Esta actividade foi realizada cunha axuda económica de:

Transcrição

1

2 Esta actividade foi realizada cunha axuda económica de:

3 EDITORIAL Os humanos e as abellas Se observamos o discorrer das abellas nos últimos anos podemos chegar a algunhas conclusións de onde nos levan certas actividades humanas. A globalización trouxo a varroa para as nosas abellas no ano 1987, e agora no ano 2012 trouxo a Vespa velutina. Os dous inimigos das abellas viñeron de Asia e viñeron para quedar, e bastantes problemas trouxo a varroa e bastantes vai traer tamén a avéspora asiática. O cambio climático: as nosas abellas enxameaban na primavera, meses de abril, maio, xuño, dependendo das zonas e dos anos, pero agora, por exemplo este ano, enxamearon desde febreiro ata outubro. Cada ano enxamean máis, este ano un 50% máis ca o ano pasado, e xa non respectan as estacións. O mel de eucalipto era abondoso e moi demandado, agora cada ano temos menos. Pola contra, cada ano temos máis melato de carballo, Quercus pyrenaica. A gran revolución agraria. A partir do ano 1994 impúxose no mundo un xeito distinto de producir alimentos baseado nos monocultivos transxénicos e nos pesticidas sistémicos neurotóxicos, que fan desaparecer máis do 30 % das nosas abellas cada ano. En Galicia temos unha horticultura intensiva, o millo forraxeiro e os tratamentos sobre os eucaliptos, que puxeron a vida das nosas abellas ao límite, sobre todo na provincia da Coruña e Pontevedra, coa desaparición do 60 % das abellas e dos abelleiros nos doce últimos anos. Hai camelias que tamén aproveitan as abellas Se observades as abellas veredes que a súa subsistencia e a de moitos outros seres vivos, así como a propia biodiversidade, están ao límite na biosfera por mor do comportamento humano nos últimos quince ou vinte anos. Imponse un cambio nos comportamentos humanos e canto antes o fagamos mellor será. As abellas estannos a recordar a diario esta necesidade. 5

4 AGA INFORMA AGA INFORMA Actividades realizadas por AGA durante o ano Formación e información aos abelleiros en materia de apicultura con cursos, xornadas, mostras en distintos puntos de Galicia, coa participación de 803 apicultores e apicultoras, en máis de vinte actividades, dentro do programa da liña A do Plan Apícola Control integral de enfermidades das abellas e mellora das condicións de tratamentos co fin de desenvolver unha apicultura sustentable, dentro da liña B do Plan Apícola 2012: reciclaxe de ceras, implantación de fondos sanitarios, formación e asesoramento técnico por medio dos servizos veterinarios de AGA sobre doenzas e a avéspora Vespa velutina, un novo inimigo das abellas que xa está presente en Galicia, pois apareceu este outono en varios lugares da comunidade. 6. Asesoramento técnico e atención aos socios e socias durante seis horas diarias na sede de AGA. 7. Organización de diversas actividades por medio das DAGA e de feiras do mel en distintos puntos de Galicia. 2. Reprodución e seguimento de abellas do PAT (abellas tolerantes á varroa), coa distribución de 54 enxames para o programa «Pon unha colmea na túa horta» dirixido a novos abelleiros e abelleiras que se fixeron socios de AGA. 4. Xestión de seguros apícolas dentro do programa da liña C do Plan Apícola deste ano. 5. Edición e envío da revista Abelleira co contido dalgunhas das actividades do programa de AGA durante o ano

5 AGA INFORMA 9. Iniciación do curso de API-E, emprendedores, no que están inscritos 26 participantes. Este curso iniciouse en Trasalba (Ourense), na Fundación Otero Pedrayo, e dentro deste ano 2012 organizou en Lugo o Mercado de Nadal produtos das abellas-lucus Mel 2012 o día 16 de decembro. 8. Viaxes apícolas: ao primeiro Congreso Europeo de Apicultura, do 10 ao 14 de outubro, en Agen (Francia). DAGA Eume e Barbanza con viaxes a Macmel, Portugal. DAGA-A Coruña a Carnota... 9

6 AGA INFORMA 10. Posta en funcionamento do novo etiquetado para o mel de «produción primaria, destinado ao consumidor final». AGA facilita esta etiquetaxe coa nova etiqueta de «Das miñas colmeas». Dentro duns meses sairá publicado no DOGA o decreto que regula este tipo de produción e etiquetado, no sector apícola, poderase usar para o mel, pole, própole e xalea. Servirá para a venda de ata quilos de mel, 450 quilos de pole, 30 quilos de própole e 10 quilos de xalea real por produtor e ano. Co decreto sairá un impreso para entregar na administración decindo que un vai usar este sistema e tamén sairá publicada a Guía de Boas Prácticas Apícolas que elaborou AGA e que finalmente foron consensuadas co resto das organizacións apícolas. O abelleiro deberá ter o día o caderno de explotación apícola e levar un libro para ir anotando a quen lle vende o mel e os outros produtos durante o ano. 11. Participación en diversas actividades da «Plataforma contra as fumigacións. Por un futuro sen pesticidas», ante o intento de tratamento aéreo contra o goníptero dos eucaliptos cun insecticida prohibido pola UE debido á súa perigosidade. Conseguiuse que a Consellería do Medio Rural non autorizase ningunha actuación deste tipo. 11

