir o rexistro e remisión á Dirección Xeral de Saúde Pública das doses que administra. Se o Servizo de Farmacia distribúe doses vacinais a outros servizos hospitalarios, deberá entregarlles follas de rexistro para que anoten as doses que administren e ao final da campaña o Servizo de Farmacia encargarase de recoller as follas debidamente cubertas e remitilas á Dirección Xeral de Saúde Pública. CENTROS CON HISTORIA CLÍNICA INFORMATIZADA Aqueles centros que vaian empregar este programa só cubrirán o rexistro manual das doses nos casos en que non se poida realizar a súa informatización. Destes puntos de vacinación, contabilizaranse como administradas as doses que se rexistren a través da historia clínica informatizada máis aquelas que sexan notificadas mediante o rexistro manual, polo que se deberá ter un especial coidado para evitar duplicidades. 17]

20 OUTROS REXISTROS QUE É NECESARIO CUBRIR Esta información, ademais de quedar reflectida na historia clínica de atención primaria ou atención especializada, debe ser anotada, ben na Cartilla de saúde infantil ou ben no Carné de vacinación do adulto. 7. DEVOLUCIÓNS DE VACINAS SOBRANTES Unha vez concluída a campaña, indicaráselles aos responsables dos puntos de vacinación o procedemento para recoller as doses sobrantes. Non obstante, será necesario que as vacinas antipneumocócicas que se conservaron en óptimas condicións se devolvan mantendo a rede de frío. 8. INCIDENCIAS CENTROS DE ATENCIÓN PRIMARIA DA REDE PÚBLICA Comunicaranlle semanalmente á xerencia da súa área as incidencias que se producisen sempre que non supoñan un risco de paralización ou diminución do bo desenvolvemento da campaña. Neste caso, informarase urxentemente por teléfono (ver anexo IV) a xerencia correspondente. RESTANTES PUNTOS DE VACINACIÓN Das incidencias acontecidas daráselle conta ao responsable do centro, quen as comunicará, segundo a súa urxencia, por teléfono, correo electrónico ou fax directamente á Dirección Xeral de Saúde Pública (ver anexo V). O material dispoñible para esta campaña pode ser consultado na páxina web da Dirección Xeral de Saúde Pública: O DIRECTOR XERAL DE SAÚDE PÚBLICA O DIRECTOR XERAL DA DIVISIÓN DE ASISTENCIA SANITARIA [18

21 ANEXOS

22 ANEXO I PUNTOS DE ATENCIÓN PRIMARIA DA REDE PÚBLICA SOLICITUDE DE REPOSICIÓN DE DOSES VACINAIS As vacinas solicitaranse telefonicamente ou por fax á empresa distribuidora, cunha antelación de 48 horas sobre a data desexada de recepción, tendo en conta que as vacinas solicitadas os venres se servirán o martes seguinte ao da súa solicitude non se subministrarán vacinas o día seguinte a festivos Facilite o código do seu centro (figura na nota de entrega de vacinas que vai con cada envío destas e nas etiquetas adhesivas remitidas inicialmente aos puntos de vacinación) Faga a petición de vacinas antigripais e antipneumocócicas, preferiblemente, de xeito conxunto Número de teléfono e número de fax centralizados para realizar as peticións de vacina para todos os puntos de atención primaria pública de Galicia Tel Fax Horario: das 9 h. ás 20 h., de luns a venres, agás festivos As solicitudes recibidas despois das 17 h. cursaranse ao día seguinte [20

