1. Convocar o proceso de selección de persoal para a cobertura dunha praza de facultativo especialista de medicina nuclear.

Transcrição

1 RESOLUCIÓN ST 10/2013 DO 3 DE DECEMBRO DE 2013, DO XERENTE DA ESTRUTURA ORGANIZATIVA DE XESTIÓN INTEGRADA DE VIGO POLA QUE SE CONVOCA, PARA VINCULACIÓN TEMPORAL MEDIANTE NOMEAMENTO DE INTERINIDADE, UNHA PRAZA DA CATEGORÍA DE FACULTATIVO ESPECIALISTA DE ÁREA DE MEDICINA NUCLEAR De conformidade co establecido no artigo 67 do Decreto 206/2005, do 22 de xullo, de provisión de prazas de persoal estatutario do Servizo Galego de Saúde, ao abeiro dos principios recollidos na norma xeral décimo cuarta do Pacto de selección temporal do persoal estatutario nas institucións sanitarias do Servizo Galego de Saúde, e en virtude das competencias atribuídas polo Decreto 168/2010, do 7 de outubro (DOG núm. 199, do 15 de outubro) polo que se regula a estrutura organizativa de xestión integrada do Servizo Galego de Saúde, e da Orde do 5 de xullo de 2012 (DOG núm. 139, do 20 de xullo) sobre delegación de competencias en órganos centrais e periféricos do Servizo Galego de Saúde, o Xerente da Estrutura Organizativa de Xestión Integrada de Vigo (en adiante EOXI Vigo) RESOLVE 1. Convocar o proceso de selección de persoal para a cobertura dunha praza de facultativo especialista de medicina nuclear. A súa vinculación realizarase mediante nomeamento estatutario temporal de interinidade, e o seu réxime de prestación de servizos poderá ser, indistintamente, en xornada de mañá e/ou tarde. 2. O proceso de selección realizarase de conformidade coas seguintes BASES Primeira. Obxecto O obxecto da presente convocatoria é a selección de persoal temporal para a cobertura dunha praza de facultativo especialista de Área de Medicina Nuclear mediante nomeamento 1/18

2 estatutario eventual de interinidade, ao abeiro do artigo 9 da Lei 55/2003, do 16 de decembro do Estatuto Marco do persoal estatutario do Sistema Nacional de Saúde Segunda. Requisitos para participar na convocatoria Poderán participar na presente convocatoria os interesados que na data de finalización do prazo para a presentación de instancias reúnas os seguintes requisitos: a) Nacionalidade: ter a nacionalidade Española ou ser nacional dalgún dos demais Estados membros da Unión Europea ou nacional dalgún Estado no que, en virtude dos tratados internacionais celebrados pola Unión Europea e ratificados por España, sexa de aplicación a libre circulación de traballadores/as. Tamén poderán participar, calquera que sexa a súa nacionalidade, o/a cónxuxe dos/as españois e dos/as nacionais dalgún dos demais estados membros da Unión Europea e dos/as nacionais dalgún Estado ao que, en virtude dos tratados internacionais celebrados pola Unión Europea e ratificados por España, sexa de aplicación a libre circulación de traballadores/as, sempre que non estean separados/as de dereito. Así mesmo, coas mesmas condicións poderán participar os/as seus/súas descendentes e os/as do seu cónxuxe sempre que non estean separados/as de dereito, sexan menores de 21 anos ou maiores da devandita idade dependentes. b) Titulación: estar en posesión do título universitario de grao de licenciado ou doutor en Medicina e Cirurxía, e o título de médico especialista expedido polo Ministerio de Educación, Cultura e Deporte, na especialidade de Medicina Nuclear. No caso de titulacións obtidas no estranxeiro, deberán posuír o documento que acredite fidedignamente a súa homologación. c) Capacidade funcional: posuír a capacidade funcional necesaria para o desempeño das funcións que se deriven do correspondente nomeamento. 2/18

