SÉTIMA.-CONCURSO DE MÉRITOS Reunido o tribunal, procederase á valoración dos méritos, de acordo co seguinte baremo: A) Experiencia profesional:

Transcrição

1 BASES PARA A CONTRATACIÓN LABORAL INTERINA DUN/HA OPERARIO/A DE SERVIZOS VARIOS PRIMEIRA.- O obxecto das presentes bases é proceder á selección dun/ha traballador/a para levar a cabo principalmente traballos de mantemento e reparación de maquinaria agrícola e forestal, pero tamén outras tarefas propias da categoría dentro da Brigada de Vías e Obras municipais. As características da praza son as que seguen: Praza de operario/a de servizos varios a tempo completo, coa categoría de peón. SEGUNDA.- O contrato terá carácter de interinidade, estando destinado á cobertura da praza vacante no Anexo de Persoal con tal denominación, ata que a mesma poida ser cuberta en propiedade con carácter fixo ou sexa amortizada. TERCEIRA.- O sistema selectivo escollido será o de concurso oposición, sendo neste caso por mor da natureza da praza. O contido funcional do posto é básicamente o relacionado co mantemento e reparación da maquinaria agrícola e forestal que utiliza a cotío a Brigada de Vías e Obras do concello: desbrozadoras, motoserras e outra ferramenta e material utilizado polo persoal da brigada; arranxos no mobiliario urbano, equipamento ou infraestructuras municipais (tarefas de cerrallería e reparación de instalación: cambio de pechaduras, marquesinas, soportes de antenas, porterías, soportes de colectores de lixo, arquetas, portais, etc. ); outras tarefas de mecánica sinxela no tractor-grúa, dumper, camión de recollida de lixo e noutros vehículos municipais; traballos varios de mantemento en infraestructuras e equipamentos municipais. A xornada será a ordinaria de 37,5 horas semanais. CUARTA.- REQUISITOS XERAIS Os solicitantes deberán reunir, na data de remate do prazo de presentación de instancias, os seguintes requisitos: A) Ter a nacionalidade española, sen perxuízo do disposto no artigo 57 do EBEP. B) Ter cumpridos os 16 anos de idade e non ter alcanzado a idade de xubilación forzosa. C) Posuir a capacidade funcional para o desenvolvemento das tarefas. D) Non se esixe estar en posesión de ningunha das titulacións académicas previstas no sistema educativo en virtude da Disposición Adicional Sétima da Lei 7/2007, do 12 de abril, do Estatuto Básico do Empregado Público. E) Non ter sido separado mediante expediente disciplinario do servizo de calquera das Administracións Públicas ou dos órganos constitucionais ou estatutarios das CC.AA., non atoparse en inhabilitación absoluta ou especial para emprego ou cargos públicos por resolución xudicial, para o acceso ó corpo ou escala de funcionario, ou para exercer función similares ás que desenvolvían no caso do persoal laboral, no que tivera sido separado ou inhabilitado. No caso de ser nacional doutro estado, non atoparse inhabilitado ou en situación equivalente non ter sido sometido a sanción disciplinario ou equivalente que impida no seu estado, nos mesmos termos, o acceso ó emprego público. F) Non estar incurso en causa de incompatibilidade para o posto.

