DEPARTAMENTO DE LINGUA GALEGA E LITERATURA CURSO

Transcrição

1 DEPARTAMENTO DE LINGUA GALEGA E LITERATURA CURSO CONTIDOS MÍNIMOS DE LINGUA GALEGA E LITERATURA 1º ESO Terase moi en conta a participación nas clases, a actitude positiva cara á materia e os compañeiros/as de estudo, e a entrega puntual dos traballos propostos. A realización das lecturas que se estabelecesen para cada nivel. É imprescindible a existencia dun caderno de clase que deberá estar actualizado: coas anotacións, apuntamentos, exercicios feitos e corrixidos no seu día. A caligrafía deberá ser lexible e esixirase un uso coherente dos signos de puntuación así como das marxes e demais recursos que facilitan a organización e comprensión dun texto escrito. Comprensión da situación idiomática de Galicia, valorando a lingua como medio de comunicación privilexiado e como elemento configurador da identidade persoal e colectiva. Valoración do feito de posuír dúas linguas nunha sociedade. As linguas existentes na Península. Lectura comprensiva usando recursos expresivos da lingua oral. Adquisición de estratexias para a realización de tarefas de aprendizaxe (subliñado, esquema, resumo, dicionario, biblioteca, uso das TIC). Comprensión do vocabulario usual. Clases de palabras e a súa morfoloxía (substantivo, adxectivo, pronome, verbo regular). Procedementos para a formación de palabras: composición e derivación. Campo semántico e familia léxica. Normas ortográficas básicas: o punto, a coma, o punto e coma, os dous puntos, acentuación, uso de b/v, h, s/x, c/z/qu. A literatura como fenómeno estético e comunicativo. A narración. Os textos poéticos. A poesía tradicional oral. Teatro. Textos dramáticos. 2º ESO Terase moi en conta a participación nas clases, a actitude positiva cara á materia e os compañeiros/as de estudo, e a entrega puntual dos traballos propostos. A realización das lecturas que se estabelecesen para cada nivel. É imprescindible a existencia dun caderno de clase que deberá estar actualizado: coas

2 anotacións, apuntamentos, exercicios feitos e corrixidos no seu día. A caligrafía deberá ser lexible e esixirase un uso coherente dos signos de puntuación así como das marxes e demais recursos que facilitan a organización e comprensión dun texto escrito. Comprensión da situación idiomática de Galicia, valorando a lingua como medio de comunicación privilexiado e como elemento configurador da identidade persoal e colectiva. Panorama xeral da situación social da lingua no contexto histórico. Lectura comprensiva usando recursos expresivos da lingua oral. Comprensión e valoración positiva dos diversos aspectos das producións orais. Ortografía. Dígrafos. Grupos cultos. Signos de puntuación. Acentuación. Interpretación do contido de textos escritos de distinto tipo. Coherencia textual. Clases de palabras e a súa morfoloxía: substantivo, adxectivo, pronome, verbos regulares e irregulares. Campos semánticos. Sinonimia, antonimia e polisemia. Unidades sintácticas. Distinción entre frase e oración. Constituíntes da frase e oración simple. Lectura e interpretación de textos literarios. Narración. Poesía. Texto dramático. Recoñecemento, análise e manipulación de discursos xornalísticos. 3º ESO A adquisición dos procedementos propios dunha comunicación (oral e escrita) correcta, fluída, coherente e adecuada ao contexto, polo que se ha de valorar sempre máis a práctica que os coñecementos teóricos. Terase moi en conta a participación nas clases, a actitude positiva cara á materia e os compañeiros/as de estudo, e a entrega puntual dos traballos propostos. A realización das lecturas que se estabelecesen para cada nivel. É imprescindible a existencia dun caderno de clase que deberá estar actualizado: coas anotacións, apuntamentos, exercicios feitos e corrixidos no seu día. A ortografía e a acentuación, así como os tiles diacríticos. O uso coherente dos tempos verbais no discurso. A correcta flexión das clases nominais, pronomes e verbos regulares e irregulares. O coñecemento das diferentes categorías gramaticais e a capacidade de identificar nun texto as seguintes: substantivos, adxectivos, verbos, pronomes e adverbios. A distinción e recoñecemento dos xéneros literarios. Recoñecemento dos períodos da historia da lingua e da literatura galegas, desde a Idade Media ata o século XIX. Recoñecemento dos tres grandes xéneros da lírica galego-portuguesa a través da

