ANEXO I BASES DA CONVOCATORIA BOLSA DE FORMACIÓN PARA DESENVOLVER ACTIVIDADES DE APOIO AOS PROGRAMAS DE INTERCAMBIO INTERNACIONAL

Transcrição

1

2 ANEXO I BASES DA CONVOCATORIA BOLSA DE FORMACIÓN PARA DESENVOLVER ACTIVIDADES DE APOIO AOS PROGRAMAS DE INTERCAMBIO INTERNACIONAL 1. OBXECTO O obxecto da bolsa é fomentar unha mellor formación do alumnado colaborando, en réxime de compatibilidade cos seus estudos, en actividades vinculadas aos programas de intercambio e de cooperación internacional. 2. REQUISITOS Pode solicitar a bolsa o alumnado que cumpra os seguintes requisitos: Estar matriculado no prazo de presentación de solicitudes e durante todo o período de duración da bolsa en titulacións oficiais de grao ou mestrado. Ter superados o 50% dos créditos dos estudos de Grao. O último día de presentación das solicitudes será o que se teña en conta aos efectos de determinar a superación destes créditos. Acreditar un nivel de coñecemento de lingua inglesa mínimo equivalente a un B2 segundo a táboa aprobada pola CRUE: %20de%20niveles%20de%20ingl%C3%A9s.pdf Acreditar un nivel de coñecemento de galego mínimo equivalente ao Celga 4 Non poderán ter a condición de beneficiario as persoas nas cales concorra algunha das circunstancias establecidas no artigo 13.2 da lei 38/2003, de 17 de novembro, Xeral de Subvencións. 3. CARACTERÍSTICAS DA BOLSA O contido do plan formativo é o seguinte: Actividades relacionadas coa internacionalización da institución. As normativas de relacións internacionais da Universidade de Vigo. Os procesos de xestións cos responsables de relacións internacionais dos centros. Tipoloxía dos programas de intercambio promovidos e xestionados pola ORI da Universidade de Vigo: Erasmus+, ISEP, convenios bilaterais, Fundación Carolina, estudantes visitantes, programa de libre mobilidade, entre outros. Documentación necesaria para desenvolver os diferentes programas de intercambio e realizar unha xestión adecuada dos mesmos seguindo as normas estipuladas para cada acción polos organismos que financian as actividades de mobilidade. Tipos de bolsas xestionadas pola Oficina de Relacións Internacionais. 2

3 Proceso de rexistro da información facilitada polos participantes nas accións de mobilidade. Accións específicas para facilitar a acollida do alumnado, PDI e PAS estranxeiro na UVigo: o programa de acollida de estudantes, PDI e PAS estranxeiros, o aloxamento, a chegada, a planificación dos actos de benvida e as actividades específicas para o alumnado estranxeiro. Coñecemento da oferta lingüística específica para o alumnado que participa nos programas de mobilidade: Centro de Linguas, cursos de idiomas para Erasmus, etc. A persoa beneficiaria estará baixo a titoría da dirección da ORI quen se responsabiliza da formación impartida, do desempeño da actividade de colaboración e da orientación no desenvolvemento da bolsa. 4. INCOMPATIBILIDADES O gozo da bolsa de formación complementaria é incompatible con calquera relación laboral ou administrativa pola que se perciban retribucións a cargo dalgunha entidade pública ou privada. Así mesmo, é incompatible coa prestación ou subsidio por desemprego. Tamén será incompatible con calquera outra bolsa de formación complementaria convocada por calquera entidade pública ou privada. Ademais, o alumnado non poderá gozar de ningunha bolsa co mesmo obxecto formación complementaria ou colaboración dos estudantes da Universidade de Vigo, por un período igual ou superior a dezaoito meses, de forma consecutiva ou descontinua. O cómputo do tempo como bolseiro de formación, farase por meses completos. Se a bolsa comeza antes do día 15 ou finaliza despois, incluído este, computarase como un mes enteiro para o cálculo do límite. 5. DURACIÓN E DESENVOLVEMENTO DA BOLSA A duración máxima da bolsa será de 12 meses iniciándose non antes do 1 de xullo e finalizando o 30 de xuño do Antes do inicio do curso 2018/2019 a Sección de Axudas e Bolsas comprobará a condición de matrícula, e dará de baixa a persoa beneficiaria no caso de non estar matriculada, o que terá como consecuencia a perda dos dereitos económicos correspondente á parte da bolsa non realizada. O número de horas de colaboración da bolsa será de 20 horas semanais. que deberán efectuarse durante o franxa horaria na que a Oficina de Relacións Internacionais está aberta, de 8 a 15 horas, de luns a venres, por razón da titorización dos bolseiros. Realizaranse tendo en conta os períodos lectivos e non lectivos do curso académico e a carga lectiva do/da bolseiro/a, quen poderá distribuír e compensar ata un 20% das horas de dedicación dun mes entre distintas semanas dentro do mesmo mes. O gozo da bolsa suporá a aceptación do previsto no Real decreto 1493/2011, do 24 de outubro, polo que se regulan os termos e as condicións de inclusión no réxime xeral da Seguridade Social das persoas que participen en programas de formación (publicado no BOE do 27 de outubro respecto á alta na Seguridade Social). 3

