QUERO INFORMACIÓN SOBRE CÓMO...

Transcrição

1 QUERO INFORMACIÓN SOBRE CÓMO...

2 Formarme 1.1. A FORMACIÓN PROFESIONAL NO SISTEMA EDUCATIVO 1.2. A FORMACIÓN PROFESIONAL PARA O EMPREGO 1.3. AS CUALIFICACIÓNS PROFESIONAIS E OS CERTIFICADOS DE PROFESIONALIDADE 1.4. A FORMACIÓN EN PREVENCIÓN DE RISCOS LABORAIS 1.5. OS CARNÉS PROFESIONAIS

3 1.1. A FORMACIÓN PROFESIONAL NO SISTEMA EDUCATIVO OS PROGRAMAS DE CUALIFICACIÓN PROFESIONAL INICIAL (PCPI) OS CICLOS DE GRAO MEDIO OS CICLOS DE GRAO SUPERIOR

4 PROGRAMAS DE CUALIFICACIÓN PROFESIONAL INICIAL (PCPI) 1. Que son programas de cualificación profesional inicial (PCPI)? 2. Quen pode participar nos programas de cualificación profesional inicial (PCPI)? 3. Canto duran os programas de cualificación profesional inicial? 4. Como se estruturan os programas de cualificación profesional inicial? 5. Que certificacións se obteñen ao finalizar os programas de cualificación profesional inicial? 6. Que profesións se poden aprender a través dos programas de cualificación profesional inicial? 7. Onde podo obter máis información sobre os programas de cualificación profesional inicial?

5 1. Que son programas de cualificación profesional inicial (PCPI)? Son programas que permiten adquirir unha cualificación profesional á vez que o graduado en educación secundaria obrigatoria. Estes programas creáronse para evitar ou previr o abandono escolar antes da finalización da escolaridade obrigatoria e abrirlle ás mozas e aos mozos en situacións de desvantaxes sociais e educativas novas alternativas. Deste modo, amplían ás súas expectativas de formación e titulación e ao mesmo tempo facilítaselles a inserción laboral nunha actividade profesional de xeito cualificado.

6 2. Quen pode participar nos programas de cualificación profesional inicial (PCPI)? Nos PCPI poderán participar con carácter xeral as persoas que teñan entre 15 anos, cumpridos antes do 31 de decembro do ano de inicio do programa. Tamén aqueles que teñan 21 anos e que non cursasen con anterioridade outro programa de cualificación profesional inicial e que non teñan o título de graduado en educación secundaria obrigatoria.

7 3. Canto duran os programas de cualificación profesional inicial? Os PCPI teñen unha duración de dous cursos académicos.

8 4. Como se estruturan os programas de cualificación profesional inicial? Estrutúranse en módulos obrigatorios e módulos voluntarios. Os módulos obrigatorios poden ser a súa vez módulos profesionais ou módulos formativos. Módulos obrigatorios: Teñen por obxecto cualificar o alumnado para o desempeño da actividade profesional correspondente ao acceso aos ciclos formativos de grao medio. Os módulos obrigatorios poden ser de dous tipos: Módulos profesionais: dirixidos a que o alumnado adquira e desenvolva as competencias profesionais establecidas nas unidades de competencia incluídas no perfil profesional do programa. Módulos formativos de carácter xeral: orientados ao desenvolvemento das competencias básicas que posibiliten cursar un ciclo formativo de grao medio. Módulos voluntarios: Teñen por obxecto complementar a formación necesaria para a obtención do título de graduado en educación secundaria obrigatoria.

9 5. Que certificacións se obteñen ao finalizar os programas de cualificación profesional inicial? As certificacións que se poden obter varían en función dos módulos do programa superados, segundo se detalla a continuación: Quen supere os módulos profesionais do PCPI recibirá unha certificación académica que garante as competencias profesionais necesarias para o desempeño dunha determinada profesión, equivalente ás competencias profesionais de nivel 1 de acordo co Sistema nacional de cualificacións e formación profesional. Tamén poderá obter da Administración laboral o certificado de profesionalidade que corresponda. Quen supere todos os módulos obrigatorios do PCPI (profesionais e formativos) recibirá unha certificación académica que permitirá o seu acceso aos ciclos formativos de grao medio. Quen supere todos os módulos do PCPI (obrigatorios e voluntarios) obterá o título de graduado en educación secundaria obrigatoria.

10 6. Que profesións se poden aprender a través dos programas de cualificación profesional inicial? Os módulos profesionais dos PCPI permiten desenvolver as competencias dun perfil profesional, incluíndo como mínimo, unha cualificación profesional completa de nivel 1 do Catálogo Nacional de Cualificacións Profesionais. Os perfís profesionais que se poden realizar na actualidade son os seguintes: PCPI de servizos administrativos PCPI de pedra natural PCPI de asistencia en actividades e en instalación deportivas PCPI de informática PCPI de xardinaría e viveiros PCPI de fontanaría, calefacción e climatización doméstica PCPI de producións agrícolas PCPI de estética PCPI de arranxos florais PCPI de técnica de peitear PCPI de reprografía PCPI de carpintaría PCPI de operación en industrias gráficas PCPI de pesca e transporte marítimo PCPI de moldes e pezas cerámicas artesanais PCPI de emprego doméstico PCPI de comercio PCPI de limpeza de edificios, locais e moblaxe PCPI de instalacións electrotécnicas e de telecomunicacións PCPI de costura PCPI de montaxe de redes eléctricas PCPI de reparación de calzado e marroquinaría PCPI de albanelaría PCPI de tapizaría PCPI de revestimentos de obra PCPI de cortinaxe e complementos de decoración PCPI de fabricación mecánica PCPI de lavandaría PCPI de cociña PCPI de mantementos de vehículos PCPI de servizos de restauración PCPI de mantementos estrutural e superficial de embarcacións PCPI de aloxamento PCPI de cerámica PCPI de pastelaría

11 7. Onde podo obter máis información sobre os programas de cualificación profesional inicial? No enlace ou ben nos departamentos de orientación dos centros educativos.

12 S CICLOS DE GRAO MEDIO 1. Quen pode realizar un ciclo de grao medio? 2. Quen se pode presentar ás probas de acceso aos ciclos formativos de grao medio? 3. Onde se presenta a solicitude de inscrición para as probas de acceso? 4. Cal é o prazo para presentar a solicitude para as probas de acceso a grao medio? 5. En que consiste a proba? 6. Pódense solicitar exencións dalgunha parte da proba? 7. Onde se pode obter máis información sobre as probas de acceso a ciclos formativos de grao medio? 8. Que título se obtén unha vez superado un ciclo de grao medio? 9. Cales son os réximes e as modalidades para realizar os estudos de formación profesional? 10. Cal é a oferta formativa que se pode cursar a través dun ciclo de grao medio?

