Subsidio por desemprego dos traballadores eventuais agrarios en Andalucía e Estremadura

Transcrição

1 Prestacións por desemprego Subsidio por desemprego dos traballadores eventuais agrarios en Andalucía e Estremadura Protección por desemprego XANEIRO GOBIERNO DE ESPAÑA MINISTERIO DE EMPLEO Y SEGURIDAD SOCIAL SERVICIO PÚBLICO DE EMPLEO ESTATAL

2 Catálogo de publicacións da Administración Xeral do Estado Edición realizada polo Servizo Público de Emprego Estatal Condesa de Venadito, Madrid Esta publicación oficial do SEPE edítase en castelán e nas linguas cooficiais do Estado NIPO WEB: Esta información ten carácter simplemente divulgativo.

3 ÍNDICE Traballadores por Conta Allea Agrarios da Seguridade Social * Beneficiarios...4 * Requisitos...5 * Cómputo de rendas...6 * Período mínimo de cotización...8 * Duración...11 * Responsabilidades familiares...12 * Nacemento do dereito...13 * Suspensión...13 * Continuación...14 * Extinción...15 * Tramitación...16 * Obrigas dos perceptores do subsidio...17 * Contía e pagamento...18 * Incompatibilidade...19 * Recoñecemento dun novo dereito...20 * Infraccións e sancións...20 O subsidio especial agrícola a favor dos traballadores maiores de 52 anos 22 * Beneficiarios e requisitos...22 * Duración...24 * Tramitación...24 * Continuación anual...24 * Pagamento, contía, causas de suspensión e extinción, incompatibilidades e obrigas dos perceptores...24

4 Traballadores por Conta Allea Agrarios da Seguridade Social Están establecidas dúas modalidades de subsidio por desemprego como medios de protección: a. Subsidio agrícola a favor dos traballadores eventuais do sistema especial para traballadores por conta allea agrarios da seguridade social b. Subsidio especial agrícola a favor dos traballadores eventuais do sistema especial para traballadores por conta allea agrarios da seguridade social maiores de 52 anos. Subsidio agrícola a favor dos traballadores eventuais do sistema especial para traballadores por conta allea agrarios da seguridade social Beneficiarios Os traballadores eventuais agrarios por conta allea incluídos no Sistema Especial para Traballadores por Conta Allea Agrarios da Seguridade Social que se encontren en situación de desemprego, maiores de 16 anos e con domicilio nalgunha localidade de Andalucía ou Estremadura, que percibisen este mesmo subsidio nalgún momento durante os tres anos naturais inmediatamente anteriores á data da solicitude. Os traballadores con contrato de fixo descontinuo incluídos no Sistema Especial para Traballadores por Conta Allea Agrarios da Seguridade Social que desenvolvan esta actividade nas Comunidades Autónomas de Andalucía e Estremadura, cando deixen de prestar servizos por finalizar ou terse interrompido a actividade intermitente ou de tempada da empresa ou cando se suspenda a actividade por causas económicas, tecnolóxicas ou de forza maior, ou cando tras esas situacións cesen involuntariamente nun traballo eventual agrario. A súa duración é variable segundo a idade, responsabilidades familiares e os días ou xornadas reais cotizadas á Seguridade Social. 4 Subsidio por desemprego dos traballadores eventuais agrarios en Andalucía e Estremadura <volver ao índice>

5 Requisitos Estar desempregado e acreditar dispoñibilidade para buscar activamente emprego e para aceptar unha colocación adecuada e subscribir o compromiso de actividade ao formular a solicitude. Estar inscrito no SEASS como traballador por conta allea, en situación de alta, ou asimilado á alta. Inscribirse como demandante de emprego e manter a devandita inscrición durante todo o período de percepción do subsidio. Estar ao corrente do pagamento nas cotizacións polos períodos de inactividade nos que corresponde ao traballador a obriga de cotizar dentro dos 12 meses anteriores á solicitude. Ter o domicilio nalgunha localidade de Andalucía ou de Estremadura. Ter 16 ou máis anos de idade e non ter a idade mínima que permita obter unha pensión contributiva de xubilación, a non ser que o traballador non tivese acreditado o período de cotización requirido para iso. Ter percibido o subsidio nalgún momento, durante os tres anos naturais inmediatamente anteriores á data da solicitude. Ter extinguido o subsidio anterior por ter transcorrido polo menos un ano desde o seu nacemento. Ter cuberto no Sistema Especial para Traballadores por Conta Allea Agrario da Seguridade Social un mínimo de xornadas cotizadas. Non ser el ou o seu cónxuxe propietarios, arrendatarios, parceiros ou titulares, por concepto análogo, de explotacións agropecuarias cuxas rendas superen a contía do salario mínimo interprofesional vixente, excluídas as pagas extraordinarias. Non encontrarse en situación incompatible coa percepción do subsidio. Carecer, no momento da solicitude e durante a percepción do subsidio, de rendas individuais de calquera natureza que, en cómputo anual, superen a contía do salario mínimo interprofesional vixente, excluídas as pagas extraordinarias. Cando o solicitante conviva con outras persoas maiores de 16 anos de idade nunha mesma unidade familiar, unicamente se entenderá cumprido o requisito de carencia de rendas cando, ademais de non posuír rendas <volver ao índice> Subsidio por desemprego dos traballadores eventuais agrarios en Andalucía e Estremadura 5

