A Nosa Voz. exposición Catedral de Lugo. o esplendor da presenza parroquias de Lugo 50 anos de esplendor

Transcrição

1 A Nosa Voz DIÓCESE DE LUGO Febreiro de 2012 Nº 87 III ÉPOCA exposición Catedral de Lugo o esplendor da presenza parroquias de Lugo 50 anos de esplendor

2 2 editorial A NOSA VOZ VEN E SÍGUEME Vida consagrada e nova evanxelización Mons. Alfonso Carrasco Rouco Celebramos o pasado día 2 de febreiro, festividade da Presentación do Señor no Templo, a Xornada mundial da Vida Consagrada, co recordo da recente Xornada Mundial da Xuventude en Madrid e no horizonte do próximo Sínodo dos Bispos sobre a nova evanxelización para a transmisión da fe cristiá. Rezamos na nosa Catedral lucense e así obedecer á palabra do Señor: ven e sígueme. A raíz do noso ser consagrados está na Súa presenza e na chamada á comuñón con El, a seguilo no seu camiño ata a cruz. Facémolo acollendo o don do seu Corpo e do seu Sangue, no estupor ante tal manifestación da singularidade incomparable do seu amor, da súa Persoa, da súa misión en favor noso. A súa resurrección enraizará no noso corazón de discípulos para sempre a certeza da verdade definitiva da súa obra e das súas palabras, da súa entrega e da súa permanencia connosco ata o fin dos tempos. El consagrouse ao Pai, dende o inicio e ata a plenitude da obediencia na cruz; de modo que toda a súa existencia se converteu en testemuño dado ao Pai, ao Amor de Deus que o envía para que o mundo se salve por El. Calquera membro dun instituto de vida consagrada é, pois, signo e instrumento precioso, como un sacramento para o encontro do home con Deus, tamén no noso tempo. O testemuño do amor, dado logo segundo o carisma de cada un, abrirá os camiños do corazón nos demais e fará presente o Evanxeo do Reino nos diferentes lugares e circunstancias. Temos que fiarnos verdadeiramente do carisma recibido e da misión proposta. É a forma histórica da nosa vocación polo Señor, da nosa pertenza a El; e da nosa resposta no radicalismo dun amor obediente, casto e pobre. Sabemos que El iniciou esta historia connosco e ten poder para levala a termo. El acompáñanos e así, nesta obediencia, dando testemuño do noso seguimento á súa vontade, cumpriremos a nosa misión evanxelizadora sempre de novo, sen que o impida o cansazo e nin sequera as nosas propias debilidades. Chéganos a súa graza, día a día. Os nosos irmáns, e o mundo de hoxe, esperan e necesitan o testemuño da vida consagrada, da alegría, a certeza e o amor de quen coñeceu o Señor e lle entregou o seu corazón, de quen foi escollido, amado e enviado por El. Que a nosa comuñón na Igrexa, que ten a sua fonte e a sua cima na celebración da santísima Eucaristía presidida polo Bispo diocesano xunto cos seus sacerdotes, sexa rocha e defensa da vocación, do camiño persoal e da misión de cada un no medio do mundo. Que a santísima Virxe María, que presentou e confiou ao neno Xesús ao Pai, sexa a nosa nai e intercesora; que nos leve igualmente nos seus brazos unidos á entrega e a consagración do Fillo ao Pai, iniciada no Templo, culminada na cruz e fonte de resurrección e vida para sempre. O esplendor da Diocese de Lugo Baixo o título O esplendor da presenza o pasado 3 de decembro abríase na capela do Pilar da Catedral de Lugo unha exposición onde se poden contemplar pezas de relevo conservadas neste templo e outras recollidas en igrexas parroquiais. Destaca por riba de todas a custodia de Sáenz de Buruaga, testigo da devoción eucarística dos lucenses ó longo dos séculos, símbolo dun esplendor de fe que perdura no tempo. Recollen tamén este esplendor os escudos da cidade e do reino de Galicia, onde o Santísimo Sacramento era referencia principal. Foi posible contemplar esta pezas de preto polas obras de restauración da basílica lucense, obras que puxeron ó descuberto pinturas barrocas na bóveda do altar maior, calificadas pola prensa como a capela sixtina lucense, obra de José de Terán, pintadas no século XVIII. Tamén recuperou o espendor orixinal a fachada da Catedral, onde a pedra loce de novo tralas labouras de limpeza das que foi obxeto. Estas actuacións permitiron darlle maior relevo a pezas e detalles que antes pasaban desapercibidos. As celeracións dos 50 anos das parroquais de Lugo durante o ano 2011 (San Antonio, A Milagrosa, Albeiros, Sagrado Corazón, e San Francisco Javier) falan tamén dun esplendor e adicación de moitas persoas que viviron a fe cerca dos máis necesitados. Recordáronse ó longo deste ano de celebración ás pesoas que iniciaron a vida parroquial empezando pola construción da mesma igrexa. O esplendor da vida consagrada reflicte este esplendor da Igrexa ó longo dos tempos, pasando desapercibida de moitos nos seus labores de oracion e axuda ós máis necesitados. Homes e mulleres anónimos que constrúen Igrexa ali onde están. Persoas que transmiten seguridade e paz. Esplendor nas relixiosas que procurar que os famentos teñan o pan de cada día no comedor San Froilán, decenas de voluntarios nas cáritas parroquiais que coñecen as necesidades dos seus veciños e buscan os medios para poder axudarlles. Sacerdotes que gastaron a súa vida alimentando a fe en pobos e parroquias de toda a xeografía diocesana... Este é o verdadeiro esplendor da Diocese de Lugo. As persoas pasan, pero queda a súa obra, o seu recordo. Se os nosos antepasados foron capaces de deixarnos tales expresións de fe, como podemos contemplar na Catedral, e no traballo diario, como quedou reflectido nos distintos actos con relación ós 50 anos das parroquias de Lugo por citar os acontecementos máis recentes podémonos preguntar como sería o esplendor desas persoas para aqueles que as coñeceron. Sen dúbida que foron persoas espléndidas. ANV In Memoriam D. Benito Otero Conde Naceu en Moalde en 1920 e foi ordenado sacerdote en 1948, empezando o seu ministerio no arquivo da parroquia da Nova e como capelan da Catedral, lugar que marcará toda a súa traxectoria vital. Desde 1965 exerce de Beneficiado Tenor neste lugar. Foi tamén profesor no Seminario Diocesano e de relixión no Instituto Xoán Montes de Lugo. Faleceu o 9 de novembro de D. José García González Naceu e Santiago de Méixome en Ordénase sacerdote no 1950 e encárgase da parroquia de Merza, para administrar posteriormente Ambasvías, Quindós e Picato. En 1966 pasa á parroquia de Sello. En 1970 encárgase de Bermés e en 1994 de San Andrés de Vale. Faleceu o día 28 de decembro. D. Bernardino Montoto Castro Naceu en San Román de Santiso en 1926 e foi ordenado sacerdote en En 1951 é nomeado ecónomo de Castro de Rei de Lemos, de Perexe e de Pradela. Despois de estar incardinado entre 1955 e 1969 na diocese de Astorga, volve a Lugo e encárgase das parroquias de Refoxos (Silleda) e Barcia (Lalín). Faleceu o día 25 de xaneiro.