2 QUINTA.- SOLICITUDES En canto á forma e prazo de presentación de solicitudes, procederase á publicación das presentes bases no taboleiro de edictos do concello e na páxina web do mesmo ( abríndose o prazo de presentación de solicitudes para tomar parte no proceso de selección durante os 10 días naturais a partir do seguinte ó da publicación da presente convocatoria, ou do anuncio referente á mesma, no Boletín Oficial da Provincia. As instancias dirixiranse ó Sr. Alcalde-presidente do concello do Rosal, e se presentarán no Rexistro de entrada do concello no prazo indicado. En todo caso, e xuntamente coa solicitude, haberá que presentar a seguinte documentación orixinal (ou copia compulsada): - Fotocopia do DNI ou documento que legalmente o substitúa. - Declaración responsable en relación cons puntos c), e) e f) da base cuarta (modelo ANEXO II). - Xustificante do pagamento da taxa por dereitos de exame por importe de 12 de conformidade co artigo 6.4 da Ordenanza fiscal nº 14 que fixa as tarifas por dereitos de exame. - Documentación referida ós méritos, isto é, copia das titulacións ou cursos realizados relacionados coas tarefas a desenvolver, incluidos os de linguaxe galega; certificación de servizos prestados, expedida polo organismo oficial no que se prestaron; informe de vida laboral expedido pola Tesourería Xeral da Seguridade Social, que deberá ir acompañado do contrato de traballo inscrito na oficina de emprego e/ou nóminas e outra documentación, se os servizos se prestaron en empresas privadas, nos que se poda comprobar que as funcións ou tarefas realizadas se corresponden coa praza ou posto a cubrir En relación coa presentación, haberá que estar ó disposto no artigo 38.4 da lei 30/1992, do 26 de novembro, de Réxime Xurídico das Administracións Públicas e do Procedemento Administrativo Común. Para unha maior seguridade no procedemento, cando as solicitudes se presentan por correo ou en calquera outro lugar dos previstos no artigo 38.4 da lei 30/1992, do 26 de novembro, de Réxime Xurídico das Administracións Públicas e do Procedemento Administrativo Común, o remitente deberá de comunicalo por fax ( ) ou telegrama ó concello do Rosal, o mesmo día no que a presente. Destes xustificantes deixarase constancia no Rexistro Municipal. Con posterioridade, ditarase unha resolución na que se admitirá ós/ás candidatos/as que presentasen a documentación anterior correctamente e se excluirá provisionalmente ós/ás candidatos/as que non o fixeran, concedéndoselles un prazo doutros tres días naturais para subsanar os erros ou defectos que houbera. Posteriormente, elaborarase unha nova lista cos definitivamente admitidos/as e excluídos/as. Todo elo publicarase no taboleiro de anuncios do concello e na páxina web SEXTA.- TRUBUNAL DE SELECCIÓN A selección realizarase tendo en conta o necesario cumprimento dos principios constitucionais de igualdade, mérito, capacidade e publicidade, provendo a selección entre os/as candidatos/as que cumpran as condicións esixidas na presente convocatoria. O Tribunal, formado polos seguintes membros, procederá a efectua-la selección tras barema-los méritos que máis abaixo se indica.

3 Presidente: Juan Manuel Castro Martínez, xefe de equipo de Vías e Obras municipais (titular); Jose Antonio Rebella Vicente, oficial de servizos varios (suplente). Vogais: Enrique Dorna Martínez, oficial de servizos varios da Brigada de Vías e Obras municipais (titular); José Antonio Rebella Vicente, oficial de servizos varios (suplente). Natalia Franco Fernández, técnico de administración xeral do concello (titular); Aida Cabanelas Araújo, tesoureira municipal (suplente). Juan Treinta Rodríguez, oficial de servizos varios da Brigada de Vías e Obras municipais (titular); Fernando Vicente Solla, arquitecto técnico municipal (suplente). Secretario: Carlos Piñeiro Sarmiento, secretario da Corporación (titular); Mª Xosé Álvarez Diego, administrativa adxunta ó Departamento de Secretaría (suplente). A secretaria do tribunal terá voz e voto. O Tribunal deste proceso selectivo queda facultado para interpretar as bases da convocatoria, así como para resolver cantas dúbidas e incidencias presente a súa aplicación e poderán adoptar os acordos necesarios procurando a boa orde e desenvolvemento do proceso selectivo. Así mesmo, o Tribunal poderá asistirse dos asesores que considere necesarios par a valoración das probas practicas en función da súa especialidade. Por último, o Tribunal non poderá constituirse nin actuar sen asistencia de máis da metade dos seus membros. En todo isto, será preciso a asistencia do Presidente e do Secretario ou das persoas en quen deleguen. SÉTIMA.-CONCURSO DE MÉRITOS Reunido o tribunal, procederase á valoración dos méritos, de acordo co seguinte baremo: A) Experiencia profesional: a.1) Por cada mes completo de servizos prestados nas administracións públicas, ou nos seus entes dependentes, na mesma categoría e realizando idénticas tarefas: 0,20 puntos. a.2) Por cada mes completo de servizos prestados nas administracións públicas, ou nos seus entes dependentes, en categoría distinta pero realizando tarefas similares: 0,10 puntos. a.3) Por cada mes completo de servizos prestados na empresa privada, por contra propia ou allea, realizando tarefas similares con independencia da categoría. 0,05 puntos. A puntuación máxima neste apartado será de 7 puntos e acreditarase mediante certificación expedida pola Administración correspondente na que se faga constar a duración dos servizos, escala, subescala, grupo e/ou categoría e nome do posto de traballo e as tarefas desenvolvidas, ou mediante informe de vida laboral e os contratos debidamente asinados e rexistrados nos que se detallen as tarefas realizadas. B) Cursos de formación e perfeccionamento: Por posuir algunha titulación académica relacionada coas funcións a desenvolver: 1 punto por titulación. Pola participación en cursos, seminarios, xornadas, congresos ou similares relacionados coas funcións a desenvolver, impartido polas escolas públicas de formación de persoal ó servizo das administracións públicas, organismos e institucións públicas ou calquera outro centro oficial autorizado para impartilos, así como por sindicatos, mutuas profesionais, asociacións sen