3 análise temática e formal de textos representativos. Coñecemento dos autores claves do Rexurdimento a través do comentario de textos representativos. 4º ESO A adquisición dos procedementos propios dunha comunicación (oral e escrita) correcta, fluída, coherente e adecuada ao contexto, polo que se ha de valorar sempre máis a práctica que os coñecementos teóricos. Terase moi en conta a participación nas clases, a actitude positiva cara á materia e os compañeiros/as de estudo, e a entrega puntual dos traballos propostos. A realización das lecturas que se estabelecesen para cada nivel. A ortografía e a acentuación xeral, así como os tiles diacríticos. O uso coherente dos tempos verbais no discurso. A correcta flexión das clases nominais, pronomes e verbos. A distinción e recoñecemento dos xéneros literarios. Comprensión da situación idiomática de Galicia. Prexuízos lingüísticos. Normalización lingüística. Coñecemento das variedades dialectais da lingua. Fonética:vocalismo e consonantismo. Sintaxe: a frase e a oración.os complementos do verbo.as oracións compostas. Características fundamentais dos períodos da literatura galega no século XX e da actualidade. Coñeceranse os autores/as máis relevantes do século XX relacionándoos a grandes trazos co seu contexto social e cultural. 1º BACHARELATO Expresarse oralmente e por escrito con adecuación, coherencia, cohesión e respecto das convencións ortográficas e paralingüísticas nas mensaxes emitidas. Valoración positiva da corrección lingüística e capacidade de autocorrección. Identificación de todas as categorías gramaticais e dominio das súas estruturas e das flexións propias de cada unha. Consciencia dos factores que condicionaron a evolución da lingua e a literatura galegas ao longo da súa historia ata o século XIX. Comprensión e análise de textos literarios dos períodos estudados (Idade Media, Séculos Escuros, Precursores, Rexurdimento). Comprensión, identificación e produción de textos descritivos, narrativos, dialogados, expositivos e argumentativos. Realización das lecturas propostas polo profesor ou profesora, e das probas ou dos traballos que se marquen para cada unha. 2º BACHARELATO Consciencia da situación actual da lingua galega e dos factores que condicionaron a súa evolución.

4 Coñecemento da lexislación vixente no tocante ao uso das dúas linguas oficiais de Galicia, vontade de exercer os dereitos que esta lexislación ampara e tolerancia cara ás opcións lingüísticas diferentes da propia. Coñecemento dos principais trazos dialectais da nosa lingua, bloques e áreas lingüísticas existentes e respecto por estas variantes orais coincidentes ou non coa propia, como fenómenos que son dunha lingua viva. Adecuación, coherencia, cohesión e respecto das convencións ortográficas e paralingüísticas nas mensaxes emitidas. Valoración positiva da corrección lingüística e capacidade de autocorrección. Identificación de todas as categorías gramaticais e dominio das súas estruturas e das flexións propias de cada unha. Identificación das diferentes estruturas sintácticas e a súa funcionalidade. Coñecemento dos autores/as e obras galegas máis relevantes e do seu contexto histórico e social, especialmente os/as do século XX e XXI. Comprensión e produción dos textos non literarios que teñen unha maior presenza na sociedade actual. Realización das lecturas propostas polo profesor ou profesora, e no seu caso, dos traballos respectivos. CONTIDOS MÍNIMOS DE PORTUGUÉS 1º ESO Competencias Presentarse Saudar e depedirse, felicitar Dar informacións de carácter persoal. Localizar e describir lugares. Pedir información sobre lugares Preguntar e dicir as horas Expresar preferencia Suxerir, invitar, rexeitar unha invitación ou suxestión, pedir desculpas. Falar de pasatempos e de días de festa Facer compras Pedir artigos en mercados Aconsellar e dar instrucións Vocabulario Os números As profesións A casa e a familia As horas As partes do día Os días da semana Medios de transporte Vestiario e cores Contidos gramaticais Verbos en presente regulares e irregulares