6 propias, a suma das de todos os integrantes daquela sexa inferior, en cómputo anual, ao límite de acumulación de recursos seguinte: Membros da unidade familiar maiores de 16 anos Límite de rendas 2 membros 2,00 veces o SMI 3 membros 2,75 veces o SMI 4 membros 3,50 veces o SMI 5 ou máis membros 4,00 veces o SMI Para determinar o límite de rendas considerarase o salario mínimo interprofesional incluídas as pagas extraordinarias. Para este cálculo entenderanse integrados na unidade familiar de convivencia o solicitante, o seu cónxuxe e os ascendentes e descendentes e demais parentes por consanguinidade ou afinidade, ata o segundo grao inclusive ou, se é o caso por adopción, que convivan con el. Se ademais convive con fillos menores de 16 anos, este límite elevarase na seguinte medida: Membros da unidade familiar maiores de 16 anos Fillos menores de 16 anos ou máis 2 2,10 x SMI 2,20 x SMI 2,30 x SMI 3 2,85 x SMI 2,95 x SMI 3,05 x SMI 4 3,60 x SMI 3,70 x SMI 3,80 x SMI 5 ou máis 4,10 x SMI 4,20 x SMI 4,30 x SMI SMI = Salario mínimo interprofesional. Cómputo de rendas Para os efectos de cumprir o requisito de carencia de rendas, terán a consideración de rendas as obtidas polo solicitante e os membros da súa unidade familiar nos 12 meses anteriores á solicitude, calquera que sexa o réxime económico matrimonial, orixe ou natureza e con carácter xeral polo seu importe bruto, tendo en conta os seguintes criterios: 6 Subsidio por desemprego dos traballadores eventuais agrarios en Andalucía e Estremadura <volver ao índice>

7 Rendementos de traballo Comprenden as rendas brutas de traballos, bolsas ou axudas similares, así como o importe da indemnización pola extinción do contrato de traballo que supere a contía da indemnización legal. Pensións e prestacións por desemprego Comprenden os ingresos brutos de todo tipo de pensións e prestacións, incluídas as pensións alimenticias e os salarios sociais ou similares. Rendas de capital mobiliario Inclúen os rendementos brutos das distintas contas bancarias e investimentos financeiros. Rendas de capital inmobiliario Comprenden os rendementos brutos dos bens inmobles arrendados e as imputacións de rendas de bens inmobiliarios, non arrendados e diferentes da vivenda habitual, ou doutro tipo. Rendas de actividades agropecuarias por conta propia e outras actividades Compútanse como rendas o rendemento neto reducido (ingresos menos gastos) dos distintos tipos de actividades, así como o importe das subvencións á actividade agraria. Outras rendas Inclúense como rendas o importe fiscal das plusvalías ou ganancias patrimoniais derivadas da venda de bens mobles e inmobles; premios de lotaría ou similares e o rendemento presunto do patrimonio; fondos de investimento ou plans de xubilación ou calquera outra forma de investimento de capital (a excepción da vivenda habitualmente ocupada polo traballador e dos bens cuxas rendas fosen xa computadas), obtido por aplicación do xuro legal do diñeiro vixente sobre o valor do ben, fondo ou plan. <volver ao índice> Subsidio por desemprego dos traballadores eventuais agrarios en Andalucía e Estremadura 7

8 O importe total das rendas antes indicadas diminuirase, se é o caso, co importe das cotas destinadas ao financiamento do Convenio Especial voluntario coa Administración da Seguridade Social directamente aboado polo traballador. Non se consideran rendas As rendas de traballo agrario como traballador eventual por conta allea. As asignacións da Seguridade Social por fillos a cargo. As rendas obtidas polo traballo agrario como traballador por conta allea de carácter fixo descontinuo, inferiores a unha contía equivalente a seis veces o salario mínimo interprofesional mensual vixente en cada momento. O importe do subsidio agrícola percibido polo solicitante e polos membros da súa unidade familiar. O importe da indemnización pola extinción do contrato de traballo que non supere a indemnización legal. Os salarios do traballo de colaboración social e de traballos compatibles co subsidio en programas de Fomento de Emprego. O cobramento anticipado da devolución fiscal á muller traballadora con fillos menores de 3 anos. Os plans de pensións non rescatados. Período mínimo de cotización Para acceder a este subsidio, considerarase que se cumpre co requisito de ter o período mínimo de cotización: Tendo cuberto no SEASS un mínimo de 35 xornadas cotizadas, nos 12 meses anteriores á situación de desemprego. Para estes efectos poderanse computar as xornadas traballadas en faenas agrícolas temporais no estranxeiro, sempre que o Órgano competente do Ministerio de Emprego e Seguridade Social visase o contrato de traballo e certifique as xornadas realizadas. Poderán computarse as xornadas reais traballadas en Andalucía e Estremadura polos traballadores fixos descontinuos agrarios que non fosen utilizadas para obter un dereito anterior á prestación por desemprego, aos subsidios por desemprego ou á renda agraria e se cubrisen nos 12 meses naturais inmediatamente anteriores á situación de desemprego. No caso de desempregados maiores de 35 anos ou menores da devandita idade con responsabilidades familiares, para completar o número mínimo de 35 xornadas traballadas, poderánselles computar as coti- 8 Subsidio por desemprego dos traballadores eventuais agrarios en Andalucía e Estremadura <volver ao índice>

