INDICE INTRODUCCIÓN..3 ACTIVIDADES POR GRUPOS DE IDADE.5 CLASES O A 1.5. Introducción Actividades Conclusión CLASES 1 A 2 32

Transcrição

1 CURSO

2 INDICE INTRODUCCIÓN..3 ACTIVIDADES POR GRUPOS DE IDADE.5 CLASES O A 1.5 Introducción Actividades Conclusión CLASES 1 A 2 32 Introducción Actividades Conclusión CLASES 2 A 3 35 Introducción Actividades Conclusión 2

3 1.- INTRODUCCIÓN A Escola Infantil Municipal O BOSQUE está situada na estrada que vai de Bertamiráns a Negreira, moi preto do centro urbán ( Av. da Peregrina, nº 28- BEERTAMIRANS).Pódese acceder a ela tanto a pé coma en coche. Neste curso matriculáronse 121 nen@s distribuídos nas seguintes unidades: Dúas unidades de 0 a 1 ( 16 nen@s) Tres unidades de 1 a 2 ( 42 nen@s) Tres unidades de 2 a 3 (63 nen@s) Ademais das aulas cos seus correspondentes aseos, a escola dispón doutras dependencias, dedicada aos nen@s ou a servizos xerais, que numeradas son as seguintes: Sa de berces Patio exterior e interior Comedor e cociña Lavandería e almacén Aseos persoal Sala para titorías Aula de psicomotricidade. A idade mínima de ingreso na escola é de 3 meses e poden permanecer nela ata os 3 anos sempre que o nen@ os cumpra despois do 31 de decembro. Das 5 prazas reservadas para emerxencia social cubríronse só 2quedando valeira unha no grupo de 1 a 2anos e as dúas de 2 a 3 anos. O horario da escola é de 7:45 a 20:15, aínda que os nenos/as non poden permanecer por un período superior as 8 horas excepto caos xustificados. Nos meses de Xullo e Agosto o horario da escola é de 7:45 a 18:00 Os horarios de comedor durante este curso foron: -Almorzo: de 7:30 a 9:00 -Xantar: de 12:00 a 13:15 en dúas quendas -Merenda : de 16:30 a 17:15 3

4 Cubríronse todas as prazas de comedor en todos os grupos de idade tanto para o almorzo como para a merenda, e fíxose dende o concello o esforzo de contratar a unha PSX a media xornada para poder atender algunha solicitude mais de comedor atendendo así toda a demanda deste servizo 4

5 2.-ACTIVIDADES POR GRUPOS DE IDADES CLASES 0-1 ANOS Chegamos o remate do curso e imos facer memoria do que aconteceu o longo destes meses. Para empezar diremos que en setembro acollemos na nosa clase a uns bebés con poucos meses de vida e uns papás moi preocupados por deixar o que máis querían nas nosas mans o longo da xornada. Estes bebés medraron moi rápido, foron madurando en tódolos aspectos e espero que as súas familias estean máis tranquilas vendo como van cada día evolucionando e sorprendéndonos de tódalas cousiñas que son capaces de facer. Neste documento imos facer balance do noso traballo para avaliarnos e poder mellorar no próximo curso. PRIMEIRO TRIMESTRE SETEMBRO PERIODO DE ADAPTACIÓN Empezámolo curso o 1 de setembro e temos a clase preparada para recibir aos nosos nenos. Son nenos de idades de 5 a 9 meses e case todos empezan os primeiros días do mes. Temos 4 nen@s de 5 meses 4 nen@s de 6 meses 5 nen@s de 7 meses 5

6 2 de 8 meses Uns días máis tarde empeza un neno de 4 meses. Chegan a partir das 9 da mañá e están 1 h. a primeira semana. Logo imos alargando o tempo de permanencia no centro. Na terceira semana xa comen algúns e o remate do mes facemos un horario regular normal. O longo deste mes tratamos de cubrir tódalas necesidades básicas dos nosos nenos proporcionándolle un ambiente rico en estímulos, acolledor e cargado de paciencia para que a incorporación a escola deixe neles un bo recordo. Pegamos no chan da clase moitas caras de nenos e eles miran e intentan tocar. Ademais facemos actividades que lles axudan o seu desenvolvemento e tamén observámolo nivel de maduración no que se atopan para poder adaptar a nosa programación a cada caso particular. Pretendemos establecer unhas rutinas a hora do descanso para que se acostumen a durmir nos seus berces, sen estar o adulto presente. Permanecen moito tempo en mantas de actividades, nos bumbos, facendo xogos nas colchonetas e nas hamacas. Axudámoslle a dala volta, a movelos seus braciños, pernas, agarralos xoguetes, algúns xa se arrastran para alcanzalos xoguetes, rinse moito, responden os estímulos, toman moi ben o bibe pero cústalle quedar durmidos. MANUALIDADE Como recordo da entrada por primeira vez na escola estampámolo peíño nunha cartolina e poñémoslle cordel no borde para poder colgalo. 6

7 OUTUBRO Acostumámonos moi ben a este novo entorno e xa todos nos coñecemos e facemos os horarios establecidos. CESTO DOS TESOUROS Preparamos un cesto grande con moitas cousiñas dentro, de moitas cores e de uso da vida cotián e tamén naturais: coadores, embudes, pinzas da roupa, brochas de afeitar, pinceis de varios tipos, cepillos, guantes de toalla, trapiños, culler de pau, morteiro, plumas, tubos de cartón Por medio da manipulación destes obxectos imos percibindo sensacións e desenvolvendo os nosos sentidos. Este e un gran laboratorio onde se experimenta cas cores, texturas, tamaños, ulidos, sabores, pesos e mesmo nos metemos dentro. MASAXES Utilizámola masaxe como técnica de desenvolvemento sensorial e de relación afectiva. Os nen@s pequeniños gústanos moito o contacto e o acercamento ao adulto. Reláxanos, tranquilízanos e mesmo din os entendidos que axuda o sistema inmunitario. Na nosa clase non podemos facelo todo o completo que tiñamos previsto porque necesitamos tempo e as profes parécelles que nos arrefiamos dado que estamos no outono. Escollemos estas datas para facer esta actividade porque a idade e a máis apropiada pola predisposición que mostran para estes exercicios. BALÓN GRANDE Os balanceos neste balón son interesantes aínda que as primeiras veces impresiónanos a sensación de profundidade. Pasámolo moi ben, tanto de costas coma ca barriga para 7

8 abaixo. O LIBRO DO PRIMEIRO ANO Esta experiencia realizámola ca axuda das familias. O longo do curso deixamos constancia neste libro dalgúns momentos importantes da vida do nen@. Pegamos fotos e facemos comentarios que lles quedan como recordo: o seu 1º baño, a chegada a escola, os seus amiguiños e profes, investigando entre as follas, disfrazados no outono, o 1º aniversario PLÁSTICOS DE BURBULLAS O longo do curso xogamos moito con estes plásticos. As profes fan ruído con eles, tapan a cabeza, fan cu-cú, estamos deitados enriba e dámola volta Nos rímonos moito. NOVEMBRO No chan da clase pegamos follas porque estamos preparados para a entrada do outono. No cesto dos tesouros aparecen moitas piñas, castañas, abelás, noces, granadas, espigas de millo, cabazas grandes e pequenas, uvas, landras O cesto quédanos pequeno e as profes traen outros para metelo todo. Queremos tocalo todo, e mesmo metelo na boca. Estas cousiñas rascan e non saben a nada. As profes din que temos que conformarnos con tocar e esperar a medrar para poder probar. MANUALIDADE DO OUTONO Investigamos con pintura con sal e pintamos unha landra para levar a casiña de recordo. Colocamos alí a nosa foto. 8

9 MAGOSTO Somos moi pequeniños pero gústanos participar en tódalas actividades que se fan na escola. As profes encheron unha piscina de follas secas e verdes, amarelas, laranxas, verdes, marróns, vermellas e metéronnos dentro. Cheiraban raro, rascaban pero salvo algún amiguiño que non lle gustaba, pasámolo pipa. Saímos o patio grande a mirar como os compañeiros maiores comían os doces que fixeron nas súas clases. Coma sempre, nos non podemos. DECEMBRO Cambiamos a decoración da aula porque chega o Nadal. Poñemos moitas cousas de cores, brillantes, bolas, campás, estrelas, algodón coma si fose neve, cintas, a Papá Noel, unha árbore Escoitamos e cantamos panxoliñas e sacamos moitas fotos co traxe e gorro de Papá Noel. MANUALIDADE DE NADAL Pintamos unha bola de porexpan e as profes pegan alí a nosa foto. Levámola a casa para colgala na árbore. VISITA DOS PAXES Veñen a visitarnos os paxes e entregámoslle unha carta pedíndolle paz e alegría para tódalas familias. 9

10 FESTIVAL DE NADAL Participamos no Festival de Nadal. Como non podía ser doutra maneira o bebé protagonista do conto de Nadal era unha compañeira da nosa clase. Cira estivo todo tempo moi contenta e quietiña mentres os nenos maiores facían a representación. PROBAMOS FROITAS Agora xa nos deixan probar algúns alimentos: mazá, pera, laranxa, limón, mandarina, plátano. Están ricos estes alimentos aínda que uns máis que outros. BOTELLAS RUIDOSAS As profes meten dentro de botellas de plástico transparentes fabas, garavanzos, arroz, lentellas e axúdannos a facer ruído con elas. Con estas botellas e os instrumentos facemos unha orquestra. SEGUNDO TRIMESTRE XANEIRO Xa cambiamos moito e non somos tan bebés. Algúns xa camiñan e outros arrástranse a toda velocidade pola clase. O que máis nos costa e quedar a durmir nos berces. Este ano protestamos bastante pero as profes teñen paciencia e gañan elas. 10

11 Sacamos do chan as cousas brillantes que tiñamos pegadas. Isto facémolo bastante ben, pois imos levantando unha esquiniña e pouco a pouco conseguímolo. Agora son as profes as que pegan paraugas, choiva, neve Estamos no inverno. BOTELLAS DE AUGA DE CORES Enchemos botellas de auga e botámoslle pintura de cor vermello, azul, verde, amarelo. Xogamos moito a facelas rodar pola clase. ANIVERSARIOS Xa empezamos a cumprir o noso primeiro aniño e cando nos toca poñemos unha coroa, un biscoito con unha candea e tódolos amiguiñas arredor sacamos unha foto. Nos aínda non sabemos soprar pero encárganse as profes de facelo. O que cumpre ese día leva a casa un marcapáxinas cunha foto. Nel estamparon as pegadiñas tódolos amiguiños. O peor e que coma sempre non nos deixan probalo biscoito. AZUCRE E SAL Hoxe deixáronnos tocar e probar o que había na bandexa. Era algo branco. O primeiro estaba riquísimo pero o que botaron despois facía estremecer. PATIO GRANDE Xa se nota que imos medrando porque agora xa nos levan o patio grande. Iso de saír pola porta e moi interesante, arrastrámonos, tratamos de subir as motos, entrar na casiña, abrilas fiestras e mesmo pillalos dedos. Xa somos coma os 11

12 maiores. FARIÑA DE MILLO Estas profes traen cousas moi raras. Metémolas mans na fariña de millo e tamén na bandexa con masa. Algún levou algún susto porque a bandexa dou a volta pero en canto o limparon xa volveu a intentalo. VESTIDOS DE INVERNO Fixemos moitas fotos vestido con roupas do inverno: chuvasqueiros, bufandas, luvas, bufandas, gorros, paraugas. Na clase non fai falta todo isto pero as profes traen todas estas cousas e nos deixámoslle que nolas poñan. Mirámonos o espello e rímonos. Algún tamén chora. Cambiamos tesouros do cesto e poñemos guantes con fariña, arroz, lentellas e azucre dentro, bolsas de plástico un pouco infladas, botes de lata, estropallos, papel de lixa... Cando tocamos isto resulta raro pero logo metémoslle o dente e así sabemos o que hai dentro. DÍA DA PAZ O longo do mes preparamos unha pomba moi grande e estampamos as nosas mans con pintura branca. Tamén facemos unha manualidade para levar a casiña deixando as pegadiñas dos nosos dedos dentro dunha pomba pequeniña. As profes inflan moitos globos brancos, xogamos con eles e levámolos a casa 12

13 atados dunha man. FEBREIRO ANTROIDO Disfrazámonos cas roupiñas que temos na escola e maquillámonos. Sacáronnos moitas fotos. O que menos nos gusta e levar cousas na cabeza. Temos moito traballo estes días porque temos que preparar o disfrace. Este ano imos de PELEGRÍNS. Preparamos as bolsas, pintámola cruz e a cuncha do gorro. GALLETA Xa sabemos onde temos que sentarnos para tomala galleta e a auga a media mañá. Algún neno aínda non pode tomala pero pensamos que lle gustaría. Aproveitamos tamén este lugar e momento para conversar, ler algún contiño, miralas fotos. Isto de estar un ratiño quietos sen arrastrarnos pola clase e complicado. MARZO PSICOMOTRICIDADE Empezamos a ir a clase de psicomotricidade a facela ximnasia, subir polas escaleiras, baixar pola rampla, xogar cas pelotas, cos aros, nos acolchados, 13

