Concello de Bergondo (A Coruña)

Transcrição

1 Concello de Bergondo (A Coruña) ACTA CORRESPONDENTE Á SESIÓN ORDINARIA DO PLENO DE 27 DE SETEMBRO DE No salón de sesións da Casa do Concello de Bergondo, a vinte e sete de setembro de dous mil doce, sendo as vinte horas e trinta minutos ten lugar a sesión ordinaria do Pleno municipal presidida pola alcaldesa-presidenta, D.ªAlejandra Pérez Máquez, do grupo socialista, con asistencia dos/as señores/as concelleiros/as seguintes: Grupo municipal Socialista (PSdG-PSOE): D.ª M.ª Begoña Calviño Dorado D. Jesús Vázquez García D. Domingo Fuentes Rocha Grupo municipal Veciños de Bergondo (VB): D. Francisco Manuel Fafián Torreiro (voceiro) D.ª María del Loreto Caseiras Arroyo Grupo municipal do Partido Popular (PP): D.ª Antonia M.ª Sanjurjo Seijas (voceira) D.ª Silvia M.ª Vázquez Cardelle D.ª Isabel Prado Gómez D. Alberto Feijoo Rodríguez D. Fernando Abruñedo Fernández Concelleiros non adscritos D. Juan Antonio Fariña Pedreira Non asiste: D. Antón Sánchez García (concelleiro non adscrito) Así mesmo asisten: A interventora municipal: D.ª Laura Gutiérrez Ortiz O secretario xeral: D. Federico Suárez Cancelo 1

2 ORDE DO DÍA 1.- APROBACIÓN SE PROCEDE, DA ACTA CORRESPONDENTE Á SESIÓN DO DÍA 26 DE XULLO DE MOCIÓN SOBRE BASES DE NOVA DEMARCACIÓN XUDICIAL. ADOPCIÓN DE ACORDO QUE PROCEDA. 3.- APROBACIÓN INICIAL DO REGULAMENTO DE CREACIÓN DE FICHEIROS DE DATOS DE CARÁCTER PERSOAL DO CONCELLO DE BERGONDO. ADOPCIÓN DE ACORDO QUE PROCEDA. 4.- RESOLUCIÓN DAS ALEGACIÓNS PRESENTADAS CONTRA A APROBACIÓN INICIAL DA ORDENANZA FISCAL N.º 13, REGULADORA DA TAXA POLA SUBMINISTRACIÓN DE AUGA POTABLE, POLA ACOMETIDA Á REDE XERAL DE ABASTECEMENTO E Á REDE XERAL DE SANEAMENTO, ASÍ COMO POLA PRESTACIÓN DO SERVIZO DE REDE DE SANEAMENTO E DE DEPURACIÓN DE AUGAS RESIDUAIS. APROBACIÓN DEFINITIVA SE PROCEDE. 5.- APROBACIÓN INICIAL DA ORDENANZA MUNICIPAL REGULADORA DA ADMINISTRACIÓN ELECTRÓNICA MUNICIPAL. ADOPCIÓN DE ACORDO QUE PROCEDA. 6.- APROBACIÓN DA MODIFICACIÓN DAS RETRIBUCIÓNS DO POSTO DA ALCALDÍA. ADOPCIÓN DE ACORDO QUE PROCEDA. 7.- PLAN DTC 94 UNHA DEPUTACIÓN PARA TODOS OS CONCELLOS. ADOPCIÓN DE ACORDO QUE PROCEDA. 8.- MOCIÓN PRESENTADA POLO GRUPO MUNICIPAL DE VECIÑOS DE BERGONDO, E CONCELLEIROS NON ADSCRITOS, EN RELACIÓN AO COBRO DO IBI (IMPOSTO DE BENS INMOBLES) Á IGREXA CATÓLICA. ADOPCIÓN DE ACORDO QUE PROCEDA. 9.- DAR CONTA DO INFORME TRIMESTRAL SOBRE O CUMPRIMENTO DOS PRAZOS PREVISTOS NA LEI 15/2010 PARA O PAGO DAS OBRIGAS, CORRESPONDENTE AO 2º TRIMESTRE ASUNTOS URXENTES 11.- DECRETOS E RESOLUCIÓNS DE ALCALDÍA ROGOS E PREGUNTAS. 1.- APROBACIÓN SE PROCEDE, DA ACTA CORRESPONDENTE Á SESIÓN DO DÍA 26 DE XULLO DE

