PROXECTO DE DECRETO.../2016, DE ORDENACIÓN E FUNCIONAMENTO DO SERVIZO DE GARDACOSTAS DE GALICIA

Transcrição

1 PROXECTO DE DECRETO.../2016, DE ORDENACIÓN E FUNCIONAMENTO DO SERVIZO DE GARDACOSTAS DE GALICIA (Versión 30/03/2016) A Lei 2/2004, do 21 de abril, pola que se crea o Servizo de Gardacostas de Galicia, establece que lle corresponde a este servizo realizar funcións de inspección, prevención e corrección en materia de pesca, marisqueo e acuicultura, dende a súa primeira fase de produción e explotación ata a fase de comercialización nas súas diversas formas, realizando as actuacións necesarias para a protección dos recursos marítimo-pesqueiros e acuícolas. Así mesmo, este servizo ten encomendadas funcións en materia de salvamento marítimo, velando polo cumprimento das normas de seguridade e actuando en caso de accidentes, sinistros ou emerxencias de calquera tipo que se producen no ámbito marítimo e excepcionalmente noutros ámbitos, que requiren a súa colaboración e participación. Tamén lle corresponde a realización das actuacións necesarias en materia de loita contra a contaminación mariña accidental a través da prevención, detección, minoración e eliminación das verteduras ao mar, empregando os medios axeitados nestas actuacións. A Lei 2/2004, do 21 de abril, crea tres escalas de funcionarios/as para o Servizo de Gardacostas de Galicia, a escala técnica, a escala executiva e a escala de axentes. Esta norma é posteriormente modificada pola Lei 10/2010, do 11 de novembro, que crea unha nova escala de funcionarios/as adscritos a este servizo, a escala operativa, coas especialidades de patrón/oa e mecánico/a. Cumprindo o mandato lexislativo recollido na disposición derradeira primeira da Lei 2/2004, do 21 de abril, ditouse o Decreto 157/2005, do 26 de maio, sobre ordenación e funcionamento do Servizo de Gardacostas de Galicia, que responde á necesidade dun tratamento específico en materia de persoal para os empregados públicos adscritos a este servizo, derivado sobre todo do réxime de traballo a quendas, das necesidades de dispoñibilidade, e da obriga de identificación, polo carácter de axente da autoridade, deste persoal. Pero outras cuestións non quedan recollidas no citado decreto, como é a de establecer con precisión as funcións dos diferentes postos de traballo. Ademais, a creación pola Lei 10/2010, do 11 de novembro, da escala operativa, fai necesario unha nova disposición que defina e concrete as funcións desta nova escala, e regule as condicións e o procedemento a seguir na integración deste persoal. Esta integración rematará a ordenación do servizo e facilitará a carreira profesional do persoal implicado. 1

2 Por outra banda, tralo proceso de integración do persoal das escalas creadas pola Lei 2/2004, do 21 de abril, quedou un pequeno grupo de funcionarios/as que non se integraron pero permanecen ocupando postos de traballo no Servizo de Gardacostas de Galicia, o que fai necesario establecer a obriga para este persoal de participar nos concursos de provisión de postos de traballo da Administración xeral da Xunta de Galicia, co fin de obter un posto que regularice a súa situación. A Orde do 2 de maio de 2006 pola que se establece o réxime de prestación de servizos, horarios, vacacións, licenzas e permisos e compensacións económicas para percibir polo persoal do Servizo de Gardacostas de Galicia, modificada pola Orde do 9 de maio de 2007, contén algunhas cuestións, principalmente en relación coas quendas de traballo, que inciden negativamente no normal desenvolvemento das actividades a realizar por este persoal e carece nalgúns casos das precisións necesarias para a súa correcta aplicación, polo que é necesario introducir modificacións na dita orde relativas sobre todo ao referido á organización e programación das quendas, contemplando a posibilidade dos servizos extraordinarios que poidan xurdir dadas as competencias propias do servizo, como é a súa intervención en caso de accidentes, sinistros ou calquera outro tipo de emerxencias no ámbito marítimo. O presente decreto persegue, ademais das finalidades anteditas, o establecemento dunha estrutura xerárquica dentro do propio Servizo de Gardacostas de Galicia, e a precisión dos cometidos de cada un dos postos de traballo dentro desa estrutura, especialmente durante o desenvolvemento de determinadas actuacións que exixen a concorrencia de persoal que, aínda pertencendo ao mesmo servizo, poden proceder de unidades operativas diferentes, e tamén nalgúns casos responder á necesidade de ter que coordinar a este persoal con outro persoal procedente de organismos alleos, como poden ser as Forzas e Corpos de Seguridade do Estado, Policía Autonómica, Policía Local, Protección civil ou voluntariado. Este decreto estrutúrase en sete capítulos, dúas disposicións transitorias, una derrogatoria, e tres finais. O Capítulo I é o relativo as disposicións xerais, onde se define que o obxecto deste decreto é a ordenación e a regulación do funcionamento do Servizo de Gardacostas de Galicia, establecendo como principio básico das relacións funcionais o principio de xerarquía, ao que debe adecuarse a organización e funcionamento do servizo. O Capítulo II regula a organización e as funcións principais do servizo, a súa estruturación en servizos centrais e periféricos, establecendo que estes últimos se organizarán en Unidades Operati- 2

