Dirixida a quen pretenda iniciar ou continuar estudos conducentes á obtención dalgunha das titulacións relacionadas no anexo IV e no anexo V.

Transcrição

1 RESOLUCIÓN REITORAL DO 30 DE MAIO DE 2014 POLA QUE SE PUBLICA A CONVOCATORIA DE MATRÍCULA DA UNIVERSIDADE DE VIGO PARA O CURSO ACADÉMICO 2014/2015 PARA AS ENSINANZAS DE GRAO E TITULACIÓNS A EXTINGUIR En cumprimento do establecido nos Estatutos da Universidade de Vigo (DOG do 2 de febreiro de 2010), e en aplicación do disposto no Real decreto 1892/2008 do 14 de novembro (BOE do 24) modificado polo R.D. 558/2010 do 7 de maio, polo que se regulan os procedementos para o ingreso nos centros universitarios, ESTA REITORÍA RESOLVE: Publicar a convocatoria de matrícula para o curso académico 2014/2015 nas ensinanzas de grao e titulacións a extinguir, así como para a homologación dos títulos estranxeiros, suxeita ás seguintes normas: PRIMEIRA. Tipos de matrícula 1.1. Ensinanzas de grao e titulacións a extinguir Dirixida a quen pretenda iniciar ou continuar estudos conducentes á obtención dalgunha das titulacións relacionadas no anexo IV e no anexo V Programas de intercambio Dirixida a estudantes doutras universidades, de conformidade co establecido nos respectivos convenios e nas restantes normas e convocatorias da Universidade de Vigo (ERASMUS, SICUE, ISEP, etc.) Visitantes Dirixida a estudantes doutras universidades que non se acollesen a programas de intercambio, de conformidade co disposto pola Oficina de Relacións Internacionais da Universidade de Vigo Homologación de títulos universitarios estranxeiros Dirixida a quen desexe homologar títulos universitarios estranxeiros e recibise, do Ministerio de Educación, Cultura e Deporte, unha resolución definitiva na que se especifiquen os requisitos formativos complementarios que precisa superar nunha universidade española. 1

2 SEGUNDA. Incorporación de estudantes Co fin de facilitar a incorporación de estudantes ás distintas ensinanzas na Universidade de Vigo, os procedementos de admisión son os indicados a continuación: 2.1. Admisión polo proceso convocado pola Comisión interuniversitaria de Galicia (CiUG) Haberá que ter superada algunha das probas ou posuír algún dos títulos recollidos no anexo III e solicitar a admisión (preinscrición) a través dos procedementos telemáticos que establece a CiUG ( para poder matricularse en primeiro curso por primeira vez, nos prazos establecidos no anexo I Admisión por recoñecemento de ECTS Poderán solicitar, no prazo establecido no anexo I, a admisión por recoñecemento de ECTS os seguintes colectivos: Quen teña iniciados e non terminados, estudos de grao en calquera universidade española e desexe o cambio de universidade e/ou estudos universitarios oficiais españois Estudantes universitarios de sistemas educativos doutros países O número de prazas ofertadas por titulación para este procedemento está recollido no anexo IV desta convocatoria segundo acordo do Consello de Goberno da Universidade de Vigo do 10 de marzo de Non poderán ser admitidos estudantes en titulacións e/ou plans de estudo de grao que se atopen en proceso de extinción na Universidade de Vigo se tiveran que cursar materias nas que non se imparte docencia. As solicitudes presentadas serán resoltas, por delegación reitoral, polo órgano de dirección do centro, de acordo co disposto no artigo 6 do RD 1393/2007 do 29 de outubro e modificacións posteriores, no prazo establecido no anexo I, para que este colectivo poida matricularse e participar nas actividades programadas dende o inicio do curso e poder ser avaliado como o resto do alumnado de continuación de estudos. O mínimo de créditos que haberá que ter recoñecido para acceder por esta vía é de 30 ECTS. A resolución favorable da solicitude de recoñecemento e admisión facultará ao solicitante para formalizar matrícula como estudante de continuación de estudos, no prazo establecido no anexo I, sen precisar de resolución expresa. Os estudantes que proveñan de universidades españolas, unha vez que teñan adxudicada a praza na Universidade de Vigo, deberán solicitar o traslado de expediente académico na universidade de procedencia e aportar á matrícula a documentación indicada no anexo II Admisión no curso de adaptación ao grao (curso ponte) A oferta de prazas no curso de adaptación ao grao indicada no anexo V vai dirixida a quen estea en posesión da requirida titulación universitaria oficial de ciclo curto, para cada caso, correspondente ao anterior sistema de ordenación das ensinanzas universitarias. 2