13 1. Quen pode realizar un ciclo de grao medio? Quen estea en posesión dalgúns dos seguintes títulos: Título de graduado en educación secundaria obrigatoria. Título de técnico dun ciclo formativo de grao medio de formación profesional específica. Título de técnico auxiliar de formación profesional. Segundo curso do bacharelato unificado e polivalente (BUP) rematado cun máximo de dúas materias pendentes no conxunto dos dous primeiros cursos. Segundo curso do primeiro ciclo experimental da reforma das ensinanzas medias (REM). Terceiro curso do plan de estudos de 1963 ou segundo curso de comúns experimental das ensinanzas de artes aplicadas e oficios artísticos. Outros estudos declarados equivalentes, para efectos académicos, con algún dos anteriores. Titulación universitaria ou equivalente, para os efectos académicos. Módulos obrigatorios (módulos profesionais e módulos formativos de carácter xeral) dun programa de cualificación profesional inicial (PCPI) cursados desde o curso Ou teña superada algunha das seguintes probas: Proba de acceso á universidade para maiores de 25 anos (para os efectos de baremo no proceso de admisión a ciclos formativos, cando se acceda a través da proba de acceso para maiores de 25 anos a cualificación será de 5,00). Proba de acceso á ciclos formativos.

14 2. Quen se pode presentar ás probas de acceso aos ciclos formativos de grao medio? Quen non estea en posesión da titulación académica esixida para acceder ao ciclo formativo e teña cumpridos 17 anos ou os cumpra no ano natural de realización da proba.

15 3. Onde se presenta a solicitude de inscrición para as probas de acceso? Nas secretarías dos institutos de educación secundaria (IES) e nos centros integrados de formación profesional (CIFP) onde se imparten ciclos formativos de formación profesional.

16 4. Cal é o prazo para presentar a solicitude para as probas de acceso a grao medio? O prazo de presentación é habitualmente entre os meses de febreiro e marzo.

17 5. En que consiste a proba? A proba consta de tres partes: sociolingüística, matemática e científico-técnica que se distribuirán conforme o seguinte cadro:

18 6. Pódense solicitar exencións dalgunha parte da proba? Si, poderán solicitarse exencións parciais e deberán formularse no momento da inscrición na proba. Pódense consultar as posibles exencións na seguinte ligazón: vf.pdf

19 7. Onde se pode obter máis información sobre as probas de acceso a ciclos formativos de grao medio? Na páxina web

20 8. Que título se obtén unha vez superado un ciclo de grao medio? Unha vez superado un ciclo de grao medio obterase o título de técnico/a no ciclo específico do que se trate. Por exemplo: cursando o ciclo medio de xestión administrativa obtense o título de técnico en xestión administrativa.

21 9. Cales son os réximes e as modalidades para realizar os estudos de formación profesional? Actualmente, a formación profesional pódese cursar por curso completo no réxime ordinario, na modalidade presencial asistindo diariamente ao centro formativo ou de xeito parcial por módulos formativos no réxime de persoas adultas, nas modalidades tanto presencial como á distancia. A matrícula parcial por módulos permite que cada persoa deseñe o seu itinerario formativo en función da súa actividade laboral, das cargas familiares ou doutras actividades, respondendo así ás necesidades e aos intereses persoais ao longo da vida. Para realizar a matrícula no réxime de persoas adultas é preciso ter cumpridos os 18 anos no ano natural no que se inicien os estudos.

22 10. Cal é a oferta formativa que se pode cursar a través dun ciclo de grao medio? A oferta formativa que se pode cursar a través dun ciclo de grao medio, que variará en función do réxime de impartición, ben presencial, presencial modular ou á distancia modular, é a seguinte: CM de condución de actividades físico-deportivas no medio natural CM de xestión administrativa CM de produción agroecolóxica CM de produción agropecuaria CM de traballos forestais e conservación do medio natural CM de xardinaría e floraría CM de impresión en artes gráficas CM de comercio CM de acabados de construción CM de equipos electrónicos de consumo CM de instalación de telecomunicacións CM de instalación eléctricas e automáticas CM de mecanizado CM de soldadura e caldeiraría CM de cociña e gastronomía CM de servizos en restauración CM de laboratorio de imaxe CM de caracterización CM de estética persoal decorativa CM de técnica de peitear CM de aceites de oliva e viños CM de elaboración de produtos alimentarios CM de panadaría, repostaría e confeitaría CM de sistemas microinformáticos e redes CM de instalación e mantemento electromecánico de maquinaria e condución de liñas CM de instalación de produción de calor CM de instalación frigoríficas e de climatización CM de fabricación á medida e instalación de carpintaría e moble CM de mergullo a media profundidade CM de operación, control e mantemento de máquinas e instalacións de buques CM de cultivo acuícola CM de pesca e transporte marítimo CM de laboratorio CM de coidados auxiliares de enfermaría CM de farmacia e parafarmacia CM de atención sociosanitaria CM de confección e moda CM de carrozaría CM de electromecánica de vehículos automóbiles Esta oferta vaise actualizando regularmente e pode consultarse na seguinte páxina:

23 OS CICLOS DE GRAO SUPERIOR 1. Quen pode realizar un ciclo de grao superior? 2. Quen se pode presentar as probas de acceso á ciclos formativos de grao superior? 3. Onde se presenta a solicitude de inscrición para as probas de acceso aos ciclos de grao superior? 4. Cal é o prazo para presentar a solicitude para as probas de acceso ao grao superior? 5. En que consiste a proba? 6. Pódense solicitar exencións dalgunha parte da proba? 7. Onde se pode obter máis información sobre as probas de acceso a ciclos formativos de grao superior? 8. Que título se obtén unha vez superado un ciclo de grao superior? 9. Cales son os réximes e as modalidades para realizar os estudos de formación profesional? 10. Cal é a oferta formativa que se pode cursar a través dun ciclo de grao superior?

24 1. Quen pode realizar un ciclo de grao superior? Quen estea en posesión dalgúns dos seguintes títulos: Título de bacharelato Título de técnico especialista, de técnico superior ou equivalente para os efectos académicos. Titulación universitaria ou equivalente para os efectos académicos. Ter superado o segundo curso de calquera modalidade de bacharelato experimental. Ter superado o curso de orientación universitaria (COU) ou preuniversitario (PREU). Ou ter superada algunha das seguintes probas: A proba de acceso á universidade para maiores de 25 anos. A proba de acceso a ciclos formativos de grao superior.

25 2. Quen se pode presentar as probas de acceso á ciclos formativos de grao superior? Se non se cumpren ningún dos requisitos académicos esixidos é posible acceder a un ciclo de grao superior superando as probas de acceso que as administracións educativas organizan todos os anos, sempre e cando se cumpra algún dos seguintes requisitos: 1. Ter cumpridos 19 anos ou cumprilos no ano natural de realización da proba. Cumprir ou ter cumpridos 18 anos no ano natural de realización da proba e dispor dun título de técnico, no momento de inscrición na proba, que pertenza a algunha familia profesional incluída na opción á que opta, consonte a táboa publicada na resolución correspondente.

26 3. Onde se presenta a solicitude de inscrición para as probas de acceso aos ciclos de grao superior? Nas secretarías dos institutos de educación secundaria (IES) e nos centros integrados de formación profesional (CIFP) onde se impartan ciclos formativos de formación profesional, agás o CIFP Rodolfo Ucha Piñeiro

27 4. Cal é o prazo para presentar a solicitude para as probas de acceso ao grao superior? O prazo de presentación para as probas de acceso aos ciclos de grao superior é habitualmente entre os meses de xaneiro e febreiro.