9 zacións efectuadas ao Réxime Xeral da Seguridade Social con motivo dos traballos prestados en obras afectadas ao Programa de Fomento do Emprego Agrario ou outras asimiladas nos 12 meses inmediatamente anteriores á situación de desemprego, sempre que, polo menos, se cotizasen 20 xornadas reais ao Sistema Especial para Traballadores por Conta Allea Agrarios da Seguridade Social se foi perceptor do subsidio no ano inmediatamente anterior á data de solicitude; ou sempre que se cotizasen, polo menos, 30 xornadas reais ao Sistema Especial para Traballadores por Conta Allea Agrarios da Seguridade Social se non foi perceptor do subsidio no ano inmediatamente anterior á data de solicitude. Para os traballadores que foron beneficiarios do Emprego Comunitario no ano 1983 e perceptores do subsidio no ano inmediatamente anterior á solicitude, o número mínimo de xornadas reais traballadas ao Sistema Especial para Traballadores por Conta Allea Agrarios da Seguridade Social será de 20. Para a acreditación destas xornadas poderán computarse as cotizacións efectuadas ao Réxime Xeral da Seguridade Social durante os 12 meses inmediatamente anteriores á situación de desemprego, con ocasión do traballo prestado en obras afectadas ao Programa de Fomento do Emprego Agrario ou outras asimiladas, nas seguintes condicións: * Para os efectos de alcanzar este mínimo de 20 xornadas poderanse acreditar todas as cotizadas ao Réxime Xeral da Seguridade Social. * Para os efectos de acreditar un número superior de xornadas, das cotizadas ao Réxime Xeral poderanse computar, como máximo, un número igual ao das xornadas reais traballadas ao Sistema Especial para Traballadores por Conta Allea Agrarios da Seguridade Social. * O período de cómputo das cotizacións nos doce meses naturais inmediatamente anteriores á situación de desemprego retrotraerase polo tempo equivalente a que o traballador tivese permanecido en situación de Incapacidade Temporal ou Maternidade, sempre que as correspondentes xornadas non se tivesen en conta para o nacemento dun dereito anterior. As cotizacións ao Réxime Xeral da Seguridade Social que fosen computadas para o recoñecemento do subsidio agrícola non se terán en conta, en ningún caso, para o recoñecemento das prestacións por desemprego de carácter xeral. As cotizacións ao Réxime Xeral da Seguridade Social que se tivesen en conta para o recoñecemento das prestacións por desemprego de carácter xeral non poderán computarse para o recoñecemento deste subsidio. <volver ao índice> Subsidio por desemprego dos traballadores eventuais agrarios en Andalucía e Estremadura 9

10 Con 20 xornadas traballadas DE 29 A 51 ANOS Con máis de 20 e menos de 35 xornadas traballadas Por cada día que supere as 20, a duración de 100 días incrementarase en: Con 35 ou máis xornadas traballadas 100 5,33 días máis de subsidio por cada día traballado. Duración mínima: 105 días Duración máxima: 175 días 180 Con 20 xornadas traballadas 100 DE 52 A 59 ANOS Con máis de 20 e menos de 35 xornadas traballadas Por cada día que supere as 20, a duración de 100 días incrementarase en: 13,33 días máis de subsidio por cada día traballado. Duración mínima: 113 días Duración máxima: 287 días Con 35 ou máis xornadas traballadas 300 Con 20 xornadas traballadas 100 MÁIS DE 52 ANOS CON PERÍODO DE COTIZACIÓN NECESARIO PARA XUBILARSE EN SEASS, OU MÁIS DE 60 ANOS SEN CONDICIÓN Con máis de 20 e menos de 35 xornadas traballadas Por cada día que supere as 20, a duración de 100 días incrementarase en: 17,33 días máis de subsidio por cada día traballado. Duración mínima: 117 días Duración máxima: 343 días Con 35 ou máis xornadas traballadas 360 As fraccións que sexan iguais ou superen 0,50 computaranse como un día máis de dereito. 10 Subsidio por desemprego dos traballadores eventuais agrarios en Andalucía e Estremadura <volver ao índice>

11 Duración Será variable en función da idade do solicitante, das responsabilidades familiares que tivese e do número de xornadas reais traballadas e cotizadas nos 12 meses anteriores á situación de desemprego. Traballadores con 35 ou máis xornadas reais traballadas no sistema especial para traballadores por conta allea agrarios da Seguridade Social a. Para traballadores menores de 25 anos de idade sen responsabilidades familiares: A duración será de 3,43 días de subsidio por cada día traballado, computándose como un día máis de dereito a fracción resultante que sexa igual ou superior a 0,50 cun máximo de 180 días de subsidio. b. Traballadores menores de 25 anos con responsabilidades familiares: A duración do subsidio será de 180 días. c. Traballadores maiores de 25 anos e menores de 52 anos con ou sen responsabilidades familiares: A duración do subsidio será de 180 días. d. Traballadores maiores de 52 anos e menores de 60 anos con ou sen responsabilidades familiares: A duración do subsidio será de 300 días. e. Traballadores maiores de 52 anos de idade que, reunindo o período de cotización necesario para o recoñecemento da pensión contributiva por xubilación como traballador por conta allea no Sistema Especial Agrario da Seguridade Social, non poden acceder ao subsidio especial agrícola para traballadores maiores da devandita idade por non cumprir o requisito de ter cotizado ao SEASS como traballadores por conta allea de carácter eventual e ser perceptores do subsidio ininterrompidamente durante os últimos cinco anos: A duración do subsidio será de 360 días. f. Traballadores maiores de 60 anos con ou sen responsabilidades familiares: A duración do subsidio será de 360 días. <volver ao índice> Subsidio por desemprego dos traballadores eventuais agrarios en Andalucía e Estremadura 11