4 As persoas bolseiras non adquiren ningunha relación contractual, administrativa ou estatutaria coa Universidade de Vigo. A bolsa non supón ningún compromiso de cara á posterior incorporación do bolseiro ou bolseira aos cadros de persoal da Universidade. 6. DOTACIÓN E PAGAMENTO A dotación económica bruta será como máximo de 600,00 /mes e estará suxeita á retención do IRPF e ás obrigas de cotización á Seguridade Social (cota obreira) establecidas na normativa vixente nestas materias. O importe total desta acción ascende a un máximo de ,92 (a expensas do incremento que poida sufrir a cota patronal do ano 2019) Con cargo a aplicación orzamentaria 2018 ORI1 121DORI ,00 pola dotación bruta das bolsas e de 474,96 en concepto de cota patronal. Con cargo a aplicación orzamentaria 2019 ORI1 121DORI (7.200,00 pola dotación bruta das bolsas e de 474,96 en concepto de cota patronal. O pagamento farase por meses vencidos. Retribuirá a actividade realizada nese período conforme o establecido nesta convocatoria. Se a actividade desenvolta pola/o bolseira/o en cada mes non se corresponde coas condicións fixadas nesta convocatoria, e co fin de adecuar o pago á actividade real realizada nese mes, a persoa titora deberá emitir un informe no cal constará a actividade realizada e achegarao á Sección de Axudas e Bolsas antes do día 25 do mes en curso. 7. PRESENTACIÓN DE SOLICITUDES E DOCUMENTACIÓN As persoas solicitantes deberán cubrir o formulario (anexo II) electrónico a través do enlace e presentalo debidamente asinado nos rexistros da universidade. O prazo de presentación de solicitudes remata o día 22 de maio de As persoas solicitantes deben presentar xunto coa solicitude os seguintes documentos: - Certificación académica oficial dos estudos realizados no caso de que se realizaran nunha universidade distinta á de Vigo. - Acreditación do nivel de idioma de inglés B2 e no seu caso C1 e C2. - Acreditación do nivel de coñecementos doutros idiomas A2, B1, B2, C1, C2 no caso de posuílos. - Acreditación do nivel de coñecemento de galego Celga 4. Tamén se lles poderá requirir que acheguen outra documentación oportuna que sexa necesaria para a adxudicación da bolsa. Os datos persoais recollidos na solicitude teñen carácter obrigatorio e serán tratados pola Universidade de Vigo para a organización da formación, así como para o exercicio das demais funcións propias do servizo público de educación superior reguladas na Lei orgánica de universidades e nos Estatutos da Universidade. O responsable do tratamento destes datos é a Universidade de Vigo, diante da que se exercitarán os dereitos de acceso, rectificación, cancelación e oposición ao seu tratamento. 4