14 pasar pola ponte, xogar ca saba de cores O primeiro día choramos algúns porque alí nunca estiveramos pero logo pasámolo moi ben. MANUALIDADE DO DÍA DO PAI Están seguido facéndonos traballar. Agora temos que meter de novo as mans en pintura para facer un regaliño para papá. E un tapete de tea pintado e logo metémolo nun sobre para que sexa máis sorpresa. Agora xa nos gusta metelas mans en pintura e logo en auga quentiña con moita escuma. CAIXAS DE CARTÓN Xogamos moito a meternos en caixas de cartón. As profes arrástrannos coma si fosemos en coches, agachámonos e cerrámola tapadeira, facemos un túnel e pasamos dun lado ao outro. MANUALIDADE DE PASCUA Facemos un traballiño para levar a casa na Pascua. E unha galiña que leva uns oviños na barriga. Pintámola barriga con amarelo, laranxa e marrón. Nos ovos poñemos pegadiñas amarelas, a crista pintámola de vermello, na gorxa poñemos plumas. Dentro dos ovos leva unha moeda de chocolate. 14

15 TERCEIRO TRIMESTRE ABRIL XOGOS DIVERTIDOS Nos pensamos que os espaguettis eran para comer pero agora as profes din que podemos xogar con eles. Tamén traen xeo e auga quentiña. O xeo escapa das mans e pouco a pouco desaparece. Outro día facemos camiñiños co pan relado. Metémolo na boca pero non está bo. Mural con témperas de moitas cores. Cando seca usámolo como soporte para colocalas fotos na entrada. CORTINA Este e un lugar privado onde nos agachamos, rímonos moito, facemos cu-cú e mesmo aproveitamos para chantalo dente. POMPAS DE XABÓN Chámanos moito atención esta actividade. Intentamos collelas pompas pero sempre escapan. DÍA DO LIBRO Pedímoslle as familias que traian da casa algún contiño que nos guste os nen@s. O longo da semana mirámolos e as profes léennolos. O día 23 xuntámonos no patio grande tódolos nenos da escola e alí levamos tódolos libros coma si fose a Feira do Libro. Sentadiños nunha alfombra grande mirámolos ca axuda das profes. 15

16 MAIO DIA DA NAI Desde fai uns días vimos traballando nun regaliño para mamá. E un cubrebandexas. Por un lado decorámolo cas nosas manciñas e polo outro pegámoslle a foto onde estamos cada un traballando. Despois metémola nun sobre e levámola a casa. PATIO DE FORA Empezamos a ir algún día o patio de fora pero pouco tempo porque fai moita calor. Non queremos estar a sombra e as profes non queren que esteamos o sol. XORNADAS DE PORTAS ABERTAS O longo deste mes visitáronnos moitos papás e mamás e xogaron con nos un ratiño pola mañá. Trouxeron moitas sorpresas, fixeron experiencias, cantamos e divertímonos moito. Regalámoslle un portarretatos ca foto realizando a experiencia, para que teñan un recordo do paso pola escola. 16

17 SEMANA DA ARTE Este ano dedicamos esta última semana do mes a PICASSO. Dentro da programación desta semana traballamos o esquema corporal, as emocións entre outros contidos. Nos participamos facendo algunhas actividades coma por exemplo: Imitalos xestos que fan as profes: cara de sorpresa, rir, chorar, durmir, contentos, tristes Nomeamos as principais partes do corpo e buscámolas nos compañeiros e en nos mesmos. Mirámonos no espello e facemos xestos. Xogamos cos bonecos e buscámoslle o pelo, ollos, nariz, orellas Estampámola man e o pé no Libro do 1º ano Aproveitámola visita da mamá de Uxía (Xornadas de portas abertas) e pintamos coma Picasso un mural con moitas cores. Facemos un mural grande entre todos. E un fondo azul e sobre el unha pomba branca. Picasso conta nun libro que perdeu unha pomba e nos atopámola. CAIXA DAS TEXTURAS Pedímola participación das familias para confeccionar unhas láminas poñendo materiais segundo a textura que nos toque. As profes prepararon unha lámina para cada familia e levámola para casa e os papás e mamás devolvérona con moitas curiosidades. 17

18 No próximo mes levamos a casa a caixa, onde gardamos as láminas que fixemos todos, para que as familias as vexan. XUÑO NATA MONTADA Despois de tantas experiencias xa non protestamos para tocar calquera cousa. Agora tócalle a nata. Está un pouco pingosa e desfaise nas mans. Probamos e está doce. Deberon poñerlle azucre. GARABATOS Colocamos un papel moi grande no chan e collemos unha cera cada un para pintar. Facemos moitos garabatos. Cansámonos moi pronto pero logo pasámolo pipa xogando co papel a facer vento e rachalo, facer bolas etc.. Por último recollemos e metémolo no lixo. MESA DE AUGA CON ESCUMA Gústanos moito remexer na auga e moito máis si se pode facer escuma. As profes prepararon a mesa de auga con moita escuma e nos salpicamos un bo rato. 18

19 LIBRO DO 1º ANO Fixemos os primeiros garabatos cas ceras no noso libro. Apetécenos moito metelas na boca. Colocamos as fotos que nos faltaban para levalo a casa e ensinarllo aos papás. FOTOS CAS PROFES E AMIGUIÑIOS Sacamos fotos cos amiguiños e as profes e poñémola nun cadro na entrada da escola. ORLA Como regalo de fin de curso levamos unha orla que fixeron as nosas profes. Nos estampamos na cartolina os nosos dediños. Despois pegaron a nosa foto e tamén a delas. Alí aparecemos todos os que estivemos este ano na clase de 0-1 ano. 19

20 CACHO Para poder celebrar o Cacho precisamos da colaboración dos nosos papás e mamás. As profes pedíronlle que buscaran as herbas típicas do San Xoán e tamén auga de 7 fontes. Levámolas a escola e entre todos metémolas nun barreño moi grande. Sacámolo o patio e deixamos que lle dera o orballo desa noite tan máxica. O día 25 enchemos botellas e levamos unha cada un a casa. XOGOS NA AREA Saímos o patio de fora e xogamos no areeiro. Sacamos os zapatos e ó metelos peíños, facíanos moitas cóxegas. Logo nos acostumamos e pasámolo pipa xogando cos caldeiros e pas. Estas actividades que realizamos o longo do curso axúdannos a comprender o entorno, tomar contacto cos materiais tanto artificiais coma naturais Ademais realizamos outras moitas que nos fan tomar conciencia do paso do tempo, do espazo, adquirir autonomía e ir medrando en capacidades. Manipulamos moitos materiais, xoguetes que temos na clase: coches, animais, pelotas, construcións, instrumentos musicais, monicreques Escoitamos música, cantamos, fixemos moita ximnasia e tamén algunha que outra travesura. CONCLUSIONS Despois de 10 meses traballando cos nosos bebés aprendemos moitas cousas deles e temos que dicir que e un traballo moi satisfactorio dado que empezan con nos cando a maioría aínda non son capaces de manterse sentados e agora corren polo patio. Teñen idades comprendidas entre os 13 e 18 meses e os logros acadados son moitos. Comprenden moi ben o que lles dicimos, anticípanse a moitas rutinas como por exemplo a hora da galleta ou de ir o patio, piden auga, localizan obxectos na clase, prestan moita atención as actividades e gústalle participar 20

21 nas experiencias, saben protestar cando algo non vai ben, recoñecen os compañeiros e profes, gústalles observar o que fan os maiores, comen moi ben e dormen estupendamente, rinse moitísimo cando as profes fan monadas, escoitan atentos os contiños e as fotos, axudan a recoller os xoguetes, algún xa emite algunhas palabras pero tamén fan as súas travesuras, pelexan polos xoguetes, morden a veces os compañeiros, gústalles tiralos xoguetes pola fiestra, metelos no cubo da roupa sucia, escapar si atopan unha porta aberta Facendo avaliación deste período de tempo e ca programación presente pensamos que conseguimos gran parte dos obxectivos propostos e os que non se conseguiron totalmente están en proceso. Temos a sorte de que moitos dos nosos nenos continuarán para o ano con nos na clase de 1-2 anos e polo tanto no mes de setembro coñecemos a moitos e sabemos de onde partimos. Por último queremos agradecer unha vez máis as familias a colaboración prestada para realizar moitas das actividades programadas e tamén por confiar en nos para axudar na educación dos seus fillos. FELICES VACACIÓNS.! 21

22 CLASES 1-2 ANOS O longo deste curso realizamos cos cativ@s unha morea de actividades que imos detallar a continuación. Debemos destacar a boa actitude e participación de todos e cada un dos cativ@s en todas as actividades realizadas. Educadoras e mestra atopámonos moi ledas posto que acadamos un obxectivo moi importante para a evolución e desenrolo dos nen@s: desprenderse completamente do chupete nas aulas de 1 a 2 B e C. Ó remate do curso, practicamente ningún dos 21 nen@s que dormen na escola, precisan do chupete para nada absolutamente: nin durante a xornada escolar, nin durante a sesta, nin nas súas casas. Referente ó obxectivo de controlar os esfínteres, no mes de xuño comezaron co proceso tres nen@s, e nos meses seguintes temos coñecemento da intención de varias familias de comezar a probar na casa. Respecto á comida, durante o curso foron pasando case todos os nen@s de papa a garfo, quedando no mes de xuño soamente cinco nen@s comendo aínda de papa. Debemos destacar de forma moi positiva a gran participación dos pais e nais dos ne@s en todas aquelas actividades nas que demandábamos a súa axuda e colaboración. 22

23 SETEMBRO. PERÍODO DE ADAPTACIÓN O período de adaptación non resultou especialmente complicado para os nenos/as de 1a 2 anos. As familias respectaron os horarios establecidos durante as dúas primeiras semanas de setembro e os nenos e nenas "novos" adaptáronse sen maior problema tanto á escola como á mestra e educadoras. Durante este mes os nen@s pintaron os seus primeiros garabatos con ceras de cores, xogaron con construcións, con bonecas, con comidiñas...cantamos cancións, contamos contos... A manualidade que levaron para a casa foi unha tarxeta de cartolina na que levaban estampados os pés de cada un dos nen@s e na que poñía: "Con estes pés comezo a miña andaina nas clases de 1 a 2 anos". Os nen@s da clase 1 a 2 A comezan a celebrar os seus cumpreanos. Tod@s cumpren o seu primeiro aniño entre os meses de setembro e decembro. Para celebrar cada cumpreanos, os nen@s pintan con pintura de dedos o seu gorro de cumple, e o xoves que haxa cumpre, entre todos os nen@s da clase, axúdanlle ao festexado a soprar a vela e as educadoras cántanlle "cumpreanos feliz". Como remate da festa, levan para casa de recordo unha postal de Renata coa foto da celebración do cumpreanos. OUTUBRO Este mes coñecemos á nosa mascota "A GATA RENATA". Con ela descubrimos as distintas dependencias da escola: o comedor, a cociña, a clase dos bebés, as clases dos maiores de 2 a 3, a clase de psicomotricidade... e o noso horto que se atopa no patio exterior da escola. 23

24 As actividades máis destacables foron: plantamos os bulbos dos crocus no noso horto. Fixemos un mural estampando as mans de todos os Comezamos as sesións semanais de Psicomotricidade, de Xogo Heurístico e de Cine. Realizamos a manualidade do mes: A Gata Renata. Pintamos coas mans rulos de papel hixiénico cas cores amarelo, laranxa, branco...e despois pegámoslle a cabeza e as patas. Quedounos unha gatiña moi bonita. Fixemos algúns traballiños como: a nosa primeira ficha de garabatos, pegamos algodóns dentro de nubes, pintamos a Renata con ceras... Celebramos o "SAMAÍN" o 30 de outubro. Entre as tres clases decoramos unha cabaza coma se foxe Renata co colmillo incluído, claro. 1 a 2 A pintoulle o nariz con pintura vermella. 1 a 2 B pegoulle papeis nas orellas. 1 a 2 C pintaron coas súas mans as mans de Renata de cor laranxa. O venres pola mañá xuntámonos as tres clases no patio grande da escola. As educadoras e a mestra disfrazámonos de bruxas e contámoslles o conto dos "MONSTRUOS DIVERTIDOS" e tamén lles cantamos unha canción. Despois tomamos gusanitos e aproveitamos para xogar no patio grande. NOVEMBRO Este mes realizamos as seguintes actividades: Decoramos a clase cun debuxo de Renata pintado polos nen@s. Nunha cartolina branca os nen@s pintaron con pinceis e témperas as cores do outono: amarelo, laranxa, marrón e verde. Despois as educadoras pintámoslles por enriba as siluetas de follas de outono. Con estas follas decoramos a Renata. Con pintura de dedos pintámoslles ollos e bocas ás follas secas que aportaron as familias dos nen@s, despois plastificámolas e fixemos móbiles cos que rematamos de decorar a clase. A nosa manualidade do mes foi unha "ESPIGA DE MILLO" de polispán na que os 24