3 d) Idade: ter cumpridos os 16 anos de idade e non exceder a idade de xubilación forzosa. e) Habilitación: non ter sido separado/a do servizo, mediante expediente disciplinario, de calquera Servizo de Saúde ou Administración Pública nos seis anos anteriores á convocatoria, nin estar inhabilitado con carácter firme para o exercicio de funcións públicas nin, se é o caso, para a correspondente profesión. No caso dos/das nacionais doutro Estado, non atoparse inhabilitado/a, por sanción ou pena, para o exercicio profesional ou para o acceso a funcións ou servizos públicos nun Estado membro, nin ser separado/a, por sanción disciplinaria, dalgunha das administracións ou servizos públicos nos seis anos anteriores á convocatoria. f) Situación administrativa: non atoparse en situación de excedencia como persoal estatutario na mesma categoría nin estar vinculado mediante vínculo de longa duración na mesma categoría en institucións públicas da Comunidade Autónoma de Galicia. A tal efecto considerarase nomeamento de longa duración aquel de duración igual ou superior a un ano. Terceira. Solicitudes, taxas e documentación 1. Os interesados en participar na convocatoria deberán presentar a solicitude, segundo modelo que se xunta como anexo II, a súa disposición nas oficinas da Dirección de Recursos Humanos da EOXI Vigo e na páxina web do Servizo Galego de Saúde ( As solicitudes, o xustificante de aboamento de taxas ou, de ser o caso, o de estar exento delas, e a documentación anexa que conteña a xustificación dos requisitos e méritos, presentaranse en calquera dos rexistros de entrada da EOXI Vigo, dirixidas ao xerente, no prazo de quince días hábiles a contar desde o día seguinte á data de publicación do anuncio da presenta convocatoria no Diario Oficial de Galicia. Será causa de non admisión ao proceso selectivo a presentación extemporánea da solicitude polo interesado. 3/18

4 A solicitudes e o resto da documentación poderán, así mesmo, presentarse a través de calquera dos rexistros previstos no artigo 38 da Lei 30/1992, do 26 de novembro de réxime xurídico das administracións públicas e do procedemento administrativo común (en adiante LRXAP e PAC). Os aspirantes quedan vinculados aos datos que fixesen constar na súa solicitude. O domicilio que figure nesta considerarase como o único válido a efectos de notificacións, sendo responsabilidade exclusiva do candidato tanto os erros na consignación do mesmo como a falla de comunicación de calquera cambio de domicilio. 2. Xunto coa solicitude os interesados deberán presentar o xustificante de aboamento das taxas administrativas, por dereitos de inscrición. As taxas deberán aboarse mediante ingreso nunha das entidades financeiras colaboradoras autorizadas para a recadación de taxas e prezos na Comunidade Autónoma de Galicia. Para facer efectivo o ingreso empregarase o impreso de autoliquidación que estará a disposición dos interesados nas oficinas da Dirección de Recursos Humanos da EOXI Vigo ou en calquera outro rexistro xeral da Comunidade Autónoma de Galicia. A presentación do xustificante do ingreso das taxas no que non figure o selo da entidade bancaria, con indicación da data, determinará a exclusión do aspirante. En ningún caso, a presentación deste xustificante suporá a substitución da presentación en tempo e forma da solicitude. En todo caso, o aboamento das taxas deberá realizarse no prazo establecido para a presentación das solicitudes. Estarán exentos do pagamento das taxas as persoas que acrediten documentalmente, xunto coa instancia unha discapacidade igual ou superior ao 33%, así como as persoas que sexan membros de familias numerosas clasificadas na categoría especial; no caso de membros de categoría xeral terán unha bonificación do 50%. Así mesmo, gozarán dunha bonificación do 50% as persoas que figurasen como demandantes de emprego, desde polo menos seis meses antes de data publicación desta resolución, e non estean percibindo prestación ou subsidio por desemprego. 4/18