28 5. En que consiste a proba? A proba distribuirase nunha parte común e nunha parte específica conforme o seguinte cadro: PROBA DE GRAO SUPERIOR Parte sociolingüística Parte específica (para elixir unha en función do ciclo ao que se queira optar) - Lingua galega - Lingua castelá - Ciencias sociais -Opción A: economía da empresa, lingua estranxeira (inglés o francés), filosofía e cidadanía -Opción B: debuxo técnico, tecnoloxía industrial e física -Opción C: ciencias da terra e ambientais, química e bioloxía

29 6. Pódense solicitar exencións dalgunha parte da proba? Si, poderán solicitarse exencións parciais e deberán formularse no momento da inscrición na proba. Pódense consultar as posibles exencións na seguinte ligazón: vf.pdf

30 7. Onde se pode obter máis información sobre as probas de acceso a ciclos formativos de grao superior? Na páxina web

31 8. Que título se obtén unha vez superado un ciclo de grao superior? Ao superar un ciclo de grao superior obterase o título de técnico ou técnica superior no ciclo que se realice.

32 9. Cales son os réximes e as modalidades para realizar os estudos de formación profesional? Actualmente, a formación profesional pódese cursar por curso completo no réxime ordinario, na modalidade presencial asistindo diariamente ao centro formativo ou de xeito parcial por módulos formativos no réxime de persoas adultas, nas modalidades tanto presencial como á distancia. A matrícula parcial por módulos permite que cada persoa deseñe o seu itinerario formativo en función da súa actividade laboral, das cargas familiares ou doutras actividades, respondendo así ás necesidades e aos intereses persoais ao longo da vida. Para realizar a matrícula no réxime de persoas adultas é preciso ter cumpridos os 18 anos no ano natural no que se inicien os estudos.

33 10. Cal é a oferta formativa que se pode cursar a través dun ciclo de grao superior? A oferta formativa que se pode cursar a través dun ciclo de grao superior é a seguinte, que variará en función do réxime de impartición, en función de que sexa presencial, presencial modular o a distancia modular: CS Animación de actividades físicas e deportivas CS Administración e finanzas CS Secretariado CS Paisaxismo e medio rural CS Xestión e organización de empresas agropecuarias CS Xestión e organización dos recursos naturais e paisaxísticos CS Deseño e produción editorial CS Produción en industrias de artes gráficas CS Comercio internacional CS Xestión comercial e márketing CS Desenvolvemento de proxectos urbanísticos e operación topográficas CS Proxectos de edificación CS Realización e plans de obra CS Desenvolvemento de produtos electrónicos CS Sistemas de regulación e control automáticos CS Sistemas de telecomunicación e informáticos CS Sistemas electrotécnicos e automatizados CS Eficiencia enerxética e enerxía solar térmica CS Construcións metálicas CS Deseño de fabricación mecánica CS Programación de produción en fabricación mecánica CS Axencia de viaxes e xestión de eventos CS Dirección de cociña CS Dirección de servizos de restauración CS Guía, información e asistencia turísticas CS Xestión de aloxamentos turísticos CS Imaxe CS Produción de audiovisuais, radio e espectáculos CS Son CS Realización de audiovisuais e espectáculos CS Estética CS Procesos e calidade na industria alimentaria CS Administración de sistemas informáticos en rede CS Desenvolvemento de aplicacións multiplataforma CS Desenvolvemento de aplicación multiforma CS Desenvolvemento de aplicación web CS Desenvolvemento de proxectos de instalacións térmicas e de fluídos CS Mantemento de equipo industrial CS Mantemento de instalación térmicas e de fluídos CS Prevención de riscos profesionais CS Desenvolvemento de produtos de carpintaría e moble CS Produción de madeira e moble CS Navegación, pesca e transporte marítimo CS Produción acuícola CS Supervisión e control de máquinas e instalación do buque CS laboratorio de análise e de control de calidade CS Química ambiental CS Química industrial CS Anatomía patolóxica e citoloxía CS Audioloxía protésica CS Dietética CS Documentación sanitaria CS Hixiene bucodental CS Imaxe para o diagnóstico CS Laboratorio de diagnóstico clínico CS Próteses dentais CS Radioterapia CS Sanidade ambiental CS de Animación sociocultural CS Educación infantil CS Integración social CS Interpretación de lingua de signos CS Patronaxe e moda CS Automoción

34 1.2. FORMACIÓN PROFESIONAL PARA O EMPREGO Que é a formación profesional para o emprego? Que tipos de formación profesional para o emprego existen? A FORMACIÓN DE DEMANDA A FORMACIÓN DE OFERTA FORMACIÓN EN ALTERNANCIA CO EMPREGO AS ACCIÓNS FORMATIVAS DOS CONTRATOS PARA A FORMACIÓN PROGRÁMAS PÚBLICOS DE EMPREGO-FORMACIÓN ESCOLAS TALLER E CASAS DE OFICIO TALLER DE EMPREGO

35 Que é a formación profesional para o emprego? A formación profesional para o emprego é o conxunto de instrumentos e accións que teñen por obxecto proporcionarlle ás persoas traballadoras, ocupadas ou desempregadas a formación que poidan necesitar ao longo da súa vida laboral, co fin de que obteñan os coñecementos e as prácticas axeitados aos requirimentos que en cada momento precisen as empresas.

36 Que tipos de formación profesional para o emprego existen? O subsistema de formación profesional para o emprego está integrado polas seguintes iniciativas: A formación de demanda A formación de oferta A formación en alternancia co emprego As accións de apoio e acompañamento á formación

37 A FORMACIÓN DE DEMANDA 1. En que consiste a formación de demanda? 2. Como se financia a formación de demanda? 3. Están obrigadas as empresas a cofinanciar a formación dos seus traballadores? 4. Poden agruparse as empresas para organizar a formación dos seus traballadores? 5. Cantos traballadores poden participar en cada acción formativa? 6. Cales son os límites na duración das accións formativas? 7. Existen límites para a utilización do crédito?

38 1. En que consiste a formación de demanda? A formación de demanda é aquela que dá cobertura ás necesidades específicas de formación das empresas e dos traballadores. A formación de demanda está integrada por: Accións formativas das empresas Permisos individuais de formación As accións formativas das empresas abranguen aquela formación impartida para os traballadores da empresa que debe gardar relación coa actividade empresarial e que poderá ser xeral ou específica. O permiso individual de formación é aquel a través do cal a empresa autoriza un traballador para a realización dunha acción formativa que estea recoñecida a través dunha acreditación oficial.

39 2. Como se financia a formación de demanda? As empresas dispoñen dun crédito para a formación dos seus traballadores cuxo importe resultará de aplicar a contía ingresada pola empresa o ano anterior, en concepto de cota de formación profesional, á porcentaxe que anualmente se estableza na Lei de orzamentos xerais do Estado. Esta porcentaxe, variará en función do tamaño da empresa, canto menor sexa a empresa, maior será a porcentaxe. En todo caso garantirase un crédito mínimo, que poderá ser superior á contía ingresada pola empresa en concepto de cotas por formación profesional. Este crédito farase efectivo mediante bonificacións nas cotizacións ás que ingresen as empresas. As empresas que concedan aos seus traballadores permisos individuais de formación disporán dun crédito de bonificacións para formación adicional ao crédito inicial.

