GRAO EN ENXEÑARÍA AGRÍCOLA E AGROALIMENTARIA Informe de satisfacción de prácticas. Curso Contenido

Transcrição

1 GRAO EN ENXEÑARÍA AGRÍCOLA E AGROALIMENTARIA Informe de satisfacción de prácticas. Curso Contenido Cuestionario e resultados por curso... 2 Resultados do primeiro curso... 3 Resultados do segundo curso... 4 Resultados do terceiro curso, rama agrícola... 4 Resultados do terceiro curso, rama industrias agrarias e agroalimentarias... 5 Resultados do cuarto curso

2 GRAO EN ENXEÑARÍA AGRÍCOLA E AGROALIMENTARIA Informe de satisfacción de prácticas. Curso As enquisas propias da titulación realizadas pola EPS de Enxeñaría deron uns resultados de valoración da docencia práctica moi baixos no Grao en Enxeñaría Agrícola e Agroalimentaria. Co ánimo de afondar nos motivos deste descontento, indagouse nos posibles aspectos a mellorar. Por iso, dende a comisión deste Grao, xurde a proposta de analizar a calidade das prácticas mediante enquisas específicas entre o alumnado con aspectos relativos ás prácticas que contribúan positivamente á mellora das mesmas. Os resultados obtidos proporciónanse a continuación. Cuestionario e resultados por curso O cuestionario realizouse a alumnado de tódolos cursos da titulación con tres cuestións cuantificables en escala de 1 a 5 con posibilidade de ser melloradas en cursos sucesivos e unha cuestión aberta para os comentarios do alumnado de xeito libre. As cuestións formuladas foron: 1. Na túa opinión, as prácticas realízanse no momento preciso para contribuír á aprendizaxe? 2. Na túa opinión, o material foi suficiente e axeitado para a realización das prácticas de laboratorio/informática? 3. Na túa opinión, a adicación ás prácticas correspóndese co seu peso na cualificación? 4. Comentarios respecto ás prácticas (guións, explicacións, expectativas, cantidade de materia, ) Na codificación dos resultados empregouse o NC para contabilizar aquelas preguntas non respostadas. Os resultados das medias para cada curso, preséntanse na táboa 1. Táboa 1. Valoración media dos cursos. Valoración: 1: NON, NADA. 5: SI, MOITO. Preguntas: (1) Na túa opinión, as prácticas realízanse no momento preciso para contribuír á aprendizaxe? (2) Na túa opinión, o material foi suficiente e axeitado para a realización das prácticas de laboratorio/informática? (3) Na túa opinión, a adicación ás prácticas correspóndese co seu peso na cualificación? Curso º º º Rural º Industrias º Globalmente hai unha boa valoración das prácticas realizadas no título, cunha valoración ascendente a medida que o alumnado avanza nos seus estudos ata o 3º curso, descendendo levemente en 4º. 2