25 estamparon as súas pegadas en pintura amarela e laranxa. Para rematala decorámola con papel pinocho amarelo. Coidamos caracois dándolle de comer e cantándolles a canción: "Caracol, col, col..." Observamos e manipulamos produtos típicos do outono que trouxeron as familias dos nen@s: espigas de millo, landras, castañas, noces, cabazas, ourizos...temos que destacar a gran participación das familias nas actividades nas que solicitamos a súa colaboración, Moitas grazas!!! Facemos algúns traballiños: pintamos con rodillos en papel continuo, pintamos con ceras, pintamos unha castaña... FESTA DO MAGOSTO. O venres 13 de novembro celebramos no patio da escola unha gran festa na que os alumnos de 1 a 2 participamos facendo os seguintes postres: 1 a 2 A: Batido de froitas. 1 a 2 B: Castañas asadas. 1 a 2 C: Galletas de Hallowen. Na festa as profes de 2 a 3 representaron o conto "A Bruxa e o dente" e despois comemos todos os postres feitos polos nen@s da escola, bailamos, rompemos as piñatas... DECEMBRO Toda a escola se decora para celebrar o Nadal. Os nen@s de 1 a 2 visitamos o Portal de Belén da entrada da escola e observamos a árbore de Nadal que acabou decorada coas tarxetas de felicitación que mandaron algunhas familias. As nosas clases tamén as decoramos entre todos nen@s e educadoras. Fixemos estrelas, unha árbore de Nadal...e abrigamos a Renata cun gorro pintado de vermello e decorado con algodón, parecía a axudante de Papá Noel!!!. 25

26 A manualidade deste mes foi un bonito PORTAVELAS. Pedímoslle as familias que trouxeran un vaso de cristal de iogur e os nen@s decorárono pegándolle gomets de cores. Despois as educadoras puxémoslle dentro unha vela vermella e decorámolos cunha cinta vermella na que ía unha tarxetiña na que poñía "Bo Nadal". Fixemos a carta para os Reis Magos recortando de revistas de xoguetes aqueles que nos gustaban máis. O martes 15 de decembro tivemos a visita dos PAXES REAIS. Recibímolos con sorpresa e ledicia e fixémoslle entrega da nosa carta para que lla den ós Reis Magos. Fixemos algúns traballiños que as educadoras encadernaron e levamos para casa posto que remataba o trimestre. FESTIVAL DE NADAL. O venres 19 de decembro toda a escola participou no festival de Nadal que se celebrou na Casa da Cultura ás 16:30 horas. Os nen@s de 1 a 2 tiveron coma representantes das súas clases a : Alba Piñeiro, Alba Picón e Andrea Moroño. Foron disfrazadas de CASTAÑEIRAS e participaron na actuación que fixeron os nen@s de 2 a 3. As tres cativas portáronse coma nenas maiores estando moi tranquilas e atentas a todo o que acontecía o seu arredor. O resto dos nen@s de 1 a 2 participaron do festival na compañía dos seus pais e o final subiron a darlle un bico ós Reis Magos, que lles deron unha bolsiña con chucherías. Todos o pasamos moi ben!!! XANEIRO Coma xuntamos moitos papeis de agasallo porque fomos moi bós, pedímoslle as familias que nos traian algún dos que teñen na casa. Os nen@s disfrutan rachándoo, enrugándoo, empaquetando algún xoguete... Falamos da importancia de coidar os xoguetes e de compartilos cos compañeir@s... Coma fai moito frío, decidimos abrigar a Renata, o debuxo da nosa mascota que decora as nosas clases. Os nen@s de cada clase decóranlle o gorro, a bufanda, as manoplas... Este mes os nen@s comezan a levar a Renata para as súas casas durante 26

27 un fin de semana. Todas a levan con moitísima ilusión e son moi responsables porque a trouxeron de volta sá e en perfecto estado. Aproveitamos as visitas de Renata para pedirlles ás familias que lle saquen fotos e que nolas traian cando as teñan posto que imos facer un libro moi especial. Facemos o Mural dos Xoguetes, no que os nen@s pegan as fotos dos xoguetes que lles trouxeron os Reis Magos. Xogamos a abrigarnos e facemos fotos porque estamos moi guapos!!! Celebramos o "DÍA DA PAZ". O longo de toda a semana do 25 ó 29 de xaneiro realizamos actividades relacionadas coa Paz: Explicámoslles ós nen@s o significado da palabra "Paz":non pegar, compartir xoguetes, non berrar... Realizamos unha manualidade entre os tres grupos de 1 a 2: unha pomba de porispán na que cada nen@ estampou unha man e que tiña as ás cheas de papeis de seda branco pegadas tamén polos nen@s. Esta pomba expuxémola na entrada da escola o Día da Paz e a semana seguinte, e despois estivo colgada no patio interior da escola o resto do curso. O día 29, os tres grupos de 1 a 2, xuntámonos no patio grande a observar o bonita que nos quedou a Pomba, cantamos cancións sobre a Paz, tomamos gusanitos...e o pasamos moi ben. Cada nen@ levou para a súa casa a súa "Pomba da Paz". Nela estamparon as súas pegadas en laranxa e amarelo e pegáronlle papeliños nas ás. Comezamos a celebrar os cumpreanos dos nen@s das clases B e C, que xa cumpren dous aniños. FEBREIRO Este mes dedicámolo a celebrar o Entroido: Disfrazamos a Renata de Peregrina e colgamos polo aula serpentinas que anunciaban festa. Ensinámoslles fotos de peregrinos, da Catedral de Santiago... e explicámoslles o que fan: camiñar, camiñar e camiñar e facer amigos 27

28 durante o camiño. Todos os nen@s da escola se disfrazaron de PEREGRINOS. Os de 1 a 2 colaboraron facendo o seu disfraz da seguinte maneira: pintaron con pinceis e témpera vermella a cruz de peregrino e pegaron anacos de xornal na cuncha que levarán no seu sombreiro. As familias colaboraron aportando cada unha, unha cuncha de vieira, que levarían os nen@s colgada do pescozo. Todos estaban moi guapos!!! FESTIVAL DE ENTROIDO. O 11 de febreiro celebramos na escola o noso festival de entroido. Todo o persoal da escola disfrazámonos de PIRATAS e recibimos con ledicia a todos os nen@s e as súas familias que viñan disfrazados de moitas cousas diferentes, pero todos estaban moi guapos e o pasamos moi ben. Na festa bailamos, merendamos... Nas clases disfrazámonos de policias, bailarinas, médicos...pintamos as nosas caras, mirámonos no espello o guapos que estamos... No patio de 1 a 2 as educadoras representan o conto de "Dona Melosa" disfrazándose unha delas de velliña, igual que a protagonista do conto. Experimentamos con PASTA crúa e cocida para identificar duro e brando. É evidente que a crúa gustounos máis porque a comemos case toda!!! Identificamos os sabores doce/salgado probando na clase gusanitos, sal, chocolate e azucre. Gustounos todo!!! Saímos ao noso horto a ver como medraron os nosos crocus. 28

29 MARZO O noso centro de interese o longo deste mes foron os animais. Pedímoslles ás familias que nos trouxeran as súas mascotas un ratiño ás nosas aulas para coñecelas. Coma sempre, a participación foi excelente. As mascotas paseáronse por todas as clases de 1 a 2 para que todos os nen@s puideran disfrutar delas. Tivemos tartarugas, unha cobaia, paxariños, cans... Tamén aproveitamos para decorar as clases con debuxos de diferentes animais. Observamos fotos e debuxos de animais domésticos e salvaxes aprendendo os seus nomes e os seus sons. En psicomotricidade aproveitamos o tema para imitar os movementos de diferentes animais: gateamos coma os gatos, arrastrámonos coma as serpes, trotamos coma os cabalos, saltamos coma os coellos... Aprendemos a canción do POLO PEPE. Pintamos animais utilizando distintas técnicas plásticas: con estampamos con esponxas, pintamos con pinceis dando "golpiños" con eles, pintamos coas mans... Celebramos o DÍA DO PAI. Cada nen@ fíxolle un CADRO para o seu papá. O cadro era de polispán branco. En primeiro lugar pintaron con esponxas molladas en pintura branca, azul e purpurina. Así fixeron o fondo do mar. Despois, cada nen@ estampou a súa man mollada en pintura vermella ou laranxa facendo así o corpo dun peixe. Para rematar, estamparon as súas pegadas de cores facendo o marco do cadro e as burbullas do peixe. Quedou un agasallo moi orixinal. 29

30 Manualidade de PASCUA: COELLO DE PASCUA. Os pintan coas súas mans a cara do coello de cor rosa clariño. Cando seca a pintura, péganlle gomets nos ollos e as educadoras poñémoslle por detrás unha chocolatina e un par de palliñas para que o poidan agarrar coa man. Lévana o 26 de marzo. ABRIL Este é un mes moi especial posto que o dedicamos a celebrar as XORNADAS DE PORTAS ABERTAS. Aproveitamos que é o mes dedicado ás familias para decorar as clases coas fotos que elas nos enviaron. Os nen@s disfrutan vendo as fotos e ensinándollas aos compañeiros. Todos aprenden os nomes dos membros de cada familia. A participación das familias foi desigual nas clases, posto que na clase A participaron moi pouquiños pais e nais, e, en cambio nas clases B e C a participación foi moi alta. Todos: pais, nais, docentes e nen@s quedamos moi satisfeitos do desenvolvemento das xornadas. Tamén traballamos outros contidos: Seguimos celebrando os cumpreanos. Decoramos a clase con motivos primaverais: flores, bolboretas, xoaniñas... Continuamos levando a Renata ás nosas casas o fin de semana que nos toca. Celebramos a SEMANA DO LIBRO desde o 19 ata o 23 de Abril (Día do Libro). Ó longo desta semana os nen@s puideron disfrutar dos contos que todos trouxeron das súas casas o luns. As profes cada día cóntanlle dous ou tres e despois eles pódenos ver e manipular con liberdade 30

31 (sempre con coidado de non estragalos). O luns 19 tivemos a visita da CONTACONTOS do concello que nos fixo pasar un ratiño moi entretido a todos os nen@s da escola. O venres 23, Día do Libro, fixemos no patio grande un mercadillo no que todos os nen@s podían ollar os contos dos nen@s das outras clases. As docentes de 1 a 2 escenificaron o conto dos CARACOIS. Todos o pasamos moi ben. Celebramos o DÍA DA NAI. Na ultima semana do mes dedicamos o noso tempo a transformar unhas simples caixas de queixiños nuns preciosos xoeiros para agasallar a todas as mamás. As educadoras fixeron a primeira parte do agasallo: cubrir as caixas de papel de cociña para que non se noten as letras nin os debuxos. Despois os nen@s encargáronse de pintalas, pola parte de fora, coas súas mans molladas en pintura de cor violeta. O interior e a parte inferior das caixas foron decoradas con pegadas de cores variados. E para rematalas, pegámoslles na parte superior unha bola feita con papel de cociña, que facía as veces dunha asa. Pintámola de rosa. Quedounos un agasallo moi bonito. MAIO Este mes dedicámolo á primavera e as súas características: miramos fotos de flores e aprendemos os seus nomes, coñecemos as bolboretas, ás xoaniñas, fai mais calor...e aproveitamos para traballar no noso horto. As actividades máis destacables do mes foron as seguintes: Despois de observar fotos de chícharos, de debullar algunhas vainas e de ter nas nosas mans as sementes, fomos ó noso horto e entre todos plantamos CHÍCHAROS. Os nen@s disfrutaron con esta actividade. Aproveitamos as saídas ao patio exterior para regar, algunha vez cada clase, os amorodos. Facemos un mural da primavera. Primeiro os nen@s pintan con rodillos o campo de cor verde. Despois cada nen@ decora unha flor pegándolle papeis de cores e pintándoas. Rematamos o mural pegando as flores no campo. Quedounos un mural moi alegre e primaveral. Estampamos flores nunha ficha. Enfiamos pezas de madeira con cordóns. Xogamos con encaixables. 31

32 Toda a escola celebramos A SEMANA DO ARTE dedicada este ano a PICASSO. O longo da semana do 24 ó 28 de maio, todas as actividades estiveron relacionadas con Pablo Picasso e ca súa obra. Introducimos a figura do pintor contando o conto de "PICASSO Y SILVETTE".Neste conto Picasso fai unha escultura da súa musa Silvette, e nós decidimos facer outra e así repasamos cos nen@s o esquema corporal. A nosa escultura está formada por tubos de cartón groso, e por caixas de distintos tamaños. Cada clase encargouse de pintar unha parte do corpo de cor gris: Clase A: pintaron o corpo, a chave e o bolso. Clase B: pintaron os brazos e a cara formada por unha caixa de zapatos e catro caixiñas mais pequenas que serían os ollos, a boca e o nariz. Clase C: pintaron as pernas e os pes (dous tubos e dúas caixas de zapatos). Xogamos a pintar como facía Picasso: en zapatillas e con gorros na cabeza. Fixemos un mural imitando a Picasso, que pintaba con diferentes cores dependendo do estado de ánimo: Nós pintamos de cores alegres (amarelo, laranxa, verde...) si estábamos ledos, de cores escuros(azul, marrón..) si estábamos tristes e con cores tamén escuros pero pegándolle ó papel co pincel si estábamos enfadados. Rematamos expoñendo nas portas da escola, a parte que mais nos gustou de cada mural feito en cada clase de 1 a 2. Contamos o conto "El sueño de Picasso". XUÑO Para rematar o curso de forma orixinal e novedosa, os cativos de 1 a 2 realizamos a nosa primeira excursión en autobús. Fomos de EXCURSIÓN 32