5 8. SELECCIÓN e RESOLUCIÓN A Sección de Axudas e Bolsas, rematado o prazo de presentación de solicitudes e unha vez examinadas estas e a documentación presentada, publicará a listaxe provisoria de solicitudes admitidas e excluídas, sinalando os motivos de exclusión. As persoas interesadas disporán de cinco días hábiles contados a partir do día seguinte ao de publicación para emendar os erros e a falta de documentación, presentando escrito de alegacións dirixido á Sección de Axudas e bolsas a través dos rexistros da Universidade. A selección das solicitudes que cumpran os requisitos establecidos na convocatoria será realizada pola Comisión de selección atendendo aos seguintes criterios: 1. Nota media do expediente académico calculada segundo o disposto no protocolo do Sistema Universitario Galego establecido no R.D.1125/2003: ata 3 puntos. 2. Coñecementos superiores de inglés acreditados (segundo a seguinte táboa), ata 1 punto. Nivel de idioma Puntuación por nivel de idioma (non suman entre si) C1 inglés 0,5 C2 inglés 1 3. Coñecementos superiores de outras linguas acreditados (segundo a seguinte táboa), ata 2 puntos Coñecementos doutros idiomas Puntuación por nivel de idioma (non suman entre si) A2 0,5 B B2 1 C1 1,5 C2 2 O proceso de selección realizarao unha Comisión de selección formada por: Presidente: O Vicerreitor de Extensión Universitaria e Relacións Internacionais, Manuel Fernández Iglesias Vogais: A Directora Técnica da Oficina de Relacións Internacionais, Amelia Rodríguez Piña A Xefa de Área de Relacións Internacionais, María Teresa Arce Aramendi Rematado o proceso de selección a Sección de Axudas e Bolsas á vista da proposta da comisión publicará a listaxe provisoria de persoas con bolsa concedida, denegada, e a relación ordenada de suplentes para o caso de renuncia da persoa titular da bolsa adxudicada. As persoas interesadas disporán dun prazo de cinco días hábiles contados dende o día seguinte a publicación, para presentar escrito de alegacións dirixido á Sección de Axudas e Bolsas a través dos rexistros da Universidade. 5

6 Unha vez que a comisión revise as alegacións, e á vista da proposta de resolución a Sección de Axudas e Bolsas publicará a Resolución Reitoral definitiva de persoas con bolsa concedida, denegada coas causas de denegación e a listaxe de agarda que se utilizará no caso de renuncia da persoa titular da bolsa adxudicada. Contra esta resolución, que esgota a vía administrativa, as persoas interesadas poderán interpoñer un recurso potestativo de reposición ante o/a reitor/a no prazo dun mes contado a partir do dia seguinte á publicación da presente resolución, ou ben directamente un recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados dende o día seguinte á súa publicación, de conformidade co artigo 46 da Lei 29/1998, do 13 de xullo, reguladora da xurisdición contencioso administrativa. Todas as resolucións ás que se refire este punto publicaranse nos taboleiros dos rexistros da Universidade de Vigo, e no Portal de bolsas da Universidade. 9. ACEPTACIÓN E RENUNCIA Cada bolseiro/a presentarase no lugar e na hora indicada na resolución definitiva. No caso de que a persoa beneficiaria non se presente, entenderase que renuncia á bolsa e o seu posto será ocupado por outra persoa solicitante da listaxe de agarda segundo a orde establecida. A renuncia voluntaria á bolsa farase por escrito e será comunicada á Sección de Axudas e Bolsas e o/a titor/a cun mínimo de 15 días de antelación á data en que se fará efectiva a renuncia. A renuncia dará lugar a perda dos dereitos económicos correspondentes á parte da bolsa non realizada. No caso de existir listaxe de agarda a bolsa será adxudicada á seguinte persoa da listaxe de agarda nos termos establecidos nesta convocatoria. 10. OBRIGAS Son obrigas das persoas bolseiras: - Realizar, baixo a supervisión do titor/a, a actividade formativa e o plan formativo conforme ao establecido na convocatoria. - Estar matriculadas no curso académico 2018/2019 na Universidade de Vigo e, en todo caso, durante todo o período de duración da bolsa. - Achegar, dentro do mes seguinte á finalización da bolsa, unha memoria final das actividades realizadas durante todo o período da bolsa. Esta memoria debe estar informada favorablemente pola persoa titora. - Cumprir as obrigas recollidas no artigo 14.1 da lei 38/2013, de 17 de novembro, Xeral de subvencións, que lles sexa de aplicación. 11. REVISIÓN E REINTEGRO DAS BOLSAS A concesión destas bolsas e a permanencia nas listaxes de agarda serán revisadas e, de ser o caso, suporá o inicio do procedemento de reintegro das cantidades incorrectamente percibidas, polos seguintes motivos: - O incumprimento das obrigas especificadas nesta convocatoria. - A ocultación de datos ou da información solicitada. 6