3 Para iniciar estudos no curso de adaptación ao grao con límite de prazas, deberá solicitarse previamente a admisión na titulación á que se pretende acceder, nos prazos que aparecen no anexo I desta convocatoria. Os modelos de solicitude aparecen no anexo VI desta convocatoria e estarán a disposición das persoas interesadas na dirección de internet de cada centro que aparece indicada no anexo V. A solicitude presentarase, xunto coa documentación indicada no anexo II, na secretaría do centro da titulación de grao ofertada, no rexistro xeral, en calquera dos rexistros auxiliares da Universidade de Vigo ou por calquera dos medios establecidos no artigo 38 da Lei 30/1992 do 26 de novembro, de réxime xurídico das administracións públicas e do procedemento administrativo común na redacción dada pola Lei 4/1999, do 13 de xaneiro. Os centros valorarán os criterios específicos de selección segundo o indicado no anexo V. Nestes casos tamén haberá que achegar a documentación xustificativa. Quen non achegue a documentación no prazo de presentación de solicitudes, terá 3 días, contados a partir do seguinte ao de remate do mesmo, para incorporar a documentación requirida, sendo suficiente notificación, para estes efectos, a información que figura nesta convocatoria sobre a documentación a presentar. As persoas que non presenten a documentación no prazo indicado, serán excluídas do proceso de admisión. Cada centro de estudos constituirá unha comisión de valoración das solicitudes admitidas a trámite que estará integrada como mínimo por un presidente, tres vogais (dous membros do profesorado e un membro do persoal de administración e servizos) e un secretario. Os centros que o consideren oportuno poderán determinar que sexa a súa comisión de recoñecementos e validacións quen asuma este procedemento. A comisión, no caso de presentarse máis solicitudes que prazas ofertadas, ponderará segundo o indicado nos criterios específicos de selección para cada caso. Entre os criterios poderase valorar o expediente académico, a experiencia laboral e profesional, a universidade pola que se obtivo a titulación, o coñecemento de idiomas, os cursos impartidos ou recibidos e a posesión doutros títulos universitarios. A nota media do expediente calcúlase de acordo co establecido no Real Decreto 1125/2003 e no protocolo de colaboración subscrito entre a consellería e as universidades galegas para a valoración dos expedientes académicos, resolución do 15 de setembro de 2011, da Secretaría Xeral Técnica da Consellería de Educación e Ordenación Universitaria. Naqueles casos nos que nun expediente non figure, en todas ou nalgunhas das materias, a cualificación numérica recollida no baremo do artigo 5.4 do R.D. 1125/2003, a cualificación cualitativa da materia converterase en cuantitativa mediante a aplicación do seguinte baremo: matrícula de honra: 10,00 puntos sobresaliente: 9,00 puntos notable: 7,50 puntos aprobado: 5,50 puntos adaptado/validado (cando non se especifique a cualificación obtida tomarán o valor numérico 5,50) recoñecido (cando non teñen cualificación ou que figuren coa mención de apto non se terán en conta para os efectos de cálculo da nota media) 3

4 Poderán recoñecerse materias do curso de adaptación ao grao, de acordo co establecido no anexo V, agás o Traballo Fin de Grao que en ningún caso poderá ser obxecto de recoñecemento. Todas as resolucións que se diten en aplicación deste procedemento deléganse no órgano de dirección do centro, facendo constar nas mesmas este carácter. As devanditas resolucións deberán ser motivadas, e nelas indicaranse as causas de exclusión e as reclamacións ou recursos, que no seu caso lle sexan aplicables Adaptación dunha titulación oficial en proceso de extinción ao grao que a substitúe Quen sendo estudante dunha titulación oficial en proceso de extinción, desexe adaptarse ao grao que a substitúe, deberá facer o recoñecemento de créditos a través da secretaría virtual no prazo indicado no anexo I e matricularse, nese mesmo prazo, na correspondente titulación de grao. A quen se lle resolva non apto unha solicitude de avaliación curricular das materias que lle restan nunha titulación en proceso de extinción, unha vez finalizado o prazo indicado no parágrafo anterior, dirixirá a solicitude de adaptación ao grao fóra de prazo e sempre con anterioridade a data de xeración de actas, ao órgano de dirección do centro Admisión por cambio de centro na Universidade de Vigo entre titulacións de grao co mesmo plan de estudos O número de prazas ofertadas por titulación mediante este procedemento está recollido no anexo IV segundo o acordo do Consello de Goberno da Universidade de Vigo do 10 de marzo de As solicitudes presentaranse no prazo establecido no anexo I e serán resoltas, por delegación reitoral, polo órgano de dirección do centro de acordo co disposto nos distintos procedementos e instrucións que para cada caso acorde a Universidade de Vigo. A resolución favorable da solicitude facultará para formalizar matrícula, no prazo establecido no anexo I, sen precisar de resolución expresa. No caso de que non se cubran todas as prazas ofertadas para este procedemento, será decisión dos decanatos ou direccións permitir cambios entre centros fóra do prazo establecido nesta convocatoria Para a realización dos requisitos formativos complementarios para a homologación de títulos estranxeiros De acordo co ditado na resolución de homologación, as persoas interesadas deberán cumprimentar o correspondente modelo de solicitude que aparece no anexo VI e formalizar a súa matrícula, nos prazos indicados no anexo I, directamente na unidade administrativa do centro de estudo elixido, onde entregarán a documentación indicada no anexo II. Cando o Ministerio de Educación, Cultura e Deporte estableza máis dunha opción, será a persoa a que opte libremente. Esta opción pode modificarse nos cursos seguintes, manténdose o prazo máximo que se dispón na normativa de homologación de títulos estranxeiros para a superación dos requisitos formativos complementarios. Non procederá a anulación da matrícula realizada para a homologación do título universitario oficial nas modalidades de proba de conxunto/proba de aptitude, período de prácticas 4

5 ou realización dun proxecto ou traballo. Procederá a anulación total da matrícula no caso de asistencia a cursos tutelados, cando se solicitase segundo o indicado na norma quinta da presente convocatoria. Ao remate de cada proba de avaliación, os centros farán pública unha relación nominal coas cualificacións obtidas nos termos de APTO ou NON APTO. As e os interesados poderán formular reclamación segundo o procedemento establecido no regulamento de estudantes para a impugnación das cualificacións. Os centros remitirán ao Servizo de Alumnado xunto coa copia da resolución do ministerio, o orixinal das actas, quedando no centro unha copia das mesmas. Cando se superen os requisitos formativos complementarios previos á homologación, as e os interesados solicitarán a certificación acreditativa correspondente no Servizo de Alumnado. A expedición da mesma pon fin ao procedemento, correspondéndolle á ou ao solicitante a súa presentación ante o ministerio. As persoas que non superaran os requisitos formativos en cursos anteriores e queiran presentarse de novo, deberán volver a matricularse e aboar os prezos correspondentes Proba de conxunto ou proba de aptitude A matrícula dará dereito á realización de dúas probas por curso académico. O tribunal cualificador estará constituído por cinco profesoras ou profesores doutores que impartan ensinanzas nas materias incluídas nas probas de conxunto ou de aptitude Período de prácticas As condicións de realización do período de prácticas serán establecidas por cada centro, tendo unha duración máxima de 500 horas. O seguimento e a valoración do período de prácticas serán realizados polo órgano que determine o centro, que nomeará un titor ou titora que será un profesor ou profesora da universidade que deberá posuír a mesma formación de grao que a persoa titulada no estranxeiro. Ao final do período de prácticas terase que presentar ao titor ou titora unha memoria ou traballo Realización dun proxecto ou traballo O traballo ou proxecto deberá iniciarse e concluírse dentro dun mesmo curso académico. Desenvolverase baixo a tutela dun director ou directora que establecerá os obxectivos do mesmo e a liña de traballo. Poderá actuar como tal calquera profesor ou profesora da universidade Asistencia a cursos tutelados A duración do curso non será superior á dun curso académico. O titor ou titora será profesor ou profesora do centro. Ao remate do curso, deberá realizar unha memoria ou traballo sobre o seu contido, avalado polo titor ou titora e avaliado pola comisión nomeada a tal efecto. 5