3 Resultados do primeiro curso Os cuestionarios foron realizados en dúas roldas en función da data de finalización das prácticas, respondendo un total de 12 persoas para as materias de Estatística, Expresión gráfica na enxeñaría, Física I, Informática e Química e 18 persoas na segunda para as materias de Física II, Xeoloxía e climatoloxía e Bioloxía. As porcentaxes totais de preguntas non contestadas (NC) oscilan entre o 7 e o 9%. É dicir, de forma global, trátase de resultados bastante satisfactorios. De todos os xeitos, hai que ter en conta que estes poden dar unha visión algo sesgada xa que o número de respostas en cada materia é diferente. Polo tanto, si se quere obter un diagnóstico máis acertado da situación resulta máis adecuado facer unha análise de frecuencias, en cada materia, tal e como se fai a continuación. Os resultados indican que a maioría das prácticas fanse no momento oportuno xa que, salvo en dúas materias, as porcentaxes de respostas puntuadas entre 3 e 5 van dende o 83% ao 100%. Destacan os casos de Física I e Física II; en Física I, o 100% das respostas están entre 3 e 5 e en Física II esta porcentaxe é do 94%. Polo contrario, no caso de Química o 42% non contesta a esta pregunta e outro 42% (o 72% das respostas) puntúa entre 3 e 5 a oportunidade das prácticas. En xeral, os estudantes consideran que o material empregado nas clases prácticas é axeitado en tódalas materias. Salvo en Química, o resto ten puntuacións de 3 a 5 en porcentaxes que oscilan entre o 74 e o 100%. A máxima porcentaxe (100%) neste rango (3 e 5) é acadada por: Física II, Xeoloxía e climatoloxía e Bioloxía. Polo que respecta ao peso na cualificación, a maioría das respostas están entre 3 e 5. Expresión gráfica, Informática e Química neste rango (3 5) obtiveron puntuacións entre 50 58%. Nas restantes materias as puntuacións entre 3 e 5 aparecen en porcentaxes entre o 66 e o 100% (caso de Física II). Globalmente, a materia mellor valorada nas tres primeiras preguntas é Física II. Parte das materias rexistraron respostas á cuestión aberta. Estas cuestións son opinións persoais do alumnado, que ás veces inciden sobre aspectos xa preguntados, que se sintetizan nos seguintes puntos: Estatística: houbo 1 comentario que incide nos beneficios das mesmas e 2 que sinalan que hai moitos contidos en curto espazo de tempo. Expresión gráfica na enxeñaría: houbo 2 comentarios relacionados coa valoración das mesmas e dificultade de comprensión da materia. Física I: houbo 1 comentario relacionado co grande interese das prácticas e outro en relación a que son escasas. Informática: houbo 3 comentarios que sinalan dificultades para a comprensión das prácticas ou para ser respostados durante as mesmas. Química: houbo 1 comentario relacionado coa dificultade de compresión da materia. Xeoloxía e climatoloxía: 1 comentario considera maior adicación a mapas. Bioloxía: 1 comentario incide na dificultade de comprensión e outro no desacordo entre teoría e práctica. 3

4 Resultados do segundo curso Os cuestionarios foron realizados nunha única rolda, respondendo un total de 18 persoas. As porcentaxes de preguntas non contestadas (NC) están entre o 21 e o 23% do total. Os resultados amosan que a maioría das prácticas realízanse no momento axeitado, con só un 15% das respostas globais por baixo da cualificación 3. Destaca a materia de Fitotecnia cualificada co máximo por un 44% do alumnado, seguida por Ecoloxía e impacto ambiental con un 28%. Por outra banda, so hai tres materias que recollen a mínima cualificación entre as súas valoracións. En xeral o alumnado fai unha boa valoración do material, de xeito que a valoración máis repetida é 4, obtendo unha porcentaxe global do 33%. Segundo o alumnado, as carencias de material afectan de forma importante ás materias de Cálculo de estruturas e Hidráulica, mentres que Botánica posúe as mellores valoracións, seguida de Ecoloxía e impacto ambiental e Fitotecnia. En xeral o alumnado está de acordo co peso das prácticas na cualificación. A materia que mellores valoracións do alumnado é CAD, seguida de Fisioloxía vexetal e Fitotecnia. Polo contrario, so dúas materias son as que acadan valoracións na puntuación máis baixa. Parte das materias rexistraron respostas á cuestión aberta. Unha síntese das respostas dadas proporciónase a continuación. Cálculo de estruturas: houbo un total de 3 opinións diversas, que inciden nas boas explicacións do profesor e, por outra banda, na escaseza dos equipos e nas dificultades de relación entre as prácticas e os exercicios realizados nas clases expositivas. Ecoloxía e impacto ambiental: en contra dos resultados globais, unha opinión expón falta de material. Edafoloxía: recolleu 2 comentarios nos que se indica a falta de tempo dedicado á explicación dos cálculos e ao pouco peso nas cualificacións. Electrotecnia: 1 comentario indica que o laboratorio é moi pobre en material. Fisioloxía vexetal: 2 comentarios relativos a que as entregas solicitadas son demasiado exhaustivas e á maior demanda de saídas a campo. Botánica: 2 comentarios para indicar que se prevían máis saídas a campo e outro que preferiría traballar con especies máis representativas a nivel agrícola. Mecanización agroforestal: 3 comentarios, 1 deles positivo en canto ás explicacións e outros dous en senso contrario en canto a aproveitamento das prácticas e a metodoloxía. Topografía: 3 comentarios relacionados con material pouco actualizado, dificultade das prácticas e desatención durante a realización das mesmas. CAD: 1 comentario relacionado coa escaseza de equipos con Autocad na escola. Resultados do terceiro curso, rama agrícola Os cuestionarios foron realizados nunha rolda, respondendo un total de 11 persoas. As porcentaxes totais de preguntas non contestadas (NC) oscilan entre o 18 e o 20%. Houbo entre 5 e 11 respostas para as diferentes materias, se ben hai tres materias que son optativas 4