3 vas. Define as diferentes escalas coas que conta o servizo e as funcións propias das mesmas, que abranguen esencialmente tres áreas diferenciadas: a función inspectora, basicamente en materia de control pesqueiro; a preventiva, en relación coas continxencias de contaminación mariña accidental; e a paliativa, principalmente en relación coas tarefas de busca e salvamento marítimo. O Capítulo III fala da utilización de medios na inspección, que poderán ser terrestres, marítimos ou aéreos, e dos elementos de identificación dos membros do servizo, xa que na súa condición de axentes da autoridade, deben identificarse como tales ante a cidadanía no exercicio das súas funcións, mediante o uso do correspondente uniforme e portando o carné profesional e a placa insignia. O Capítulo IV regula o réxime de actuacións no exercicio da función inspectora, os tipos de actuacións e a documentación utilizada nestas. O persoal do Servizo de Gardacostas poderá actuar en cumprimento de diferentes plans ou programas previamente establecidos e tamén a raíz de denuncias ou a solicitude doutras autoridades, e poderán facelo por propia iniciativa ou orde superior. Neste capítulo tamén se regulan os diferentes tipos de actuacións na función inspectora, xa que as actuacións dos membros do servizo se realizan a través das diferentes fases de produción, extracción, manipulación, distribución e comercialización dos produtos pesqueiros, marisqueiros e acuícolas. Así mesmo, fálase das visitas de inspección, citacións e requirimentos e da documentación habitualmente utilizada no exercicio da función inspectora. O Capítulo V é o relativo ao réxime de traballo, as compensacións, e o réxime disciplinario. Regula cuestións relativas ao horario e o réxime de traballo en quendas rotatorias. O Capítulo VI define e desenvolve as funcións correspondentes a cada tipo de posto, as xefaturas de sección, a xefatura de sala de operacións, as xefaturas de Unidade Operativa e as funcións básicas dos distintos postos e especialidades: inspectores/as, patróns/oas de embarcación, subinspectores/as, mecánicos/as e vixilantes-mariñeiros/as. O Capítulo VII fai referencia á segunda actividade, ás especificidades retributivas da segunda actividade e a porcentaxe de postos reservados á mesma. A disposición transitoria primeira regula a integración do persoal da escala da axentes do Servizo de Gardacostas de Galicia na escala operativa creada pola Lei 10/2010, do 11 de novembro. A disposición transitoria segunda recolle a obriga de participación nos concursos de traslados do persoal non integrado no Servizo de Gardacostas de Galicia. A disposición derrogatoria única derroga o Decreto 157/2005, do 26 de maio. 3

4 A disposición final primeira introduce modificacións na Orde do 2 de maio de 2006, modificando algúns apartados desta orde relativos, sobre todo, á xornada de traballo en quendas. As disposicións finais segunda e terceira regulan, respectivamente, a habilitación para o desenvolvemento normativo deste decreto e a súa entrada en vigor. Por todo o anterior, por proposta da Conselleira do Mar, de acordo co Consello Consultivo e logo de deliberación do Consello da Xunta de Galicia, na súa reunión do día..., DISPOÑO: CAPÍTULO I Disposicións xerais Artigo 1. Obxecto. Este decreto ten por obxecto a ordenación e a regulación do funcionamento do Servizo de Gardacostas de Galicia ao que lle corresponde exercer a vixilancia do cumprimento da lexislación vixente en materia de pesca, marisqueo, acuicultura, control do medio mariño, prevención e loita contra a contaminación mariña e salvamento marítimo, consonte o réxime competencial constitucional e estatutariamente establecido, sendo os seus principios básicos de actuación os sinalados no artigo 2 da Lei 2/2004, do 21 de abril, pola que se crea o Servizo de Gardacostas de Galicia. Artigo 2. Das relacións funcionais. O Servizo de Gardacostas de Galicia adecuará a súa organización e funcionamento ao principio de xerarquía. Os seus membros deberán respectar e obedecer ás autoridades e superiores xerárquicos, acatar as súas ordes con estrita disciplina, tratar con esmerada corrección ao público e ós/ás funcionarios/as subordinados/as e facilitarlles a estes/as o cumprimento das súas obrigas. CAPÍTULO II Organización e funcións do Servizo de Gardacostas de Galicia Artigo 3. Da estrutura operativa. 1. O Servizo de Gardacostas de Galicia queda adscrito á consellería competente en materia de pesca con rango de subdirección xeral. 4

5 2. O Servizo de Gardacostas de Galicia estruturarase en servizos centrais e periféricos. Os órganos periféricos organizaranse en unidades operativas que dependerán funcionalmente dos servizos centrais e organicamente da xefatura territorial correspondente. 3. O Servizo de Gardacostas de Galicia contará coas seguintes escalas de persoal funcionario: a) A escala técnica b) A escala executiva c) A escala operativa d) A escala de axentes Artigo 4. Funcións das escalas. 1. Son funcións das escalas do Servizo de Gardacostas de Galicia as seguintes: a) Da escala técnica: corresponderalle á escala técnica o desempeño das funcións de dirección, planificación e execución das actuacións do Servizo de Gardacostas de Galicia. b) Da escala executiva: corresponderalle á escala executiva o desempeño das funcións de coordinación, participación e execución das actuacións do Servizo de Gardacostas de Galicia. c) Da escala operativa: corresponderalle á escala operativa o desempeño das funcións de execución, colaboración e apoio ás escalas técnica e executiva. d) Da escala de axentes: corresponderalle á escala de axentes o desempeño das funcións de execución, colaboración e apoio ás escalas técnica, executiva e operativa. 2. As funcións dos membros do Servizo de Gardacostas de Galicia desenvolveranse por terra, mar ou aire, utilizando os medios de que dispoña a consellería competente en materia de pesca. Excepcionalmente, e sempre e cando as circunstancias operativas así o aconsellen, poderán desenvolver as súas funcións en medios doutros organismos públicos ou privados. Artigo 5. Estrutura xerárquica. O persoal do Servizo de Gardacostas de Galicia respectará sempre o principio de xerarquía establecida pola relación de postos de traballo da consellería á que pertenzan. Así mesmo, e tendo en conta que os servizos a realizar implican a necesidade de coordinar a persoal dependente de distintas escalas, categorías e unidades operativas, mediante as oportunas instrucións e ordes de servizo se establecerán os procedementos de actuación a seguir. 5