6 TERCEIRA. Formalización da matrícula Poderá matricularse na Universidade de Vigo quen teña concedida a admisión por calquera dos procedementos indicados na norma segunda desta convocatoria e quen desexe continuar os mesmos estudos nos que tivera formalizada a matrícula en cursos anteriores e non solicitara o traslado a outra universidade. A matrícula poderase formalizar en calquera materia do plan de estudos de cursos que non estean totalmente extinguidos, sempre que non se incorra nalgún dos supostos de impedimento de matrícula establecidos nas normas de xestión académica, na normativa de permanencia da Universidade de Vigo aprobada polo Consello Social o 13 de xuño de 2001 e modificacións posteriores, na normativa de permanencia e progreso do estudantado das titulacións oficiais de grao e de máster universitarios da Universidade de Vigo aprobada polo Consello Social o 2 de abril de 2013, en resolucións aclaratorias, nos plans de estudo e sen prexuízo das incompatibilidades de exame (materias chave) establecidas entre as distintas disciplinas. Quen teña que formalizar a matrícula nunha titulación en proceso de extinción e para poder completar os créditos necesarios para rematar a titulación necesite matricularse de materias optativas non ofertadas no presente curso académico, deberá dirixir unha solicitude ao Servizo de Alumnado no momento en que teña formalizada o resto da matrícula. Cando estea establecido límite de prazas nas materias optativas dun plan de estudos, o alumnado deberá realizar a través da secretaría virtual unha selección de materias por orde de preferencia co fin de ter concedida a admisión necesaria para poder formalizar a matrícula naquelas que lle sexan autorizadas Sistema de matrícula e entrega da documentación A matrícula na Universidade de Vigo formalizarase a través da secretaría virtual na páxina web nos prazos establecidos no anexo I. Quen por algunha circunstancia non poida formalizar a matrícula a través da secretaría virtual, deberá dirixirse, dentro do prazo, á unidade administrativa do seu centro de estudos. Na Universidade de Vigo non existe o trámite de reserva de praza polo que a matrícula quedará formalizada nese mesmo momento, independentemente de que entregue ou non a documentación necesaria e de que os prezos públicos estean ou non aboados. É obrigatorio indicar no momento da formalización da matrícula todos os motivos de exencións, axudas ou subvencións do pagamento dos prezos públicos aos que se poida ter dereito. A condición deberá cumprirse e a documentación deberá estar en vigor no momento da formalización da matrícula. A obriga do pagamento dos prezos públicos nace no mesmo momento no que se formaliza a matrícula a través da secretaría virtual ou na unidade administrativa do seu centro de estudos. O prazo para facer o pagamento dos prezos públicos será o establecido no anexo I. O feito de non aboar os prezos públicos non implica que a matrícula non estea formalizada nin a anulación automática da mesma. Unha vez realizada a matrícula haberá que presentar na unidade administrativa do centro de estudos, nos prazos establecidos, a documentación indicada para cada caso no anexo II. O feito de non presentar a documentación non implica que a matrícula non estea formalizada nin a anulación automática da mesma. Pasado o prazo correspondente e unha vez detectada a falta de documentación, o centro de estudos procederá segundo se indica nos apartados relativos ao procedemento de revisión de matrícula desta norma. 6

7 Co fin de dispoñer dos datos necesarios para dar apoio e facilitar os servizos e recursos específicos ás persoas que teñan algún tipo de discapacidade, poderase aportar o impreso PIUNE que figura no anexo VI Solicitudes de matrícula presentadas fóra do prazo establecido no anexo I Quen por algunha circunstancia non puidera formalizar a matrícula en prazo debera dirixir ao reitor unha solicitude motivada de matrícula fóra de prazo. Estas solicitudes tramitaranse no Servizo de Alumnado e presentaranse nos rexistros xeral ou auxiliares da universidade ou por calquera outro medio previsto na Lei 30/92, do 26 de novembro, de réxime xurídico das administracións públicas e do procedemento administrativo común, modificada pola Lei 4/99 do 13 de xaneiro. Non se concederán matrículas fóra de prazo cando xa se iniciara o proceso de xeración de actas de avaliación. 3.3 Modalidades de matrícula en titulacións de grao Segundo a normativa de permanencia e progreso do estudantado das titulacións oficiais de grao e de máster universitarios da Universidade de Vigo aprobada polo Consello Social o 2 de abril de 2013, a matrícula non poderá superar o límite máximo establecido para cada caso e realizarase tendo en conta as incompatibilidades establecidas no seu plan de estudos A tempo completo Alumnado de primeiro curso por primeira vez O alumnado de primeiro curso por primeira vez a tempo completo deberá matricularse dos créditos de que consta o primeiro curso das ensinanzas de grao Alumnado de continuación de estudos O alumnado de continuación en réxime de tempo completo formalizará matrícula, de xeito xeral, entre 48 e 60 ECTS por curso académico, agás a quen lle resten menos de 48 para rematar os estudos. Este colectivo de incluír na matrícula materias cursadas e non superadas, poderá matricularse ata 75 ECTS, segundo o establecido na normativa de permanencia e progreso do estudantado das titulacións oficiais de grao e de máster universitarios da Universidade de Vigo aprobada polo Consello Social o 2 de abril de A tempo parcial Para todo o alumnado a modalidade de matrícula a tempo parcial será de como mínimo entre 24 ECTS e menos de 48 ECTS, agás a quen lle resten menos de 24 para rematar os estudos Cambios na modalidade de matrícula Cando concorran circunstancias que impidan realizar os estudos a tempo completo, poderase solicitar simultaneamente á formalización da matrícula o cambio a tempo parcial sempre que se cumpran os requisitos esixidos na normativa de permanencia e progreso da Universidade de Vigo. 7