3 Os/as integrantes da Corporación recibiron o borrador da acta correspondente á sesión do día 26 de xullo de A Sra. alcaldesa pregúntalles aos/ás concelleiros/as se teñen algunha observación que formular; non se formulan, polo que se aproba a dita acta por unanimidade dos concelleiros presentes. 2.- MOCIÓN SOBRE BASES DE NOVA DEMARCACIÓN XUDICIAL. ADOPCIÓN DE ACORDO QUE PROCEDA. A continuación dáse conta aos/ás asistentes, da proposta da Alcaldía informada favorablemente pola Comisión Informativa, que transcrita literalmente di: Logo de ver a moción institucional referente ás bases da nova demarcación xudicial aprobada polo Concello de Betanzos, en sesión plenaria celebrada o día 29 de maio de 2012 e que foi remitida a este Concello con data de 2 de xullo de 2012 (RE nº 5907/2012 do 9/07), así como o escrito de alegacións remitido pola delegación de Betanzos do Colexio Provincial de Avogados con data de xullo de 2012 (RE nº 6719/2012 do 1/08), no que se opoñen á proposta de bases para a nova demarcación xudicial, aprobada polo Consello Xeral do Poder Xudicial con data 3 de maio de 2012 e na que se contempla a supresión do actual partido xudicial de Betanzos e a súa integración no partido xudicial de A Coruña. Pola presente propoño que o Pleno da Corporación, previo ditame da Comisión Informativa adopte o seguinte ACORDO: Primeiro: Rexeitar a proposta de bases para unha demarcación xudicial elaborada polo Consello Xeral do Poder Xudicial o 3 de maio de 2012, e defender expresamente o mantemento do actual partido xudicial de Betanzos. Segundo: Instar ao Ministerio de Xustiza a que no caso de que se produza a tramitación dun proxecto de lei que modifique a Lei 38/1988, de 28 de decembro, de demarcación e pranta xudicial, se manteña nesa reforma o actual partido xudicial de Betanzos. Terceiro: Demandar dos grupos parlamentarios do Congreso e do Senado a defensa do mantemento do actual partido xudicial de Betanzos, no caso de que se inicie a tramitación dun proxecto ou proposición de Lei de modificación da Lei 38/1988, de 28 de decembro, de demarcación e planta xudicial. Cuarto: Demandar do Goberno da Xunta de Galicia que, no exercicio das súas competencias, defenda expresamente o mantemento do partido xudicial de Betanzos diante das posibles iniciativas lexislativas que se poidan tramitar para modificar a Lei 38/1988, de 28 de decembro, de demarcación e planta xudicial. Quinto: Dar traslado do presente acordo ao presidente do Consello Xeral do Poder Xudicial, ao Ministerio de Xustiza, aos voceiros dos grupos parlamentarios do Congreso dos Deputados e do Senado e ao Sr. Presidente da Xunta de Galicia. Toma a palabra o Sr. concelleiro non adscrito, D Juan Antonio Fariña Pedreira: nós, evidentemente, estamos a favor desta proposta, pero botamos en falta que se argumentar un pouco mais; xa sabemos que isto procede dun acordo de todos os grupos de Betanzos, pero quizás a efectos informativos estivera ben comentar os motivos que nos inducen a apoiar esta proposta, non simplemente apoiar a Betanzos por unha cuestión localista, aínda que tampouco sería exactamente iso. Saber que en Betanzos hai catro xulgados que actualmente están atendendo a unha poboación importante, que hai moitos concellos, paréceme que son dezasete, que os habitantes van ter problemas se se fai o que se pretende. Xente de Monfero, por citar algún, que teña que ir á Coruña. Son unha serie de cuestión 3

4 que si van afectar á xente, penso que se debería argumentar un pouquiño mais, simplemente ese comentario, nada mais. Trala correspondente deliberación, o Pleno municipal por unanimidade dos/as once concelleiros asistentes, dos trece que forman a totalidade da Corporación municipal, aproba a proposta que se acaba de transcribir. Neste intre fai a súa entrada no Salón de Sesións o Sr. concelleiro do Partido Popular, D. Alberto Feijoo Rodríguez e pasa a ocupar o seu sitio. 3.- APROBACIÓN INICIAL DO REGULAMENTO DE CREACIÓN DE FICHEIROS DE DATOS DE CARÁCTER PERSOAL DO CONCELLO DE BERGONDO. ADOPCIÓN DE ACORDO QUE PROCEDA. A continuación dáse conta aos/ás asistentes, da proposta da Alcaldía informada favorablemente pola Comisión Informativa de Asuntos do Pleno, que transcrita literalmente di: Desde a entrada en vigor do Real Decreto 1720/2007, do 21 de decembro, polo que se aproba o Regulamento de desenvolvemento da Lei Orgánica 15/1999, de 13 de decembro, de protección de datos de carácter persoal, resultaba especialmente necesario que desde o Concello se aprobase unha normativa que regulase a creación, modificación, e supresión de ficheiros de titularidade pública que garantise o cumprimento da normativa vixente en materia de protección de datos. Se ben é certo que algúns dos ficheiros existentes como por exemplo os referentes a padrón de habitantes, xa viñan sendo tratados conforme a esta normativa, resulta necesario que paulatinamente se vaian incorporando novos ficheiros, cuxo tratamento se axuste ao procedemento regulamentariamente previsto. É por iso, polo que resulta necesario a aprobación dunha ordenanza municipal que regule e complemente a nivel local a normativa xa vixente en materia de creación, modificación e supresión de ficheiros que afecten á protección de datos. Tendo en conta que o artigo 22.2.d) da Lei 7/1985, de 2 de abril, establece como competencia do pleno a aprobación das ordenanzas e regulamentos, pola presente proponse ao Pleno da Corporación que proceda a adoptar o seguinte ACORDO Primeiro: Aprobar provisionalmente o REGULAMENTO DA CREACIÓN DE FICHEIROS DE DATOS DE CARÁCTER PERSOAL DO CONCELLO DE BERGONDO, co contido que a continuación se transcribe, así como os anexos da mesma. Segundo: Expoñer no taboleiro de anuncios da Corporación, por prazo de trinta días, e publicar no BOP, este acordo para que os interesados poidan examinar o expediente e presentar as reclamacións que estimen oportunas. Terceiro: Dar conta ao Pleno das reclamacións que se presenten. As reclamacións presentadas resolveranse por este órgano con carácter definitivo. No caso de que non se presenten reclamacións, o acordo provisional elevarase automaticamente a definitivo. Cuarto: O acordo definitivo ou no seu caso o provisional elevado automaticamente a definitivo, así como o texto íntegro do mencionado Regulamento publicarase no BOP. Quinto: Solicitar da Axencia de Protección de Datos, unha vez efectuada a publicación a que se refire o apartado anterior, que proceda a inscrición dos ficheiros que se conteñen como anexos do Regulamento no Rexistro Xeral de Protección de Datos. 4