12 Traballadores que acceden ao subsidio agrícola tendo menos de 35 xornadas reais traballadas no Sistema Especial Agrario: A duración do subsidio nestes casos está en función da idade e os períodos cotizados ao Sistema Especial Agrario da Seguridade Social e no Réxime Xeral, coa limitación establecida ao respecto. Maior de 35 anos ou menor con cargas familiares: IDADE (anos) DURACIÓN (días) 16 a a (1) Máis de 52 anos con período de cotización necesario para xubilarse no Sistema Especial para Traballadores por Conta Allea Agrarios da Seguridade Social ou máis de 60 anos 360 (1) A duración deste colectivo será de 360 días se acredita reunir o período de cotización para xubilarse como traballador por conta allea no Sistema Especial Agrario da Seguridade Social e non pode acceder ao subsidio especial agrícola de maiores de 52 anos por non acreditar os requisitos de ter cotizado ao Sistema Especial Agrario e/ou percibir o subsidio agrícola ininterrompidamente durante os últimos 5 anos. Traballadores que foron perceptores do emprego comunitario en 1983 e foron perceptores do subsidio no ano inmediatamente anterior á solicitude. A duración do subsidio graduarase en función da idade e os períodos cotizados á Seguridade Social no Sistema Especial para Traballadores por Conta Allea Agrarios da Seguridade Social e no Réxime Xeral con ocasión de obras afectadas ao Programa de Fomento do Emprego Agrario, coa limitación establecida ao respecto. Responsabilidades familiares Para fixar a duración do subsidio entenderase por responsabilidades familiares ter a cargo, polo menos, o cónxuxe ou un familiar por consanguinidade ou afinidade ata o segundo grao inclusive ou, se é o caso, por adopción, sempre que convivan co traballador. Non será necesaria a convivencia cando exista obriga de alimentos en virtude de convenio ou resolución xudicial. En caso de cónxuxe ou fillos, presumirase a convivencia, agás proba en contrario, cando estes teñan recoñecida a condición de beneficiarios de asistencia sanitaria da Seguridade Social. Non se poderán considerar, en ningún caso, a cargo do traballador, para os efectos da existencia de responsabilidades familiares, 12 Subsidio por desemprego dos traballadores eventuais agrarios en Andalucía e Estremadura <volver ao índice>

13 os que posúan rendas de calquera natureza, en contía anual igual ou superior ao 75 % do salario mínimo interprofesional, excluídas as pagas extraordinarias, sen que para iso se teñan en conta as rendas xeradas por traballos agrarios como traballadores por conta allea de carácter eventual. Cando as responsabilidades familiares se tivesen en conta para determinar a duración do subsidio dun membro da unidade familiar, outro membro da unidade familiar non poderá alegar a devandita circunstancia para tales efectos mentres o primeiro o siga percibindo. Nacemento do dereito O dereito ao subsidio iníciase a partir do día seguinte a aquel en que se efectúe a solicitude. Tamén se iniciará o dereito ao subsidio a partir do día seguinte a aquel en que se formule a solicitude se, a pesar dunha denegación deste por non ter ingresada a cota fixa ao Sistema Especial Agrario da Seguridade Social nos 12 meses naturais inmediatamente anteriores á solicitude ou, se é o caso, polo período inferior en que se mantivese a alta, acredítase no escrito de reclamación previa que a devandita carencia foi cuberta. Suspensión A suspensión do dereito supón a interrupción do aboamento ao traballador das prestacións económicas, e as causas que a motivan son: Mentres o titular do dereito realice un traballo de duración superior a tres meses e inferior a doce en actividades por conta propia ou allea suxeitas a réximes ou sistemas diferentes ao agrario. Mentres o titular do dereito realice un traballo por tempo limitado de duración superior a doce meses en actividades por conta propia ou allea suxeitas ao Sistema Especial para Traballadores por Conta Allea Agrario da Seguridade Social. Durante o tempo no que o titular do dereito se traslade a zonas nas que non se aplique este sistema de protección, sempre que o traslado non implique cambio de domicilio. Neste suposto, deberá comunicarse o devandito traslado, así como a finalización da devandita suspensión, ao Servizo Público de Emprego Estatal. <volver ao índice> Subsidio por desemprego dos traballadores eventuais agrarios en Andalucía e Estremadura 13