8 Será a comisión do centro con competencias académicas, quen resolverá as solicitudes de cambio na modalidade de matrícula, tendo en conta a mencionada normativa. A quen se lle conceda matrícula a tempo parcial deberá proceder, no prazo que se lle indique na resolución, a axustar a súa matrícula aos créditos establecidos. Se o prazo outorgado transcorre sen que se realice o axuste da matrícula, entenderase que se renuncia a realizar estudos a tempo parcial, e a matrícula será considerada a todos os efectos como a tempo completo. Se a resolución é desfavorable a persoa quedará matriculada a tempo completo ou poderá solicitar anulación total da matrícula no prazo establecido no anexo I. 3.4 Procedemento de revisión da matrícula e da documentación As unidades administrativas dos centros procederán á revisión da matrícula comprobando que todo o alumnado está matriculado do mínimo esixido e non supere o límite de créditos permitidos para cada caso, de acordo coa normativa de permanencia así como de posibles incompatibilidades de créditos matriculados. No caso de detectar algunha anomalía deberá iniciar o proceso para regularizar a situación, comunicándoo á persoa interesada e dando un prazo para a súa corrección. De non ser corrixido, a unidade administrativa rectificará e notificará o resultado á persoa afectada. No referente á revisión da documentación, unha vez finalizado o prazo de entrega establecido no anexo II as unidades administrativas dos centros procederán tendo en conta o seguinte: Documentación NON relativa a exencións, axudas e subvencións Comprobarase se a documentación está ou non presentada e o resultado deberá quedar reflectido na aplicación informática. As matrículas nas que non estea presentada toda a documentación pasarán de activa a arquivada, sendo suficiente notificación para estes efectos a información que se especifica no anexo II Documentación relativa a exencións, axudas e subvencións e procedemento de ratificación ou eliminación das mesmas Comprobarase se a documentación está ou non presentada e de ser correcta actualizaranse os datos na aplicación informática de selo caso. Cando se detecte a falta da documentación ou erros nela, procederase da seguinte maneira: Familia numerosa e persoal da Universidade de Vigo Nestes casos o procedemento iniciarase no Servizo de Alumnado que, previa comprobación co resto das unidades administrativas, será o responsable de comunicar os pasos a seguir para a ratificación ou eliminación desas exencións por parte dos centros Matrícula de honra de bacharelato/ciclo superior de F.P., discapacidade, vítima de acto terrorista, violencia de xénero e persoal das Universidades da Coruña e de Santiago de Compostela Nestes casos as unidades administrativas dos centros eliminarán o motivo de exención, axuda e/ou subvención sen necesidade de reclamar documentación por escrito nin de comunicar previamente dito cambio, sendo suficiente notificación para estes efectos, a información que figura nesta convocatoria sobre a documentación a presentar, e, de ser o caso, xerarase a carta de 8

9 pagamento correspondente que se remitirá por correo electrónico ao enderezo que figura na aplicación informática Solicitantes de bolsas con cargo aos orzamentos xerais do estado Este procedemento iniciarase na Sección de Bolsas da Universidade de Vigo, que dará as instrucións a seguir ás seccións implicadas do Servizo de Alumnado. No caso de que alguén se matricule como solicitante de bolsa e a Universidade de Vigo detecte e comprobe que dita bolsa non está presentada polos medios e prazos establecidos, procederase a eliminar dita condición na matrícula, sen necesidade de notificar previamente dito cambio, e a xerar a carta de pagamento comunicando a nova situación por correo electrónico ao enderezo que figura na aplicación informática. O prazo para realizar este pagamento será, para quen no momento da matrícula elixiu efectivo, o indicado na folla de liquidación e para quen elixiu domiciliación bancaria, as datas indicadas no anexo I. Así mesmo, no momento no que a universidade teña constancia da publicación de bolsas concedidas e denegadas, ao alumnado ao que lle sexa denegada definitivamente a solicitude seralle eliminada esa condición da súa matrícula, sen necesidade de notificar previamente dito cambio, e se lle xerará a carta de pagamento en EFECTIVO comunicando a nova situación por correo electrónico ao enderezo que figura na aplicación informática. Quen na súa matrícula non indicase que é solicitante de bolsa aínda que a teña solicitado polos medios e prazos establecidos, ten a obriga de aboar os prezos públicos e esperar ata a resolución da súa solicitude. No caso de que a bolsa lle sexa concedida, a devolución do importe que corresponda farase de oficio á conta bancaria indicada pola persoa interesada. CUARTA. Modificación da matrícula Enténdese por modificación de matrícula, a ampliación, a anulación parcial, a substitución dunhas materias por outras, e o cambio da inscrición das convocatorias de exame. Quen sexa estudante de primeiro curso por primeira vez non poderá facer ningún tipo de modificación de matrícula, salvo nos casos nos que se recoñezan materias dese curso. As modificacións estarán sometidas ás limitacións e impedimentos que se establecen na presente convocatoria de matrícula, nos plans ou programas de estudo, nas normas de xestión académica e na normativa de permanencia e progreso da Universidade de Vigo. A través da secretaría virtual poderá realizarse a modificación unha única vez. Quen precise facer máis modificacións ou quen requira autorización previa, deberá dirixirse á unidade administrativa do seu centro de estudos. Se como consecuencia da modificación da matrícula se produce unha variación no importe dos prezos públicos, farase un novo cálculo dos mesmos. Se resulta un importe a devolver pola universidade, procederase segundo se indica na norma novena. Se polo contrario, o importe é maior, aboarase segundo a forma de pagamento elixida e nos prazos indicados no anexo I. Quen non teña aboados os prezos públicos correspondentes á matrícula deberá saber que é posible que non poida realizar modificacións se unha vez efectuado o pagamento, este non se atopa conciliado dentro dese prazo. 9