5 Sexto: A presente aprobación do Regulamento non entrará en vigor ata que non transcorran 15 días desde a súa publicación íntegra no BOP. E esta é a miña proposta sen prexuízo de que o Pleno da Corporación, como órgano competente que acorde o que considere oportuno. Trala correspondente deliberación, o Pleno municipal por unanimidade dos/as doce concelleiros asistentes, dos trece que forman a totalidade da Corporación municipal, aproba a proposta que se acaba de transcribir. 4.- RESOLUCIÓN DAS ALEGACIÓNS PRESENTADAS CONTRA A APROBACIÓN INICIAL DA ORDENANZA FISCAL N.º 13, REGULADORA DA TAXA POLA SUBMINISTRACIÓN DE AUGA POTABLE, POLA ACOMETIDA Á REDE XERAL DE ABASTECEMENTO E Á REDE XERAL DE SANEAMENTO, ASÍ COMO POLA PRESTACIÓN DO SERVIZO DE REDE DE SANEAMENTO E DE DEPURACIÓN DE AUGAS RESIDUAIS. APROBACIÓN DEFINITIVA SE PROCEDE. A continuación dáse conta aos/ás asistentes, da proposta da Alcaldía informada favorablemente pola Comisión Informativa de Asuntos do Pleno, que transcrita literalmente di: Aprobada provisionalmente polo Pleno, na sesión de data 26 de xullo de 2012, a modificación da Ordenanza fiscal n.º 13 reguladora da taxa pola subministración de auga potable, pola acometida á rede xeral de abastecemento e á rede xeral de saneamento, así como pola prestación do servizo de rede de saneamento e de depuración de augas residuais, e unha vez que transcorreu o período de exposición pública comprendido entre o 4 de agosto de 2012 e o 10 de setembro de 2012 (ámbolos dous inclusive) no que se presentaron escritos de alegación contra o citado acordo provisional que se indican a continuación, estando admitidas as mesmas por presentarse dentro do prazo establecido e por ser interesados no procedemento: Entidade que presenta alegacións Número e data do rexistro de entrada Puertas Roper, S.A. 7642/ David Sánchez Vado, en representación de Comercial Sánchez 7735/ Vado, S.L. Jacobo Anido Sande en representación de Rotulación Industrial de 7780/ Galicia, S.L. Luis Rey Abella en representación da empresa Disgalibro, S.L.U. 7781/ Mª Jesús Rocha Aller en representación da empresa César Rocha 7799/ Sánchez y Otros, S.C. Daniel Aguado López en representación da empresa Herramientas 7800/ Sharp, S.L. Cristina Sanjurjo Verdía en representación da empresa Proquiga, 7806/ S.A. José Antonio Seoane Ares en representación da Comunidad de 7826/ Propietarios del Polígono de Bergondo Iria Torneiro Fernández en representación da empresa Torneiro 7848/ Maquicoruña, S.A. Mª Eugenia Gayol López en representación de ATI Sistemas, S.L. 7849/