33 Á PLAZA DE CHAVIÁN. Alí xogamos con palas e cubos na area, xogamos nos columpios... comemos gusanitos, bebemos auga e pasámolo pipa!!! Cada clase preparou o seu Libro de Renata coas fotos que mandaran as familias das visitas de Renata ás casas dos nen@s. Tamén levaba fotos de diferentes actividades dos nen@s na escola ó longo de todo o curso. Durante este mes, cada nen@ leva o Libro de "A NOSA RENATA" durante un día para compartilo coa súa familia. Na clase A, participaron moi poucas familias aportando fotografías da casa con Renata, pero nas clases B e C a participación foi masiva. Aínda así, os tres libros de Renata quedaron moi entrañables e ás familias dos nen@s mostraron a súa ledicia por poder compartilos con nós. Probamos os amorodos do noso horto. Mmm, que bos están!!! Falamos da importancia de alimentarnos correctamente para estar sans e fortes. Observamos os utensilios necesarios para comer e dicimos os seus nomes. Probamos na clase froitas de temporada e estampamos con elas con pinturas de moitas cores. Repasamos as partes do corpo e facemos as siluetas, a tamaño real, dun neno e unha nena de cada clase. Despois vestímolos pegándolles gomets, papeis de cores...poñémoslles ollos, nariz e boca... Cantamos cancións. Contamos contos. 33

34 Xogamos coa plastilina. Facemos "O CACHO DE SAN XOÁN". Uns días antes de San Xoán, pedímoslles as familias que nos trouxeran herbas aromáticas, flores do campo, auga das fontes...e o día 23 entre as tres clases fixemos "o cacho" que deixamos á intemperie toda a noite de San Xoán.O día seguinte, lavamos as nosas caras para ter moita sorte durante todo o ano. Os nen@s levan os traballiños do Terceiro Trimestre para a casa. A manualidade deste mes foi un "PAI-PAI" aproveitando a calor que estamos padecendo. Cada nen@ estampa as súas mans, cada unha dunha cor, nos dous lados do pai-pai. Despois poñémoslle paos de pinchos morunos para que os poidan agarrar e... a espantar a calor!!! Durante este curso,todas as educadoras e a mestra o pasamos moi ben, disfrutando en cada unha das actividades que realizamos cos nen@s. Confiamos en que eles tamén estiveron a gusto e que a asistencia á escola lles resultase enriquecedora en todos os aspectos. Foi un pracer coidarvos, xogar con vós e compartir con vós e coas vosas familias tantos momentos alegres e tenros que vós esqueceredes porque sodes moi pequenos, pero nós, que xa somos mais maiores,non esqueceremos nunca. Moitas grazas e ata o curso que ven!!! 34

35 CLASES 2-3 ANOS O grupo de idade de 2 a 3 anos na Escola Infantil Municipal O Bosque estivo dividido ó longo deste curso en tres clases distribuídos por orde alfabética: A clase A : rematou o curso con 22 nen@s,dos que 8 estiveron a media xornada e 14 a xornada completa. A clase B : rematou o curso con 22 nen@s,dos que 7 estiveron a media xornada e 15 a xornada completa. A clase C : rematou o curso con 20 nen@s, dos que 5 estiveron a media xornada e 15 a xornada completa. Sempre que comeza o curso partimos dunha programación anual onde imos deixar clara a nosa proposta de traballo a seguir ó longo do ano. Despois cada trimestre facemos outra programación trimestral na que se concreta e especifica máis claramente obxectivos, contidos e actividades a realizar neses meses. E despois cada semana as educadoras de cada clase farán unha programación semanal na que adaptarán a proposta feita na trimestral as características particulares dos seus alumn@s. Este curso seguimos como guia para desenvolver a nosa proposta de traballo, ó igual que o curso pasado, O canciño Panchiño da editorial Casals.Panchiño foi a nosa mascota, é un canciño pequerrechiño de peluche que nos acompaña nas actividades da clase, conversa con nós,celebra os aniversarios, vense de excursión, á clase de psicomotricidade,á de informática, ó vídeo Á hora de facer un resumo das actividades que realizamos ó longo do curso distribuirémolas do seguinte xeito: 35

36 ACTIVIDADES DE GRAN GRUPO: Magosto, Antroido, Nadal, Semana da Arte ACTIVIDADES DAS CLASES DE 2 A 3 ANOS: Excursións, A horta, Dia da Nai, día do Pai,Festival de Fin de Curso ACTIVIDADES DE GRAN GRUPO: Son todas aquelas actividades que preparamos cada clase individualmente, pero que logo poñemos en común toda a escola.ó longo deste curso realizamos as seguintes: MAGOSTO: Na festa do Magosto celebramos á chegada do Outono e antes de celebrala festa falamos sobre esta estación,sobre os produtos típicos destas datas e uns días antes as clases de 2 a 3 pedimos a colaboración das familias para que nos traian receitas de cociña nas que algúns dos ingredientes foran froitos típicos do outono. Despois de ter unha chea delas,xa que todos se animaron a colaborar, cada clase escolleu unha e preparouse a véspera do día da celebración. A clase A preparou Brochetas de froita para fondeu de chocolate A clase B preparou Boliñas de améndoas. A clase C preparou Biscoito de noces. Ó día seguinte (venres 13) xuntámonos toda a escola no patio interior para celebrala Festa do Magosto. Antes de probar as deliciosas receitas que fixemos as clases de 2 a 3 e tamén as de 1 a 2, as educadoras das clases de 2 a 3 escenificaron a adaptación do conto A bruxa do dente de Marta Rivera Ferner. Unha vez que rematamos de escenificar o conto para toda a escola xa puidemos degustar as receitas que cada clase fixera e a verdade e que todas estaban boísimas e non quedou nada.despois coa barriga chea xogamos, bailamos e pasámolo moi ben celabrando a chegada do outono. Este día os nen@s levaron para a casa a manualidade do outono, que foi unha nena/o que fixeron aproveitando as follas que apañamos na saída ó Pazo da Peregrina.Con elas encheron unhas bolsas pequeniñas que nos serviron para facer o corpo do nen@ e logo os brazos, as pernas e a cabeza, feitas e 36

37 recortadas polas profes, pintáronas con témpera.quedounos unha manualidade moi orixinal e divertida. Decoramos tamén a entrada da escola entre as mestras e as educadoras con froitos e animais que hai nesta época do ano. NADAL: No Nadal, como cada ano,na escola recibímola visita dos Paxes Reais, así que uns días antes cada clase deixámoslle ós nen@s que manipulasen catálogos de xoguetes e nos foran dicindo que xoguetes lle querian pedir ós Reis e así nós poder ir recortándoos e pegándoos nunha cartolina coa que fixemos unha carta moi grande que cada clase lle entregou ós Paxes cando chegou o día de que nos visitaran e lla poidesen levar ós Reis para que ningún dos nosos nen@s quedase sen o seu xoguete preferido.unha vez que rematou a sua visita agasallaron a tódolos nen@s con unha bolsa de gusanitos e despedíronse para poder seguir co seu traballo. Tamén, igual que todos os anos anteriores, preparamos o Festival de Nadal, na escola.celebrámolo na Casa de Cultura o día 18 de decembro. As clases de 2 a 3 representamos un conto titulado Noite de Nadal, no que tamén participaron tres nenas das clases de 1 a 2 e unha nena da clase dos bebés. No conto narrábase unha historia que acontecía nunha noite de Nadal na que nacía unha meniña moi fermosa e polo que toda a aldea se poñía moi contenta. Os nen@s da clase A ían disfrazados de campás azuis, os da clase B de campás vermellas e os de C de estrelas douradas e prateadas. Unha vez rematado o conto todos xuntos cantaron unha panxoliña: Polo Nadal. 37

38 Entre as mestras e educadoras da escola representamos o conto O pastor e a folla unha adaptación do conto O señor mago e a folla de Toño Núñez Edit. Everst da colección Montaña Encantada e escenificamos a canción Unha vella tiña un can de Mamá Cabra na que tamén participaron nais dos nen@s da escola. Ó rematar recibimos a visita, tan esparada por todos os nen@s, de Melchor, Gaspar e Baltasar, os Reis Magos chegados de Oriente que repartiron agasallos entre todos os presentes. Como manualidade de clase realizaron unha estrela feita con depresores e que logo levarían para colgar na árbore de Nadal das suas casas. Pintaron os depresores con témpera de cor vermella e espolvoreáronlle purpurina e logo as profes montárona formando unha estrela e no medio dela colocamos unha foto de cada nen@ vestidos para a ocasión cun gorro de Papá Noel. DIA DA PAZ: Ó longo de toda a semana do 30 de xaneiro estivemos conversando cos nen@s a cerca do significado da palabra Paz, concepto bastante abstracto para eles, pero que simplificamos para que puideran entender. Significa: ser bos, non pegar ós compañeiros, quererse e darse bicos e abrazos, non pelexar, obedecer ós papás e as profes Este ano para celebrar o Día da Paz decidimos facer unha mesma manualidade a nivel de escola: 38

39 unha pomba que pegamos nunha cartolina e á que logo lle pegamos un depresor para que cada nen@ a puidese coller e levala para a casa. Según o grupo de idade decorouse cunha técnica distinta axeitada a idade dos nen@s cos que se está a traballar. En concreto os nosos pegáronlle por todo o corpo anaquiños de papel de seda brancos e nas alas pegáronlle papel que arrugaron en forma de boliñas e tamén lle pintaron o pico e as patas de témpera de cor laranxa. Entre as tres clases tamén fixemos un mural para expoñer as fotos na entrada, que consistiu en decorar as tres letras que forman a palabra PAZ. A clase A traballou na letra P: pintárona de negro e despois estamparon pombas brancas por toda a letra. A clase B traballou na letra A: pintárona de negro e encheron toda a letra de boliñas de porexpan. A clase C traballaron na letra Z: pintárona de negro e estámparon as mans con témpera branca por toda a letra. Unha vez que estiveron rematadas as tres letras compuxemos a palabra PAZ pegámolas no cristal da entrada acompañada de distintas caras de nen@s da distintas razas, simbolizando a paz en todo o mundo e serviunos de fondo para acompañar a fotos nas que se via ós nen@s traballando sobre este tema. O ENTROIDO: 39 Este curso o Entroido caeu a principios do mes de febreiro, polo que case nada máis saír do Nadal xa tivemos que poñernos a traballar para confeccionar o noso disfrace. Aproveitando que este ano é ano santo, decidimos disfrazarnos toda a escola de peregrinos e para confeccionar o disfrace empregamos unha bolsa do lixo de cor marrón e na que os nen@s lle pintaron unha cruz de cor vermella para pegala no medio e

40 para levar na cabeza fixemos un gorro de cor marrón no que lle pegamos unha cuncha que os recubriron con papel de xornal e cada un trouxo da sua casa unha cuncha de vieira que colgamos no pescozo cun cordel de cor vermello.e xa que todos tiñamos o disfraz de peregrino decidimos facer unha pequena peregrinación ata a igrexa de Bertamirans, pois a catedral quédanos un pouco lonxe e así poder gañar o noso xubileo particular.fixémolo o venres día 12 pola mañá vestímonos todos e fomos saindo de clase en clase cada media hora para facelo un pouco máis levadeiro, pois as tres clases xuntas eramos moitos xuntos. A clase A saiu as 9:30 e despois foron as duas seguintes cada media hora, fomos camiñando amodo e ó chegar á igrexa entramos pola porta principal á igrexa e saimos pola porta pequena e saimos de volta para a escola.a verdade é que todos os nen@s se portaron moi ben e fixeron o camiño tranquilamente, aínda que algún xa viña algo canso de volta para a escola. O xoves 11, como cada ano fixemos a merenda de Entroido na escola a que estaban convidados todos os nen@s e os seus familiares, aínda que fixo boa tarde fixo moitísimo frio,polo que non saimos ó patio de fóra e xa quedamos no de dentro. Este ano as profes disfrazámonos de piratas, pero tampouco faltaron anxiños, demos,tartarugas ninja, mexicanos, médicos, chinos, sevillanas Foi unha festa moi divertida na que merendamos productos típicos destas datas. DIA DO LIBRO: 40 Como cada ano o 23 de abril celebrámolo Día do Libro e este curso pedímoslle a todos os nen@s que trouxeran á clase o libro que tiveran nas sua casa que máis lles gustase para poder compartilo durante toda a semana con todos e así cada día fomos contando un. O luns día 19 veu á escola unha contacontos que nos contou dous contos, un dunha ran e outro dunha

41 rata.foi moi entretido e os nen@s disfrutaron moito. O día 23 conmemoramos o Día do Libro celebrando toda a escola unha feira na que compartimos os contos que trouxeran das suas casas, así que xuntámonos tod@s no patio de dentro para observar, manipular e ler todos os contos cos que nos xuntamos.ademais as educadoras de 1 a 2 contáronnos un conto de dous caracois titulado Que susto. SEMANA DA ARTE: Na última semana do mes de maio ( do 24 ó 28 ) celebramos, como xa vimos a facer durante anos atrás, a Semana da Arte, este ano dedicada a Pablo Picasso e as soas extraordinarias obras de arte.aproveitando que lle gustaba retratar a persoas e que o facía de formas moi diversas e con moito colorido traballamos tendo en conta tres obxectivos: A cor. As formas: redondo,cadrado e triángulo. Esquema corporal. Partindo deles plantexámonos as seguintes actividades: Coñecemos a figura de Picasso a través de: Láminas dos seus cadros. Unha pequena biografia. Fotos do pintor: de pequeño e de maior. Dos contos: Picasso e Silvette El sueño de Picasso. Traballamos os tres obxectivos propostos a través das láminas dos seus cadros: observándoas, dicindo o seu título,que colores podemos apreciar, que formas distinguimos,que vemos representado nelas Facemos un mural entre as tres clases sobre un cadro do pintor: Muller cunha flor,empregando distintas técnicas plásticas, 41