5 Tales circunstancias deberán ser acreditadas, respectivamente, mediante fotocopia compulsada da cualificación de discapacidade, a través do título oficial de familia numerosa, ou con certificación negativa de percepción actual de prestación/subsidio por desemprego e da antigüidade como demandante de emprego expedida polo Servizo Público de Emprego. Poderase facer efectivo o pagamento da taxa por internet nas entidades financeiras actualmente autorizadas. Para isto, deberán acceder á oficina tributaria, a través da oficina virtual na páxina web da Consellería de Economía e Facenda ( e, dentro desta, á lenda <Oficinas virtuais e tributaria>. Premerase entón a lenda <Servizos de acceso libre>, e logo, situándose no menú da marxe esquerda, premerase <Taxas, prezos, multas e sancións>. Neste caso, unha vez efectuado o pagamento da taxa correspondente, imprimirase o xustificante de ter aboada a taxa, que será o que se achegue xunto coa instancia. En ningún caso, a presentación deste xustificante suporá a substitución da presentación, en tempo e forma, da solicitude. 3. Xunto coa solicitude, deberá achegarse a seguinte documentación acreditativa dos requisitos e méritos dos interesados: Fotocopia compulsada do DNI ou do pasaporte ou documento que acredite a identidade, nacionalidade e data de nacemento o interesado, así como, de ser o caso, as circunstancias do dereito a que se refire o apartado a) da base segunda. Fotocopia compulsada dos títulos académicos esixidos para participar na presente convocatoria. Declaración responsable de non ter sido separado do servizo, mediante expediente disciplinario, de calquera Servizo de Saúde ou Administración Pública nos seis anos anteriores á convocatoria, nin atoparse inhabilitado con carácter firme para o exercicio de funcións públicas nin, de ser o caso, para a correspondente profesión. Declaración responsable de non atoparse en situación de excedencia como persoal estatutario na mesma categoría nin estar vinculado mediante título de longa duración na mesma categoría en institucións públicas da Comunidade Autónoma de Galicia. A tal 5/18

6 efecto considerarase nomeamento de longa duración aquel de duración igual ou superior a un ano. Certificación médica acreditativa da capacidade funcional para o desempeño do posto de traballo. A acreditación da experiencia profesional realizarase por certificado emitido pola institución sanitaria pública na que conste a categoría profesional, as datas de prestación do servizo e o tipo de vínculo baixo o cal foron prestados. De ter prestado servizos en institucións privadas, a acreditación realizarase mediante certificado da dirección da institución no que consten os datos mencionados, acompañándose do informe de vida laboral expedido pola Tesourería da Seguridade Social e a copia compulsada dos contratos de traballo. A acreditación da formación realizarase mediante diploma ou certificado no que conste o título da actividade formativa, a identificación da entidade que convoca e organiza, as datas de realización do curso, o número de horas e/ou créditos, o programa ou contidos impartidos e a resolución de acreditación da Comisión Nacional ou Autonómica de Formación Continuada. A docencia acreditarase mediante certificado ou diploma expedido pola entidade baixo a cal foi prestada con identificación da actividade formativa que se prestou, o período no que se prestou e o número de horas desta. As comunicacións a congresos e as publicacións acreditaranse mediante a súa achega. En todo caso, para estas últimas, farase constar o número de rexistro do depósito legal e o ISBN, de ser o caso. A acreditación dos méritos e requisitos esixidos, farase mediante documentos orixinais ou fotocopias compulsadas. Non é necesario acreditar aqueles méritos que xa consten debidamente validados pola Oficina Virtual do Profesional, expedient-e, facéndoo constar expresamente xunto coa solicitude. 6/18

7 Os documentos orixinais que os aspirantes achegasen para acreditar os seus méritos seranlles devoltos, a solicitude do interesado, tralo remate do proceso selectivo, ou ben se é o caso, unha vez resoltos os recursos, reclamacións ou demandas formuladas contra a resolución final do proceso. Cuarta. Sistema de selección A selección dos aspirantes á praza convocada, levarase a cabo pola valoración dos méritos acreditados de conformidade co baremo recollido no anexo I. Así mesmo, se a Comisión o considera oportuno, poderá acordar a realización dunha entrevista persoal regrada aos aspirantes no proceso selectivo. Só se terán en conta os méritos que o interesado reúna, na data da publicación da convocatoria, e acredite no prazo de presentación das instancias. A puntuación total que os aspirantes poderán acadar polo conxunto de ámbalas dúas fases no proceso selectivo será de 100 puntos, distribuídas do seguinte xeito: na fase de valoración de méritos ata 70 puntos e na fase da entrevista ata 30 puntos. Quinta. Comisión de Valoración Para a selección dos aspirantes constituirase unha Comisión de Valoración, cuxas funcións será avaliar os méritos acreditados polos interesados, realizar a entrevista persoal e elevar a proposta de adxudicación do nomeamento ao xerente. A Comisión de Valoración terá a seguinte composición: 1. Presidente: A directora de procesos asistenciais da EOXI Vigo ou persoa na que delegue, que ostentará o voto de calidade para o caso de empate. 2. Vogais: O director de procesos con ingreso da EOXI Vigo, ou persoal na que delegue. Un xefe de servizo, designado polo xerente da EOXI Vigo. 7/18