6 Un estudo das alegacións presentadas, permite observar como a práctica totalidade delas limítanse a manifestar o seu desacordo coas tarifas da ordenanza ou a propoñer, sen ningún tipo de fundamento xurídico ou estudo económico, outras tarifas que desde o seu punto de vista consideran mais apropiadas por considerar desproporcionadas as aprobadas inicialmente polo Concello de Bergondo. Analizadas estas alegacións presentadas, considérase que carecen de fundamento xurídico, posto que a determinación dunha taxa non pode quedar a criterios de oportunidade, hai que ter en conta que as tarifas da ordenanza constitúen o prezo da concesión administrativa que xestiona o servizo integral de auga do Concello de Bergondo, tarifas baseadas nun estudo económico financeiro que as avala e que consta no expediente, tendo a obriga de manter o equilibrio económico da citada concesión durante toda a vida da mesma. A entrada en funcionamento de diversas instalacións e a adaptación das tarifas ó establecido pola normativa europea, levou a modificación contractual da concesión administrativa e a conseguinte modificación da Ordenanza fiscal que regula a mesma, para manter o citado equilibrio económico financeiro da concesión. O estudo de custos que consta no expediente e esixido para calquera modificación ou nova imposición dunha ordenanza fiscal, serve para acreditar cal é o custo da concesión e determinar unha estrutura tarifaria coa que se manteña o equilibrio antedito sen superar o custo do servizo, límite que recolle o Texto refundido da Lei reguladora das facendas locais. Con respecto á capacidade económica e a diferencia existente entre usos domésticos e usos non domésticos ou industriais, outro dos argumentos esgrimidos nas alegacións, debe indicarse que ademáis de ser unha diferenciación xa existente desde a implantación desta ordenanza no ano 2000 (debe terse en conta que non estamos ante a imposición dunha nova ordenanza, se non ante a modificación dunha xa existente), é unha diferenciación recollida en toda a normativa autonómica, a lei de augas e os regulamentos de desenvolvemento da mesma. Polo tanto, a propia normativa autonómica vixente, xa recolle a distinción entre o uso doméstico e non doméstico ou industrial, limitándose a ordenanza a reproducir tal distinción. Toda actividade de carácter non doméstico ten como finalidade unha explotación empresarial e a obtención dun beneficio, non así o que acontece nunha actividade doméstica, sendo o uso da auga de carácter esencial para a subsistencia. En todo caso debe terse en conta que neste caso faise un esforzo, posto que o incremento na tarifa industrial con respecto a tarifa existente antes da modificación, comezará a partir dun consumo de 26 m3 ó trimestre, tal e como consta na comparativa presentada pola empresa concesionaria do servizo e que consta no expediente. Finalmente, polo que respecta a argumentación da existencia de deficiencias na prestación do servizo, e máis aló da existencia de aspectos que poden ser mellorados como en todo servizo, tanto o servizo de abastecemento de auga, saneamento e depuración vense prestando dentro duns mínimos standares de calidade. A existencia de puntuais deficiencias ou avarías que poidan xurdir non pode ser un argumento para opoñerse á aprobación dunha modificación da ordenanza fiscal referente a un servizo que se ven prestando con regularidade. Por todo o anteriormente exposto, proponse ó Pleno da Corporación que despois do exame do mesmo adopte o seguinte acordo: 1.- Desestimar as reclamacións presentadas contra o acordo provisional de modificación da Ordenanza fiscal n.º 13 reguladora da taxa pola subministración de auga potable, pola acometida á rede xeral de abastecemento e á rede xeral de saneamento, así como pola prestación do servizo de rede de saneamento e de depuración de augas residuais, por considerar que estas, polos motivos antes expostos, carecen de fundamento xurídico, que poida implicar a súa estimación. 2.- Que se entenda definitivamente aprobado o acordo provisional de modificación desta ordenanza fiscal, debéndose proceder en todo caso á publicación íntegra no Boletín Oficial da Provincia do 6

7 acordo definitivo e do texto íntegro da Ordenanza para os efectos establecidos no artigo 17.4 do Real Decreto Lexislativo 2/2004, de 5 de marzo, polo que se aproba o texto refundido da lei reguladora das facendas locais, sen que quepa contra o mesmo outro recurso que o contencioso administrativo, que se poderá interpoñer a partir da súa publicación no Boletín Oficial da Provincia, na forma e prazos que establecen as normas reguladoras de dita xurisdición. 3.- Notificar o presente acordo os interesados. Toma a palabra o Sr. concelleiro non adscrito, D Juan Antonio Fariña Pedreira e di: nós non estamos de acordo con esta proposta; sen entrar en valoracións de como se cualifica aquí, que non se argumenta xuridicamente, etc., non imos entrar niso, pero fundamentalmente creo que si debemos apoiar estás alegacións no sentido de que, e non é demagoxia, todos somos conscientes de que os tempos non son os mais oportunos para este tipo de subas, que consideramos desproporcionadas. Alúdese neste documento ao feito de que as empresas buscan o lucro, é evidente, pero, eles o din aquí tamén, non podemos discernir entre usos domésticos e usos empresariais. Se désemos unha volta polo polígono e viramos a cantidade de empresas nas que a auga é un ben tan doméstico, ou mais, que nos nosos propios fogares, é dicir, non se fai un uso industrial, nin por uso nin por nada. Nos consideramos, como xa dixen, desproporcionada e inxusta, ademais tamén comentan o que son as deficiencias na subministración, neste documento dise que son nimiedades, eu creo que eles no documento aluden, teño aquí o escrito, graves deficiencias en el sistema de saneamiento del Polígono, isto é un pouco como o das manifestacións, uns din que se manifestaban catro e outros din un millón; creo que é mais crible a postura dos empresarios que están alí no Polígono todo o ano e conviven con esas deficiencias, que a postura que se manifesta na proposta da Alcaldía; por todo iso non imos apoiala. A continuación procedese á votación a proposta da Alcaldía, que tivo o seguinte resultado: Grupo municipal Socialista: catro (4) votos a favor; Grupo municipal Veciños de Bergondo: dous (2) votos a favor; Grupo municipal do Partido Popular: cinco (5) votos a favor; concelleiro non adscrito: un (1) voto en contra. Total: once (11) votos a favor, e un (1) en contra. En consecuencia, pola Sra. alcaldesa declarase aprobada, por maioría de votos a favor, a proposta antes transcrita. 5.- APROBACIÓN INICIAL DA ORDENANZA MUNICIPAL REGULADORA DA ADMINISTRACIÓN ELECTRÓNICA MUNICIPAL. ADOPCIÓN DE ACORDO QUE PROCEDA. A continuación dáse conta aos/ás asistentes, da proposta da Alcaldía informada favorablemente pola Comisión Informativa de Asuntos do Pleno, que transcrita literalmente di: A Lei 11/2007, de 22 de xuño, de acceso electrónico dos cidadáns aos servizos públicos, constitúe un compromiso de todas as Administracións para facer realidade a sociedade da información á vez que impón a obriga do sector público de asegurar aos cidadáns, en termos de igualdade, o dereito a comunicarse coas administracións por medios telemáticos. Este compromiso supón a necesidade de que as Administracións se doten dos medios e sistemas electrónicos necesario para facer efectivo este dereito dos cidadáns. 7