5 (obrigatorias de mención) e o resto son obrigatorias. Nas tres preguntas se acada unha media similar, entorno ó 3.5. Hai una correlación moi marcada entre os resultados as dúas primeiras preguntas, o que fai pensar que, máis aló do enunciado de cada una, poden reflectir o grao de satisfacción xeral pola realización da práctica. So Cultivos Herbáceos Intensivos I se desmarca un pouco da tendencia con un valor sensiblemente máis alto na segunda (material) que na primeira (momento). Nesas dúas primeiras preguntas destacan por debaixo da media e puntuación arredor de 2, Zootecnia e Regas. Pola contra, destacan por riba da media e con puntuación superior a 4.5 Mecanización Rural e Zooloxía e Fisioloxía Animal. Na terceira pregunta cambia a pauta das dúas anteriores e baixa un pouco a media xeral. Agora as materias peor situadas son Regas, Cultivos Herbáceos Intensivos I, Fruticultura I e Hidroloxía. As que presentan resultados máis altos, por riba de 4, son Zooloxía e Fisioloxía Animal, Mecanización Agraria e Mecanización Rural Entre os comentarios realizados na cuestión aberta, con respecto ao momento de realización, en dous se di que foron adiantadas á teoría ou que había que aplicar coñecementos que non se tiñan. Hai só dous comentarios sobre a obsolescencia ou insuficiencia de material. En canto á orientación das prácticas, móstrase insatisfacción con materias como Zootecnia ou Mecanización Agraria. Pola contra hai comentarios positivos para Mecanización Rural, Xenética e Mellora ou en Zooloxía de Fisioloxía Animal. Outros comentarios refírense ao pouco número de prácticas, que se dedicaran a seminario ou tiveran unha compoñente teórica, ou se fixeran cousas pouco relacionadas co temario. Só dunha materia se fala de exceso de horas e de facerse pesadas. Resultados do terceiro curso, rama industrias agrarias e agroalimentarias Os cuestionarios foron realizados en dúas roldas en función da data de finalización das prácticas, respondendo un total de 8 persoas námbolos dous casos. As porcentaxes totais de preguntas non contestadas (NC) oscilan entre o 30 e o 31%. A media total da valoración das materias é maior que noutros cursos, aínda que existen materias non cualificadas pola falta ou escaseza de alumnado. Debido ao baixo número de alumnado, a calidade da docencia parece reforzada no caso das prácticas. En xeral, para o momento de realización das prácticas, a maioría das contestacións valórase entre 3 y 5, salvo Termotecnia na que marcan 1 o 38% d@s enquisad@s e Operacións básicas cun 50% entre 1 e 2. As materias que aparecen sinaladas como carentes de medios son principalmente Bioquímica co 38% que marca 2, Industrias lácteas cun 13% en 2, Termotecnia co 26% entre 1 e 2, Operacións básicas co 51 % entre 1 e 2 e Xestión con un 13 % con un 1. En canto ao peso das prácticas na avaliación da materia, atopamos semellante á escena anterior, particularmente negativamente a Operacións básicas de 63% entre 1 e 2 e Termotecnia cun 26% nos dous niveis. Parte das materias rexistraron respostas á cuestión aberta. Unha síntese dos comentarios son: 5