14 Traslado de residencia ao estranxeiro por período inferior a 12 meses, nos que o beneficiario declare que é para a busca ou realización de traballo, perfeccionamento profesional, ou cooperación internacional. Non terá a consideración de traslado de residencia ao estranxeiro a saída ao estranxeiro por un período máximo acumulado de 15 días cada ano. O traslado de residencia ao estranxeiro, así como a continuación do dereito tras o regreso, deberá comunicarse ao Servizo Público de Emprego Estatal na forma sinalada na tramitación. Cumprimento de condena que implique privación de liberdade, agás que o traballador teña cargas familiares e non dispoña de renda familiar ningunha, cuxa contía exceda do salario mínimo interprofesional, excluída a parte proporcional de dúas pagas extraordinarias, en cuxo caso continuará percibindo o subsidio. Pasar a percibir prestación de incapacidade temporal ou maternidade/paternidade. Por imposición de sanción que leve consigo a suspensión da prestación por desemprego. No caso de suspensión por sanción, ademais da interrupción do aboamento do subsidio, producirase a redución da súa percepción polo período establecido. Continuación En todos os casos de suspensión, agás por sanción, o traballador debe solicitar a continuación do dereito na Oficina do Servizo Público de Emprego Estatal que lle corresponda, ao finalizar a causa que determinou a suspensión. O dereito ao subsidio continuarase ao día seguinte da finalización da causa de suspensión, sempre que se solicite no prazo dos 15 días hábiles seguintes ao termo da devandita causa. Nos supostos de suspensión por sanción, o Servizo Público de Emprego Estatal procederá á continuación de oficio do subsidio suspendido, sempre que o período de dereito non se encontre esgotado e que o traballador figure inscrito como demandante de emprego. A solicitude de continuación do dereito ao subsidio agrícola por terminación dos traballos suxeitos a outros réximes ou sistemas da Seguridade Social, de duración superior a tres meses e inferior a doce, levará aparellada a inclusión do traballador no Sistema Especial Agrario da Seguridade Social, por proposta do Servizo Público de Emprego Estatal. 14 Subsidio por desemprego dos traballadores eventuais agrarios en Andalucía e Estremadura <volver ao índice>

15 No caso de suspensión por traslado fóra do ámbito protexido que non implique cambio de domicilio, o dereito continuarase a partir do momento no que o titular deste compareza na oficina e solicite a continuación sen necesidade de acreditar a causa de suspensión. Extinción O dereito ao subsidio agrícola extínguese polas causas seguintes: Esgotamento do prazo de duración do subsidio. Cando se cumpra un ano desde o seu nacemento. O devandito prazo poderase ampliar por un tempo máximo equivalente ao que o traballador tivese permanecido en situación de incapacidade temporal ou maternidade, na medida en que resulte necesario para que o traballador poida percibir a totalidade do dereito recoñecido tras a súa continuación, unha vez desaparecida a causa de suspensión. Pola realización dun traballo de duración igual ou superior a 12 meses por conta allea, agás que se trate de actividades por tempo limitado, de duración superior a doce meses en actividades por conta propia ou allea suxeitas ao Sistema Especial para Traballadores por Conta Allea Agrario da Seguridade Social, en cuxo caso se suspende o dereito. Por traslado de domicilio do traballador fóra do ámbito xeográfico de aplicación do subsidio. Pola perda da condición de traballador eventual incluído no Sistema Especial Agrario. Pola obtención de rendas incompatibles co subsidio ou a superación do límite familiar de acumulación de rendas que se indica para o recoñecemento do dereito. Por chegar á idade mínima que se esixa para causar dereito á pensión contributiva de xubilación, agás que o traballador non tivese acreditado o período de cotización requirido para iso. Por pasar a ser perceptor de calquera prestación de pagamento periódico da Seguridade Social que, á súa vez, sexa incompatible co traballo ou que, sen selo, exceda na súa contía á do salario mínimo interprofesional vixente, excluída a parte proporcional de pagas extraordinarias, ou pasar a ser perceptor de calquera outra prestación por desemprego. <volver ao índice> Subsidio por desemprego dos traballadores eventuais agrarios en Andalucía e Estremadura 15

16 Por traslado de residencia ao estranxeiro por un tempo superior a 12 meses, ou non sendo superior, non sexa para a busca ou realización de traballo, perfeccionamento profesional, ou cooperación internacional. Por imposición de sanción que leve consigo a extinción do subsidio por desemprego. Renuncia voluntaria ao dereito. Tramitación Os traballadores eventuais desempregados deberán inscribirse como demandantes de emprego, e solicitar o subsidio, a elección do traballador, por procedementos electrónicos a través da páxina na oficina de prestacións que lle corresponda, nos rexistros do Servizo Público de Emprego ou doutras Administracións, incluídas as locais coas que exista convenio, ou dirixíndose ao Servizo Público de Emprego por correo, no prazo de quince días hábiles desde a súa situación de desemprego ou, se é o caso, desde que transcorrese un ano desde o nacemento do anterior dereito e achegar a seguinte documentación: Modelo oficial de Solicitude, que incorpora a declaración de rendas do solicitante e dos familiares que convivan con el, os datos para a domiciliación bancaria do pagamento do subsidio, a subscrición do Compromiso de actividade e a autorización para solicitar información doutros organismos tanto do solicitante coma dos membros da súa unidade familiar. Documento de identificación do solicitante e dos familiares que conviven ou están ao seu cargo que figuren na solicitude (soamente é necesaria a súa exhibición para verificar os datos): * Españois: documento nacional de identidade (DNI) ou pasaporte. * Estranxeiros residentes en España: a. Comunitarios: certificado de rexistro da Unión Europea no que consta o NIE, xunto co pasaporte ou documento identificativo no seu país de orixe. b. Non comunitarios: tarxeta de identidade de estranxeiros (TIE) e o pasaporte. Libro de familia ou documento equivalente no caso de estranxeiros. Resolución xudicial ou escrito de formalización do acollemento. 16 Subsidio por desemprego dos traballadores eventuais agrarios en Andalucía e Estremadura <volver ao índice>