42 que logo expoñeremos na entrada da escola para que todos os pais e nais poidan ver canto traballamos. Facemos unha manualidade que cada nen@ levará para a súa casa.cada un pintará, centrándose nas formas xeométricas, un cadro abstracto como os que pintaba Picasso.Ó rematar expoñémolos na entrada a modo de exposición. Facemos un puzzle sobre o cadro A nena e a pomba. Dividimos o cadro en tres partes ( cabeza, corpo e extremidades) e logo cada nen@ terá que recompoñelo. A través desta actividade ademais de coñecela obra do autor tamén traballamos o esquema corporal. XORNADA DE PORTAS ABERTAS: e Durante todo o mes de abril todos os pais e nais que o desexaron pudieron acudir as nosas clases e compartir con nós unha parte da xornada da mañán, na que nos pudieron contar cal era a sua profesión o que facian no seu traballo.a verdade é que este ano esta proposta que xa vimos plantexando fai un par de anos tivo moita aceptación e visitáronnos moitos pais e nais que nos foron contando como eran profesións como as de: policia, programador informático,buzo, dependenta de supermercado,médico, pasteleiro.foi unha experiencia moi bonita e enriquecedora para os nen@s, porque ademais de poder compartir cos seus papás unha mañá na aula aprenderon moitas cousas novas. 42

43 ACTIVIDADES DAS CLASES DE 2 A 3 ANOS: Dentro das actividades que facemos na escola, algunhas delas desenvólvense exclusivamente nas clases de 2 a 3 anos, atendendo a programación que facemos trimestralmente. As que fixemos ó longo deste curso foron as seguintes: EXCURSIÓNS: Ó longo do curso facemos tres saídas, unha en cada trimestre: Primeiro trimestre: A primeiros de Novembro tiñamos pensado ir ó Pazo da Peregrina, pero este ano este mes foi moi chuvioso, polo que tivemos que facelas cada clase nunha semana distinta, pois o tempo nin sequera nos deu tres días seguidos de bo tempo. pois aproveitariámolas para logo facer a manualidade do Outono. Aproveitamos para levar con nós a Panchiño e recollemos follas, landras, castañas e vimos cogumelos de distintas formas e tamaños e tamén aproveitamos para ir observando como está a paisaxe no outono.ó chegar a escola estendemos a secar as follas que apañáramos para que secasen, Segundo trimestre: Aproveitando que no mes de marzo estivemos a traballar a unidade dos animais,tiñamos previsto que a finais deste mes fixéramos unha saída á granxa de Tapia, pero tivemos que pospoñela para principios do mes 43

44 de abril, xa que choveu moito durante todo o trimestre.na primeira semana do mes de abril e coincidindo coa entrada da primavera o tempo xa mellorou e decidimos saír de excursión á granxa o día 9.Todos os nen@s acolleron a idea con moito entusiasmo, xa que solo polo feito de ir en autobús era para eles unha nova aventura.ó chegar estivemos vendo as vacas e incluso algún se animou a tocarlle, logo fomos a outras dependencias onde estaban os cuchiños ( todos fillos/as das vacas que viramos antes), despois leváronnos a ver as naves onde dentro de poucos días estarían pitiños, a verdade e que foi unha pena que este ano non nos coincidira a visita coa chegada dos pitos, pero aínda así axudáronlle os encargados a prepararlle todo para cando chegasen: estendéronlle con rastrillos a viruta polo chan, explicáronlle onde ían comer e beber,puideron andar nunha carretilla e puideron subir nun tractor que tiñan na nave tod@s que quixeron, logo de visitar a nave na que estarían os poliños fomos de novo onde estaban as vacas e aproveitando que estaban comendo, puideron botarlle de comer e tocarlle.para rematar a mañá tan emocionante que acababan de disfrutar mentres esperábamos polo autobús sentámonos a tomar unhas galletas e voltamos de novo á escola cunha experiencia nova que contarlle ós papás. Terceiro trimestre: Xa para rematar este curso fixemos outra saída e foi a Trasmonte, que estaba prevista para primeiros de mes onde celebramos o Día do Medioambiente, pero que tivemos que pospoñer para finais polo mal tempo da primeira semana e na que aproveitamos para levar os carballos que plantáramos a primeiros do curso e trasplantámolos nunha leira que ten o Concello alí en Trasmonte. Acompañounos Patricia que traballa en medioambiente no Concello e explicoulles ós nen@s como os tiñamos que plantar, entre tod@s cavamos un rego e fómolos plantando un a un. Tivemos que facer un rego moi longo pois este ano naceron moitos.tod@s se animaron, tanto a cavar coa legoña como a poñer na terra o Carballo. Foi unha experiencia moi divertida e disfrutaron moito facéndoa. 44

45 Despois de traballar tanto na leira collemos de novo o autobús e levounos ó campo da festa de Trasmonte, alí nada máis chegar, como xa víñamos cansos tomamos unha bolsa de gusanitos e un zume e aproveitamos para descansar un pouquiño.despois de repoñer forzas xogamos coas pelotas, cos aros, a facer carreiras e despois de pasar unha mañá moi divertida ás 12 voltamos á escola de novo para comer. Foi unha saída na que disfrutaron moito e na que puideron repetir a experiencia de ir de novo en autobús. SAMAÍN: Este curso celebrámola festa do Samaín programando actividades na clase como: Falarlles un pouco sobre esta festa de orixe celta. Trouxemos á clase cabazas de distintos tamaños,cores e formas e decorámolas e baleirámolas. Despois fixemos unha festa todos xuntos, reunímonos nunha clase que decoramos para ocasión con todas as cabazas que decoráramos e fixemos o conxuro da queimada, para facelo invitamos a dúas bruxas que nos fixeron unha queimada con zume de laranxa.unha vez rematado o conxuro e feita a queimada puidemos probala todos con unha música de fondo axeitada para a ocasión ( Mostros e demais de Mamá Cabra ).A nosa queimada particular estaba boísima e case todos repetiron. HORTA: Este curso, igual que o pasado, decidimos repetir a experiencia da plantación e no primeiro trimestre, no mes de outubro pedímoslle ós pais a súa colaboración para que cada nen@ trouxera un bulbo de francesilla. 45

46 Mentres ían chegando aproveitamos para irlle falando de cómo os iamos a plantar,como irían medrando e finalmente como irían saíndo as flores,e para ilustralo fómoslle ensinando fotos de cómo serian ó final do proceso as flores.na semana do 19 saímos cada día unha clase ó patio de fóra a plantalos bulbos no noso pequeno horto, e ó longo do trimestre fomos coidándoos: saímos a arrancarlle as herbas malas,a regalos Pero este curso este primeiro trimestre foi moi chuvioso e frío, e aínda que logramos que floreceran algunhas das plantas, non o fixeron todas as que plantáramos. Tamén este curso decidimos continuar coa plantación de landras e na última semana do mes de outubro tamén saímos a plantalas. Igual que o curso pasado a finais de curso no Día do Medioambiente fixemos unha saída a Trasmonte a unha leira que ten alí o Concello e transplantamos os carballos, que este ano foron moitos xa que nos chegan para facer unha pequena carballeira. DIA DO PAI: Este ano decidimos agasallar a papá cun chaveiro para que puidese levar as chaves do coche, da casa, do garaxe e para facelo utilizamos barro, primeiro deixamos que cada nen@ amasara un pouco unha bola para ir abrandándoa para logo aplastala cun rodillo e unha vez que a tiveron ben plana cada un elixiu dentro dunha serie de moldes para darlle forma ó chaveiro: coches, osos,árbores, barcos logo deixámolos secar durante un día ou dous e despois cada nen@ elixiu a cor no que o quería pintar e logo de que secara as profes barnizárono para que quedase máis bonito.unha vez que estivo feito e pintado as profes puxéronlle un cordel sintético e unha argola para poder enganchar as chaves, e para rematar envolvémolo con papel celofán de distintas cores. A verdade e que nos quedou un regaliño moi bonito e orixinal e esperamos que a papá lle gustase. 46

47 DIA DA NAI: O agasallo que este curso decidimos facerlle ás mamás foi un salvamanteis, que confeccionamos con blondas que cada nen@ trouxo da súa casa. Cada un pintou a blonda cos dedos con témpera de distintas cores e unha vez que xa estivo seca as profes plastificárona e quedou feito un orixinal e práctico salvamanteis, que cada mamá poderá utilizar na sua casa á hora da comida. FESTIVAL DE FIN DE CURSO: Como todos os anos coa chegada do mes de xuño as clases de 2 a 3 fixemos o Festival de Fin de Curso para todos os nosos nen@s que se van da escola. Celebrámolo o día 18 e comezámolo coa actuación dos nosos nen@s que representaron a canción de Trasnos Máxicos Imos á praia. Ambientamos o escenario con escenas propias destas datas nas que nos imos ir de vacacións e a primeira clase en saír foi A que ían vestidos cun pantalón curto vaquelo e unha camiseta de cor vermella e cunha gorra e que ocuparon a parte do escenario na que había unha terraza. A seguinte en saír foi B vestida cun pantalón curto vaquelo, con camiseta verde e cun caldeiro e unha pala e que ocuparon a parte do escenario na que había un areeiro. A terceira foi C vestidos cun pantalón curto vaquero, con camiseta azul e con manguitos e ocuparon a parte do escenario na que se ambientaba a praia. Mentres íamos saíndo Emilia lía un texto alusivo ó noso paso pola escola este curso e que agora xa remataba cunha música de fondo das olas do mar.unha vez todos no escenario escenificamos a canción de Trasnos Máxicos que falaba de todas as 47

48 cousas divertidas que imos facer nas vacacións. Unha vez rematada a actuación sentámonos todos nas butacas e disfrutamos da proxección dun video das actividades que levamos a cabo ó longo de todo o curso.despois o coro de Bertamiráns cantounos dúas cancións moi divertidas e unha vez remataron as profes entregámoslle os diplomas de Graduados no 1º ciclo da E.I na escola Infantil O Bosque a todos os nen@s e o alcalde un agasallo de parte do Concello. E para rematar merendamos todos xuntos. O CACHO: Xa chega a noite de San Xoán e na escola celebrámolo cacho. Di a tradición que na noite de San Xoán as plantas acadan o mellor das súas propiedades máxicas, por iso as recollemos e poñémolas nun caldeiro con auga de sete fontes e deixámolas ó orballo da noite do mércores 23 e o venres pola mañá lavamos a cara con esa auga e así poder ter sorte o resto do ano. Cada nen@ trouxo da súa casa as herbas e prantas que puido e tamén auga das fontes e entre todos metémolas nun barreño e botámoslle a auga e despois deixámolo barreño fóra e o venres ó chegar pola mañá todos quixeron lavala cara coa auga para poder ter sorte e espantalas meigas. ANIVERSARIOS: O día no que celebramos os aniversarios na escola é os xoves, polo que o xoves de cada semana celébranse os aniversarios de todos os nen@s que cumpren anos nesa semana. Gelucha, a nosa cociñeira, fainos un biscoito, que nos serve para 48

49 celebrar unha pequena festa e no que colocamos as velas. Ó protagonista poñémoslle unha coroa e unha vez que rematamos de cantar Parabéns sopra as velas e sacámoslle unhas fotos que logo levará para a casa nunha postal,na que firmamos todos coa pegada dos nosos dedos, como recordo deste día.tamén levará a coroa e un globo decorado para á casa. O LIBRO DE PANCHIÑO: Panchiño é a nosa mascota.é un canciño de peluche que nos acompaña nas actividades da clase: conversa cos nós,celebra os aniversarios, vai a psicomotricidade.ó video Cada mércores acompaña a un nen@ á súa casa para coñecela sua familia. E cada venres vai con outro nen@ a pasar a fin de semana e leva consigo un pequeno libro no que lle pedimos as familias que colaboren poñendo unha foto e un pequeno comentario no que nos contan o que fixo Panchiño e o nen@ ó longo da fin de semana. No libro as mestras tamén cubrimos algunha das follas con actividades que realizamos ó longo do curso: saídas, magosto,clase de psicomotricidade, informática.ó rematar o curso no mes de xuño Panchiño e o seu libro voltarán a casa de cada nen@ para que as familias o poidan ver rematado. PSICOMOTRICIDADE: Un día á semana tócanos disfrutar da sala de psicomotricidade. Cando chegamos sacámolos zapatos e xogamos a subir polas escaleiras e baixar pola rampla, saltar dentro e fora dos aros, meternos polo túnel,pasar polas pezas rugosas sen pisar o chan,xogar cos churros e moitas outras actividades que preparan as mestras e educadoras. 49