40 3. Están obrigadas as empresas a cofinanciar a formación dos seus traballadores? As empresas cofinanciarán a formación dos seus traballadores nunha serie de porcentaxes que se calcularán sobre o total de custos da formación realizada no exercicio. N.º empregados Empresas de 1 a 9 traballadores Empresas de 10 a 49 traballadores Empresas de 50 a 249 traballadores Empresas de máis de 250 traballadores Porcentaxe 0% exentas 10% 20% 40% Esta achega consiste na contía resultante da diferenza entre os custos totais de formación sufragados pola empresa e o custo bonificable. Consideraranse incluídos no cofinanciamento privado os custos salariais dos traballadores formados pola empresa durante a súa xornada de traballo.

41 4. Poden agruparse as empresas para organizar a formación dos seus traballadores? As empresas poderán agruparse voluntariamente, logo de acordo por escrito, para organizar a formación dos seus traballadores, designando unha entidade organizadora para que lles xestione os seus programas de formación.

42 5. Cantos traballadores poden participar en cada acción formativa? As acción formativas presenciais terán como máximo 25 participantes, e nas de modalidade á distancia o límite estará en 80 participantes por cada titor. Na modalidade mixta respectaranse os límites de cada unha das modalidades.

43 6. Cales son os límites na duración das accións formativas? A duración dunha acción formativa non poderá ser inferior a seis horas, salvo cando se trate de formación de carácter transversal en áreas prioritarias, nas que se poderán desenvolver módulos formativos cunha duración mínima de catro horas e máxima de seis horas. Son áreas prioritarias as relativas ás tecnoloxías da información e á comunicación, á prevención de riscos laborais, á sensibilización en medio ambiente, á promoción da igualdade e aqueloutras que estableza o Servizo Público de Emprego Estatal. A participación dun traballador nunha acción formativa non poderá superar as oito horas diarias, e poderá desenvolverse dentro ou fóra da xornada laboral.

44 7. Existen límites para a utilización do crédito? As empresas poderán utilizar o crédito para formar o número de traballadores do seu equipo que consideren oportuno, respectando uns módulos económicos máximos que se establecen en función da modalidade de impartición Modalidade de impartición Presencial Teleformación A distancia convencional Mixta NIVEL DE FORMACIÓN Básico Medio-Superior ,5 5,5 Aplicaranse os módulos en función das horas de formación presenza e a distancia o teleformación. As empresas de 1 a 9 traballadores non estarán limitadas polos módulos económicos máximos. As empresas de 10 a 49 traballadores poderán superar os citados módulos nun 10%. As empresas de 50 a 249 traballadores poderán superar os citados módulos nun 5%. Polo que as empresas terán un custo máximo polo que poderán bonificarse por cada un dos grupos que executen e que dependerá do devandito módulo económico: Custo máximo bonificable/financiable = Módulo económico x n.º horas formación x n.º participantes

45 A FORMACIÓN DE OFERTA 1. En que consiste a formación de oferta? FORMACIÓN DIRIXIDA PRIORITARIAMENTE A TRABALLADORES OCUPADOS 2. Quen pode participar nos plans de formación dirixidos aos traballadores ocupados? 3. Cales son as principais características das accións formativas incluídas nos plans de formación dirixidos aos traballadores ocupados? 4. Que entidades poden executar plans de formación dirixidos a traballadores ocupados? FORMACIÓN DIRIXIDA PRIORITARIAMENTE A TRABALLADORES DESEMPREGADOS 5. Quen pode participar nas accións formativas dirixidas a traballadores desempregados? 6. Cales son as principais características das accións formativas dirixidas a traballadores desempregados? 7. Que entidades poden executar plans de formación dirixidos a traballadores desempregados?

46 1. En que consiste a formación de oferta? A oferta de formación profesional para o emprego ou formación de oferta, ten como obxecto ofrecer as persoas traballadoras, tanto ocupadas como desempregadas, unha formación axustada ás necesidades do mercado de traballo, e que atenda os requirimentos de produtividade e competitividade das empresas e as aspiracións de promoción profesional e desenvolvemento persoal dos traballadores.

47 FORMACIÓN DIRIXIDA PRIORITARIAMENTE A TRABALLADORES OCUPADOS 2. Quen pode participar nos plans de formación dirixidos aos traballadores ocupados? Poderán participar prioritariamente traballadores ocupados da empresa privada. Poderán participar ata un 10% de traballadores das Administracións públicas sobre o total de participantes de cada plan. Poderán participar traballadores desempregados na porcentaxe que estableza cada convocatoria sobre o total de participantes de cada plan.

48 3. Cales son as principais características das accións formativas incluídas nos plans de formación dirixidos aos traballadores ocupados? O obxectivo destas accións formativas é a adquisición e mellora de competencias e cualificacións profesionais. As accións programadas nestes plans poderán ser intersectoriais ou sectoriais (dirixidas á formación de traballadores nun sector produtivo concreto). A participación dun traballador en accións formativas non poderá ser superior a oito horas diarias A formación poderá impartirse de forma presencial, á distancia convencional, teleformación o mixta.

49 4. Que entidades poden executar plans de formación dirixidos a traballadores ocupados? As organización empresariais e sindicais Organizacións da economía social Asociacións de traballadores autónomos Administracións públicas

50 FORMACIÓN DIRIXIDA PRIORITARIAMENTE A TRABALLADORES DESEMPREGADOS 5. Quen pode participar nas accións formativas dirixidas a traballadores desempregados? Poderán participar os traballadores desempregados inscritos como demandantes de emprego nas oficinas públicas de emprego.

51 6. Cales son as principais características das accións formativas dirixidas a traballadores desempregados? O obxectivo destas accións formativas é a inserción o reinserción laboral dos traballadores desempregados naqueles empregos que require o sistema produtivo. Tenderase a incluír accións dirixidas á obtención dos certificados de profesionalidade referidos ao Catálogo Nacional de Cualificacións Profesionais. As accións formativas poderán incluír módulos de prácticas profesionais. Os traballadores desempregados que participen nestas accións formativas poderán recibir axudas en concepto de transporte, manutención e aloxamento

52 7. Que entidades poden executar plans de formación dirixidos a traballadores desempregados? As organización empresariais e sindicais Organizacións da economía social Asociacións de traballadores autónomos Administracións públicas

53 FORMACIÓN EN ALTERNANCIA CO EMPREGO 1. En que consiste a formación en alternancia co emprego? 2. Que abranguería a formación en alternancia co emprego?

54 1. En que consiste a formación en alternancia co emprego? A formación en alternancia é aquela que ten como obxectivo contribuír a adquisición das competencias profesionais da ocupación mediante un proceso mixto, de emprego e formación, que permite o traballador compatibilizar a aprendizaxe formal coa práctica profesional no posto de traballo.