5 Pronomes persoais Preposicións de tempo Práctica de fonética O alfabeto Os ditongos e outros sons específicos do portugués: o b, o v, o f, o r. Soletrear palabras 2º ESO Competencias Recoñecer instrucións Describir unha cidade Falar sobre acontecementos pasados Desenvolver a comprensión oral Utilizar expresións de cortesía adecuadas Falar de experiencias Expresar agrado ou desagrado Analizar as dificultades de adaptación a un novo país ou cultura Vocabulario Instrucións Hábitos Fórmulas de cortesía Palabras que poden provocar confusión Contidos gramaticais O pretérito perfecto simple de verbos regulares e irregulares Algunha perífrase: andar a + infinitivo Ortografía e pronuncia: Repaso do alfabeto Sons nasais 3º ESO Competencias comunicativas Falar sobre si mesmo e sobre as rutinas diarias Caracterizar persoas Facer peticións e expresar desexos Escribir un correo electrónico e unha carta informal Falar sobre a vida escolar Escribir un CV e unha carta de presentacións Viaxar en autobús, tren ou avión. Vocabulario Caracterización persoal e rutinas diarias Amizade e contacto entre persoas Internet e os ordenadores Material escolar Mundo laboral Viaxes en avión, autobús, tren ou coche. Actividades turísticas Cultura portuguesa Contidos gramaticais Revisión do Presente e do Futuro Revisión da colocación dos pronomes átonos. Expresión do pasado: Pretérito Perfecto e Imperfecto de Indicativo

6 Expresión de cortesía Diferenzas entre infinitivo impersoal e persoal Pretérito Perfecto Composto de Indicativo Expresión de dúbida Ortografía e pronuncia Repaso alfabeto Vogais orais e nasais Sibilantes Acentos CRITERIOS SOBRE AVALIACIÓN, CUALIFICACIÓN E PROMOCIÓN DO ALUMNADO Avaliación inicial A avaliación inicial na ESO ten como finalidade obter información sobre os coñecementos previos na nosa materia e o grao de desenvolvemento das competencias clave. Consistirá nunha proba individual baseada nos contidos mínimos do curso anterior que incluirá preguntas de comprensión lectora a partir dun texto e tamén cuestións de ortografía, gramática e de literatura no caso de 3º e 4º da ESO. Esta proba será a mesma para cada nivel. O profesorado poderá aplicar outros instrumentos para avaliar a comprensión e expresión orais. A partir dos resultados decidirase se o nivel de cada alumno é o axeitado ou necesita algunha medida de reforzo. Avaliación trimestral: criterios de cualificación Lingua Galega e Literatura e Literatura Universal Os criterios de cualificación establecidos neste departamento para os catro cursos da ESO son os seguintes: a) O 70% da nota está constituído polas probas obxectivas, é dicir, exames e traballos individuais. O profesor establecerá o peso porcentual dos exames e dos traballos, podendo variar en cada avaliación. En todo caso, informará ao alumnado da porcentaxe asignada. b) O 10% asignarase ao uso oral da lingua. Por un lado, observarase a práctica diaria, o emprego na aula co profesor e cos compañeiros. Por outro lado, avaliarase a fluidez e corrección gramatical, fonética e léxica en textos orais planificados (exposicións, diálogos, debates). c) O 10% confórmao o traballo na aula, a realización correcta das tarefas na casa, o interese cara á materia e a participación nas actividades. En 1º e 2º de ESO valorarase ademais o caderno de clase, tanto no que respecta á correcta presentación como aos contidos. d) O 10% establécese a partir da comprobación da lectura de un libro, como mínimo, por trimestre. Poderá determinarse a través dunha proba ou dun traballo. En bacharelato os criterios de cualificación serán os mesmos agás no apartado c), que non se terá en conta, e no apartado a) que constituirá un 80% da nota. A ortografía tamén se valorará na obtención da cualificación do alumno. As faltas penalizaranse ata un máximo de 2 puntos, sempre e cando o alumno non realizase os exercicios de reforzo ortográfico que se lle poidan propor e non mostrase interese en mellorar a súa escrita. Aplicaranse distintos tipos de penalización segundo a etapa: ESO: Moi graves: tempos compostos, colocación incorrecta dos pronomes átonos, grafía y. Desconto 0.1.