23 ANEXO II PUNTOS NON PERTENCENTES Á ATENCIÓN PRIMARIA PÚBLICA SOLICITUDE INICIAL E DE REPOSICIÓN DE DOSES VACINAIS Realizarán tanto a petición inicial de vacinas como as solicitudes de reposición de doses sempre, independentemente da cantidade que se precise, á Dirección Xeral de Saúde Pública (Servizo de Control de Enfermidades Transmisibles), por correo electrónico ou fax. En ningún caso deberán facerse as peticións directamente á empresa distribuidora. Na solicitude deberán especificarse os datos completos do centro, incluído o seu código (figura nas etiquetas adhesivas remitidas inicialmente aos puntos de vacinación e na nota de entrega de vacinas que vai con cada envío destas), o nome e apelidos da persoa que fai o pedido, o seu teléfono de contacto e, se é o caso, o servizo onde deberá entregarse a vacina e o tipo e cantidade de vacinas que se precisan. Os centros médicos privados deberán especificar o seu horario de funcionamento. Ademais os centros médicos privados, residencias e fogares da 3ª idade, centros de menores/colexios-residencias, centros de atención a discapacitados e outro tipo de centros (policía...) deberán indicar o nome, apelidos e número de colexiado do facultativo que vai ser o responsable da vacinación (tanto se pertence ao propio centro como se se trata do médico de atención primaria que atende a poboación do centro en cuestión), requisito imprescindible para que as vacinas sexan servidas. Debe procurarse facer as peticións de vacinas antigripais e antipneumocócicas de xeito conxunto. A solicitude inicial realizarase con 10 días de antelación sobre a data prevista para o inicio da campaña, se o centro desexa dispoñer da vacina desde o seu primeiro día de comezo. As solicitudes de reposición cursaranse cunha antelación de 72 horas sobre a data desexada de recepción, tendo en conta que as vacinas pedidas os venres se servirán o martes seguinte ao da súa solicitude non se subministrarán vacinas o día seguinte a festivos Enderezo de correo electrónico para realizar as peticións: vacinas@sergas.es Número de fax para realizar as peticións: / 43 Horario: das 8 h. ás 15 h., de luns a venres, agás festivos As solicitudes recibidas despois das 13 h. cursaranse ao día seguinte 21]

24 ANEXO III INDICADOR TEMPO-TEMPERATURA O indicador de tempo-temperatura é un dispositivo que rexistra de forma combinada o factor tempo e o factor temperatura nunha soa lectura. A función deste indicador é a de controlar o mantemento da rede de frío unicamente durante o transporte da vacina, polo que unha vez recibido o pedido deberá observarse un especial coidado en conservar as vacinas nas condicións adecuadas (temperatura de +2ºC a +8ºC, evitando a súa conxelación). O indicador tempo-temperatura incluído no interior desta embalaxe debe manter a coloración branca na ventá nº 3 e nas seguintes, no mesmo momento da apertura do paquete. Se ao abrir o paquete se comproba que o indicador virou e presenta coloración azul na indicada ventá nº 3, o total de unidades contidas no paquete deben ser rexeitadas, devolvéndose a vacina ao repartidor nese momentose é posible. Tamén se rexeitarán as vacinas inutilizadas por ruptura ou as non solicitadas. Cando se devolvan vacinas, o repartidor entregaralle un albará de recollida no que a persoa do centro anotará o motivo do rexeitamento, ademais de asinar este documento e anotar nel o seu nome e apelidos. No caso de que o paquete non contivese o indicador tempo-temperatura, que este non estivese activado ou ben que o número e tipo de vacinas recibidas non se correspondan coas solicitadas, deberá recepcionarse o pedido igualmente. Todos os puntos de vacinación, incluídos os de atención primaria pública, informarán de calquera das incidencias mencionadas urxentemente á Dirección Xeral de Saúde Pública aos teléfonos / O indicador tempo-temperatura estará activado cando a lingüeta situada no seu extremo lateral se atope separada del e deixe á vista unha pequena franxa de cor negra, segundo se mostra nas figuras seguintes: INDICADOR SEN ACTIVAR INDICADOR ACTIVADO [22

25 ANEXO IV COORDINADORES DAS XERENCIAS PROVINCIA DA CORUÑA A Coruña Purificación Cal Viqueira Tel Fax Ferrol Tel Fax Violeta Álvarez Álvarez Santiago de Compostela Juan José Millán Pérez Tel Fax PROVINCIA DE LUGO Félix Pérez Herraiz Tel Fax PROVINCIA DE OURENSE Pilar González Iglesias Tel Fax PROVINCIA DE PONTEVEDRA Pontevedra Tel Fax Rita Doval Franqueira Tel Vigo Pilar Silveira Rodríguez Tel Fax Mª Teresa Rodríguez Iglesias 23]

26 ANEXO V DIRECCIÓN XERAL DE SAÚDE PÚBLICA Tel Fax Correo electrónico: vacinas@sergas.es Páxina web: DELEGACIÓNS PROVINCIAIS DA CONSELLERÍA DE SANIDADE PROVINCIA DA CORUÑA Delegación Provincial de Sanidade Tel Fax PROVINCIA DE LUGO Delegación Provincial de Sanidade Tel Fax PROVINCIA DE OURENSE Delegación Provincial de Sanidade Tel Fax PROVINCIA DE PONTEVEDRA Delegación Provincial de Sanidade Tel Fax Delegación Provincial de Sanidade Tel de Pontevedra en Vigo Fax [24

27

28 Consellería de Sanidade Dirección Xeral de Saúde Pública Instrución 02