3 A NOSA VOZ 3 O esplendor da Presenza O sábado 3 de decembro inaugurábase a Exposición HOC HIC MYSTERIUM... O esplendor da Presenza, na capela do Pilar da Catedral de Lugo. A mostra invita a unha viaxe a través dun conxunto de obras artísticas ao servizo do culto ao Santísimo Sacramento (que por tradición inmemorial se expón permanentemente na catedral lucense) cunha simboloxía que está presente nos emblemas da cidade de Lugo e do Reino de Galicia. Esta exposición recupera pezas de singular importancia artística, entre elas destaca a custodia de Sáenz de Buruaga. Esta peza loce habitualmente no baldaquino da capela maior deste templo, lugar do que non se retirara dende 1860 e ao que regresará unha vez que finalicen as obras de restauración. Trátase dunha oportunidade única para poder observar esta obra de especial importancia a unha altura que permita examinar pormenorizadamente os detalles deste elemento de incalculable valor artístico. Entre as 25 obras obxecto da mostra - téxtiles de uso litúrxico e ourivaría- están, ademais, unha cruz reliquia con crucifixo de Juan de Bolonia ou o cáliz con sobrecopa doado á catedral polo Bispo Vaamonde. A exposición conta co patrocinio da Deputación de Lugo. Permanece aberta ao público en horario de 10 a h e de 16 a h (agás domingos pola tarde e luns durante todo o día). Esta exposición culmina as actividades programadas polo I Encontro Eucarístico Lucense que se celebrou na nosa cidade no mes de decembro. Todos os elementos da exposicion falan do culto á Eucaristía, o influxo que o Santísimo Sacramento tivo na nosa historia e amósanos os obxectos utilizados para solemnizar este culto