6 Bioquímica, Industrias fermentativas, Industrias lácteas, Microbioloxía e Tecnoloxía de alimentos: todas recibiron dous comentarios positivos en canto a materia, explicación e corrección das prácticas. A materia Industrias lácteas recibiu tamén un comentario relacionado coa falta de material e fondos para as prácticas. Os comentarios son moi explícitos sobre a materia de Operacións básicas e coinciden cas valoracións cuantitativas. Os comentarios de Termotecnia parecen explicar o número de alumnos insatisfeitos nas cuestións cuantitativas, xa que aparecen como moi esixentes. En Industrias cárnicas hai un comentario en canto á falta de conexión coa materia teórica, así como a súa profundidade. Resultados do cuarto curso Os cuestionarios foron realizados en dúas roldas para o primeiro e segundo semestre, respondendo 15 e 8 persoas respectivamente. As porcentaxes totais de preguntas non contestadas (NC) son moi elevados debido a grande cantidade de materias optativas existentes, polo que cada persoa responde unicamente a aquelas que cursa. A data de realización da enquisa foi tarde e para moitas materias, varios meses despois de rematadas; no segundo semestre a enquisa non se puido pasar ata que finalizaron todas as prácticas, e algunhas fixérono o último día lectivo, polo que parte importante do alumnado xa non estaba no campus. Dada a grande cantidade de materias do cuarto curso, é foi difícil atopar un número suficiente de alumnos para a realización das enquisas. Para as materias de Agricultura ecolóxica, Enxeñaría das industrias agroalimentarias e Instalacións hidráulicas, Materiais e elementos da edificación, Enxeñaría das industrias agroalimentarias, Coordinación de seguridade e saúde e Execución de proxectos non hai datos. Só nas materias Proxectos, Protección de Cultivos, Construción de aloxamentos gandeiros, Empresa, Praticultura e cultivos forraxeiros e Aplicación sustentable de produtos fitosanitarios, fundamentalmente obrigatorias de especialidade ou troncais e do primeiro semestre, o número de respostas supera o 50%. Todas as restantes, a excepción de Fruticultura II, están por baixo do 30% de participación. Habería que cotexar os datos co alumnado matriculado: por exemplo, en protección de cultivos, que é obrigatoria de especialidade, só estaba presente o 30%, mentres que nalgunhas optativas estaba o 100%. Para varias materias, no primeiro e segundo cuadrimestre non hai datos porque son materias optativas que o non tiveron alumnos ou non estaban presentes no momento da enquisa. Tamén houbo algunha materia (Agricultura ecolóxica) na que as prácticas foron substituídas por unha viaxe e o alumnado non cubriu a enquisa, aínda que si houbo comentarios. En moitas materias optativas contestaron 1 ou 2 alumnos e a imposibilidade de anonimato puido afectar as respostas. En xeral as valoracións son altas (por riba de 3) nas 3 preguntas salvo no caso de Industrias conserveiras, Sistemas de produción gandeira e Zootecnia, que presentan un ou varios valores por baixo do aprobado. É importante ter en conta que nestas materias unicamente respostaron entre 1 e 2 alumn@s. Por contra, Tecnoloxía mecánica e deseño de maquinaria 6

7 agrícola xunto con Viticultura presentan unha media de 5 (3 alumn@s e 2 alumn@s respectivamente). O momento de realización das prácticas é a pregunta que ten a valoración media máis alta nas materias da rama agraria. Parece que o momento elixido para a realización das prácticas se considera axeitado incluso naquelas nas que por motivos climáticos e de desenvolvemento dos cultivos, se puxeron o máis tarde posible no segundo semestre. No caso das materias da mención de Industrias agroalimentarias, aparte do caso de Industrias conserveiras, todas as valoracións se concentran entre 3 e 5 (salvo unha resposta dun total de 3, en Análise instrumental, que non se pode considerar significativo). Para cualificar o material de prácticas, a maioría das valoracións están entre 3 e 5, salvo unha pequena porcentaxe en Proxectos (non significativa) e de novo o caso de Análise instrumental e hai varias materias nas que a satisfacción é baixa: Industrias conserveiras, Zootecnia, Xardinaría e paisaxismo II, Sistemas de produción gandeira e Aplicación sustentable de fitosanitarios. Outras teñen a valoración máxima nesta pregunta: Camiños rurais e Tecnoloxía mecánica e Viticultura, cunha media de 5. O peso da cualificación das prácticas é a pregunta peor valorada, aínda que segue a ter unha valoración alta, maior a 3 na maioría das materias. As materias de Proxectos e Análise instrumental teñen porcentaxes maiores ao 10% de valoracións entre 1 e 2. Moitas materias acadan medias por riba do 4, pero con algún comentario negativo. Nalgúns casos o alumnado que fixo a enquisa parecía non saber moi ben o peso das prácticas na cualificación. Nos comentarios hai queixas e tamén parabéns. Existen queixas da excesiva carga de traballo en Proxectos, de que apenas existen prácticas en Construción de aloxamentos gandeiros e Sistemas de produción gandeira. En xeral a substitución de prácticas por viaxes (Agricultura ecolóxica, Industrias conserveiras) é motivo de descontento, aínda que nalgunha materia que inclúe viaxes que está especialmente ben valorada (Viticultura). Recolleuse algún comentario sobre prácticas anacrónicas, ou equipamento e material obsoleto (ordenadores lentos). 7