Lamento d um emigrante

Transcrição

1 Lamento d um emigrante A mi di criança ês negâ m direite déxistí Na nha adolescença m ca tive direite dínstruí Na nha madureza ês qqu re robá m direite dei sobrevivê Oh! Deus o que há de ser de nha bidjiça! Ao menos garantí m um residência Na casinha branca Quónde m parti p ess banda boxe. Forte corrê munde Estofode e contente Destino mêrêcido d um emigrante Cantiga de rotcha já ca ê d morada. Tonte trôfegá sem tocá m nada Fazêm um csinha de justiça Dá-m um raizim di Sol também. Deus perdoá-m M tá cansóde de tónte injustiça! Já-m va sabê lê Já-m ca sabê screvê. (Manuel D Novas Manuel de Jesus Lopes)

2 FORÇA DE CRECHEU Ca tem nada na es bida Más grande que amor. Se Deus ca tem medida, Amor inda é maior Amor inda é maior, Maior que mar, que céu: Mas, entre otos crecheu, De meu inda é maior. Crecheu más sabe, É quel que é de meu. El é que é chabe Que ta abrim nha céu Crecheu más sabe É quel Que q rem Se já n perdel Morte já bem Ó força de crecheu, Abri n nha asa em flor! Dixa n alcança céu Pa n bá oja Nós Senhor, Pa n bá pedil somente De amor coma es de meu, Pa n bem da todo gente, Pa todo conché céu! (Eugénio Tavares)

3 BRADA MARIA * Bradei a Deus na noite escura e fria, Na noite horrível da minha agonia; E Deus ouviu -me lá do Céu sem luz, Como ouvira a Maria aos pés da Cruz. Bradei, na sombra, o meu perdido amor; Senti sangrar, meu coração, de dor; E erguendo a voz em pranto, parecia Que era uma estrela morta que gemia. Eu era uma avezinha alegre e pura; Vivendo do gorjeio e da ternura; Um dia viu-me um tredo caçador, Roubou-me a luz e deu em troca a dor. Deixou-me a dor de o ter e de o perder; Deixou-me a dor de não poder morrer, Crucificada nesta esp rança em flor, De ainda recobrar o seu amor. Sorveu, um beijo, toda a minha vida, E me deixou quebrada, esmaecida... Depois abandonou-me só na estada. Morta como uma estrela já apagada. Então bradei a minha mágoa infinda, Até romper no céu a aurora linda. E a minha honra, lágrima perdida, Rolou e se sumiu no pó, sem vida. Se vísseis caçadores sem bondade, Que o abandono é como uma orfandade, Jamais desninharíeis passarinhos Para os lançar à lama dos caminhos! (Eugénio Tavares)

4 BIOGRAFIA DE UM CRIOULO 1 I Ness mundo um nascê Tudo nu peladim Um bem ta espendé de tchôm Um prendê sentá Um prendê rastá És insinam andá na tchôm II Num ambiente modesto Pobre e feliz Ta bai de mon em mon um criá Bençoado pa nhôr Deus Um prendê sorri Um prendê tchmá mãe, mamãe Brincá, gritá e cantá III Depôs já grandim Sabido falá Pa escola ês mandame bai Bá prendê alê pa prendê contá Prendê siná nha mome IV Na nha juventude Tud era banal Na meio di bondade e amôr Mundo era ote côsa Co gente diferente Tinha menos maldade ma ódio Tempo bá ta corrê Nha mundo bá ta mudá V M sai pa strangêr Rodeód de fariseu Na meio di fel ma sangue Um tive sabe e margose Sete mar m corrê Tud sempre ta aventurá 1 Transcrição de César Monteiro

5 VI Na evolução da vida Ma preto ma branco Um conchê mundo intêr na trôte Ta buscá progresso Ta cumprí um distino Ness mundo cigano qui Deus dáme Ma um ta sinti feliz Di ter nascido caboverdiano

6 NOTE DI MINDELO Morno de B. Leza 2 Note de Mindelo É sabe e silenciosa Note de Mindelo É branca e luminosa Note de amor Di lua sim c ma prata Note de Mindelo é sedutor D ôdjos sim c ma mulata Mindelo Paraíso de amor Mindelo Terra sábe e encantador Mindelo Terra di luar e serenata Mindelo Berço de crióla e mulata Note de luar De lua c ma prata Note morena Manso e mimador mindelo Na bô regaço em flor Dixa m ninâ nôs Amadeu. 2 Transcrição de Moacyr Rodrigues

7 TANHA 3 Morna de B.Leza Êss ôdjo di uba maduro Dôs stréla di céu na bô rôsto Tanha di meu, nha Deusa, nha sonho, Dixâ-m dormí nha sono di amôr. Côro Nh amôr pâ bô, ó tanha, Nem qui ondas di mar Bêjá area, bêjá praia, Nh amôr pâ bô, ó Tanha, È amôr di más, Qu retcheu di mar pá area. Di cada vêz qui m lembrá na bô Di céu caíba um stréla, Di tanto pensá na bô, ó tanha, Céu já ca tinha más stréla. 3 Transcrição de Moacyr Rodrigues

8 Segredo co mar 4 morna de B. Leza Oh mar dixâm pedibo um fabor! Pará, bô scutá nha dor. É um fabor que deus ta pagabo bem, Pamô ê um segredo qui m câ tâ frâ ninguém. Oh mar di Dês, oh mar sem fundo! Parâ um minuto ês bô raiba, Bô dixâm frábo um segredo profundo Pa bô lebâ pobre di nha cretcheu Bai mar sagrado bai mar sem fim! Manso, sem vaga, sem fazê pó! Bu ta atchal tâ pedi Dês pâ mim, Mi m tâ ficâ tâ pedi Dés pâ bô. Bô tâ conhêl: toque bô tchigâ, Spiâ bem nês tristéza di meu: Rapariga qui odjabo, el tchorâ Ai! ê ês própe qui ê nha cretcheu. Toqui bô tchigâ, sêl stâ maguádo Consolâ m êl pel ca tchorâ, Ninâ m êl co ar consolado Pel ca sintí cusa qui m stâ passâ. Cusa qui êl frábo, bô tá bem frâm, Bô tâ tazêl na frol di bô água O mar di Dés! Ca bô squecê Djâm ficá li tâ sperábo co ês nha mágua. 4 Transcrição por Moacyr Rodrigues

9 Morna Bidjiça 5 Eugénio Tavares Bedjiça é um amostra certo Pâ no conta co morte perto: Mas, sol de entardecer de idade, Sol brando é el sol de sodade. Sol brando ca ta quemâ Pele de rosto de nha cretcheu. Sol brando, el é sol de gosto Pa ta lumiano porta de céu. Amor é quel que ama co gosto: Na boca mel lebe na peto Amor é mar quando el está manso: Guemê co gosto, amá na descanso. Mar manso é quel mar de nadâ, Mar brando é quel mar de matâ: Amor, ai! quando el é mar brabo, Se ca matâ, el ta derrubado Amor depôs de um certo idade, Quando el sintâ co companhero, Ninguém câ tâ ergue promero, Sem que tud dôs matá sodade Sintâ junto, labantâ junto, Es é que é sabe, es é que é dreto Sintâ co amor, gosâ co assunto, Coraçam lebe, graça na rosto Cretcheu é na debagarinho, Na paz, na graça, na getinho: Amor, pâ bô sintil sê gosto, É na sombrinha de sol posto Mas, quando el é de barbatón, É sem valor, sem tom nem som nha fidjo obi, obi, um consejo: Amor más doce, é amor de bejo 5 Transcrição por Moacyr Rodrigues

10