8 A futura posta en marcha en colaboración coa Deputación Provincial da sede electrónica municipal pretende respostar a tales necesidade, e por outro lado obriga a que desde o Concello se aprobe unha regulamentación que veña a concretar os procedementos e formas de utilización desta Administración electrónica municipal. Tendo en conta que o artigo 22.2.d) da Lei 7/1985, de 2 de abril, establece como competencia do pleno a aprobación das ordenanzas e regulamentos, pola presente proponse ao Pleno da Corporación que proceda a adoptar o seguinte ACORDO Primeiro: Aprobar provisionalmente a Ordenanza Municipal reguladora da Administración Electrónica Municipal do Concello de Bergondo co contido que a continuación se transcribe. Segundo: Expoñer no taboleiro de anuncios da Corporación, por prazo de trinta días, e publicar no BOP, este acordo para que os interesados poidan examinar o expediente e presentar as reclamacións que estimen oportunas. Terceiro: Dar conta ao Pleno das reclamacións que se presenten. As reclamacións presentadas resolveranse por este órgano con carácter definitivo. No caso de que non se presenten reclamacións, o acordo provisional elevarase automaticamente a definitivo. Cuarto: O acordo definitivo ou no seu caso o provisional elevado automaticamente a definitivo, así como o texto íntegro da mencionada Ordenanza publicarase no BOP. Quinto: A presente aprobación da Ordenanza non entrará en vigor ata que non transcorran 15 días desde a súa publicación íntegra no BOP. E esta é a miña proposta sen prexuízo de que o Pleno da Corporación, como órgano competente que acorde o que considere oportuno. Trala correspondente deliberación, o Pleno municipal por unanimidade dos/as doce concelleiros asistentes, dos trece que forman a totalidade da Corporación municipal, aproba a proposta que se acaba de transcribir. 6.- APROBACIÓN DA MODIFICACIÓN DAS RETRIBUCIÓNS DO POSTO DA ALCALDÍA. ADOPCIÓN DE ACORDO QUE PROCEDA. A continuación dáse conta aos/ás asistentes, da proposta da Alcaldía informada favorablemente pola Comisión Informativa de Asuntos do Pleno, que transcrita literalmente di: Na sesión extraordinaria do Pleno Municipal, de data 7 de xuño de 2011, no punto número 13 da orde do día Determinación das retribucións polo exercicio do cargo: cargos da Corporación que se desenvolven en réxime de dedicación exclusiva e por dedicación parcial, se acorda no apartado primeiro a aprobación da dedicación exclusiva da Alcaldía e as súas retribucións. Ante a situación actual e os recortes levados a cabo para o conxunto das Administracións Públicas, proponse ó Pleno da Corporación a adopción do seguinte acordo: Modificar as retribucións da Sra. Alcaldesa Dª Alejandra Pérez Máquez, para o exercicio 2012, reducindo as mesmas nunha mensualidade, equivalente á paga extra do mes de decembro. O Sr. concelleiro non adscrito, D Juan Antonio Fariña Pedreira di: valorar o xesto desta proposta por parte da alcaldesa, non estamos de acordo no fondo destes recortes. Trala correspondente deliberación, o Pleno municipal por unanimidade dos/as doce concelleiros asistentes, dos trece que forman a totalidade da Corporación municipal, aproba a proposta que se acaba de transcribir. 8