10 Non terá dereito á anulación parcial de matrícula, quen se matricule na convocatoria extraordinaria de fin de carreira, das materias ou créditos necesarios para concluír os seus estudos Prazos de modificación de matrícula Primeiro período de modificación de matrícula Neste período recollido no anexo I, poderase modificar a matrícula realizada, en calquera das materias matriculadas Segundo período de modificación de matrícula Neste período recollido no anexo I, poderase modificar a matrícula realizada, tan só de materias do segundo cuadrimestre. Quen non reunira os requisitos para matricularse en materias do segundo ciclo no período ordinario de matrícula, se os cumpre tras as primeiras probas de avaliación, poderá matricularse nestas materias, aplicándose as mesmas condicións e requisitos que para as demais modificacións se regulan nesta convocatoria. As modificacións tanto entre materias optativas como entre materias de libre elección estarán afectadas polas limitacións que se establecen nesta convocatoria Solicitudes de modificación de matrícula presentadas fóra dos prazos establecidos As solicitudes de modificación de matrícula presentadas fóra dos prazos establecidos no anexo I tramitaranse nas unidades administrativas dos centros e serán desestimadas por extemporáneas, agás nos seguintes casos: Materias optativas e de libre elección que serán susceptibles de anulación ao longo do curso académico se durante o mesmo concorren circunstancias como as que derivan de recoñecemento ou validación. Materias que se modifiquen nos acordos académicos ou contratos de intercambios de mobilidade para estudantes propios da Universidade de Vigo sempre que sexa antes dos 15 días seguintes ao da modificación do contrato. Ditas solicitudes serán resoltas por delegación reitoral polo órgano de dirección do centro. Os recursos interpostos a estas resolucións serán remitidos ao Servizo de Alumnado. QUINTA. Anulación total da matrícula 5.1. Prazos para presentación de solicitudes Poderase solicitar anulación total de matrícula nos prazos establecidos no anexo I Lugar de presentación e tramitación de solicitudes As solicitudes, dirixidas ao Reitor, e nas que deberá constar un correo electrónico e un teléfono de contacto, presentaranse por calquera dos medios que a continuación se relacionan: rexistro xeral do campus de Vigo (Xerencia e Servizos Centrais - Campus de Vigo) rexistro auxiliar (E.E.Industrial rúa Torrecedeira Vigo) 10

11 rexistro auxiliar do Campus de Ourense (Edificio Administrativo - As Lagoas) rexistro auxiliar do Campus de Pontevedra (E.E. Forestal A Xunqueira) calquera outro previsto na Lei 30/92, do 26 de novembro, de réxime xurídico das administracións públicas e do procedemento administrativo común, modificada pola Lei 4/99 do 13 de xaneiro. As solicitudes de anulación total de matrícula tramitaranse no Servizo de Alumnado e a súa concesión estará condicionada ao aboamento do importe correspondente para este procedemento, que aprobe o Consello de Goberno e ratifique o Consello Social da Universidade de Vigo Impedimentos para a súa concesión Non procederá a anulación total da matrícula: Cando xa se concorrera a algunha convocatoria de exames, en ningún caso. Cando se teña a matrícula arquivada. Se o motivo do arquivo é por falta de pago dos prezos públicos, procederase, de ser o caso, segundo se indica na norma novena. Cando se autorizase a matrícula fóra dos prazos establecidos segundo indica a norma terceira da presente convocatoria, salvo cando de xeito excepcional, unha circunstancia sobrevida grave debidamente xustificada impida cursar os estudos Solicitudes presentadas fóra dos prazos establecidos As solicitudes de anulación total de matrícula presentadas fóra dos prazos establecidos no anexo I serán desestimadas por extemporáneas, agás que se dera algunha das circunstancias indicadas a continuación: 1) Cando concorren circunstancias como as que derivan de recoñecemento de créditos de libre elección, a materia de libre elección matriculada será susceptible de anulación ao longo do curso académico. 2) Cando se tramite de oficio, previo informe do órgano de dirección do Centro Universitario da Defensa da Escola Naval Militar de Marín, a quen cause baixa no centro docente militar de formación, ao longo do curso. 3) Cando se solicite fóra dos prazos establecidos por matrícula ou admisión nunha titulación oficial doutra universidade española, noutra titulación oficial desta universidade ou nun ciclo formativo de grao superior de formación profesional no mesmo curso académico. 4) Cando de xeito excepcional e unha vez iniciado o curso, unha circunstancia sobrevida grave debidamente xustificada impida cursar os estudos. Nos casos 2, 3 e 4, non procederá a devolución completa dos prezos públicos. Para situacións ocorridas ou solicitudes presentadas durante o primeiro cuadrimestre, devolverase o importe do segundo cuadrimestre e para situacións ocorridas ou solicitudes presentadas unha vez iniciado o segundo cuadrimestre, non procederá a devolución de ningún importe. Cando se poida conceder a anulación de matrícula fóra dos prazos establecidos pero non se efectuara o pagamento dos prezos públicos universitarios, aplicarase o procedemento indicado na norma novena da presente convocatoria, sobre a falta de pago dos prezos públicos. 11