6 Artigo 6. Funcións do persoal do Servizo de Gardacostas de Galicia. 1. O persoal do Servizo de Gardacostas de Galicia realizará as funcións inspectora, preventiva e paliativa consistentes en: a) Función inspectora: realizar todos os servizos de execución directa, en colaboración ou apoio a persoal doutros servizos, unidades operativas diferentes, servizos centrais ou funcionarios/as dependentes doutras administracións, en materia de protección, defensa e control dos recursos mariños, control de descargas, transporte e comercialización dos produtos da pesca e o marisqueo, acuicultura e industrias relacionadas. b) Función preventiva: vixiar e previr a contaminación mariña, participando nas tarefas de recuperación e eliminación de residuos, coordinando e dirixindo, no seu caso, ao persoal e medios ao seu cargo. c) Función paliativa: participar nos labores de salvamento marítimo nos diferentes cometidos de coordinación, execución ou colaboración con outros organismos ou particulares. 2. Corresponden aos servizos centrais as seguintes funcións: a) A organización funcional, a coordinación de todo o persoal e o establecemento das estratexias e directrices do Servizo de Gardacostas de Galicia. b) A programación xeral de todas as actuacións do Servizo de Gardacostas de Galicia. c) O seguimento, coordinación e control das actividades programadas. d) A programación de actividades formativas dirixidas aos membros do Servizo de Gardacostas de Galicia. e) A elaboración, revisión e actualización de protocolos de actuacións nas operacións en que participen os membros do Servizo de Gardacostas de Galicia. f) A participación nas actuacións do Servizo de Gardacostas de Galicia. g) Calquera outra que lle poida ser encomendada ao Servizo de Gardacostas de Galicia. 3. Corresponden aos servizos periféricos as seguintes funcións: a) Cumprir a programación establecida. b) Informar aos servizos centrais das súas actuacións, segundo se estableza no protocolo de actuación. 6

7 c) Elaborar unha proposta de misións, horarios e quendas para o persoal da súa unidade, debendo elevala aos servizos centrais para a súa aprobación. d) Aquelas outras que se lles poidan atribuír pola normativa vixente en materia de protección de recursos, loita contra a contaminación e salvamento marítimo, ou calquera outra que se lle poida encomendar ao Servizo de Gardacostas de Galicia. CAPÍTULO III Dos medios e identificación dos membros do Servizo de Gardacostas de Galicia SECCIÓN 1ª. Dos medios de inspección Artigo 7. Da utilización de medios. Todo o persoal do Servizo de Gardacostas de Galicia utilizará para as súas funcións medios terrestres, marítimos ou aéreos indistintamente, ou unha combinación de varios deles, segundo o carácter da misión e seguindo as instrucións recibidas. SECCIÓN 2ª. Da identificación dos membros do Servizo de Gardacostas de Galicia Artigo 8. Da identificación. 1. Os membros do Servizo de Gardacostas de Galicia desempeñarán as súas funcións, con carácter xeral, provistos do correspondente uniforme, e portarán o carné profesional e a placa insignia cos que acreditarán a súa personalidade ante os cidadáns, as autoridades, organismos, entidades, empresas e profesionais. 2. Ao inicio de cada actuación e con carácter previo ao seu desenvolvemento, sempre que fora posible, os membros do Servizo de Gardacostas de Galicia deberán identificarse como tales á persoa responsable do buque, vehículo, establecemento, dependencia ou persoa obxecto da inspección, mostrando a súa placa e carné profesional. 3. As obrigas contidas nos apartados anteriores soamente se poderán excepcionar naquelas actuacións nas cales sexa preciso garantir o segredo da operación para o mellor resultado e eficacia. Artigo 9. Dos elementos identificativos. Os elementos identificativos dos membros do Servizo de Gardacostas de Galicia serán o uniforme, a placa insignia, o número e o carné profesional, sen prexuízo de que mediante orde se poidan establecer outros elementos. 7

8 a) Uniforme: o uniforme identificará á persoa usuaria como membro do Servizo de Gardacostas de Galicia e a súa posición xerárquica, determinándose mediante orde as súas pezas de composición, a cor, a situación dos elementos identificativos e demais elementos que se coiden precisos para facilitar a súa correcta identificación. b) Placa insignia: a placa identificativa representará o escudo do Servizo de Gardacostas de Galicia, debendo conter o número do membro do Servizo de Gardacostas de Galicia. Mediante orde establecerase o escudo, dimensións e demais características que deberá conter a placa. c) Número identificativo: cada membro do Servizo de Gardacostas terá atribuído un número identificativo, que garantirá o segredo da súa identidade en todas as actuacións. d) Carné profesional: o carné dos membros do Servizo de Gardacostas de Galicia deberá conter o anagrama da Xunta de Galicia e do Servizo de Gardacostas de Galicia, así como a identificación do membro do Servizo de Gardacostas de Galicia, e demais características que se determinen mediante orde. Cando o/a Subdirector/a xeral de Gardacostas de Galicia ou os/as xefes/as de servizo do Servizo de Gardacostas de Galicia non pertenzan ás escalas mencionadas no artigo 3, mentres permanezan neses postos, serán dotados do correspondente uniforme, placa insignia, número identificativo e carné profesional, descritos anteriormente neste artigo, acreditativos do carácter de axentes da autoridade que teñen os membros do Servizo de Gardacostas de Galicia no exercicio das súas funcións. CAPÍTULO IV Do réxime de actuacións dos membros do Servizo de Gardacostas de Galicia SECCIÓN 1ª. Procedementos de actuación Artigo 10. Tipos de procedementos de actuación. 1. No exercicio das súas funcións, o persoal funcionario do Servizo de Gardacostas de Galicia poderá actuar en cumprimento de plans ou programas de actuación ordinarios ou extraordinarios, ou en virtude de denuncias, requirimentos, propia iniciativa ou orde dos superiores xerárquicos. 2. Tamén poderá actuar por solicitude doutras autoridades que, polo procedemento regulamentariamente previsto e no exercicio das súas competencias, demanden a colaboración do Servizo de Gardacostas de Galicia cando concorran graves circunstancias excepcionais e imprevistas. 8