17 Sentenza e/ou convenio regulador, en caso de separación ou divorcio. Agás que a empresa estea incorporada ao sistema Certific@2, certificado de empresa que acredite a situación de desemprego coas últimas xornadas traballadas. Certificado da Delegación ou Subdelegación do Goberno para acreditar a realización de xornadas en faenas agrícolas temporais no estranxeiro. Agás que a empresa estea incorporada ao sistema Certific@2, certificado de empresa que acredite, se é o caso, as xornadas traballadas en obras afectadas ao Programa de Fomento do Emprego Agrario (AEPSA). Agás que a empresa estea incorporada ao sistema Certific@2, deberase achegar certificado de empresa que acredite que finalizou ou se interrompeu a actividade de fixo descontinuo agrario, así como o número de xornadas, se se ten a devandita condición. En caso de que a entidade xestora o requira, deben presentarse os xustificantes de rendas. O prazo máximo no que o Servizo Público de Emprego Estatal debe resolver a solicitude do subsidio é de 15 días seguintes á data en que esta se tivese formulado e cursar a notificación no prazo de 10 días a partir da data do seu ditado. Obrigas dos perceptores do subsidio Subscribir o compromiso de actividade. Proporcionar a documentación e información para os efectos do recoñecemento, extinción ou continuación do subsidio e comunicar aos Servizos Públicos de Emprego autonómicos (SPE) e ao Servizo Público de Emprego Estatal (SEPE), o domicilio e, se é o caso, o cambio de domicilio facilitado para os efectos de notificacións, no momento en que este se produza. Comunicar na Oficina do Servizo Público de Emprego as rendas que se obtivesen, que sexan incompatibles coa percepción do subsidio, segundo o descrito no apartado «Cómputo de rendas». Renovar a demanda de emprego na data e forma que determine no documento de renovación. Comparecer, cando sexa previamente requirido, ante a Entidade Xestora, a Oficina do Servizo Público de Emprego, as Axencias de Colocación sen fins lucrativos ou as entidades asociadas dos Servizos Integrados para o Emprego. 17 Subsidio por desemprego dos traballadores eventuais agrarios en Andalucía e Estremadura <volver ao índice>

18 Participar nos traballos de colaboración social, programas de emprego ou en accións de promoción, formación ou reconversión profesionais que determine o Servizo Público de Emprego ou as entidades asociadas dos Servizos Integrados para o Emprego. Aceptar as ofertas de colocación adecuada que lle sexan ofrecidas pola Oficina do Servizo Público de Emprego ou pola Axencia de Colocación sen fins lucrativos. Devolver á Oficina do Servizo Público de Emprego ou, se é o caso, á Axencia de Colocación sen fins lucrativos, no prazo de cinco días, o correspondente xustificante de ter comparecido no lugar e data indicados para cubrir as ofertas de emprego facilitadas por aqueles. Comunicar ao Servizo Público de Emprego Estatal as modificacións da súa situación que afecten a percepción do subsidio, no mesmo momento en que estas se produzan e, se é o caso, solicitar a baixa no subsidio, se tales modificacións supoñen unha situación incompatible con el. Devolver ao Servizo Público de Emprego Estatal o importe do subsidio indebidamente percibido. Contía e pagamento A contía diaria do subsidio será o 80 % do Indicador público de rendas de efectos múltiples (IPREM) vixente en cada momento. O número máximo de días de percepción do subsidio en cada mes será igual á diferenza entre trinta e o número de días traballados ou percibidos de prestación de incapacidade temporal ou maternidade/paternidade. O cálculo destes días que hai que pagar realizarao o Servizo Público de Emprego Estatal tendo en conta a información da que, sobre as xornadas reais traballadas durante o mes en actividades de carácter eventual suxeitas ao Sistema Especial para Traballadores por Conta Allea Agrario da Seguridade Social e en actividades de carácter fixo suxeitas ao devandito Sistema ou a outros sistemas e réximes da Seguridade Social, dispoña a Tesouraría Xeral da Seguridade Social. Iualmente, será determinante a información achegada polo traballador sobre as restantes situacións incompatibles coa percepción do subsidio. O aboamento do subsidio realizarase por meses vencidos mediante o ingreso en conta na entidade financeira colaboradora indicada polo solicitante da que sexa titular, agás nos casos excepcionais nos que o Servizo Público de Emprego Estatal autorice o pagamento en efectivo. 18 Subsidio por desemprego dos traballadores eventuais agrarios en Andalucía e Estremadura <volver ao índice>