55 2. Que abranguería a formación en alternancia co emprego? As acción formativas dos contratos para a formación Programas públicos de emprego-formación Escolas taller e casas de oficio Taller de emprego

56 AS ACCIÓNS FORMATIVAS DOS CONTRATOS PARA A FORMACIÓN 1. Cales son as principais características das accións formativas dos contratos para a formación?

57 1. Cales son as principais características das accións formativas dos contratos para a formación? Os contidos da formación teórica dos contratos para a formación deberán estar relacionados co oficio ou posto de traballo obxecto do contrato laboral. O tempo dedicado a formación recollerase por escrito no contrato, que en ningún caso poderá ser inferior ao 15% da xornada máxima prevista no convenio colectivo ou xornada máxima legal. As empresas poderán financiar o custo da formación teórica mediante bonificacións nas cotizacións empresariais á Seguridade Social.

58 PROGRÁMAS PÚBLICOS DE EMPREGO-FORMACIÓN 1. Cales son as principais características dos programas públicos de emprego-formación? 2. Que tipos de programas existen dentro dos programas públicos de emprego-formación?

59 1. Cales son as principais características dos programas públicos de emprego-formación? Teñen como finalidade mellorar a cualificación e as posibilidades de emprego de determinados colectivos de desempregados. Durante o desenvolvemento destes programas os traballadores recibirán formación profesional axeitada da ocupación que desempeñar en alternancia co traballo e coa práctica profesional.

60 2. Que tipos de programas existen dentro dos programas públicos de emprego-formación? Escolas taller e casas de oficio Taller de emprego

61 ESCOLAS TALLER E CASAS DE OFICIO 1. Cales son as características principais das escolas taller e casas de oficio? 2. Quen son os destinatarios destes programas? 3. Cal é a duración dun programa nunha escola taller? 4. Cal é a duración dun programa nunha casa de oficio?

62 1. Cales son as características principais das escolas taller e casas de oficio? As escolas taller e casas de oficio ensinan aos participantes competencias básicas dun oficio, combinando a formación teórica na aula coa formación práctica no taller e coa realización dun traballo real no que se execute unha obra o servizo de interese xeral.

63 2. Quen son os destinatarios destes programas? Persoas en situación de desemprego, inscritos nas oficinas de emprego, que teñan entre 16 e 25 anos.

64 3. Cal é a duración dun programa nunha escola taller? As escolas taller teñen unha duración entre un e dos anos. Os primeiros seis meses corresponden á fase formativa na que os participantes teñen a consideración de alumnado.

65 4. Cal é a duración dun programa nunha casa de oficio? As casas de oficios teñen unha duración dun ano. Os primeiros seis meses corresponden á fase formativa na que os participantes teñen a consideración de alumnado.

66 TALLER DE EMPREGO 1. Cales son as características principais dos talleres de emprego? 2. Quen son os destinatarios destes programas? 3. Cal é a duración dun programa nun taller de emprego?

67 1. Cales son as características principais dos talleres de emprego? A principal característica da formación en talleres de emprego é que os participantes adquiren formación profesional e práctica laboral mediante a realización de obras e o servizos de utilidade pública ou interese social relacionados con novos xacementos de emprego.

68 2. Quen son os destinatarios destes programas? Persoas en situación de desemprego, inscritas nas oficinas de emprego, que teñan mais de 25 anos. Terán preferencia os desempregados con maiores dificultades para atopar traballo: parados de longa duración, maiores de 45 anos, mulleres, persoas con discapacidade etc.

69 3. Cal é a duración dun programa nun taller de emprego? A duración destes programas estará comprendida entre un mínimo de seis meses e un máximo dun ano.

70 1.3. AS CUALIFICACIÓNS PROFESIONAIS E OS CERTIFICADOS DE PROFESIONALIDADE AS CUALIFICACIÓNS PROFESIONAIS OS CERTIFICADOS DE PROFESIONALIDADE

71 AS CUALIFICACIÓNS PROFESIONAIS 1. Que é unha cualificación profesional? 2. Que é o Catálogo Nacional de Cualificacións Profesionais? 3. Como está estruturado o Catálogo Nacional de Cualificacións Profesionais? 4. Cales son as familias profesionais existentes? 5. Cales son os niveis profesionais existentes e a formación asociada a estes? 6. Como podo conseguir obter e/ou acreditar unha cualificación profesional?

72 1. Que é unha cualificación profesional? É o conxunto de competencias profesionais dunha persoa, adquiridas a través dun proceso formativo, ben sexa formal ou non formal, ou da experiencia laboral, obxecto de avaliación e acreditación, e que teñen significación para o emprego.

73 2. Que é o Catálogo Nacional de Cualificacións Profesionais? É o conxunto de todas as cualificacións profesionais identificadas no sistema produtivo, e a formación asociada a estas.

74 3. Como está estruturado o Catálogo Nacional de Cualificacións Profesionais? Está estruturado en dous eixes, un horizontal, onde estarían as 26 familias profesionais que recollen todas as actividades económicas, e outro eixe vertical, organizado por niveis de cualificación, no que se recollen cinco niveis, segundo o grao de coñecemento, iniciativa, autonomía e responsabilidade, necesarios para realizar a actividade laboral.

75 4. Cales son as familias profesionais existentes? Actividades físicas e deportivas Administración e xestión Agraria Artes e artesanías Artes gráficas Comercio e márketing Edificación e obra civil Electricidade e electrónica Enerxía e auga Fabricación mecánica Hostalaría e turismo Imaxe persoal Imaxe e son Industrias alimentarias Industrias extractivas Informática e comunicacións Instalación e mantemento Madeira, moble e cortiza Marítimo-pesqueira Química Sanidade Seguridade e medio Servizos socioculturais e da comunidade Transporte e mantemento de vehículos Téxtil, confección e pel Vidro e cerámica

76 5. Cales son os niveis profesionais existentes e a formación asociada a estes? NIVEL DE CUALIFICACIÓN Nivel 1 Nivel 2 Nivel 3 Nivel 4 Nivel 5 FORMACIÓN ASOCIADA A formación asociada a este nivel serían os programas de cualificación profesional inicial. A formación asociada a este nivel require un conxunto de coñecementos iniciais correspondentes a un nivel de preparación que sexa equivalente ao de graduado en educación secundaria obrigatoria. A formación asociada a este nivel de cualificación require un conxunto de coñecementos iniciais correspondentes a un nivel de preparación que sexa equivalente ao de bacharelato A formación asociada a este nivel de cualificación require un conxunto de coñecementos iniciais correspondentes a un nivel de preparación que sexa equivalente ao de grao universitario. Actualmente non está recollido no Catálogo Nacional de Cualificacións Profesionais A formación asociada a este nivel de cualificación require un conxunto de coñecementos iniciais correspondentes a un nivel de preparación que sexa equivalente ao de grao universitario. Actualmente non está recollido no Catálogo Nacional de Cualificacións Profesionais

77 6. Como podo conseguir obter e/ou acreditar unha cualificación profesional? As cualificacións profesionais poden obterse e/ou acreditarse por distintas vías: No sistema educativo non universitario Despois de superar un Programa de cualificación profesional inicial (CPI), obterase unha cualificación profesional de nivel 1 Despois de superar un Grao medio de formación profesional, obterase unha cualificación profesional de nivel 2 Despois de superar un Grao superior de formación profesional, obterase unha cualificación profesional de nivel 3 No sistema de formación para o emprego 3. Coa realización dun curso que dea lugar a obtención dun certificado de profesionalidade Acreditando as competencias obtidas a través da experiencia laboral o con formación non regulada Participando nun proceso de acreditación, na convocatoria aberta para tal efecto.