9 3. Cando a natureza dunha determinada actuación así o requira, poderá solicitarse a colaboración das Forzas e Corpos da Seguridade do Estado, Policía Autonómica, Policía Local, gardapescas marítimos e outros colectivos. SECCIÓN 2ª. Actuacións no exercicio da función inspectora Artigo 11. Das actuacións no exercicio da función inspectora. 1. A función inspectora terá por obxecto velar polo cumprimento da legalidade vixente nas fases de produción, extracción, manipulación, distribución e comercialización dos produtos pesqueiros, marisqueiros e acuícolas, mediante o exercicio das funcións administrativas de: a) Investigación. b) Realización de actuacións de obtención de información, incluíndo a obtida das bases de datos da propia consellería competente en materia de pesca e asuntos marítimos. c) Comprobación dos datos esixidos para a obtención de beneficios, incentivos, axudas e subvencións en materias competencia da consellería competente en materia de pesca e asuntos marítimos. d) As demais que se establezan noutras disposicións ou que lles encomenden as autoridades competentes. 2. Para tal fin poderán inspeccionar embarcacións, vehículos, establecementos de acuicultura en terra ou mar, lonxas ou centros de venda, industrias transformadoras, transportes, establecementos comerciais e de hostalaría, instalacións portuarias, especialmente os que funcionen sen as autorizacións preceptivas, sen prexuízo das competencias doutras consellerías. Artigo 12. Dos tipos de actuacións inspectoras. A actuación dos membros do Servizo de Gardacostas de Galicia no exercicio das súas funcións inspectoras desenvolverase principalmente mediante: a) Inspeccións ou actuacións de presenza física nas dependencias ou lugares onde se desenvolvan actividades sobre as que a consellería competente en materia de pesca e asuntos marítimos teña atribuídas competencias. b) Citacións e requirimentos. c) Exame da documentación, libros ou outro tipo de soporte documental relacionado coa súa actividade. 9

10 d) Datos, denuncias ou informes obtidos doutros organismos, administracións ou entidades ou particulares. e) Cantos datos, informes ou antecedentes poidan procurarse legalmente. Artigo 13. Das visitas de inspección. 1. Os membros do Servizo de Gardacostas de Galicia poderán en calquera momento realizar visitas a todas aquelas empresas, actividades e establecementos de calquera tipo dedicados a materias relacionadas coas actividades competencia da consellería competente en materia de pesca e asuntos marítimos para a práctica das súas funcións, sen necesidade de comunicación previa. 2. Durante a visita, os membros do Servizo de Gardacostas de Galicia poderán: a) Inspeccionar o local e as súas dependencias, realizando as verificacións e comprobacións que procedan. b) Solicitar a exhibición da documentación, libros e rexistros que o administrado teña a obriga legal de levar e teñan relación co obxecto da investigación, a fin de examinalos e obter as copias ou reproducións necesarias, con independencia do soporte que as conteña. c) Realizar medicións, tomar mostras, facer fotos, filmacións ou gravacións co fin de deixar constancia do lugar, obxecto ou circunstancia da inspección, procurando preservar, na medida do posible, o dereito á intimidade persoal e a propia imaxe das persoas presentes nos espazos obxecto da filmación. Artigo 14. Das citacións. 1. Os membros do Servizo de Gardacostas de Galicia poderán efectuar citacións a fin de que as persoas titulares ou representantes legais das empresas, actividades ou establecementos de calquera tipo, vehículos e embarcacións, comparezan no lugar que se sinale, aos efectos de facilitar o desenvolvemento da función inspectora, aportar a documentación precisa e canta información se considere necesaria. 2. A citación, que poderá realizarse no momento da inspección mediante o levantamento dunha acta ou por escrito redactado ao efecto, deberá conter como mínimo: a) O lugar, día e hora da comparecencia. b) O obxecto da comparecencia. c) A documentación, informes ou datos que se deberán aportar. 10

11 d) A identificación do membro do servizo que realiza a citación. 3. A incomparecencia á citación poderá entenderse como obstrución ás labores de inspección, debendo facer constar tal extremo na propia citación. 4. A persoa citada poderá acudir acompañada das persoas que o asesoren, debendo estas acreditar a súa condición ante o membro do Servizo de Gardacostas de Galicia. 5. Cando a persoa que compareza o solicite, faráselle entrega dun certificado acreditativo dela, expedido polo membro do Servizo de Gardacostas de Galicia ante o que realizou a comparecencia. 6. A citación farase por calquera medio que permita deixar constancia da mesma. Artigo 15. Dos requirimentos. 1. Os membros do Servizo de Gardacostas de Galicia, no exercicio das súas funcións, están facultados para requirir dos interesados a presentación ou remisión de documentos ou a execución das actuacións necesarias para o esclarecemento dos feitos obxecto de inspección ou control. 2. O incumprimento do requirimento poderá entenderse como obstrución ás labores de inspección, debendo facer constar tal extremo no requirimento. 3. Cando na actuación levada a cabo polos membros do Servizo de Gardacostas de Galicia se constatasen inobservancias de esixencias ou requisitos normativos, poderase requirir ás persoas titulares ou representantes da empresa, vehículo, embarcación ou calquera outro tipo de establecemento, a súa subsanación co fin de acadar a súa efectiva adecuación á normativa vixente. 4. Neste último caso, o requirimento deberá recoller obrigatoriamente as anomalías, deficiencias ou irregularidades observadas, con indicación de prazo para a súa subsanación e con apercibimento de que no caso de non atender ao requirimento procederase ao levantamento da correspondente acta de infracción. 5. O requirimento farase por calquera medio que permita deixar constancia do mesmo. Artigo 16. Da colaboración. As persoas responsables dos buques, produtos da pesca e acuicultura, instalacións, vehículos e medios de transporte en xeral, están obrigados a cooperar e prestar colaboración ao persoal do Servizo de Gardacostas de Galicia no exercicio das funcións de protección e control das actividades pesqueiras, marisqueiras, acuícolas e actividades conexas, e estarán obrigados a facilitarlle ao Servi- 11