7 Graves: erros nas grafías b/v, h ou castelanismos gramaticais ou léxicos en palabras de uso frecuente. Desconto Leves: Acentuación. Desconto 0.01puntos. Bacharelato: Moi graves: solucións alleas ó sistema lingüístico do galego (tempos compostos, colocación incorrecta dos pronomes átonos...). Desconto 0,2 puntos. Graves: solucións ortográficas contrarias á norma lingüística (b/v, h, y), acentuación diacrítica... Desconto 0.1. Leves: solucións galegas alleas ao estándar vixente. Acentuación non diacrítica. Desconto 0.05 puntos. Os castelanismos terán consideración, segundo os casos, de erros graves (ex. calle) ou leves (ex. peine). Procurarase implicar o alumnado na mellora da súa escrita recorrendo á autocorrección dos erros propios. Para isto sinalaranse os erros nos traballos entregados e nos exames sen que o profesorado achegue a forma correcta e solicitarase ao alumnado a entrega revisada dos seus textos. Lingua Portuguesa Os criterios de cualificación para esta materia serán os seguintes: a) O 20% está constituído polo traballo na aula, a realización correcta das tarefas na casa, o interese cara á materia e a participación nas actividades así como o caderno de clase. b) O 50% definirano as probas de expresión e comprensión escritas. c) O 30% relaciónase coas probas e actividades de expresión e comprensión oral. Avaliación ordinaria Lingua Galega e Literatura Nas avaliacións ordinarias o docente poderá optar por unha única proba da materia ou máis, segundo o considere oportuno. Así mesmo, de realizar varias probas poderá establecer unha cualificación mínima para realizar a media entre as diferentes probas efectuadas. A recuperación da materia poderá facerse, segundo o criterio do profesor, ao final de cada avaliación ou a través dunha proba única na 3ª avaliación. En ambos casos a puntuación do exame será do 70% no caso da ESO, e do 80% no caso de Bacharelato, sumándose a porcentaxe restante establecida nos criterios de cualificación. No caso de realizarse unha recuperación única, o alumnado que suspendese as tres avaliacións non poderá presentarse. Na avaliación de xuño a cualificación obterase a partir da media das tres avaliacións (tendo en conta as posibles recuperacións). Porén, cómpre sinalar que para a realización da media e que esta supoña a superación da materia é imprescindible que en cada unha das avaliacións a cualificación fose igual ou superior a 4. Así mesmo, o profesor poderá valorar positivamente a progresión nos resultados, tarefas e interese por parte do alumnado. Lingua Portuguesa Nas avaliacións ordinarias o docente realizará probas de distinto tipo (expresión e comprensión escritas, expresión e comprensión oral). Para a recuperación dunha avaliación atenderase á evolución na seguinte aplicando unha avaliación continua.

8 Avaliación extraordinaria Na avaliación extraordinaria de setembro o alumnado realizará unha proba que se axustará aos contidos mínimos. Por este motivo a cualificación redondearase á baixa (por exemplo, 5,8 = 5). Recuperación e avaliación de materias pendentes Lingua Galega e Literatura Alumnado de ESO: O alumnado coa materia pendente de cursos anteriores, por tratarse dun ámbito de aprendizaxe progresiva, terá un seguimento polo profesor do curso de referencia. Con este método conseguimos unha atención máis personalizada e un maior control no avance da asimilación de contidos. A recuperación da materia pendente realizarase ao longo do curso a través da entrega de material de traballo e de probas. O alumnado recibirá na 1ª e 2ª avaliación por parte do docente do presente curso un material práctico para realizar nun prazo acordado. A entrega deste correctamente feito e ao completo suporá suporá un 30% da súa cualificación e o 70% restante a proba. Ambos requisitos son obrigatorios. Se o alumno non entrega o material e/ou non se presenta ao exame da 1ª avaliación perderá o dereito a recuperar a materia pendente por parciais e deberá presentarse á convocatoria oficial de maio ou de setembro. Alumnado de bacharelato: O alumnado de 2º coa materia pendente de 1º de bacharelato terá un seguimento por parte do profesor do curso actual e, ao mesmo tempo, por parte da xefatura de departamento na hora semanal asignada para a atención a pendentes. Nesa hora aclararanse as dúbidas e poránselle tarefas ao alumnado sobre a materia do curso anterior. Haberá, ademais, dúas probas parciais da materia de 1º para avaliar a asimilación dos contidos que se están traballando. O resultado destas probas suporá o 90% da nota, o outro 10% irá ligado á asistencia ás clases de reforzo na hora semanal de atención a pendentes e á realización das actividades propostas. Se o alumno/a obtén así unha cualificación positiva xa non terá que presentarse á proba final. De non aprobar, terá dereito a un exame final de toda a materia en maio ou, de non superar este, á proba extraordinaria de setembro. Lingua Portuguesa Para a recuperación da materia pendente o profesorado valorará o aproveitamento, esforzo e interese do alumnado no curso actual. Ao tratarse de contidos progresivos se o alumnado obtén unha cualificación positiva na 1ª e 2ª avaliación darase por aprobada a materia pendente do curso anterior.