8 Secretario: Un representante da Dirección de Recursos Humanos, que actuará con voz pero sen voto. O secretario levantará acta de cada unha das sesións que celebre a Comisión. O xerente publicará a composición da Comisión de Valoración para xeral coñecemento dos interesados, de conformidade coas normas xerais contidas nas presentes bases. Os membros da Comisión deberán de absterse de intervir, notificándoo ao xerente, cando concorran neles algunhas das circunstancias previstas no artigo 28 da Lei 30/92, de 26 de novembro, do réxime xurídico das administracións públicas e do procedemento administrativo común (en adiante LRXAP e PAC). Así mesmo, os aspirantes poderán recusar aos membros da Comisión cando, ao seu xuízo, concorran as citadas circunstancias. Sexta. Procedemento e tramitación 1. Rematado o prazo de presentación das solicitudes, a Comisión de Valoración publicará a relación provisional de aspirantes admitidos e excluídos, indicando neste último caso a causa de exclusión. Os aspirantes disporán dun prazo de 5 días hábiles, contados a partir do seguinte ao da publicación da citada relación, para poder presentar as reclamacións que consideren oportunas, ou para poder emendar, de ser o caso, o defecto que motivase a súa exclusión. Transcorrido este prazo, o xerente resolverá as reclamacións presentadas e publicarase a relación definitiva de aspirantes admitidos e excluídos ao proceso selectivo. Para tal efecto, a estimación ou desestimación das ditas peticións de emenda entenderanse implícitas na resolución pola que se publique a listaxe definitiva de aspirantes admitidos e excluídos, contra a cal se poderá interpoñer recurso de alzada ante a Dirección Xeral de Recursos Humanos do Servizo Galego de Saúde, no prazo dun mes a contar desde o día seguinte ao da súa publicación. 8/18

9 O feito de figurar na relación de admitidos non prexulga que se lles recoñeza aos interesados a posesión dos requisitos esixidos na convocatoria. Cando da documentación que debe presentarse se desprenda que non posúen algún dos requisitos, os interesados decaerán en todos os dereitos que puidesen derivar da súa participación no procedemento. Os aspirantes que resulten excluídos definitivamente disporán dun prazo dun mes desde o día seguinte ao da publicación da listaxe, para solicitar a devolución das taxas aboadas. 2. A Comisión de valoración procederá a baremar os méritos achegados polos aspirantes de conformidade co anexo I. 3. No suposto de que se proceda á celebración de entrevista, publicarase nos taboleiros de anuncios das oficinas da Dirección de Recursos Humanos da EOXI Vigo a data, hora e lugar na que se iniciará a celebración das mesmas. A celebración das entrevistas non deberán realizarse antes de que transcorra un prazo mínimo de 5 días hábiles desde a publicación do anuncio que determine a data e hora de comezo. As entrevistas realizaranse por estrita orde alfabética dos apelidos.os aspirantes deberán vir provistos do DNI ou documento oficial que acredite a súa identidade e nacionalidade. Entenderase que desisten do dereito a este trámite aqueles aspirantes que non comparezan. 4. Rematada a fase de celebración de entrevistas, publicarase a relación provisional coas puntuacións obtidas por cada aspirante en ámbalas dúas fases e a puntuación global resultante da suma de ambas, con apertura dun prazo de 5 días hábiles para a presentación de reclamacións polos aspirantes. No suposto que non se considere oportuno a realización da entrevista, publicarase a relación provisional coas puntuacións obtidas só na fase de valoración de méritos, abrindo un prazo de 5 días hábiles para a presentación de reclamacións polos aspirantes. 9/18