78 OS CERTIFICADOS DE PROFESIONALIDADE 1. Que é un certificado de profesionalidade? 2. Cal é a estrutura dun certificado de profesionalidade? 3. Como podo acceder a un curso que dea lugar a obtención dun certificado de profesionalidade? 4. Que pasa se non teño ningunha das titulacións requiridas para participar nos cursos que dean lugar á obtención dun certificado de profesionalidade? 5. Cales son estes requisitos formativos ou profesionais (competencias clave)? 6. Como se poden acreditar as competencias profesionais dunha persoa adquiridas a través da experiencia ou de vías non formais de formación? 7. Cales son os requisitos para poder participar no procedemento de avaliación? 8. Como podo xustificar o historial profesional? 9. Como podo xustificar o historial formativo non formal? 10. Cales son as fases do procedemento de avaliación? 11. En que consiste a fase de asesoramento? 12. En que consiste a fase do proceso de avaliación? 13. En que consiste a fase da acreditación da competencia profesional?

79 1. Que é un certificado de profesionalidade? É a certificación ou documento que acredita a capacitación dunha persoa para desenvolver unha actividade laboral. Ten carácter oficial e validez en todo o territorio nacional.

80 2. Cal é a estrutura dun certificado de profesionalidade? Cada certificado de profesionalidade inclúe unha cualificación profesional completa do Catálogo Nacional de Cualificacións Profesionais. Cada cualificación profesional componse dunha o máis unidades de competencia (estas son as unidades mínimas acreditables para poder obter un certificado de profesionalidade) Cada Unidade de Competencia está formada por un o máis módulos formativos, que integran o Catálogo Modular de Formación Profesional Os módulos formativos de máis de noventa horas pódense dividir en unidades formativas.

81 3. Como podo acceder a un curso que dea lugar a obtención dun certificado de profesionalidade? Cursos asociados a certificados de nivel 1: non é necesario ningún requisito académico previo. Cursos asociados a certificados de nivel 2: haberá que cumprir algún dos seguintes requisitos académicos: Ensinanza secundaria obrigatoria Segundo curso do bacharelato universal polivalente (BUP) cun máximo de dúas materias pendentes entre os dous cursos. Segundo curso de primeiro ciclo experimental da Reforma das Ensinanzas Medias (REM) Ciclo formativo de grao medio Técnico auxiliar (FP1) Técnico deportivo Técnico de artes plásticas e deseño Título de oficialía industrial Técnico militar Tres cursos común do Plan de 1963 (artes aplicadas e oficios artísticos) Tres cursos común do Plan experimental de 1984 (artes aplicadas e oficios artísticos) Ter un certificado de profesionalidade do mesmo nivel 2 Ter un certificado de profesionalidade de nivel 1 da mesma familia e área profesional. Ter superadas as probas de acceso a un ciclo formativo de grao medio. Ter superada unha proba de acceso á universidade Cursos asociados a certificados de nivel 3: haberá que cumprir algún dos seguintes requisitos académicos: Ademais haberá que ter un nivel mínimo de coñecemento e acreditación da lingua galega: Certificado de lingua galega 2 (Celga 2) Título de graduado escolar, sempre que se cursase de xeito oficial a materia de lingua galega en todos os cursos. Certificado do curso de nivel medio de lingua e cultura galega para estranxeiros, impartido polas universidades de Galicia Certificado do nivel medio dos estudos de galego da UNED Certificado de ter cursado e aprobado as materias de ciencias sociais e as materias optativas de galego da ESO nos centros do Bierzo e Sanabria acollidos a convenios subscritos entre ambas as dúas comunidades. Proba de acceso superada dos ciclos de grao medio, realizada en Galicia e onde estivese incluída de xeito oficial a lingua galega. Bacharelato COU PREU Segundo curso de bacharelato experimental de Reforma de Ensinanzas Medias (REM) Técnico superior Técnico especialista FP2 Título de perito mercantil Técnico superior de artes plásticas e deseño Técnico deportivo superior Titulado en mestría industrial Graduado en cerámica e artes plásticas Ter un certificado de profesionalidade do mesmo nivel 3 Ter un certificado de profesionalidade de nivel 2 da mesma familia e área profesional. Ter superado as probas de acceso ao ciclo formativo de grao medio Ter superada a proba de acceso á universidade Posuír o título de técnico de grao medio e ter superado un curso de formación para acceso a títulos de grao superior. Ademais haberá que ter un nivel mínimo de coñecemento e acreditación da lingua galega: Certificado de lingua galega 3 (Celga 3) Certificado de aptitude dos cursos de iniciación de lingua galega (Orde 1 de abril de 2005) Título do ciclo da ESO ou técnico auxiliar FP1 sempre que se estudase en Galicia na súa totalidade e se cursase de xeito oficial a lingua galega en todos os cursos. Certificado do ciclo inicial de galego expedido polas escolas oficiais de idiomas. Certificado de cursar e aprobar as materias de ciencias sociais e as materias optativas de galego do ciclo da ESO e no bacharelato nos centros do Bierzo e Sanabria acollidos ao convenio asinado nesta materia entre as dúas comunidades. Proba de acceso superada dos ciclos de grao medio, sempre e cando se realice en Galicia e se inclúa a lingua galega.

82 4. Que pasa se non teño ningunha das titulacións requiridas para participar nos cursos que dean lugar á obtención dun certificado de profesionalidade? Se o usuario non dispón das titulacións requiridas para acceder aos cursos de formación para o emprego asociados aos certificados de profesionalidade de nivel 2 ou 3 deberá: Superar unha proba de avaliación de requisitos formativos o profesionais (competencias clave) que convoca a Administración competente. Realizar cursos de formación en competencias clave.

83 5. Cales son estes requisitos formativos ou profesionais (competencias clave)? Existen sete competencias, con dous niveis de dificultade cada unha, segundo se correspondan cun certificado profesional de nivel 2 ou 3: Comunicación en lingua galega Comunicación en lingua castelá Comunicación en linguas estranxeiras (inglés, francés o alemán) Competencia matemática Competencia en ciencia Competencia en tecnoloxía Competencia dixital

84 6. Como se poden acreditar as competencias profesionais dunha persoa adquiridas a través da experiencia ou de vías non formais de formación? As competencias profesionais dunha persoa adquiridas a través da experiencia ou de vías non formais de formación poderán acreditarse a través do proceso que abren as administracións competentes mediante convocatoria pública.