9 7.- PLAN DTC 94 UNHA DEPUTACIÓN PARA TODOS OS CONCELLOS. ADOPCIÓN DE ACORDO QUE PROCEDA. A continuación dáse conta aos/ás asistentes, da proposta da Alcaldía informada favorablemente pola Comisión Informativa de Asuntos do Pleno, que transcrita literalmente di: No Boletín Oficial da Provincia núm.45, do 01/08/2012, publicáronse as Bases reguladoras do Plan DTC 94 Unha Deputación para todos os Concellos, cuxa finalidade é axudar aos concellos da provincia para garantir a adecuada prestación dos servizos públicos municipais esenciais mediante o financiamento dos investimentos e dos gastos municipais que de seguido se detallan: A) obras e subministracións B) Honorarios de redacción de proxectos de obra C) Achegas municipais a outros plans, programas e convenios e D) Financiamento do gasto corrente do concello da anualidade O Sr. concelleiro non adscrito dille ao Sr. Secretario se pode elevar a voz durante a lectura da proposta. O Sr. secretario contéstalle que non hai inconveniente e continúa coa lectura. Así mesmo, con data 1 de agosto de 2012 e núm do Rexistro Xeral de Entrada, recibiuse unha Circular da Deputación Provincial da Coruña sobre a comunicación da aprobación das bases reguladoras do Plan DTC 94: Unha Deputación para todos os Concellos na que se establece que o concello ten asignada unha cantidade de ,26 que poderá destinar ó financiamento das actuacións sinaladas anteriormente. A documentación que deberá remitir o concello á entidade provincial se desexa participar no Plan DTC, de conformidade co disposto nas Bases Reguladoras do mesmo, é a seguinte: Certificación do acordo plenario municipal, segundo o modelo remitido pola Deputación, no que se acepten expresamente estas bases e se aprobe a solicitude a realizar, a solicitude a realizar; dous exemplares de cada proxecto técnico das obras; Informe técnico para cada un dos proxectos presentados; Informe da Intervención de previsión de gastos correntes para o exercicio A data límite de presentación da citada documentación é o 30 de setembro de En consecuencia, procedeuse a solicitar a elaboración do proxecto correspondente e a requirir do arquitecto municipal a emisión dun informe sobre o mesmo co fin de propoñer ó Pleno que, tras o exame do citado expediente, adopte o seguinte acordo: Primeiro. Participar no Plan DTC 94 Unha deputación para todos os concellos da Deputación Provincial da Coruña, cuxas bases se coñecen e aceptan na súa totalidade, e solicitar a aplicación da subvención asignada a seguinte finalidade: A) Obras e subministracións: DENOMINACIÓN ORZAMENTO TOTAL ACHEGA MUNICIPAL ACHEGA PROVINCIAL Reforma de alumbrado público existente por ampliación de Ctra , ,92 Moruxo-Tatín, Bergondo T O T A L , ,92 Aprobar o proxecto técnico que se relaciona na táboa anterior redactado polos enxeñeiros técnicos industriais, D. José Manuel Carnota Mosquera, colexiado núm. C-933 e D. Mario García Sanjuán, colexiado núm. C B) Honorarios de redacción de proxectos de obras 9

10 DENOMINACIÓN ORZAMENTO ACHEGA ACHEGA OUTRAS TOTAL MUNICIPAL PROVINCIAL ACHEGAS T O T A L C) Achegas municipais a outros plans, programas ou convenios DENOMINACIÓN DA ACTUACIÓN E DO PLAN OU PROGRAMA NO QUE SE INCLUE FINANCIAMENTO DESAGREGADO ACHEGA PROVINCIAL APLICADA T O T A L D) Financiamento do gasto corrente do concello da anualidade 2012 Concello Cantidade asignada neste plan que se aplica ao financiamento dos gastos correntes 2012 Achega POS 2012 de gasto corrente Outras achegas , , , E) Resumo Deputación Concello Outras achegas Presuposto total SUBTOTAL OBRAS E SUBMINISTRACIÓNS , ,92 SUBTOTAL HONORARIOS REDACCIÓN PROXECTOS SUBTOTAL ACHEGAS A OUTROS PLANS, PROGRAMAS OU CONVENIOS SUBTOTAL GASTOS CORRENTES , , , ,00 TOTAL , , , ,92 Segundo. Declarar que o concello conta cos terreos, autorizacións e concesións necesarios para a execución da obra. Terceiro. Declarar que o concello non solicitou nin percibiu ningunha subvención doutras administracións públicas para o financiamento do investimento ou do gasto corrente para o que se solicita a achega provincial, no caso de que existan axudas ou subvencións concorrentes doutras administracións para a súa execución, achegarase o detalle de cada unha delas, acreditándose que a súa suma total non supera o 100% do seu importe. Cuarto. Autorízase á deputación a obter as certificacións da Axencia Estatal de Administración Tributaria e da Tesourería da Seguridade Social nas que se acredite que o concello está ao corrente nas súas obrigas tributarias e coa Seguridade Social. O Sr. concelleiro non adscrito, D Juan Antonio Fariña Pedreira di: nos ímonos a opoñer a esta proposta por unha simple razón; isto presentouse á valoración dos distintos grupos o vinte de setembro, o prazo remata o domingo trinta de setembro, queda mañá para presentalo. Penso que se debería de rematar con esta costume de facer as cousas a última hora; corenta e catro mil euros para a 10