4 ánimo de lucro, cámaras de comercio, fundacións ou similares: - por cada curso de 60 horas de duración ou de 10 ou máis xornadas, como mínimo, 1 punto. - por cada curso entre 30 e 59 horas de duración ou de 5 a 9 xornadas, como mínimo, 0,75 punto. - por cada curso de 10 a 29 horas de duración ou de 2 a 4 xornadas, como mínimo, 0,50 puntos. - por cada curso de menos de 10 horas ou dunha xornada, como mínimo, 0,25 puntos. Non serán obxecto de valoración os cursos impartidos por academias privadas se non se xustifica a homologación polas administracións competentes, así como as asignaturas, materias ou módulos superados que formen parte dunha titulación académica, incluidos os másteres oficiais impartidos polas universidades baixo a denominación de títulos propios. A puntuación máxima neste apartado non poderá exceder de 3 puntos. C) Coñecemento da lingua galega: polo curso de perfeccionamento ou CELGA 4, 2 puntos. polo curso de iniciación ou CELGA 3, 1 puntos. polo CELGA 2, 0,5 puntos. Só se puntuará o nivel máis alto acreditado e só se dará validez ós cursos ou titulacións expedidas ou homologadas polos organismos correspondentes da Xunta de Galicia. A estes efectos estarase, ademais, ó previsto na Orde do 16 de xullo de 2007 pola que se regulan os certificados oficiais acreditativos dos niveis de coñecemento da lingua galega (CELGA). Polo tanto, a puntuación máxima neste apartado será de 2 puntos. OITAVA.- OPOSICIÓN 1.- Consistirá na realización dunha proba teórica por escrito, consistente en 20 preguntas, tipo test, do temario que se xunta como Anexo I, outorgando un tempo de media hora para levalo a cabo. Este exercicio, obrigatorio e eliminatorio, valorarase ata un máximo de 20 puntos sendo a puntuación mínima para superalo de 10 puntos. 2.- Consistirá nun exercicio que permita valorar a aplicación dos coñecementos e capacidades dos/as aspirantes a un suposto concreto, así como coñecer as súas habilidades e destrezas. Esta proba práctica simulará un suposto que pida darse no desempeño do posto de traballo que se convoca e poderá consistir na realización material da mesma ou na indicación do itinerario a seguir (fases, trámites, solucións a problemas, etc) na realización da mesma, materializando ou sinalando algunha desas fases. Este exercicio, obrigatorio e eliminatorio, valorarase ata un máximo de 20 puntos sendo a puntuación mínima para superalo de 10 puntos. 3.- Así mesmo, e de conformidade co artigo 35 do Decreto lexislativo 1/2008 da Lei de Función Pública de Galicia, realizarase unha proba de linguaxe galega, consistente na tradución dun texto do castelán ó galego ou do galego ó castelán, sendo necesario para superar a proba obter un resultado de apto. Este exercicio tamén é obrigatorio e eliminatorio, estando exentos da realización da proba os aspirantes que acrediten posuir con anterioridade ao día en que remate o prazo de