50 SALA DE ORDENADORES. Na escola temos unha sala na que hai dous ordenadores e a partir do segundo trimestre podemos ir un día por semana. Imos unha de nos con catro nen@s e tratamos de que se vaian familiarizando coas novas tecnoloxías. Temos varios xogos adaptados para estas idades, un deles,feito na escola, contén as caras de todos os nen@s da clase e sérvelles para identificar polos seus nomes a tódolos compañeiros da clase. VIDEO: Tamén un día por semana podemos ir a ver unha película ó video. Intentamos que teña relación cos temas que estamos a tratar na clase. O LIBRO DAS CORES: E unha experiencia que realizamos ó longo de todo o curso,e que consiste en ir plasmando nun pequeno libro as cores e relacionándoas coas diferentes técnicas da plástica e algúns dos conceptos que estamos a traballar. Neste libro facemos distintas actividades relacionando as cores con formas,conceptos, a través de diferentes técnicas : Pintamos con ceras. Enrugamos papeis e pegámolos. Pintamos con esponxas,con pinceis coas mans Pegamos papeliños, plastilina, cartóns. Mesturamos pinturas con outros materiais Todas estas actividades recóllense nun libro e ó rematar o curso cada nen@ leva o seu para a casa. 50

51 A experiencia consiste en catro libros que se corresponden cas catro cores traballadas. 1º trimestre: libro da cor amarela. 2º trimestre: libro da cor vermella e azul. 3º trimestre: libro da cor verde. MOMENTO DO CONTO. XOGO LIBRE: Todos os días dedicamos un momentiño para contar un conto,comentar unhas láminas ou fotos, observar e falar sobre un mural, ver contos ou revistas momento que aproveitamos para traballar a linguaxe e no que os nen@s se poden expresar libremente e no que intentamos fomentar o diálogo e a comunicación. Ó longo do día non todo son actividades dirixidas, xa que tamén temos momentos nos que os nen@s poden xogar libremente, baixo a vixiancia das educadoras : con pezas de construción, coa cociña e os cacharriños, cos coches e os garaxes, coas bonecas,cos Instrumentos, coa roupa. SAÍDA Ó PATIO: Despois de traballar un pouco na clase e de tomar unha galleta e auga, a media mañá saímos ó patio, se o tempo o permite saímos ó de fóra e se non imos o patio de dentro. Se podemos saír a fóra aproveitamos para xogar coa area,cos caldeiros,cas palas, no tobogán, na casiña e se temos que quedar dentro tamén temos moitos xoguetes como as motos, os coches, as bicis, pelotas HORA DA COMIDA, CEPILLADO DE DENTES E SESTA: Estas tres actividades entran dentro das rutinas diarias da escola, e a medida que foi pasando o tempo xa as ían interiorizando e tendo, máis ou menos claro,como debían comportarse en cada situación. 51

52 Cando chega a hora da comida colócanse todos os que lles toca comer nun tren e van cara o comedor cantando a canción do tren, ó chegar séntanse e poñémosllos os babeiros e xa se poñen a comer. Intentamos que coman soiños, aínda que este ano, non estiveron moito pola labor, e houbo que axudarlle á maioría. Dicir tamén que ó longo do curso xa case todos pasaron a comer de garfo. Unha vez rematada a comida e despois de lavala cara, saian ó patio e íanse a unha clase con unha educadora ata que rematan todos de comer, unha vez que xa estábamos todos cada educadora levaba s seus nen@s para a súa clase tocaba cepillar os dentes, aínda que este curso debido ó protocolo de actuación nos centros escolares ante a gripe A a Consellería de Educación e Ordenación Universitaria recomendaba eliminar temporalmente a rutina do lavado dos dentes,polo que a nosa escola tamén se ativo a esta medida e non se cepillaron os dentes. Ó rematar de comer e xa cada un na súa clase tocaba a hora da sesta, para todos aqueles que durmiran na escola, sacaban o mandilón e os zapatos e deixábanos na percha de cada un e despois ían ó baño a facer pis e a poñer o cueiro todo aquel que o necesitase para durmir,logo saiamos da clase nun tren caladiños para ir á clase onde se durme.ó entrar cada un ía dereito á súa cama e tapábase coa sua manta e durmían con música relaxante, acompañados por dúas educadoras. Aparte destas actividades que realizamos mais a nivel grupal, tamén realizamos outras en función das unidades didácticas que contemplamos nas nosas programacións trimestrais e van distribuídas por meses: 52

53 PRIMEIRO TRIMESTRE: SETEMBRO: Empezamos o curso co mes de setembro e dedicámosllo integramente ó período de adaptación. Como outros anos este resulta o mes mais duro, tanto para os nen@s coma para as educadoras, xa que para algúns esta é a primeira experiencia coa escola, e polo tanto é a primeira vez que se separan das suas familias para pasar unhas horas nun contorno descoñecido para eles.e para os que xa estiveron a ano pasado con nós, tamén lle supón cambios, pois estarán noutras clases e ó mellor con outras educadoras, polo que tamén necesitan un período para ir adaptándose á nova situación. Ó longo deste primeiro mes do curso dedicámonos a facer actividades encamiñadas á coñecernos entre nós, a entreter, á diversión,ó xogo polo que non foron actividades moi estructuradas e a programación foi moi flexible e fómola modificando según as circunstancias. O noso obxectivo fundamental foi a satisfacción das necesidades básicas: alimentación, hixiene, saúde, descanso e afectividade. Ademais de todo isto pretendemos motivar ós nen@s no desnvolvemento de tódalas súas capacidades. Algunha das actividades que realizamos foron: Presentamos á nosa mascota o canciño Panchiño que nos acompañou en todas as actividades que fixemos ó longo deste curso. Deixamos que os nen@s se movan libremente para que poidan entrar en contacto cos distintos espazos, materiais, xoguetes Sentámonos no chan en asamblea para ir coñecendo os nomes dos compañeir@s e das educadoras. Fomos ó patio de fóra sempre que se poida, e alí xogamos ó aire libre coas carretillas, cos caldeiros, coas 53

54 palas, coa area Intentamos identificar a nosa foto na percha e irnos familiarizando co seu sitio, pois alí gardamos as nosas pertenzas durante todo o curso. Escoitamos música, cantamos e bailamos o seu ritmo. Pintamos con distintos materiais: ceras, temperas, pincel, xa sexa en folio ou nun papel grande. Facemos encaixables. Xogamos no patio de dentro cos coches, na casiña, no tobogán, nas bicis, nas motos Fixemos unha excursión por toda a escola, para coñecer os outros compañeiros mais pequenos, as educadoras, a cociñeira..e todas as dependencias que forman a nosa escola. Empezamos a sentarnos no pupitre e a facer distintas actividades como pintar,ver contos, facer encaixables Unha vez que rematemos de xogar axudamos a recoller os xoguetes. Contamos contos. Tratamos de ir adaptándonos as rutinas de alimentación, hixiene, descanso e xogo que teremos na escola. Intentamos crear en todo aquelo que fagamos un clima de seguridade, de afecto, de cariño, potenciando sempre o contacto físico a través de abrazos, bicos Ó rematar este período fixemos dúas manualidades moi sinxeliñas que nos serviron para ir coñecendo mellor á nosa mascota Panchiño: 54

55 Unha manopla onde aparecía a imaxe de Panchiño, na que os nen@s lle puxeron gomets para decorala un pouco. Un marco coa foto de Panchiño con cada nen@, o que cada un decorou coa pegada dos seus dedos. OUTUBRO / NOVEMBRO: Aínda que o mes de setembro é mes dedicado ó período de adaptación, durante o de outubro aínda houbo algúns que outro nen@ que lle resultaba difícil adaptarse e mostrábase triste, polo que tramos de ser flexibles.ó longo do mes de outubro e primeira quincena de novembro traballamos a unidade a escola, desenrolando as seguintes actividades: Ambientámola clase en función da unidade que estamos a tratar para que resulte motivadora. Empezamos co establecemento de rutinas diarias e tódolos días ó chegar sentámonos no recuncho das conversas: saudámonos, nomeamos os nen@s que non están,conversamos sobre o tempo e colocamos o distintivo que o represente Presentamos a nosa mascota Panchiño e contaremos o conto As cousas de Panchiño. Conversamos sobre o poster: A escola. Conversamos sobre a escola e as súas dependencias. Facemos unha visita polas dependencias da escola: outras clases, patio, clase de psicomotricidade, sala dos ordenadores, cociña e falamos do que se fai nelas e coñecemos outras educadoras e compañeir@s. Xogamos a encontrar na clase cousas duras e brandas, saltaremos nun colchón brando e despois no chan,miraremos que partes do noso corpo son duras e brandas. Empezamos a identificar a cor amarela. Preparamos o recanto da cor amarela.pediremos as familias que nos traian cousas desta cor e nos tamén as buscamos no material que temos na clase e poñerémolas todas neste recanto. Empezamos co Libro da Cor Amarela.Este libro fixémolo ó longo deste trimestre. Traballamos a discriminación e o recoñecemento do círculo:debuxamos circulos con xiz no chan e no encerado, modelamos plastilina facendo churros e formando logo círculos,facemos círculos con fíos de la, xogamos con aros Buscamos círculos entre todos os bloques lóxicos. Debuxamos distintas formas no chan da clase e pedirémoslle ós 55

56 que se metan dentro dos círculos. Traballamos sobre os distintos tamaños dos obxectos: grande-pequeno: buscaremos cousas na clase que sexan grandes e pequenas,agruparemos obxectos (botóns, pedras) según o seu tamaño,damos pasos grandes coma os elefantes e pequenos coma as formigas Facemos actividades diversas para estimular a expresión libre do trazo: trazamos coa man movementos no espazo, garabateamos sobre area,serrín,fariña,debuxamos libremente no encerado. Ensartamos pezas. Pintamos con esponxas, ben en folio ou en papel continuo. Escoitamos a canción Imos para a escola. Tocamos a pandeireta forte ou frouxo segundo indique a educadora. Traballamos sobre elementos iguais e diferentes: buscamos na clase, sacamos obxectos de dentro dunha caixa, colocamos varios obxetos dentro dun círculo e vemos cales son iguais Traballamos sobre a noción espacial: dentro-fóra.exploramos o noso corpo con algunha actividade de psicomotricidade (meterse dentro dun barreño ),metemos e sacamos determinados obxectos nunca caixa Falamos sobre cando empezamos a andar, escoitámola canción Agora xa ando e aprendémola. Traballamos co libro A miña historia e conversamos sobre cando os nen@s empezaron a andar. Contaramos o conto Riciños de ouro e traballamos sobre el.despois poderano levar para a casa. Observamos a lámina de arte A Avoa e a nen@ nun banco do parque e falamos sobre ela. Falamos sobre o corpo e as partes da cara a boca, as meixelas, o pelo e facemos os traballiños correspondentes. Traballamos o Libro das Emocións os termos triste e contento. Realizamos movementos libres a partir da canción Os fantasmas. Participamos en xogos colectivos como As estatuas. Imos á clase de psicomotricidade e seguimos as ideas que nos da a guia do método para tratar distintos temas. Experimentamos con pinturas, pintando en papel continuo ou en folio. Recoñecemos a foto na percha donde gardaremos as nosas pertenzas. Escoitamos diversos sons e logo en silencio relaxámonos.introduciremos fragmentos de música clásica. Celebramos o Samaín. Celebramos os aniversarios. Imos ó vídeo unha vez á semana. Panchiño acompañará a cada nen@ á sua casa unha fin de semana.xunto 56

57 con Panchiño enviaremos o Libro de Panchiño no que pediremos ás familias a sua colaboración para que vaian cubrindo a páxina que se lles indica,contándonos como resultou a experiencia. Facemos a nosa plantación particular: plantaremos un bulbo de francesilla e tamén landras ( trasplantaremos os carballos o Día do Medio Ambiente). NOVEMBRO/DECEMBRO: Coa chegada do mes de Xaneiro empezamos o segundo trimestre, despois das festas de Nadal os nen@s chegan á escola con moito que contar: os xoguetes que lle trouxeron os Reis e Papá Noel,o colorido que viron nas rúas,a decoración que puxeron nas suas casas para estas festas, polo que aproveitaremos esta circunstancia para traballar sobre os xoguetes: as suas calidades (cor, forma, material, texturas ),os hábitos que implican (coidalos,ordenalos,compartilos ) Xa nos atopamos en pleno outono, o que conleva uns cambios no noso contorno, polo que durante o que queda deste mes de novembro e parte do de decembro traballamos na unidade do outono. E xa coa chegada do mes de decembro traballamos sobre unha festa tan esperada polos cativos como é o Nadal. As actividades que realizamos relativas a estes dous centros de ínterés foron: Decorámola clase de acordo co tema que estamos a tratar. Seguimos insistindo no establecemento das rutinas: saúdo ó entrar,despedida á saída,conversa, facemos actividades, tomámola galleta,imos ó retrete, saímos ó patio, relaxámonos escoitando música,xogo libre nos recunchos, cambio de cueiros quen o precise, preparámonos para a comida, imos ó comedor, cepillamos os dentes, durmímola sesta Celebrámola festa do Magosto. Facemos unha/as receitas de cociña para aportar á festa. Empezamos a preparar a saída ó Pazo da Peregrina e aproveitaremos esta saída para ir facendo comentarios sobre a Seguridade Vial. Saímos de excursión ó Pazo da Peregrina e aproveitamos para observar os cambios que se dan na paisaxe coa chegada do 57