19 En todo caso, o dereito á percepción das mensualidades vencidas caducará ao ano do seu vencemento respectivo. Para poder percibir o subsidio, os traballadores deben manter os requisitos esixidos para ter dereito a este. Incompatibilidade A percepción do subsidio por desemprego é incompatible: Coa realización simultánea dun traballo por conta propia ou allea. Cando así o estableza un programa de fomento ao emprego, poderá compatibilizarse a percepción do subsidio coa realización dun traballo por conta allea. Na actualidade poderán acollerse a esta compatibilidade os traballadores maiores de 52 anos nos seguintes termos: * Se o traballo está encadrado no Sistema Especial para Traballadores por Conta Allea Agrario da Seguridade Social, o Servizo Público de Emprego Estatal aboará ao traballador o 50 % do importe de subsidio. * Se o traballo está encadrado nun réxime ou sistema distinto ao Sistema Especial Agrario da Seguridade Social, só aboará o 50 % do subsidio. * Se a realización do traballo esixe traslado de residencia (dentro de Andalucía e Estremadura), poderase solicitar o aboamento, nun pagamento único, de tres meses de subsidio. * O traballador deberá achegar o contrato específico ou a comunicación do empresario que permite aplicar a compatibilidade. * Con calquera outra prestación económica por desemprego. * Coa percepción polo traballador de rendas de calquera natureza, superiores ao salario mínimo interprofesional, excluída a parte proporcional das pagas extraordinarias, sen que se teñan en conta as rendas orixinadas por traballos agrarios como traballadores por conta allea de carácter eventual. * Coa percepción pola unidade familiar de rendas, de calquera natureza, que superen o límite de acumulación de rendas establecido para o recoñecemento do dereito, sen que se teñan en conta as rendas orixinadas por traballos agrarios como traballadores por conta allea de carácter eventual. 19 Subsidio por desemprego dos traballadores eventuais agrarios en Andalucía e Estremadura <volver ao índice>

20 * Con calquera prestación de pagamento periódico da Seguridade Social que, á súa vez, sexa incompatible co traballo ou que, sen selo, supere na súa contía o salario mínimo interprofesional vixente, excluída a parte proporcional das pagas extraordinarias. Recoñecemento dun novo dereito Unha vez extinguido o dereito ao subsidio, o traballador poderá obter de novo o seu recoñecemento cando volva encontrarse en situación de desemprego, reúna os requisitos esixidos para o efecto e transcorra un ano, polo menos, desde o nacemento do dereito anterior. Para a determinación do número de xornadas reais computables, para o nacemento do dereito teranse en conta as realizadas a partir do nacemento do dereito anterior. Cando se produza a extinción do subsidio polo transcurso de 12 meses desde a data de inicio do subsidio sen esgotarse o período de percepción recoñecido, o traballador poderá optar entre: Solicitar a reapertura do dereito polo período que restase, ou Solicitar un novo subsidio, de acordo coas xornadas reais computables. de conformidade co disposto no parágrafo anterior. Cando opte polo subsidio anterior, as xornadas reais traballadas con anterioridade á data da opción non poderán ser computadas para o recoñecemento dun dereito posterior. Infraccións e sancións As infraccións son accións ou omisións contrarias ás disposicións que regulan a protección por desemprego, sancionándose, sen prexuízo doutras responsabilidades en que puidese incorrer, en función da súa clasificación. Infraccións leves Non comparecer, cando sexa previamente requirido, ante a Entidade Xestora, a Oficina do Servizo Público de Emprego, a Axencia de Colocación sen fins de lucro ou as Entidades Asociadas dos Servizos Integrados para o Emprego. 20 Subsidio por desemprego dos traballadores eventuais agrarios en Andalucía e Estremadura <volver ao índice>

21 Non renovar a demanda de emprego na forma e datas que se determinen no documento de renovación da demanda, agás causa xustificada. Non devolver á Oficina do Servizo Público de Emprego ou, se é o caso, ás Axencias de Colocación sen fins lucrativos, no prazo de cinco días, o correspondente xustificante de ter comparecido no lugar e data indicados, para cubrir as ofertas de emprego facilitadas por calquera delas, agás causa xustificada. Deixar de cumprir as obrigas contraídas ao subscribir o compromiso de actividade. Sancións correspondentes Perda do subsidio durante un mes. No caso de reincidencia, a segunda infracción sancionarase coa perda do subsidio durante tres meses, e a terceira infracción coa perda do subsidio durante seis meses. Unha cuarta infracción supoñería a extinción total do dereito ao subsidio. Infraccións graves Rexeitar unha oferta de emprego adecuada ou negarse a participar en traballos de colaboración social, programas de emprego ou en accións de promoción, formación e reconversión profesionais, ofrecidos ou determinados polo Servizo Público de Emprego, as Axencias de Colocación sen fins de lucro ou as Entidades Asociadas dos Servizos Integrados para o Emprego, agás causa xustificada. Non comunicar, agás causa xustificada, as baixas no subsidio no momento no que se produzan situacións de suspensión ou extinción do dereito ou se deixen de reunir os requisitos para a súa percepción, cando por calquera das devanditas causas se perciba indebidamente o subsidio. Sancións correspondentes As infraccións mencionadas no primeiro guión do punto anterior sancionaranse coa perda do subsidio durante tres meses. 21 Subsidio por desemprego dos traballadores eventuais agrarios en Andalucía e Estremadura <volver ao índice>