12 zo de Gardacostas de Galicia toda aquela documentación que lle sexa requirida en relación coas devanditas actividades. SECCIÓN 3ª. Da documentación das actuacións no exercicio da función inspectora Artigo 17. Dos tipos de documentos. As actuacións dos membros do Servizo de Gardacostas de Galicia documentaranse en actas e informes, ademais de calquera outro documento de uso ordinario na administración. Artigo 18. Das actas. 1. As actas son documentos que redacta o persoal funcionario do Servizo de Gardacostas de Galicia nas que se recolle o resultado de cada acción inspectora, na que se verifique o cumprimento das disposicións e normativa aplicable durante as visitas de inspección. Os membros do Servizo de Gardacostas de Galicia estarán obrigados a levantar acta de todas e cada unha das actuacións inspectoras que desenvolvan, con independencia de se a actuación pode derivar na apertura ou non dun expediente sancionador. 2. As actas redactadas polos/as funcionarios/as do Servizo de Gardacostas de Galicia no exercicio das súas funcións teñen natureza de documentos públicos e gozarán de presunción de veracidade agás proba en contrario. 3. As actas serán asinadas polo membro do Servizo de Gardacostas de Galicia actuante e pola persoa coa que se entendan as actuacións, se fora posible. O asinante da acta acreditará o coñecemento do seu contido, o que non suporá a súa conformidade co contido da mesma. 4. Das actas redactadas entregarase sempre un exemplar á persoa coa que se entendan as actuacións. No suposto de que esta se negue a asinar ou recibir a acta ou que non sexa posible a entrega, farase constar tal extremo nela. 5. As actas conterán, como mínimo, os seguintes datos: a) Identificación do buque, vehículo, empresa, entidade ou organismo obxecto da actuación. b) Identificación das persoas responsables ou participantes nos actos obxecto da actuación. c) Breve descrición dos feitos. d) Breve descrición da actuación. e) Indicación do lugar, ano, mes, día e hora de comezo e final da actuación. 12

13 f) Identificación dos axentes actuantes mediante o seu número. g) Medidas adoptadas como consecuencia da presunta infracción. 6. Na redacción das actas terase en conta o disposto sobre o particular na Lei 11/2008, do 3 de decembro, de pesca de Galicia, e no Regulamento de execución (UE) núm. 404/2011 da Comisión, do 8 de abril de 2011, que establece normas de desenvolvemento do Regulamento (CE) núm. 1224/2009 do Consello, polo que se establece un réxime comunitario de control para garantir o cumprimento das normas da política pesqueira común. Artigo 19. Informes. 1. Os membros do Servizo de Gardacostas de Galicia, de oficio, por orde dos superiores ou por petición do instrutor dos procedementos sancionadores, están obrigados á emisión de informes sobre as actuacións levadas a cabo, nos cales obrigatoriamente deberán constar a identidade das persoas actuantes, os suxeitos da actuación, os feitos, as conclusións da actuación, así como calquera aclaración ou complemento da actuación desenvolvida. 2. Se o instrutor do expediente o require, no suposto de que do levantamento dunha acta derive a apertura dun expediente sancionador, os axentes actuantes emitirán un informe ampliado e aclaratorio dos feitos e circunstancias da actuación. SECCIÓN 4º. Actuacións no exercicio das funcións preventivas e paliativas Artigo 20. Da función preventiva e paliativa. No exercicio da función preventiva e paliativa, os membros do Servizo de Gardacostas estarán obrigados: a) A solicitar, valorar e transmitir aos seus superiores xerárquicos cantas informacións e datos sexan de interese para protexer e preservar a vida, os bens, o medio natural, e os recursos e a súa explotación racional. b) A realizar sen demora as actuacións que procedan para auxiliar ás persoas que se atopen en situación de risco ou demanden a súa axuda, para asegurar a conservación dos bens e recursos que se atopen en perigo de perda ou deterioración, adoptando cantas medidas sexan necesarias para protexelos. 13

14 c) A realizar cantas actuacións sexan necesarias para previr e, se é o caso, minorar ou remediar, situacións de contaminación mariña accidental procedente de terra ou do mar que poidan afectar o medio mariño ou ós recursos pesqueiros, marisqueiros e acuícolas. d) A manter nas mellores condicións de uso os medios destinados pola Administración autonómica para a loita contra a contaminación, constatando, así mesmo, a vixencia e operatividade dos plans de continxencia para facer fronte a episodios contaminantes que teñan aprobados as industrias, establecementos ou axentes con risco potencial de producir contaminación. e) A prestar a súa colaboración ás institucións e servizos públicos, especialmente para restablecer a normalidade en situacións de catástrofe, podendo realizar temporalmente, nestes casos, funcións propias doutros servizos alleos ao seu ámbito de actuación, sen que isto supoña asumir as súas competencias. CAPÍTULO V Do réxime de traballo e das compensacións Artigo 21. Dos horarios. Os membros do Servizo de Gardacostas de Galicia realizarán o seu traballo entre as horas e as horas, todos os días do ano, en función das quendas rotatorias que establezan as persoas responsables e que se axustarán aos horarios que se fixen en virtude de orde da consellería competente en materia de pesca e asuntos marítimos. Salvo circunstancias excepcionais ou de forza maior, o total de horas de traballo non excederán o máximo semanal, que será o establecido con carácter xeral para o persoal funcionario da Xunta de Galicia, computadas como media en períodos que se determinarán mediante orde e distribuídas diariamente en diferentes quendas. Cada quenda rotatoria de traballo terá unha duración máxima de oito horas de xeito continuado, salvo casos de forza maior ou circunstancias excepcionais, en que poderá prolongarse a xornada de traballo o tempo necesario, ata un máximo de catro horas. Este persoal non poderá realizar máis dunha quenda dentro da mesma xornada de traballo. Establécese un descanso semanal mínimo de 48 horas consecutivas. Artigo 22. Das compensacións. 14

15 En virtude de orde da consellería competente en materia de pesca e asuntos marítimos determinarase o réxime de compensacións polas funcións realizadas. Estas compensacións poderán ser económicas, que se axustarán ao réxime establecido para ao persoal funcionario da Comunidade Autónoma de Galicia, ou de días de descanso. Artigo 23. Do réxime disciplinario. O réxime disciplinario dos/as funcionarios/as pertencentes ao Servizo de Gardacostas de Galicia axustarase ao disposto na normativa básica estatal e na normativa autonómica galega, así como ao sinalado na Lei 2/2004, do 21 de abril. CAPÍTULO VI Dos postos de traballo do Servizo de Gardacostas de Galicia Artigo 24. Dos postos de traballo. 1. O Servizo de Gardacostas de Galicia contará cos postos de traballo previstos na Relación de Postos de Traballo da consellería á que estea adscrito. 2. Aos/ás funcionarios/as do Servizo de Gardacostas de Galicia, ademais das funcións establecidas no artigo 4, corresponderanlles, en razón do tipo de posto de traballo que ocupen, as que se detallan no presente capítulo. Artigo 25. Xefatura de Sección de Control e Vixilancia. Baixo a dirección do Servizo de Protección de Recursos, a persoa titular da xefatura de Sección de Control e Vixilancia responsabilizarase de todas as actividades organizativas e de execución que lle correspondan ao mencionado servizo e desenvolverá, especialmente, as seguintes funcións: a) A planificación e coordinación, xunto cos/as respectivos/as xefes/as das Unidades Operativas ou xefe/a da Sala de Operacións, das actividades ordinarias e operacións específicas a desenvolver polo Servizo de Gardacostas de Galicia. b) O control da execución das actividades programadas, tanto para as diferentes unidades operativas como para os membros dos servizos centrais da Subdirección Xeral de Gardacostas. c) A comprobación, en coordinación coa Sección de Mantemento e os/as xefes/as das Unidades Operativas, do permanente estado operativo dos vehículos, embarcacións, medios e equipos de inspección. 15