11 reforma do alumeado público en Tatín, Moruxo, cento doce mil para gasto corrente; eu creo que esa estrada supoño, e quero pensar, que xa tiña un proxecto de alumeado, aparte da propia construción, ampliación, etc., estaría contemplado o alumeado, e quero pensar que os cento doce mil euros poderíanse investir noutras cousas, noutras necesidades, no saneamento... non sei; creo que con tempo suficiente se podería elaborar un plan mais acaído. É unha cantidade de cartos considerable, creo que cento doce mil euros en gasto corrente, se xustificar, sen explicarnos as partidas nas que se vai empregar penso que non é o correcto. A continuación procedese á votación a proposta da Alcaldía, que tivo o seguinte resultado: Grupo municipal Socialista: catro (4) votos a favor; Grupo municipal Veciños de Bergondo: dous (2) votos a favor; Grupo municipal do Partido Popular: cinco (5) votos a favor; concelleiro non adscrito: un (1) voto en contra. Total: once (11) votos a favor, e un (1) en contra. En consecuencia, pola Sra. alcaldesa declarase aprobada, por maioría de votos a favor, a proposta antes transcrita. 8.- MOCIÓN PRESENTADA POLO GRUPO MUNICIPAL DE VECIÑOS DE BERGONDO, E CONCELLEIROS NON ADSCRITOS, EN RELACIÓN A QUE SE COBRE IBI (IMPOSTO DE BENS INMOBLES) AOS INMOBLES REXISTRADOS A NOME DE CONFESIÓNS RELIXIOSAS CUXO DESTINO NON ESTEA VINCULADO AO CULTO. ADOPCIÓN DE ACORDO QUE PROCEDA. Dáse conta da Moción presentada, que transcrita literalmente di: EXPOSICIÓN DE MOTIVOS. A fiscalidade debe ser o maior instrumento de redistribución económica e social dos poderes públicos e é o xeito máis directo para que estes poidan exercer a solidariedade, contribuíndo á cohesión social e á prestación de servizos públicos aos seus veciños. A regra básica dun sistema fiscal xusto é que todos cidadáns e institucións deben contribuír ao sostemento dos gastos públicos de acordo coa súa capacidade económica. Necesitamos un sistema fiscal máis progresivo, redistributivo e que xere recursos abondo para prestar e soster os servizos públicos fundamentais que demandan os cidadáns. Especialmente na actual situación de crise económica que está a afectar ao noso País e que cada vez sofren maior número de cidadáns, as institucións públicas deben contar con maiores recursos para poder atender aos que peor o están pasando, os Concellos como administración máis próxima aos cidadáns e que mellor coñece a realidade dos seus veciños son os que están en mellores condicións de facer este traballo indispensable para o mantemento da cohesión social. No actual escenario de crise económica, nos que a baixada de ingresos, o control do déficit e as débedas contraídas polos Concellos fan indispensable a revisión urxente da fiscalidade municipal e para que a elevación da presión fiscal non redunde de forma desigual nuns veciños e entidades sobre outros, faise imprescindible restrinxir ao máximo a aplicación de exencións e bonificacións. O recente RDL 20, do 30 de decembro de 2011, de "medidas urxentes en materia presupostaria, tributaria e financeira para a corrección do déficit público", insta ás Corporacións Locais a unha suba do IBI entre o 4% e o 10%, obrigando así a incrementar a presión fiscal sobre os cidadáns e institucións. 11

12 As Confesións relixiosas están exentas de tributar polo IBI (Imposto de Bens Inmobles) a raíz dos Acordos vixentes do Reino de España coa Santa Sé (1979) as Confesións protestante e musulmá tamén o están a través dos respectivos Acordos de Cooperación (1992). Estes beneficios fiscais están á súa vez recollidos na vixente Lei de Facendas Locais (Lei 7/1985, art.º 258 e Real Decreto Lexislativo 2/2004, art 62.1c). Así, gozan de exencións totais ou permanentes: templos e lugares de culto, dependencias ou edificios anexos destinados á actividade pastoral ou asistencia relixiosa, locais destinados a oficinas, casas e conventos de ordes e congregacións relixiosas. Esta exención legal, que debe ser revisada, só está referida ás finalidades vinculadas ao culto, non obstante nas décadas precedentes realizouse unha aplicación extensiva desta exención, de forma que alcanzou a bens inmobles non estipulados pola lei vixente: pisos, prazas de garaxe, lonxas, non vinculados ao culto. Este beneficio fiscal estendeuse mesmo á exención do pagamento das taxas municipais establecidas polos concellos. Ante esta realidade, o Grupo Veciños De Bergondo e os Concelleiros non adscritos consideran que non é admisible que fronte ao esforzo solidario esixido a todos os cidadáns, haxa confesións relixiosas que sigan gozando de beneficios especiais, por todo iso presenta para a súa aprobación polo Pleno Municipal, os seguintes ACORDOS:. Realizar un censo municipal dos inmobles rústicos e urbanos que están rexistrados a nome de confesións relixiosas co obxecto de proceder á actualización posterior do Padrón de Bens Inmobles para poder así xirar o IBI a todos aqueles bens inmobles cuxo destino non estea vinculado ao culto..- Dar traslado ao Congreso dos Deputados e ao Goberno de España deste Acordo. En Bergondo a 27 de xullo de 2012.=Fdo.: Francisco Manuel Fafián. Voceiro do Grupo Municipal Veciños de Bergondo Fdo.:Antón Sánchez García.=Concelleiro non adscrito A continuación procedese á votación a proposta da Alcaldía, que tivo o seguinte resultado: Grupo municipal Socialista: catro (4) votos a favor; Grupo municipal Veciños de Bergondo: dous (2) votos a favor; Grupo municipal do Partido Popular: cinco (5) votos en contra; concelleiro non adscrito: un (1) voto a favor. Total: sete (7) votos a favor, e cinco (5) en contra. En consecuencia, pola Sra. alcaldesa declarase aprobada, por maioría de votos a favor, a proposta antes transcrita. 9.- DAR CONTA DO INFORME TRIMESTRAL SOBRE O CUMPRIMENTO DOS PRAZOS PREVISTOS NA LEI 15/2010 PARA O PAGO DAS OBRIGAS, CORRESPONDENTE AO 2º TRIMESTRE Dáse conta aos/ás asistentes do informe correspondente ao segundo trimestre do ano 2012, sobre o cumprimento da Lei de Medidas de loita contra a morosidade, e que estivo á disposición dos concelleiros da Corporación. O Pleno queda enterado 10.- ASUNTOS URXENTES. 12