7 - Incorrer nalgunha das causas de incompatibilidade establecidas nesta convocatoria. - Trala emisión dun informe desfavorable da persoa titora, por incumprimento de desenvolvemento propio do obxecto da bolsa. Neste caso poderase interromper de xeito cautelar o abono da axuda económica unha vez iniciado o procedemento. se expresa que a ocultación ou falsidade de documentos leva aparellada a perda de todo dereito para presentarse a esta convocatoria, me comprometo a manter a condición de matrícula durante todo o período de beneficio da bolsa, estou ao corrente das obrigas tributarias e coa seguridade social 7

8 DATOS PERSOAIS ANEXO II Impreso de solicitude Bolsas de formación complementaria nas programas de intercambio internacional Apelidos: Nome: D.N.I.: Enderezo postal: C.P.: Localidade: Provincia: Nacionalidade: Enderezo electrónico: Data de nacemento: TELÉFONO MÓBIL: TELÉFONO FIXO: Matriculado/a en: Nota: Co fin de facilitar a comunicación de maneira persoal, é indispensable poñer o teléfono móbil e o enderezo electrónico ENTIDADE OFICINA D.C. Nº DE CONTA (dez díxitos) E S NOME DO BANCO: ENDEREZO DO BANCO: SINATURA E SELO DO BANCO: (cumprimentar todos os díxitos do IBAN) DOCUMENTACIÓN ENTREGADA Certificación académica de estudos realizados noutras universidades... Currículo... Documentación acreditativa dos méritos alegados... Declaro baixo a miña responsabilidade: todos os datos que manifesta neste escrito son verdadeiros, entendo e coñezo os termos da convocatoria, en particular, onde se expresa que a ocultación ou falsidade de documentos leva aparellada a perda de todo dereito para presentarse a esta convocatoria, me comprometo a manter a condición de matrícula durante todo o período de beneficio da bolsa, estou ao corrente das obrigas tributarias e coa seguridade social..., de.de 2018 Sinatura PROTECCIÓN DE DATOS Os datos persoais recollidos a través deste formulario, incluiranse nun ficheiro da Universidade de Vigo. A finalidade de dito tratamento é a xestión das inscricións na Convocatoria de Bolsas de formación complementaria. Vostede pode exercer os seus dereitos de aceso, rectificación, cancelación e oposición expresados no artigo 5 da Lei Orgánica 15/1999, de Protección de Datos, mediante unha comunicación escrita enviada ao seguinte enderezo postal: Secretaría Xeral, Edificio Reitoría, Campus Universitario s/n, Vigo. SR. REITOR