10 Transcorrido este prazo, resolveranse as reclamacións presentadas e publicarase a relación definitiva de puntuacións dos aspirantes. Para estes efectos, a estimación ou desestimación das reclamacións entenderanse implícitas na resolución pola que se publique a resolución definitiva. 5. A Comisión de Valoración elevará o listado definitivo por orde de prelación ao xerente coa proposta de adxudicación do vínculo a favor daquel aspirante que acredite a maior puntuación, agás que concorran circunstancias que xustifiquen que a convocatoria quede deserta en cuxo caso deberán constar as razóns que motiven a dita proposta. En calquera momento do proceso se a Comisión de Valoración tivese coñecemento de que algún aspirante non cumpre algún dos requisitos esixidos pola convocatoria, logo da audiencia ao interesado, deberá acordar a súa exclusión, se procede. Así mesmo, a Comisión de Valoración poderá solicitar a ampliación ou aclaración da documentación aos aspirantes, para os efectos da valoración dos méritos. 6. De producirse empate na puntuación, a orde de desempate será a seguinte: A. A aspirante de sexo feminino sobre o de sexo masculino, cando na especialidade no centro se dean as condicións de infrarepresentación previstas no artigo 37 da Lei 7/2004, do 16 de xullo, galega para a igualdade de mulleres e homes. B. Pola orde de maior a menor puntuación obtida polo interesado en cada apartado do baremo, pola orde das súas letras. C. De maior a menor idade. Sétima. Resolución No prazo de 3 meses, o xerente publicará a resolución pola que se acorde a adxudicación do nomeamento ao aspirante que resultase da proposta da Comisión de Valoración. De non tomar posesión na data ou prazo indicado, o interesado perderá os dereitos como adxudicatario ao nomeamento, e poderá ser chamado o aspirante seguinte de conformidade coa orde de maior a menor puntuación outorgada pola Comisión de Valoración. 10/18

11 No non previsto na presente convocatoria, aplicaranse supletoriamente as disposicións contidas na LRXAP e PAC. Contra a presente Resolución poderá interpoñerse, nos termos previstos na LRXAP e PAC, recurso de alzada perante a Dirección Xeral de Recursos Humanos do Servizo Galego, no prazo dun mes contado dende o día seguinte a súa publicación. Vigo, 3 de decembro de 2013 Asdo. Mario González González Xerente de Xestión Integrada de Vigo DILIXENCIA Para facer constar que o día 3 de febreiro de 2014 publícase no DOG núm.22 o anuncio da presente convocatoria, e se procede a súa publicación nos taboleiros de anuncios das oficinas da Dirección de Recursos Humanos da EOXI Vigo 11/18

12 ANEXO I BAREMACIÓN CURRÍCULO Os méritos avaliables, que se computarán ata a data anterior á de publicación do anuncio no DOG da presente convocatoria, son os que a continuación se relacionan: A puntuación máxima para cada aspirante polos méritos achegados será de 70 puntos. 1. FORMACIÓN UNIVERSITARIA (máximo 5 puntos) Título de Doutor: 3 puntos Título de Doutos Cum Laude: 5 puntos Pola realización de todos os cursos de doutoramento (sistema anterior ao Real Decreto 185/1985) ou pola realización do programa de doutoramento ata o nivel de suficiencia investigadora segundo os Reais Decretos 185/1985 e 778/1998, ou pola obtención do diploma de estudos avanzados (DEA): 2 puntos. 2. FORMACIÓN ESPECIALIZADA (máximo 10 puntos) a) Título especialista homologado na especialidade convocada: 3 puntos b) Título especialista na especialidade convocada por ter completado o período como residente do programa MIR (en España ou pais da Unión Europea) ou ben ter completado o período de formación como residente nun centro estranxeiro cun programa recoñecido da docencia para posgraduados na especialidade á que se presente e con título validado polo Ministerio de Educación y Ciencia: 10 puntos. c) Título da especialidade convocada, como consecuencia de acceder con anterioridade á entrada en vigor do Real Decreto 127/1984, do 11 de xaneiro, a unha praza da especialista en formación convocada por algunha das administracións públicas ou institucións sanitarias concertadas con estas e que acredite ter realizado de forma ininterrompida e baixo un mesmo réxime docente os anos de formación establecidos para a correspondente especialidade mediante nomeamento ou contrato de bolsa docente expedido pola dita Administración que implique relación profesional retribuída periodicamente con cargo aos seus orzamentos: 5 puntos. 12/18