4 4 A NOSA VOZ Con agradecemento camiñamos na fe 50 anos de vida parroquial Nos últimos meses, en varias parroquias da cidade de Lugo conmemoraron os seus 50 anos de existencia. A Milagrosa, o Sagrado Corazón, san Francisco Xavier, san Antonio de Padua e San Lorenzo de Albeiros. Ésta última parroquia ainda ten previstas actividades durante este ano, que recolleremos en sucesivas informacións. Houbo momentos de ilusión e esperanza, pois hai a intención de seguir crecendo e facendo parroquia durante décadas O Sagrado Corazón O primeiro párroco, D. José López Sánchez coa axuda dos fregueses ( Operación Ladrillo, Operación Garrafa...), levantou o templo. Tamén fixo as xestións coa Caixa de Aforros de Coruña e Lugo nos anos para iniciar o poboado do Sagrado Corazón (colexio...). Baixo o lema 50 anos vivindo a fe comezaron a realizarse algúns actos conmemorativos. O 27 de maio houbo unha charla de Manuel Areán Fernández: Ser parroquia hoxe (na foto superior). O día 12 de xuño celebrouse unha Misa solemne ás 12, para a continuación ter unha comida popular de confraternización no Real Aeroclub de Rozas (foto pequena). O programa coas celebracións de aniversario aínda non está pechado. Na foto da esquerda, bendición da imaxe do Sagrado Corazón.

5 A NOSA VOZ 5 A Milagrosa Na parroquia da Milagrosa de Lugo organizáronse unha serie de actos para celebrar os 50 anos de andadura; algúns deles relaciónanse a continuación. O día 27 de novembro, en plena Novena da Milagrosa, Mons. Alfonso Carrasco Rouco presidiu a Eucaristía de dedicación da parroquia. Houbo tamén unha comida de irmandade e unha conferencia titulada O milagre da Milagrosa a cargo de D. Xulio Xiz Ramil. Con motivo dos 50 anos, a parroquia preocupouse de facer varias obras de restauración, como a pintura ou o embelecemento dos púlpitos. San Francisco Xavier O 3 de decembro de 2011, festa de san Francisco Xavier, foi a apertura do ano das vodas de ouro, cunha Eucaristía presidida polo Bispo, seguida dunha comida de confraternización. Na programación para celebrar o aniversario incluíronse varias actividades: Proxecto solidario apoiando a Mans Unidas, concretamente a construción dunha escola en Kerala (India) para os fillos dos pescadores, que foi o primeiro colectivo que San Francisco Xavier fixo na India. Peregrinación parroquial a Roma, do 4 ao 11 de xullo, visitando a igrexa do Gesu onde se atopa a reliquia do dedo de San Francisco Xavier. Exposición de fotos dos primeiros tempos e actos da vida parroquial ao longo destes anos. Festival Benéfico. O 17 de decembro de 2011 no centro social de Fingoi, con actuacións musicais, teatro, maxia, danza, en beneficio do programa de familias de Caritas parroquial. Cincuentenario do templo da Cruz do Incio Os veciños da Cruz do Incio participaron o pasado 22 de marzo nun acto de conmemoración do cincuenta aniversario da colocación da primeira pedra da igrexa parroquial. Como as tarefas de construción da igrexa duraron dous anos, as celebracións prolónganse ao longo do mesmo período de tempo. Un dos actos xa levados a cabo foi unha mesa redonda, na que participou o párroco da Cruz en 1961, Arximiro López Rivas. San Antonio de Padua Co gallo do cincuenta aniversario instaláronse na parroquia de san Antonio un novo Sagrario e unha imaxe do titular no exterior da igrexa. Tamén se colocou unha pantalla de 3x2 metros para o seu uso na catequese e na liturxia. O Bispo Don Alfonso realizou visita pastoral entre os días 16 e 20 de outubro. Propiciou un mellor coñecemento e impulsáronse as accións evanxelizadoras da parroquia. Outras actividades organizadas foron: Viaxeperegrinación a Italia, cunha visita moi especial a Padua; un concerto de varios grupos musicais e unha charla sobre a espiritualidade de San Antonio a cargo do franciscano Paco Castro; exposición parroquial sobre estes 50 anos: fotos, documentos; unha Solemne Eucaristía en xaneiro pechou a celebración das vodas de ouro. A Novena de San Antonio tamén tivo de transfondo este feliz 50 aniversario.