58 outono: recollemos follas que caeron e xogamos con elas, observamos as árbores espidas Traemos á escola entre todos froitos típicos do outono:mazás,granadas, uvas, noces,castañas e aproveitaremos para tocalas, pelalas e probalas Traemos espigas de millo e debullámolas. Metemos os grans en botes e escoitamos o ruído que fan. Unha vez que debullámolo millo aproveitamos os carozos para facer construcións.tamén os clasificaremos según o seu tamaño, botámolos dentro dunha caixa ou poñémolos fóra Traemos piñas e pintámolas de distintas cores e despois servirannos para decorar a clase. Observaremos como segue o noso horto: se xa van saíndo os bulbos,se teñen falta de regar, de sacarlle as herbas malas Faremos comentarios sobre láminas onde aparecen roupas de abrigo que poñemos cando chega o frío. Pegamos materiais de distintas texturas de cor amarela nunca cartolina e poñémola no recanto da cor amarela. Escollemos follas na rúa que sexan de cor amarela e pegámolas nun folio. Buscamos por toda a clase cousas desta cor. Seguimos facendo o libro da cor amarela. Facemos actividades para distinguir dentro-fóra. Falamos de cómo imos medrando: xa camiñamos soiños,comemos co garfo,bebemos polo vaso, non usamos o chupete e comparémonos cos bebés e un día imos a visitalos á sua clase para ver o diferentes que somos. Facemos os traballiños que hai no método relacionados co outono. Escoitamos as cancións relacionadas co outono. Seguimos facendo actividades nas que teñamos que clasificar obxetos segundo sexan grandes ou pequenos. Pintámolas nosas mans con pintura de cor amarela e estampámolas nun cacho de papel continuo. Xogamos con papeis de xornal:rachámolos e escoitamos o ruído que fan,arrúgamolos,facemos un camiño na clase e imos por el sen pisar fóra,facemos bolas e xogamos con elas a metelas dentro dunha caixa,tapámonos con eles Buscamos por toda a clase e clasificamos o material que temos segundo sexa duro ou brando. Collemos botellas valeiras de auga e botámoslle auga mesturada Poñemos gomets de cor amarela nunha man e doutras cores na outra e os nen@s deberán levantala man na que teñan o gomet amarelo. Collemos a caixa dos instrumentos e facemos sonidos fortes e débiles Seguimos indo á clase de psicomotricidade unha vez á semana, e tamén 58

59 ó video e á sala de ordenadores. Pintamos no encerado con ceras de distintas cores. Mirámonos no espello e recoñecemos elementos da cara: ollos,meixelas, boca cabelo Xogamos con plastilina da cor amarela. Ensartamos pezas de distintas formas nun cordel. Seguimos disfrutando de Panchiño na casa de cada un. Celebrámolos aniversarios cunha pequena festa. Comentamos murais, láminas,fotos sobre o Nadal. Preparamos a nosa actuación para o Festival de Nadal. Escoitamos e cantamos panxoliñas. Conversamos sobre a celebración destas festas: todo o noso contorno énchese de luz e colorido,hai árbores de Nadal por todas partes,hai un ambiente festivo ó noso arredor Facemos os traballiños que temos no método relacionados con esta temática. Facemos unha manualidade para o Nadal. Conversamos sobre a costume de facer agasallos no Nadal e a de felicitar as festas. Falamos sobre as nosas familias con quen imos pasar estas Festas e comparámola coa familia de Panchiño, xa que os animais tamén teñen familia. Traemos á clase doces típicos do Nadal e manipulámolos e probámolos. Utilizámolos instrumentos musicais e facemos énfase nos que son típicos destas datas:a pandeireta. Rematamos o libro da cor amarela. Conversamos sobre o inverno e traemos á clase distintas fotos debuxos onde aparezan paisaxes típicos desta estación. Falamos da roupa que poñemos para abrigarnos nos días de frio. Obedecemos á hora de facer os recados que nos mande a profe: traer cousas pequenas,grandes, redondas, de cor amarelo Facemos sons co corpo: aplaudimos, damos golpes cos pes no chan,asubiamos, gritamos 59

60 SEGUNDO TRIMESTRE: XANEIRO/FEBREIRO: Coa chegada do mes de Xaneiro empezamos o segundo trimestre, despois das festas de Nadal os nen@s chegan á escola con moito que contar: os xoguetes que lle trouxeron os Reis e Papá Noel,o colorido que viron nas rúas,a decoración que puxeron nas súas casas para estas festas, polo que aproveitaremos esta circunstancia para traballar sobre os xoguetes: as súas calidades (cor, forma, material, texturas ),os hábitos que implican (coidalos,ordenalos,compartilos ). Unha vez rematada esta unidade e xa no mes de febreiro e coincidindo co Entroido, aproveitamos para falar e traballar sobre esta festa, na que os nen@s disfrutan tanto.e para traballar sobre estes dous temas realizamos as seguintes actividades: Retiramos todos os adornos do Nadal e decoramos a clase con motivos alusivos ó inverno, estación que comezou a finais do mes pasado. Conversamos sobre a lámina desta unidade. Os xoguetes. Contamos o conto Panchiño é moi brincador e ó rematar a unidade cada nen@ levará o seu para a casa. Xogamos a identificar texturas: sentarémonos en círculo e no medio poñeremos varios xoguetes de diferentes materiais, irán collendo un a un e falaremos sobre o material do que está feito. Traballamos coas láminas de hábitos, concretamente coa de ordenar xoguetes e reflexionaremos sobre ela. Acompañamos esta tarefa de recoller os xoguetes coa canción Eu teño un xoguete. Escoitamos o conto O parrulo feo e responderemos a diversas preguntas sobre el. Introducimos a cor vermella. Empezamos o libro da cor vermella. Preparamos o recanto da cor vermella, para o que pediremos a colaboración dos pais para que nos traian obxetos para a clase desta cor. Clasificamos obxectos que encontremos pola clase segundo sexan de color amarelo ou vermello. Traballamos a forma cadrada, a través de actividades previas de manipulación observación e exploración. Xogamos a diferenciar obxectos de forma redonda que poidamos encontrar pola clase dos que sexan cadrados. Comparamos obxectos e diferenciámolos segundo a sua 60

61 lonxitude.introducimos o concepto de longo/curto. Introducimos o trazo de liñas verticais a través de distintas actividades:realizamos o movemento de arriba abaixo coa man,poñeremos na parede un cacho de papel continuo e trazaremos liñas con xiz de colores que despois os nen@s deberán repasar Escoitamos a canción Eu teño unha boneca e intentaremos memorizala para despois cantala todos xuntos. Aproveitando que estamos a falar dos xoguetes, intentaremos que memoricen os versos da rima tradicional Arre cabaliño. Traballamos a expresión plástica pintando con diversos utensilios: coas mans, con cepillos de dentes, con esponxa Traballamos o concepto igual/diferente a través de distintas actividades. Traballamos sobre as nocións espaciais enriba/debaixo con diversas actividades corporais para que os nen@s experimenten estas nocións co seu corpo e despois pedirémoslles que as apliquen a outros obxetos. Traballamos sobre unha parte do noso corpo en concreto: as mans. Conversamos a cerca das cousas que podemos facer coas mans: tocar,coller, fregar e deixaremos que se expresen libremente e aproveitaremos para escoitar a canción Frega as túas mans do CD. Traballamos a lámina de hábitos de autonomía persoal sobre lavarse as mans.intentaremos inculcarlle o costume de lavar as mans sempre que as teñamos porcas. Escoitamos a canción As mans baixo a billa que atoparemos no CD. Seguimos co Libro da Miña Historia nas páxinas referentes ó tema de estar sucio (pax. 5 e 6). Facemos as fichas referentes as mans que temos no libro do corpo (pax 7, 8 e 9). Traballamos sobre o libro das emocións o concepto de estar triste. Comentamos a lámina de arte: can, paxaro,coche con bebé, xoguetes deseñados por Alexander Calder. Empezamos durante este mes a ir á sala de ordenadores, na que poderán experimentar coas novas tecnoloxías: tomar contacto co monitor, co teclado, co rato... Seguimos indo unha vez por semana á clase de psicomotricidade e seguiremos as indicacións que se nos dan na guia do método. Imos tamén ó video e intentaremos ver películas relacionadas co tema que estamos a tratar. Dedicamos todos os días un tempo importante ó xogo libre, vixiado polas profes para acostumalos a compartir, a esperar,a non pelexar,a desensenvolvela imaxinación co xogo simbólico Celebámolo Día da Paz o 30 de Xaneiro. 61

62 Presentamos o tema do Entroido explicándolle ós nen@s que facemos nestas festas: pintámonos a cara, poñemos roupas distintas as que poñemos o resto do ano Presentamos murais e fotos nas que aparece xente disfrazada e pintada. Traemos á clase os disfraces e animamos a todos os nen@s a que se disfracen.intentaremos que eles poñan e saquen as roupas coas que queren disfrazarse. Unha vez que estamos disfrazados e pintados mirámonos ó espello para ver o guapos que estamos. Probamos alimentos típicos destas datas: Filloas, orellas Traballamos na confección do noso disfraz. Celebramos unha merenda de Entroido xunto coas nosas familias na que vimos todos disfrazados ( papás, mamás, irmáns,profes ) e na que o pasamos moi ben. Traemos á clase confeti,globos,serpentinas e xogamos todos xuntos con eles. Probamos alimentos doces e salgados. Para distinguir texturas diferentes manipulamos obxectos rugosos, lisos, frios, quentes, suaves, ásperos Escoitamos música típica destas festas e bailamos ó seu ritmo. Agrupamos obxectos e xoguetes atendendo ó seu tamaño: grande, mediano e pequeño. Facemos xogos de ensartar,enroscar Imos visitar o noso horto e coidamos que as prantiñas medren bonitas. Facemos xogos nos que teñamos que discriminar as cores vermella e amarela: vexo vexo Qué ves?. Imos ó recuncho da cor vermella e nomeamos todos os obxectos que cada nen@ trouxo da súa casa.serviramos para traballar a cor e para tocar e nomear distintas texturas. Facemos xogos na clase nos que discriminemos entre a forma cadrada e a redonda. Pintamos no chan un cadrado e un círculo e pedirémoslle ós nen@s que se metan dentro do cadrado, fóra do círculo Pintamos nun folio cadrados e círculos amarelos e vermellos. 62

63 MARZO: O tema que traballamos ó longo deste mes de marzo foi o dos animais, un tema que esperta nos nen@s moita curiosidade, xa que é un elemento do contorno moi atractivo para eles e do que falamos ó longo de todo o curso, pero no que faremos máis fincapé e o que prestaremos maior atención ó longo deste mes. Ó longo destes días aprenderemos moitas cousas sobre os animais: cómo viven,qué comen,cómo dormen e todo o que teña relación con eles. Ademais de introducir a forma do triángulo e a cor azul. Para traballar este tema realizamos as seguintes actividades: Decorámola clase para traballalo tema dos animais. Conversamos sobre a lámina: Os animais. Contamos o conto Os amigos de Panchiño, no que Panchiño vai atopando animais que son amigos seus. Pegamos por a clase láminas de animais e aproveitaremos para xogar ó xogo do vexo, vexo.. e aproveitaremos para repasar as cores que vimos ata o de agora. Pedímoslle a colaboración dos pais para que cada neno traia á escola a foto dun animal e facemos un pequeno libro sobre eles. Rasgamos papeis de xornais e de revistas en anacos pequenos. Traballamos sobre a lámina de hábitos sociais: saber formar unha fila.a canción O tren ( pista 29 do CD) axudaranos. Introducimos a cor azul. Facemos o recanto da cor azul con obxectos que traerán os nen@s das súas casas. Deixamos que os nen@s manipulen e observen diferentes fotografías de animais e que despois nos expliquen algunha característica sobre eles. Podemos traer á clase algún animal que teñan na casa de mascota e que poidan observar e coidar sen ningún tipo de perigo: un paxaro,un hamster, un peixe Introducimos a forma triangular e repasamos a circular e a cadrada. Deixamos que os nen@s manipulen obxectos de forma triangular:pezas, bloques lóxicos,o triángulo musical,triángulos feitos en cartolina Facemos un triángulo grande e deixarémolo colgado na clase mentres traballemos esta forma. Trazamos triángulos no encerado, no chan,en fariña, en area Facemos triángulos con tres paos,con lapis, escarvadentes Xogamos cos bloques lóxicos e distinguiremos entre circulos, cadrados e 63