13 As puntuacións das letras b) e c) son excluíntes entre si. 3. EXPERIENCIA PROFESIONAL (máximo 35 puntos) Experiencia profesional na especialidade á que se opta: por cada mes de servizos prestados como adxunto ou facultativo especialista de área na especialidade á que opta en institucións sanitarias dependentes do Servizo Galego de Saúde ou noutras institucións sanitarias integrantes do Sistema Nacional de Saúde, de fundacións e empresas sanitarias públicas da Comunidade Autónoma de Galicia, sempre que outorguen un tratamento recíproco aso aspirantes ás súas vinculacións temporais ou en institucións sanitarias públicas na Unión Europea: 0,3 puntos. Recoñeceráselle un mes completo de servizos prestados ao persoal facultativo de atención especializada con nomeamento específico da especialidade para a realización de atención continuada (gardas médicas), de conformidade coas seguintes regras: a) Un mes, ou a parte que corresponda proporcionalmente, por cada 130 horas ou fracción realizada. b) Se dentro dun mes natural se realizasen máis de 130 horas, so se poderá valorar un mes de servizos prestados, sen que o exceso de horas efectuado durante aquel poida ser aplicado para o cómputo de servizos prestados establecidos na anterior regra a). Por cada mes de servizos prestados como adxunto ou facultativo especialista de área da especialidade á que opta en institucións sanitarias privadas españolas ou dun pais da Unión Europea: 0,1 puntos. A acreditación dos servizos prestados en institucións sanitarias públicas españolas farase a través de certificación expedida polo responsable do servizo de persoal ou servizo equiparable do centro público que corresponda. A prestación de servizos en institucións sanitarias privadas deberá acreditarse mediante certificado da empresa na que se faga constar a categoría, duración e xornada do facultativo. 13/18

14 Naqueles períodos nos que se observe duplicidade de prestación de servizos só se terán en conta os prestados nas institucións sanitarias públicas. Experiencia profesional noutra especialidade distinta á que se opta: por cada mes de servizos prestados como adxunto ou facultativo especialista de área, noutra especialidade á que opta, en institucións sanitarias dependentes do Servizo Galego de Saúde ou noutras institucións sanitarias integrantes do Sistema Nacional de Saúde, de fundacións e empresas sanitarias públicas da Comunidade Autónoma de Galicia, sempre que outorguen un tratamento recíproco aso aspirantes ás súas vinculacións temporais ou en institucións sanitarias públicas na Unión Europea: 0,03 puntos. Por cada mes de servizos prestados como adxunto ou facultativo especialista de área, noutra especialidade á que opta, en institucións sanitarias privadas españolas ou dun pais da Unión Europea: 0,01 puntos. Estancias no estranxeiro: por cada mes ininterrompido de servizos prestados nun hospital estranxeiro acreditado para a docencia da especialidade á que se opta (a acreditación para a docencia par aos anos de que se traten, deberá ser achegada polo aspirante): 0.5 puntos. 4. FORMACIÓN CONTINUADA RECIBIDA (máximo 6 puntos). Pola asistencia debidamente xustificada a cursos de formación e perfeccionamento relacionados coa especialidade, acreditados pola Comisión de Formación Continuada do Sistema Nacional de Saúde ou pola Comisión Autonómica ou convocados e impartidos pola Administración Estatal, Autonómica, Universidades, colexios profesionais, organizacións sindicais ou avalados polo Servizo Galego de Saúde ou por calquera organismo público ou sexan acreditados con forme ao European Credit Transfer System (ECTS): Por crédito:0,20 puntos Por hora:0,02 puntos Máximo:4 puntos Pola asistencia debidamente xustificada a cursos relacionados coa xestión asistencial, organización ou calidade, convocados e impartidos pola Administración Estatal, Autonómica, 14/18