12 SEXTA. Prazas vacantes Unha vez rematado o proceso de adxudicación de prazas no sistema universitario de Galicia para este curso, segundo o procedemento e calendarios fixados pola Comisión Interuniversitaria de Galicia, de quedar prazas vacantes nalgunha titulación da Universidade de Vigo, publicarase a convocatoria de prazas vacantes. SÉTIMA. Dereito de avaliación O alumnado ten dereito a concorrer ao longo do curso ás probas de avaliación que se determinen de acordo cos calendarios fixados polos centros. Este dereito de avaliación quedará limitado polas incompatibilidades académicas que establezan os plans de estudo ou as programacións académicas de conformidade coa normativa aplicable. Non poderá ser avaliada e cualificada ningunha persoa que non estea matriculada na materia correspondente e en ningún caso se autorizarán matrículas de materias con posterioridade á data de realización do exame. O alumnado de titulacións a extinguir que se inscriba na convocatoria extraordinaria chamada de decembro ou na de fin de carreira e o alumnado de titulacións de grao que se inscriba na convocatoria de fin de carreira, se non se presenta a estes exames, poderá concorrer ás probas de avaliación no primeiro ou segundo período e en xullo, sempre que non incorra nalgún impedimento por ter esgotadas o número máximo de convocatorias da materia Para titulacións oficiais de ensinanzas de grao Nas ensinanzas de grao establécese unha única cualificación por curso académico, se ben realizaranse dúas etapas de avaliación, unha ao remate de cada cuadrimestre e outra no mes de xullo, conforme ao calendario académico que aprobe o Consello de Goberno para este curso Convocatoria extraordinaria de fin de carreira Esta opción vai dirixida exclusivamente a quen lle resten un máximo de 24 ECTS (non se terán en conta os créditos do traballo fin de grao) para concluír os seus estudos. É requisito indispensable ter sido avaliado destes contidos con anterioridade e que o traballo fin de grao estivera matriculado en cursos anteriores. O cumprimento dos requisitos para concorrer a esta convocatoria deberán reunirse no prazo de matrícula. Non procederá, polo tanto, a matrícula de estudantes que reúnan os requisitos tras superar materias neste curso académico ou por serlle recoñecidos estudos ou actividades realizadas no mesmo curso. A inscrición formalizarase da totalidade dos ECTS que resten para concluír os estudos, reportará os prezos públicos que se establecen para a matrícula ordinaria e realizarase conxuntamente coa matrícula. En ningún caso procederá a inscrición con posterioridade á realización dos exames. Excepcionalmente poderán quedar excluídas da convocatoria de fin de carreira aquelas materias que a xunta de centro xustifique atendendo aos requisitos establecidos nas correspondentes memorias de verificación. No caso de presentarse aos exames e non superar algunha materia, só terán dereito a presentarse na convocatoria extraordinaria de xullo. 12

13 Convocatoria ordinaria Realizarase ao remate de cada cuadrimestre Convocatoria extraordinaria de xullo Realizarase no período indicado no calendario escolar que aprobe o Consello de Goberno Para titulacións oficiais con plans de estudos a extinguir A formalización da matrícula dará dereito a concorrer no curso a dúas convocatorias de exame, segundo o disposto nas normas de xestión académica da Universidade de Vigo, agás se o número de convocatorias utilizadas polo alumnado llo impedise Convocatoria extraordinaria de fin de carreira Esta opción vai dirixida exclusivamente a quen lle resten un máximo de 40 créditos para concluír os seus estudos, aínda que non se tivera matriculado con anterioridade nestas materias ou créditos. Este requisito deberá entenderse só das materias ou créditos necesarios para obter a titulación. O cumprimento dos requisitos para concorrer a esta convocatoria deberán reunirse no prazo de matrícula. Non procederá, polo tanto, a matrícula de estudantes que reúnen os requisitos tras superar materias nalgunha das convocatorias, ordinarias ou extraordinarias, deste curso académico ou por serlle recoñecidos estudos ou actividades realizadas no mesmo curso. A inscrición formalizarase da totalidade das materias ou créditos que resten para concluír os estudos, reportará os prezos públicos que se establecen para a matrícula ordinaria e realizarase conxuntamente coa matrícula. En ningún caso procederá a inscrición con posterioridade á realización dos exames. Non se poderá inscribir na convocatoria extraordinaria de fin de carreira quen teña superadas a totalidade das materias ou créditos esixidos para a obtención do título. Quedan excluídas da convocatoria de fin de carreira as seguintes materias ou actividades: Os prácticum Os traballos academicamente dirixidos As materias que esixan a superación de prácticas para ser aprobadas agás que os centros autoricen o contrario Os traballos ou proxectos fin de carreira A quen se lle esixa ter superadas todas as materias do plan de estudos para a realización do proxecto ou traballo fin de carreira, poderá inscribirse na convocatoria de fin de carreira nas materias ou créditos que teña pendentes para concluír os seus estudos, sempre que reúna os requisitos esixidos nesta convocatoria. Para o cómputo do número de créditos non se terán en conta os do traballo ou proxecto fin de carreira, agás nos casos nos que para realizalo non se precise ter superadas todas as demais materias que conforman o plan de estudos. No caso de presentarse aos exames na convocatoria de fin de carreira e ademais no 1º ou 2º cuadrimestre, e non superar algunha materia, quen desexe presentarse na convocatoria extraordinaria de xullo, deberá formalizar unha nova matrícula no prazo indicado no anexo I. 13