6 6 A NOSA VOZ A defensa da familia centrou as Xornadas Abertas de Teoloxía O CírCulo das Artes de Lugo acolleu os días 7, 8 e 9 de febreiro a 26ª edicion das Xornadas Abertas de Teoloxía, que organiza o Instituto Teolóxico Lucense. Ángel Galindo, reitor de Universidade Pontificia de Salamanca, Elena Otero Novas, avogado do Estado do Tribunal Supremo e Carlos Manuel Escribano, Bispo de Teruel, falaron sobre os dereitos da familia, familia e Estado e a pastoral familiar Dos dereitos na familia ós dereitos da familia. Ángel Galindo O título da conferencia débese ao feito de que no mundo occidental son recoñecidos os dereitos do home pero non tanto os dereitos da familia como institución. Por iso, apuntouse a necesidade dunha Declaración Universal de Dereitos da Familia. O Dr. Galindo considerou a familia como máis importante cá sociedade, o Parlamento, a escola... Despois de facer unha introdución xeral ao tema dos dereitos humanos, o conferenciante centrouse no tratamento da familia nos textos legais e declaracións universais de dereitos do home. Noutro apartado da conferencia tratou dos dereitos humanos e o compromiso familiar: - Dereito á vida: procreación responsable e dereito a coidar da prole. - Dereito a unha vivenda digna, distinguindo entre os casos de ocupación de vivendas baleiras por motivos ideolóxicos e por necesidade. - Dereito ao traballo, sen esquecer o dereito a estar xuntos os membros da familia dun emigrante. - Dereito a participar na vida social: Parlamento, escola... - Dereito a saír da miseria, superando o egoísmo das nacións. Finalmente, falou Ángel Galindo dos dereitos como compromiso cos valores. Ángel Galindo, Mons. Manuel Escribano e Elena Otero Novas durante as súas conferencias no Círculo das Artes Familia e Estado. Elena Otero Novas A doutora Dª Elena Otero Novas comezou falando de dúas das filosofías existentes sobre o papel do Estado: o totalitarismo, contrario aos pronunciamentos do Evanxeo e da Igrexa, e o personalismo, para o cal o ser humano non está ao servizo das estruturas, senón estas ao servizo daquel. Entrando xa no terreo específico da ensinanza, Elena Otero advertiu que en moitas das materias que se imparten non hai un límite claro entre o que serían instrución e educación. Problema que se agrava cando se usa a educación como un instrumento para neutralizar as ideas do contrario. A conferenciante referiuse ao que teñen feito os gobernantes (a nivel estatal, autonómico ): promoven a igualación nos resultados en vez da igualdade real de oportunidades e sempre teñen a tentación de dominar alí onde subvencionan. O concerto é un modelo en que practicamente queda neutralizado o ideario propio de cada centro educativo. Elena Otero puxo de manifesto que o novo Ministro de Educación non fixo referencia a este modelo do concerto e que tampouco a sociedade española lle reclama nada sobre ese punto. Si hai unha decisión de cambiar a materia de Educación para a cidadanía, o que a relatora considerou digno de aplaudir, ao mesmo tempo que pediu manterse vixiantes cando se regule a nova materia. Elena Otero lembrou que a Doutrina Social da Igrexa di explicitamente que os pais poderán escoller con liberdade absoluta, segundo a súa conciencia, o tipo de educación que recibirán os seus fillos. A pastoral familiar. Carlos Manuel Escribano Mons. Escribano tivo un constante recordo da figura do beato Xoán Paulo II. Este pontífice, coñecido como o Papa das Familias, invita a descubrir a beleza da institución familiar, don de Deus á humanidade. É unha proposta de plenitude, unha gran aventura que Deus quere correr xuntamente co ser humano. O plan de Deus para co matrimonio e a familia é algo apaixonante. Ese plan pode ser visto negativamente na cultura actual, pero a Igrexa debe presentalo como signo de esperanza. Tamén insistiu D. Carlos Manuel Escribano na vocación ao amor. Porque sen experimentar o amor, a persoa non é o que Deus quere que sexa. Os conceptos de vocación ao amor, amor donal, amor esponsal... deben ir sendo vistos nas distintas catequeses que reciben os cristiáns. Desta maneira, cando cheguen a facer cursos prematrimoniais, xa teñen unha mellor base. Eses cursos non deben ser a única oferta da Igrexa para os matrimonios. D. Carlos Manuel Escribano falou da experiencia dalgunhas dioceses coas catequeses familiares. Son reunións (poden ser quincenais) cos pais nas que se preparan para ser catequistas dos fillos na casa. É unha maneira tamén de facer que os pais tomen conciencia de que a familia é suxeito de evanxelización. Nesas catequeses familiares os propios pais teñen unha oportunidade de enriquecer a súa propia vida cristiá. Por exemplo, suscitando neles preguntas e acompañándoos na busca de respostas. E tamén cultivando o afán porque haxa unha boa relación familiar. Porque iso preocuparse cada familia de que a ela mesma lle vaia ben é un signo de esperanza, un camiño de evanxelización que teñen as familias.