15 Universidades, colexios profesionais, organizacións sindicais ou avalados polo Servizo Galego de Saúde ou por calquera organismo público ou sexan acreditados conforme ao European Transfer System (ECTCS): Por crédito:0,020 puntos Por hora:0,02 puntos Máximo :2 puntos Na valoración da formación continuada, os cursos valoraranse polos créditos que consten nos seus certificados. De non constar os créditos, os cursos valoraranse polas horas que se especifiquen no certificado. No caso de que o certificado indique os créditos e horas de duración, a valoración realizarase sempre polos créditos que figuren neste. Non serán valorados os cursos realizados durante a especialización que estean incluídos no programa docente da especialidade correspondente. 5. FORMACIÓN IMPARTIDA (máximo 1 punto) Por impartir cursos relacionados coa especialidade á que se concursa, de docencia, pre/pos grao ou de formación continuada, en centros acreditados para a docencia:0,25 puntos por curso impartido ou 0,02 puntos por hora de docencia impartida. 6. ACTIVIDADE INVESTIGADORA (máximo 2 puntos) Por participar como investigador principal en proxectos de investigación sanitaria financiados po Axencias Estatais. Por cada proxecto:1 punto Por participar como investigador secundario ou colaborador en proxectos de investigación sanitaria financiados por Axencias Estatais:0,25 puntos por proxecto. 7. COÑECEMENTO DA LINGUA GALEGA (máximo 1 punto) Pola realización do curso de iniciación de lingua galega ou CELGA 3 ou equivalente:0,5 puntos. 15/18

16 Pola realización do curso de perfeccionamento da lingua galega ou CELGA 4 ou equivalente:1 punto. A valoración do curso de perfeccionamento ou CELGA 4 exclúe a valoración do curso de iniciación ou CELGA3. 8. PUBLICACIÓNS (máximo 10 puntos) Revistas indexadas no CSIC (IME, ICYT, ISOC), Pubmed, Web of Knowledge (Wok), Embase, PsycInfo, Factor impacto. Máximo 3,5 puntos. Revistas non indexadas: 0,1 puntos por cada articulo. Máximo 1 punto. Comunicacións a congresos, calquera que sexa o seu ámbito: 0,15 puntos por comunicación. Máximo 2 puntos. Capítulos en libros: por cada un 0,25 puntos: Máximo 0,5 puntos. Monografías sobre a especialidade: 0,5 puntos. Máximo 1 punto. Libro completo: 1 punto. Máximo 2 puntos. Serán incompatibles as puntuacións por ponencias, comunicacións ous abstratcs, sempre que correspondan a un mesmo traballo científico. 16/18

17 BAREMO CURRICULO MÁXIMO PUNTOS 1. Formación universitaria: 5 puntos 2. Formación especializada: 10 puntos 3. Experiencia profesional: 35 puntos 4. Formación continuada recibida: 6 puntos 5. Formación impartida: 1 punto 6. Actividade investigadora, proxectos: 2 puntos 7. Coñecemento da lingua galega: 1 punto 8. Publicacións: Revistas indexadas: 3,5 puntos. Revistas non indexadas: 1 punto. Comunicacións: 2 puntos. Capítulos de libros: 0,5 puntos. Monografías: 1 punto. Libro completo: 2 puntos. BAREMACIÓN DA ENTREVISTA A entrevista versará sobre o currículo profesional acreditado polos aspirantes, valorándose os coñecementos sobre o posto de traballo convocado, as habilidades profesionais, a aptitude e a motivación que inflúan no rendemento profesional. A entrevista será regrada con carácter previo, avaliándose pola Comisión de Valoración con unha puntuación máxima de 30 puntos. 17/18

18 ANEXO II SOLICITUDE DE PARTICIPACIÓN NA CONVOCATORIA PARA A COBERTURA TEMPORAL DE INTERINIDADE DUNHA PRAZA DE FACULTATIVO ESPECIALISTA EN MEDICINA NUCLEAR Don/ Dona: DNI Enderezo Teléfono EXPOÑO Que publicada a Resolución do Xerente da EOXI Vigo, do 3 de decembro de 2013, e estando interesado/a na prestación de servizos como facultativo especialista en medicina nuclear con vínculo temporal, nas condicións que se establecen na devandita resolución e reunindo os requisitos necesarios, SOLICITO Sexa admitida a presente solicitude para aspirar á cobertura da praza convocada, xuntando á presente documentación solicitada que a continuación se relaciona: Vigo,...de... de XERENTE DA ESTRUCTURA ORGANIZATIVA DE XESTIÓN INTEGRADA DE VIGO 18/18