14 Convocatoria extraordinaria para titulacións a extinguir que realicen os exames na convocatoria chamada de decembro A inscrición realizarase no momento da matrícula e poderán facela aquelas persoas matriculadas nos diferentes centros desta universidade en materias das que sexan repetidores por estaren inscritas nelas en cursos anteriores. En ningún caso o número de materias inscritas será superior a 40 créditos. Quen se presente a exame nesta convocatoria, só poderá utilizar dentro do actual ano académico outra convocatoria á súa elección, no 1º ou 2º cuadrimestre ou en xullo. Quen supere materias nesta convocatoria extraordinaria, poderá solicitar a ampliación da súa matrícula en tantas materias ou créditos como aprobe, sen que estes créditos computen no número máximo a matricular, e dentro do prazo indicado no anexo I Convocatoria extraordinaria para titulacións a extinguir que non realicen os exames na convocatoria chamada de decembro A inscrición realizarase no momento da matrícula e poderán facela aquelas persoas matriculadas nos diferentes centros desta universidade en materias das que sexan repetidores por estaren inscritas nelas en cursos anteriores. En ningún caso o número de materias inscritas será superior a 40 créditos. Quen se presente a exame nesta convocatoria extraordinaria só poderá utilizar dentro do actual ano académico outra convocatoria á súa elección: Quen se presente á convocatoria extraordinaria ao remate do primeiro cuadrimestre das materias do segundo cuadrimestre e non as supere, poderá presentarse ben na convocatoria ordinaria ao remate do segundo cuadrimestre ou ben na convocatoria extraordinaria de xullo. Quen se presente á convocatoria ordinaria ao remate do primeiro cuadrimestre das materias do primeiro cuadrimestre e non as supere, poderá presentarse ben na convocatoria extraordinaria ao remate do segundo cuadrimestre ou ben na convocatoria extraordinaria de xullo Convocatoria ordinaria Realizarase ao remate de cada cuadrimestre Convocatoria extraordinaria de xullo Realizarase no período indicado no calendario escolar que aprobe o Consello de Goberno. OITAVA. Simultaneidade de estudos Haberá que ter concedida a simultaneidade previamente á formalización da segunda matrícula. As solicitudes dirixiranse ao Reitor, tramitaranse no Servizo de Alumnado e resolveranse consonte ao disposto na orde ministerial do 28 de setembro de 1984 (BOE do 9 de outubro), no artigo 14 das normas de xestión académica desta universidade aprobadas pola Xunta de Goberno do 28 de maio de 2001 e modificacións posteriores que dispón: Non se poderán simultanear estudos cando as dúas titulacións estean sometidas a límite de prazas no curso académico que se solicite, agás que rematado o proceso de ingreso resulten vacantes na segunda titulación e na normativa de permanencia e progreso do estudantado das titulacións oficiais de 14

15 grao e máster universitarios da Universidade de Vigo (aprobada polo Consello Social o 2 de abril de 2013). Quen pretenda simultanear unha titulación oficial xa iniciada con outra afectada pola limitación de prazas, deberá ter en conta que para que esta lle poida ser concedida haberá que: Esperar a que unha vez rematado o proceso de adxudicación de prazas no sistema universitario de Galicia, se publique a convocatoria de prazas vacantes, momento no que deberá solicitar praza na nova titulación. Cumprir os requisitos de matrícula a tempo completo establecidos na mencionada normativa de permanencia e progreso, para cada titulación. Non superar entre as dúas titulacións o número máximo de créditos matriculados permitido Simultaneidade entre dúas titulacións oficiais de grao ECTS. O máximo de créditos matriculados entre as dúas titulacións non poderá superar os Simultaneidade entre titulacións oficiais non adaptadas ao EEES e titulacións de grao O máximo de créditos matriculados non poderá superar os 60 ECTS na titulación de grao e os 60 créditos na titulación non adaptada ao EEES Simultaneidade entre dúas titulacións oficiais non adaptadas ao EEES O máximo de créditos matriculados entre as dúas titulacións non poderá superar os 135. NOVENA. Prezos públicos, modalidades e formas de pagamento, conciliacións, falta de pagos e devolución de importes 9.1. Prezos públicos As matrículas formalizadas na Universidade de Vigo en calquera dos estudos conducentes á obtención de títulos oficiais, tanto para inicio como para continuación de estudos, reportan os prezos que estableza para cada curso académico o decreto da Consellería de Cultura Educación e Ordenación Universitaria da Xunta de Galicia Servizos académicos Aos prezos por servizos académicos poderá aplicárselle calquera das exencións, axudas e subvencións establecidas na resolución reitoral do 12 de maio de 2014, tal e como se indica na norma décima desta convocatoria. O importe resultante por servizos académicos só poderá demorarse, cando na formalización da matrícula se indique que se é solicitante da bolsa de estudos do MECD e se estea pendente da súa revisión. Unha vez revisada a solicitude de bolsa por parte da universidade e sempre que a resolución anual da Secretaría de Estado de Educación, Formación Profesional e Universidades, pola que se convocan as bolsas de carácter xeral e de mobilidade para estudantes de ensinanzas universitarias, así o indique, poderáselle requirir de xeito cautelar o aboamento dos prezos 15

16 públicos por servizos académicos, a quen non cumpra os requisitos establecidos na referida convocatoria Servizos administrativos Ao importe resultante da matrícula por servizos administrativos non se lle aplicará ningún tipo de exención, axuda e subvención. A totalidade dese importe aboarase nun único prazo, aínda que se solicite bolsa de estudos, xunto cos servizos académicos cando se elixa o pagamento íntegro ou no primeiro prazo de matrícula cando se elixa o pagamento fraccionado Apertura de expediente Aboará os prezos por este concepto quen inicie estudos nun novo plan de estudos, independentemente da forma de acceso. Igualmente reportará estes prezos públicos quen traslade o seu expediente doutra universidade para continuar os mesmos ou outros estudos na Universidade de Vigo Expedición e mantemento da tarxeta de identidade Este importe aboarase cada ano conxuntamente coa matrícula en concepto de expedición e mantemento, calquera que sexa a titulación ou titulacións das que se matricule Soporte e documentación da matrícula Está obrigado ao seu pagamento quen formalice matrícula na Universidade de Vigo, independentemente da titulación e na contía que corresponda Seguro escolar Toda persoa menor de 28 anos que curse estudos oficiais, está obrigada ao pagamento do seguro escolar. Este seguro aboarase unha soa vez por curso académico, independentemente das titulacións que se cursen. Poderase subscribir un seguro complementario e voluntario de accidentes. A información relativa a este seguro está dispoñible na Outros importes de xestión académica Poderanse aplicar importes para procedementos relacionados coa xestión académica como é o relativo ao procedemento de anulación de matrícula, cando sexan aprobados polo Consello de Goberno e ratificados polo Consello Social da Universidade de Vigo Modalidades e formas de pagamento dos prezos públicos Modalidades Íntegro No momento da formalización da matrícula, poderase optar polo pagamento íntegro. O importe poderá aboarse en efectivo, mediante domiciliación bancaria ou con tarxeta, segundo os prazos indicados no anexo I. No caso de facer unha modificación de matrícula se o importe resultante é a ingresar, aboarase segundo a opción elixida no momento da formalización da matrícula. 16