5 presentación de solicitudes o Celga 3 ou equivalente, como mínimo. NOVENA.-SINATURA DO CONTRATO A puntuación final das probas virá determinada pola sumas das puntuacións obtidas na fase de concurso de méritos e na de oposición, establecendo para estes efectos a orde definitiva e aspirantes seleccionados. No suposto de empate nas puntuación de dous ou máis aspirantes, acudirase á puntuación máis alta do exercicio práctico da fase de oposición. Rematado o procedemento o Tribunal aprobará a relación de aspirantes en orde de maior a menor puntuación total, propoñendo ó Sr. Alcalde para a súa contratación á persoa que encabece a relación do proceso selectivo. A persoa escollida deberá achegar certificado médico oficial que acredite que ten capacidade funcional para o desempeño das tarefas, así como certificado do seu número de conta bancaria (IBAN). No caso de que a persoa seleccionada non reunise os requisitos necesarios para a contratación ou renunciase á mesma, poderá ser substituída pola seguinte da relación do proceso selectivo, situación que sucederá igual no caso de ser necesario cubrir algunha praza por razóns de baixa, enfermidade, etc., utilizando para iso a modalidade de contratación laboral apropiada para cada caso. DÉCIMA.-BOLSA DE EMPREGO Todas as persoas que superen o presente proceso de selección serán incluídas nunha bolsa de traballo para as futuras contratacións que resulten necesarias a fin de cubrir vacantes temporais debidas a baixas por enfermidade ou accidente, maternidade, excedencias, permisos, reducións de xornadas, etc, ordeadas segundo a puntuación obtida, de maior a menor. O/A integrante da bolsa que asine un contrato de traballo co concello causará baixa na bolsa, e unha vez que finalice o mesmo, volverá a causar alta na bolsa de emprego no posto da mesma que lle corresponda en relación cons puntos obtidos. O rexeitamento a un posto de traballo ofertado suporá o pase do/a aspirante ó último lugar da bolsa de emprego, agás que concorra unha das seguintes circunstancias: Parto, baixa por maternidade ou situación asimiladas. Enfermidade grave que impida a asistencia ao traballo, sempre que se acredite debidamente. Exercicio de cargo público representativo que imposibilite a asistencia ó traballo. Esta bolsa de emprego terá vixencia ata que se convoque unha nova praza coas mesmas características. UNDÉCIMA.-INCIDENCIAS En todo o non previsto por estas Bases, os contratos rexeranse polo disposto na lexislación reguladora de contratos de obra ou servizo determinado, así como polo Estatuto dos Traballadores e a lexislación de función pública que poida selo. As presentes bases e a convocatoria poderán ser impugnadas de conformidade co establecido na Lei 30/1992, do 26 de novembro, de Réxime Xurídico das Administracións Públicas e do Procedemento Administrativo Común.

6 O Rosal, 10 de maio de 2016 Anexo I TEMARIO Tema 1.- A Constitución española de Principio básicos e estrutura. Dereitos e deberes fundamentais. Tema 2.- O réxime local español: clases de entidades locais. O municipio: concepto e elementos. O territorio, a poboación e a organización. Tema 3.- O persoal ó servizo da Administración Local. Clases de empregados públicos. Incompatiblidades. Medidas de promoción da paridade de xénero nas Administracións Públicas. Tema 4.- Funcións e tarefas do operario de obras e servizos municipais. A cuadrilla de obra: organización, categorías e funcións dos seus compoñentes. Tema 5.- Nocións xerais de electricidade, fontanería, pintura, albanelería, carpintería e ferraxería. Reparación de pequenas avarías e desperfectos. Tema 6.- Maquinaria e ferramenta de uso habitual utilizada polas Brigadas de Vías e Obras. Tema 7.- Soldadura eléctrica: tipos de soldadura eléctrica e eletrodos. Soldadura con chama. Gases empregados. Tipos de sopletes. Regulación e control da chama. Metais de achega. Tema 8.- Mantemento mecánico. Tipos de mantemento: correctivo, preventivo e preditivo. Mantemento preventivo de maquinaria agrícola e forestal. Tema 9.- Normas elementais de amoreamento e almacenaxe dos distintos materiais utilizados. Tema 10.- A seguridade e saúde no traballo. Os riscos laborais. Medidas de protección individuais e colectivas.

7 Anexo II MODELO DE DECLARACIÓN RESPONSABLE D./Dª con DNI, veciño/a de e enderezo en, de conformidade co previsto na base cuarta para a contratación laboral temporal dun/ha operario/a de servizos varios, DECLARO BAIXO A MIÑA RESPONSABILIDADE: A) Posuír a capacidade funcional para o desenvolvemento das tarefas. B) Non ter sido separado mediante expediente disciplinario do servizo de calquera das Administracións Públicas ou dos órganos constitucionais ou estatutarios das CC.AA., non atoparse en inhabilitación absoluta ou especial para emprego ou cargos públicos por resolución xudicial, para o acceso ó corpo ou escala de funcionario, ou para exercer funcións similares ás que desenvolvían no caso do persoal laboral, no que tivera sido separado ou inhabilitado. No caso de ser nacional doutro estado, non atoparse inhabilitado ou en situación equivalente non ter sido sometido a sanción disciplinario ou equivalente que impida no seu estado, nos mesmos termos, o acceso ó emprego público. C) Non estar incurso en causa de incompatibilidade para o posto. O Rosal, a de de 2016 Asdo..