16 d) Calquera outra, encomendada por un superior xerárquico, das que lle poidan ser atribuídas ao Servizo de Gardacostas de Galicia pola normativa en vigor. Artigo 26. Xefatura de Sección Técnica de Reparación e Mantemento. Baixo a dirección do Servizo de Protección de Recursos, a persoa titular da Xefatura de Sección de Mantemento responsabilizarase de todas as actividades organizativas e de execución relativas ao mantemento en correcto estado operativo dos medios e equipos de todo tipo empregados nas actividades do Servizo de Gardacostas de Galicia, desenvolvendo, especialmente, as seguintes funcións: a) A planificación e coordinación, xunto cos/as respectivos/as xefes/as das Unidades Operativas, das actividades ordinarias de mantemento dos vehículos, embarcacións e demais medios e equipos empregados polo persoal operativo do Servizo de Gardacostas de Galicia, tanto nos servizos centrais coma nas diferentes unidades operativas. b) A dirección e coordinación das accións a desenvolver nos casos de avarías, accidentes ou calquera outros que impliquen actuacións extraordinarias que afecten aos mencionados medios do Servizo de Gardacostas de Galicia, así como a supervisión de cantos documentos e informes poidan ser requiridos polas compañías de seguros, autoridades policiais ou xudiciais ou da propia administración. c) Calquera outra, encomendada por un superior xerárquico, das que lle poidan ser atribuídas ao Servizo de Gardacostas de Galicia pola normativa en vigor. Artigo 27. Xefatura de Sección de Seguridade Marítima. Baixo a dirección do Servizo de Busca, Salvamento Marítimo e Loita Contra a Contaminación, a persoa titular da Sección de Seguridade Marítima responsabilizarase de todas as actividades organizativas e de execución que lle correspondan ao mencionado servizo, desenvolvendo, especialmente, as seguintes funcións: a) O correcto almacenaxe, mantemento e distribución do material de loita contra a contaminación mariña asignado ao Servizo de Busca, Salvamento Marítimo e Loita Contra a Contaminación. b) As atribuídas a este posto polo Plan Territorial de Contaminación Mariña Accidental de Galicia (Plan Camgal). c) Calquera outra, encomendada por un superior xerárquico, das que lle poidan ser atribuídas ao Servizo de Gardacostas de Galicia pola normativa en vigor. 16

17 Artigo 28. Xefatura da Sala de Operacións. Baixo a dirección do Servizo de Protección de Recursos, e en coordinación co Servizo de Busca, Salvamento Marítimo e Loita Contra a Contaminación e as seccións do Servizo de Gardacostas de Galicia, a persoa titular da Xefatura de Sala de Operacións será responsable do correcto funcionamento da sala de operacións, especialmente no relativo ao rexistro escrito, control e fluidez das comunicacións do Servizo de Gardacostas de Galicia. Desenvolverá, ademais, as seguintes funcións: a) Participar nas operacións de vixilancia e inspección desenvolvidas polo Servizo de Gardacostas de Galicia. b) Participar na planificación das actividades dos/as integrantes do Servizo de Gardacostas de Galicia que operan dende os servizos centrais da Subdirección Xeral. c) Calquera outra, encomendada por un superior xerárquico, das que lle poidan ser atribuídas ao Servizo de Gardacostas de Galicia pola normativa en vigor. Artigo 29. Xefatura de Unidade Operativa. 1. Baixo a dirección do/a xefe/a do Servizo de Protección de Recursos ou outro superior xerárquico, e en coordinación coa sala de operacións, a persoa titular da Xefatura de Unidade Operativa dirixirá e coordinará todas as actividades da súa Unidade Operativa, debendo prestar a súa colaboración nas actuacións que se desenvolvan noutras unidades operativas no caso de ser necesario. Especialmente, serán funcións do/a xefe/a de Unidade Operativa as seguintes: a) Elevar ao/á xefe/a do Servizo de Protección de Recursos para a súa aprobación as previsións semestrais e semanais de traballo do persoal da súa unidade. b) Redactar ou facer redactar as actas, os informes e demais documentos relacionados coas actuacións desenvolvidas polo Servizo de Gardacostas de Galicia na súa unidade operativa. c) Controlar que o persoal baixo o seu mando directo manteña en perfecto estado operativo os vehículos, embarcacións, equipos e todo tipo de material asignado a súa unidade. d) Calquera outra, encomendada por un superior xerárquico, das que lle poidan ser atribuídas ao Servizo de Gardacostas de Galicia pola normativa en vigor. 2. Por necesidades do servizo, poderán actuar como patróns/oas ou mecánicos/as nas embarcacións do servizo, incorporando durante estes períodos as funcións propias da actividade a bordo ás do seu cargo como xefe/a de Unidade Operativa. Esta situación somentes se poderá producir can- 17