17 Fraccionado O pagamento fraccionado deberá facerse por domiciliación bancaria en calquera entidade e NON será preciso acudir ao banco a realizar ningún aboamento. De forma xeral establécense ata 6 prazos para aboar o importe correspondente á matrícula pero dependendo da data na que esta se formalice ou se modifique os prazos axustaranse da maneira indicada no anexo I Formas As formas de pagamento dos prezos públicos universitarios son: en efectivo, mediante domiciliación bancaria e con tarxeta. É importante elixir correctamente a opción desexada xa que modificala só será posible nos seguintes casos: Cando a forma elixida sexa en efectivo e o período indicado na folla de liquidación se atope vixente, sempre que a persoa interesada declare por escrito no momento de efectuar a solicitude de cambio que non efectuou ese pagamento. Cando a forma elixida sexa por domiciliación bancaria e o importe correspondente non estivese enviado ao cobro ou devolto. Estes cambios non poderán realizarse a través da secretaría virtual e será necesario dirixirse as unidades administrativas do centro de estudos e presentar, de ser o caso, o mandato bancario actualizado En efectivo O importe resultante da formalización da matrícula ou dunha modificación de matrícula haberá que aboalo no período indicado na folla de liquidación nalgunha das entidades bancarias colaboradoras coa Universidade de Vigo, isto é, Novagalicia Banco, Banco Santander, CaixaBank ou calquera outra coa que se estableza convenio. De non facelo aplicarase o indicado no procedemento relativo a falta de pago dos prezos públicos Mediante domiciliación bancaria Quen elixa esta forma de pagamento deberá indicar, na automatrícula a través da secretaría virtual, a conta bancaria e os datos completos do titular da mesma. Se os datos facilitados están incompletos, son incorrectos ou se o titular da conta non é a mesma persoa que o debedor, poderá dar lugar ao rexeitamento por parte da entidade bancaria e nese caso aplicarase o indicado no procedemento relativo á falta de pago dos prezos públicos. Aínda que é obrigatorio presentar, no prazo indicado no anexo II, o documento de autorización asinado polo titular da domiciliación (como o que figura no anexo VI), a universidade remitirá o cargo á conta bancaria indicada no momento da formalización da matrícula mesmo no caso de non ter no seu poder dito documento. Quen se matricule na unidade administrativa do seu centro de estudos, deberá presentar o documento de autorización nese momento ou en caso contrario non poderá elixir esta forma de pagamento. Cando unha vez formalizada a matrícula se desexe modificar a información bancaria, será obrigatorio presentar un documento cos novos datos para que a partir do momento no que este sexa rexistrado pola unidade administrativa correspondente, poida terse en conta a solicitude de cambio. 17

18 Con tarxeta A aplicación informática permitirá seleccionar esta opción. É necesario seguir con atención o proceso ata o final, indicando o número de tarxeta e comprobando que o pagamento foi realizado correctamente. De non completar ben o proceso aplicarase o indicado no procedemento relativo a falta de pago dos prezos públicos Conciliación dos pagamentos relativos á matrícula A conciliación dunha liquidación relativa á matrícula ou calquera outro importe de prezos públicos realizarase de xeito automático entre a entidade bancaria colaboradora e a Universidade de Vigo e en ningún caso poderá verse reflectida no mesmo día no que se fai o pagamento na entidade bancaria. É moi importante ter en conta que os pagamentos en efectivo tardan entre 2 e 4 días en estar conciliados, os realizados a través de domiciliación bancaria non se confirman ata pasadas 8 semanas e os realizados mediante tarxeta, de xeito xeral, atópanse conciliados ao día seguinte de realizar o pagamento. Quen teña previsto rematar os seus estudos nas convocatorias de fin de carreira, decembro ou ao remate do primeiro cuadrimestre e se acolla á forma de pagamento mediante domiciliación bancaria, deberá saber que a solicitude de expedición do seu título poderá verse retrasada, polo que se recomenda que elixa como forma de pagamento da matrícula, efectivo ou tarxeta. De xeito xeral non é preciso presentar ningún xustificante de pagamento da matrícula, agás que por non constar na aplicación informática a conciliación do ingreso, este sexa requirido Falta de pago dos prezos públicos No caso de que os prezos públicos non sexan aboados segundo a forma de pagamento elixida e dentro do prazo indicado para cada caso ou cando os recibos domiciliados resulten rexeitados pola entidade bancaria: Deberase acudir ao centro de estudos onde se emitirá unha carta de pagamento en efectivo. Aplicarase a penalización aprobada polo Consello de Goberno e ratificada polo Consello Social da Universidade de Vigo. Dará lugar á suspensión temporal dos dereitos como estudante e, no seu caso, ao arquivo da matrícula e dos efectos que esta producise, sen dereito a ningún reintegro. Este arquivo farase de maneira cautelar no momento no que conste a falta de pago dos prezos públicos ou calquera dos seus fraccionamentos, polo procedemento que a universidade ten establecido para a emenda da falta de pago. A suspensión temporal de dereitos non afectará ao réxime de permanencia nin impedirá concorrer ás probas de avaliación de acordo cos calendarios fixados polos centros. Poderá comportar a esixencia dos importes correspondentes polo procedemento de constrinximento sobre o patrimonio do obrigado ao pagamento, consonte a normativa vixente. A Universidade de Vigo esixirá como condición previa de matrícula, de modificación, de resolución de peticións de anulación total, de expedición de títulos, de emisión de certificacións, de xestión de traslados e de acceso á secretaría virtual para calquera consulta ou tramitación, o pagamento das cantidades pendentes por matrículas de ensinanzas conducentes á obtención de títulos oficiais de cursos académicos anteriores e simultáneos. 18