85 7. Cales son os requisitos para poder participar no procedemento de avaliación? Nacionalidade, cidadanía ou residencia española Idade mínima o Unidades de Competencia Nivel I: 18 anos o Unidades de Competencia Nivel II e III: 20 anos Experiencia laboral relacionada coas competencias que se queren acreditar o Unidades de Competencia Nivel I: 2 anos cun mínimo de 1200 horas traballadas nos últimos dez anos o Unidades de Competencia Nivel II e III: 3 anos cun mínimo de 2000 horas nos últimos dez anos Formación relacionada coas competencias que se queren acreditar o Unidades de Competencia Nivel I: 200 horas nos últimos dez anos o Unidades de Competencia Nivel II e III: 300 horas nos últimos dez anos

86 8. Como podo xustificar o historial profesional? PARA TRABALLADORES/AS ASALARIADOS/AS o Certificación da entidade de afiliación onde conste a empresa, o grupo de cotización e o período de contratación o Contratos de traballo o certificados de empresa PARA TRABALLADORES/AS POR CONTA PROPIA OU AUTÓNOMOS/AS o Certificación da entidade onde consta de alta o Descrición da actividade desenvolvida e do intervalo de tempo PARA TRABALLADORES/AS VOLUNTARIOS/AS OU BOLSEIROS/AS o Certificación da organización onde se prestou asistencia con período de tempo, número de horas e actividades desenvolvidas

87 9. Como podo xustificar o historial formativo non formal? As competencias profesionais adquiridas a través de vías non formais de formación xustificaranse mediante un documento que acredite que o aspirante posúe formación nas unidades de competencia que pretenda acreditar. No devandito documento deberán constar os contidos e as horas de formación.

88 10. Cales son as fases do procedemento de avaliación? O procedemento de avaliación das competencias profesionais adquiridas a través da experiencia ou de vías non formais de formación consta de tres fases: Asesoramento Proceso de avaliación Acreditación da competencia profesional

89 11. En que consiste a fase de asesoramento? O obxectivo da fase de asesoramento será axudar a persoa candidata a autoavaliar a súa competencia, completar o seu historial ou acreditalo. O asesoramento pode ser obrigatorio, individual o colectivo, presencial ou a través de medios telemáticos. Unha vez finalizada a fase de asesoramento o/a profesional asesor/a emitirá un informe positivo o negativo sobre a conveniencia de que o/a candidato/a pase á seguinte fase. Este informe non é vinculante, polo que o/a candidato/a pode decidir acceder ou non á fase de avaliación.

90 12. En que consiste a fase do proceso de avaliación? O obxecto da avaliación é comprobar que o/a candidato/a demostra a súa competencia profesional nunha situación de traballo, real o simulada. Na avaliación analizarase por un lado o informe emitido polo/a asesor/a e a documentación presentada polo/a candidato/a. O resultado da avaliación expresarase nos termos de demostrada ou non demostrada e informarase o/a candidato/a do seu resultado.

91 13. En que consiste a fase da acreditación da competencia profesional? As persoas candidatas que superen o proceso de avaliación expediráselles unha acreditación de cada unha das unidades de competencia que superasen. Cando o/a candidato/a complete os requisitos para a obtención dun certificado de profesionalidade, a Administración competente indicaralle os trámites necesarios para a súa obtención.

92 1.4. A FORMACIÓN EN PREVENCIÓN DE RISCOS LABORAIS A FORMACIÓN EN PREVENCIÓN DE RISCOS LABORAIS FORMACIÓN EN PREVENCIÓN DE RISCOS LABORAIS NO SECTOR DA CONSTRUCIÓN

93 A FORMACIÓN EN PREVENCIÓN DE RISCOS LABORAIS 1. Que formación necesito para realizar funcións de nivel básico de prevención de riscos laborais? 2. Cales son as funcións de nivel básico en prevención de riscos laborais? 3. Que formación necesito para realizar funcións de nivel intermedio de prevención de riscos laborais? 4. Cales son as funcións de nivel intermedio en prevención de riscos laborais? 5. Que formación necesito para realizar funcións de nivel superior de prevención de riscos laborais? 6. Cales son as funcións de nivel superior en prevención de riscos laborais?

94 1. Que formación necesito para realizar funcións de nivel básico de prevención de riscos laborais? Posuír unha formación mínima non inferior a 30 horas, conforme ao programa recollido no anexo IV do Real decreto 39/1997, do 17 de xaneiro, polo que se aproba o Regulamento dos Servizos de Promoción. Posuír unha formación mínima non inferior a 50 horas, conforme o programa recollido no anexo IV do Real decreto 39/1997, do 17 de xaneiro, polo que se aproba o Regulamento dos Servizos de Promoción, sempre e cando a empresa na que se exerzan as funcións desenvolva algunha das seguintes actividades: Traballos con exposición a radiacións ionizantes en zonas controladas segundo Real decreto 53/1992, do 24 de xaneiro, sobre protección sanitaria contra radiacións ionizantes. Traballos con exposición a axentes tóxicos e moi tóxicos. Actividades en que interveñen produtos químicos de alto risco e son obxecto da aplicación do Real decreto 886/1988, do 15 de xullo, e as súas modificacións, sobre prevención de accidentes maiores en determinadas actividades industriais. Traballos con exposición a axentes biolóxicos dos grupos 3 e 4 (Directiva 90/679/CEE). Actividades de fabricación, manipulación e utilización de explosivos. Traballos propios de minaría a ceo aberto e de interior e sondaxes en superficie terrestre o en plataformas mariñas. Actividades en inmersión baixo a auga Actividades en obras de construción, escavación, movementos de terras e túneles, con risco de caída de altura ou enterramento. Actividades na industria siderúrxica e na construción naval. Produción de gases comprimidos, licuados ou disolucións, ou utilización significativa destes. Traballos que produzan concentracións elevadas de po silíceo. Traballos con riscos eléctricos en alta tensión

95 2. Cales son as funcións de nivel básico en prevención de riscos laborais? Promover os comportamentos seguros e a correcta utilización dos equipos de traballo e protección e fomentar o interese e cooperación dos traballadores na acción preventiva. Promover, en particular, as actuacións preventivas básicas, tales como a orde, a limpeza, a sinalización e o mantemento xeral, e efectuar o seu seguimento e control. Realizar avaliacións elementais de riscos e, no seu caso, establecer medidas preventivas do mesmo carácter compatibles co seu grao de formación. Colaborar na avaliación e no control dos riscos xerais e específicos da empresa, efectuando visitas para estes efectos, atención a queixas e suxestións, rexistro de datos, e cantas funcións análogas sexan necesarias. Actuar en caso de emerxencia primeiros auxilios xestionando as primeiras intervencións para estes efectos. Cooperar cos servizos de prevención, no seu caso.

96 3. Que formación necesito para realizar funcións de nivel intermedio de prevención de riscos laborais? O título de formación profesional de técnico superior en Prevención de Riscos Profesionais.

97 4. Cales son as funcións de nivel intermedio en prevención de riscos laborais? Promover a prevención na empresa. Realizar avaliacións de riscos, agás as especificamente reservadas ao nivel superior. Propoñer medidas para o control e redución dos riscos o formular as necesidades de recorrer ao nivel superior, á vista dos resultados da avaliación. Realizar actividades de información e formación básica de traballadores. Vixiar o cumprimento do programa de control e redución de riscos e efectuar persoalmente as actividades de control das condicións de traballo que teña asignadas. Participar na planificación da actividade preventiva e dirixir as actuacións a desenvolver en casos de emerxencia e primeiros auxilios. Colaborar cos servizos de prevención. Calquera outra función asignada como auxiliar, complementaria ou de colaboración do nivel superior.