18 do se reúnan as condicións requiridas pola Dirección Xeral de Marina Mercante para o enrole en embarcacións. A estes efectos este persoal poderá permanecer enrolado nas embarcacións do Servizo de Gardacostas de Galicia, en calidade de patrón/oa ou mecánico/a en función da titulación profesional que posúa. Artigo 30. Inspectores/as. Baixo a dirección do/a xefe/a da Unidade Operativa, os/as inspectores/as desenvolverán as actividades previstas no parte de previsión semanal ou as encomendadas por orde superior, segundo o caso. Especialmente, serán funcións dos/as inspectores/as as seguintes: a) Redactar as actas, informes e demais documentos relacionados coas funcións inspectoras. b) Manter en permanente estado operativo os vehículos e demais medios e equipos asignados para o desenvolvemento das súas funcións. c) Informar ao/á xefe/a de Unidade Operativa e á Sala de Operacións das incidencias mais salientables que se produzan durante o servizo. Así mesmo, deberán informar á Sala de Operacións da entrada e saída de servizo. d) Calquera outra, encomendada por un superior xerárquico, das que lle poidan ser atribuídas ao Servizo de Gardacostas de Galicia pola normativa en vigor. Artigo 31. Patrón/oa de embarcación. 1. Baixo a dirección do/a xefe/a de Unidade Operativa, os/as patróns/oas de embarcacións desenvolverán as actividades previstas no parte de previsión semanal ou as encomendadas por orde superior, segundo o caso. Especialmente, serán funcións dos/as patróns/oas de embarcación as seguintes: a) Exercer o mando da tripulación das embarcacións, tanto no mar como durante os servizos en terra, responsabilizándose do mantemento, limpeza e estado operativo permanente das embarcacións, a súa documentación oficial e os seus sistemas, elementos, equipos e embarcacións auxiliares, así como dos vehículos que lle foran encomendados. b) Adoptar as medidas necesarias que garantan a seguridade da tripulación e da embarcación, cumprindo e facendo cumprir a normativa aplicable nesta materia. c) Dirixir e tomar parte, cando sexa necesario, en todas as faenas e actividades propias da embarcación, especialmente nas de virado e estiba de artes e aparellos ou a súa descarga ou transbordo e 18

19 posterior carga, se é o caso, en transportes do Servizo de Gardacostas de Galicia para o seu almacenamento ou destrución. d) Cubrir os diarios de navegación ou os cadernos de bitácora, así como redactar ou facer redactar as actas, informes e demais documentación relacionada coas actividades desenvolvidas. e) Informar ao/á xefe/a de Unidade Operativa e á Sala de Operacións das incidencias mais salientables que se produzan durante o servizo, así como informar á Sala de Operacións da entrada e saída de servizo. f) Calquera outra, encomendada por un superior xerárquico, das que lle poidan ser atribuídas ao Servizo de Gardacostas de Galicia pola normativa en vigor. 2. Cando por condicións meteorolóxicas adversas, avarías ou outras causas de forza maior a embarcación non poida saír ao mar, ou cando as circunstancias operativas así o esixan, o/a patrón/oa desenvolverá en terra as funcións propias da súa condición de membro do Servizo de Gardacostas de Galicia, levando a cabo as actividades establecidas no parte de previsión semanal polo/a respectivo/a xefe/a de Unidade Operativa ou as encomendadas por orde superior. 3. Os/as patróns/oas de embarcación manterán en vigor as súas titulacións, certificados e requisitos legais para enrole e embarque. Para elo, cando sexa preciso, contarán coa oportuna autorización para asistir ás correspondentes accións formativas ou prácticas para obter ou revalidar certificados. Artigo 32. Subinspectores/as. Baixo a dirección do/a xefe/a de Unidade Operativa desenvolverán as actividades previstas no parte de previsión semanal ou as encomendadas por orde superior, segundo o caso. Especialmente, serán funcións dos/as subinspectores/as as seguintes: a) Redactar as actas, informes e demais documentos relacionados coas actuacións desenvolvidas. b) Manter en permanente estado operativo os vehículos e demais medios e equipos que lles sexan encomendados. c) Informar ao/á xefe/a de Unidade Operativa e á Sala de Operacións das incidencias mais salientables que se produzan durante o servizo, así como informar á Sala de Operacións da entrada e saída de servizo. d) Calquera outra, encomendada por un superior xerárquico, das que lle poidan ser atribuídas ao Servizo de Gardacostas de Galicia pola normativa en vigor. 19

20 Artigo 33. Mecánicos/as de embarcación. 1. Baixo o mando directo do/a patrón/oa da embarcación, exercerá a xefatura de máquinas das embarcacións e responsabilizarase do funcionamento e mantemento permanentemente operativo do sistema propulsor, auxiliares e equipos e sistemas mecánicos, hidráulicos, eléctricos, liñas e tanques. Especialmente, serán funcións dos/as mecánicos/as de embarcación as seguintes: a) Cubrir os cadernos de máquinas ou libros de motores, así como as actas, informes e canta documentación se lle poida requirir relacionada co seu cargo ou servizo. b) Participar nas faenas e actividades propias da embarcación, como son o amarrado, fondeo ou a colocación de defensas, entre outras, así como nas de virado e estiba de artes e aparellos ou a súa descarga ou transbordo e posterior carga, se é o caso, en transportes do Servizo de Gardacostas de Galicia para o seu almacenamento ou destrución. c) Manter en permanente estado operativo os medios, equipos e vehículos que lle sexan encomendados. d) Calquera outra, encomendada por un superior xerárquico, das que lle poidan ser atribuídas ao Servizo de Gardacostas de Galicia pola normativa en vigor. 2. Cando por condicións meteorolóxicas adversas, avarías ou outras causas de forza maior a embarcación non poida saír ao mar, ou cando as circunstancias operativas así o esixan, o/a mecánico/a desenvolverá en terra as funcións propias da súa condición de membro do Servizo de Gardacostas de Galicia, levando a cabo as actividades establecidas no parte de previsión semanal polo/a respectivo/a xefe/a de Unidade Operativa ou as encomendadas por orde superior. 3. Os/as mecánicos/as de embarcación manterán en vigor as súas titulacións, certificados e requisitos legais para enrole e embarque. Para elo, cando sexa preciso, contarán coa oportuna autorización para asistir ás correspondentes accións formativas ou prácticas para obter ou revalidar certificados. Artigo 34. Vixilantes-mariñeiros/as. 1. A bordo das embarcacións, baixo o mando directo do/a patrón/oa, os/as vixilantesmariñeiros/as desenvolverán as seguintes funcións: a) Realizar todas as faenas e actividades propias da embarcación, como o amarrado, fondeo e colocación de defensas, entre outras. 20