7 AGA INFORMA 12. Pertenza e desenvolvemento de actividades dentro da Coordinadora Apícola Europea, Coeur, en defensa das abellas contra os pesticidas sistémicos neurotóxicos causantes da enorme desaparición das abellas en todo o mundo. AGA logrou que a Comisión 7.ª, de Agricultura, Alimentación, Gandería e Montes, do Parlamento de Galicia visitase as nosas instalacións en Arzúa e tamén que os seus membros tivesen un encontro cun apicultor moi afectado pola desaparición das abellas. 13. Afiliación de AGA á Confederación en Defensa de la Abeja en la Cornisa Cantábrica, CODACC. Afiliación de AGA á Asociación para a Promoción de Congresos AFCA. AGA e AFCA serán as entidades organizadoras do VII Congreso Apícola Hispánico, que terá lugar os días 3, 4 e 5 de outubro de 2014 en Santiago de Compostela, cunha participación esperada de máis de abelleiros e abelleiras de toda a península Ibérica. 15. Inauguración do primeiro apiario urbano de Galicia, no xardín botánico do concello de Culleredo. AGA quere incorporarse a esta nova corrente mundial en solidariedade coas abellas e os abelleiros. 16. Desenvolvemento do convenio co 112, Xunta de Galicia, para a recollida de enxames e xestión de niños de avésporas, con preto de setecentos avisos este ano 2012, o que representa un 40 % de avisos máis que o ano anterior. 17. Ao final houbo unha boa produción de mel este ano, tamén houbo unha espectacular enxamía, e os meles son máis escuros do habitual. Os prezos están á alza debido á escaseza de produto a nivel mundial. 14. Posta en funcionamento da nova páxina web de AGA: que servirá para ter informado constantemente ao sector abelleiro de Galicia. Polo que recomendamos unha visita semanal á nosa web. 13

8 AGA INFORMA Programa de AGA para o ano 2013 OBXECTIVOS 2013 Promover a incorporación de novos abelleiros e abelleiras ao sector apícola e a AGA, con base á formación e ao programa Recambio. Elaboración e comercialización de produtos innovadores polo grupo APIE, co fin de ter un maior valor para as nosas producións e promover a suba do prezo do mel e demáis produtos apícolas. Dentro do Plan apícola 2013, realizar un programa sanitario para o control da varroa, da vespa velutina e da loque americana. Dar todo tipo de servicios aos socios e socias de AGA De que ano é esta raíña? ACTIVIDADES 6 horas diarias de atención ao soci@ Seguros. Continuar coas pólizas de R.C. e M.R. Formación: - Cursos teórico-prácticos de iniciación a desenvover en fis de semana: en Lugo, Ourense, Rías Baixas, Culleredo, Santiago, nas Delegacións de AGA e noutros lugares onde haxa demanda. Os interesados nestes cursos xa poden enviar a AGA un , aga@queixoemel.org, cos datos seus para logo informarlos dos días, lugares e horarios do curso ou chamar por teléfono á AGA ( ). Serán gratuítos para socias e socios e terán un custe de 40 para os non asociados. - Cursos especializados: Emprendimento e innovación APIE, outros - Programa sanitario. Dentro do plan apícola 2013.Control de, Varroa, Vespa Velutina. Loque Xestión de tratamentos - Xornadas e xestión de materiais apícolas: Día do apicultor e Mostra Galega de Apicultura en Arzúa. - Día de campo: Selección e reproducción de abellas. Viana do Bolo. Ourense - Día de Campo: Produción ecolóxica. SAT. Abella Lupa-Covelo. Pontevedra - Feiras do mel - Viaxe apícola anual - Información: Web de AGA. Correo Apícola. Revista Abelleira. - Participación dentro da Plataforma contra os pesticidas, Coeur, AFCA, CODACC.Por un futuro sen pesticidas - Programa RECAMBIO : consiste en que un abelleiro que abandona, ou onde haxa un apiario inactivo, etc, un novo abelleir@ poida facerse cargo de darlle continuidade. AGA fará a xestión poñendo en contacto demandantes e ofertantes. - Posta en funcionamento dos distintos modelos de etiquetado para o mel, produción primaria, etc. - Traballos de Organización do VII Congreso Apícola Hispánico que terá lugar os días 3, 4 e 5 de outubro de 2014, en Santiago de Compostela e que organizará AGA - As DAGAS tamén realizarán actividades apícolas: cursos, feiras do mel, viaxes, xestión de materiais, etc. 15