7 A NOSA VOZ 7 Imaxes da vida diocesana 9 de decembro. Entre as actividades da parroquia da Milagrosa realizadas con motivo dos seus 50 anos, estivo a Eucaristía concelebrada polos sacerdotes que pasaron por esta parroquia durante eses anos, cun recordo especial ós xa falecidos. Do 9 de decembro ó 5 de xaneiro. Cáritas Diocesana de Lugo mantivo aberta, no Centro comercial As Termas, unha tenda solidaria co fin de obter fondos para os máis necesitados. Presentouse tamén un libro sobre a muralla con este mesmo fin. 15 de decembro. Mons. Alfonso Carrasco reuníase cos responsables de comunicación dos bispados galegos, tratando temas relativos ás actividades informativas que cada un leva a cabo nas sús respectivas dioceses e posibles accións comúns. 28 de decembro. Baixo o título Pastoral da Familia tivo lugar no Seminario unha Xornada de Formación Permanente, dirixida por Fernando García Álvaro, Delegado Diocesano de Familia e Vida da Diocese de Valladolid. 27 de xaneiro. O profesor do Seminario David Varela Vázquez pronunciou unha conferencia titulada: Cristo, centro da historia, con motivo da festividade de San Tomé que se celebrou neste centro. Mons. Alfonso Carrasco presidíu logo a Eucaristía. 3 de febreiro. Mans Unidas organizou unha charla no salón de actos da Deputación a cargo do misioneiro do Sagrado Corazón de Xesús, Carlos Eduardo Abea, que falou sobre a súa experiencia en Centroamérica e da saúde como dereito de todos.

8 A Nosa Voz PARROQUIAS - MOVEMENTOS - ASOCIACIÓNS - AXENDA DIOCESANA Delegación de Medios - Bispado de Lugo. Praza de Santa María, Lugo Teléfono: Teléfono/Fax: medios@diocesisdelugo.org - Revista de información diocesana SUSCRICIONS: ORDINARIA: 10 - BENEFACTOR: 15 Banco de Galicia. C/c: EDITA: Delegación de Medios de Comunicación Social DEPOSITO LEGAL: LU IMPRIME: La Voz de la Verdad. Pol. Ind. O Ceao A Catedral de Lugo pon ao descuberto os seus segredos despois de varios meses de traballos de restauración As sorpresas da Catedral Na imaxe superior contemplamos unha panorámica da bóveda do altar maior, completamente ateigada de pinturas. Nas imaxes inferiores vemos unha das pinturas sobre os arcos que rodean a capela maior, antes e despois da restauración Elementos arquitectónicos Varios elementos da fachada principal foron limpados, encintados e restaurados. O Delegado de Patrimonio da Diocese de Lugo e responsable da supervisión das obras de restauración, César Carnero, explica que a intervención na fachada principal consistiu fundamentalmente en abordar os problemas que ocasionaba a materia orgánica concentrada na pedra. Raíces de plantas chegaran a desprazar os sillares nalgún punto. Recuperación das pinturas murais da capela maior Dentro do templo levouse a cabo o máis espectacular desta intervención na bóveda, onde se conserva máis do 90% das pinturas orixinais. A decoración pictórica da capela maior é definida por algúns como a «Capela Sixtina do barroco lucense». Tamén se restauraron pinturas dos laterais. Financiamento público e privado A través da Fundación Catedral de Lugo e da Asociación de Amigos da Catedral recádanse fondos para sufragar a parte do custo das obras non subvencionada polo Estado. Recibiuse o apoio da Confederación de empresarios de Lugo (CEL). Hai achegas de carácter individual como o caso dunha contribución persoal de varios miles de euros. Outros particulares tamén fixeron doazóns, loxicamente de menor cantidade. En calquera caso, todo apoio é de inestimable valor. Outras sorpresas Cando comezaron as obras un obreiro descubriu, nunha fenda da torre este, un animal cunha longa cola e pel moteada. Non era un gato, senón unha especie protexida en perigo de extinción: unha xeneta. Ninguén entende como chegou a este sitio. Este mamífero, depredador nocturno, aliméntase de insectos e pequenos animais, polo que resultou ser unha excelente solución para o control da colonia de pombas. A existencia da xeneta explica que as pombas non habitasen en certas partes da catedral. Desde hai tempo coñecíase a existencia de dous falcóns que tamén controlan ás pombas, que tantos problemas representan para edificios destas características.