13 Seguidamente a Sra. alcaldesa pregunta aos/a voceiros/a dos grupos políticos se desexan someter á consideración do Pleno, por razóns de urxencia, algún asunto non comprendido na Orde do Día que acompañaba a esta convocatoria. Non se presentaron DECRETOS E RESOLUCIÓNS DE ALCALDÍA. A continuación pola Sra. alcaldesa, en cumprimento do previsto no art. 42 do Regulamento de Organización e Funcionamento das Entidades Locais, aprobado por R.D. 2568/86 de 28 de novembro (ROF), dáse conta á Corporación dos Decretos e Resolucións adoptadas desde o 23 de xullo ata o 21 de setembro de 2012, numerados do 506/2012 ao 677/2012. O Pleno queda enterado ROGOS E PREGUNTAS. A Sra. voceira do Grupo municipal do Partido Popular indica que retira os Rogos e Preguntas presentados, para presentalos mañá por Rexistro. Os Sres. concelleiros non adscritos D. Antón Sánchez García e D. Juan Antonio Fariña Pedreira, presentaron os seus Rogos e Preguntas o día 25 de setembro, co núm. de rexistro de entrada: O Sr. concelleiro Juan Antonio Fariña pasa seguidamente a formulalos; son as seguintes: ROGOS: 1) É necesario acabar con un vertido de augas fecais que, segundo nos informan, se ven producindo dende hai moito tempo nun camiño situado detrás da antigua nave de UTANDE. (achega foto). Sra. alcaldesa: tomamos nota. 2) As beirarrúas de Ouces, entre O Casal e Mesoiro, precisan dunha limpeza, debido á maleza que as invade. (achega foto) Sra. alcaldesa: supoño que se refire vostede á estrada da Deputación; xa comezou co seu programa de conservación de viais. A semana pasada comezaron na zona de Bergondo. Sr. concelleiro non adscrito: ben. 3 ) Solicítase a reparación e a reposición do tellado do lavadoiro do Casal (Santa Marta) que recentemente foi obxecto de limpeza por parte dos veciños e veciñas. (achega foto) Sra. alcaldesa: igualmente tomamos nota para outros lavadoiros. 4) Solicítase a reparación do firme do camiño de acceso principal ao núcleo de Babío (Santa Marta) por encontrarse en moi mal estado dende hai xa tempo. (achega foto) Sra. alcaldesa: si é certo, tamén tomamos nota. O Sr. concelleiro non adscrito, indica que ten outros dos rogos, son os seguintes:.- Coméntanos que as luces do túnel de Sampaio non funcionan e isto pode ser incluso perigoso..- En Carrio, no cruce con Cruz do Sar, que levan sen alumeado público dende o luns. 13

14 PREGUNTAS: 1) Novidades (se as hai) en relación co PXOM de Bergondo. Sra. alcaldesa: se está a traballar no borrador de licitación e proximamente o traeremos á Comisión Informativa. 2) A xulgar polas información publicadas na prensa durante esta semana, gustaríanos que o equipo de goberno nos aclarase cal é a situación do pacto de goberno entre o PSOE e VB e se ese pacto corre perigo de ruptura, tal e como cabe deducir das informacións aludidas. Sra. alcaldesa: non creo que este sexa o sitio para falar de noticias que saen en prensa. Sr. concelleiro non adscrito: trátase de aclarar se hai fundamento na noticia, creo que este é o sitio, non sei cal é. Sra. alcaldesa: se efectivamente o houbera trasladariámolo neste sitio, non na prensa. Sr. concelleiro non adscrito: perfecto, nada mais. Non existindo máis asuntos que tratar, ás vinte e unha horas e cinco minutos remátase a sesión por orde da alcaldesa, e redáctase a presente acta da que eu, o secretario, dou fe. O secretario xeral V. e Pr.: A alcaldesa Federico Suárez Cancelo Alejandra Pérez Máquez 14