21 b) Manter a boa orde e limpeza da cuberta, ponte de goberno e habilitación. c) Levar cabo as operacións de virado e estiba de artes e aparellos ou a súa descarga ou transbordo e posterior carga, se é o caso, en transportes do Servizo de Gardacostas de Galicia para o seu almacenamento ou destrución. 2. No exercicio das súas funcións en terra, baixo a dirección do/a xefe/a da Unidade Operativa ou superior xerárquico, os/as vixilantes-mariñeiros/as realizarán as actividades previstas no parte de previsión semanal ou as encomendadas por orde superior, segundo o caso, desenvolvendo as seguintes funcións: a) Redactar as actas, informes e demais documentos relacionados coas funcións asignadas. b) Manter en permanente estado operativo os vehículos e demais medios e equipos asignados para o desenvolvemento das súas funcións. c) Informar ao/á xefe/a de Unidade Operativa e á Sala de Operacións das incidencias mais salientables que se produzan durante o servizo. Así mesmo, deberán informar á Sala de Operacións da entrada e saída de servizo. d) Calquera outra, encomendada por un superior xerárquico, das que lle poidan ser atribuídas ao Servizo de Gardacostas de Galicia pola normativa en vigor. 3. Os/as vixilantes-mariñeiros/as manterán en vigor os seus certificados e requisitos legais para enrole e embarque. Para elo, cando sexa preciso, contarán coa oportuna autorización para asistir ás correspondentes accións formativas ou prácticas para obter ou revalidar certificados. CAPÍTULO VII Da segunda actividade Artigo 35. Das especificidades retributivas da segunda actividade. Os/as funcionarios/as do Servizo de Gardacostas de Galicia que accedan á segunda actividade de conformidade co disposto nos artigos 9, 10 e 11 da Lei 2/2004, do 21 de abril, terán dereito a percibir: a) A totalidade das retribucións básicas e complementarias que viñeran percibindo antes do pase a esa situación. No caso de que o posto que pasen a ocupar teña asociados complementos retributivos de diferente importe aos que viñese percibindo, terán dereito, en todo caso, aos de maior contía. 21

22 b) As retribucións ou complementos de carácter persoal que teñan recoñecidos. c) A aquelas compensacións económicas que se puidesen determinar para o persoal administrativo do Servizo de Gardacostas de Galicia. Artigo 36. Da porcentaxe de postos reservados á segunda actividade. A consellería competente en materia de pesca determinará, na súa relación de postos de traballo, segundo as dispoñibilidades de persoal e orzamentarias, os postos reservados á segunda actividade, que en ningún caso superarán o 5% do total dos postos do Servizo de Gardacostas de Galicia. Disposición transitoria primeira. Integración do persoal da escala de axentes do Servizo de Gardacostas de Galicia na escala operativa do Servizo de Gardacostas de Galicia. Esta disposición ten por obxecto regular as condicións e o procedemento que se seguirá na integración do persoal funcionario pertencente á escala de axentes do Servizo de Gardacostas de Galicia que, reunindo os requisitos establecidos nos puntos seguintes e con independencia da súa situación administrativa, solicite integrarse na escala operativa creada pola Lei 10/2010, do 11 de novembro, de modificación da Lei 2/2004, do 21 de abril, pola que se crea o Servizo de Gardacostas de Galicia. 1. Requisitos para a integración. De conformidade co previsto na disposición transitoria única da Lei 10/2010, do 11 de novembro, poderán solicitar a súa integración na escala operativa do Servizo de Gardacostas de Galicia os/as funcionarios/as de carreira da Administración autonómica pertencentes á escala de axentes do Servizo de Gardacostas de Galicia, subgrupo C1, que á entrada en vigor da citada lei, cumprisen os seguintes requisitos: a) Estar en posesión do título profesional de patrón de pesca de altura ou patrón maior de cabotaxe ou patrón de altura ou equivalente ou superior, para integrarse na especialidade de patróns/oas da escala operativa do Servizo de Gardacostas de Galicia. b) Estar en posesión do título profesional de mecánico naval maior ou mecánico maior naval ou equivalente ou superior, para integrarse na especialidade de mecánicos/as da escala operativa do Servizo de Gardacostas de Galicia. 22

23 2. Procedemento. Solicitude. Os/as funcionarios/as interesados/as que desexen integrarse na escala operativa do Servizo de Gardacostas de Galicia deberán dirixir a correspondente solicitude á Consellería do Mar, na forma e condicións previstas polo artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común. Para tal finalidade seguirán o modelo de solicitude que figura como anexo a este decreto. No caso de que o/a solicitante considere que reúne os requisitos para poder integrarse nas dúas especialidades da escala operativa do Servizo de Gardacostas de Galicia, poderá indicalo na mesma solicitude. O prazo de presentación de solicitudes será dun mes a contar desde o seguinte ao da entrada en vigor deste decreto. Os documentos que se considerarán para verificar o cumprimento dos requisitos de integración esixidos serán os incluídos nos respectivos expedientes de persoal, sen prexuízo de que o/a solicitante poida achegar os que crea oportunos para mellor fundamento da súa pretensión. Xunto co anterior e para os efectos de declaración da súa ulterior situación administrativa, os/as solicitantes sinalarán no antedito modelo de solicitude a súa opción de prestar servizos na escala en que solicitan integrarse ou de continuar prestándoos na escala de procedencia. 3. Proposta de resolución. Instruído o procedemento e inmediatamente antes de redactar a proposta de resolución, porase de manifesto aos/ás solicitantes para que, no prazo de dez días hábiles, poidan alegar e achegar os documentos e xustificacións que crean pertinentes. Concluído o trámite de audiencia, a Consellería do Mar formularalle á Consellería de Facenda proposta de resolución. Tal proposta irá acompañada da documentación que a fundamente, xunto coa relación dos/as funcionarios/as solicitantes que considera que reúnen os requisitos para a súa integración na escala operativa do Servizo de Gardacostas de Galicia, así como da listaxe dos/as solicitantes que considera que non cumpren coas condicións establecidas para tal integración. 4. Resolución. A Consellería de Facenda, atendendo á proposta de resolución formulada pola Consellería do Mar, resolverá sobre as solicitudes de integración presentadas mediante a correspondente orde, que 23