22 A reincidencia en calquera destas infraccións sancionarase coa perda do subsidio durante seis meses e a comisión dunha terceira infracción supoñería a extinción total do dereito ao subsidio. A infracción considerada no segundo guión do punto anterior sancionarase directamente coa extinción total do dereito ao subsidio. En todos os supostos de extinción do subsidio requirirase, se é o caso, o reintegro das cantidades indebidamente percibidas. Infraccións moi graves Compatibilizar a percepción do subsidio co traballo por conta propia ou allea. Obter fraudulentamente prestacións indebidas ou superiores ás que correspondan. A conivencia co empresario para a obtención indebida do subsidio por desemprego. Sancións correspondentes Extinción do subsidio. Reintegro das cantidades indebidamente percibidas. Igualmente, poderáselle excluír do dereito a percibir calquera prestación económica por desemprego e, se é o caso, axuda de fomento de emprego durante un ano. O subsidio especial agrícola a favor dos traballadores maiores de 52 anos Beneficiarios e requisitos Terán dereito a este subsidio aqueles traballadores maiores da devandita idade que, ademais de reunir os requisitos que con carácter xeral se indicaron para os Traballadores Eventuais do Sistema Especial Agrario da Seguridade Social, agás o de acreditar un número de xornadas reais traballadas, cumpran os indicados a continuación: 22 Subsidio por desemprego dos traballadores eventuais agrarios en Andalucía e Estremadura <volver ao índice>

23 Ter cotizado ao Sistema Especial Agrario da Seguridade Social como traballador por conta allea de carácter eventual e ter sido perceptor do subsidio ininterrompidamente durante os cinco últimos anos, e acreditar que, no momento da solicitude, reúnen o período de cotización necesario para o recoñecemento da pensión contributiva por xubilación. O requisito de Cotización ininterrompida ao Sistema Especial para Traballadores por Conta Allea Agrario da Seguridade Social considerarase cumprido cando en cada un dos meses comprendidos nos cinco anos naturais inmediatamente anteriores á solicitude o traballador estivese nunha das seguintes situacións: * Cotizando efectivamente ao Sistema Especial para Traballadores por Conta Allea Agrario da Seguridade Social. * Exercendo un cargo público representativo ou funcións sindicais de ámbito provincial ou superior, nos termos previstos na lexislación laboral, sempre que nos doce meses naturais anteriores ao primeiro que se compute nas devanditas situacións tivese cotizado efectivamente ao Sistema Especial para Traballadores por Conta Allea Agrario da Seguridade Social. * Cumprindo condena que implique privación de liberdade co mesmo requisito establecido no punto anterior. * Cotizando a outro Réxime ou Sistema da Seguridade Social como consecuencia da realización ocasional de traballos non agrarios, ou cotizando como traballador por conta propia agrario; sempre que a duración total das devanditas situacións dentro do período de cinco anos considerado non exceda de vinte e catro meses no Réxime Xeral da Seguridade Social ou de doce meses nos restantes casos. O requisito de percepción ininterrompida do subsidio considerarase cumprido cando en cada un dos cinco anos naturais inmediatamente anteriores á solicitude, o traballador estivese nunha das seguintes situacións: * Percibindo o subsidio nalgún momento do ano. * En situación de incapacidade temporal, maternidade ou exercendo un cargo público representativo ou funcións sindicais de ámbito provincial ou superior, nos termos previstos na lexislación laboral, sempre que a duración das devanditas situacións no ano fose superior a sete meses e que, no ano natural anterior ao primeiro que se compute nas devanditas situacións, se fose perceptor do subsidio agrícola ou beneficiario do emprego comunitario. * Cumprindo condena que implique privación de liberdade, cos mesmos requisitos establecidos no punto anterior. 23 Subsidio por desemprego dos traballadores eventuais agrarios en Andalucía e Estremadura <volver ao índice>

24 * Non ter percibido en ningún momento o subsidio por superación do límite familiar de acumulación de rendas, a pesar de reunir os restantes requisitos que posibilitarían o seu recoñecemento. Non terán dereito a este subsidio aqueles traballadores maiores de 52 anos que accedan ao subsidio agrícola como traballadores con contrato fixo descontinuo. Duración A duración anual do subsidio será de 360 días. Unha vez esgotado o dereito ao subsidio que lle correspondese, continuarase o dereito a este cada doce meses, a contar dende o inicio do primeiro dereito, sen necesidade de acreditar xornadas reais traballadas. Tramitación A tramitación deste subsidio especial será igual á que se indica no apartado «Tramitación do subsidio» xeral incluíndo como documentación que hai que achegar a que alí se indica, agás a relativa á acreditación de xornadas traballadas, por non necesitarse estas para acceder ao subsidio especial de maiores de 52 anos. Continuación anual Transcorrido un ano desde o recoñecemento inicial do dereito ou desde a continuación anual anterior, o traballador debe solicitar no prazo de quince días a continuación do subsidio da forma establecida, sempre que reúna os requisitos para a súa percepción, ata que alcance a idade para acceder a calquera tipo de xubilación. Pagamento, contía, causas de suspensión e extinción, incompatibilidades e obrigas dos perceptores O procedemento de pagamento, contía e obrigas, ao igual que as infraccións e as sancións, é o indicado para o subsidio. 24 Subsidio por desemprego dos traballadores eventuais agrarios en Andalucía e Estremadura <volver ao índice>

25 Para máis información: Servizo Público de Emprego Estatal (Tamén dispoñíbeis números provinciais) Trabajamos para ti