98 5. Que formación necesito para realizar funcións de nivel superior de prevención de riscos laborais? Será necesario contar cunha titulación universitaria oficial e posuír unha formación mínima acreditada por unha universidade co contido especificado no programa ao que se refire o anexo VI do Real decreto 39/1997, do 17 de xaneiro, polo que se aproba o regulamento de servizos de prevención, non inferior a 600 horas.

99 6. Cales son as funcións de nivel superior en prevención de riscos laborais? As funcións recollidas para o nivel intermedio, a excepción da última. A realización daquelas avaliacións de riscos cuxo desenvolvemento esixa: O establecemento dunha estratexia de medición para asegurar que os resultados obtidos caracterizan efectivamente a situación que se valora. Unha interpretación ou aplicación non mecánica dos criterios de avaliación. A formación e información de carácter xeral, a todos os niveis, e nas materias propias da súa área de especialización. A planificación da acción preventiva que desenvolver nas situacións nas que o control ou redución dos riscos supón a realización de actividades diferentes, que implican a intervención de distintos especialistas.

100 FORMACIÓN EN PREVENCIÓN DE RISCOS LABORAIS NO SECTOR DA CONSTRUCIÓN 1. Cales son os ciclos de formación da Fundación Laboral de la Construcción? 2. Que duración ten o nivel básico de prevención na construción? 3. Que é a tarxeta profesional da construción? 4. Cales son as funcións da tarxeta profesional da construción? 5. Quen pode solicitar a tarxeta profesional da construción?

101 1. Cales son os ciclos de formación da Fundación Laboral de la Construcción? Os ciclos de formación da Fundación Laboral de la Construcción constarán de dous tipos de accións en materia de prevención de riscos laborais: O primeiro ciclo, denominado Aula Permanente, que comprenderá a formación inicial sobre os riscos do sector e conterán os principios básicos e conceptos xerais sobre a materia. Terá unha duración de oito horas. O segundo ciclo transmitirá coñecementos e normas específicas en relación co posto de traballo ou oficio. Terá unha duración diferente segundo o posto de traballo ou oficio: Duración do módulo formativo para persoal directivo de empresa: 10 horas Duración do módulo formativo para responsables de obra e técnicos de execución: 20 horas Duración do módulo formativo para mandos intermedios: 20 horas Duración do módulo formativo para delegados de prevención: 70 horas Duración do módulo formativo para administrativos: 20 horas Duración do módulo formativo para albanelaría, traballos de demolición e rehabilitación, encofrados, ferralla, revestimento de xeso, electricidade, fontanaría, cantería, pintura, solados e azulexados, aparatos elevadores, operadores de vehículos e maquinaria de movemento de terras, operadores de equipos manuais: 20 horas ción. Poderanse planificar accións formativas multifuncionais para máis dun oficio, segundo establece o artigo 165 do V Convenio colectivo do sector da constru-

102 2. Que duración ten o nivel básico de prevención na construción? O módulo do nivel básico de prevención na construción terá unha duración de 60 horas.

103 3. Que é a tarxeta profesional da construción? A tarxeta profesional da construción (TPC) é un documento expedido pola Fundación Laboral de la Construción cuxa finalidade é acreditar, entre outros datos, a formación específica recibida do sector polo traballador en materia de prevención de riscos laborais, así como a categoría profesional do traballador e os períodos de ocupación nas distintas empresas nas que vaia exercendo a súa actividade.

104 4. Cales son as funcións da tarxeta profesional da construción? A tarxeta profesional da construción ten as seguintes funcións: Acreditar que o seu titular recibiu polo menos formación inicial en materia de prevención de riscos laborais. Acreditar a categoría profesional do seu titular e a súa experiencia no sector. Acreditar que o seu titular se someteu aos recoñecementos médicos de acordo co previsto no V Convenio colectivo da construción. Acreditar a formación de todo tipo recibida polo seu titular. Facilitar o acceso do seu titular aos servizos da Fundación Laboral de la Construcción.

105 5. Quen pode solicitar a tarxeta profesional da construción? Poderán solicitar a tarxeta profesional da construción: Os traballadores en alta, ou en situación de incapacidade transitoria, que presten os seus servizos en empresas encadradas no ámbito de aplicación do Convenio xeral do sector da construción. Os traballadores desempregados sempre que teñan acreditados, polo menos, trinta días de alta en empresas encadradas no ámbito de aplicación do Convenio da construción no período de 36 meses inmediatamente anteriores á solicitude. Excepcionalmente, e motivado pola crise económica, este período ampliarase a 60 meses durante a vixencia do V Convenio estatal da construción.

106 1.5. OS CARNÉS PROFESIONAIS E AS HABILITACIÓNS PROFESIONAIS OS CARNÉS E AS HABILITACIÓNS PROFESIONAIS

107 OS CARNÉS E AS HABILITACIÓNS PROFESIONAIS 1. Que é un carné profesional e/ou unha habilitación profesional? 2. Que requisitos se esixen para obter un carné profesional ou unha habilitación profesional? 3. Que organismo regula a obtención dos carnés profesionais o habilitacións profesionais?

108 1. Que é un carné profesional e/ou unha habilitación profesional? O carné profesional e/ou a habilitación profesional é un documento que acredita ter os coñecementos suficientes, tanto teóricos como prácticos para realizar actividades concretas dentro dunha profesión.

109 2. Que requisitos se esixen para obter un carné profesional ou unha habilitación profesional? Os requisitos variarán en función do tipo de carné o habilitación, pero xeralmente son de formación, experiencia e/ou probas de aptitude. Por exemplo: Requisitos para a obtención do carné de operador de guindastre torre: a) Ser maior de idade b) Estar en posesión do título de graduado da ESO c) A superación dun curso teórico-práctico impartido por unha entidade acreditada polo órgano competente da comunidade autónoma onde se realizase o curso. d) A superación dun exame realizado polo órgano competente da comunidade autónoma onde se realizou o curso indicado no parágrafo anterior. e) Superar un exame médico sobre agudeza visual, sentido da orientación, equilibrio e agudeza auditiva e aptitudes psicolóxicas. Poderá obterse directamente o carné de operador de guindastre ou operador de guindastre torre cando se dispoña dun título de formación profesional o dun certificado de profesionalidade incluído no Catálogo Nacional de Cualificacións Profesionais, cuxo ámbito competencial coincida coas materias obxecto do Regulamento de aparatos de elevación e manutención destes, aprobado polo Real decreto 2291/1985, do 8 de novembro, e que se complementa coa Instrución técnica MIE-AEM-2

110 3. Que organismo regula a obtención dos carnés profesionais o habilitacións profesionais? O organismo regulador será diferente atendendo ás competencias ás que habilita. Por exemplo: No caso do carné de operador de guindastre torre, o órgano competente é o Servizo de Seguridade Industrial da Dirección Xeral de Industria, Enerxía e Minas, ou ben as xefaturas territoriais das diferentes provincias.