64 triángulos. Facemos no chan un ou varios triángulos. Traballamos a medida alto/baixo mediante as pezas de contrucción facendo torres altas e baixas. Aproveitamos a lámina dos animais que temos colgada na clase para comentar as diferenzas de altura que vemos. Faremos distintas actividades para introducir o trazo de liñas verticais:repasarán as liñas pintadas no encerado,trazaremos camiños horizontais en area, fariña, serradura,poñeremos un papel de envolver na parede e marcaremos o punto de inicio para que practiquen o trazo horizontal Escoitamos a canción O elefante (pista 5 do CD) e aprenderémola. Traballamos sobre as relacións lóxicas: a mesma dirección.xogaremos ó xogo da araña,xogaremos con coches que vaian na mesma dirección,miraremos todos na mesma dirección, observaremos a lámina dos animais e diremos os que van na mesma dirección Memorizamos o poema A fala dos animais. Traballamos a noción espacial. diante/detrás con distintas actividades. Traballamos os hábitos de autonomía persoal: A vestirse!, conversamos sobre a lámina e deixamos que practiquen.escoitamos a canción Ao saír da casa (pista 24 do CD). Contamos o conto O caracol e despois compoñeremos as catro viñetas e poderano levar para a casa. Comentamos a lámina de Arte: O neno e o año. Desprazámonos como o farían os distintos animais e tamén camiñaremos como o faría unha formiga ou un elefante. Traballamos o corpo : de cara e de costas. Traballamos o libro das emocións: axudar, cooperar e compartir. Escoitamos a audición O lago dos cisnes de Tchaikovsky. Xogamos ó xogo do rato e o gato,escoitamos a canción (pista 46 do CD ). Falamos da nosa mascota Panchiño sobre: que animal é, que son fai, de que color é,como é Celabámolo Día do Pai e facémoslle un regaliño:un chaveiro de barro. Preparamos a saída a granxa de Tapia. ABRIL/MAIO: Ó longo do mes de abril e primeiros de maio traballamos a unidade dos alimentos : que comemos, onde os compramos, cómo comemos, este tema tamén nos permitiu realizar algunhas experiencias sensoriais como distinguir entre frio/quente, doce/ salgado 64

65 Insistimos no hábito de comer de xeito autónomo: que utilicen os cubertos,que coman sentados na cadeira sen levantarse, que mastiquen ben antes de tragar E como hábito social valoramos o silencio As actividades que realizamos foron as seguintes: Ambientámola clase de acordo co tema que imos traballar. Este mes levamos a cabo as Xornadas de portas Abertas, nas que poderán participar todos os pais/nais ou familiares que así o desexen e dedicarémolas as profesións.se fose necesario poderiamos prolongar a actividade durante a primeira semana do mes de maio. Colgamos na clase a lámina correspondente ós alimentos e deixarémola mentres traballemos a unidade. Observamos a lámina e conversamos cos nen@s sobre o tema que nos propón. Contamos o conto de Panchiño ten fame. E logo cada nen@ leva o seu para a casa, para que seus pais llo poidan contar. Distinguimos entre os sabores doce e salgado, levamos á clase un prato con azucre e outro con sal e deixamos que os proben.tamén levamos alimentos doces e salgados. Conversarmos sobre cales prefiren. Ensinamos fotografías sobre distintos alimentos para que os recoñezan e os identifiquen. Pedirémoslle a cada nen@ que traia fotografías ou recortes de distintos alimentos e despois faremos un mural nos que os dividiremos nos distintos grupos: lácteos, verduras, froitas, carnes, pescados e colgarémolo na clase. 65

66 Traemos á clase distintos tipos de alimentos: galletas, froita, chocolate, pan, iogurt, leite,cos ollos pechados identificaranos e despois poderanos probar. Conversamos sobre as catro comidas principais que facemos ó longo do día: almorzo,comida,merenda e cea, e falaremos sobre o que podemos comer en cada unha. Podemos facer unha receita moi sinxeliña cos nen@s e despois probámola. Traballamos o hábito de saber estar en silencio, para poder traballalo pediremos ós nen@s que estén calados para poder escoitar os sons que nos rodean: o timbre, os nen@s no patio, o teléfono Seguimos afianzando o recoñecemento do triángulo, que introducimos na unidade anterior. Traballamos as diferentes magnitudes cuantitativas dos obxetos: moitos/poucos, mediante distintas experiencias. Traballamos o trazo horizontal. Pintamos con iogurt de distintas cores : chocolate, amorodo e limón e pintaremos sobre cartolinas brancas de forma libre e coas mans. Escoitamos a canción Comemos de todo de Toneti na pista 6 do CD. Facemos encaixables e relacionaremos a imaxe coa sua sombra. Traballamos as nocións espaciais: aberto/pechado, con distintos obxectos que podamos abrir e pechar (portas, ventás,botellas,caixas ). Pintamos con pintura doce. Traballamos sobre os hábitos de autonomía persoal e conversamos sobre a lámina xa como só e escoitamos a canción Abro a boca que atopamos na pista 25 do CD. Seguimos completando o Libro da miña historia nas páxinas 9 e 10 relativas a o tema da comida. Contamos o conto popular Os sete cabritiños e o lobo e mostrarémoslles as láminas das ilustracións.despois confeccionámoslle o conto coas catro viñetas e poderano levar para a casa. 66

67 Conversamos sobre a lámina de arte Neno comendo uvas de Joaquin Soraya. Escoitamos a canción Sons do corpo na pista 38 do CD e pedímoslles que intenten facer sons coas diferentes partes do corpo que se nomean. Traballamos a páxina 13,14 e 15 do Libro das emocións das habilidades sociais e o medo. A mediados de mes trasplantamos os bulbos dos tulipáns para poder plantar chicharos e leitugas. Seguimos co Libro da cor azul. Celebrámolo Día do libro. Falamos sobre a Pascua e faremos unha manualidade. Seguimos indo ó video,a psicomotricidade e á sala de ordenadores unha vez por semana. MAIO/XUÑO: Durante este mes maio e primeiros de xuño imos traballar a unidade do xardín, xa que acaba de empezar a primavera e aproveitamos esta circunstancia para observar os cambios no tipo de animais, de flores,de olores, de sons que podemos atopar no xardín. Aproveitamos o comezo do verán para observar o noso contorno e trataremos de percibir os cambios climáticos que se dan coa chegada desta nova estación e tamén as rutinas temporais, a maneira de vestirnos, as costumes á hora de aproveitar o tempo libre. Conversamos sobre as vacacións e os medios de transporte que se poden usar en función do lugar que elixamos para irnos de vacacións. Utilizamos tamén este mes para afianzar conceptos adquiridos en meses anteriores ou incluso rematar algúns dos traballos que nos queden pendentes. Realizamos as seguintes actividades: Ambientámola clase para a chegada da primavera Colocamos na clase a lámina relativa á unidade que nos ocupa e conversaremos sobre ela. A primeiros do mes de maio é o Dia da Nai polo que lle faremos un pequeno agasallo. Contamos o conto de Panchiño e as flores e logo poderano levar para a 67

68 súa casa para que os seus pais llo volvan a ler. Experimentamos cos olores,falando concretamente dos que solemos encontrar no xardín, pero tamén uliremos os correspondentes a café, chocolate, colonia Estampamos nun papel con cortiza ou con cenoria cortada en toros. Traballamos o hábito social de pedir perdón e de resolver pequenos conflitos con palabras ou xestos. Introducimos a cor verde. Preparamos o recuncho da cor verde con obxectos que deberán de traer os nen@s das súas casas.. Saímos ó patio un dia que faga bo día e buscaremos polo xardín cousas que sexan de cor verde. Escoitamos no CD os sons da natureza e pedirémoslles que os identifiquen. Traballamos o concepto de medida máis/menos e moitos/poucos con distintas actividades. Traballamos o xesto da pinza apredéndolles a facer pinza en anaquiños de plastilina e tamén dándolle pinzas da roupa para que practiquen a abrilas e pechalas facendo este movemento. Escoitamos a canción Teño un xardín de Taboada na pista 4 do CD. Traballamos as asociacións conversando sobre o lugar onde realizamos determinadas accións. Traballamos as nocións espaciais arriba/abaixo. Traballamos hábitos de autonomía persoal, concretamente o de facer pis e utilizamos o libro A miña historia ( pax. 7 e 8 ) e para ilustrar o tema e tamén facemos a ficha nº 12 do caderno O meu corpo. Escoitamos e aprendemos a canción Eu teño un pis na pista 23 do CD. Contamos o conto popular de Os tres porquiños utilizando as láminas das ilustracións e compoñeremos con catro viñetas o conto para que o poidan levar para a casa. Comentamos a lámina de arte Flores de Andy Warhol. Traballamos o esquema corporal, centrándonos nas pernas e nos brazos e escoitaremos acanción Unha mosca moi molesta na pista 34 do CD. Escoitamos a canción Nun cabaliño gris e realizaremos cos nen@s o xogo de regazo. Traballamos no libro das emocións triste/contento (pax. 8 e 9). 68

69 Adicamos unha semana deste mes á Semana da Arte este ano adicada a PICASSO. Conmemoramos o Dia das Letras Galegas este ano adicadas a Uxio Novoneyra. Ó longo Do mes de xuño cada nen@ levará o Libro de Panchiño para a sua casa para que o poidan ver rematado. Conversamos sobre o remate do curso, o Festival que imos a celebrar, as vacacións, a entrada no cole de maiores Preparamos a excursión, e levaremos para transplantar os carballos que plantamos en setembro, se é que algún saiu arriba. Preparamos o Festival de Fin de Curso e envolvemos o diploma que lle imos dar aos nosos nenos e nenas Identificamos mediante fotos, murais, libros lugares de ocio onde podemos pasar as nosas vacacións:mar, piscina, campo Recoñecemos medios de transporte relacionados coas viaxes. Repasamos as cores que vimos ó longo do curso: amarela, vermella, azul e verde. Recordamos as formas redonda, cadrada e triangular. Rematamos o Libro da cor verde. Distinguimos cousas frias e quentes. Fomentamos o uso do baño de forma autónoma por parte de tod@s, xa que todos deberíamos estar sen cueiros. Asociamos prendas de vestir coa estación que na que estamos. Probamos os xeados, alimentos típicos do verán. Seguimos recordando o esquema corporal,cada vez de forma máis fragmentaria: nocellos, xeonllos, ombros, cóbados, gorxa Traemos á clase froitos típicos do verán e tocámolos, ulímolos,probámolos Xogamos coa mesa de auga no patio de fóra e observamos como se funden ou flotan os obxectos, facemos escuma, refrescámonos Levamos rematado para a casa o Libro das Cores. Saímos ó patio de fóra sempre que esté bo tempo e disfrutamos xogando coa area, as carretillas,na herba CONCLUSIÓNS: 69

70 Unha vez que remata o curso e xa pasamos xuntos nove meses e hora de facer unha avaliación, pois é unha parte moi importante do proceso educativo.debemos polo tanto reflexionar sobre o que pretendíamos facer cando comezamos no mes de setembro e o que conseguimos agora que xa nos atopamos no mes de xuño e xa os nosos nen@s se teñen que marchar para o cole dos maiores. Se miramos cara atrás o período máis difícil que vivimos neste curso é o período de adaptación,tanto para os nen@s como para as profes, aínda que en xeral non tivemos grandes problemas sempre nos atopamos algún que outro caso no que lles costa máis a separación do ambiente familiar. Cada curso plantexámonos facer programacións que non sexan moi densas, pero case sempre caemos e seguimos facéndoas bastante amplas, pois queremos abarcar moitos conceptos e experiencias.aínda que nos fixamos moitos obxectivos somos conscientes de que moitos deles están en proceso, pero son unha boa base para iniciar o segundo ciclo da Educación Infantil.Xa que nestas idades os nen@s teñen unha gran plasticidade cerebral o que lle permite absorber todo como unha esponxa. Ó longo do curso conseguimos alcanzar moitos logros como: Todos medraron moito en todos os niveis: móvense con moita habilidade e manipulan tanto xoguetes como puzles, encaixables, pezas,tablas de cosido como as bicis, coches, motos e sortean obstáculos sen problemas. A hora de controlar esfínteres case todos van ó baño e son bastante autónomos, sempre que a roupa que traen posta llo permita, por iso insistimos tanto ás familias que non lles traian petos, cintos Moitos incluso xa non poñen o cueiro para durmir a sesta, aínda que sempre temos algún escape, pois están moi entretidos e cando se acordan xa non lles da tempo. Á hora da comida intentan comer sos, aínda que este curso temos que dicir que algúns están feitos uns vagos e temos que axudarlles nós. Case todos participan con entusiasmo nas actividades propostas e fanas con gusto e incluso eles propoñen algunhas. A maioría exprésase bastante ben e ó longo do curso foron adquirindo moitos conceptos que fomos introducindo a modo de xogo. 70

71 As rutinas diarias que fomos asimilando dende o primeiro de curso cumprenas e téñenas interiorizadas, o que nos permite ter unha boa organización e poder levar a cabo os obxectivos marcados. A experiencia con Panchiño, a nosa mascota, foi ben acollida e a todos lles gusta moito levalo para a casa e despois velas fotos que cada un pon no libro. As excursións que fixemos ó longo dos trimestre foron un éxito, sobre todo as que fixemos á granxa de Tapia e a Trasmonte, pois gustoulles moito ir en autobús. Todos se relacionan cos demais compañeiros sen problemas, aínda que sempre teñen algún amiguiño especial co que comparten os seus xogos preferidos. Gustoulles moito a experiencia de Portas abertas, pois para eles e unha novidade moi grande poder ver dentro da súa clase ós seus pais compartindo con eles unhas experiencias distintas ás que podemos facer nós con eles. Pero temos que ser realistas e recoñecer que hai moitas cousas que lles costa facer como: compartir, recoller, escoitar as profes cando lles corrixen algún comportamento,obedecer a certas órdenes e agora xa ó remate do curso están todos moi cansos e todo lles costa máis.de todas formas estes son obxectivos a cumprir a longo prazo, así que teñen aínda moito tempo para conseguilos. Antes de rematar esta memoria queremos dar as grazas a todas as familias que colaboraron con nós sempre que os necesitamos para levar a cabo calquer actividade. 71

72 72